ஶ்ரீமத்³ப⁴க³வத்³கீ³தாபா⁴ஷ்யம்
அஷ்டாத³ஶோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
யஸ்து அதி⁴க்ருத: ஸங்க³ம் த்யக்த்வா ப²லாபி⁴ஸந்தி⁴ம் ச நித்யம் கர்ம கரோதி, தஸ்ய ப²லராகா³தி³நா அகலுஷீக்ரியமாணம் அந்த:கரணம் நித்யைஶ்ச கர்மபி⁴: ஸம்ஸ்க்ரியமாணம் விஶுத்⁴யதி । தத் விஶுத்³த⁴ம் ப்ரஸந்நம் ஆத்மாலோசநக்ஷமம் ப⁴வதி । தஸ்யைவ நித்யகர்மாநுஷ்டா²நேந விஶுத்³தா⁴ந்த:கரணஸ்ய ஆத்மஜ்ஞாநாபி⁴முக²ஸ்ய க்ரமேண யதா² தந்நிஷ்டா² ஸ்யாத் , தத் வக்தவ்யமிதி ஆஹ —
யஸ்து அதி⁴க்ருத: ஸங்க³ம் த்யக்த்வா ப²லாபி⁴ஸந்தி⁴ம் ச நித்யம் கர்ம கரோதி, தஸ்ய ப²லராகா³தி³நா அகலுஷீக்ரியமாணம் அந்த:கரணம் நித்யைஶ்ச கர்மபி⁴: ஸம்ஸ்க்ரியமாணம் விஶுத்⁴யதி । தத் விஶுத்³த⁴ம் ப்ரஸந்நம் ஆத்மாலோசநக்ஷமம் ப⁴வதி । தஸ்யைவ நித்யகர்மாநுஷ்டா²நேந விஶுத்³தா⁴ந்த:கரணஸ்ய ஆத்மஜ்ஞாநாபி⁴முக²ஸ்ய க்ரமேண யதா² தந்நிஷ்டா² ஸ்யாத் , தத் வக்தவ்யமிதி ஆஹ —

ஏவம் பூர்வாபரவிரோத⁴ம் பராக்ருத்ய அநந்தரஶ்லோகதாத்பர்யம் ஆஹ -

யஸ்த்விதி ।

ப²லராகா³தி³நா இதி ஆதி³ஶப்³தே³ந கர்மஸ்வரூபாஸங்க³: க்³ருஹ்யதே ।

அந்த:கரணம் அகலுஷீக்ரியமாணம் இதி சே²த³: । விஶுத்³தே⁴ அந்த:கரணே கிம் ஸ்யாத் இதி ஆஶங்க்ய ஆஹ-

விஶுத்³த⁴மிதி ।

மலவிகலத்வம் விஶுத்³த⁴த்வம், ஸம்ஸ்க்ரியமாணத்வம் - ப்ரஸந்நத்வம் இதி பே⁴த³: । க்ரமேண - ஶ்ரவணாத்³யாவ்ருத்தித்³வாரேண இத்யர்த²: । தந்நிஷ்டா² இதி ஆத்மஜ்ஞாநநிஷ்டா² உக்தா ।