अद्वैतशारदा | दक्षिणाम्नाय श्रीशारदापीठम्, शृङ्गेरी

సర్వగుహ్యతమం భూయః
శృణు మే పరమం వచః ।
ఇష్టోఽసి మే దృఢమితి
తతో వక్ష్యామి తే హితమ్ ॥ ౬౪ ॥

సర్వగుహ్యతమం సర్వేభ్యః గుహ్యేభ్యః అత్యన్తగుహ్యతమమ్ అత్యన్తరహస్యమ్ , ఉక్తమపి అసకృత్ భూయః పునః శృణు మే మమ పరమం ప్రకృష్టం వచః వాక్యమ్ । న భయాత్ నాపి అర్థకారణాద్వా వక్ష్యామి ; కిం తర్హి ? ఇష్టః ప్రియః అసి మే మమ దృఢమ్ అవ్యభిచారేణ ఇతి కృత్వా తతః తేన కారణేన వక్ష్యామి కథయిష్యామి తే తవ హితం పరమం జ్ఞానప్రాప్తిసాధనమ్ , తద్ధి సర్వహితానాం హితతమమ్ ॥ ౬౪ ॥

న భయాదితి ; తద్ధీతి ;

కిమర్థమ్ ఇచ్ఛన్ పునః పునః అభిదధాసి ఇతి ఆశఙ్క్య ఆహ -

న భయాదితి ।

హితమితి సాధారణనిర్దేశే, కథం పరమమ్ ఇత్యాదివిశేషణమ్ ? ఇతి ఆశఙ్క్య ఆహ -

తద్ధీతి

॥ ౬౪ ॥