ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ನಿಯತಸ್ಯ ತು ಸಂನ್ಯಾಸಃ ಕರ್ಮಣೋ ನೋಪಪದ್ಯತೇ ।
ಮೋಹಾತ್ತಸ್ಯ ಪರಿತ್ಯಾಗಸ್ತಾಮಸಃ ಪರಿಕೀರ್ತಿತಃ ॥ ೭ ॥
ನಿಯತಸ್ಯ ತು ನಿತ್ಯಸ್ಯ ಸಂನ್ಯಾಸಃ ಪರಿತ್ಯಾಗಃ ಕರ್ಮಣಃ ನ ಉಪಪದ್ಯತೇ, ಅಜ್ಞಸ್ಯ ಪಾವನತ್ವಸ್ಯ ಇಷ್ಟತ್ವಾತ್ । ಮೋಹಾತ್ ಅಜ್ಞಾನಾತ್ ತಸ್ಯ ನಿಯತಸ್ಯ ಪರಿತ್ಯಾಗಃ — ನಿಯತಂ ಚ ಅವಶ್ಯಂ ಕರ್ತವ್ಯಮ್ , ತ್ಯಜ್ಯತೇ ಚ, ಇತಿ ವಿಪ್ರತಿಷಿದ್ಧಮ್ ; ಅತಃ ಮೋಹನಿಮಿತ್ತಃ ಪರಿತ್ಯಾಗಃ ತಾಮಸಃ ಪರಿಕೀರ್ತಿತಃ ಮೋಹಶ್ಚ ತಮಃ ಇತಿ ॥ ೭ ॥
ನಿಯತಸ್ಯ ತು ಸಂನ್ಯಾಸಃ ಕರ್ಮಣೋ ನೋಪಪದ್ಯತೇ ।
ಮೋಹಾತ್ತಸ್ಯ ಪರಿತ್ಯಾಗಸ್ತಾಮಸಃ ಪರಿಕೀರ್ತಿತಃ ॥ ೭ ॥
ನಿಯತಸ್ಯ ತು ನಿತ್ಯಸ್ಯ ಸಂನ್ಯಾಸಃ ಪರಿತ್ಯಾಗಃ ಕರ್ಮಣಃ ನ ಉಪಪದ್ಯತೇ, ಅಜ್ಞಸ್ಯ ಪಾವನತ್ವಸ್ಯ ಇಷ್ಟತ್ವಾತ್ । ಮೋಹಾತ್ ಅಜ್ಞಾನಾತ್ ತಸ್ಯ ನಿಯತಸ್ಯ ಪರಿತ್ಯಾಗಃ — ನಿಯತಂ ಚ ಅವಶ್ಯಂ ಕರ್ತವ್ಯಮ್ , ತ್ಯಜ್ಯತೇ ಚ, ಇತಿ ವಿಪ್ರತಿಷಿದ್ಧಮ್ ; ಅತಃ ಮೋಹನಿಮಿತ್ತಃ ಪರಿತ್ಯಾಗಃ ತಾಮಸಃ ಪರಿಕೀರ್ತಿತಃ ಮೋಹಶ್ಚ ತಮಃ ಇತಿ ॥ ೭ ॥

ನನು ಕಶ್ಚಿತ್ ನಿಯತಮಪಿ ಕರ್ಮ ತ್ಯಜನ್ ಉಪಲಭ್ಯತೇ ? ತತ್ರ ಆಹ -

ಮೋಹಾದಿತಿ ।

ಅಜ್ಞಾನಂ - ಪಾವನತ್ವಾಪರಿಜ್ಞಾನಮ್ । ಅಜ್ಞಸ್ಯ ನಿತ್ಯಕರ್ಮಪರಿತ್ಯಾಗಃ ಮೋಹಾತ್ , ಇತಿ ಏತತ್ ಉಪಪಾದಯತಿ -

ನಿಯತಂ ಚೇತಿ ।

ನಿತ್ಯಕರ್ಮತ್ಯಾಗಸ್ಯ ಮೋಹಕೃತತ್ವೇ ಕುತಃ ತಾಮಸತ್ವಮ್ ? ಇತಿ ಆಶಂಕ್ಯ ಆಹ -

ಮೋಹಶ್ಚೇತಿ

॥ ೭ ॥