తత్రాదౌ సాత్త్వికీం బుద్ధిం నిర్దిశతి -

ప్రవృత్తిం చేతి ।

ప్రవృత్తిః ఆచరణమాత్రమ్ అనాచరణమాత్రం చ నివృత్తిః ఇతి కిం న ఇష్యతే ? తత్ర ఆహ -

బన్ధేతి ।

యస్మిన్ వాక్యే బన్ధమోక్షౌ ఉచ్యతే, తస్మిన్నేవ ప్రవృత్తినివృత్త్యాోః ఉక్తత్వాత్ , కర్మమార్గస్య బన్ధహేతుత్వాత్ , మోక్షహేతుత్వాచ్చ సంన్యాసమార్గస్య, తావేవ అత్ర  గ్రాహ్యౌ ఇత్యర్థః ।

కరణాకరణయోః నిర్విషయత్వాయోగాత్ విషయాపేక్షామ్ అవతార్య యోగ్యం విషయం నిర్దిశతి-

కస్యేతి ।

అనిష్టసాధనం భయమ్ , ఇష్టసాధనమ్ అభయమ్ ఇతి విభజతే -

భయేతి ।

బన్ధాదిమాత్రజ్ఞానస్య బుద్ధ్యన్తరేఽపి సమ్భవాత్ విశేషణమ్ ।

నను బుద్దిశబ్దితస్య జ్ఞానస్య ప్రాగేవ త్రైవిధ్యప్రతిపాదనాత్ కిమితి బుద్ధేః ఇదానీం త్రైవిధ్యం ప్రతిజ్ఞాయ వ్యుత్పాద్యతే ? తత్ర ఆహ -

జ్ఞానమితి ।

తర్హి జ్ఞానేన గతత్వాత్ న పునః ధృతిః వ్యుత్పాదనీయా ఇతి ఆశఙ్క్య ఆహ -

ధృతిరపీతి ।

విశేషశబ్దేన జ్ఞానాత్ వ్యావృత్తిః ఇష్టా

॥  ౩౦ ॥