सत्तत्त्वस्यैव मायया जन्मेत्युक्तमुपपादयति –

यथेति ।

सत एव मायया जन्मेत्ययुक्तम्।

अवस्थाद्वयेऽपि द्वैतस्य मनः स्पन्दितत्वस्वीकारादिति श्लोकव्यावर्त्यं चोद्यमुत्थापयति –

कथमिति ।

अधिष्ठानरूपेण मनोऽपि सदिति सदृष्टान्तमुत्तरमाह –

उच्यत इति ।

मनसः सन्मात्रत्वेऽपि कथमनेकधा स्पन्दनमित्याशङ्क्य स्वप्नदृष्टान्तं व्याचष्टे –

ग्राह्येति ।

दार्ष्टान्तिकमाह –

तथेत्यादिना ।

मायाधीनं मनःस्पन्दनमवस्तुभूतमिति द्योतयितुमिवेत्युक्तम्॥२९॥