ஆத்மாநம் ரதி²நம் வித்³தி⁴ ஶரீரம் ரத²மேவ து ।
பு³த்³தி⁴ம் து ஸாரதி²ம் வித்³தி⁴ மந: ப்ரக்³ரஹமேவ ச ॥ 3 ॥
தத்ர ய: உபாதி⁴க்ருத: ஸம்ஸாரீ வித்³யாவித்³யயோரதி⁴க்ருதோ மோக்ஷக³மநாய ஸம்ஸாரக³மநாய ச, தஸ்ய தது³ப⁴யக³மநே ஸாத⁴நோ ரத²: கல்ப்யதே — தத்ராத்மாநம் ருதபம் ஸம்ஸாரிணம் ரதி²நம் ரத²ஸ்வாமிநம் வித்³தி⁴ விஜாநீஹி ; ஶரீரம் ரத²ம் ஏவ து ரத²ப³த்³த⁴ஹயஸ்தா²நீயைரிந்த்³ரியைராக்ருஷ்யமாணத்வாச்ச²ரீரஸ்ய । பு³த்³தி⁴ம் து அத்⁴யவஸாயலக்ஷணாம் ஸாரதி²ம் வித்³தி⁴ ; பு³த்³தி⁴நேத்ருப்ரதா⁴நத்வாச்ச²ரீரஸ்ய, ஸாரதி²நேத்ருப்ரதா⁴ந இவ ரத²: । ஸர்வம் ஹி தே³ஹக³தம் கார்யம் பு³த்³தி⁴கர்தவ்யமேவ ப்ராயேண । மந: ஸங்கல்பவிகல்பாதி³லக்ஷணம் ப்ரக்³ரஹமேவ ச ரஶநாமேவ வித்³தி⁴ । மநஸா ஹி ப்ரக்³ருஹீதாநி ஶ்ரோத்ராதீ³நி கரணாநி ப்ரவர்தந்தே ரஶநயேவாஶ்வா: ॥