ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಮನ್ಮನಾ ಭವ ಮದ್ಭಕ್ತೋ
ಮದ್ಯಾಜೀ ಮಾಂ ನಮಸ್ಕುರು ।
ಮಾಮೇವೈಷ್ಯಸಿ ಸತ್ಯಂ ತೇ
ಪ್ರತಿಜಾನೇ ಪ್ರಿಯೋಽಸಿ ಮೇ ॥ ೬೫ ॥
ಮನ್ಮನಾಃ ಭವ ಮಚ್ಚಿತ್ತಃ ಭವ । ಮದ್ಭಕ್ತಃ ಭವ ಮದ್ಭಜನೋ ಭವ । ಮದ್ಯಾಜೀ ಮದ್ಯಜನಶೀಲೋ ಭವ । ಮಾಂ ನಮಸ್ಕುರು ನಮಸ್ಕಾರಮ್ ಅಪಿ ಮಮೈವ ಕುರು । ತತ್ರ ಏವಂ ವರ್ತಮಾನಃ ವಾಸುದೇವೇ ಏವ ಸಮರ್ಪಿತಸಾಧ್ಯಸಾಧನಪ್ರಯೋಜನಃ ಮಾಮೇವ ಏಷ್ಯಸಿ ಆಗಮಿಷ್ಯಸಿ । ಸತ್ಯಂ ತೇ ತವ ಪ್ರತಿಜಾನೇ, ಸತ್ಯಾಂ ಪ್ರತಿಜ್ಞಾಂ ಕರೋಮಿ ಏತಸ್ಮಿನ್ ವಸ್ತುನಿ ಇತ್ಯರ್ಥಃ ; ಯತಃ ಪ್ರಿಯಃ ಅಸಿ ಮೇ । ಏವಂ ಭಗವತಃ ಸತ್ಯಪ್ರತಿಜ್ಞತ್ವಂ ಬುದ್ಧ್ವಾ ಭಗವದ್ಭಕ್ತೇಃ ಅವಶ್ಯಂಭಾವಿ ಮೋಕ್ಷಫಲಮ್ ಅವಧಾರ್ಯ ಭಗವಚ್ಛರಣೈಕಪರಾಯಣಃ ಭವೇತ್ ಇತಿ ವಾಕ್ಯಾರ್ಥಃ ॥ ೬೫ ॥
ಮನ್ಮನಾ ಭವ ಮದ್ಭಕ್ತೋ
ಮದ್ಯಾಜೀ ಮಾಂ ನಮಸ್ಕುರು ।
ಮಾಮೇವೈಷ್ಯಸಿ ಸತ್ಯಂ ತೇ
ಪ್ರತಿಜಾನೇ ಪ್ರಿಯೋಽಸಿ ಮೇ ॥ ೬೫ ॥
ಮನ್ಮನಾಃ ಭವ ಮಚ್ಚಿತ್ತಃ ಭವ । ಮದ್ಭಕ್ತಃ ಭವ ಮದ್ಭಜನೋ ಭವ । ಮದ್ಯಾಜೀ ಮದ್ಯಜನಶೀಲೋ ಭವ । ಮಾಂ ನಮಸ್ಕುರು ನಮಸ್ಕಾರಮ್ ಅಪಿ ಮಮೈವ ಕುರು । ತತ್ರ ಏವಂ ವರ್ತಮಾನಃ ವಾಸುದೇವೇ ಏವ ಸಮರ್ಪಿತಸಾಧ್ಯಸಾಧನಪ್ರಯೋಜನಃ ಮಾಮೇವ ಏಷ್ಯಸಿ ಆಗಮಿಷ್ಯಸಿ । ಸತ್ಯಂ ತೇ ತವ ಪ್ರತಿಜಾನೇ, ಸತ್ಯಾಂ ಪ್ರತಿಜ್ಞಾಂ ಕರೋಮಿ ಏತಸ್ಮಿನ್ ವಸ್ತುನಿ ಇತ್ಯರ್ಥಃ ; ಯತಃ ಪ್ರಿಯಃ ಅಸಿ ಮೇ । ಏವಂ ಭಗವತಃ ಸತ್ಯಪ್ರತಿಜ್ಞತ್ವಂ ಬುದ್ಧ್ವಾ ಭಗವದ್ಭಕ್ತೇಃ ಅವಶ್ಯಂಭಾವಿ ಮೋಕ್ಷಫಲಮ್ ಅವಧಾರ್ಯ ಭಗವಚ್ಛರಣೈಕಪರಾಯಣಃ ಭವೇತ್ ಇತಿ ವಾಕ್ಯಾರ್ಥಃ ॥ ೬೫ ॥

ಉತ್ತರಾರ್ಧಂ ವ್ಯಾಚಷ್ಟೇ -

ತತ್ರೇತಿ ।

ಏವಮ್ ಉಕ್ತಯಾ ರೀತ್ಯಾ ವರ್ತಮಾನಃ ತ್ವಂ ತಸ್ಮಿನ್ನೇವ ವಾಸುದೇವೇ ಭಗವತಿ ಅರ್ಪಿತಸರ್ವಭಾವಃ ಮಾಮೇವ ಆಗಮಿಷ್ಯಸಿ ಇತಿ ಸಂಬಂಧಃ ।

ಸತ್ಯಪ್ರತಿಜ್ಞಾಕರಣೇ ಹೇತುಮ್ ಆಹ -

ಯತ ಇತಿ ।

ಇದಾನೀಂ ವಾಕ್ಯಾರ್ಥಂ ಶ್ರೇಯೋಽಥಿನಾಂ ಪ್ರವೃತ್ತ್ಯುಪಯೋಗಿತ್ವೇನ ಸಂಗೃಹ್ಣಾತಿ -

ಏವಮಿತಿ ।

॥ ೬೫ ॥