अद्वैतशारदा | दक्षिणाम्नाय श्रीशारदापीठम्, शृङ्गेरी

यावद्धेतुफलावेशः संसारस्तावदायतः ।
क्षीणे हेतुफलावेशे संसारं न प्रपद्यते ॥ ५६ ॥

यदि हेतुफलोद्भवः, तदा को दोष इति, उच्यते — यावत् सम्यग्दर्शनेन हेतुफलावेशः न निवर्तते, अक्षीणः संसारः तावत् आयातः दीर्घो भवतीत्यर्थः । क्षीणे पुनः हेतुफलावेशे संसारं न प्रपद्यते, कारणाभावात् ॥

यावदिति ; क्षीण इति ; यदीति ; क्षीणे पुनरिति ॥५६॥ ;

अभिनिवेशवशाद्धेतुफलोद्भवे किं भवति, तदाह –

यावदिति ।

अभिनिवेशनिवृत्त्या तदनुद्भवे वा किं स्यादित्याशङ्क्याऽऽह –

क्षीण इति ।

आकाङ्क्षापूर्वकं पूर्वार्धं योजयति –

यदीति ।

उत्तरार्धं व्याचष्टे –

क्षीणे पुनरिति ॥५६॥