ప్రతీకమ్ ఆదాయ వ్యాకరోతి -
అధిష్ఠానమితి ।
ఉపాధిలక్షణః - బుద్ధ్యాదిః ఉపాధిః, తల్లక్షణః - తత్స్వభావః, బుద్ధ్యాద్యనువిధాయీ - తద్ధర్మాన్ ఆత్మని పశ్యన్ ఉపహితః తత్ప్రధానః ఇత్యర్థః ।
తత్ర కార్యలిఙ్గకమ్ అనుమానం సూచయతి -
శబ్దాదీతి ।
జ్ఞానేన్ద్రియాణి పఞ్చ, పఞ్చ కర్మేన్ద్రియాణి, మనః, బుద్ధిశ్చ, ఇతి ద్వాదశసఙ్ఖ్యత్వమ్ । చేష్టాయాః వివిధత్వాత్ నానాప్రకారకత్వమ్ । తదేవ స్పష్టయతి -
వాయవీయా ఇతి ।
పృథక్త్వం - అసఙ్కీర్ణత్వమ్ । న హి ప్రాణాపానాదిచేష్టానాం మిథః సఙ్కరః అస్తి । దైవమేవ ఇతి విశదయతి -
ఆదిత్యాదీతి
॥ ౧౪ ॥