अद्वैतशारदा | दक्षिणाम्नाय श्रीशारदापीठम्, शृङ्गेरी

మచ్చిత్తః సర్వదుర్గాణి మత్ప్రసాదాత్తరిష్యసి ।
అథ చేత్త్వమహఙ్కారాన్న శ్రోష్యసి వినఙ్క్ష్యసి ॥ ౫౮ ॥

మచ్చిత్తః సర్వదుర్గాణి సర్వాణి దుస్తరాణి సంసారహేతుజాతాని మత్ప్రసాదాత్ తరిష్యసి అతిక్రమిష్యసి । అథ చేత్ యది త్వం మదుక్తమ్ అహఙ్కారాత్ ‘పణ్డితః అహమ్’ ఇతి న శ్రోష్యసి న గ్రహీష్యసి, తతః త్వం వినఙ్క్ష్యసి వినాశం గమిష్యసి ॥ ౫౮ ॥

మచ్చిత్తః ఇతి ; అథ చేదితి ;

కిమ్ అతః భవతి ? తత్ ఆహ -

మచ్చిత్తః ఇతి ।

భీత్యాపి ప్రవర్తేత ఇతి మన్వానః విపర్యయే దోషమ్ ఆహ -

అథ చేదితి

॥ ౫౮ ॥