वाचो गोचरीभूतस्य द्वैतस्यासत्त्वे हेत्वन्तरमाचक्षाणो दृष्टान्तमाचष्टे –

स्वप्नदृगिति ।

यान् पश्यति ते न विद्यन्ते पृथगित्युत्तरत्र सम्बन्धः।

श्लोकस्य तात्पर्यमाह –

इतश्चेति ।

इतःशब्दार्थमेव स्फुटयन्नक्षराणि व्याचष्टे –

स्वप्नानिति ।

न ते विद्यन्त इति पूर्ववदन्वयः।

स्वप्नदृशो विषयभूतानां भेदानां तत्र दृश्यमानत्वेऽपि द्वैतभेदमिथ्यात्वे किमायातमिति पृच्छति –

यदीति ।

उत्तरश्लोकेनोत्तरमाह –

उच्यत इति ॥६३॥