अद्वैतशारदा | दक्षिणाम्नाय श्रीशारदापीठम्, शृङ्गेरी

నియతస్య తు సంన్యాసః కర్మణో నోపపద్యతే ।
మోహాత్తస్య పరిత్యాగస్తామసః పరికీర్తితః ॥ ౭ ॥

నియతస్య తు నిత్యస్య సంన్యాసః పరిత్యాగః కర్మణః న ఉపపద్యతే, అజ్ఞస్య పావనత్వస్య ఇష్టత్వాత్ । మోహాత్ అజ్ఞానాత్ తస్య నియతస్య పరిత్యాగః — నియతం చ అవశ్యం కర్తవ్యమ్ , త్యజ్యతే చ, ఇతి విప్రతిషిద్ధమ్ ; అతః మోహనిమిత్తః పరిత్యాగః తామసః పరికీర్తితః మోహశ్చ తమః ఇతి ॥ ౭ ॥

మోహాదితి ; నియతం చేతి ; మోహశ్చేతి ;

నను కశ్చిత్ నియతమపి కర్మ త్యజన్ ఉపలభ్యతే ? తత్ర ఆహ -

మోహాదితి ।

అజ్ఞానం - పావనత్వాపరిజ్ఞానమ్ । అజ్ఞస్య నిత్యకర్మపరిత్యాగః మోహాత్ , ఇతి ఎతత్ ఉపపాదయతి -

నియతం చేతి ।

నిత్యకర్మత్యాగస్య మోహకృతత్వే కుతః తామసత్వమ్ ? ఇతి ఆశఙ్క్య ఆహ -

మోహశ్చేతి

॥ ౭ ॥