ததே³வம் க்ரத்வஸம்பத்திநிமித்தம் பிதுரநிஷ்டம் ப²லம் புத்ரேண ஸதா நிவாரணீயம் மயா ஆத்மப்ரதா³நேநாபி க்ரதுஸம்பத்திம் க்ருத்வேத்யேவம் மந்யமாந: பிதரமுபக³ம்ய ஸ ஹோவாச பிதரம் — ஹே தத தாத கஸ்மை ருத்விக்³விஶேஷாய த³க்ஷிணார்த²ம் மாம் தா³ஸ்யஸீதி ப்ரயச்ச²ஸீத்யேதத் । ஸ ஏவமுக்தேந பித்ரா உபேக்ஷ்யமாணோ(அ)பி த்³விதீயம் த்ருதீயமபி உவாச — கஸ்மை மாம் தா³ஸ்யஸி கஸ்மை மாம் தா³ஸ்யஸீதி । நாயம் குமாரஸ்வபா⁴வ இதி க்ருத்³த⁴: ஸந் பிதா தம் ஹ புத்ரம் கில உவாச ம்ருத்யவே வைவஸ்வதாய த்வா த்வாம் த³தா³மீதி ॥