ப்ராயேண ஹ்யேவம்வித⁴ ஏவ லோக: । யஸ்து ஶ்ரேயோர்தீ² ஸ ஸஹஸ்ரேஷு கஶ்சிதே³வாத்மவித்³ப⁴வதி த்வத்³வித⁴: யஸ்மாத் ஶ்ரவணாயாபி ஶ்ரவணார்த²ம் ஶ்ரோதுமபி ய: ந லப்⁴ய: ஆத்மா ப³ஹுபி⁴: அநேகை:, ஶ்ருண்வந்தோ(அ)பி ப³ஹவ: அநேகே அந்யே யம் ஆத்மாநம் ந வித்³யு: ந வித³ந்தி அபா⁴கி³ந: அஸம்ஸ்க்ருதாத்மாநோ ந விஜாநீயு: । கிஞ்ச, அஸ்ய வக்தாபி ஆஶ்சர்ய: அத்³பு⁴தவதே³வ, அநேகேஷு கஶ்சிதே³வ ப⁴வதி । ததா² ஶ்ருத்வாபி அஸ்ய ஆத்மந: குஶல: நிபுண ஏவாநேகேஷு லப்³தா⁴ கஶ்சிதே³வ ப⁴வதி । யஸ்மாத் ஆஶ்சர்ய: ஜ்ஞாதா கஶ்சிதே³வ குஶலாநுஶிஷ்ட: குஶலேந நிபுணேநாசார்யேணாநுஶிஷ்ட: ஸந் ॥