अद्वैतशारदा | दक्षिणाम्नाय श्रीशारदापीठम्, शृङ्गेरी

ஶ்ரேயாந்ஸ்வத⁴ர்மோ விகு³ண:
பரத⁴ர்மாத்ஸ்வநுஷ்டி²தாத் ।
ஸ்வபா⁴வநியதம் கர்ம
குர்வந்நாப்நோதி கில்பி³ஷம் ॥ 47 ॥

ஶ்ரேயாந் ப்ரஶஸ்யதர: ஸ்வோ த⁴ர்ம: ஸ்வத⁴ர்ம:, விகு³ணோ(அ)பி இதி அபிஶப்³தோ³ த்³ரஷ்டவ்ய:, பரத⁴ர்மாத் । ஸ்வபா⁴வநியதம் ஸ்வபா⁴வேந நியதம் , யது³க்தம் ஸ்வபா⁴வஜமிதி, ததே³வோக்தம் ஸ்வபா⁴வநியதம் இதி ; யதா² விஷஜாதஸ்ய க்ருமே: விஷம் ந தோ³ஷகரம் , ததா² ஸ்வபா⁴வநியதம் கர்ம குர்வந் ந ஆப்நோதி கில்பி³ஷம் பாபம் ॥ 47 ॥

ஸ்வபா⁴வேதி ; யது³க்தமிதி ; யதே²தி ;

நநு யுத்³தா⁴தி³லக்ஷணம் ஸ்வத⁴ர்மம் குர்வந்நபி ஹிம்ஸாதீ⁴நம் பாபம் ப்ராப்நோதி தத் கத²ம் ஸ்வத⁴ர்ம: ஶ்ரேயாந் இதி ? தத்ர ஆஹ -

ஸ்வபா⁴வேதி ।

ஸ்வகீயம் வர்ணாஶ்ரமம் நிமித்தீக்ருத்ய விஹிதம் ஸ்வபா⁴வஜம் இதி அத⁴ஸ்தாத் உக்தம் இத்யாஹ -

யது³க்தமிதி ।

விக்³ரஹாத்மகமபி விஹிதம் கர்ம குர்வந் பாபம் ந ஆப்நோதி இதி அத்ர த்³ருஷ்டாந்தம் ஆஹ -

யதே²தி

॥ 47 ॥