కిఞ్చాన్యత్ । న దుశ్చరితాత్ ప్రతిషిద్ధాచ్ఛ్రుతిస్మృత్యవిహితాత్పాపకర్మణః అవిరతః అనుపరతః । నాపి ఇన్ద్రియలౌల్యాత్ అశాన్తః అనుపరతః । నాపి అసమాహితఃఅనేకాగ్రమనాః విక్షిప్తచిత్తః । సమాహితచిత్తోఽపి సన్సమాధానఫలార్థిత్వాత్ నాపి అశాన్తమానసః వ్యాపృతచిత్తో వా । ప్రజ్ఞానేన బ్రహ్మవిజ్ఞానేన ఎనం ప్రకృతమాత్మానమ్ ఆప్నుయాత్ , యస్తు దుశ్చరితాద్విరత ఇన్ద్రియలౌల్యాచ్చ, సమాహితచిత్తః సమాధానఫలాదప్యుపశాన్తమానసశ్చాచార్యవాన్ ప్రజ్ఞానేన ఎవం యథోక్తమాత్మానం ప్రాప్నోతీత్యర్థః ॥