सृष्टिर्वा लयो वा स्थितिर्वा तत्त्वमिति –

पौराणिकाः ।

तदपि कल्पनामात्रम्।

सतोऽसतश्चोत्पत्त्याद्यभावस्य वक्ष्यमाणत्वादिति मत्वाऽऽह –

सृष्टिरित्यादिना ।

यथोक्तकल्पनानामधिष्ठानं सूचयति –

सर्वे चेति ।

उदाहृताश्चानुदाहृताश्च कल्पनाभेदा यावन्तो विद्यन्ते ते सर्वेऽपि प्रकृतात्मन्येव कल्पनावस्थायां कल्प्यन्ते, नाऽऽत्मनः कल्पितत्वम्। सर्वस्य कल्पितत्वेनाधिष्ठानत्वायोगादित्यर्थः।