నిశ్చయం శృణు మే తత్ర
త్యాగే భరతసత్తమ ।
త్యాగో హి పురుషవ్యాఘ్ర
త్రివిధః సమ్ప్రకీర్తితః ॥ ౪ ॥
నిశ్చయం శృణు అవధారయ మే మమ వచనాత్ ; తత్ర త్యాగే త్యాగసంన్యాసవికల్పే యథాదర్శితే భరతసత్తమ భరతానాం సాధుతమ । త్యాగో హి, త్యాగసంన్యాసశబ్దవాచ్యో హి యః అర్థః సః ఎక ఎవేతి అభిప్రేత్య ఆహ — త్యాగో హి ఇతి । పురుషవ్యాఘ్ర, త్రివిధః త్రిప్రకారః తామసాదిప్రకారైః సమ్ప్రకీర్తితః శాస్త్రేషు సమ్యక్ కథితః యస్మాత్ తామసాదిభేదేన త్యాగసంన్యాసశబ్దవాచ్యః అర్థః అధికృతస్య కర్మిణః అనాత్మజ్ఞస్య త్రివిధః సమ్భవతి, న పరమార్థదర్శినః, ఇత్యయమర్థః దుర్జ్ఞానః, తస్మాత్ అత్ర తత్త్వం న అన్యః వక్తుం సమర్థః । తస్మాత్ నిశ్చయం పరమార్థశాస్త్రార్థవిషయమ్ అధ్యవసాయమ్ ఐశ్వరం మే మత్తః శృణు ॥ ౪ ॥
నిశ్చయం శృణు మే తత్ర
త్యాగే భరతసత్తమ ।
త్యాగో హి పురుషవ్యాఘ్ర
త్రివిధః సమ్ప్రకీర్తితః ॥ ౪ ॥
నిశ్చయం శృణు అవధారయ మే మమ వచనాత్ ; తత్ర త్యాగే త్యాగసంన్యాసవికల్పే యథాదర్శితే భరతసత్తమ భరతానాం సాధుతమ । త్యాగో హి, త్యాగసంన్యాసశబ్దవాచ్యో హి యః అర్థః సః ఎక ఎవేతి అభిప్రేత్య ఆహ — త్యాగో హి ఇతి । పురుషవ్యాఘ్ర, త్రివిధః త్రిప్రకారః తామసాదిప్రకారైః సమ్ప్రకీర్తితః శాస్త్రేషు సమ్యక్ కథితః యస్మాత్ తామసాదిభేదేన త్యాగసంన్యాసశబ్దవాచ్యః అర్థః అధికృతస్య కర్మిణః అనాత్మజ్ఞస్య త్రివిధః సమ్భవతి, న పరమార్థదర్శినః, ఇత్యయమర్థః దుర్జ్ఞానః, తస్మాత్ అత్ర తత్త్వం న అన్యః వక్తుం సమర్థః । తస్మాత్ నిశ్చయం పరమార్థశాస్త్రార్థవిషయమ్ అధ్యవసాయమ్ ఐశ్వరం మే మత్తః శృణు ॥ ౪ ॥