ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ನಿಶ್ಚಯಂ ಶೃಣು ಮೇ ತತ್ರ
ತ್ಯಾಗೇ ಭರತಸತ್ತಮ ।
ತ್ಯಾಗೋ ಹಿ ಪುರುಷವ್ಯಾಘ್ರ
ತ್ರಿವಿಧಃ ಸಂಪ್ರಕೀರ್ತಿತಃ ॥ ೪ ॥
ನಿಶ್ಚಯಂ ಶೃಣು ಅವಧಾರಯ ಮೇ ಮಮ ವಚನಾತ್ ; ತತ್ರ ತ್ಯಾಗೇ ತ್ಯಾಗಸಂನ್ಯಾಸವಿಕಲ್ಪೇ ಯಥಾದರ್ಶಿತೇ ಭರತಸತ್ತಮ ಭರತಾನಾಂ ಸಾಧುತಮ । ತ್ಯಾಗೋ ಹಿ, ತ್ಯಾಗಸಂನ್ಯಾಸಶಬ್ದವಾಚ್ಯೋ ಹಿ ಯಃ ಅರ್ಥಃ ಸಃ ಏಕ ಏವೇತಿ ಅಭಿಪ್ರೇತ್ಯ ಆಹ — ತ್ಯಾಗೋ ಹಿ ಇತಿ । ಪುರುಷವ್ಯಾಘ್ರ, ತ್ರಿವಿಧಃ ತ್ರಿಪ್ರಕಾರಃ ತಾಮಸಾದಿಪ್ರಕಾರೈಃ ಸಂಪ್ರಕೀರ್ತಿತಃ ಶಾಸ್ತ್ರೇಷು ಸಮ್ಯಕ್ ಕಥಿತಃ ಯಸ್ಮಾತ್ ತಾಮಸಾದಿಭೇದೇನ ತ್ಯಾಗಸಂನ್ಯಾಸಶಬ್ದವಾಚ್ಯಃ ಅರ್ಥಃ ಅಧಿಕೃತಸ್ಯ ಕರ್ಮಿಣಃ ಅನಾತ್ಮಜ್ಞಸ್ಯ ತ್ರಿವಿಧಃ ಸಂಭವತಿ, ನ ಪರಮಾರ್ಥದರ್ಶಿನಃ, ಇತ್ಯಯಮರ್ಥಃ ದುರ್ಜ್ಞಾನಃ, ತಸ್ಮಾತ್ ಅತ್ರ ತತ್ತ್ವಂ ನ ಅನ್ಯಃ ವಕ್ತುಂ ಸಮರ್ಥಃ । ತಸ್ಮಾತ್ ನಿಶ್ಚಯಂ ಪರಮಾರ್ಥಶಾಸ್ತ್ರಾರ್ಥವಿಷಯಮ್ ಅಧ್ಯವಸಾಯಮ್ ಐಶ್ವರಂ ಮೇ ಮತ್ತಃ ಶೃಣು ॥ ೪ ॥
ನಿಶ್ಚಯಂ ಶೃಣು ಮೇ ತತ್ರ
ತ್ಯಾಗೇ ಭರತಸತ್ತಮ ।
ತ್ಯಾಗೋ ಹಿ ಪುರುಷವ್ಯಾಘ್ರ
ತ್ರಿವಿಧಃ ಸಂಪ್ರಕೀರ್ತಿತಃ ॥ ೪ ॥
ನಿಶ್ಚಯಂ ಶೃಣು ಅವಧಾರಯ ಮೇ ಮಮ ವಚನಾತ್ ; ತತ್ರ ತ್ಯಾಗೇ ತ್ಯಾಗಸಂನ್ಯಾಸವಿಕಲ್ಪೇ ಯಥಾದರ್ಶಿತೇ ಭರತಸತ್ತಮ ಭರತಾನಾಂ ಸಾಧುತಮ । ತ್ಯಾಗೋ ಹಿ, ತ್ಯಾಗಸಂನ್ಯಾಸಶಬ್ದವಾಚ್ಯೋ ಹಿ ಯಃ ಅರ್ಥಃ ಸಃ ಏಕ ಏವೇತಿ ಅಭಿಪ್ರೇತ್ಯ ಆಹ — ತ್ಯಾಗೋ ಹಿ ಇತಿ । ಪುರುಷವ್ಯಾಘ್ರ, ತ್ರಿವಿಧಃ ತ್ರಿಪ್ರಕಾರಃ ತಾಮಸಾದಿಪ್ರಕಾರೈಃ ಸಂಪ್ರಕೀರ್ತಿತಃ ಶಾಸ್ತ್ರೇಷು ಸಮ್ಯಕ್ ಕಥಿತಃ ಯಸ್ಮಾತ್ ತಾಮಸಾದಿಭೇದೇನ ತ್ಯಾಗಸಂನ್ಯಾಸಶಬ್ದವಾಚ್ಯಃ ಅರ್ಥಃ ಅಧಿಕೃತಸ್ಯ ಕರ್ಮಿಣಃ ಅನಾತ್ಮಜ್ಞಸ್ಯ ತ್ರಿವಿಧಃ ಸಂಭವತಿ, ನ ಪರಮಾರ್ಥದರ್ಶಿನಃ, ಇತ್ಯಯಮರ್ಥಃ ದುರ್ಜ್ಞಾನಃ, ತಸ್ಮಾತ್ ಅತ್ರ ತತ್ತ್ವಂ ನ ಅನ್ಯಃ ವಕ್ತುಂ ಸಮರ್ಥಃ । ತಸ್ಮಾತ್ ನಿಶ್ಚಯಂ ಪರಮಾರ್ಥಶಾಸ್ತ್ರಾರ್ಥವಿಷಯಮ್ ಅಧ್ಯವಸಾಯಮ್ ಐಶ್ವರಂ ಮೇ ಮತ್ತಃ ಶೃಣು ॥ ೪ ॥

ತಮೇವ ನಿಶ್ಚಯಂ ದರ್ಶಯಿತುಮ್ ಆದೌ ತ್ಯಾಗಗತಮ್ ಅವಾಂತರವಿಭಾಗಮ್ ಆಹ -

ತ್ಯಾಗೋ ಹೀತಿ ।

ನನು ತ್ಯಾಗಸಂನ್ಯಾಸಯೋಃ ಉಭಯೋರಪಿ ಪ್ರಕೃತತ್ವಾವಿಶೇಷೇ ತ್ಯಾಗಸ್ಯೈವ ಅವಾಂತರವಿಭಾಗಾಭಿಧಾನೇ ಸಂನ್ಯಾಸಸ್ಯ ಉಪೇಕ್ಷಿತತ್ವಮ್ ಆಪದ್ಯೇತ ? ನ ಇತ್ಯಾಹ -

ತ್ಯಾಗೇತಿ ।

ಸಾತ್ವಿಕಃ ರಾಜಸಃ ತಾಮಸಶ್ಚ ಇತಿ ಉಕ್ತೇ ಅರ್ಥೇ ತ್ರೈವಿಧ್ಯೇಽಪಿ ಸ್ವಯಮೇವ ನಿಶ್ಚಯಸಂಭವಾತ್ ಕಿಮ್ ಅತ್ರ ಭಾಗವತೇನ ನಿಶ್ಚಯೇನ ಇತಿ ಆಶಂಕ್ಯ ಆಹ -

ಯಸ್ಮಾದಿತಿ ।

ಭಗವತಃ ಅನ್ಯೇನ ಉಕ್ತವಿಭಾಗೇ ತತ್ತ್ವಾನಿಶ್ಚಯಾತ್ ಭಾಗವತನಿಶ್ಚಯಸ್ಯ ಶ್ರೋತವ್ಯತಾ ಇತಿ ನಿಗಮಯತಿ -

ತಸ್ಮಾದಿತಿ

॥ ೪ ॥