హస్తామలకీయమ్ - శ్లోకాః

अ

1. ఉపాధౌ యథా భేదతా సన్మణీనాంతథా భేదతా బుద్ధిభేదేషు తేఽపి । యథా చన్ద్రికాణాం జలే చఞ్చలత్వంతథా చఞ్చలత్వం తవాపీహ విష్ణో ॥ ౧౨ ॥
2. ఘనచ్ఛన్నదృష్టిర్ఘనచ్ఛన్నమర్కంయథా నిష్ప్రభం మన్యతే చాతిమూఢః । తథా బద్ధవద్భాతి యో మూఢదృష్టేఃస నిత్యోపలబ్ధిస్వరూపోఽహమాత్మా ॥ ౧౦ ॥
3. నిమిత్తం మనశ్చక్షురాదిప్రవృత్తౌనిరస్తాఖిలోపాధిరాకాశకల్పః । రవిర్లోకచేష్టానిమిత్తం యథా యఃస నిత్యోపలబ్ధిస్వరూపోఽహమాత్మా ॥ ౧ ॥
4. మనశ్చక్షురాదేర్వియుక్తః స్వయం యోమనశ్చక్షురాదేర్మనశ్చక్షురాదిః । మనశ్చక్షురాదేరగమ్యస్వరూపఃస నిత్యోపలబ్ధిస్వరూపోఽహమాత్మా ॥ ౫ ॥
5. ముఖాభాసకో దర్పణే దృశ్యమానోముఖత్వాత్పృథక్త్వేన నైవాస్తి వస్తు । చిదాభాసకో ధీషు జీవోఽపి తద్వ — త్స నిత్యోపలబ్ధిస్వరూపోఽహమాత్మా ॥ ౩ ॥
6. య ఎకో విభాతి స్వతః శుద్ధచేతాఃప్రకాశస్వరూపోఽపి నానేవ ధీషు । శరావోదకస్థో యథా భానురేకఃస నిత్యోపలబ్ధిస్వరూపోఽహమాత్మా ॥ ౬ ॥
7. యథా దర్పణాభావ ఆభాసహానౌముఖం విద్యతే కల్పనాహీనమేకమ్ । తథా ధీవియోగే నిరాభాసకో యఃస నిత్యోపలబ్ధిస్వరూపోఽహమాత్మా ॥ ౪ ॥
8. యథా సూర్య ఎకోఽప్స్వనేకశ్చలాసుస్థిరాస్వప్యనన్వగ్విభావ్యస్వరూపః । చలాసు ప్రభిన్నాసు ధీష్వేవమేకఃస నిత్యోపలబ్ధిస్వరూపోఽహమాత్మా ॥ ౯ ॥
9. యథానేకచక్షుఃప్రకాశో రవిర్నక్రమేణ ప్రకాశీకరోతి ప్రకాశ్యమ్ । అనేకా ధియో యస్తథైకప్రబోధఃస నిత్యోపలబ్ధిస్వరూపోఽహమాత్మా ॥ ౭ ॥
10. యమగ్న్యుష్ణవన్నిత్యబోధస్వరూపంమనశ్చక్షురాదీన్యబోధాత్మకాని । ప్రవర్తన్త ఆశ్రిత్య నిష్కమ్పమేకంస నిత్యోపలబ్ధిస్వరూపోఽహమాత్మా ॥ ౨ ॥
11. వివస్వత్ప్రభాతం యథారూపపక్షంప్రగృహ్ణాతి నాభాతమేవం వివస్వాన్ । యదాభాత ఆభాసయత్యక్షమేకఃస నిత్యోపలబ్ధిస్వరూపోఽహమాత్మా ॥ ౮ ॥
12. సమస్తేషు వస్తుష్వనుస్యూతమేకంసమస్తాని వస్తూని యం న స్పృశన్తి । వియద్వత్సదా శుద్ధమచ్ఛస్వరూపఃస నిత్యోపలబ్ధిస్వరూపోఽహమాత్మా ॥ ౧౧ ॥