ஏதச்ச்²ருத்வா நசிகேதா: புநராஹ — யத்³யஹம் யோக்³ய:, ப்ரஸந்நஶ்சாஸி ப⁴க³வந் , மாம் ப்ரதி அந்யத்ர த⁴ர்மாத் ஶாஸ்த்ரீயாத்³த⁴ர்மாநுஷ்டா²நாத்தத்ப²லாத்தத்காரகேப்⁴யஶ்ச ப்ருத²க்³பூ⁴தமித்யர்த²: । ததா² அந்யத்ர அத⁴ர்மாத் விஹிதாகரணரூபாத் பாபாத் , ததா² அந்யத்ராஸ்மாத்க்ருதாக்ருதாத் , க்ருதம் கார்யமக்ருதம் காரணமஸ்மாத³ந்யத்ர । கிஞ்ச, அந்யத்ர பூ⁴தாச்ச அதிக்ராந்தாத்காலாத் ப⁴வ்யாச்ச ப⁴விஷ்யதஶ்ச ததா² அந்யத்ர வர்தமாநாத் । காலத்ரயேண யந்ந பரிச்சி²த்³யத இத்யர்த²: । யதீ³த்³ருஶம் வஸ்து ஸர்வவ்யவஹாரகோ³சராதீதம் பஶ்யஸி ஜாநாஸி தத்³வத³ மஹ்யம் ॥