अद्वैतशारदा | दक्षिणाम्नाय श्रीशारदापीठम्, शृङ्गेरी

अतः श्रूयमाणा अपि विधयः केवलप्रमाणवस्तुपरतन्त्रे ज्ञानेऽकिञ्चित्करत्वात् कुण्ठीभवन्ति । अतोऽर्थवादतयाऽऽत्मज्ञानस्तावकत्वेन तदुन्मुखीकरणात् सामर्थ्यसिद्धबहिर्मुखतानिरोधाच्च विधिकार्यलेशस्य विद्यमानत्वाद्विधय इव लक्ष्यन्ते ॥

अतः श्रूयमाणा अपीति ; अतोऽर्थवादतयेति ; तदुन्मुखीकरणादिति ;

ननु द्रष्टव्य इत्यादिना ब्रह्मज्ञाने विधयः श्रूयन्त इति तत्राह -

अतः श्रूयमाणा अपीति ।

अनुष्ठेयाभावाअनुमेयाभावाद्विदेभोद्विधेरभावे द्रष्टव्यः श्रोतव्य इत्यादिशब्दस्य वैयर्थ्यं स्यादिति, नेत्याह -

अतोऽर्थवादतयेति ।

अर्थवादान्तरवत् स्तावकत्वेऽपि विधिपदमर्थशून्यं स्यादित्याशङ्क्य विधिनिषेधयोः प्रवर्तकत्वनिवर्तकत्वाख्यकार्यलेशस्यात्रान्वयात् विधिवदवभास इत्याह -

तदुन्मुखीकरणादिति ।