నిత్యం ధ్యానయోగపరత్వే సముచ్చితం కారణాన్తరం వివృణోతి -
అహఙ్కరణమితి ।
సామర్థ్యమాత్రే బలశబ్దాత్ ఉపలభ్యమానే కిమితి విశేషవచనమ్ ? ఇతి ఆశఙ్క్య ఆహ -
స్వాభావికత్వేనేతి ।
ఉక్తే అర్థం మానమ్ ఆహ-
హృష్ట ఇతి ।
వైరాగ్యశబ్దేన లబ్ధస్యాపి కామత్యాగస్య పునః వచనం ప్రకృష్టత్వఖ్యాపనార్థమ్ ।
అహఙ్కారాదిత్యాగే పరిగ్రహప్రాప్త్యభావాత్ తత్త్యాగోక్తిః అయుక్తా ఇతి ఆశఙ్క్య, ఆహ -
ఇన్ద్రియేతి ।
పరిగ్రహాభావే మమత్వవిషయాభావాత్ నిర్మమత్వం కథమ్ ? ఇతి ఆశఙ్క్య, ఆహ -
దేహేతి ।
అహఙ్కారమమకారయోః అభావేన ప్రాప్తామ్ అన్తఃకరణోపరతిమ్ అనువదతి -
అత ఎవేతి ।
ఉక్తమ్ అనూద్య జీవన్నేవ అసౌ బ్రహ్మ భవతి ఇతి ఫలితమ్ ఆహ -
యః సంహృతేతి ।
జ్ఞాననిష్ఠపదాత్ ఊర్ధ్వం సశబ్దో ద్రష్టవ్యః । బ్రహ్మణః భవనమ్ అనుసన్ధానపరిపాకపర్యన్తం సాక్షాత్కరణం తదర్థమ్ ఇతి యావత్
॥ ౫౩ ॥