ಸರ್ವವೇದಾಂತಸಿದ್ಧಾಂತಸಾರಸಂಗ್ರಹಃ - ಶ್ಲೋಕಾಃ

अ

1. ಅಂಗಾರನದ್ಯಾಂ ತಪನೇ ಚ ಕುಂಭೀ - ಪಾಕೇಽಪಿ ವೀಚ್ಯಾಮಸಿಪತ್ರಕಾನನೇ । ದೂತೈರ್ಯಮಸ್ಯ ಕ್ರಿಯಮಾಣಬಾಧಾಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೪ ॥
2. ಅಂತಃಕರಣತದ್ವೃತ್ತಿದ್ರಷ್ಟೃ ನಿತ್ಯಮವಿಕ್ರಿಯಮ್ । ಚೈತನ್ಯಂ ಯತ್ತದಾತ್ಮೇತಿ ಬುದ್ಧ್ಯಾ ಬುಧ್ಯಸ್ವ ಸೂಕ್ಷ್ಮಯಾ ॥ ೪೫೭ ॥
3. ಅಂತಃಪ್ರಜ್ಞತ್ವಾದಿವಿಕಲ್ಪೈರಸ್ಪೃಷ್ಟಂ ಯತ್ತದ್ದೃಶಿಮಾತ್ರಮ್ । ಸತ್ತಾಮಾತ್ರಂ ಸಮರಸಮೇಕಂ ಶುದ್ಧಂ ಬುದ್ಧಂ ತತ್ತ್ವಮಸಿ ತ್ವಮ್ ॥ ೭೮೬ ॥
4. ಅಂತಃಶೂನ್ಯೋ ಬಹಿಃಶೂನ್ಯಃ ಶೂನ್ಯಕುಂಭ ಇವಾಂಬರೇ । ಅಂತಃಪೂರ್ಣೋ ಬಹಿಃಪೂರ್ಣಃ ಪೂರ್ಣಕುಂಭ ಇವಾರ್ಣವೇ ॥ ೯೬೬ ॥
5. ಅಂತರಂಗಂ ಹಿ ಬಲವದ್ಬಹಿರಂಗಾದ್ಯತಸ್ತತಃ । ಶಮಾದಿಷಟ್ಕಂ ಜಿಜ್ಞಾಸೋರವಶ್ಯಂ ಭಾವ್ಯಮಾಂತರಮ್ ॥ ೨೨೪ ॥
6. ಅಂತರಂಗವಿಹೀನಸ್ಯ ಕೃತಶ್ರವಣಕೋಟಯಃ । ನ ಫಲಂತಿ ಯಥಾ ಯೋದ್ಧುರಧೀರಸ್ಯಾಸ್ತ್ರಸಂಪದಃ ॥ ೨೨೫ ॥
7. ಅಂತರ್ಬಂಧೇನ ಬದ್ಧಸ್ಯ ಕಿಂ ಬಹಿರ್ಬಂಧಮೋಚನೈಃ । ತದಂತರ್ಬಂಧಮುಕ್ತ್ಯರ್ಥಂ ಕ್ರಿಯತಾಂ ಕೃತಿಭಿಃ ಕೃತಿಃ ॥ ೨೪೫ ॥
8. ಅಂತರ್ಬಹಿಃ ಸ್ವಯಮಖಂಡಿತಮೇಕರೂಪ - ಮಾರೋಪಿತಾರ್ಥವದುದಂಚತಿ ಮೂಢಬುದ್ಧೇಃ । ಮೃತ್ಸ್ನಾದಿವದ್ವಿಗತವಿಕ್ರಿಯಮಾತ್ಮವೇದ್ಯಂಯದ್ಬ್ರಹ್ಮ ತತ್ತ್ವಮಸಿ ಕೇವಲಬೋಧಮಾತ್ರಮ್ ॥ ೭೭೯ ॥
9. ಅಂತರ್ಬಹಿಶ್ಚಾಪಿ ಮೃದೇವ ದೃಶ್ಯತೇಮೃದೋ ನ ಭಿನ್ನಂ ಕಲಶಾದಿ ಕಿಂಚನ । ಗ್ರೀವಾದಿಮದ್ಯತ್ಕಲಶಂ ತದಿತ್ಥಂನ ವಾಚ್ಯಮೇತಚ್ಚ ಮೃದೇವ ನಾನ್ಯತ್ ॥ ೬೮೪ ॥
10. ಅಕರ್ತಾಹಮಭೋಕ್ತಾಹಮವಿಕಾರೋಽಹಮಕ್ರಿಯಃ । ಆನಂದಘನ ಏವಾಹಮಸಂಗೋಽಹಂ ಸದಾಶಿವಃ ॥ ೯೩೧ ॥
11. ಅಕಾಮಯಿತೃತಾ ಸ್ವಪ್ನಾದರ್ಶನಂ ಘಟತೇ ಕಥಮ್ । ಅವಿದ್ಯಮಾನಸ್ಯ ತತ ಆತ್ಮಾಸ್ತಿತ್ವಂ ಪ್ರತೀಯತೇ ॥ ೬೦೮ ॥
12. ಅಖಂಡಂ ಸಚ್ಚಿದಾನಂದಮವಾಙ್ಮನಸಗೋಚರಮ್ । ಆತ್ಮಾನಮಖಿಲಾಧಾರಮಾಶ್ರಯೇಽಭೀಷ್ಟಸಿದ್ಧಯೇ ॥ ೨ ॥
13. ಅಖಂಡಾಕಾರವೃತ್ತಿಃ ಸಾ ಚಿದಾಭಾಸಸಮನ್ವಿತಾ । ಆತ್ಮಾಭಿನ್ನಂ ಪರಂ ಬ್ರಹ್ಮ ವಿಷಯೀಕೃತ್ಯ ಕೇವಲಮ್ ॥ ೭೯೮ ॥
14. ಅಖಂಡಾಖ್ಯಾ ವೃತ್ತಿರೇಷಾ ವಾಕ್ಯಾರ್ಥಶ್ರುತಿಮಾತ್ರತಃ । ಶ್ರೋತುಃ ಸಂಜಾಯತೇ ಕಿಂ ವಾ ಕ್ರಿಯಾಂತರಮಪೇಕ್ಷತೇ ॥ ೭೯೩ ॥
15. ಅಖಂಡಾನಂದಸಂದೋಹೋ ವಂದನಾದ್ಯಸ್ಯ ಜಾಯತೇ । ಗೋವಿಂದಂ ತಮಹಂ ವಂದೇ ಚಿದಾನಂದತನುಂ ಗುರುಮ್ ॥ ೧ ॥
16. ಅಖಂಡಾಮೇವೈತಾಂ ಘಟಿತಪರಮಾನಂದಲಹರೀಂಪರಿಧ್ವಸ್ತದ್ವೈತಪ್ರಮಿತಿಮಮಲಾಂ ವೃತ್ತಿಮನಿಶಮ್ । ಅಮುಂಚಾನಃ ಸ್ವಾತ್ಮನ್ಯನುಪಮಸುಖೇ ಬ್ರಹ್ಮಣಿ ಪರೇರಮಸ್ವ ಪ್ರಾರಬ್ಧಂ ಕ್ಷಪಯ ಸುಖವೃತ್ತ್ಯಾ ತ್ವಮನಯಾ ॥ ೭೯೧ ॥
17. ಅಖಂಡೈಕರಸತ್ವೇನ ವಾಕ್ಯಾರ್ಥಃ ಶ್ರುತಿಸಮ್ಮತಃ । ಸ್ಥೂಲಸೂಕ್ಷ್ಮಪ್ರಪಂಚಸ್ಯ ಸನ್ಮಾತ್ರತ್ವಂ ಪುನಃ ಪುನಃ ॥ ೭೨೮ ॥
18. ಅಚೇತನಸ್ಯ ದೀಪಾದೇರರ್ಥಾಭಾಸಕತಾ ಯಥಾ । ತಥೈವ ಚಕ್ಷುರಾದೀನಾಂ ಜಡಾನಾಮಪಿ ಸಿಧ್ಯತಿ ॥ ೫೪೪ ॥
19. ಅಚ್ಛಿನ್ನಶ್ಛಿನ್ನವದ್ಭಾತಿ ಪಾಮರಾಣಾಂ ಘಟಾದಿನಾ । ಗ್ರಾಮಕ್ಷೇತ್ರಾದ್ಯವಧಿಭಿರ್ಭಿನ್ನೇವ ವಸುಧಾ ಯಥಾ ॥ ೬೯೬ ॥
20. ಅಜಹಲ್ಲಕ್ಷಣಾ ವಾಪಿ ಸಾ ಜಹಲ್ಲಕ್ಷಣಾ ಯಥಾ । ಗುಣಸ್ಯ ಗಮನಂ ಲೋಕೇ ವಿರುದ್ಧಂ ದ್ರವ್ಯಮಂತರಾ ॥ ೭೪೪ ॥
21. ಅಜ್ಞಾತ್ವೈವ ಹಿ ನಿಕ್ಷೇಪಂಭಿಕ್ಷಾಮಟತಿ ದುರ್ಮತಿಃ । ಸ್ವವೇಶ್ಮನಿ ನಿಧಿಂ ಜ್ಞಾತ್ವಾಕೋ ನು ಭಿಕ್ಷಾಮಟೇತ್ಸುಧೀಃ ॥ ೬೩೬ ॥
22. ಅಜ್ಞಾತ್ವೈವಂ ಪರಂ ತತ್ತ್ವಂ ಮಾಯಾಮೋಹಿತಚೇತಸಃ । ಸ್ವಾತ್ಮನ್ಯಾರೋಪಯಂತ್ಯೇತತ್ಕರ್ತೃತ್ವಾದ್ಯನ್ಯಗೋಚರಮ್ ॥ ೪೨೮ ॥
23. ಅಜ್ಞಾನಂ ಪ್ರಕೃತಿಃ ಶಕ್ತಿರವಿದ್ಯೇತಿ ನಿಗದ್ಯತೇ । ತದೇತತ್ಸನ್ನ ಭವತಿ ನಾಸದ್ವಾ ಶುಕ್ತಿರೌಪ್ಯವತ್ ॥ ೩೦೫ ॥
24. ಅಜ್ಞಾನಂ ವ್ಯಷ್ಟ್ಯಭಿಪ್ರಾಯಾದನೇಕತ್ವೇನ ಭಿದ್ಯತೇ । ಅಜ್ಞಾನವೃತ್ತಯೋ ನಾನಾ ತತ್ತದ್ಗುಣವಿಲಕ್ಷಣಾಃ ॥ ೩೧೬ ॥
25. ಅಜ್ಞಾನಜ್ಞಾನಯೋಸ್ತದ್ವದುಭಯೋರೇವ ದೃಶ್ಯತೇ । ನ ಜ್ಞಾನೇನ ವಿನಾ ನಾಶಸ್ತಸ್ಯ ಕೇನಾಪಿ ಸಿಧ್ಯತಿ ॥ ೫೧೭ ॥
26. ಅಜ್ಞಾನತದವಚ್ಛಿನ್ನಾಭಾಸಯೋರುಭಯೋರಪಿ । ಆಧಾರಂ ಶುದ್ಧಚೈತನ್ಯಂ ಯತ್ತತ್ತುರ್ಯಮಿತೀರ್ಯತೇ ॥ ೩೨೮ ॥
27. ಅಜ್ಞಾನದೂರೀಕರಣಂ ಮಾನಸಂ ಶೌಚಮಾಂತರಮ್ । ಅಂತಃಶೌಚೇ ಸ್ಥಿತೇ ಸಮ್ಯಗ್ಬಾಹ್ಯಂ ನಾವಶ್ಯಕಂ ನೃಣಾಮ್ ॥ ೧೧೫ ॥
28. ಅಜ್ಞಾನಮಪಿ ವಿಜ್ಞಾನಂ ಬುದ್ಧಿರ್ವಾಪಿ ಚ ತದ್ಗುಣಾಃ । ಸುಷುಪ್ತೌ ನೋಪಲಭ್ಯಂತೇ ಯತ್ಕಿಂಚಿದಪಿ ವಾಪರಮ್ ॥ ೫೭೧ ॥
29. ಅಜ್ಞಾನಸ್ಯ ನಿವೃತ್ತಿಸ್ತು ಜ್ಞಾನೇನೈವ ನ ಕರ್ಮಣಾ । ಅವಿರೋಧಿತಯಾ ಕರ್ಮ ನೈವಾಜ್ಞಾನಸ್ಯ ಬಾಧಕಮ್ ॥ ೫೧೦ ॥
30. ಅಜ್ಞೋಽಹಮಿತ್ಯನುಭವಾದಾಸ್ತ್ರೀಬಾಲಾದಿಗೋಚರಾತ್ । ಭವತ್ಯಜ್ಞಾನಮೇವಾತ್ಮಾ ನ ತು ಬುದ್ಧಿಃ ಕದಾಚನ ॥ ೫೬೦ ॥
31. ಅತ ಏತದನಿರ್ವಾಚ್ಯಮಿತ್ಯೇವ ಕವಯೋ ವಿದುಃ । ಸಮಷ್ಟಿವ್ಯಷ್ಟಿರೂಪೇಣ ದ್ವಿಧಾಜ್ಞಾನಂ ನಿಗದ್ಯತೇ ॥ ೩೦೭ ॥
32. ಅತ ಏವ ಮತಂ ವೃತ್ತಿವ್ಯಾಪ್ಯತ್ವಂ ವಸ್ತುನಃ ಸತಾಮ್ । ನ ಫಲವ್ಯಾಪ್ಯತಾ ತೇನ ನ ವಿರೋಧಃ ಪರಸ್ಪರಮ್ ॥ ೮೦೭ ॥
33. ಅತಃ ಸಂಗಚ್ಛತೇ ಸಮ್ಯಗ್ವಾಕ್ಯಾರ್ಥೋ ಬಾಧವರ್ಜಿತಃ । ಏವಂ ತತ್ತ್ವಮಸೀತ್ಯತ್ರ ವಾಕ್ಯಾರ್ಥೋ ನ ಸಮಂಜಸಃ ॥ ೭೧೭ ॥
34. ಅತಸ್ತಮಪರಿತ್ಯಜ್ಯ ತದ್ಗುಣಾಶ್ರಯಲಕ್ಷಣಃ । ಲಕ್ಷ್ಯಾದಿರ್ಲಕ್ಷ್ಯತೇ ತತ್ರ ಲಕ್ಷಣಾಸೌ ಪ್ರವರ್ತತೇ ॥ ೭೪೫ ॥
35. ಅತಿಸೂಕ್ಷ್ಮತರಃ ಪ್ರಶ್ನಸ್ತವಾಯಂ ಸದೃಶೋ ಮತಃ । ಸೂಕ್ಷ್ಮಾರ್ಥದರ್ಶನಂ ಸೂಕ್ಷ್ಮಬುದ್ಧಿಷ್ವೇವ ಪ್ರದೃಶ್ಯತೇ ॥ ೫೮೪ ॥
36. ಅತಿಸೂಕ್ಷ್ಮವಿಮರ್ಶೇನ ಸ್ವಧೀವೃತ್ತಿರಚಂಚಲಾ । ವಿಲೀಯತೇ ಯದಾ ಬೋಧೇ ಸ್ವಪ್ನಸುಪ್ತಿರಿತೀರ್ಯತೇ ॥ ೯೫೪ ॥
37. ಅತೋಽಂತರಂಗಸ್ಥಿತಕಾಮವೇಗಾ - ದ್ಭೋಗ್ಯೇ ಪ್ರವೃತ್ತಿಃ ಸ್ವತ ಏವ ಸಿದ್ಧಾ । ಸರ್ವಸ್ಯ ಜಂತೋರ್ಧ್ರುವಮನ್ಯಥಾ ಚೇ - ದಬೋಧಿತಾರ್ಥೇಷು ಕಥಂ ಪ್ರವೃತ್ತಿಃ ॥ ೫೯ ॥
38. ಅತೋಽಪ್ರಾಮಾಣಿಕಮಿತಿ ನ ಕಿಂಚಿದಪಿ ಚಿಂತ್ಯತಾಮ್ । ಖಾಂಶವ್ಯಾಪ್ತಿಶ್ಚ ಖವ್ಯಾಪ್ತಿರ್ವಿದ್ಯತೇ ಪಾವಕಾದಿಷು ॥ ೪೦೫ ॥
39. ಅತೋಽಯಂ ಪುತ್ರ ಆತ್ಮೇತಿ ಮನ್ಯತೇ ಭ್ರಾಂತಿಮತ್ತಮಃ । ತನ್ಮತಂ ದೂಷಯತ್ಯನ್ಯಃ ಪುತ್ರ ಆತ್ಮಾ ಕಥಂ ತ್ವಿತಿ ॥ ೫೨೬ ॥
40. ಅತ್ಯಂತಂ ಶ್ರದ್ಧಯಾ ಭಕ್ತ್ಯಾ ಗುರುಮೀಶ್ವರಮಾತ್ಮನಿ । ಯೋ ಭಜತ್ಯನಿಶಂ ಕ್ಷಾಂತಸ್ತಸ್ಯ ಚಿತ್ತಂ ಪ್ರಸೀದತಿ ॥ ೩೬೭ ॥
41. ಅತ್ಯಂತತೀವ್ರವೈರಾಗ್ಯಂ ಫಲಲಿಪ್ಸಾ ಮಹತ್ತರಾ । ತದೇತದುಭಯಂ ವಿದ್ಯಾತ್ಸಮಾಧಾನಸ್ಯ ಕಾರಣಮ್ ॥ ೨೨೨ ॥
42. ಅತ್ರಾಪಿ ಚಾನ್ಯತ್ರ ಚ ವಿದ್ಯಮಾನ - ಪದಾರ್ಥಸಮ್ಮರ್ಶನಮೇವ ಕಾರ್ಯಮ್ । ಯಥಾಪ್ರಕಾರಾರ್ಥಗುಣಾಭಿಮರ್ಶನಂಸಂದರ್ಶಯತ್ಯೇವ ತದೀಯದೋಷಮ್ ॥ ೨೬ ॥
43. ಅದ್ವಿತೀಯಸ್ವಮಾತ್ರೋಽಸೌ ನಿರುಪಾದಾನ ಈಶ್ವರಃ । ಸ್ವಯಮೇವ ಕಥಂ ಸರ್ವಂ ಸೃಜತೀತಿ ನ ಶಂಕ್ಯತಾಮ್ ॥ ೩೩೧ ॥
44. ಅಧಿಕಾರೀ ಚ ವಿಷಯಃ ಸಂಬಂಧಶ್ಚ ಪ್ರಯೋಜನಮ್ । ಶಾಸ್ತ್ರಾರಂಭಫಲಂ ಪ್ರಾಹುರನುಬಂಧಚತುಷ್ಟಯಮ್ ॥ ೬ ॥
45. ಅಧ್ಯಸ್ತಜಗತೋ ರೂಪಂ ನಾಮರೂಪಮಿದಂ ದ್ವಯಮ್ । ಏತಾನಿ ಸಚ್ಚಿದಾನಂದನಾಮರೂಪಾಣಿ ಪಂಚ ಚ ॥ ೮೮೧ ॥
46. ಅಧ್ಯಸ್ತನಾಮರೂಪಾದಿಪ್ರವಿಲಾಪೇನ ನಿರ್ಮಲಮ್ । ಅದ್ವೈತಂ ಪರಮಾನಂದಂ ಬ್ರಹ್ಮೈವಾಸ್ಮೀತಿ ಭಾವಯೇತ್ ॥ ೮೯೨ ॥
47. ಅಧ್ಯಾರೋಪಾಪವಾದಕ್ರಮಮನುಸರತಾ ದೇಶಿಕೇನಾತ್ರ ವೇತ್ತ್ರಾವಾಕ್ಯಾರ್ಥೇ ಬೋಧ್ಯಮಾನೇ ಸತಿ ಸಪದಿ ಸತಃ ಶುದ್ಧಬುದ್ಧೇರಮುಷ್ಯ । ನಿತ್ಯಾನಂದಾದ್ವಿತೀಯಂ ನಿರುಪಮಮಮಲಂ ಯತ್ಪರಂ ತತ್ತ್ವಮೇಕಂತದ್ಬ್ರಹ್ಮೈವಾಹಮಸ್ಮೀತ್ಯುದಯತಿ ಪರಮಾಖಂಡತಾಕಾರವೃತ್ತಿಃ ॥ ೭೯೭ ॥
48. ಅಧ್ಯಾಸದೋಷಾತ್ಸಮುಪಾಗತೋಽಯಂಸಂಸಾರಬಂಧಃ ಪ್ರಬಲಃ ಪ್ರತೀಚಃ । ಯದ್ಯೋಗತಃ ಕ್ಲಿಶ್ಯತಿ ಗರ್ಭವಾಸ - ಜನ್ಮಾಪ್ಯಯಕ್ಲೇಶಭಯೈರಜಸ್ರಮ್ ॥ ೪೯೬ ॥
49. ಅಧ್ಯಾಸಬಾಧಾಗಮನಸ್ಯ ಕಾರಣಂಶೃಣು ಪ್ರವಕ್ಷ್ಯಾಮಿ ಸಮಾಹಿತಾತ್ಮಾ । ಯಸ್ಮಾದಿದಂ ಪ್ರಾಪ್ತಮನರ್ಥಜಾತಂಜನ್ಮಾಪ್ಯಯವ್ಯಾಧಿಜರಾದಿದುಃಖಮ್ ॥ ೪೮೭ ॥
50. ಅಧ್ಯಾಸಾದೇವ ಸಂಸಾರೋ ನಷ್ಟೇಽಧ್ಯಾಸೇ ನ ದೃಶ್ಯತೇ । ತದೇತದುಭಯಂ ಸ್ಪಷ್ಟಂ ಪಶ್ಯ ತ್ವಂ ಬದ್ಧಮುಕ್ತಯೋಃ ॥ ೪೯೯ ॥
51. ಅಧ್ಯಾಸೋ ನಾಮ ಖಲ್ವೇಷ ವಸ್ತುನೋ ಯೋಽನ್ಯಥಾಗ್ರಹಃ । ಸ್ವಾಭಾವಿಕಭ್ರಾಂತಿಮೂಲಂ ಸಂಸೃತೇರಾದಿಕಾರಣಮ್ ॥ ೪೯೭ ॥
52. ಅನಂತಶಕ್ತಿಸಂಪನ್ನೋ ಮಾಯೋಪಾಧಿಕ ಈಶ್ವರಃ । ಈಕ್ಷಾಮಾತ್ರೇಣ ಸೃಜತಿ ವಿಶ್ವಮೇತಚ್ಚರಾಚರಮ್ ॥ ೩೩೦ ॥
53. ಅನಪೇಕ್ಷಃ ಶುಚಿರ್ದಕ್ಷಃ ಕರುಣಾಮೃತಸಾಗರಃ । ಏವಂಲಕ್ಷಣಸಂಪನ್ನಃ ಸ ಗುರುರ್ಬ್ರಹ್ಮವಿತ್ತಮಃ । ಉಪಾಸಾದ್ಯಃ ಪ್ರಯತ್ನೇನ ಜಿಝಾಸೋಃ ಸ್ವಾರ್ಥಸಿದ್ಧಯೇ ॥ ೨೫೩ ॥
54. ಅನಾತ್ಮನೋ ಜನ್ಮಜರಾಮೃತಿಕ್ಷುಧಾ - ತೃಷ್ಣಾಸುಖಕ್ಲೇಶಭಯಾದಿಧರ್ಮಾನ್ । ವಿಪರ್ಯಯೇಣ ಹ್ಯತಥಾವಿಧೇಽಸ್ಮಿ - ನ್ನಾರೋಪಯಂತ್ಯಾತ್ಮನಿ ಬುದ್ಧಿದೋಷಾತ್ ॥ ೪೬೩ ॥
55. ಅನಾತ್ಮನ್ಯಹಮಿತ್ಯೇವ ಯೋಽಯಮಧ್ಯಾಸ ಈರಿತಃ । ಸ್ಯಾದುತ್ತರೋತ್ತರಾಧ್ಯಾಸೇ ಪೂರ್ವಪೂರ್ವಸ್ತು ಕಾರಣಮ್ ॥ ೪೮೫ ॥
56. ಅನಾತ್ಮನ್ಯಾತ್ಮತಾಧ್ಯಾಸಃ ಕಥಮೇಷ ಸಮಾಗತಃ । ನಿವೃತ್ತಿಃ ಕಥಮೇತಸ್ಯ ಕೇನೋಪಾಯೇನ ಸಿಧ್ಯತಿ ॥ ೪೭೦ ॥
57. ಅನಾತ್ಮನ್ಯಾತ್ಮತಾಧ್ಯಾಸೇ ನ ಸಾದೃಶ್ಯಮಪೇಕ್ಷತೇ । ಪೀತೋಽಯಂ ಶಂಖ ಇತ್ಯಾದೌ ಸಾದೃಶ್ಯಂ ಕಿಮಪೇಕ್ಷಿತಮ್ ॥ ೪೭೯ ॥
58. ಅನಿತ್ಯತ್ವಂ ಚ ನಿತ್ಯತ್ವಮೇವಂ ಯಚ್ಛ್ರುತಿಯುಕ್ತಿಭಿಃ । ವಿವೇಚನಂ ನಿತ್ಯಾನಿತ್ಯವಿವೇಕ ಇತಿ ಕಥ್ಯತೇ ॥ ೨೧ ॥
59. ಅನುಕಂಪಾ ದಯಾ ಸೈವ ಪ್ರೋಕ್ತಾ ವೇದಾಂತವೇದಿಭಿಃ । ಕರಣತ್ರಿತಯೇಷ್ವೇಕರೂಪತಾವಕ್ರತಾ ಮತಾ ॥ ೧೧೨ ॥
60. ಅನುಭೂತಿಬಲಾಚ್ಚಾಪಿ ಯುಕ್ತಿತೋಽಪಿ ಶ್ರುತೇರಪಿ । ಆತ್ಮಾ ವೈ ಪುತ್ರನಾಮಾಸೀತ್ಯೇವಂ ಚ ವದತಿ ಶ್ರುತಿಃ ॥ ೫೨೪ ॥
61. ಅನುಸಂಧಾನರಾಹಿತ್ಯಮಾಲಸ್ಯಂ ಭೋಗಲಾಲಸಮ್ । ಭಯಂ ತಮಶ್ಚ ವಿಕ್ಷೇಪಸ್ತೇಜಸ್ಪಂದಶ್ಚ ಶೂನ್ಯತಾ ॥ ೯೨೨ ॥
62. ಅನುಸ್ಯೂತಾತ್ಮನಃ ಸತ್ತಾ ಜಾಗ್ರತ್ಸ್ವಪ್ನಸುಷುಪ್ತಿಷು । ಅಹಮಸ್ಮೀತ್ಯತೋ ನಿತ್ಯೋ ಭವತ್ಯಾತ್ಮಾಯಮವ್ಯಯಃ ॥ ೬೧೨ ॥
63. ಅನೇನೋದ್ಭೂತಗುಣಕಂ ಭೂತಂ ವಕ್ಷ್ಯೇಽವಧಾರಯ । ಶಬ್ದೈಕಗುಣಮಾಕಾಶಂ ಶಬ್ದಸ್ಪರ್ಶಗುಣೋಽನಿಲಃ ॥ ೪೦೯ ॥
64. ಅನ್ಯತ್ರ ತ್ವನ್ಯಧರ್ಮಾಣಾಮುಪಲಂಭೋ ನ ದೃಶ್ಯತೇ । ತಸ್ಮಾನ್ನ ವಸ್ತುಧರ್ಮೋಽಯಮಾನಂದಸ್ತು ಕದಾಚನ ॥ ೬೪೨ ॥
65. ಅನ್ಯಥಾ ವಿಪರೀತಂ ಸ್ಯಾತ್ಕಾರ್ಯಕಾರಣಲಕ್ಷಣಮ್ । ನಿಯತಂ ಸರ್ವಶಾಸ್ತ್ರೇಷು ಸರ್ವಲೋಕೇಷು ಸರ್ವತಃ ॥ ೫೯೨ ॥
66. ಅನ್ಯಪ್ರಕಾಶಂ ನ ಕಿಮಪ್ಯಪೇಕ್ಷ್ಯಯತೋಽಯಮಾಭಾತಿ ನಿಜಾತ್ಮನೈವ । ತತಃ ಸ್ವಯಂಜ್ಯೋತಿರಯಂ ಚಿದಾತ್ಮಾನ ಹ್ಯಾತ್ಮಭಾನೇ ಪರದೀಪ್ತ್ಯಪೇಕ್ಷಾ ॥ ೬೨೧ ॥
67. ಅನ್ಯೋಽಂತರ ಆತ್ಮಾ ವಿಜ್ಞಾನಮಯ ಇತಿ ವದತಿ ನಿಗಮಃ । ಮನಸೋಽಪಿ ಚ ಭಿನ್ನಂ ವಿಜ್ಞಾನಮಯಂ ಕರ್ತೃರೂಪಮಾತ್ಮಾನಮ್ ॥ ೫೫೬ ॥
68. ಅಪಂಚೀಕೃತಭೂತೇಭ್ಯೋ ಜಾತಂ ಸಪ್ತದಶಾಂಗಕಮ್ । ಸಂಸಾರಕಾರಣಂ ಲಿಂಗಮಾತ್ಮನೋ ಭೋಗಸಾಧನಮ್ ॥ ೩೩೯ ॥
69. ಅಪರಃ ಕ್ರಿಯತೇ ಪ್ರಶ್ನೋ ಮಯಾಯಂ ಕ್ಷಮ್ಯತಾಂ ಪ್ರಭೋ । ಅಜ್ಞವಾಗಪರಾಧಾಯ ಕಲ್ಪತೇ ನ ಮಹಾತ್ಮನಾಮ್ ॥ ೬೩೨ ॥
70. ಅಪರೋಕ್ಷತಯೈವಾತ್ಮಾ ಸಮಾಧಾವನುಭೂಯತೇ । ಕೇವಲಾನಂದಮಾತ್ರತ್ವೇನೈವಮತ್ರ ನ ಸಂಶಯಃ ॥ ೬೬೭ ॥
71. ಅಪರೋಽಹಮನಪರೋಽಹಂ ಬಹಿರಂತಶ್ಚಾಪಿ ಪೂರ್ಣ ಏವಾಹಮ್ । ಅಜರೋಽಹಮಕ್ಷರೋಽಹಂ ನಿತ್ಯಾನಂದೋಽಹಮದ್ವಿತೀಯೋಽಹಮ್ ॥ ೮೬೯ ॥
72. ಅಪಾಣಿಪಾದೋಽಹಮವಾಗಚಕ್ಷುಃಅಪ್ರಾಣ ಏವಾಸ್ಮ್ಯಮನಾ ಹ್ಯಬುದ್ಧಿಃ । ವ್ಯೋಮೇವ ಪೂರ್ಣೋಽಸ್ಮಿ ವಿನಿರ್ಮಲೋಽಸ್ಮಿಸದೈಕರೂಪೋಽಸ್ಮಿ ಚಿದೇವ ಕೇವಲಃ ॥ ೮೪೨ ॥
73. ಅಬಂಶಕತಯಾ ಜಿಹ್ವಾ ರಸಂ ಗೃಹ್ಣಾತಿ ತದ್ಗುಣಮ್ । ಭೂಮ್ಯಂಶಕತಯಾ ಘ್ರಾಣಂ ಗಂಧಂ ಗೃಹ್ಣಾತಿ ತದ್ಗುಣಮ್ ॥ ೪೧೩ ॥
74. ಅಭಾವ ಉಭಯೋಃ ಸುಪ್ತೌ ಸರ್ವೈರಪ್ಯನುಭೂಯತೇ । ನ ಕಶ್ಚಿದನಯೋರ್ಭೇದಸ್ತಸ್ಮಾನ್ಮಿಥ್ಯಾತ್ವಮರ್ಹತಃ ॥ ೭೬೭ ॥
75. ಅಭಿಭೂತಃ ಸ ಏವಾತ್ಮಾ ಜೀವ ಇತ್ಯಭಿಧೀಯತೇ । ಕಿಂಚಿಜ್ಜ್ಞತ್ವಾನೀಶ್ವರತ್ವಸಂಸಾರಿತ್ವಾದಿಧರ್ಮವಾನ್ ॥ ೩೨೦ ॥
76. ಅಭೇದ ಏವ ನೋ ಭೇದೋ ಜಾತ್ಯೇಕತ್ವೇನ ವಸ್ತುತಃ । ಅಭೇದ ಏವ ಜ್ಞಾತವ್ಯಸ್ತಥೇಶಪ್ರಾಜ್ಞಯೋರಪಿ ॥ ೩೨೬ ॥
77. ಅಯಂ ಚಾಪಿ ಪ್ರಬುದ್ಧಾನಾಮಜ್ಞಾನಾಂ ಪ್ರಾಣಪೀಡನಮ್ । ವಿಷಯೇಷ್ವಾತ್ಮತಾಂ ತ್ಯಕ್ತ್ವಾ ಮನಸಶ್ಚಿತಿಮಜ್ಜನಮ್ ॥ ೯೧೭ ॥
78. ಅರ್ಥಾ ಬಹುವಿಧಾಃ ಪ್ರೋಕ್ತಾ ವಾಕ್ಯಾನಾಂ ಪಂಡಿತೋತ್ತಮೈಃ । ವಾಚ್ಯಲಕ್ಷ್ಯಾದಿಭೇದೇನ ಪ್ರಸ್ತುತಂ ಶ್ರೂಯತಾಂ ತ್ವಯಾ ॥ ೭೦೭ ॥
79. ಅರ್ಥೀ ಸಮರ್ಥ ಇತ್ಯಾದಿ ಲಕ್ಷಣಂ ಕರ್ಮಿಣೋ ಮತಮ್ । ಪರೀಕ್ಷ್ಯ ಲೋಕಾನಿತ್ಯಾದಿ ಲಕ್ಷಣಂ ಮೋಕ್ಷಕಾಂಕ್ಷಿಣಃ ॥ ೧೭೯ ॥
80. ಅಲಾಭಾದ್ದ್ವಿಗುಣಂ ದುಃಖಂ ವಿತ್ತಸ್ಯ ವ್ಯಯಸಂಭವೇ । ತತೋಽಪಿ ತ್ರಿಗುಣಂ ದುಃಖಂ ದುರ್ವ್ಯಯೇ ವಿದುಷಾಮಪಿ ॥ ೮೦ ॥
81. ಅವಸ್ತು ತತ್ಪ್ರಮಾಣೈರ್ಯದ್ಬಾಧ್ಯತೇ ಶುಕ್ತಿರೌಪ್ಯವತ್ । ನ ಬಾಧ್ಯತೇ ಯತ್ತದ್ವಸ್ತು ತ್ರಿಷು ಕಾಲೇಷು ಶುಕ್ತಿವತ್ ॥ ೩೦೦ ॥
82. ಅವಸ್ಥಾ ಸಚ್ಚಿದಾನಂದಾಖಂಡೈಕರಸರೂಪಿಣೀ । ಮೋಕ್ಷಃ ಸಿಧ್ಯತಿ ವಾಕ್ಯಾರ್ಥಾಪರೋಕ್ಷಜ್ಞಾನತಃ ಸತಾಮ್ ॥ ೭೦೫ ॥
83. ಅವಿಚಾರಿತರಮಣೀಯಂಸರ್ವಮುದುಂಬರಫಲೋಪಮಂ ಭೋಗ್ಯಮ್ । ಅಜ್ಞಾನಾಮುಪಭೋಗ್ಯಂನ ತು ತಜ್ಜ್ಞಾನಾಂ ಯೋಷಿತಿ ವಾ ಪದಾರ್ಥೇ ॥ ೪೨ ॥
84. ಅವಿದ್ಯಾಕಾರ್ಯಕರಣಸಂಘಾತೇಷು ಪುರೋದಿತಃ । ಆತ್ಮಾ ಜಾಗ್ರತ್ಯಪಿ ಸ್ವಪ್ನೇ ನ ಭವತ್ಯೇಷ ಗೋಚರಃ ॥ ೬೫೮ ॥
85. ಅವಿದ್ಯಾಕಾರ್ಯತಸ್ತುಲ್ಯೌ ದ್ವಾವಪಿ ಸ್ವಪ್ನಜಾಗರೌ । ದೃಷ್ಟದರ್ಶನದೃಶ್ಯಾದಿಕಲ್ಪನೋಭಯತಃ ಸಮಾ ॥ ೭೬೬ ॥
86. ಅವಿದ್ಯಾಹೃದಯಗ್ರಂಥಿವಿಮೋಕ್ಷೋಽಪಿ ಭವೇದ್ಯತಃ । ತಮೇವ ಗುರುರಿತ್ಯಾಹುರ್ಗುರುಶಬ್ದಾರ್ಥವೇದಿನಃ ॥ ೨೫೫ ॥
87. ಅವಿರುದ್ಧಂ ಪದಾರ್ಥಾಂತರಾಂಶಂ ಸ್ವಾಂಶಂ ಚ ತತ್ಕಥಮ್ । ಏಕಂ ಪದಂ ಲಕ್ಷಣಯಾ ಸಂಲಕ್ಷಯಿತುಮರ್ಹತಿ ॥ ೭೫೦ ॥
88. ಅವೇಕ್ಷ್ಯ ವಿಷಯೇ ದೋಷಂ ಬುದ್ಧಿಯುಕ್ತೋ ವಿಚಕ್ಷಣಃ । ಕಾಮಪಾಶೇನ ಯೋ ಮುಕ್ತಃ ಸ ಮುಕ್ತೇಃ ಪಥಿ ಗೋಚರಃ ॥ ೬೧ ॥
89. ಅವೇದ್ಯಮಾನಃ ಸ್ವಯಮನ್ಯಲೋಕೈಃಸೌಷುಪ್ತಿಕಂ ಧರ್ಮಮವೈತಿ ಸಾಕ್ಷಾತ್ । ಬುದ್ಧ್ಯಾದ್ಯಭಾವಸ್ಯ ಚ ಯೋಽತ್ರ ಬೋದ್ಧಾಸ ಏಷ ಆತ್ಮಾ ಖಲು ನಿರ್ವಿಕಾರಃ ॥ ೫೯೮ ॥
90. ಅವ್ಯಕ್ತಮಪರಂ ಬ್ರಹ್ಮ ವಾಚ್ಯಾರ್ಥ ಇತಿ ಕಥ್ಯತೇ । ನೀಲಮುತ್ಪಲಮಿತ್ಯತ್ರ ಯಥಾ ವಾಕ್ಯಾರ್ಥಸಂಗತಿಃ ॥ ೭೧೩ ॥
91. ಅವ್ಯಕ್ತಶಬ್ದಿತೇ ಪ್ರಾಜ್ಞೇ ಸತ್ಯಾತ್ಮನ್ಯತ್ರ ಜಾಗ್ರತಿ । ಕಥಂ ಸಿಧ್ಯತಿ ಶೂನ್ಯತ್ವಂ ತಸ್ಯ ಭ್ರಾಂತಿಶಿರೋಮಣೇ ॥ ೫೯೪ ॥
92. ಅವ್ಯಾಕೃತಂ ತದವ್ಯಕ್ತಮೀಶ ಇತ್ಯಪಿ ಗೀಯತೇ । ಸರ್ವಶಕ್ತಿಗುಣೋಪೇತಃ ಸರ್ವಜ್ಞಾನಾವಭಾಸಕಃ ॥ ೩೧೧ ॥
93. ಅವ್ಯಾಕೃತಾತ್ಮನಾವಸ್ಥಾಂ ಜಗತೋ ವದತಿ ಶ್ರುತಿಃ । ಸುಷುಪ್ತ್ಯಾದಿಷು ತದ್ಭೇದಂ ತರ್ಹ್ಯವ್ಯಾಕೃತಮಿತ್ಯಸೌ ॥ ೫೮೮ ॥
94. ಅಶಿತಾನ್ನರಸಾದೀನಾಂ ಸಮೀಕರಣಧರ್ಮತಃ । ಸಮಾನ ಇತ್ಯಭಿಪ್ರೇತೋ ವಾಯುರ್ಯಸ್ತೇಷು ಪಂಚಮಃ ॥ ೩೭೮ ॥
95. ಅಷ್ಟಾವಂಗಾನಿ ಯೋಗಸ್ಯ ಯಮೋ ನಿಯಮ ಆಸನಮ್ । ಪ್ರಾಣಾಯಾಮಸ್ತಥಾ ಪ್ರತ್ಯಾಹಾರಶ್ಚಾಪಿ ಚ ಧಾರಣಾ ॥ ೯೧೦ ॥
96. ಅಸನ್ನೇವ ಘಟಃ ಪೂರ್ವಂ ಜಾಯಮಾನಃ ಪ್ರದೃಶ್ಯತೇ । ನ ಹಿ ಕುಂಭಃ ಪುರೈವಾಂತಃ ಸ್ಥಿತ್ವೋದೇತಿ ಬಹಿರ್ಮುಖಃ ॥ ೫೭೫ ॥
97. ಅಸ್ತೀತ್ಯೇವೋಪಲಬ್ಧವ್ಯಂ ವಸ್ತುಸದ್ಭಾವನಿಶ್ಚಯಾತ್ । ಸದ್ಭಾವನಿಶ್ಚಯಸ್ತಸ್ಯ ಶ್ರದ್ಧಯಾ ಶಾಸ್ತ್ರಸಿದ್ಧಯಾ ॥ ೨೧೪ ॥
98. ಅಸ್ಮಿನ್ನಾತ್ಮನ್ಯನಾತ್ಮತ್ವಮನಾತ್ಮನ್ಯಾತ್ಮತಾಂ ಪುನಃ । ವಿಪರೀತತಯಾಧ್ಯಸ್ಯ ಸಂಸರಂತಿ ವಿಮೋಹತಃ ॥ ೪೬೧ ॥
99. ಅಸ್ಮಿನ್ಸಮಾಧೌ ಕುರುತೇ ಪ್ರಯಾಸಂಯಸ್ತಸ್ಯ ನೈವಾಸ್ತಿ ಪುನರ್ವಿಕಲ್ಪಃ । ಸರ್ವಾತ್ಮಭಾವೋಽಪ್ಯಮುನೈವ ಸಿಧ್ಯೇ - ತ್ಸರ್ವಾತ್ಮಭಾವಃ ಖಲು ಕೇವಲತ್ವಮ್ ॥ ೯೦೪ ॥
100. ಅಸ್ಯ ವ್ಯಷ್ಟಿರಹಂಕಾರಕಾರಣತ್ವೇನ ಕಾರಣಮ್ । ವಪುಸ್ತತ್ರಾಭಿಮಾನ್ಯಾತ್ಮಾ ಪ್ರಾಜ್ಞ ಇತ್ಯುಚ್ಯತೇ ಬುಧೈಃ ॥ ೩೨೧ ॥
101. ಅಸ್ಯ ಶಾಸ್ತ್ರಾನುಸಾರಿತ್ವಾದನುಬಂಧಚತುಷ್ಟಯಮ್ । ಯದೇವ ಮೂಲಂ ಶಾಸ್ತ್ರಸ್ಯ ನಿರ್ದಿಷ್ಟಂ ತದಿಹೋಚ್ಯತೇ ॥ ೫ ॥
102. ಅಸ್ಯಾವಸ್ಥಾ ಸುಷುಪ್ತಿಃ ಸ್ಯಾದ್ಯತ್ರಾನಂದಃ ಪ್ರಕೃಷ್ಯತೇ । ಏಷೋಽಹಂ ಸುಖಮಸ್ವಾಪ್ಸಂ ನ ತು ಕಿಂಚಿದವೇದಿಷಮ್ ॥ ೩೨೪ ॥
103. ಅಸ್ಯೋಪಾಧಿಃ ಶುದ್ಧಸತ್ತ್ವಪ್ರಧಾನಾಮಾಯಾ ಯತ್ರ ತ್ವಸ್ಯ ನಾಸ್ತ್ಯಲ್ಪಭಾವಃ । ಸತ್ತ್ವಸ್ಯೈವೋತ್ಕೃಷ್ಟತಾ ತೇನ ಬಂಧೋನೋ ವಿಕ್ಷೇಪಸ್ತತ್ಕೃತೋ ಲೇಶಮಾತ್ರಃ ॥ ೫೦೩ ॥
104. ಅಹಂ ಕರ್ತಾಸ್ಮ್ಯಹಂ ಭೋಕ್ತಾ ಸುಖೀತ್ಯನುಭವಾದಪಿ । ಬುದ್ಧಿರಾತ್ಮಾ ಭವತ್ಯೇವ ಬುದ್ಧಿಧರ್ಮೋ ಹ್ಯಹಂಕೃತಿಃ ॥ ೫೫೫ ॥
105. ಅಹಂ ಬ್ರಹ್ಮಾಸ್ಮ್ಯಹಂ ಬ್ರಹ್ಮಾಸ್ಮ್ಯಹಂ ಬ್ರಹ್ಮೇತಿ ನಿಶ್ಚಯಃ । ಚಿದಹಂ ಚಿದಹಂ ಚೇತಿ ಸ ಜೀವನ್ಮುಕ್ತ ಉಚ್ಯತೇ ॥ ೯೭೮ ॥
106. ಅಹಂ ಮಮೇತ್ಯೇವ ಸದಾಭಿಮಾನಂದೇಹೇಂದ್ರಿಯಾದೌ ಕುರುತೇ ಗೃಹಾದೌ । ಜೀವಾಭಿಮಾನಃ ಪುರುಷೋಽಯಮೇವಕರ್ತಾ ಚ ಭೋಕ್ತಾ ಚ ಸುಖೀ ಚ ದುಃಖೀ ॥ ೩೫೨ ॥
107. ಅಹಂಕಾರಸ್ಯ ವಿಚ್ಛಿತ್ತಿಃ ಶ್ರವಣೇನ ಪ್ರತಿಕ್ಷಣಮ್ । ಪ್ರವರ್ತಕಂ ಕರ್ಮಶಾಸ್ತ್ರಂ ಜ್ಞಾನಶಾಸ್ತ್ರಂ ನಿವರ್ತಕಮ್ ॥ ೧೮೨ ॥
108. ಅಹಿಂಸಾ ವಾಙ್ಮನಃಕಾಯೈಃ ಪ್ರಾಣಿಮಾತ್ರಾಪ್ರಪೀಡನಮ್ । ಸ್ವಾತ್ಮವತ್ಸರ್ವಭೂತೇಷು ಕಾಯೇನ ಮನಸಾ ಗಿರಾ ॥ ೧೧೧ ॥
109. ಅಹಿನಿರ್ಲ್ವಯನೀಸರ್ಪನಿರ್ಮೋಕೋ ಜೀವವರ್ಜಿತಃ । ವಲ್ಮೀಕೇ ಪತಿತಸ್ತಿಷ್ಠೇತ್ತಂ ಸರ್ಪೋ ನಾಭಿಮನ್ಯತೇ ॥ ೯೮೮ ॥
110. ಆಕಾಶವಾಯ್ವೋರ್ಧರ್ಮಸ್ತು ವಹ್ನ್ಯಾದಾವುಪಲಭ್ಯತೇ । ಯಥಾ ತಥಾಕಾಶವಾಯ್ವೋರ್ನಾಗ್ನ್ಯಾದೇರ್ಧರ್ಮ ಈಕ್ಷ್ಯತೇ ॥ ೪೦೪ ॥
111. ಆಕಾಶಾದಿಗತಾಃ ಪಂಚ ಸಾತ್ತ್ವಿಕಾಂಶಾಃ ಪರಸ್ಪರಮ್ । ಮಿಲಿತ್ವೈವಾಂತಃಕರಣಮಭವತ್ಸರ್ವಕಾರಣಮ್ ॥ ೩೪೨ ॥
112. ಆತ್ಮನಃ ಸಾಕ್ಷಿಮಾತ್ರತ್ವಂ ನ ಕರ್ತೃತ್ವಂ ನ ಭೋಕ್ತೃತಾ । ರವಿವತ್ಪ್ರಾಣಿಭಿರ್ಲೋಕೇ ಕ್ರಿಯಮಾಣೇಷು ಕರ್ಮಸು ॥ ೪೨೫ ॥
113. ಆತ್ಮನಃ ಸುಖರೂಪತ್ವಾದಾನಂದತ್ವಂ ಸ್ವಲಕ್ಷಣಮ್ । ಪರಪ್ರೇಮಾಸ್ಪದತ್ವೇನ ಸುಖರೂಪತ್ವಮಾತ್ಮನಃ ॥ ೬೨೩ ॥
114. ಆತ್ಮನಃ ಸುಖರೂಪತ್ವೇ ಪ್ರಯತ್ನಃ ಕಿಮು ದೇಹಿನಾಮ್ । ಏಷ ಮೇ ಸಂಶಯಃ ಸ್ವಾಮಿನ್ ಕೃಪಯೈವ ನಿರಸ್ಯತಾಮ್ ॥ ೬೩೪ ॥
115. ಆತ್ಮನಃ ಸೋಽಯಮಧ್ಯಾಸೋ ಮಿಥ್ಯಾಜ್ಞಾನಪುರಃಸರಃ । ಅಸತ್ಕಲ್ಪೋಽಪಿ ಸಂಸಾರಂ ತನುತೇ ರಜ್ಜುಸರ್ಪವತ್ ॥ ೫೦೧ ॥
116. ಆತ್ಮನಃ ಸ್ಥೂಲಭೋಗಾನಾ - ಮೇತದಾಯತನಂ ವಿದುಃ । ಶಬ್ದಾದಿವಿಷಯಾನ್ಭುಂಕ್ತೇಸ್ಥೂಲಾನ್ಸ್ಥೂಲಾತ್ಮನಿ ಸ್ಥಿತಃ ॥ ೪೪೬ ॥
117. ಆತ್ಮನೀವ ಸ್ವಪುತ್ರೇಽಪಿ ಪ್ರಬಲಪ್ರೀತಿದರ್ಶನಾತ್ । ಪುತ್ರೇ ತು ಪುಷ್ಟೇ ಪುಷ್ಟೋಽಹಂ ನಷ್ಟೇ ನಷ್ಟೇಽಹಮಿತ್ಯತಃ ॥ ೫೨೩ ॥
118. ಆತ್ಮಯಾಥಾರ್ಥ್ಯನಿಶ್ಚಿತ್ತ್ಯೈ ಕರ್ತವ್ಯಂ ಮನನಂ ಮುಹುಃ । ವಿಪರೀತಾತ್ಮಧೀರ್ಯಾವನ್ನ ವಿನಶ್ಯತಿ ಚೇತಸಿ । ತಾವನ್ನಿರಂತರಂ ಧ್ಯಾನಂ ಕರ್ತವ್ಯಂ ಮೋಕ್ಷಮಿಚ್ಛತಾ ॥ ೮೧೭ ॥
119. ಆತ್ಮವತ್ಸರ್ವಭೂತೇಷು ಯಃ ಸಮತ್ವೇನ ಪಶ್ಯತಿ । ಸುಖಂ ದುಃಖಂ ವಿವೇಕೇನ ತಸ್ಯ ಚಿತ್ತಂ ಪ್ರಸೀದತಿ ॥ ೩೬೬ ॥
120. ಆತ್ಮಸ್ವರೂಪಮವಿಚಾರ್ಯ ವಿಮೂಢಬುದ್ಧಿ - ರಾರೋಪಯತ್ಯಖಿಲಮೇತದನಾತ್ಮಕಾರ್ಯಮ್ । ಸ್ವಾತ್ಮನ್ಯಸಂಗಚಿತಿನಿಷ್ಕ್ರಿಯ ಏವ ಚಂದ್ರೇದೂರಸ್ಥಮೇಘಕೃತಧಾವನವದ್ಭ್ರಮೇಣ ॥ ೪೨೯ ॥
121. ಆತ್ಮಾ ಖಲು ಪ್ರಿಯತಮೋಽಸುಭೃತಾಂ ಯದರ್ಥಾಭಾರ್ಯಾತ್ಮಜಾಪ್ತಗೃಹವಿತ್ತಮುಖಾಃ ಪದಾರ್ಥಾಃ । ವಾಣಿಜ್ಯಕರ್ಷಣಗವಾವನರಾಜಸೇವಾ - ಭೈಷಜ್ಯಕಪ್ರಭೃತಯೋ ವಿವಿಧಾಃ ಕ್ರಿಯಾಶ್ಚ ॥ ೬೨೯ ॥
122. ಆತ್ಮಾತಃ ಪರಮಪ್ರೇಮಾಸ್ಪದಃ ಸರ್ವಶರೀರಿಣಾಮ್ । ಯಸ್ಯ ಶೇಷತಯಾ ಸರ್ವಮುಪಾದೇಯತ್ವಮೃಚ್ಛತಿ ॥ ೬೨೬ ॥
123. ಆತ್ಮಾನಾತ್ಮವಿವೇಕಂ ತೇ ವಕ್ಷ್ಯಾಮಿ ಶೃಣು ಸಾದರಮ್ । ಯಸ್ಯ ಶ್ರವಣಮಾತ್ರೇಣ ಮುಚ್ಯತೇಽನಾತ್ಮಬಂಧನಾತ್ ॥ ೨೯೪ ॥
124. ಆತ್ಮಾನಾತ್ಮವಿವೇಕಂ ಸ್ಫುಟತರಮಗ್ರೇ ನಿವೇದಯಿಷ್ಯಾಮಃ । ಇಮಮಾಕರ್ಣಯ ವಿದ್ವನ್ ಜಗದುತ್ಪತ್ತಿಪ್ರಕಾರಮಾವೃತ್ತ್ಯಾ ॥ ೪೩೦ ॥
125. ಆತ್ಮಾನಾತ್ಮವಿವೇಕಾರ್ಥಂ ವಿವಾದೋಽಯಂ ನಿರೂಪ್ಯತೇ । ಯೇನಾತ್ಮಾನಾತ್ಮನೋಸ್ತತ್ತ್ವಂ ವಿವಿಕ್ತಂ ಪ್ರಸ್ಫುಟಾಯತೇ ॥ ೫೨೦ ॥
126. ಆತ್ಮಾನ್ಯಃ ಸುಖಮನ್ಯಚ್ಚ ನಾತ್ಮನಃ ಸುಖರೂಪತಾ । ಆತ್ಮನಃ ಸುಖಮಾಶಾಸ್ಯಂ ಯತತೇ ಸಕಲೋ ಜನಃ ॥ ೬೩೩ ॥
127. ಆತ್ಮಾನ್ಯಃ ಸುಖಮನ್ಯಚ್ಚೇತ್ಯೇವಂ ನಿಶ್ಚಿತ್ಯ ಪಾಮರಃ । ಬಹಿಃಸುಖಾಯ ಯತತೇ ಸತ್ಯಮೇವ ನ ಸಂಶಯಃ ॥ ೫೩೯ ॥
128. ಆತ್ಮಾಭಾಸಾ ತತೋ ಬುದ್ಧಿರ್ಬುದ್ಧ್ಯಾಭಾಸಂ ತತೋ ಮನಃ । ಅಕ್ಷಾಣಿ ಮನಆಭಾಸಾನ್ಯಕ್ಷಾಭಾಸಮಿದಂ ವಪುಃ । ಅತ ಏವಾತ್ಮತಾಬುದ್ಧಿರ್ದೇಹಾಕ್ಷಾದಾವನಾತ್ಮನಿ ॥ ೪೮೩ ॥
129. ಆತ್ಮೋಪಾಧೇರವಿದ್ಯಾಯಾ ಅಸ್ತಿ ಶಕ್ತಿದ್ವಯಂ ಮಹತ್ । ವಿಕ್ಷೇಪ ಆವೃತಿಶ್ಚೇತಿ ಯಾಭ್ಯಾಂ ಸಂಸಾರ ಆತ್ಮನಃ ॥ ೪೮೮ ॥
130. ಆದ್ಯಂ ನಿತ್ಯಾನಿತ್ಯವಸ್ತುವಿವೇಕಃ ಸಾಧನಂ ಮತಮ್ । ಇಹಾಮುತ್ರಾರ್ಥಫಲಭೋಗವಿರಾಗೋ ದ್ವಿತೀಯಕಮ್ ॥ ೧೪ ॥
131. ಆದ್ಯೋಽಹಮನಾದ್ಯೋಽಹಂ ವಾಙ್ಮನಸಾ ಸಾಧ್ಯವಸ್ತುಮಾತ್ರೋಽಹಮ್ । ನಿಗಮವಚೋವೇದ್ಯೋಽಹಮನವದ್ಯಾಖಂಡಬೋಧರೂಪೋಽಹಮ್ ॥ ೮೬೭ ॥
132. ಆಧಾರಭೂತಂ ಯದಖಂಡಮಾದ್ಯಂಶುದ್ಧಂ ಪರಂ ಬ್ರಹ್ಮ ಸದೈಕರೂಪಮ್ । ಸನ್ಮಾತ್ರಮೇವಾಸ್ತ್ಯಥ ನೋ ವಿಕಲ್ಪಃಸತಃ ಪರಂ ಕೇವಲಮೇವ ವಸ್ತು ॥ ೬೮೯ ॥
133. ಆಧ್ಯಾತ್ಮಿಕಾದಿ ಯದ್ದುಃಖಂ ಪ್ರಾಪ್ತಂ ಪ್ರಾರಬ್ಧವೇಗತಃ । ಅಚಿಂತಯಾ ತತ್ಸಹನಂ ತಿತಿಕ್ಷೇತಿ ನಿಗದ್ಯತೇ ॥ ೧೩೭ ॥
134. ಆನಂದಘನತಾಮಸ್ಯ ಸ್ವರೂಪಂ ಪ್ರತ್ಯಗಾತ್ಮನಃ । ಧನ್ಯೈರ್ಮಹಾತ್ಮಭಿರ್ಧೀರೈರ್ಬ್ರಹ್ಮವಿದ್ಭಿಃ ಸದುತ್ತಮೈಃ ॥ ೬೬೬ ॥
135. ಆನಂದಪ್ರಚುರತ್ವೇನ ಸಾಧಕತ್ವೇನ ಕೋಶವತ್ । ಸೈಷಾನಂದಮಯಃ ಕೋಶ ಇತೀಶಸ್ಯ ನಿಗದ್ಯತೇ ॥ ೩೧೪ ॥
136. ಆನಂದರೂಪಮಾತ್ಮಾನಮಜ್ಞಾತ್ವೈವ ಪೃಥಗ್ಜನಃ । ಬಹಿಃಸುಖಾಯ ಯತತೇ ನ ತು ಕಶ್ಚಿದ್ವಿದನ್ಬುಧಃ ॥ ೬೩೫ ॥
137. ಆಪ್ತ್ರಾಪ್ಯಯೋಸ್ತು ಭೇದಶ್ಚೇದಾಪ್ತ್ರಾ ಚಾಪ್ಯಮವಾಪ್ಯತೇ । ಆಪ್ತೃಸ್ವರೂಪಮೇವೈತದ್ಬ್ರಹ್ಮ ನಾಪ್ಯಂ ಕದಾಚನ ॥ ೧೫೭ ॥
138. ಆಭಾಸಮಾತ್ರಾಸ್ತಾಃ ಸರ್ವಾ ಯುಕ್ತಯೋಽಪ್ಯುಕ್ತಯೋಽಪಿ ಚ । ಪುತ್ರಸ್ಯ ಪಿತೃವದ್ಗೇಹೇ ಸರ್ವಕಾರ್ಯೇಷು ವಸ್ತುಷು ॥ ೫೩೧ ॥
139. ಆಯಾತಾಸು ಗತಾಸು ಶೈಶವಮುಖಾವಸ್ಥಾಸು ಜಾಗ್ರನ್ಮುಖಾ - ಸ್ವನ್ಯಾಸ್ವಪ್ಯಖಿಲಾಸು ವೃತ್ತಿಷು ಧಿಯೋ ದುಷ್ಟಾಸ್ವದುಷ್ಟಾಸ್ವಪಿ । ಗಂಗಾಭಂಗಪರಂಪರಾಸು ಜಲವತ್ಸತ್ತಾನುವೃತ್ತಾತ್ಮನ - ಸ್ತಿಷ್ಠತ್ಯೇವ ಸದಾ ಸ್ಥಿರಾಹಮಹಮಿತ್ಯೇಕಾತ್ಮತಾ ಸಾಕ್ಷಿಣಃ ॥ ೬೧೪ ॥
140. ಆರಂಭಂತೇ ಕಾರ್ಯಗುಣಾನ್ಯೇ ಕಾರಣಗುಣಾ ಹಿ ತೇ । ಏತಾನಿ ಸೂಕ್ಷ್ಮಭೂತಾನಿ ಭೂತಮಾತ್ರಾ ಅಪಿ ಕ್ರಮಾತ್ ॥ ೩೩೭ ॥
141. ಆರೂಢಸ್ಯ ವಿವೇಕಾಶ್ವಂ ತೀವ್ರವೈರಾಗ್ಯಖಡ್ಗಿನಃ । ತಿತಿಕ್ಷಾವರ್ಮಯುಕ್ತಸ್ಯ ಪ್ರತಿಯೋಗೀ ನ ದೃಶ್ಯತೇ ॥ ೯೦ ॥
142. ಆರ್ಜನೇ ರಕ್ಷಣೇ ದಾನೇ ವ್ಯಯೇ ವಾಪಿ ಚ ವಸ್ತುತಃ । ದುಃಖಮೇವ ಸದಾ ನೄಣಾಂ ನ ಧನಂ ಸುಖಸಾಧನಮ್ ॥ ೭೨ ॥
143. ಆವೃತಿಸ್ತಮಸಃ ಶಕ್ತಿಸ್ತದ್ಧ್ಯಾವರಣಕಾರಣಮ್ । ಮೂಲಾವಿದ್ಯೇತಿ ಸಾ ಪ್ರೋಕ್ತಾ ಯಯಾ ಸಂಮೋಹಿತಂ ಜಗತ್ ॥ ೪೮೯ ॥
144. ಆಶಾಪಾಶಶತೇನ ಪಾಶಿತಪದೋ ನೋತ್ಥಾತುಮೇವ ಕ್ಷಮಃಕಾಮಕ್ರೋಧಮದಾದಿಭಿಃ ಪ್ರತಿಭಟೈಃ ಸಂರಕ್ಷ್ಯಮಾಣೋಽನಿಶಮ್ । ಸಂಮೋಹಾವರಣೇನ ಗೋಪನವತಃ ಸಂಸಾರಕಾರಾಗೃಹಾ - ನ್ನಿರ್ಗಂತುಂ ತ್ರಿವಿಧೇಷಣಾಪರವಶಃ ಕಃ ಶಕ್ನುಯಾದ್ರಾಗಿಷು ॥ ೪೮ ॥
145. ಆಸನಂ ತದ್ವಿಜಾನೀಯಾದಿತರತ್ಸುಖನಾಶನಮ್ । ಚಿತ್ತಾದಿಸರ್ವಭಾವೇಷು ಬ್ರಹ್ಮತ್ವೇನೈವ ಭಾವನಾತ್ ॥ ೯೧೪ ॥
146. ಆಸುರೀಂ ಸಂಪದಂ ತ್ಯಕ್ತ್ವಾ ಭಜೇದ್ಯೋ ದೈವಸಂಪದಮ್ । ಮೋಕ್ಷೈಕಕಾಂಕ್ಷಯಾ ನಿತ್ಯಂ ತಸ್ಯ ಚಿತ್ತಂ ಪ್ರಸೀದತಿ ॥ ೩೬೪ ॥
147. ಆಸ್ವಾದ್ಯತೇ ಯೋ ಭಕ್ಷ್ಯೇಷು ಸುಖಕೃನ್ಮಧುರೋ ರಸಃ । ಸ ಗುಡಸ್ಯೈವ ನೋ ತೇಷಾಂ ಮಾಧುರ್ಯಂ ವಿದ್ಯತೇ ಕ್ವಚಿತ್ ॥ ೬೬೯ ॥
148. ಇಂದ್ರಿಯಾಣಾಂ ಚೇತನತ್ವಂ ದೇಹೇ ಪ್ರಾಣಾಃ ಪ್ರಜಾಪತಿಮ್ । ಏತಮೇತ್ಯೇತ್ಯೂಚುರಿತಿ ಶ್ರುತ್ಯೈವ ಪ್ರತಿಪಾದ್ಯತೇ ॥ ೫೪೦ ॥
149. ಇಂದ್ರಿಯಾಣಾಂ ಚೇಷ್ಟಯಿತಾ ಪ್ರಾಣೋಽಯಂ ಪಂಚವೃತ್ತಿಕಃ । ಸರ್ವಾವಸ್ಥಾಸ್ವವಸ್ಥಾವಾನ್ಸೋಽಯಮಾತ್ಮತ್ವಮರ್ಹತಿ । ಅಹಂ ಕ್ಷುಧಾವಾಂಸ್ತೃಷ್ಣಾವಾನಿತ್ಯಾದ್ಯನುಭವಾದಪಿ ॥ ೫೪೫ ॥
150. ಇಂದ್ರಿಯಾಣಿ ಕಥಂ ತ್ವಾತ್ಮಾ ಕರಣಾನಿ ಕುಠಾರವತ್ । ಕರಣಸ್ಯ ಕುಠಾರಾದೇಶ್ಚೇತನತ್ವಂ ನ ಹೀಕ್ಷ್ಯತೇ ॥ ೫೪೨ ॥
151. ಇಂದ್ರಿಯೇಷು ನಿರುದ್ಧೇಷು ತ್ಯಕ್ತ್ವಾ ವೇಗಂ ಮನಃ ಸ್ವಯಮ್ । ಸತ್ತ್ವಭಾವಮುಪಾದತ್ತೇ ಪ್ರಸಾದಸ್ತೇನ ಜಾಯತೇ ॥ ೧೩೧ ॥
152. ಇಂದ್ರಿಯೇಷ್ವಿಂದ್ರಿಯಾರ್ಥೇಷು ಪ್ರವೃತ್ತೇಷು ಯದೃಚ್ಛಯಾ । ಅನುಧಾವತಿ ತಾನ್ಯೇವ ಮನೋ ವಾಯುಮಿವಾನಲಃ ॥ ೧೩೦ ॥
153. ಇಂದ್ರಿಯೈಶ್ಚಾಲ್ಯಮಾನೋಽಯಂ ಚೇಷ್ಟತೇ ನ ಸ್ವತಃ ಕ್ವಚಿತ್ । ಆಶ್ರಯಶ್ಚಕ್ಷುರಾದೀನಾಂ ಗೃಹವದ್ಗೃಹಮೇಧಿನಾಮ್ ॥ ೫೩೭ ॥
154. ಇತಿ ಗುರುವಚನಾಚ್ಛ್ರುತಿಪ್ರಮಾಣಾ - ತ್ಪರಮವಗಮ್ಯ ಸ್ವತತ್ತ್ವಮಾತ್ಮಯುಕ್ತ್ಯಾ । ಪ್ರಶಮಿತಕರಣಃ ಸಮಾಹಿತಾತ್ಮಾ ಕ್ವಚಿ - ದಚಲಾಕೃತಿರಾತ್ಮನಿಷ್ಠಿತೋಽಭೂತ್ ॥ ೯೨೪ ॥
155. ಇತಿ ನಿಶ್ಚಯಮೇತಸ್ಯ ದೂಷಯತ್ಯಪರೋ ಜಡಃ । ಭವತ್ಯಾತ್ಮಾ ಕಥಂ ಪ್ರಾಣೋ ವಾಯುರೇವೈಷ ಆಂತರಃ ॥ ೫೪೭ ॥
156. ಇತಿ ನಿಶ್ಚಯಶೂನ್ಯೋ ಯೋ ವಿದೇಹೋ ಮುಕ್ತ ಏವ ಸಃ । ಬ್ರಹ್ಮೈವ ವಿದ್ಯತೇ ಸಾಕ್ಷಾದ್ವಸ್ತುತೋಽವಸ್ತುತೋಽಪಿ ಚ ॥ ೯೯೫ ॥
157. ಇತಿ ಪೃಷ್ಟೋ ಮೂಢತಮೋ ವದಿಷ್ಯತಿ ಕಿಮುತ್ತರಮ್ । ನೈವಾನುರೂಪಕಂ ಲಿಂಗಂ ವಕ್ತಾ ವಾ ನಾಸ್ತಿ ಕಶ್ಚನ । ಸುಷುಪ್ತಿಸ್ಥಿತಶೂನ್ಯಸ್ಯ ಬೋದ್ಧಾ ಕೋಽನ್ವಾತ್ಮನಃ ಪರಃ ॥ ೫೯೬ ॥
158. ಇತಿ ಶಂಕಾ ನ ಕರ್ತವ್ಯಾ ಮೂಢವತ್ಪಂಡಿತೋತ್ತಮೈಃ । ಕರ್ಮಣಃ ಫಲಮನ್ಯತ್ತು ಶ್ರವಣಸ್ಯ ಫಲಂ ಪೃಥಕ್ ॥ ೧೭೭ ॥
159. ಇತಿ ಸಾಕ್ಷಿತಯಾತ್ಮಾನಂ ಜಾನಾತ್ಯಾತ್ಮನಿ ಸಾಕ್ಷಿಣಮ್ । ದೃಶ್ಯಂ ಕಾಮಾದಿ ಸಕಲಂ ಸ್ವಾತ್ಮನ್ಯೇವ ವಿಲಾಪಯೇತ್ ॥ ೮೩೪ ॥
160. ಇತಿ ಸ್ವಮಾತ್ಮಾನಮವೇಕ್ಷಮಾಣಃಪ್ರತೀತದೃಶ್ಯಂ ಪ್ರವಿಲಾಪಯನ್ಸದಾ । ಜಹಾತಿ ವಿದ್ವಾನ್ವಿಪರೀತಭಾವಂಸ್ವಾಭಾವಿಕಂ ಭ್ರಾಂತಿವಶಾತ್ಪ್ರತೀತಮ್ ॥ ೮೪೩ ॥
161. ಇತ್ಯಜ್ಞಾನಮಪಿ ಜ್ಞಾನಂ ಪ್ರಬುದ್ಧೇಷು ಪ್ರದೃಶ್ಯತೇ । ಪ್ರಜ್ಞಾನಘನ ಏವಾನಂದಮಯ ಇತ್ಯಪಿ ಶ್ರುತಿಃ ॥ ೫೬೬ ॥
162. ಇತ್ಯವಸ್ಥಾಸಮುಲ್ಲಾಸಂ ವಿಮೃಶನ್ಮುಚ್ಯತೇ ಸುಖೀ । ಶುಭೇಚ್ಛಾದಿತ್ರಯಂ ಭೂಮಿಭೇದಾಭೇದಯುತಂ ಸ್ಮೃತಮ್ ॥ ೯೫೯ ॥
163. ಇತ್ಯಾಚಾರ್ಯಸ್ಯ ಶಿಷ್ಯಸ್ಯ ಸಂವಾದೇನಾತ್ಮಲಕ್ಷಣಮ್ । ನಿರೂಪಿತಂ ಮುಮುಕ್ಷೂಣಾಂ ಸುಖಬೋಧೋಪಪತ್ತಯೇ ॥ ೧೦೦೫ ॥
164. ಇತ್ಯಾದಿವೈಪರೀತ್ಯಂ ತತ್ಸಾಧನೇ ಚಾಧಿಕಾರಿಣೋಃ । ದ್ವಯೋಃ ಪರಸ್ಪರಾಪೇಕ್ಷಾ ವಿದ್ಯತೇ ನ ಕದಾಚನ ॥ ೧೮೩ ॥
165. ಇತ್ಯಾದಿಶ್ರುತಿಸದ್ಭಾವಾದ್ಯುಕ್ತಾ ಮನಸ ಆತ್ಮತಾ । ಇತಿ ನಿಶ್ಚಯಮೇತಸ್ಯ ದೂಷಯತ್ಯಪರೋ ಜಡಃ ॥ ೫೫೨ ॥
166. ಇತ್ಯಾನಂದಸಮುತ್ಕರ್ಷಃ ಪ್ರಬುದ್ಧೇಷು ಪ್ರದೃಶ್ಯತೇ । ಸಮಷ್ಟೇರಪಿ ಚ ವ್ಯಷ್ಟೇರುಭಯೋರ್ವನವೃಕ್ಷವತ್ ॥ ೩೨೫ ॥
167. ಇತ್ಯುಕ್ತ್ವಾ ಸ ಗುರುಂ ಸ್ತುತ್ವಾ ಪ್ರಶ್ರಯೇಣ ಕೃತಾನತಿಃ । ಮುಮುಕ್ಷೋರುಪಕಾರಾಯ ಪ್ರಷ್ಟವ್ಯಾಂಶಮಪೃಚ್ಛತ ॥ ೯೩೬ ॥
168. ಇತ್ಯುಕ್ತ್ವಾಭಿಮುಖೀಕೃತ್ಯ ಶಿಷ್ಯಂ ಕರುಣಯಾ ಗುರುಃ । ಅಧ್ಯಾರೋಪಾಪವಾದಾಭ್ಯಾಂ ನಿಷ್ಪ್ರಪಂಚಂ ಪ್ರಪಂಚಯನ್ ॥ ೨೯೫ ॥
169. ಇತ್ಯೇವಂ ನಿರ್ವಿಕಾರಾದಿಶಬ್ದಮಾತ್ರಸಮರ್ಪಿತಮ್ । ಧ್ಯಾಯತಃ ಕೇವಲಂ ವಸ್ತು ಲಕ್ಷ್ಯೇ ಚಿತ್ತಂ ಪ್ರತಿಷ್ಠತಿ ॥ ೮೯೮ ॥
170. ಇತ್ಯೇವಂ ಪಂಡಿತಂಮನ್ಯೈಃ ಪರಸ್ಪರವಿರೋಧಿಭಿಃ । ತತ್ತನ್ಮತಾನುರೂಪಾಲ್ಪಶ್ರುತಿಯುಕ್ತ್ಯನುಭೂತಿಭಿಃ ॥ ೫೭೭ ॥
171. ಇದಂ ಜಗದಯಂ ಸೋಽಯಂ ದೃಶ್ಯಜಾತಮವಾಸ್ತವಮ್ । ಯಸ್ಯ ಚಿತ್ತೇ ನ ಸ್ಫುರತಿ ಸ ಜೀವನ್ಮುಕ್ತ ಉಚ್ಯತೇ ॥ ೯೭೪ ॥
172. ಇದಂ ಮಮೇತಿ ಸರ್ವೇಷು ದೃಶ್ಯಭಾವೇಷ್ವಭಾವನಾ । ಜಾಗ್ರಜ್ಜಾಗ್ರದಿತಿ ಪ್ರಾಹುರ್ಮಹಾಂತೋ ಬ್ರಹ್ಮವಿತ್ತಮಾಃ ॥ ೯೪೯ ॥
173. ಇದಂ ಸ್ಥೂಲವಪುರ್ಜಾತಂ ಭೌತಿಕಂ ಚ ಚತುರ್ವಿಧಮ್ । ಸಾಮಾನ್ಯೇನ ಸಮಷ್ಟಿಃ ಸ್ಯಾದೇಕಧೀವಿಷಯತ್ವತಃ ॥ ೪೩೭ ॥
174. ಇಮಮರ್ಥಮವಿಜ್ಞಾಯ ನಿರ್ಣೀತಂ ಶ್ರುತಿಯುಕ್ತಿಭಿಃ । ಜಗತೋ ದರ್ಶನಂ ಶೂನ್ಯಮಿತಿ ಪ್ರಾಹುರತದ್ವಿದಃ ॥ ೫೮೯ ॥
175. ಇಯಂ ಭೂರ್ನ ಸನ್ನಾಪಿ ತೋಯಂ ನ ತೇಜೋನ ವಾಯುರ್ನ ಖಂ ನಾಪಿ ತತ್ಕಾರ್ಯಜಾತಮ್ । ಯದೇಷಾಮಧಿಷ್ಠಾನಭೂತಂ ವಿಶುದ್ಧಂಸದೇಕಂ ಪರಂ ಸತ್ತದೇವಾಹಮಸ್ಮಿ ॥ ೮೮೬ ॥
176. ಇಯಂ ಸಮಷ್ಟಿರುತ್ಕೃಷ್ಟಾ ಸತ್ತ್ವಾಂಶೋತ್ಕರ್ಷತಃ ಪುರಾ । ಮಾಯೇತಿ ಕಥ್ಯತೇ ತಜ್ಜ್ಞೈಃ ಶುದ್ಧಸತ್ತ್ವೈಕಲಕ್ಷಣಾ ॥ ೩೦೯ ॥
177. ಇಷ್ಟಸಾಧನತಾಬುದ್ಧ್ಯಾ ಗೃಹೀತಸ್ಯಾಪಿ ವಸ್ತುನಃ । ವಿಜ್ಞಾಯ ಫಲ್ಗುತಾಂ ಪಶ್ಚಾತ್ಕಃ ಪುನಸ್ತತ್ಪ್ರತೀಕ್ಷತೇ ॥ ೨೦೪ ॥
178. ಇಷ್ಟಸ್ಯ ವಸ್ತುನೋ ಧ್ಯಾನದರ್ಶನಾದ್ಯುಪಭುಕ್ತಿಷು । ಪ್ರತೀಯತೇ ಯ ಆನಂದಃ ಸರ್ವೇಷಾಮಿಹ ದೇಹಿನಾಮ್ ॥ ೬೪೦ ॥
179. ಈದೃಶಾಂಗಸಮಾಯುಕ್ತೋ ಜಿಜ್ಞಾಸುರ್ಯುಕ್ತಿಕೋವಿದಃ । ಶೂರೋ ಮೃತ್ಯುಂ ನಿಹಂತ್ಯೇವ ಸಮ್ಯಗ್ಜ್ಞಾನಾಸಿನಾ ಧ್ರುವಮ್ ॥ ೨೫೦ ॥
180. ಉಕ್ತಸಾಧನಸಂಪನ್ನೋ ಜಿಜ್ಞಾಸುರ್ಯತಿರಾತ್ಮನಃ । ಜಿಜ್ಞಾಸಾಯೈ ಗುರುಂ ಗಚ್ಛೇತ್ಸಮಿತ್ಪಾಣಿರ್ನಯೋಜ್ಜ್ವಲಃ ॥ ೨೫೧ ॥
181. ಉತ್ತಮೋ ಮಧ್ಯಮಶ್ಚೈವ ಜಘನ್ಯ ಇತಿ ಚ ತ್ರಿಧಾ । ನಿರೂಪಿತೋ ವಿಪಶ್ಚಿದ್ಭಿಃ ತತ್ತಲ್ಲಕ್ಷಣವೇದಿಭಿಃ ॥ ೯೬ ॥
182. ಉತ್ಥಾನೇ ವಾಪ್ಯನುತ್ಥಾನೇಽಪ್ಯಪ್ರಮತ್ತೋ ಜಿತೇಂದ್ರಿಯಃ । ಸಮಾಧಿಷಟ್ಕಂ ಕುರ್ವೀತ ಸರ್ವದಾ ಪ್ರಯತೋ ಯತಿಃ ॥ ೯೦೦ ॥
183. ಉತ್ಪಾದ್ಯಮಾಪ್ಯಂ ಸಂಸ್ಕಾರ್ಯಂ ವಿಕಾರ್ಯಂ ಪರಿಗಣ್ಯತೇ । ಚತುರ್ವಿಧಂ ಕರ್ಮಸಾಧ್ಯಂ ಫಲಂ ನಾನ್ಯದಿತಃ ಪರಮ್ ॥ ೧೫೪ ॥
184. ಉಪರತಿಶಬ್ದಾರ್ಥೋ ಹ್ಯುಪರಮಣಂ ಪೂರ್ವದೃಷ್ಟವೃತ್ತಿಭ್ಯಃ । ಸೋಽಯಂ ಮುಖ್ಯೋ ಗೌಣಶ್ಚೇತಿ ಚ ವೃತ್ತ್ಯಾ ದ್ವಿರೂಪತಾಂ ಧತ್ತೇ ॥ ೨೦೫ ॥
185. ಉಪರಮಯತಿ ಕರ್ಮಾಣೀತ್ಯುಪರತಿಶಬ್ದೇನ ಕಥ್ಯತೇ ನ್ಯಾಸಃ । ನ್ಯಾಸೇನ ಹಿ ಸರ್ವೇಷಾಂ ಶ್ರುತ್ಯಾ ಪ್ರೋಕ್ತೋ ವಿಕರ್ಮಣಾಂ ತ್ಯಾಗಃ ॥ ೧೫೨ ॥
186. ಉಪಲಕ್ಷಣಮಸ್ಯಾಪಿ ತತ್ತ್ರಿವೃತ್ಕರಣಶ್ರುತಿಃ । ಪಂಚಾನಾಮಪಿ ಭೂತಾನಾಂ ಶ್ರೂಯತೇಽನ್ಯತ್ರ ಸಂಭವಃ ॥ ೪೦೨ ॥
187. ಉಪಲಭ್ಯೇತ ಕೇನಾಯಂ ಹ್ಯುಪಲಬ್ಧಾ ಸ್ವಯಂ ತತಃ । ಉಪಲಬ್ಧ್ಯಂತರಾಭಾವಾನ್ನಾಯಮಾತ್ಮೋಪಲಭ್ಯತೇ ॥ ೬೦೨ ॥
188. ಉಪಾಧಿಯೋಗ ಉಭಯೋಃ ಸಮ ಏವೇಶಜೀವಯೋಃ । ಜೀವಸ್ಯೈವ ಕಥಂ ಬಂಧೋ ನೇಶ್ವರಸ್ಯಾಸ್ತಿ ತತ್ಕಥಮ್ ॥ ೪೭೧ ॥
189. ಉಪಾಧಿಯೋಗಸಾಮ್ಯೇಽಪಿ ಜೀವವತ್ಪರಮಾತ್ಮನಃ । ಉಪಾಧಿಭೇದಾನ್ನೋ ಬಂಧಸ್ತತ್ಕಾರ್ಯಮಪಿ ಕಿಂಚನ ॥ ೫೦೨ ॥
190. ಉಪಾಧಿವೈಶಿಷ್ಟ್ಯಕೃತೋ ವಿರೋಧೋಬ್ರಹ್ಮಾತ್ಮನೋರೇಕತಯಾಧಿಗತ್ಯಾ । ಉಪಾಧಿವೈಶಿಷ್ಟ್ಯ ಉದಸ್ಯಮಾನೇನ ಕಶ್ಚಿದಪ್ಯಸ್ತಿ ವಿರೋಧ ಏತಯೋಃ ॥ ೭೬೨ ॥
191. ಏಕಕರ್ತ್ರಾಶ್ರಯೌ ಹಸ್ತೌ ಕರ್ಮಣ್ಯಧಿಕೃತಾವುಭೌ । ಸಹಯೋಗಸ್ತಯೋರ್ಯುಕ್ತೋ ನ ತಥಾ ಜ್ಞಾನಕರ್ಮಣೋಃ ॥ ೧೮೮ ॥
192. ಏಕತ್ವಕಥನೇ ಕಾ ವಾ ಲಕ್ಷಣಾತ್ರೋರರೀಕೃತಾ । ಏತತ್ಸರ್ವಂ ಕರುಣಯಾ ಸಮ್ಯಕ್ತ್ವಂ ಪ್ರತಿಪಾದಯ ॥ ೭೦೨ ॥
193. ಏಕತ್ವರೂಪವಾಕ್ಯಾರ್ಥೋ ವಿರುದ್ಧಾಂಶಾವಿವರ್ಜನಾತ್ । ನ ಸಿಧ್ಯತಿ ಯತಸ್ತಸ್ಮಾನ್ನಾಜಹಲ್ಲಕ್ಷಣಾ ಮತಾ ॥ ೭೪೭ ॥
194. ಏಕವೃತ್ತ್ಯೈವ ಮನಸಃ ಸ್ವಲಕ್ಷ್ಯೇ ನಿಯತಸ್ಥಿತಿಃ । ಶಮ ಇತ್ಯುಚ್ಯತೇ ಸದ್ಭಿಃ ಶಮಲಕ್ಷಣವೇದಿಭಿಃ ॥ ೯೫ ॥
195. ಏಕಶ್ಚಂದ್ರಃ ಸದ್ವಿತೀಯೋ ಯಥಾ ಸ್ಯಾ - ದ್ದೃಷ್ಟೇರ್ದೋಷಾದೇವ ಪುಂಸಸ್ತಥೈಕಮ್ । ಬ್ರಹ್ಮಾಸ್ತ್ಯೇತದ್ಬುದ್ಧಿದೋಷೇಣ ನಾನಾದೋಷೇ ನಷ್ಟೇ ಭಾತಿ ವಸ್ತ್ವೇಕಮೇವ ॥ ೬೯೦ ॥
196. ಏಕಾದಶದ್ವಾರವತೀಹ ದೇಹೇಸೌಧೇ ಮಹಾರಾಜ ಇವಾಕ್ಷವರ್ಗೈಃ । ಸಂಸೇವ್ಯಮಾನೋ ವಿಷಯೋಪಭೋಗಾ - ನುಪಾಧಿಸಂಸ್ಥೋ ಬುಭುಜೇಽಯಮಾತ್ಮಾ ॥ ೪೪೮ ॥
197. ಏಕೀಕೃತ್ಯ ತರಂಗೋಽಯಮಿತಿ ನಿರ್ದಿಶ್ಯತೇ ಯಥಾ । ಆರೋಪಿತೇ ನಾಮರೂಪೇ ಉಪೇಕ್ಷ್ಯ ಬ್ರಹ್ಮಣಸ್ತತಃ ॥ ೮೮೩ ॥
198. ಏಕೀಕೃತ್ಯೋಚ್ಯತೇ ಮೂರ್ಖೈರಿದಂ ವಿಶ್ವಮಿತಿ ಭ್ರಮಾತ್ । ಶೈತ್ಯಂ ಶ್ವೇತಂ ರಸಂ ದ್ರಾವ್ಯಂ ತರಂಗ ಇತಿ ನಾಮ ಚ ॥ ೮೮೨ ॥
199. ಏತತ್ಸಂಶಯಜಾತಂ ಮೇ ಹೃದಯಗ್ರಂಥಿಲಕ್ಷಣಮ್ । ಛಿಂಧಿ ಯುಕ್ತಿಮಹಾಖಡ್ಗಧಾರಯಾ ಕೃಪಯಾ ಗುರೋ ॥ ೫೮೩ ॥
200. ಏತತ್ಸಮಷ್ಟಿವ್ಯಷ್ಟ್ಯೋಶ್ಚೋಭಯೋರಪ್ಯಭಿಮಾನಿನೋಃ । ತದ್ವಿಶ್ವವೈಶ್ವಾನರಯೋರಭೇದಃ ಪೂರ್ವವನ್ಮತಃ ॥ ೪೫೧ ॥
201. ಏತತ್ಸಮಷ್ಟ್ಯವಚ್ಛಿನ್ನಂ ಚೈತನ್ಯಂ ಫಲಸಂಯುತಮ್ । ಪ್ರಾಹುರ್ವೈಶ್ವಾನರ ಇತಿ ವಿರಾಡಿತಿ ಚ ವೈದಿಕಾಃ ॥ ೪೩೮ ॥
202. ಏತತ್ಸರ್ವಂ ದಯಾದೃಷ್ಟ್ಯಾ ಕರಾಮಲಕವತ್ಸ್ಫುಟಮ್ । ಪ್ರತಿಪಾದಯ ಸರ್ವಜ್ಞ ಶ್ರೀಗುರೋ ಕರುಣಾನಿಧೇ ॥ ೪೭೨ ॥
203. ಏತದೇವಾವಿವಿಕ್ತಂ ಸದುಪಾಧಿಭ್ಯಾಂ ಚ ತದ್ಗುಣೈಃ । ಮಹಾವಾಕ್ಯಸ್ಯ ವಾಚ್ಯಾರ್ಥೋ ವಿವಿಕ್ತಂ ಲಕ್ಷ್ಯ ಇಷ್ಯತೇ ॥ ೩೨೯ ॥
204. ಏತದೈಕ್ಯಪ್ರಮೇಯಸ್ಯ ಪ್ರಮಾಣಸ್ಯಾಪಿ ಚ ಶ್ರುತೇಃ । ಸಂಬಂಧಃ ಕಥ್ಯತೇ ಸದ್ಭಿರ್ಬೋಧ್ಯಬೋಧಕಲಕ್ಷಣಃ ॥ ೯ ॥
205. ಏತದ್ದೃಶ್ಯಂ ನಾಮರೂಪಾತ್ಮಕಂ ಯೋ - ಽಧಿಷ್ಠಾನಂ ತದ್ಬ್ರಹ್ಮ ಸತ್ಯಂ ಸದೇತಿ । ಗಚ್ಛಂಸ್ತಿಷ್ಟನ್ವಾ ಶಯಾನೋಽಪಿ ನಿತ್ಯಂಕುರ್ಯಾದ್ವಿದ್ವಾನ್ಬಾಹ್ಯದೃಶ್ಯಾನುವಿದ್ಧಮ್ ॥ ೮೯೧ ॥
206. ಏತಸ್ಯ ಸಂಸೃತೇರ್ಹೇತುರಧ್ಯಾಸೋಽರ್ಥವಿಪರ್ಯಯಃ । ಅಧ್ಯಾಸಮೂಲಮಜ್ಞಾನಮಾಹುರಾವೃತಿಲಕ್ಷಣಮ್ ॥ ೫೦೯ ॥
207. ಏತೇ ಪ್ರಾಣಾದಯಃ ಪಂಚ ಪಂಚಕರ್ಮೇಂದ್ರಿಯೈಃ ಸಹ । ಭವೇತ್ಪ್ರಾಣಮಯಃ ಕೋಶಃ ಸ್ಥೂಲೋ ಯೇನೈವ ಚೇಷ್ಟತೇ ॥ ೩೮೧ ॥
208. ಏತೇಭ್ಯಃ ಸೂಕ್ಷ್ಮಭೂತೇಭ್ಯಃ ಸೂಕ್ಷ್ಮದೇಹಾ ಭವಂತ್ಯಪಿ । ಸ್ಥೂಲಾನ್ಯಪಿ ಚ ಭೂತಾನಿ ಚಾನ್ಯೋನ್ಯಾಂಶವಿಮೇಲನಾತ್ ॥ ೩೩೮ ॥
209. ಏತೈಃ ಪ್ರಮಾಣೈರಸ್ತೀತಿ ಜ್ಞಾತಃ ಸಾಕ್ಷಿತಯಾ ಬುಧೈಃ । ಆತ್ಮಾಯಂ ಕೇವಲಃ ಶುದ್ಧಃ ಸಚ್ಚಿದಾನಂದಲಕ್ಷಣಃ ॥ ೬೦೯ ॥
210. ಏತೈಶ್ಚತುರ್ಭಿರ್ಗಂಧೇನ ಸಹ ಪಂಚಗುಣಾ ಮಹೀ । ಆಕಾಶಾಂಶತಯಾ ಶ್ರೋತ್ರಂ ಶಬ್ದಂ ಗೃಹ್ಣಾತಿ ತದ್ಗುಣಮ್ ॥ ೪೧೧ ॥
211. ಏವಂ ಯದ್ವಿಘ್ನಬಾಹುಲ್ಯಂ ತ್ಯಾಜ್ಯಂ ತದ್ಬ್ರಹ್ಮವಿಜ್ಜನೈಃ । ವಿಘ್ನಾನೇತಾನ್ಪರಿತ್ಯಜ್ಯ ಪ್ರಮಾದರಹಿತೋ ವಶೀ । ಸಮಾಧಿನಿಷ್ಠಯಾ ಬ್ರಹ್ಮ ಸಾಕ್ಷಾದ್ಭವಿತುಮರ್ಹಸಿ ॥ ೯೨೩ ॥
212. ಏವಂ ಸನ್ಮಾತ್ರಗಾಹಿನ್ಯಾ ವೃತ್ತ್ಯಾ ತನ್ಮಾತ್ರಗಾಹಕೈಃ । ಶಬ್ದೈಃ ಸಮರ್ಪಿತಂ ವಸ್ತು ಭಾವಯೇನ್ನಿಶ್ಚಲೋ ಯತಿಃ ॥ ೮೭೧ ॥
213. ಏವಂ ಸೂಕ್ಷ್ಮಪ್ರಪಂಚಸ್ಯ ಪ್ರಕಾರಃ ಶಾಸ್ತ್ರಸಮ್ಮತಃ । ಅಥ ಸ್ಥೂಲಪ್ರಪಂಚಸ್ಯ ಪ್ರಕಾರಃ ಕಥ್ಯತೇ ಶೃಣು ॥ ೩೯೬ ॥
214. ಏವಂ ಸ್ಥೂಲಂ ಚ ಸೂಕ್ಷ್ಮಂ ಚ ಶರೀರಂ ನಾಭಿಮನ್ಯತೇ । ಪ್ರತ್ಯಗ್ಜ್ಞಾನಶಿಖಿಧ್ವಸ್ತೇ ಮಿಥ್ಯಾಜ್ಞಾನೇ ಸಹೇತುಕೇ ॥ ೯೮೯ ॥
215. ಏಷ ಏವ ಪ್ರಿಯತಮಃ ಪುತ್ರಾದಪಿ ಧನಾದಪಿ । ಅನ್ಯಸ್ಮಾದಪಿ ಸರ್ವಸ್ಮಾದಾತ್ಮಾಯಂ ಪರಮಾಂತರಃ ॥ ೬೨೭ ॥
216. ಏಷ ನಿಷ್ಕಂಟಕಃ ಪಂಥಾ ಮುಕ್ತೇರ್ಬ್ರಹ್ಮಾತ್ಮನಾ ಸ್ಥಿತೇಃ । ಶುದ್ಧಾತ್ಮನಾಂ ಮುಮುಕ್ಷೂಣಾಂ ಯತ್ಸದೇಕತ್ವದರ್ಶನಮ್ ॥ ೯೦೭ ॥
217. ಏಷ ಪ್ರತ್ಯಕ್ಸ್ವಪ್ರಕಾಶೋ ನಿರಂಶೋ - ಽಸಂಗಃ ಶುದ್ಧಃ ಸರ್ವದೈಕಸ್ವಭಾವಃ । ನಿತ್ಯಾಖಂಡಾನಂದರೂಪೋ ನಿರೀಹಃಸಾಕ್ಷೀ ಚೇತಾ ಕೇವಲೋ ನಿರ್ಗುಣಶ್ಚ ॥ ೪೫೮ ॥
218. ಐತದಾತ್ಮ್ಯಮಿದಂ ಸರ್ವಂ ತತ್ಸತ್ಯಮಿತಿ ಚ ಶ್ರುತಿಃ । ಅಸ್ಯೈವ ನಿತ್ಯತಾಂ ಬ್ರೂತೇ ಜಗದ್ಧೇತೋಃ ಸತಃ ಸ್ಫುಟಮ್ ॥ ೧೬೭ ॥
219. ಐತದಾತ್ಮ್ಯಮಿದಂ ಸರ್ವಮಿತ್ಯುಕ್ತ್ಯೈವ ಸದಾತ್ಮನೋಃ । ಬ್ರವೀತಿ ಶ್ರುತಿರೇಕತ್ವಂ ಬ್ರಹ್ಮಣೋಽದ್ವೈತಸಿದ್ಧಯೇ ೭೩೦ ॥
220. ಐಹಿಕಾಮುಷ್ಮಿಕಾರ್ಥೇಷು ಹ್ಯನಿತ್ಯತ್ವೇನ ನಿಶ್ಚಯಾತ್ । ನೈಃಸ್ಪೃಹ್ಯಂ ತುಚ್ಛಬುದ್ಧ್ಯಾ ಯತ್ತದ್ವೈರಾಗ್ಯಮಿತೀರ್ಯತೇ ॥ ೨೨ ॥
221. ಓಂಕಾರವಾಚ್ಯಹೀನಾತ್ಮಾ ಸರ್ವವಾಚ್ಯವಿವರ್ಜಿತಃ । ಅವಸ್ಥಾತ್ರಯಹೀನಾತ್ಮಾ ವಿದೇಹೋ ಮುಕ್ತ ಏವ ಸಃ ॥ ೯೮೭ ॥
222. ಔಪಚಾರಿಕಮಾತ್ಮತ್ವಂ ಪುತ್ರೇ ತಸ್ಮಾನ್ನ ಮುಖ್ಯತಃ । ಅಹಂಪದಪ್ರತ್ಯಯಾರ್ಥೋ ದೇಹ ಏವ ನ ಚೇತರಃ ॥ ೫೩೩ ॥
223. ಕ ಆತ್ಮಾ ಕಸ್ತ್ವನಾತ್ಮಾ ಚ ಕಿಮು ಲಕ್ಷಣಮೇತಯೋಃ । ಆತ್ಮನ್ಯನಾತ್ಮಧರ್ಮಾಣಾಮಾರೋಪಃ ಕ್ರಿಯತೇ ಕಥಮ್ ॥ ೨೭೫ ॥
224. ಕಟ್ವಾಮ್ಲಲವಣಾತ್ಯುಷ್ಣತೀಕ್ಷ್ಣರೂಕ್ಷವಿಧಾಯಿನಾಮ್ । ಪೂತಿಪರ್ಯುಷಿತಾದೀನಾಂ ತ್ಯಾಗಃ ಸತ್ತ್ವಾಯ ಕಲ್ಪತೇ ॥ ೩೬೯ ॥
225. ಕಥಂ ಮನಸ ಆತ್ಮತ್ವಂ ಕರಣಸ್ಯ ದೃಗಾದಿವತ್ । ಕರ್ತೃಪ್ರಯೋಜ್ಯಂ ಕರಣಂ ನ ಸ್ವಯಂ ತು ಪ್ರವರ್ತತೇ ॥ ೫೫೩ ॥
226. ಕಥಮಜ್ಞಾನಮೇವಾತ್ಮಾ ಜ್ಞಾನಂ ಚಾಪ್ಯುಪಲಭ್ಯತೇ । ಜ್ಞಾನಾಭಾವೇ ಕಥಂ ವಿದ್ಯುರಜ್ಞೋಽಹಮಿತಿ ಚಾಜ್ಞತಾಮ್ । ಅಸ್ವಾಪ್ಸಂ ಸುಖಮೇವಾಹಂ ನ ಜಾನಾಮ್ಯತ್ರ ಕಿಂಚನ ॥ ೫೬೫ ॥
227. ಕಥಮನ್ಯೋನ್ಯಸಾಪೇಕ್ಷಾ ಕಥಂ ವಾಪಿ ಸಮುಚ್ಚಯಃ । ಯಥಾಗ್ನೇಸ್ತೃಣಕೂಟಸ್ಯ ತೇಜಸಸ್ತಿಮಿರಸ್ಯ ಚ ॥ ೧೮೫ ॥
228. ಕಥಮಸತಃ ಸಜ್ಜಾಯೇತೇತಿ ಶ್ರುತ್ಯಾ ನಿಷಿಧ್ಯತೇ ತಸ್ಮಾತ್ । ಅಸತಃ ಸಜ್ಜನನಂ ನೋ ಘಟತೇ ಮಿಥ್ಯೈವ ಶೂನ್ಯಶಬ್ದಾರ್ಥಃ ॥ ೫೯೩ ॥
229. ಕಥಮೇಕತ್ವಮನಯೋರ್ಘಟತೇ ವಿಪರೀತಯೋಃ । ಪ್ರತ್ಯಕ್ಷೇಣ ವಿರೋಧೋಽಯಮುಭಯೋರುಪಲಭ್ಯತೇ ॥ ೭೨೩ ॥
230. ಕರಣಪ್ರಯೋಕ್ತಾ ಯಃ ಕರ್ತಾ ತಸ್ಯೈವಾತ್ಮತ್ವಮರ್ಹತಿ । ಆತ್ಮಾ ಸ್ವತಂತ್ರಃ ಪುರುಷೋ ನ ಪ್ರಯೋಜ್ಯಃ ಕದಾಚನ ॥ ೫೫೪ ॥
231. ಕರೋತಿ ಖಾಂಶಕತಯಾ ವಾಕ್ಶಬ್ದೋಚ್ಚಾರಣಕ್ರಿಯಾಮ್ । ವಾಯ್ವಂಶಕತಯಾ ಪಾದೌ ಗಮನಾದಿಕ್ರಿಯಾಪರೌ ॥ ೪೧೪ ॥
232. ಕರೋತಿ ವಿಜ್ಞಾನಮಯೋಽಭಿಮಾನಂಕರ್ತಾಹಮೇವೇತಿ ತದಾತ್ಮನಾ ಸ್ಥಿತಃ । ಆತ್ಮಾ ತು ಸಾಕ್ಷೀ ನ ಕರೋತಿ ಕಿಂಚಿ - ನ್ನ ಕಾರಯತ್ಯೇವ ತಟಸ್ಥವತ್ಸದಾ ॥ ೪೨೩ ॥
233. ಕರ್ತವ್ಯಂ ಸ್ವೋಚಿತಂ ಕರ್ಮ ಯೋಗಮಾರೋಢುಮಿಚ್ಛತಾ । ಆರೋಹಣಂ ಕುರ್ವತಸ್ತು ಕರ್ಮ ನಾರೋಹಣಂ ಮತಮ್ ॥ ೮೬೩ ॥
234. ಕರ್ತೃತಂತ್ರಂ ಭವೇತ್ಕರ್ಮ ಕರ್ಮತಂತ್ರಂ ಶುಭಾಶುಭಮ್ । ಪ್ರಮಾಣತಂತ್ರಂ ವಿಜ್ಞಾನಂ ಮಾಯಾತಂತ್ರಮಿದಂ ಜಗತ್ ॥ ೧೯೬ ॥
235. ಕರ್ತ್ರಾ ಕರ್ತುಮಕರ್ತುಂ ವಾಪ್ಯನ್ಯಥಾ ಕರ್ಮ ಶಕ್ಯತೇ । ನ ತಥಾ ವಸ್ತುನೋ ಜ್ಞಾನಂ ಕರ್ತೃತಂತ್ರಂ ಕದಾಚನ ॥ ೧೮೯ ॥
236. ಕರ್ಮಣಾ ಜಾಯತೇ ಜಂತುಃ ಕರ್ಮಣೈವ ಪ್ರಲೀಯತೇ । ಕರ್ಮಣಃ ಕಾರ್ಯಮೇವೈಷಾ ಜನ್ಮಮೃತ್ಯುಪರಂಪರಾ ॥ ೫೧೧ ॥
237. ಕರ್ಮಣಾ ಸಾಧ್ಯಮಾನಸ್ಯಾನಿತ್ಯತ್ವಂ ಶ್ರೂಯತೇ ಯತಃ । ಕರ್ಮಣಾನೇನ ಕಿಂ ನಿತ್ಯಫಲೇಪ್ಸೋಃ ಪರಮಾರ್ಥಿನಃ ॥ ೧೫೩ ॥
238. ಕರ್ಮಾನುರೂಪೇಣ ಗುಣೋದಯೋ ಭವೇ - ದ್ಗುಣಾನುರೂಪೇಣ ಮನಃಪ್ರವೃತ್ತಿಃ । ಮನೋನುವೃತ್ತೈರುಭಯಾತ್ಮಕೇಂದ್ರಿಯೈ - ರ್ನಿವರ್ತ್ಯತೇ ಪುಣ್ಯಮಪುಣ್ಯಮತ್ರ ॥ ೪೨೨ ॥
239. ಕಾಂತಾರೇ ವಿಜನೇ ವನೇ ಜನಪದೇ ಸೇತೌ ನಿರೀತೌ ಚ ವಾಚೋರೈರ್ವಾಪಿ ತಥೇತರೈರ್ನರವರೈರ್ಯುಕ್ತೋ ವಿಯುಕ್ತೋಽಪಿ ವಾ । ನಿಃಸ್ವಃ ಸ್ವಸ್ಥತಯಾ ಸುಖೇನ ವಸತಿ ಹ್ಯಾದ್ರೀಯಮಾಣೋ ಜನೈಃಕ್ಲಿಶ್ನಾತ್ಯೇವ ಧನೀ ಸದಾಕುಲಮತಿರ್ಭೀತಶ್ಚ ಪುತ್ರಾದಪಿ ॥ ೮೨ ॥
240. ಕಾಕಸ್ಯ ವಿಷ್ಠಾವದಸಹ್ಯಬುದ್ಧಿ - ರ್ಭೋಗ್ಯೇಷು ಸಾ ತೀವ್ರವಿರಕ್ತಿರಿಷ್ಯತೇ । ವಿರಕ್ತಿತೀವ್ರತ್ವನಿದಾನಮಾಹು - ರ್ಭೋಗ್ಯೇಷು ದೋಷೇಕ್ಷಣಮೇವ ಸಂತಃ ॥ ೨೪ ॥
241. ಕಾಮ ಏವ ಯಮಃ ಸಾಕ್ಷಾತ್ಕಾಂತಾ ವೈತರಣೀ ನದೀ । ವಿವೇಕಿನಾಂ ಮುಮುಕ್ಷೂಣಾಂ ನಿಲಯಸ್ತು ಯಮಾಲಯಃ ॥ ೫೩ ॥
242. ಕಾಮಃ ಕ್ರೋಧಶ್ಚ ಲೋಭಶ್ಚ ಮದೋ ಮೋಹಶ್ಚ ಮತ್ಸರಃ । ನ ಜಿತಾಃ ಷಡಿಮೇ ಯೇನ ತಸ್ಯ ಶಾಂತಿರ್ನ ಸಿಧ್ಯತಿ ॥ ೧೦೧ ॥
243. ಕಾಮಸ್ಯ ಬೀಜಂ ಸಂಕಲ್ಪಃ ಸಂಕಲ್ಪಾದೇವ ಜಾಯತೇ । ಬೀಜೇ ನಷ್ಟೇಽಂಕುರ ಇವ ತಸ್ಮಿನ್ನಷ್ಟೇ ವಿನಶ್ಯತಿ ॥ ೬೪ ॥
244. ಕಾಮಸ್ಯ ವಿಜಯೋಪಾಯಂ ಸೂಕ್ಷ್ಮಂ ವಕ್ಷ್ಯಾಮ್ಯಹಂ ಸತಾಮ್ । ಸಂಕಲ್ಪಸ್ಯ ಪರಿತ್ಯಾಗ ಉಪಾಯಃ ಸುಲಭೋ ಮತಃ ॥ ೬೨ ॥
245. ಕಾಮಾಂಧಕಾರೇಣ ನಿರುದ್ಧದೃಷ್ಟಿ - ರ್ಮುಹ್ಯತ್ಯಸತ್ಯಪ್ಯಬಲಾಸ್ವರೂಪೇ । ನ ಹ್ಯಂಧದೃಷ್ಟೇರಸತಃ ಸತೋ ವಾಸುಖತ್ವದುಃಖತ್ವವಿಚಾರಣಾಸ್ತಿ ॥ ೪೯ ॥
246. ಕಾಮಾದಿದೃಶ್ಯಪ್ರವಿಲಾಪಪೂರ್ವಕಂಶುದ್ಧೋಽಹಮಿತ್ಯಾದಿಕಶಬ್ದಮಿಶ್ರಃ । ದೃಶ್ಯೇವ ನಿಷ್ಠಸ್ಯ ಯ ಏಷ ಭಾವಃಶಬ್ದಾನುವಿದ್ಧಃ ಕಥಿತಃ ಸಮಾಧಿಃ ॥ ೮೭೨ ॥
247. ಕಾಮೇನ ಕಾಂತಾಂ ಪರಿಗೃಹ್ಯ ತದ್ವ - ಜ್ಜನೋಽಪ್ಯಯಂ ನಶ್ಯತಿ ನಷ್ಟದೃಷ್ಟಿಃ । ಮಾಂಸಾಸ್ಥಿಮಜ್ಜಾಮಲಮೂತ್ರಪಾತ್ರಂಸ್ತ್ರಿಯಂ ಸ್ವಯಂ ರಮ್ಯತಯೈವ ಪಶ್ಯತಿ ॥ ೫೨ ॥
248. ಕಾಮೋ ನಾಮ ಮಹಾಂಜಗದ್ಭ್ರಮಯಿತಾ ಸ್ಥಿತ್ವಾಂತರಂಗೇ ಸ್ವಯಂಸ್ತ್ರೀಪುಂಸಾವಿತರೇತರಾಂಗಕಗುಣೈರ್ಹಾಸೈಶ್ಚ ಭಾವೈಃ ಸ್ಫುಟಮ್ । ಅನ್ಯೋನ್ಯಂ ಪರಿಮೋಹ್ಯ ನೈಜತಮಸಾ ಪ್ರೇಮಾನುಬಂಧೇನ ತೌಬದ್ಧ್ವಾ ಭ್ರಾಮಯತಿ ಪ್ರಪಂಚರಚನಾಂ ಸಂವರ್ಧಯನ್ಬ್ರಹ್ಮಹಾ ॥ ೫೮ ॥
249. ಕಾರಣಸ್ಯಾನುರೂಪೇಣ ಕಾರ್ಯಂ ಸರ್ವತ್ರ ದೃಶ್ಯತೇ । ತಸ್ಮಾತ್ಪ್ರಾಮಾಣ್ಯಮೇಷ್ಟವ್ಯಂ ಬುಧೈಃ ಪಂಚೀಕೃತೇರಪಿ ॥ ೪೦೮ ॥
250. ಕಾರಣಾಜ್ಞಾನನಾಶಾದ್ಯದ್ದ್ರಷ್ಟೃದರ್ಶನದೃಶ್ಯತಾ । ನ ಕಾರ್ಯಮಸ್ತಿ ತಜ್ಜ್ಞಾನಂ ಸ್ವಪ್ನಸ್ವಪ್ನಃ ಸಮೀರ್ಯತೇ ॥ ೯೫೩ ॥
251. ಕಾರಾಗೃಹಸ್ಯಾಸ್ಯ ಚ ಕೋ ವಿಶೇಷಃಪ್ರದೃಶ್ಯತೇ ಸಾಧು ವಿಚಾರ್ಯಮಾಣೇ । ಮುಕ್ತೇಃ ಪ್ರತೀಪತ್ವಮಿಹಾಪಿ ಪುಂಸಃಕಾಂತಾಸುಖಾಭ್ಯುತ್ಥಿತಮೋಹಪಾಶೈಃ ॥ ೪೬ ॥
252. ಕಾಲಭೇದೋ ವಸ್ತುಭೇದೋ ದೇಶಭೇದಃ ಸ್ವಭೇದಕಃ । ಕಿಂಚಿದ್ಭೇದೋ ನ ತಸ್ಯಾಸ್ತಿ ಕಿಂಚಿದ್ವಾಪಿ ನ ವಿದ್ಯತೇ ॥ ೯೯೩ ॥
253. ಕಿಂ ಕರೋಮಿ ಕ್ವ ಗಚ್ಛಾಮಿ ಕಿಂ ಗೃಹ್ಣಾಮಿ ತ್ಯಜಾಮಿ ಕಿಮ್ । ಯನ್ಮಯಾ ಪೂರಿತಂ ವಿಶ್ವಂ ಮಹಾಕಲ್ಪಾಂಬುನಾ ಯಥಾ ॥ ೯೨೮ ॥
254. ಕಿಂ ಮರುನ್ಮೃಗತೃಷ್ಣಾಂಬುಪೂರೇಣಾರ್ದ್ರತ್ವಮೃಚ್ಛತಿ । ದೃಷ್ಟಿಸಂಸ್ಥಿತಪೀತೇನ ಶಂಖಃ ಪೀತಾಯತೇ ಕಿಮು ॥ ೪೬೫ ॥
255. ಕಿಮಜ್ಞಾನಂ ತದುತ್ಪನ್ನಭಯತ್ಯಾಗೋಽಪಿ ವಾ ಕಥಮ್ । ಕಿಮು ಜ್ಞಾನಂ ತದುತ್ಪನ್ನಸುಖಪ್ರಾಪ್ತಿಶ್ಚ ವಾ ಕಥಮ್ ॥ ೨೭೬ ॥
256. ಕುಕ್ಷೌ ಸ್ವಮಾತುರ್ಮಲಮೂತ್ರಮಧ್ಯೇಸ್ಥಿತಿಂ ತದಾ ವಿಟ್ಕ್ರಿಮಿದಂಶನಂ ಚ । ತದೀಯಕೌಕ್ಷೇಯಕವಹ್ನಿದಾಹಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೨೭ ॥
257. ಕುಡ್ಯಾದೇಸ್ತು ಜಡಸ್ಯ ನೈವ ಘಟತೇ ಭಾನಂ ಸ್ವತಃ ಸರ್ವದಾಸೂರ್ಯಾದಿಪ್ರಭಯಾ ವಿನಾ ಕ್ವಚಿದಪಿ ಪ್ರತ್ಯಕ್ಷಮೇತತ್ತಥಾ । ಬುದ್ಧ್ಯಾದೇರಪಿ ನ ಸ್ವತೋಽಸ್ತ್ಯಣುರಪಿ ಸ್ಫೂರ್ತಿರ್ವಿನೈವಾತ್ಮನಾಸೋಽಯಂ ಕೇವಲಚಿನ್ಮಯಶ್ರುತಿಮತೋ ಭಾನುರ್ಯಥಾ ರುಙ್ಮಯಃ ॥ ೬೧೯ ॥
258. ಕೃತಕತ್ವಮನಿತ್ಯತ್ವೇ ಹೇತುರ್ಜಾಗರ್ತಿ ಸರ್ವದಾ । ತಸ್ಮಾದನಿತ್ಯೇ ಸ್ವರ್ಗಾದೌ ಪಂಡಿತಃ ಕೋ ನು ಮುಹ್ಯತಿ ॥ ೧೬೫ ॥
259. ಕೃತಿಪರ್ಯವಸಾನೈವ ಮತಾ ತೀವ್ರಮುಮುಕ್ಷುತಾ । ಅನ್ಯಾ ತು ರಂಜನಾಮಾತ್ರಾ ಯತ್ರ ನೋ ದೃಶ್ಯತೇ ಕೃತಿಃ ॥ ೨೪೬ ॥
260. ಕೇಚಿನ್ಮಾರುತಭೋಜನಾಃ ಖಲು ಪರೇ ಚಂದ್ರಾರ್ಕತೇಜೋಶನಾಃಕೇಚಿತ್ತೋಯಕಣಾಶಿನೋಽಪರಿಮಿತಾಃ ಕೇಚಿತ್ತು ಮೃದ್ಭಕ್ಷಕಾಃ । ಕೇಚಿತ್ಪರ್ಣಶಿಲಾತೃಣಾದನಪರಾಃ ಕೇಚಿತ್ತು ಮಾಂಸಾಶಿನಃಕೇಚಿದ್ವ್ರೀಹಿಯವಾನ್ನಭೋಜನಪರಾ ಜೀವಂತ್ಯಮೀ ಜಂತವಃ ॥ ೪೩೩ ॥
261. ಕೇನ ದುಷ್ಟೇನ ಯುಜ್ಯೇತ ವಸ್ತು ನಿರ್ಮಲಮಕ್ರಿಯಮ್ । ಯದ್ಯೋಗಾದಾಗತಂ ದೋಷಂ ಸಂಸ್ಕಾರೋ ವಿನಿವರ್ತಯೇತ್ ॥ ೧೫೯ ॥
262. ಕೇನ ವಾ ಪುಣ್ಯಶೇಷೇಣ ತವ ಪಾದಾಂಬುಜದ್ವಯಮ್ । ದೃಷ್ಟವಾನಸ್ಮಿ ಮಾಮಾರ್ತಂ ಮೃತ್ಯೋಸ್ತ್ರಾಹಿ ದಯಾದೃಶಾ ॥ ೨೬೪ ॥
263. ಕೋ ನಾಮ ಲೋಕೇ ಪುರುಷೋ ವಿವೇಕೀವಿನಶ್ವರೇ ತುಚ್ಛಸುಖೇ ಗೃಹಾದೌ । ಕುರ್ಯಾದ್ರತಿಂ ನಿತ್ಯಮವೇಕ್ಷಮಾಣೋವೃಥೈವ ಮೋಹಾನ್ಮ್ರಿಯಮಾಣಜಂತೂನ್ ॥ ೪೦ ॥
264. ಕೋಟೀಂಧನಾದ್ರಿಜ್ವಲಿತೋಽಪಿ ವಹ್ನಿರರ್ಕಸ್ಯ ನಾರ್ಹತ್ಯುಪಕರ್ತುಮೀಷತ್ । ಯಥಾ ತಥಾ ಕರ್ಮಸಹಸ್ರಕೋಟಿರ್ಜ್ಞಾನಸ್ಯ ಕಿಂ ನು ಸ್ವಯಮೇವ ಲೀಯತೇ ॥ ೧೮೭ ॥
265. ಕೋಶಕ್ರಿಮಿಸ್ತಂತುಭಿರಾತ್ಮದೇಹ - ಮಾವೇಷ್ಟ್ಯ ಚಾವೇಷ್ಟ್ಯ ಚ ಗುಪ್ತಿಮಿಚ್ಛನ್ । ಸ್ವಯಂ ವಿನಿರ್ಗಂತುಮಶಕ್ತ ಏವಸಂಸ್ತತಸ್ತದಂತೇ ಮ್ರಿಯತೇ ಚ ಲಗ್ನಃ ॥ ೪೪ ॥
266. ಕೋಶತ್ರಯಂ ಮಿಲಿತ್ವೈತದ್ವಪುಃ ಸ್ಯಾತ್ಸೂಕ್ಷ್ಮಮಾತ್ಮನಃ । ಅತಿಸೂಕ್ಷ್ಮತಯಾ ಲೀನಸ್ಯಾತ್ಮನೋ ಗಮಕತ್ವತಃ ॥ ೩೮೫ ॥
267. ಕ್ರಿಯೈವ ದಿಶ್ಯತೇ ಪ್ರಾಯಃ ಪ್ರಾಣಕರ್ಮೇಂದ್ರಿಯೇಷ್ವಲಮ್ । ತತಸ್ತೇಷಾಂ ರಜೋಂಽಶೇಭ್ಯೋ ಜನಿರಂಗೀಕೃತಾ ಬುಧೈಃ ॥ ೩೭೯ ॥
268. ಕ್ಲೇಶಾಃ ಸ್ಯುರ್ವಾಸನಾ ಏವ ಜಂತೋರ್ಜನ್ಮಾದಿಕಾರಣಮ್ । ಜ್ಞಾನನಿಷ್ಠಾಗ್ನಿನಾ ದಾಹೇ ತಾಸಾಂ ನೋ ಜನ್ಮಹೇತುತಾ ॥ ೮೪೯ ॥
269. ಕ್ಷಮಾವತಾಮೇವ ಹಿ ಯೋಗಸಿದ್ಧಿಃಸ್ವಾರಾಜ್ಯಲಕ್ಷ್ಮೀಸುಖಭೋಗಸಿದ್ಧಿಃ । ಕ್ಷಮಾವಿಹೀನಾ ನಿಪತಂತಿ ವಿಘ್ನೈ - ರ್ವಾತೈರ್ಹತಾಃ ಪರ್ಣಚಯಾ ಇವ ದ್ರುಮಾತ್ ॥ ೧೩೯ ॥
270. ಕ್ಷೀಣೇಂದ್ರಿಯಸ್ಯ ಜೀರ್ಣಸ್ಯ ಸಂಪ್ರಾಪ್ತೋತ್ಕ್ರಮಣಸ್ಯ ವಾ । ಅಸ್ತಿ ಜೀವಿತುಮೇವಾಶಾ ಸ್ವಾತ್ಮಾ ಪ್ರಿಯತಮೋ ಯತಃ ॥ ೬೨೫ ॥
271. ಖಾದತೇ ಮೋದತೇ ನಿತ್ಯಂ ಶುನಕಃ ಸೂಕರಃ ಖರಃ । ತೇಷಾಮೇಷಾಂ ವಿಶೇಷಃ ಕೋ ವೃತ್ತಿರ್ಯೇಷಾಂ ತು ತೈಃ ಸಮಾ ॥ ೨೪೧ ॥
272. ಖಾದೀನಾಂ ಭೂತಮೇಕೈಕಂ ಸಮಮೇವ ದ್ವಿಧಾ ದ್ವಿಧಾ । ವಿಭಜ್ಯ ಭಾಗಂ ತತ್ರಾದ್ಯಂ ತ್ಯಕ್ತ್ವಾ ಭಾಗಂ ದ್ವಿತೀಯಕಮ್ ॥ ೩೯೮ ॥
273. ಗಂಗಾಪದಂ ಯಥಾ ಸ್ವಾರ್ಥಂ ತ್ಯಕ್ತ್ವಾ ಲಕ್ಷಯತೇ ತಟಮ್ । ತತ್ಪದಂ ತ್ವಂಪದಂ ವಾಪಿ ತ್ಯಕ್ತ್ವಾ ಸ್ವಾರ್ಥಂ ಯಥಾಖಿಲಮ್ ॥ ೭೪೦ ॥
274. ಗತೇಽಪಿ ತೋಯೇ ಸುಷಿರಂ ಕುಲೀರೋಹಾತುಂ ಹ್ಯಶಕ್ತೋ ಮ್ರಿಯತೇ ವಿಮೋಹಾತ್ । ಯಥಾ ತಥಾ ಗೇಹಸುಖಾನುಷಕ್ತೋವಿನಾಶಮಾಯಾತಿ ನರೋ ಭ್ರಮೇಣ ॥ ೪೩ ॥
275. ಗರ್ಭಾವಾಸಜನಿಪ್ರಣಾಶನಜರಾವ್ಯಾಧ್ಯಾದಿಷು ಪ್ರಾಣಿನಾಂಯದ್ದುಃಖಂ ಪರಿದೃಶ್ಯತೇ ಚ ನರಕೇ ತಚ್ಚಿಂತಯಿತ್ವಾ ಮುಹುಃ । ದೋಷಾನೇವ ವಿಲೋಕ್ಯ ಸರ್ವವಿಷಯೇಷ್ವಾಶಾಂ ವಿಮುಚ್ಯಾಭಿತ - ಶ್ಚಿತ್ತಗ್ರಂಥಿವಿಮೋಚನಾಯ ಸುಮತಿಃ ಸತ್ತ್ವಂ ಸಮಾಲಂಬನಾತ್ ॥ ೩೬೨ ॥
276. ಗುಣರೂಪಾದಿಸಾದೃಶ್ಯಂ ದೀಪವನ್ನ ಸುತೇ ಪಿತುಃ । ಅವ್ಯಂಗಾಜ್ಜಾಯತೇ ವ್ಯಂಗಃ ಸುಗುಣಾದಪಿ ದುರ್ಗುಣಃ ॥ ೫೩೦ ॥
277. ಗುರುರೇಷ ಸದಾನಂದಸಿಂಧೌ ನಿರ್ಮಗ್ನಮಾನಸಃ । ಪಾವಯನ್ವಸುಧಾಂ ಸರ್ವಾಂ ವಿಚಚಾರ ನಿರುತ್ತರಃ ॥ ೧೦೦೪ ॥
278. ಗುರುವೇದಾಂತವಾಕ್ಯೇಷು ಬುದ್ಧಿರ್ಯಾ ನಿಶ್ಚಯಾತ್ಮಿಕಾ । ಸತ್ಯಮಿತ್ಯೇವ ಸಾ ಶ್ರದ್ಧಾ ನಿದಾನಂ ಮುಕ್ತಿಸಿದ್ಧಯೇ ॥ ೨೧೦ ॥
279. ಗೃಹಸ್ಪೃಹಾ ಪಾದನಿಬದ್ಧಶೃಂಖಲಾಕಾಂತಾಸುತಾಶಾ ಪಟುಕಂಠಪಾಶಃ । ಶೀರ್ಷೇ ಪತದ್ಭೂರ್ಯಶನಿರ್ಹಿ ಸಾಕ್ಷಾ - ತ್ಪ್ರಾಣಾಂತಹೇತುಃ ಪ್ರಬಲಾ ಧನಾಶಾ ॥ ೪೭ ॥
280. ಗೇಹಾದಿಸರ್ವಮಪಹಾಯ ಲಘುತ್ವಬುದ್ಧ್ಯಾಸೌಖ್ಯೇಚ್ಛಯಾ ಸ್ವಪತಿನಾನಲಮಾವಿವಿಕ್ಷೋಃ । ಕಾಂತಾಜನಸ್ಯ ನಿಯತಾ ಸುದೃಢಾ ತ್ವರಾ ಯಾಸೈಷಾ ಫಲಾಂತಗಮನೇ ಕರಣಂ ಮುಮುಕ್ಷೋಃ ॥ ೨೪೭ ॥
281. ಘಟಂ ವಿಸ್ಫುರಯತ್ಯೇಷ ಚಿದಾಭಾಸಃ ಸ್ವತೇಜಸಾ । ನ ತಥಾ ಸ್ವಪ್ರಭೇ ಬ್ರಹ್ಮಣ್ಯಾಭಾಸ ಉಪಯುಜ್ಯತೇ ॥ ೮೦೬ ॥
282. ಘಟಾಭಾವೇ ಘಟಾಕಾಶೋ ಮಹಾಕಾಶೋ ಯಥಾ ತಥಾ । ಉಪಾಧ್ಯಭಾವೇ ತ್ವಾತ್ಮೈಷ ಸ್ವಯಂ ಬ್ರಹ್ಮೈವ ಕೇವಲಮ್ ॥ ೬೯೪ ॥
283. ಘಟೋಽಯಮಿತ್ಯತ್ರ ಘಟಾಭಿಧಾನಃಪ್ರತ್ಯಕ್ಷತಃ ಕಶ್ಚಿದುದೇತಿ ದೃಷ್ಟೇಃ । ವಿಚಾರ್ಯಮಾಣೇ ಸ ತು ನಾಸ್ತಿ ತತ್ರಮೃದಸ್ತಿ ತದ್ಭಾವವಿಲಕ್ಷಣಾ ಸಾ ॥ ೨೮೭ ॥
284. ಚತುರ್ಧಾ ಸುವಿಭಜ್ಯಾಥ ತಮೇಕೈಕಂ ವಿನಿಕ್ಷಿಪೇತ್ । ಚತುರ್ಣಾಂ ಪ್ರಥಮೇ ಭಾಗೇ ಕ್ರಮೇಣ ಸ್ವಾರ್ಧಮಂತರಾ ॥ ೩೯೯ ॥
285. ಚತುರ್ಭಿಃ ಸಾಧನೈಃ ಸಮ್ಯಕ್ಸಂಪನ್ನೋ ಯುಕ್ತಿದಕ್ಷಿಣಃ । ಮೇಧಾವೀ ಪುರುಷೋ ವಿದ್ವಾನಧಿಕಾರ್ಯತ್ರ ಸಮ್ಮತಃ ॥ ೭ ॥
286. ಚತುರ್ವಿಧಂ ಭೂತಜಾತಂ ತತ್ತಜ್ಜಾತಿವಿಶೇಷತಃ । ನೈಕಧೀವಿಷಯತ್ವೇನ ಪೂರ್ವವದ್ವ್ಯಷ್ಟಿರಿಷ್ಯತೇ ॥ ೪೪೦ ॥
287. ಚತುರ್ವಿಧಂ ಸ್ಥೂಲಶರೀರಜಾತಂತದ್ಭೋಜ್ಯಮನ್ನಾದಿ ತದಾಶ್ರಯಾದಿ । ಬ್ರಹ್ಮಾಂಡಮೇತತ್ಸಕಲಂ ಸ್ಥವಿಷ್ಠ - ಮೀಕ್ಷೇತ ಪಂಚೀಕೃತಭೂತಮಾತ್ರಮ್ ॥ ೬೮೨ ॥
288. ಚತ್ವಾರಿ ಸಾಧನಾನ್ಯತ್ರ ವದಂತಿ ಪರಮರ್ಷಯಃ । ಮುಕ್ತಿರ್ಯೇಷಾಂ ತು ಸದ್ಭಾವೇ ನಾಭಾವೇ ಸಿಧ್ಯತಿ ಧ್ರುವಮ್ ॥ ೧೩ ॥
289. ಚಿಂತನಂ ಚ ಮನೋಧರ್ಮಃ ಸಂಕಲ್ಪಾದಿರ್ಯಥಾ ತಥಾ । ಅಂತರ್ಭಾವೋ ಮನಸ್ಯೇವ ಸಮ್ಯಕ್ಚಿತ್ತಸ್ಯ ಸಿಧ್ಯತಿ ॥ ೩೪೭ ॥
290. ಚಿಂತಾವಿಷಾದಹರ್ಷಾದ್ಯಾಃ ಕಾಮಾದ್ಯಾ ಅಸ್ಯ ವೃತ್ತಯಃ । ಮನುತೇ ಮನಸೈವೈಷ ಫಲಂ ಕಾಮಯತೇ ಬಹಿಃ । ಯತತೇ ಕುರುತೇ ಭುಂಕ್ತೇ ತನ್ಮನಃ ಸರ್ವಕಾರಣಮ್ ॥ ೩೫೬ ॥
291. ಚಿತ್ತಂ ಚ ದೃಷ್ಟಿಂ ಕರಣಂ ತಥಾನ್ಯ - ದೇಕತ್ರ ಬಘ್ನಾತಿ ಹಿ ಲಕ್ಷ್ಯಭೇತ್ತಾ । ಕಿಂಚಿತ್ಪ್ರಮಾದೇ ಸತಿ ಲಕ್ಷ್ಯಭೇತ್ತು - ರ್ಬಾಣಪ್ರಯೋಗೋ ವಿಫಲೋ ಯಥಾ ತಥಾ ॥ ೨೨೦ ॥
292. ಚಿತ್ತಪ್ರಸಾದೇನ ವಿನಾವಗಂತುಂಬಂಧಂ ನ ಶಕ್ನೋತಿ ಪರಾತ್ಮತತ್ತ್ವಮ್ । ತತ್ತ್ವಾವಗತ್ಯಾ ತು ವಿನಾ ವಿಮುಕ್ತಿ - ರ್ನ ಸಿಧ್ಯತಿ ಬ್ರಹ್ಮಸಹಸ್ರಕೋಟಿಷು ॥ ೩೭೩ ॥
293. ಚಿತ್ತವೃತ್ತೇರತೀತೋ ಯಶ್ಚಿತ್ತವೃತ್ತ್ಯಾವಭಾಸಕಃ । ಚಿತ್ತವೃತ್ತಿವಿಹೀನೋ ಯೋ ವಿದೇಹೋ ಮುಕ್ತ ಏವ ಸಃ ॥ ೯೮೫ ॥
294. ಚಿತ್ತಸ್ಯ ಸಾಧ್ಯೈಕಪರತ್ವಮೇವಪುಮರ್ಥಸಿದ್ಧೇರ್ನಿಯಮೇನ ಕಾರಣಮ್ । ನೈವಾನ್ಯಥಾ ಸಿಧ್ಯತಿ ಸಾಧ್ಯಮೀಷ - ನ್ಮನಃಪ್ರಮಾದೇ ವಿಫಲಃ ಪ್ರಯತ್ನಃ ॥ ೨೧೯ ॥
295. ಚಿದಾತ್ಮಾಹಂ ಪರಾತ್ಮಾಹಂ ನಿರ್ಗುಣೋಽಹಂ ಪರಾತ್ಪರಃ । ಆತ್ಮಮಾತ್ರೇಣ ಯಸ್ತಿಷ್ಠೇತ್ಸ ಜೀವನ್ಮುಕ್ತ ಉಚ್ಯತೇ ॥ ೯೭೫ ॥
296. ಚಿನ್ಮಯಾಕಾರಮತಯೋ ಧೀವೃತ್ತಿಪ್ರಸರೈರ್ಗತಃ । ಆನಂದಾನುಭವೋ ವಿದ್ವನ್ ಸುಪ್ತಿಜಾಗ್ರದಿತೀರ್ಯತೇ ॥ ೯೫೫ ॥
297. ಚೈತನ್ಯಂ ತದವಚ್ಛಿನ್ನಂ ಸತ್ಯಜ್ಞಾನಾದಿಲಕ್ಷಣಮ್ । ಸರ್ವಜ್ಞತ್ವೇಶ್ವರತ್ವಾಂತರ್ಯಾಮಿತ್ವಾದಿಗುಣೈರ್ಯುತಮ್ ॥ ೭೧೧ ॥
298. ಚೈತನ್ಯಂ ತೈಜಸ ಇತಿ ನಿಗದಂತಿ ಮನೀಷಿಣಃ । ತೇಜೋಮಯಾಂತಃಕರಣೋಪಾಧಿತ್ವೇನೈಷ ತೈಜಸಃ ॥ ೩೯೧ ॥
299. ಚೈತನ್ಯಂ ವ್ಯಷ್ಟ್ಯವಚ್ಛಿನ್ನಂ ಪ್ರತ್ಯಗಾತ್ಮೇತಿ ಗೀಯತೇ । ಸಾಭಾಸಂ ವ್ಯಷ್ಟ್ಯುಪಹಿತಂ ಸತ್ತಾದಾತ್ಮ್ಯೇನ ತದ್ಗುಣೈಃ ॥ ೩೧೯ ॥
300. ಛಾಯಯಾ ಸ್ಪೃಷ್ಟಮುಷ್ಣಂ ವಾ ಶೀತಂ ವಾ ದುಷ್ಠು ಸುಷ್ಠು ವಾ । ನ ಸ್ಪೃಶತ್ಯೇವ ಯತ್ಕಿಂಚಿತ್ಪುರುಷಂ ತದ್ವಿಲಕ್ಷಣಮ್ ॥ ೯೩೩ ॥
301. ಜಗತ್ಸ್ರಷ್ಟೃತ್ವಪಾತೃತ್ವಸಂಹರ್ತೃತ್ವಾದಿಧರ್ಮಕಮ್ । ಸರ್ವಾತ್ಮನಾ ಭಾಸಮಾನಂ ಯದಮೇಯಂ ಗುಣೈಶ್ಚ ತತ್ ॥ ೭೧೨ ॥
302. ಜಗದ್ಧೇತೋಸ್ತು ನಿತ್ಯತ್ವಂ ಸರ್ವೇಷಾಮಪಿ ಸಮ್ಮತಮ್ । ಜಗದ್ಧೇತುತ್ವಮಸ್ಯೈವ ವಾವದೀತಿ ಶ್ರುತಿರ್ಮುಹುಃ ॥ ೧೬೬ ॥
303. ಜಡಪ್ರಕಾಶಕಃ ಸೂರ್ಯಃ ಪ್ರಕಾಶಾತ್ಮೈವ ನೋ ಜಡಃ । ಬುದ್ಧ್ಯಾದಿಭಾಸಕಸ್ತಸ್ಮಾಚ್ಚಿತ್ಸ್ವರೂಪಸ್ತಥಾ ಮತಃ ॥ ೬೧೮ ॥
304. ಜಡಸ್ವಭಾವಶ್ಚಪಲಃ ಕರ್ಮಯುಕ್ತಶ್ಚ ಸರ್ವದಾ । ಪ್ರಾಣಸ್ಯ ಭಾನಂ ಮನಸಿ ಸ್ಥಿತೇ ಸುಪ್ತೇ ನ ದೃಶ್ಯತೇ ॥ ೫೪೯ ॥
305. ಜನ್ಮಾಂತರಕೃತಾನಂತಪುಣ್ಯಕರ್ಮಫಲೋದಯಃ । ಅದ್ಯ ಸಂನಿಹಿತೋ ಯಸ್ಮಾತ್ತ್ವತ್ಕೃಪಾಪಾತ್ರಮಸ್ಮ್ಯಹಮ್ ॥ ೨೬೦ ॥
306. ಜನ್ಮಾಂತರೇ ಮಧ್ಯಮಸ್ತು ತದನ್ಯಸ್ತು ಯುಗಾಂತರೇ । ಚತುರ್ಥಃ ಕಲ್ಪಕೋಟ್ಯಾಂ ವಾ ನೈವ ಬಂಧಾದ್ವಿಮುಚ್ಯತೇ ॥ ೨೩೭ ॥
307. ಜನ್ಮಾನೇಕಶತೈಃ ಸದಾದರಯುಜಾ ಭಕ್ತ್ಯಾ ಸಮಾರಾಧಿತೋಭಕ್ತೈರ್ವೈದಿಕಲಕ್ಷಣೇನ ವಿಧಿನಾ ಸಂತುಷ್ಟ ಈಶಃ ಸ್ವಯಮ್ । ಸಾಕ್ಷಾಚ್ಛ್ರೀಗುರುರೂಪಮೇತ್ಯ ಕೃಪಯಾ ದೃಗ್ಗೋಚರಃ ಸನ್ಪ್ರಭುಃತತ್ತ್ವಂ ಸಾಧು ವಿಬೋಧ್ಯ ತಾರಯತಿ ತಾನ್ಸಂಸಾರದುಃಖಾರ್ಣವಾತ್ ॥ ೨೫೪ ॥
308. ಜನ್ಮಾನೇಕಸಹಸ್ರೇಷು ತಪಸಾರಾಧಿತೇಶ್ವರಃ । ತೇನ ನಿಃಶೇಷನಿರ್ಧೂತಹೃದಯಸ್ಥಿತಕಲ್ಮಷಃ ॥ ೨೩೩ ॥
309. ಜನ್ಮಾಸ್ತಿತ್ವವಿವೃದ್ಧಯಃ ಪರಿಣತಿಶ್ಚಾಪಕ್ಷತಿರ್ನಾಶನಂದೃಶ್ಯಸ್ಯೈವ ಭವಂತಿ ಷಡ್ವಿಕೃತಯೋ ನಾನಾವಿಧಾ ವ್ಯಾಧಯಃ । ಸ್ಥೂಲತ್ವಾದಿ ಚ ನೀಲತಾದ್ಯಪಿ ಮಿತಿರ್ವರ್ಣಾಶ್ರಮಾದಿಪ್ರಥಾದೃಶ್ಯಂತೇ ವಪುಷೋ ನ ಚಾತ್ಮನ ಇಮೇ ತದ್ವಿಕ್ರಿಯಾಸಾಕ್ಷಿಣಃ ॥ ೪೬೦ ॥
310. ಜರಾಯುಜಾಂಡಜಸ್ವೇದಜೋದ್ಭಿಜ್ಜಾದ್ಯಾಶ್ಚತುರ್ವಿಧಾಃ । ಸ್ವಸ್ವಕರ್ಮಾನುರೂಪೇಣ ಜಾತಾಸ್ತಿಷ್ಠಂತಿ ಜಂತವಃ ॥ ೪೩೪ ॥
311. ಜಲೇ ನಿಕ್ಷಿಪ್ತಲವಣಂ ಜಲಮಾತ್ರತಯಾ ಸ್ಥಿತಮ್ । ಪೃಥಙ್ ನ ಭಾತಿ ಕಿಂ ನ್ವಂಭ ಏಕಮೇವಾವಭಾಸತೇ ॥ ೮೨೪ ॥
312. ಜಿಹ್ವಾಯಾ ವರುಣೋ ದೈವಂ ಘ್ರಾಣಸ್ಯ ತ್ವಶ್ವಿನಾವುಭೌ । ವಾಚೋಽಗ್ನಿರ್ಹಸ್ತಯೋರಿಂದ್ರಃ ಪಾದಯೋಸ್ತು ತ್ರಿವಿಕ್ರಮಃ ॥ ೪೧೭ ॥
313. ಜೀವನ್ಮುಕ್ತಸ್ಯ ಭಗವನ್ನನುಭೂತೇಶ್ಚ ಲಕ್ಷಣಮ್ । ವಿದೇಹಮುಕ್ತಸ್ಯ ಚ ಮೇ ಕೃಪಯಾ ಬ್ರೂಹಿ ತತ್ತ್ವತಃ ॥ ೯೩೭ ॥
314. ಜೀವನ್ಮುಕ್ತಿಪದಂ ತ್ಯಕ್ತ್ವಾ ಸ್ವದೇಹೇ ಕಾಲಸಾತ್ಕೃತೇ । ವಿಶತ್ಯದೇಹಮುಕ್ತಿತ್ವಂ ಪವನೋಽಸ್ಪಂದತಾಮಿವ ॥ ೯೭೯ ॥
315. ಜೀವಾತ್ಮೇತಿ ಪರಾತ್ಮೇತಿ ಸರ್ವಚಿಂತಾವಿವರ್ಜಿತಃ । ಸರ್ವಸಂಕಲ್ಪಹೀನಾತ್ಮಾ ವಿದೇಹೋ ಮುಕ್ತ ಏವ ಸಃ ॥ ೯೮೬ ॥
316. ಜೀವೇಶ್ವರೇತಿ ವಾಕ್ಯೇ ಚ ವೇದಶಾಸ್ತ್ರೇಷ್ವಹಂ ತ್ವಿತಿ । ಇದಂ ಚೈತನ್ಯಮೇವೇತ್ಯಹಂ ಚೈತನ್ಯಮಿತ್ಯಪಿ ॥ ೯೯೪ ॥
317. ಜ್ಞಾತಜ್ಞೇಯಃ ಸಂಪ್ರಣಮ್ಯ ಸದ್ಗುರೋಶ್ಚರಣಾಂಬುಜಮ್ । ಸ ತೇನ ಸಮನುಜ್ಞಾತೋ ಯಯೌ ನಿರ್ಮುಕ್ತಬಂಧನಃ ॥ ೧೦೦೩ ॥
318. ಜ್ಞಾತೃಜ್ಞಾನಜ್ಞೇಯವಿಹೀನಂ ಜ್ಞಾತುರಭಿನ್ನಂ ಜ್ಞಾನಮಖಂಡಮ್ । ಜ್ಞೇಯಾಜ್ಞೇಯತ್ವಾದಿವಿಮುಕ್ತಂ ಶುದ್ಧಂ ಬುದ್ಧಂ ತತ್ತ್ವಮಸಿ ತ್ವಮ್ ॥ ೭೮೫ ॥
319. ಜ್ಞಾತ್ರಾದಿಕಲ್ಪನಾಭಾವಾನ್ಮತೋಽಯಂ ನಿರ್ವಿಕಲ್ಪಕಃ । ವೃತ್ತೇಃ ಸದ್ಭಾವಬಾಧಾಭ್ಯಾಮುಭಯೋರ್ಭೇದ ಇಷ್ಯತೇ ॥ ೮೨೬ ॥
320. ಜ್ಞಾತ್ರಾದಿಭಾವಮುತ್ಸೃಜ್ಯ ಜ್ಞೇಯಮಾತ್ರಸ್ಥಿತಿರ್ದೃಢಾ । ಮನಸೋ ನಿರ್ವಿಕಲ್ಪಃ ಸ್ಯಾತ್ಸಮಾಧಿರ್ಯೋಗಸಂಜ್ಞಿತಃ ॥ ೮೨೩ ॥
321. ಜ್ಞಾತ್ರಾದ್ಯವಿಲಯೇನೈವ ಜ್ಞೇಯೇ ಬ್ರಹ್ಮಣಿ ಕೇವಲೇ । ತದಾಕಾರಾಕಾರಿತಯಾ ಚಿತ್ತವೃತ್ತೇರವಸ್ಥಿತಿಃ ॥ ೮೨೦ ॥
322. ಜ್ಞಾತ್ವಾ ದೇವಂ ಸರ್ವಪಾಶಾಪಹಾನಿಃಕ್ಷೀಣೈಃ ಕ್ಲೇಶೈರ್ಜನ್ಮಮೃತ್ಯುಪ್ರಹಾನಿಃ । ಇತ್ಯೇವೈಷಾ ವೈದಿಕೀ ವಾಗ್ಬ್ರವೀತಿಕ್ಲೇಶಕ್ಷತ್ಯಾಂ ಜನ್ಮಮೃತ್ಯುಪ್ರಹಾಣಿಮ್ ॥ ೮೪೭ ॥
323. ಜ್ಞಾನನಿಷ್ಠಾತತ್ಪರಸ್ಯ ನೈವ ಕರ್ಮೋಪಯುಜ್ಯತೇ । ಕರ್ಮಣೋ ಜ್ಞಾನನಿಷ್ಠಾಯಾ ನ ಸಿಧ್ಯತಿ ಸಹಸ್ಥಿತಿಃ ॥ ೮೫೨ ॥
324. ಜ್ಞಾನಭೂಮಿಃ ಶುಭೇಚ್ಛಾ ಸ್ಯಾತ್ಪ್ರಥಮಾ ಸಮುದೀರಿತಾ । ವಿಚಾರಣಾ ದ್ವಿತೀಯಾ ತು ತೃತೀಯಾ ತನುಮಾನಸೀ ॥ ೯೩೯ ॥
325. ಜ್ಞಾನಶಾಸ್ತ್ರೈಕಪರತಾ ಸಮತಾ ಸುಖದುಃಖಯೋಃ । ಮಾನಾನಾಸಕ್ತಿರೇಕಾಂತಶೀಲತಾ ಚ ಮುಮುಕ್ಷುತಾ ॥ ೧೦೭ ॥
326. ಜ್ಞಾನಸ್ಯ ವಸ್ತುತಂತ್ರತ್ವೇ ಸಂಶಯಾದ್ಯುದಯಃ ಕಥಮ್ । ಅತೋ ನ ವಾಸ್ತವಂ ಜ್ಞಾನಮಿತಿ ನೋ ಶಂಕ್ಯತಾಂ ಬುಧೈಃ ॥ ೧೯೧ ॥
327. ಜ್ಞಾನಸ್ಯಾಪ್ರತಿಬದ್ಧತ್ವಂ ಸದಾನಂದಶ್ಚ ಸಿಧ್ಯತಿ । ದೃಶ್ಯಾನುವಿದ್ಧಃ ಶಬ್ದಾನುವಿದ್ಧಶ್ಚೇತಿ ದ್ವಿಧಾ ಮತಃ ॥ ೮೨೯ ॥
328. ಜ್ಞಾನಾಜ್ಞಾನಮಯಸ್ತ್ವಾತ್ಮಾ ಕಥಂ ಭವಿತುಮರ್ಹತಿ । ಪರಸ್ಪರವಿರುದ್ಧತ್ವಾತ್ತೇಜಸ್ತಿಮಿರವತ್ತಯೋಃ ॥ ೫೬೯ ॥
329. ಜ್ಞಾನಾದೇವ ತು ಕೈವಲ್ಯಮಿತಿ ಶ್ರುತ್ಯಾ ನಿಗದ್ಯತೇ । ಜ್ಞಾನಸ್ಯ ಮುಕ್ತಿಹೇತುತ್ವಮನ್ಯವ್ಯಾವೃತ್ತಿಪೂರ್ವಕಮ್ ॥ ೧೭೦ ॥
330. ಜ್ಞಾನೇಂದ್ರಿಯಾಣಿ ನಿಜದೈವತಚೋದಿತಾನಿಕರ್ಮೇಂದ್ರಿಯಾಣ್ಯಪಿ ತಥಾ ಮನಆದಿಕಾನಿ । ಸ್ವಸ್ವಪ್ರಯೋಜನವಿಧೌ ನಿಯತಾನಿ ಸಂತಿಯತ್ನೇನ ಕಿಂಕರಜನಾ ಇವ ತಂ ಭಜಂತೇ ॥ ೪೪೯ ॥
331. ಜ್ಞಾನೇನ ಕರ್ಮಣೋ ಯೋಗಃ ಕಥಂ ಸಿಧ್ಯತಿ ವೈರಿಣಾ । ಸಹಯೋಗೋ ನ ಘಟತೇ ಯಥಾ ತಿಮಿರತೇಜಸೋಃ ॥ ೮೫೫ ॥
332. ಜ್ಞಾನೈಕನಿಷ್ಠಾನಿರತಸ್ಯ ಭಿಕ್ಷೋ - ರ್ನೈವಾವಕಾಶೋಽಸ್ತಿ ಹಿ ಕರ್ಮತಂತ್ರೇ । ತದೇವ ಕರ್ಮಾಸ್ಯ ತದೇವ ಸಂಧ್ಯಾತದೇವ ಸರ್ವಂ ನ ತತೋಽನ್ಯದಸ್ತಿ ॥ ೮೫೭ ॥
333. ತಂ ವಿಕ್ರೀಣಾತಿ ದೇಹಾರ್ಥಂ ಪ್ರತಿಕೂಲಂ ನಿಹಂತಿ ಚ । ತಸ್ಮಾದಾತ್ಮಾ ತು ತನಯೋ ನ ಭವೇಚ್ಚ ಕದಾಚನ ॥ ೫೨೯ ॥
334. ತಚ್ಚಾಪಿ ಪಂಚೀಕೃತಭೂತಜಾತಂಶಬ್ದಾದಿಭಿಃ ಸ್ವಸ್ವಗುಣೈಶ್ಚ ಸಾರ್ಧಮ್ । ವಪೂಂಷಿ ಸೂಕ್ಷ್ಮಾಣಿ ಚ ಸರ್ವಮೇತ - ದ್ಭವತ್ಯಪಂಚೀಕೃತಭೂತಮಾತ್ರಮ್ ॥ ೬೮೭ ॥
335. ತತಃ ಪ್ರಾಮಾಣಿಕಂ ಪಂಚೀಕರಣಂ ಮನ್ಯತಾಂ ಬುಧೈಃ । ಪ್ರತ್ಯಕ್ಷಾದಿವಿರೋಧಃ ಸ್ಯಾದನ್ಯಥಾ ಕ್ರಿಯತೇ ಯದಿ ॥ ೪೦೩ ॥
336. ತತಸ್ತತ್ಸಂಬಭೂವಾಸೌ ಯದ್ಗಿರಾಮಪ್ಯಗೋಚರಮ್ । ಯಚ್ಛೂನ್ಯವಾದಿನಾಂ ಶೂನ್ಯಂ ಬ್ರಹ್ಮ ಬ್ರಹ್ಮವಿದಾಂ ಚ ಯತ್ ॥ ೯೮೦ ॥
337. ತತೋ ಮುಮುಕ್ಷುರ್ಭವಬಂಧಮುಕ್ತ್ಯೈರಜಸ್ತಮೋಭ್ಯಾಂ ಚ ತದೀಯಕಾರ್ಯೈಃ । ವಿಯೋಜ್ಯ ಚಿತ್ತಂ ಪರಿಶುದ್ಧಸತ್ತ್ವಂಪ್ರಿಯಂ ಪ್ರಯತ್ನೇನ ಸದೈವ ಕುರ್ಯಾತ್ ॥ ೩೬೧ ॥
338. ತತೋ ವ್ಯೋಮಾದಿಭೂತಾನಾಂ ಭಾಗಾಃ ಪಂಚ ಭವಂತಿ ತೇ । ಸ್ವಸ್ವಾರ್ಧಭಾಗೇನಾನ್ಯೇಭ್ಯಃ ಪ್ರಾಪ್ತಂ ಭಾಗಚತುಷ್ಟಯಮ್ ॥ ೪೦೦ ॥
339. ತತೋಽಜ್ಞಾನಸ್ಯ ವಿಚ್ಛಿತ್ತಿಃ ಕರ್ಮಣಾ ನೈವ ಸಿಧ್ಯತಿ । ಯಸ್ಯ ಪ್ರಧ್ವಸ್ತಜನಕೋ ಯತ್ಸಂಯೋಗೋಽಸ್ತಿ ತತ್ಕ್ಷಣೇ ॥ ೫೧೫ ॥
340. ತತ್ಕಾರಣಂ ಯದಜ್ಞಾನಂ ಸಕಾರ್ಯಂ ಸದ್ವಿಲಕ್ಷಣಮ್ । ಅವಸ್ತ್ವಿತ್ಯುಚ್ಯತೇ ಸದ್ಭಿರ್ಯಸ್ಯ ಬಾಧಾ ಪ್ರದೃಶ್ಯತೇ ॥ ೨೯೯ ॥
341. ತತ್ಕಾರ್ಯಂ ಸಕಲಂ ತೇನ ಸಮಂ ಭವತಿ ಬಾಧಿತಮ್ । ತಂತುದಾಹೇ ತು ತತ್ಕಾರ್ಯಪಟದಾಹೋ ಯಥಾ ತಥಾ ॥ ೮೦೦ ॥
342. ತತ್ತತ್ಕಾಲಸಮಾಗತಾಮಯತತೇಃ ಶಾಂತ್ಯೈ ಪ್ರವೃತ್ತೋ ಯದಿಸ್ಯಾತ್ತತ್ತತ್ಪರಿಹಾರಕೌಷಧರತಸ್ತಚ್ಚಿಂತನೇ ತತ್ಪರಃ । ತದ್ಭಿಕ್ಷುಃ ಶ್ರವಣಾದಿಧರ್ಮರಹಿತೋ ಭೂತ್ವಾ ಮೃತಶ್ಚೇತ್ತತಃಕಿಂ ಸಿದ್ಧಂ ಫಲಮಾಪ್ನುಯಾದುಭಯಥಾ ಭ್ರಷ್ಟೋ ಭವೇತ್ಸ್ವಾರ್ಥತಃ ॥ ೧೪೫ ॥
343. ತತ್ತದ್ವೃತ್ತಿನಿರೋಧೇನ ಬಾಹ್ಯೇಂದ್ರಿಯವಿನಿಗ್ರಹಃ । ಯೋಗಿನೋ ದಮ ಇತ್ಯಾಹುರ್ಮನಸಃ ಶಾಂತಿಸಾಧನಮ್ ॥ ೧೨೯ ॥
344. ತತ್ತ್ವಮಾತ್ಮಸ್ಥಮಜ್ಞಾತ್ವಾ ಮೂಢಃ ಶಾಸ್ತ್ರೇಷು ಪಶ್ಯತಿ । ಗೋಪಃ ಕಕ್ಷಗತಂ ಛಾಗಂ ಯಥಾ ಕೂಪೇಷು ದುರ್ಮತಿಃ ॥ ೨೯೧ ॥
345. ತತ್ಪದಂ ತ್ವಂಪದಂ ಚಾಪಿ ಸ್ವಕೀಯಾರ್ಥವಿರೋಧಿನಮ್ । ಅಂಶಂ ಸಮ್ಯಕ್ಪರಿತ್ಯಜ್ಯ ಸ್ವಾವಿರುದ್ಧಾಂಶಸಂಯುತಮ್ ॥ ೭೪೮ ॥
346. ತತ್ಪದಾರ್ಥಸ್ತ್ವಮರ್ಥಸ್ತು ಕಿಂಚಿಜ್ಜ್ಞೋ ದುಃಖಜೀವನಃ । ಸಂಸಾರ್ಯಯಂ ತದ್ಗತಿಕೋ ಜೀವಃ ಪ್ರಾಕೃತಲಕ್ಷಣಃ ॥ ೭೨೨ ॥
347. ತತ್ಪ್ರಕಾರಂ ಪ್ರವಕ್ಷ್ಯಾಮಿ ನಿಶಾಮಯ ಸಮಾಸತಃ । ಅಧಿಷ್ಠಾನಂ ಪರಂ ಬ್ರಹ್ಮ ಸಚ್ಚಿದಾನಂದಲಕ್ಷಣಮ್ ॥ ೮೭೯ ॥
348. ತತ್ರಾಧ್ಯಸ್ತಮಿದಂ ಭಾತಿ ನಾಮರೂಪಾತ್ಮಕಂ ಜಗತ್ । ಸತ್ತ್ವಂ ಚಿತ್ತ್ವಂ ತಥಾನಂದರೂಪಂ ಯದ್ಬ್ರಹ್ಮಣಸ್ತ್ರಯಮ್ ॥ ೮೮೦ ॥
349. ತತ್ಸರ್ವಂ ಖಲ್ವಿದಂ ಬ್ರಹ್ಮೇತ್ಯಸ್ಯ ವಾಕ್ಯಸ್ಯ ಪಂಡಿತೈಃ । ವಾಚ್ಯಾರ್ಥ ಇತಿ ನಿರ್ಣೀತಂ ವಿವಿಕ್ತಂ ಲಕ್ಷ್ಯ ಇತ್ಯಪಿ ॥ ೪೫೫ ॥
350. ತಥಾ ತತ್ತ್ವಮಸೀತ್ಯತ್ರ ಚೈತನ್ಯೈಕತ್ವಲಕ್ಷಣೇ । ವಿವಕ್ಷಿತೇ ತು ವಾಕ್ಯಾರ್ಥೇಽಪರೋಕ್ಷತ್ವಾದಿಲಕ್ಷಣಃ ॥ ೭೩೭ ॥
351. ತಥಾ ತತ್ತ್ವಮಸೀತ್ಯತ್ರ ನಾಸ್ತಿ ವಾಕ್ಯಾರ್ಥಸಂಗತಿಃ । ಪಟಾದ್ವ್ಯಾವರ್ತತೇ ನೀಲ ಉತ್ಪಲೇನ ವಿಶೇಷಿತಃ ॥ ೭೧೪ ॥
352. ತಥಾ ಶ್ರವಣಜೋ ಬೋಧಃ ಪುಂಸೋ ವಿಹಿತಕರ್ಮಣಾ । ಅತಃ ಸಾಪೇಕ್ಷಿತಂ ಜ್ಞಾನಮಥವಾಪಿ ಸಮುಚ್ಚಯಮ್ ॥ ೧೭೫ ॥
353. ತಥಾಪಿ ಕಿಂಚಿದ್ವಕ್ಷ್ಯಾಮಿ ಸಾದೃಶ್ಯಂ ಶೃಣು ತತ್ಪರಃ । ಅತ್ಯಂತನಿರ್ಮಲಃ ಸೂಕ್ಷ್ಮ ಆತ್ಮಾಯಮತಿಭಾಸ್ವರಃ ॥ ೪೮೧ ॥
354. ತಥೈವ ದುಃಖಂ ಜಂತೂನಾಂ ಬ್ರಹ್ಮಾದಿಪದಭಾಗಿನಾಮ್ । ನ ಕಾಂಕ್ಷಣೀಯಂ ವಿದುಷಾ ತಸ್ಮಾದ್ವೈಷಯಿಕಂ ಸುಖಮ್ ॥ ೬೫೪ ॥
355. ತಥೈವ ಪರಮಂ ಬ್ರಹ್ಮ ಮಹತಾಂ ಚ ಮಹತ್ತಮಮ್ । ಪರಿಚ್ಛಿನ್ನಮಿವಾಭಾತಿ ಭ್ರಾಂತ್ಯಾ ಕಲ್ಪಿತವಸ್ತುನಾ ॥ ೬೯೭ ॥
356. ತಥೈವ ಪ್ರತ್ಯಗಾತ್ಮಾಪಿ ರವಿವನ್ನಿಷ್ಕ್ರಿಯಾತ್ಮನಾ । ಉದಾಸೀನತಯೈವಾಸ್ತೇ ದೇಹಾದೀನಾಂ ಪ್ರವೃತ್ತಿಷು ॥ ೪೨೭ ॥
357. ತಥೈವಾನ್ಯೋನ್ಯಭೇದಸ್ಯ ವ್ಯಾವರ್ತಕತಯಾ ತಯೋಃ । ವಿಶೇಷಣವಿಶೇಷ್ಯಸ್ಯ ಸಂಸರ್ಗಸ್ಯೇತರಸ್ಯ ವಾ ॥ ೭೧೯ ॥
358. ತಥೈವೈತಜ್ಜಗತ್ಸರ್ವಮನಿತ್ಯಂ ಬ್ರಹ್ಮಕಾರ್ಯತಃ । ತತ್ಕಾರಣಂ ಪರಂ ಬ್ರಹ್ಮ ಭವೇನ್ನಿತ್ಯಂ ಮೃದಾದಿವತ್ ॥ ೧೮ ॥
359. ತದಂತಃಕರಣಂ ವೃತ್ತಿಭೇದೇನ ಸ್ಯಾಚ್ಚತುರ್ವಿಧಮ್ । ಮನೋ ಬುದ್ಧಿರಹಂಕಾರಶ್ಚಿತ್ತಂ ಚೇತಿ ತದುಚ್ಯತೇ ॥ ೩೪೪ ॥
360. ತದಪ್ಯಪಂಚೀಕೃತಭೂತಜಾತಂರಜಸ್ತಮಃಸತ್ತ್ವಗುಣೈಶ್ಚ ಸಾರ್ಧಮ್ । ಅವ್ಯಕ್ತಮಾತ್ರಂ ಭವತಿ ಸ್ವರೂಪತಃಸಾಭಾಸಮವ್ಯಕ್ತಮಿದಂ ಸ್ವಯಂ ಚ ॥ ೬೮೮ ॥
361. ತದರ್ಥಂ ವಾ ತ್ವಮರ್ಥಂ ವಾ ಯದಿ ಲಕ್ಷಯತಿ ಸ್ವಯಮ್ । ತದಾ ಜಹಲ್ಲಕ್ಷಣಾಯಾಃ ಪ್ರವೃತ್ತಿರುಪಪದ್ಯತೇ ॥ ೭೪೧ ॥
362. ತದರ್ಥಂ ವಾ ತ್ವಮರ್ಥಂ ವಾ ಸಮ್ಯಗ್ಲಕ್ಷಯತಃ ಸ್ವಯಮ್ । ಭಾಗಲಕ್ಷಣಯಾ ಸಾಧ್ಯಂ ಕಿಮಸ್ತೀತಿ ನ ಶಂಕ್ಯತಾಮ್ ॥ ೭೪೯ ॥
363. ತದರ್ಥಸ್ಯ ಪರೋಕ್ಷತ್ವಾದಿವಿಶಿಷ್ಟಚಿತೇರಪಿ । ತ್ವಮರ್ಥಸ್ಯಾಪರೋಕ್ಷತ್ವಾದಿವಿಶಿಷ್ಟಚಿತೇರಪಿ ॥ ೭೧೮ ॥
364. ತದರ್ಥೇ ಚ ಕಥಂ ತತ್ರ ಸಂಪ್ರವರ್ತೇತ ಲಕ್ಷಣಾ । ಅತ್ರ ಶೋಣೋ ಧಾವತೀತಿ ವಾಕ್ಯವನ್ನ ಪ್ರವರ್ತತೇ ॥ ೭೪೩ ॥
365. ತದೇಕವೃತ್ತ್ಯಾ ತತ್ಸ್ಥೈರ್ಯಂ ನೈಶ್ಚಲ್ಯಂ ನ ತು ವರ್ಷ್ಮಣಃ । ವಿದ್ಯೈಶ್ವರ್ಯತಪೋರೂಪಕುಲವರ್ಣಾಶ್ರಮಾದಿಭಿಃ ॥ ೧೨೦ ॥
366. ತದ್ವತ್ತ್ವಯಾಪ್ಯಾತ್ಮನ ಉಕ್ತಮೇತ - ಜ್ಜನ್ಮಾಪ್ಯಯವ್ಯಾಧಿಜರಾದಿದುಃಖಮ್ । ಮೃಷೈವ ಸರ್ವಂ ಭ್ರಮಕಲ್ಪಿತಂ ತೇಸಮ್ಯಗ್ವಿಚಾರ್ಯಾತ್ಮನಿ ಮುಂಚ ಭೀತಿಮ್ ॥ ೨೬೯ ॥
367. ತದ್ವದೇವ ಚಿದಾಭಾಸಚೈತನ್ಯಂ ವೃತ್ತಿಸಂಸ್ಥಿತಮ್ । ಸ್ವಪ್ರಕಾಶಂ ಪರಂ ಬ್ರಹ್ಮ ಪ್ರಕಾಶಯಿತುಮಕ್ಷಮಮ್ ॥ ೮೦೨ ॥
368. ತದ್ವದ್ವಿಷಯಸಾಂನಿಧ್ಯಾದಾನಂದೋ ಯಃ ಪ್ರತೀಯತೇ । ಬಿಂಬಾನಂದಾಂಶವಿಸ್ಫೂರ್ತಿರೇವಾಸೌ ನ ಜಡಾತ್ಮನಾಮ್ ॥ ೬೭೦ ॥
369. ತದ್ವಿದ್ಯಾವಿಷಯಂ ಬ್ರಹ್ಮ ಸತ್ಯಜ್ಞಾನಸುಖಾತ್ಮಕಮ್ । ಶಾಂತಂ ಚ ತದತೀತಂ ಚ ಪರಂ ಬ್ರಹ್ಮ ತದುಚ್ಯತೇ ॥ ೯೯೬ ॥
370. ತನ್ಮತಂ ದೂಷಯತ್ಯನ್ಯೋಽಸಹಮಾನಃ ಪೃಥಗ್ಜನಃ । ದೇಹ ಆತ್ಮಾ ಕಥಂ ನು ಸ್ಯಾತ್ಪರತಂತ್ರೋ ಹ್ಯಚೇತನಃ ॥ ೫೩೬ ॥
371. ತಮಃಪ್ರಧಾನಪ್ರಕೃತಿವಿಶಿಷ್ಟಾತ್ಪರಮಾತ್ಮನಃ । ಅಭೂತ್ಸಕಾಶಾದಾಕಾಶಮಾಕಾಶಾದ್ವಾಯುರುಚ್ಯತೇ ॥ ೩೩೫ ॥
372. ತಮೇವ ಸಾ ಧೀಕರ್ಮೇತಿ ಶ್ರುತಿರ್ವಕ್ತಿ ಮಹೇಶಿತುಃ । ನಿಗ್ರಹಾನುಗ್ರಹೇ ಶಕ್ತಿರಾವೃತಿಕ್ಷೇಪಯೋರ್ಯತಃ ॥ ೫೦೬ ॥
373. ತಯೋರುಪಾಧಿಶ್ಚ ವಿಶಿಷ್ಟತಾ ಚತದ್ಧರ್ಮಭಾಕ್ತ್ವಂ ಚ ವಿಲಕ್ಷಣತ್ವಮ್ । ಭ್ರಾಂತ್ಯಾ ಕೃತಂ ಸರ್ವಮಿದಂ ಮೃಷೈವಸ್ವಪ್ನಾರ್ಥವಜ್ಜಾಗ್ರತಿ ನೈವ ಸತ್ಯಮ್ ॥ ೭೬೩ ॥
374. ತಯೋರೇವ ವಿರೋಧಿತ್ವಂ ಯುಕ್ತಂ ಭಿನ್ನಸ್ವಭಾವಯೋಃ । ತಮಃಪ್ರಕಾಶಯೋರ್ಯದ್ವತ್ಪರಸ್ಪರವಿರೋಧಿತಾ ॥ ೫೧೬ ॥
375. ತಸ್ಮಾಚ್ಛ್ರದ್ಧಾ ಸುಸಂಪಾದ್ಯಾ ಗುರುವೇದಾಂತವಾಕ್ಯಯೋಃ । ಮುಮುಕ್ಷೋಃ ಶ್ರದ್ದಧಾನಸ್ಯ ಫಲಂ ಸಿಧ್ಯತಿ ನಾನ್ಯಥಾ ॥ ೨೧೫ ॥
376. ತಸ್ಮಾತ್ಕ್ರಿಯಾಂತರಂ ತ್ಯಕ್ತ್ವಾ ಜ್ಞಾನನಿಷ್ಠಾಪರೋ ಯತಿಃ । ಸದಾತ್ಮನಿಷ್ಠಯಾ ತಿಷ್ಠೇನ್ನಿಶ್ಚಲಸ್ತತ್ಪರಾಯಣಃ ॥ ೮೬೨ ॥
377. ತಸ್ಮಾತ್ತತ್ತ್ವಮಸೀತ್ಯತ್ರ ಲಕ್ಷಣಾ ಭಾಗಲಕ್ಷಣಾ । ವಾಕ್ಯಾರ್ಥಸತ್ತ್ವಾಖಂಡೈಕರಸತಾಸಿದ್ಧಯೇ ಮತಾ ॥ ೭೫೨ ॥
378. ತಸ್ಮಾತ್ತಿತಿಕ್ಷಯಾ ಸೋಢ್ವಾ ತತ್ತದ್ದುಃಖಮುಪಾಗತಮ್ । ಕುರ್ಯಾಚ್ಛಕ್ತ್ಯನುರೂಪೇಣ ಶ್ರವಣಾದಿ ಶನೈಃ ಶನೈಃ ॥ ೧೪೯ ॥
379. ತಸ್ಮಾತ್ತ್ವಂ ಚಾಪ್ಯಪ್ರಮತ್ತಃ ಸಮಾಧೀ - ನ್ಕೃತ್ವಾ ಗ್ರಂಥಿಂ ಸಾಧು ನಿರ್ದಹ್ಯ ಯುಕ್ತಃ । ನಿತ್ಯಂ ಬ್ರಹ್ಮಾನಂದಪೀಯೂಷಸಿಂಧೌಮಜ್ಜನ್ಕ್ರೀಡನ್ಮೋದಮಾನೋ ರಮಸ್ವ ॥ ೯೦೮ ॥
380. ತಸ್ಮಾತ್ತ್ವಮಭಯಂ ನಿತ್ಯಂ ಕೇವಲಾನಂದಲಕ್ಷಣಮ್ । ನಿಷ್ಕಲಂ ನಿಷ್ಕ್ರಿಯಂ ಶಾಂತಂ ಬ್ರಹ್ಮೈವಾಸಿ ಸದಾದ್ವಯಮ್ ॥ ೭೮೪ ॥
381. ತಸ್ಮಾತ್ತ್ವಯೀದಂ ಭ್ರಮತಃ ಪ್ರತೀತಂಮೃಷೈವ ನೋ ಸತ್ಯಮವೇಹಿ ಸಾಕ್ಷಾತ್ । ಬ್ರಹ್ಮ ತ್ವಮೇವಾಸಿ ಸುಖಸ್ವರುಪಂತ್ವತ್ತೋ ನ ಭಿನ್ನಂ ವಿಚಿನುಷ್ವ ಬುದ್ಧೌ ॥ ೨೮೯ ॥
382. ತಸ್ಮಾದಜ್ಞಾನವಿಚ್ಛಿತ್ತ್ಯೈ ಜ್ಞಾನಂ ಸಂಪಾದಯೇತ್ಸುಧೀಃ । ಆತ್ಮಾನಾತ್ಮವಿವೇಕೇನ ಜ್ಞಾನಂ ಸಿಧ್ಯತಿ ನಾನ್ಯಥಾ ॥ ೫೧೮ ॥
383. ತಸ್ಮಾದನರ್ಥಸ್ಯ ನಿದಾನಮರ್ಥಃಪುಮರ್ಥಸಿದ್ಧಿರ್ನ ಭವತ್ಯನೇನ । ತತೋ ವನಾಂತೇ ನಿವಸಂತಿ ಸಂತಃಸಂನ್ಯಸ್ಯ ಸರ್ವಂ ಪ್ರತಿಕೂಲಮರ್ಥಮ್ ॥ ೮೩ ॥
384. ತಸ್ಮಾದನಿತ್ಯೇ ಸ್ವರ್ಗಾದೌ ಸಾಧನತ್ವೇನ ಚೋದಿತಮ್ । ನಿತ್ಯಂ ನೈಮಿತ್ತಿಕಂ ಚಾಪಿ ಸರ್ವಂ ಕರ್ಮ ಸಸಾಧನಮ್ ॥ ೧೭೨ ॥
385. ತಸ್ಮಾದನ್ನವಿಕಾರಿತ್ವೇನಾಯಮನ್ನಮಯೋ ಮತಃ । ಆಚ್ಛಾದಕತ್ವಾದೇತಸ್ಯಾಪ್ಯಸೇಃ ಕೋಶವದಾತ್ಮನಃ ॥ ೪೪೫ ॥
386. ತಸ್ಮಾದಾತ್ಮಾ ಕೇವಲಾನಂದರೂಪೋಯಃ ಸರ್ವಸ್ಮಾದ್ವಸ್ತುನಃ ಪ್ರೇಷ್ಠ ಉಕ್ತಃ । ಯೋ ವಾ ಅಸ್ಮಾನ್ಮನ್ಯತೇಽನ್ಯಂ ಪ್ರಿಯಂ ಯಂಸೋಽಯಂ ತಸ್ಮಾಚ್ಛೋಕಮೇವಾನುಭುಂಕ್ತೇ ॥ ೬೩೧ ॥
387. ತಸ್ಮಾದಾವೃತಿವಿಕ್ಷೇಪೌ ಕಿಂಚಿತ್ಕರ್ತುಂ ನ ಶಕ್ನುತಃ । ಸ್ವಯಮೇವ ಸ್ವತಂತ್ರೋಽಸೌ ತತ್ಪ್ರವೃತ್ತಿನಿರೋಧಯೋಃ ॥ ೫೦೫ ॥
388. ತಸ್ಮಾದೇವ ತು ಬುದ್ಧೇಃ ಕರ್ತೃತ್ವಂ ತದಿತರಸ್ಯ ಕರಣತ್ವಮ್ । ಸಿಧ್ಯತ್ಯಾತ್ಮನ ಉಭಯಾದ್ವಿದ್ಯಾತ್ಸಂಸಾರಕಾರಣಂ ಮೋಹಾತ್ ॥ ೩೪೯ ॥
389. ತಸ್ಮಾದ್ಧಿ ಕಾರ್ಯಂ ನ ಕದಾಪಿ ಭಿನ್ನಂಸ್ವಕಾರಣಾದಸ್ತಿ ಯತಸ್ತತೋಽಂಗ । ಯದ್ಭೌತಿಕಂ ಸರ್ವಮಿದಂ ತಥೈವತದ್ಭೂತಮಾತ್ರಂ ನ ತತೋಽಪಿ ಭಿನ್ನಮ್ ॥ ೬೮೬ ॥
390. ತಸ್ಮಾದ್ಬ್ರಹ್ಮಾತ್ಮನೋರ್ಭೇದಃ ಕಲ್ಪಿತೋ ನ ತು ವಾಸ್ತವಃ । ಅತ ಏವ ಮುಹುಃ ಶ್ರುತ್ಯಾಪ್ಯೇಕತ್ವಂ ಪ್ರತಿಪಾದ್ಯತೇ ॥ ೬೯೮ ॥
391. ತಸ್ಮಾನ್ನ ಕರ್ಮಸಾಧ್ಯತ್ವಂ ಬ್ರಹ್ಮಣೋಽಸ್ತಿ ಕುತಶ್ಚನ । ಕರ್ಮಸಾಧ್ಯಂ ತ್ವನಿತ್ಯಂ ಹಿ ಬ್ರಹ್ಮ ನಿತ್ಯಂ ಸನಾತನಮ್ ॥ ೧೬೩ ॥
392. ತಸ್ಮಾನ್ನ ಮಾನಸೋ ಧರ್ಮೋ ನಿರ್ಗುಣತ್ವಾನ್ನ ಚಾತ್ಮನಃ । ಕಿಂ ತು ಪುಣ್ಯಸ್ಯ ಸಾಂನಿಧ್ಯಾದಿಷ್ಟಸ್ಯಾಪಿ ಚ ವಸ್ತುನಃ ॥ ೬೪೬ ॥
393. ತಸ್ಮಾನ್ಮುಮುಕ್ಷೋಃ ಕರ್ತವ್ಯಾ ಜ್ಞಾನನಿಷ್ಠಾ ಪ್ರಯತ್ನತಃ । ನಿಃಶೇಷವಾಸನಾಕ್ಷತ್ಯೈ ವಿಪರೀತನಿವೃತ್ತಯೇ ॥ ೮೫೧ ॥
394. ತಸ್ಮಾನ್ಮುಮುಕ್ಷೋರಧಿಕಾ ತಿತಿಕ್ಷಾಸಂಪಾದನೀಯೇಪ್ಸಿತಕಾರ್ಯಸಿದ್ಧ್ಯೈ । ತೀವ್ರಾ ಮುಮುಕ್ಷಾ ಚ ಮಹತ್ಯುಪೇಕ್ಷಾಚೋಭೇ ತಿತಿಕ್ಷಾಸಹಕಾರಿಕಾರಣಮ್ ॥ ೧೪೪ ॥
395. ತಸ್ಯ ಕಾರ್ಯತಯಾ ಜೀವವೃತ್ತಿರ್ಭವತಿ ಬಾಧಿತಾ । ಉಪಪ್ರಭಾ ಯಥಾ ಸೂರ್ಯಂ ಪ್ರಕಾಶಯಿತುಮಕ್ಷಮಾ ॥ ೮೦೧ ॥
396. ತಾನ್ಯೇವ ಸೂಕ್ಷ್ಮಭೂತಾನಿ ವ್ಯೋಮಾದೀನಿ ಪರಸ್ಪರಮ್ । ಪಂಚೀಕೃತಾನಿ ಸ್ಥೂಲಾನಿ ಭವಂತಿ ಶೃಣು ತತ್ಕ್ರಮಮ್ ॥ ೩೯೭ ॥
397. ತಾಪತ್ರಯಂ ತೀವ್ರಮವೇಕ್ಷ್ಯ ವಸ್ತುದೃಷ್ಟ್ವಾ ಕಲತ್ರಂ ತನಯಾನ್ವಿಹಾತುಮ್ । ಮಧ್ಯೇ ದ್ವಯೋರ್ಲೋಡನಮಾತ್ಮನೋ ಯ - ತ್ಸೈಷಾ ಮತಾ ಮಾಧ್ಯಮಿಕೀ ಮುಮುಕ್ಷಾ ॥ ೨೩೦ ॥
398. ತಾಪೈಸ್ತ್ರಿಭಿರ್ನಿತ್ಯಮನೇಕರೂಪೈಃ ಸಂತಪ್ಯಮಾನಃ ಕ್ಷುಭಿತಾಂತರಾತ್ಮಾ । ಪರಿಗ್ರಹಂ ಸರ್ವಮನರ್ಥಬುದ್ಧ್ಯಾ ಜಹಾತಿ ಸಾ ತೀವ್ರತರಾ ಮುಮುಕ್ಷಾ ॥ ೨೨೯ ॥
399. ತಾವದೇವ ನರಃ ಸ್ವಸ್ಥಃ ಸಾರಗ್ರಹಣತತ್ಪರಃ । ವಿವೇಕೀ ಪ್ರಯತೇತಾಶು ಭವಬಂಧವಿಮುಕ್ತಯೇ ॥ ೨೪೩ ॥
400. ತಿತಿಕ್ಷಯಾ ತಪೋ ದಾನಂ ಯಜ್ಞಸ್ತೀರ್ಥಂ ವ್ರತಂ ಶ್ರುತಮ್ । ಭೂತಿಃ ಸ್ವರ್ಗೋಽಪವರ್ಗಶ್ಚ ಪ್ರಾಪ್ಯತೇ ತತ್ತದರ್ಥಿಭಿಃ ॥ ೧೪೦ ॥
401. ತಿತಿಕ್ಷೋರೇವ ವಿಘ್ನೇಭ್ಯಸ್ತ್ವನಿವರ್ತಿತಚೇತಸಃ । ಸಿಧ್ಯಂತಿ ಸಿದ್ಧಯಃ ಸರ್ವಾ ಅಣಿಮಾದ್ಯಾಃ ಸಮೃದ್ಧಯಃ ॥ ೧೪೩ ॥
402. ತಿಷ್ಠತ್ಯೇವ ಸ್ವರೂಪೇಣ ನ ತು ಶೂನ್ಯಾಯತೇ ಜಗತ್ । ಕ್ವಚಿದಂಕುರರೂಪೇಣ ಕ್ವಚಿದ್ಬೀಜಾತ್ಮನಾ ವಟಃ । ಕಾರ್ಯಕಾರಣರೂಪೇಣ ಯಥಾ ತಿಷ್ಠತ್ಯದಸ್ತಥಾ ॥ ೫೮೭ ॥
403. ತೀವ್ರಮಧ್ಯಮಮಂದಾತಿಮಂದಭೇದಾಶ್ಚತುರ್ವಿಧಾಃ । ಮುಮುಕ್ಷಾ ತತ್ಪ್ರಕಾರೋಽಪಿ ಕೀರ್ತ್ಯತೇ ಶ್ರೂಯತಾಂ ಬುಧೈಃ ॥ ೨೨೮ ॥
404. ತುರ್ಯಾವಸ್ಥಾಂ ಸಪ್ತಭೂಮಿಂ ಕ್ರಮಾತ್ಪ್ರಾಪ್ನೋತಿ ಯೋಗಿರಾಟ್ । ವಿದೇಹಮುಕ್ತಿರೇವಾತ್ರ ತುರ್ಯಾತೀತದಶೋಚ್ಯತೇ ॥ ೯೬೪ ॥
405. ತೇಜಃ ಶಬ್ದಸ್ಪರ್ಶರೂಪೈರ್ಗುಣವತ್ಕಾರಣಂ ಕ್ರಮಾತ್ । ಆಪಶ್ಚತುರ್ಗುಣಃ ಶಬ್ದಸ್ಪರ್ಶರೂಪರಸೈಃ ಕ್ರಮಾತ್ ॥ ೪೧೦ ॥
406. ತೇಜೋಂಶಕತಯಾ ಪಾಣೀ ವಹ್ನ್ಯಾದ್ಯರ್ಚನತತ್ಪರೌ । ಜಲಾಂಶಕತಯೋಪಸ್ಥೋ ರೇತೋಮೂತ್ರವಿಸರ್ಗಕೃತ್ ॥ ೪೧೫ ॥
407. ತೇನ ಬಂಧೋಽಸ್ಯ ಜೀವಸ್ಯ ಸಂಸಾರೋಽಪಿ ಚ ತತ್ಕೃತಃ । ಸಂಪ್ರಾಪ್ತಃ ಸರ್ವದಾ ಯತ್ರ ದುಃಖಂ ಭೂಯಃ ಸ ಈಕ್ಷತೇ ॥ ೫೦೮ ॥
408. ತೇನ ಸ್ವದೌಷ್ಟ್ಯಂ ಪರಿಮುಚ್ಯ ಚಿತ್ತಂಶನೈಃ ಶನೈಃ ಶಾಂತಿಮುಪಾದದಾತಿ । ಚಿತ್ತಸ್ಯ ಬಾಹ್ಯಾರ್ಥವಿಮೋಕ್ಷಮೇವಮೋಕ್ಷಂ ವಿದುರ್ಮೋಕ್ಷಣಲಕ್ಷಣಜ್ಞಾಃ ॥ ೧೩೩ ॥
409. ತೇನೈವ ಸರ್ವಜಂತೂನಾಂ ಕಾಮನಾ ಬಲವತ್ತರಾ । ಜೀರ್ಯತ್ಯಪಿ ಚ ದೇಹೇಽಸ್ಮಿನ್ಕಾಮನಾ ನೈವ ಜೀರ್ಯತೇ ॥ ೬೦ ॥
410. ತೇನೋಪಲಭ್ಯತೇ ಶಬ್ದಃ ಕಾರಣಸ್ಯಾತಿರೇಕತಃ । ತಥಾ ನಭಸ್ವತೋ ಧರ್ಮೋಽಪ್ಯಗ್ನ್ಯಾದಾವುಪಲಭ್ಯತೇ ॥ ೪೦೬ ॥
411. ತೈಲಧಾರಾವದಚ್ಛಿನ್ನವೃತ್ತ್ಯಾ ತದ್ಧ್ಯಾನಮಿಷ್ಯತೇ । ತಾವತ್ಕಾಲಂ ಪ್ರಯತ್ನೇನ ಕರ್ತವ್ಯಂ ಶ್ರವಣಂ ಸದಾ ॥ ೮೧೫ ॥
412. ತ್ವಂ ಪ್ರತ್ಯಸ್ತಾಶೇಷವಿಶೇಷಂ ವ್ಯೋಮೇವಾಂತರ್ಬಹಿರಪಿ ಪೂರ್ಣಮ್ । ಬ್ರಹ್ಮಾನಂದಂ ಪರಮದ್ವೈತಂ ಶುದ್ಧಂ ಬುದ್ಧಂ ತತ್ತ್ವಮಸಿ ತ್ವಮ್ ॥ ೭೮೯ ॥
413. ತ್ವಙ್ಮಾರುತಾಂಶಕತಯಾ ಸ್ಪರ್ಶಂ ಗೃಹ್ಣಾತಿ ತದ್ಗುಣಮ್ । ತೇಜೋಂಶಕತಯಾ ಚಕ್ಷೂ ರೂಪಂ ಗೃಹ್ಣಾತಿ ತದ್ಗುಣಮ್ ॥ ೪೧೨ ॥
414. ತ್ವತ್ಕಟಾಕ್ಷವರಚಾಂದ್ರಚಂದ್ರಿಕಾಪಾತಧೂತಭವತಾಪಜಶ್ರಮಃ । ಪ್ರಾಪ್ತವಾನಹಮಖಂಡವೈಭವಾನಂದಮಾತ್ಮಪದಮಕ್ಷಯಂ ಕ್ಷಣಾತ್ ॥ ೯೩೨ ॥
415. ತ್ವಯಾಪಿ ಪ್ರತ್ಯಭಿಜ್ಞಾತಂ ಸುಖಮಾತ್ರತ್ವಮಾತ್ಮನಃ । ಸುಷುಪ್ತಾದುತ್ಥಿತವತಾ ಸುಖಮಸ್ವಾಪ್ಸಮಿತ್ಯನು ॥ ೬೬೨ ॥
416. ದಮಂ ವಿನಾ ಸಾಧು ಮನಃಪ್ರಸಾದ - ಹೇತುಂ ನ ವಿದ್ಮಃ ಸುಕರಂ ಮುಮುಕ್ಷೋಃ । ದಮೇನ ಚಿತ್ತಂ ನಿಜದೋಷಜಾತಂವಿಸೃಜ್ಯ ಶಾಂತಿಂ ಸಮುಪೈತಿ ಶೀಘ್ರಮ್ ॥ ೧೩೪ ॥
417. ದರ್ಶಯಿತ್ವಾ ಸುಷುಪ್ತೌ ತದ್ಬ್ರಹ್ಮಾಭಿನ್ನತ್ವಮಾತ್ಮನಃ । ಉಪಪಾದ್ಯ ಸದೈಕತ್ವಂ ಪ್ರದರ್ಶಯಿತುಮಿಚ್ಛಯಾ ॥ ೭೨೯ ॥
418. ದಶಾಚತುಷ್ಟಯಾಭ್ಯಾಸಾದಸಂಸರ್ಗಫಲಾ ತು ಯಾ । ರೂಢಸತ್ತ್ವಚಮತ್ಕಾರಾ ಪ್ರೋಕ್ತಾಸಂಸಕ್ತಿನಾಮಿಕಾ ॥ ೯೪೫ ॥
419. ದಹತ್ಯಲಾಭೇ ನಿಃಸ್ವತ್ವಂ ಲಾಭೇ ಲೋಭೋ ದಹತ್ಯಮುಮ್ । ತಸ್ಮಾತ್ಸಂತಾಪಕಂ ವಿತ್ತಂ ಕಸ್ಯ ಸೌಖ್ಯಂ ಪ್ರಯಚ್ಛತಿ ॥ ೭೪ ॥
420. ದಿವಾಂಧದೃಷ್ಟೇಸ್ತು ದಿವಾಂಧಕಾರಃಪ್ರತ್ಯಕ್ಷಸಿದ್ಧೋಽಪಿ ಸ ಕಿಂ ಯಥಾರ್ಥಃ । ತದ್ವದ್ಭ್ರಮೇಣಾವಗತಃ ಪದಾರ್ಥೋಭ್ರಾಂತಸ್ಯ ಸತ್ಯಃ ಸುಮತೇರ್ಮೃಷೈವ ॥ ೨೮೬ ॥
421. ದೀಪಾದ್ದೀಪೋ ಯಥಾ ತದ್ವತ್ಪಿತುಃ ಪುತ್ರಃ ಪ್ರಜಾಯತೇ । ಪಿತುರ್ಗುಣಾನಾಂ ತನಯೇ ಬೀಜಾಂಕುರವದೀಕ್ಷಣಾತ್ ॥ ೫೨೫ ॥
422. ದುಃಖಂ ಚ ಭೋಗಕಾಲೇಽಪಿ ತೇಷಾಮಂತೇ ಮಹತ್ತರಮ್ । ಸುಖಂ ವಿಷಯಸಂಪೃಕ್ತಂ ವಿಷಸಂಪೃಕ್ತಭಕ್ತವತ್ ॥ ೬೫೧ ॥
423. ದುಃಖಪ್ರತ್ಯಯಶೂನ್ಯತ್ವಾದಾನಂದಮಯತಾ ಮತಾ । ಅಜ್ಞಾನೇ ಸಕಲಂ ಸುಪ್ತೌ ಬುದ್ಧ್ಯಾದಿ ಪ್ರವಿಲೀಯತೇ ॥ ೫೬೨ ॥
424. ದುಃಖಾಭಾವಃ ಸುಖಮಿತಿ ಯದುಕ್ತಂ ಪೂರ್ವವಾದಿನಾ । ಅನಾಘ್ರಾತೋಪನಿಷದಾ ತದಸಾರಂ ಮೃಷಾ ವಚಃ ॥ ೬೬೩ ॥
425. ದುಃಖಾಭಾವಸ್ತು ಲೋಷ್ಟಾದೌ ವಿದ್ಯತೇ ನಾನುಭೂಯತೇ । ಸುಖಲೇಶೋಽಪಿ ಸರ್ವೇಷಾಂ ಪ್ರತ್ಯಕ್ಷಂ ತದಿದಂ ಖಲು ॥ ೬೬೪ ॥
426. ದುಃಖಿನೋಽಪಿ ಸುಷುಪ್ತೌ ತ್ವಾನಂದಮಯತಾ ತತಃ । ಸುಪ್ತೌ ಕಿಂಚಿನ್ನ ಜಾನಾಮೀತ್ಯನುಭೂತಿಶ್ಚ ದೃಶ್ಯತೇ ॥ ೫೬೩ ॥
427. ದುರದೃಷ್ಟಾದಿಕಂ ನಾತ್ರ ಪ್ರತಿಬಂಧಃ ಪ್ರಕಲ್ಪ್ಯತಾಮ್ । ಪ್ರಿಯಸ್ಯ ವಸ್ತುನೋ ಲಾಭೇ ದುರದೃಷ್ಟಂ ನ ಸಿಧ್ಯತಿ ॥ ೬೪೫ ॥
428. ದುಷ್ಪಾರೇ ಭವಸಾಗರೇ ಜನಿಮೃತವ್ಯಾಧ್ಯಾದಿದುಃಖೋತ್ಕಟೇಘೋರೇ ಪುತ್ರಕಲತ್ರಮಿತ್ರಬಹುಲಗ್ರಾಹಾಕರೇ ಭೀಕರೇ । ಕರ್ಮೋತ್ತುಂಗತರಂಗಭಂಗನಿಕರೈರಾಕೃಷ್ಯಮಾಣೋ ಮುಹುಃಯಾತಾಯಾತಗತಿಭ್ರಮೇಣ ಶರಣಂ ಕಿಂಚಿನ್ನ ಪಶ್ಯಾಮ್ಯಹಮ್ ॥ ೨೬೩ ॥
429. ದೂರಾದವೇಕ್ಷ್ಯಾಗ್ನಿಶಿಖಾಂ ಪತಂಗೋರಮ್ಯತ್ವಬುದ್ಧ್ಯಾ ವಿನಿಪತ್ಯ ನಶ್ಯತಿ । ಯಥಾ ತಥಾ ನಷ್ಟದೃಗೇಷ ಸೂಕ್ಷ್ಮಂಕಥಂ ನಿರೀಕ್ಷೇತ ವಿಮುಕ್ತಿಮಾರ್ಗಮ್ ॥ ೫೧ ॥
430. ದೃಗಾದ್ಯವಿಷಯೇ ವ್ಯೋಮ್ನಿ ನೀಲತಾದಿ ಯಥಾಬುಧಾಃ । ಅಧ್ಯಸ್ಯಂತಿ ತಥೈವಾಸ್ಮಿನ್ನಾತ್ಮನ್ಯಪಿ ಮತಿಭ್ರಮಾತ್ ॥ ೪೭೮ ॥
431. ದೃಶ್ಯಂತೇ ಯೇನ ಸಂದೃಷ್ಟಾ ದೃಶ್ಯಾಃ ಸ್ಯುರಹಮಾದಯಃ । ಕಾಮಾದಿಸರ್ವವೃತ್ತೀನಾಂ ದ್ರಷ್ಟಾರಮವಿಕಾರಿಣಮ್ ॥ ೮೩೨ ॥
432. ದೃಶ್ಯಧೀವೃತ್ತಿರೇತಸ್ಯ ಕೇವಲೀಭಾವಭಾವನಾ । ಪರಂ ಬೋಧೈಕತಾವಾಪ್ತಿಃ ಸುಪ್ತಿಸುಪ್ತಿರಿತೀರ್ಯತೇ ॥ ೯೫೭ ॥
433. ದೃಶ್ಯಸ್ಯಾಪಿ ಚ ಸಾಕ್ಷಿತ್ವಾತ್ಸಮುಲ್ಲೇಖನಮಾತ್ಮನಿ । ನಿವರ್ತಕಮನೋವಸ್ಥಾ ನಿರ್ವಿಕಲ್ಪ ಇತೀರ್ಯತೇ ॥ ೮೭೩ ॥
434. ದೇವರ್ಷಿಪಿತೃಮರ್ತ್ಯರ್ಣಬಂಧಮುಕ್ತಾಸ್ತು ಕೋಟಿಶಃ । ಭವಬಂಧವಿಮುಕ್ತಸ್ತು ಯಃ ಕಶ್ಚಿದ್ಬ್ರಹ್ಮವಿತ್ತಮಃ ॥ ೨೪೪ ॥
435. ದೇಶಕಾಲಾದಿವೈಶಿಷ್ಟ್ಯಂ ವಿರುದ್ಧಾಂಶಂ ನಿರಸ್ಯ ಚ । ಅವಿರುದ್ಧಂ ದೇವದತ್ತದೇಹಮಾತ್ರಂ ಸ್ವಲಕ್ಷಣಮ್ ॥ ೭೫೫ ॥
436. ದೇಹತ್ರಯಾತಿರಿಕ್ತೋಽಹಂ ಶುದ್ಧಚೈತನ್ಯಮಸ್ಮ್ಯಹಮ್ । ಬ್ರಹ್ಮಾಹಮಿತಿ ಯಸ್ಯಾಂತಃ ಸ ಜೀವನ್ಮುಕ್ತ ಉಚ್ಯತೇ ॥ ೯೭೬ ॥
437. ದೇಹಾತ್ಮಬುದ್ಧೇರ್ವಿಚ್ಛಿತ್ತ್ಯೈ ಜ್ಞಾನಂ ಕರ್ಮ ವಿವೃದ್ಧಯೇ । ಅಜ್ಞಾನಮೂಲಕಂ ಕರ್ಮ ಜ್ಞಾನಂ ತೂಭಯನಾಶಕಂ ॥ ೮೫೪ ॥
438. ದೇಹಾದಾವಹಮಿತ್ಯೇವ ಭಾವೋ ದೃಢತರೋ ಧಿಯಃ । ದೃಶ್ಯತೇಽಹಂಕೃತೇಸ್ತಸ್ಮಾದಂತರ್ಭಾವೋಽತ್ರ ಯುಜ್ಯತೇ ॥ ೩೪೮ ॥
439. ದೇಹಾದಿಃ ಕ್ಷೀಯತೇ ಲೋಕೋ ಯಥೈವಂ ಕರ್ಮಣಾ ಚಿತಃ । ತಥೈವಾಮುಷ್ಮಿಕೋ ಲೋಕಃ ಸಂಚಿತಃ ಪುಣ್ಯಕರ್ಮಣಾ ॥ ೧೬೪ ॥
440. ದೇಹೋಽಯಂ ಪಿತೃಭುಕ್ತಾನ್ನವಿಕಾರಾಚ್ಛುಕ್ಲಶೋಣಿತಾತ್ । ಜಾತಃ ಪ್ರವರ್ಧತೇಽನ್ನೇನ ತದಭಾವೇ ವಿನಶ್ಯತಿ ॥ ೪೪೪ ॥
441. ದೈವೇ ಚ ವೇದೇ ಚ ಗುರೌ ಚ ಮಂತ್ರೇತೀರ್ಥೇ ಮಹಾತ್ಮನ್ಯಪಿ ಭೇಷಜೇ ಚ । ಶ್ರದ್ಧಾ ಭವತ್ಯಸ್ಯ ಯಥಾ ಯಥಾಂತ - ಸ್ತಥಾ ತಥಾ ಸಿದ್ಧಿರುದೇತಿ ಪುಂಸಾಮ್ ॥ ೨೧೩ ॥
442. ದ್ರಷ್ಟಾ ಶ್ರೋತಾ ವಕ್ತಾ ಕರ್ತಾ ಭೋಕ್ತಾ ಭವತ್ಯಹಂಕಾರಃ । ಸ್ವಯಮೇತದ್ವಿಕೃತೀನಾಂ ಸಾಕ್ಷೀ ನಿರ್ಲೇಪ ಏವಾತ್ಮಾ ॥ ೪೨೪ ॥
443. ದ್ವಯೋರುಪಾಧ್ಯೋರೇಕತ್ವೇ ತಯೋರಪ್ಯಭಿಮಾನಿನೋಃ । ಸೂತ್ರಾತ್ಮನಸ್ತೈಜಸಸ್ಯಾಪ್ಯಭೇದಃ ಪೂರ್ವವನ್ಮತಃ ॥ ೩೯೫ ॥
444. ದ್ವೈತವರ್ಜಿತಚಿನ್ಮಾತ್ರೇ ಪದೇ ಪರಮಪಾವನೇ । ಅಕ್ಷುಬ್ಧಚಿತ್ತವಿಶ್ರಾಂತಃ ಸ ಜೀವನ್ಮುಕ್ತ ಉಚ್ಯತೇ ॥ ೯೭೩ ॥
445. ಧನಂ ಭಯನಿಬಂಧನಂ ಸತತದುಃಖಸಂವರ್ಧನಂಪ್ರಚಂಡತರಕರ್ದನಂ ಸ್ಫುಟಿತಬಂಧುಸಂವರ್ಧನಮ್ । ವಿಶಿಷ್ಟಗುಣಬಾಧನಂ ಕೃಪಣಧೀಸಮಾರಾಧನಂನ ಮುಕ್ತಿಗತಿಸಾಧನಂ ಭವತಿ ನಾಪಿ ಹೃಚ್ಛೋಧನಮ್ ॥ ೭೦ ॥
446. ಧನಕಾಂತಾಜ್ವರಾದೀನಾಂ ಪ್ರಾಪ್ತಕಾಲೇ ಸುಖಾದಿಭಿಃ । ವಿಕಾರಹೀನತೈವ ಸ್ಯಾತ್ಸುಖದುಃಖಸಮಾನತಾ ॥ ೧೨೪ ॥
447. ಧನೇನ ಮದವೃದ್ಧಿಃ ಸ್ಯಾನ್ಮದೇನ ಸ್ಮೃತಿನಾಶನಮ್ । ಸ್ಮೃತಿನಾಶಾದ್ಬುದ್ಧಿನಾಶೋ ಬುದ್ಧಿನಾಶಾತ್ಪ್ರಣಶ್ಯತಿ ॥ ೭೬ ॥
448. ಧನ್ಯಃ ಕೃತಾರ್ಥಸ್ತ್ವಮಹೋ ವಿವೇಕಃಶಿವಪ್ರಸಾದಸ್ತವ ವಿದ್ಯತೇ ಮಹಾನ್ । ವಿಸೃಜ್ಯ ತು ಪ್ರಾಕೃತಲೋಕಮಾರ್ಗಂಬ್ರಹ್ಮಾವಗಂತುಂ ಯತಸೇ ಯತಸ್ತ್ವಮ್ ॥ ೨೭೮ ॥
449. ಧ್ಯಾನಂ ಸಮಾಧಿರಿತ್ಯೇವ ನಿಗದಂತಿ ಮನೀಷಿಣಃ । ಸರ್ವಂ ಬ್ರಹ್ಮೇತಿ ವಿಜ್ಞಾನಾದಿಂದ್ರಿಯಗ್ರಾಮಸಂಯಮಃ ॥ ೯೧೧ ॥
450. ಧ್ಯಾನಪೂಜಾದಿಕಂ ಲೋಕೇ ದ್ರಷ್ಟರ್ಯೇವ ಕರೋತಿ ಯಃ । ಪಾರಮಾರ್ಥಿಕಧೀಹೀನಃ ಸ ದಂಭಾಚಾರ ಉಚ್ಯತೇ ॥ ೧೧೬ ॥
451. ಧ್ಯಾನಶಬ್ದೇನ ವಿಖ್ಯಾತಾ ಪರಮಾನಂದದಾಯಿನೀ । ನಿರ್ವಿಕಾರತಯಾ ವೃತ್ತ್ಯಾ ಬ್ರಹ್ಮಾಕಾರತಯಾ ಪುನಃ ॥ ೯೨೦ ॥
452. ನ ಕರ್ಮ ಯತ್ಕಿಂಚಿದಪೇಕ್ಷತೇ ಹಿ ರೂಪೋಪಲಬ್ಧೌ ಪುರುಷಸ್ಯ ಚಕ್ಷುಃ । ಜ್ಞಾನಂ ತಥೈವ ಶ್ರವಣಾದಿಜನ್ಯಂ ವಸ್ತುಪ್ರಕಾಶೇ ನಿರಪೇಕ್ಷಮೇವ ॥ ೧೯೫ ॥
453. ನ ಕರ್ಮಣಾ ನ ಪ್ರಜಯಾ ಧನೇನೇತಿ ಸ್ವಯಂ ಶ್ರುತಿಃ । ಕರ್ಮಣೋ ಮೋಕ್ಷಹೇತುತ್ವಂ ಸಾಕ್ಷಾದೇವ ನಿಷೇಧತಿ ॥ ೧೬೮ ॥
454. ನ ಕಸ್ಯಾಪಿ ಸ್ವಸದ್ಭಾವೇ ಪ್ರಮಾಣಮಭಿಕಾಂಕ್ಷ್ಯತೇ । ಪ್ರಮಾಣಾನಾಂ ಚ ಪ್ರಾಮಾಣ್ಯಂ ಯನ್ಮೂಲಂ ಕಿಂ ತು ಬೋಧಯೇತ್ ॥ ೪೭೫ ॥
455. ನ ಕೇವಲಾಜ್ಞಾನಮಯೋ ಘಟಕುಡ್ಯಾದಿವಜ್ಜಡಃ । ಇತಿ ನಿಶ್ಚಯಮೇತೇಷಾಂ ದೂಷಯತ್ಯಪರೋ ಜಡಃ ॥ ೫೬೮ ॥
456. ನ ಕೋಽಪಿ ಸಮ್ಯಕ್ತ್ವಧಿಯಾ ವಿನೈವಭೋಗ್ಯಂ ನರಃ ಕಾಮಯಿತುಂ ಸಮರ್ಥಃ । ಯತಸ್ತತಃ ಕಾಮಜಯೇಚ್ಛುರೇತಾಂಸಮ್ಯಕ್ತ್ವಬುದ್ಧಿಂ ವಿಷಯೇ ನಿಹನ್ಯಾತ್ ॥ ೬೫ ॥
457. ನ ಚ ಸಂನ್ಯಸನಾದೇವ ಸಿದ್ಧಿಂ ಸಮಧಿಗಚ್ಛತಿ । ಇತ್ಯನುಷ್ಠೇಯಸಂತ್ಯಾಗಾತ್ಸಿದ್ಧ್ಯಭಾವಮುವಾಚ ಚ ॥ ೧೪೮ ॥
458. ನ ಚಾಸ್ಯ ಕಶ್ಚಿಜ್ಜನಿತೇತ್ಯಾಗಮೇನ ನಿಷಿಧ್ಯತೇ । ಕಾರಣಂ ಬ್ರಹ್ಮ ತತ್ತಸ್ಮಾದ್ಬ್ರಹ್ಮ ನೋತ್ಪಾದ್ಯಮಿಷ್ಯತೇ ॥ ೧೫೬ ॥
459. ನ ಜ್ಞಾನಕರ್ಮಣೋರ್ಯಸ್ಮಾತ್ಸಹಯೋಗಸ್ತು ಯುಜ್ಯತೇ । ತಸ್ಮಾತ್ತ್ಯಾಜ್ಯಂ ಪ್ರಯತ್ನೇನ ಕರ್ಮ ಜ್ಞಾನೇಚ್ಛುನಾ ಧ್ರುವಮ್ ॥ ೨೦೩ ॥
460. ನ ತಥಾ ವಿದ್ಯತೇ ವ್ಯಾಪ್ತಿರ್ವಹ್ನ್ಯಾದೇಃ ಖನಭಸ್ವತೋಃ । ಸೂಕ್ಷ್ಮತ್ವಾದಂಶಕವ್ಯಾಪ್ತೇಸ್ತದ್ಧರ್ಮೋ ನೋಪಲಭ್ಯತೇ ॥ ೪೦೭ ॥
461. ನ ತು ಕೃತ್ವೈವ ಸಂನ್ಯಾಸಂ ತೂಷ್ಣೀಮೇವ ಮೃತಸ್ಯ ಹಿ । ಪುಣ್ಯಲೋಕಗತಿಂ ಬ್ರೂತೇ ಭಗವಾನ್ನ್ಯಾಸಮಾತ್ರತಃ ॥ ೧೪೭ ॥
462. ನ ದೇಶೋ ನ ಕಾಲೋ ನ ದಿಗ್ವಾಪಿ ಸತ್ಸ್ಯಾ - ನ್ನ ವಸ್ತ್ವಂತರಂ ಸ್ಥೂಲಸೂಕ್ಷ್ಮಾದಿರೂಪಮ್ । ಯದೇಷಾಮಧಿಷ್ಠಾನಭೂತಂ ವಿಶುದ್ಧಂಸದೇಕಂ ಪರಂ ಸತ್ತದೇವಾಹಮಸ್ಮಿ ॥ ೮೯೦ ॥
463. ನ ದೇಹೋ ನ ಚಾಕ್ಷಾಣಿ ನ ಪ್ರಾಣಾವಾಯು - ರ್ಮನೋ ನಾಪಿ ಬುದ್ಧಿರ್ನ ಚಿತ್ತಂ ಹ್ಯಹಂಧೀಃ । ಯದೇಷಾಮಧಿಷ್ಠಾನಭೂತಂ ವಿಶುದ್ಧಂಸದೇಕಂ ಪರಂ ಸತ್ತದೇವಾಹಮಸ್ಮಿ ॥ ೮೮೯ ॥
464. ನ ಪ್ರಮಾದೋಽತ್ರ ಕರ್ತವ್ಯೋ ವಿದುಷಾ ಮೋಕ್ಷಮಿಚ್ಛತಾ । ಪ್ರಮಾದೇ ಜೃಂಭತೇ ಮಾಯಾ ಸೂರ್ಯಾಪಾಯೇ ತಮೋ ಯಥಾ ॥ ೯೦೨ ॥
465. ನ ಮೇಽಸ್ತಿ ದೇಹೇಂದ್ರಿಯಬುದ್ಧಿಯೋಗೋನ ಪುಣ್ಯಲೇಶೋಽಪಿ ನ ಪಾಪಲೇಶಃ । ಕ್ಷುಧಾಪಿಪಾಸಾದಿಷಡೂರ್ಮಿದೂರಃಸದಾ ವಿಮುಕ್ತೋಽಸ್ಮಿ ಚಿದೇವ ಕೇವಲಃ ॥ ೮೪೧ ॥
466. ನ ವೇಷಭಾಷಾಭಿರಮುಷ್ಯ ಮುಕ್ತಿರ್ಯಾಕೇವಲಾಖಂಡಚಿದಾತ್ಮನಾ ಸ್ಥಿತಿಃ । ತತ್ಸಿದ್ಧಯೇ ಸ್ವಾತ್ಮನಿ ಸರ್ವದಾ ಸ್ಥಿತೋಜಹ್ಯಾದಹಂತಾಂ ಮಮತಾಮುಪಾಧೌ ॥ ೮೪೫ ॥
467. ನ ಶಂಕನೀಯಮಿತ್ಯಾರ್ಯೈರ್ಜ್ಞಾತಾರ್ಥೇ ನ ಹಿ ಲಕ್ಷಣಾ । ತತ್ಪದಂ ತ್ವಂಪದಂ ವಾಪಿ ಶ್ರೂಯತೇ ಚ ಪ್ರತೀಯತೇ ॥ ೭೪೨ ॥
468. ನ ಶಬ್ದೋ ನ ರೂಪಂ ನ ಚ ಸ್ಪರ್ಶಕೋ ವಾತಥಾ ನೋ ರಸೋ ನಾಪಿ ಗಂಧೋ ನ ಚಾನ್ಯಃ । ಯದೇಷಾಮಧಿಷ್ಠಾನಭೂತಂ ವಿಶುದ್ಧಂಸದೇಕಂ ಪರಂ ಸತ್ತದೇವಾಹಮಸ್ಮಿ ॥ ೮೮೭ ॥
469. ನ ಸದ್ದ್ರವ್ಯಜಾತಂ ಗುಣಾ ನ ಕ್ರಿಯಾ ವಾನ ಜಾತಿರ್ವಿಶೇಷೋ ನ ಚಾನ್ಯಃ ಕದಾಪಿ । ಯದೇಷಾಮಧಿಷ್ಠಾನಭೂತಂ ವಿಶುದ್ಧಂಸದೇಕಂ ಪರಂ ಸತ್ತದೇವಾಹಮಸ್ಮಿ ॥ ೮೮೮ ॥
470. ನ ಸಾ ತತ್ತ್ವಮಸೀತ್ಯತ್ರ ವಾಕ್ಯ ಏಷಾ ಪ್ರವರ್ತತೇ । ಗಂಗಾಯಾ ಅಪಿ ಘೋಷಸ್ಯಾಧಾರಾಧೇಯತ್ವಲಕ್ಷಣಮ್ ॥ ೭೩೫ ॥
471. ನ ಸಾಕ್ಷಿಣಂ ಸಾಕ್ಷ್ಯಧರ್ಮಾ ನ ಸ್ಪೃಶಂತಿ ವಿಲಕ್ಷಣಮ್ । ಅವಿಕಾರಮುದಾಸೀನಂ ಗೃಹಧರ್ಮಾಃ ಪ್ರದೀಪವತ್ ॥ ೯೩೪ ॥
472. ನ ಸಾವಯವ ಏಕಸ್ಯ ನಾತ್ಮಾ ವಿಷಯ ಇಷ್ಯತೇ । ಅಸ್ಯಾಸ್ಮತ್ಪ್ರತ್ಯಯಾರ್ಥತ್ವಾದಪರೋಕ್ಷಾಚ್ಚ ಸರ್ವಶಃ ॥ ೪೭೩ ॥
473. ನ ಸ್ವಪ್ನಜಾಗರಣಯೋರುಭಯೋರ್ವಿಶೇಷಃಸಂದೃಶ್ಯತೇ ಕ್ವಚಿದಪಿ ಭ್ರಮಜೈರ್ವಿಕಲ್ಪೈಃ । ಯದ್ದೃಷ್ಟದರ್ಶನಮುಖೈರತ ಏವ ಮಿಥ್ಯಾಸ್ವಪ್ನೋ ಯಥಾ ನನು ತಥೈವ ಹಿ ಜಾಗರೋಽಪಿ ॥ ೭೬೫ ॥
474. ನ ಹಿ ತ್ವಂ ದೇಹೋಽಸಾವಸುರಪಿ ಚ ವಾಪ್ಯಕ್ಷನಿಕರೋಮನೋ ವಾ ಬುದ್ಧಿರ್ವಾ ಕ್ವಚಿದಪಿ ತಥಾಹಂಕೃತಿರಪಿ । ನ ಚೈಷಾಂ ಸಂಘಾತಸ್ತ್ವಮು ಭವತಿ ವಿದ್ವನ್ ಶೃಣು ಪರಂಯದೇತೇಷಾಂ ಸಾಕ್ಷೀ ಸ್ಫುರಣಮಮಲಂ ತತ್ತ್ವಮಸಿ ಹಿ ॥ ೭೭೩ ॥
475. ನ ಹಿ ದುಃಖಪ್ರದಂ ವಸ್ತು ಸುಖಂ ದಾತುಂ ಸರ್ಮಹತಿ । ಕಿಂ ವಿಷಂ ಪಿಬತೋ ಜಂತೋರಮೃತತ್ವಂ ಪ್ರಯಚ್ಛತಿ ॥ ೬೩೮ ॥
476. ನ ಹಿ ಪ್ರಮಾಣಾಂತರಬಾಧಿತಸ್ಯಯಾಥಾರ್ಥ್ಯಮಂಗೀಕ್ರಿಯತೇ ಮಹದ್ಭಿಃ । ಪುತ್ರಾದಿಶೂನ್ಯಾಂತಮನಾತ್ಮತತ್ತ್ವ - ಮಿತ್ಯೇವ ವಿಸ್ಪಷ್ಟಮತಃ ಸುಜಾತಮ್ ॥ ೫೮೦ ॥
477. ನ ಹ್ಯತ್ರ ವಿಷಯಃ ಕಶ್ಚಿನ್ನಾಪಿ ಬುದ್ಧ್ಯಾದಿ ಕಿಂಚನ । ಆತ್ಮೈವ ಕೇವಲಾನಂದಮಾತ್ರಸ್ತಿಷ್ಠತಿ ನಿರ್ದ್ವಯಃ ॥ ೬೬೦ ॥
478. ನ ಹ್ಯರ್ಕಃ ಕುರುತೇ ಕರ್ಮ ನ ಕಾರಯತಿ ಜಂತವಃ । ಸ್ವಸ್ವಭಾವಾನುರೋಧೇನ ವರ್ತಂತೇ ಸ್ವಸ್ವಕರ್ಮಸು ॥ ೪೨೬ ॥
479. ನಾಂತಃಪ್ರಜ್ಞೋ ನ ಬಹಿಃಪ್ರಜ್ಞಕೋ ವಾನೈವ ಪ್ರಜ್ಞೋ ನಾಪಿ ಚಾಪ್ರಜ್ಞ ಏಷಃ । ನಾಹಂ ಶ್ರೋತಾ ನಾಪಿ ಮಂತಾ ನ ಬೋದ್ಧಾಸಾಕ್ಷೀ ನಿತ್ಯಃ ಪ್ರತ್ಯಗೇವಾಹಮಸ್ಮಿ ॥ ೮೪೦ ॥
480. ನಾನಾತ್ವೇನ ಪ್ರತೀತಾನಾಮಜ್ಞಾನಾನಾಮಭೇದತಃ । ಏಕತ್ವೇನ ಸಮಷ್ಟಿಃ ಸ್ಯಾದ್ಭೂರುಹಾಣಾಂ ವನಂ ಯಥಾ ॥ ೩೦೮ ॥
481. ನಾನಾಯೋನಿಸಹಸ್ರೇಷು ಜಾಯಮಾನೋ ಮುಹುರ್ಮುಹುಃ । ಮ್ರಿಯಮಾಣೋ ಭ್ರಮತ್ಯೇಷ ಜೀವಃ ಸಂಸಾರಮಂಡಲೇ ॥ ೩೫೪ ॥
482. ನಾನುಭೂತಃ ಕದಾಪ್ಯಾತ್ಮಾನನುಭೂತಸ್ಯ ವಸ್ತುನಃ । ಸಾದೃಶ್ಯಂ ಸಿಧ್ಯತಿ ಕಥಮನಾತ್ಮನಿ ವಿಲಕ್ಷಣೇ ॥ ೪೬೯ ॥
483. ನಾಪ್ಯೇಷ ಧರ್ಮೋ ಮನಸೋಽಸತ್ಯರ್ಥೇ ತದದರ್ಶನಾತ್ । ಅಸತಿ ವ್ಯಂಜಕೇ ವ್ಯಂಗ್ಯಂ ನೋದೇತೀತಿ ನ ಮನ್ಯತಾಮ್ ॥ ೬೪೩ ॥
484. ನಾಮರೂಪೇ ಪೃಥಕ್ಕೃತ್ವಾ ಬ್ರಹ್ಮಣ್ಯೇವ ವಿಲಾಪಯನ್ । ಅಧಿಷ್ಠಾನಂ ಪರಂ ಬ್ರಹ್ಮ ಸಚ್ಚಿದಾನಂದಮದ್ವಯಮ್ । ಯತ್ತದೇವಾಹಮಿತ್ಯೇವ ನಿಶ್ಚಿತಾತ್ಮಾ ಭವೇದ್ಧ್ರುವಮ್ ॥ ೮೮೫ ॥
485. ನಾಶಕತ್ವಂ ತದುಭಯೋಃ ಕೋ ನು ಕಲ್ಪಯಿತುಂ ಕ್ಷಮಃ । ಸರ್ವಂ ಕರ್ಮಾವಿರೋಧ್ಯೇವ ಸದಾಜ್ಞಾನಸ್ಯ ಸರ್ವದಾ ॥ ೫೧೪ ॥
486. ನಾಶೇಷಲೋಕೈರನುಭೂಯಮಾನಃಪ್ರತ್ಯಕ್ಷತೋಽಯಂ ಸಕಲಪ್ರಪಂಚಃ । ಕಥಂ ಮೃಷಾ ಸ್ಯಾದಿತಿ ಶಂಕನೀಯಂವಿಚಾರಶೂನ್ಯೇನ ವಿಮುಹ್ಯತಾ ತ್ವಯಾ ॥ ೨೮೫ ॥
487. ನಾಸತಃ ಸತ ಉತ್ಪತ್ತಿಃ ಶ್ರೂಯತೇ ನ ಚ ದೃಶ್ಯತೇ । ಉದೇತಿ ನರಶೃಂಗಾತ್ಕಿಂ ಖಪುಷ್ಪಾತ್ಕಿಂ ಭವಿಷ್ಯತಿ ॥ ೫೯೦ ॥
488. ನಾಸ್ಮ್ಯಾಗಂತಾ ನಾಪಿ ಗಂತಾ ನ ಹಂತಾನಾಹಂ ಕರ್ತಾ ನ ಪ್ರಯೋಕ್ತಾ ನ ವಕ್ತಾ । ನಾಹಂ ಭೋಕ್ತಾ ನೋ ಸುಖೀ ನೈವ ದುಃಖೀಸಾಕ್ಷೀ ನಿತ್ಯಃ ಪ್ರತ್ಯಗೇವಾಹಮಸ್ಮಿ ॥ ೮೩೮ ॥
489. ನಾಹಂ ದೇಹೋ ನಾಪ್ಯಸುರ್ನಾಕ್ಷವರ್ಗೋನಾಹಂಕಾರೋ ನೋ ಮನೋ ನಾಪಿ ಬುದ್ಧಿಃ । ಅಂತಸ್ತೇಷಾಂ ಚಾಪಿ ತದ್ವಿಕ್ರಿಯಾಣಾಂಸಾಕ್ಷೀ ನಿತ್ಯಃ ಪ್ರತ್ಯಗೇವಾಹಮಸ್ಮಿ ॥ ೮೩೫ ॥
490. ನಾಹಂ ಯೋಗೀ ನೋ ವಿಯೋಗೀ ನ ರಾಗೀನಾಹಂ ಕ್ರೋಧೀ ನೈವ ಕಾಮೀ ನ ಲೋಭೀ । ನಾಹಂ ಬದ್ಧೋ ನಾಪಿ ಯುಕ್ತೋ ನ ಮುಕ್ತಃಸಾಕ್ಷೀ ನಿತ್ಯಃ ಪ್ರತ್ಯಗೇವಾಹಮಸ್ಮಿ ॥ ೮೩೯ ॥
491. ನಾಹಂ ಸ್ಥೂಲೋ ನಾಪಿ ಸೂಕ್ಷ್ಮೋ ನ ದೀರ್ಘೋನಾಹಂ ಬಾಲೋ ನೋ ಯುವಾ ನಾಪಿ ವೃದ್ಧಃ । ನಾಹಂ ಕಾಣೋ ನಾಪಿ ಮೂಕೋ ನ ಷಂಡಃಸಾಕ್ಷೀ ನಿತ್ಯಃ ಪ್ರತ್ಯಗೇವಾಹಮಸ್ಮಿ ॥ ೮೩೭ ॥
492. ನಿತ್ಯಾನಂದಸ್ವರೂಪೋಽಹಮಾತ್ಮಾಹಂ ತ್ವದನುಗ್ರಹಾತ್ । ಪೂರ್ಣೋಽಹಮನವದ್ಯೋಽಹಂ ಕೇವಲೋಽಹಂ ಚ ಸದ್ಗುರೋ ॥ ೯೩೦ ॥
493. ನಿತ್ಯಾನಂದಾಖಂಡೈಕರಸಂ ನಿಷ್ಕಲಮಕ್ರಿಯಮಸ್ತವಿಕಾರಮ್ । ಪ್ರತ್ಯಗಭಿನ್ನಂ ಪರಮವ್ಯಕ್ತಂ ಶುದ್ಧಂ ಬುದ್ಧಂ ತತ್ತ್ವಮಸಿ ತ್ವಮ್ ॥ ೭೮೮ ॥
494. ನಿತ್ಯಾನಿತ್ಯಪದಾರ್ಥಬೋಧರಹಿತೋ ಯಶ್ಚೋಭಯತ್ರ ಸ್ರಗಾ - ದ್ಯರ್ಥಾನಾಮನುಭೂತಿಲಗ್ನಹೃದಯೋ ನಿರ್ವಿಣ್ಣಬುದ್ಧಿರ್ಜನಃ । ತಸ್ಯೈವಾಸ್ಯ ಜಡಸ್ಯ ಕರ್ಮ ವಿಹಿತಂ ಶ್ರುತ್ಯಾ ವಿರಜ್ಯಾಭಿತೋಮೋಕ್ಷೇಚ್ಛೋರ್ನ ವಿಧೀಯತೇ ತು ಪರಮಾನಂದಾರ್ಥಿನೋ ಧೀಮತಃ ॥ ೧೯೮ ॥
495. ನಿತ್ಯಾನಿತ್ಯಪದಾರ್ಥವಿವೇಕಾತ್ಪುರುಷಸ್ಯ ಜಾಯತೇ ಸದ್ಯಃ । ಸ್ರಕ್ಚಂದನವನಿತಾದೌ ಸರ್ವತ್ರಾನಿತ್ಯವಸ್ತುನಿ ವಿರಕ್ತಿಃ ॥ ೨೩ ॥
496. ನಿತ್ಯಾನಿತ್ಯವಿವೇಕಶ್ಚ ದೇಹಕ್ಷಣಿಕತಾಮತಿಃ । ಮೃತ್ಯೋರ್ಭೀತಿಶ್ಚ ತಾಪಶ್ಚ ಮುಮುಕ್ಷಾವೃದ್ಧಿಕಾರಣಮ್ ॥ ೨೪೮ ॥
497. ನಿತ್ಯಾಹಿತೇನ ವಿತ್ತೇನಭಯಚಿಂತಾನಪಾಯಿನಾ । ಚಿತ್ತಸ್ವಾಸ್ಥ್ಯಂ ಕುತೋ ಜಂತೋ - ರ್ಗೃಹಸ್ಥೇನಾಹಿನಾ ಯಥಾ ॥ ೮೧ ॥
498. ನಿದ್ರಾ ಯಥಾ ಪುರುಷಮಪ್ರಮತ್ತಂಸಮಾವೃಣೋತೀಯಮಪಿ ಪ್ರತೀಚಮ್ । ತಥಾವೃಣೋತ್ಯಾವೃತಿಶಕ್ತಿರಂತ - ರ್ವಿಕ್ಷೇಪಶಕ್ತಿಂ ಪರಿಜೃಂಭಯಂತೀ ॥ ೪೯೨ ॥
499. ನಿದ್ರಾಗಾಢತಮೋವೃತಃ ಕಿಲ ಜನಃ ಸ್ವಪ್ನೇ ಭುಜಂಗಾದಿನಾಗ್ರಸ್ತಂ ಸ್ವಂ ಸಮವೇಕ್ಷ್ಯ ಯತ್ಪ್ರಲಪತಿ ತ್ರಾಸಾದ್ಧತೋಽಸ್ಮೀತ್ಯಲಮ್ । ಆಪ್ತೇನ ಪ್ರತಿಬೋಧಿತಃ ಕರತಲೇನಾತಾಡ್ಯ ಪೃಷ್ಟಃ ಸ್ವಯಂಕಿಂಚಿನ್ನೇತಿ ವದತ್ಯಮುಷ್ಯ ವಚನಂ ಸ್ಯಾತ್ತತ್ಕಿಮರ್ಥಂ ವದ ॥ ೨೬೭ ॥
500. ನಿದ್ರಾಸೂತಶರೀರಧರ್ಮಸುಖದುಃಖಾದಿಪ್ರಪಂಚೋಽಪಿ ವಾಜೀವೇಶಾದಿಭಿದಾಪಿ ವಾ ನ ಚ ಋತಂ ಕರ್ತುಂ ಕ್ವಚಿಚ್ಛಕ್ಯತೇ । ಮಾಯಾಕಲ್ಪಿತದೇಶಕಾಲಜಗದೀಶಾದಿಭ್ರಮಸ್ತಾದೃಶಃಕೋ ಭೇದೋಽಸ್ತ್ಯನಯೋರ್ದ್ವಯೋಸ್ತು ಕತಮಃ ಸತ್ಯೋಽನ್ಯತಃ ಕೋ ಭವೇತ್ ॥ ೭೬೪ ॥
501. ನಿಮಿತ್ತಮಪ್ಯುಪಾದಾನಂ ಸ್ವಯಮೇವ ಭವನ್ಪ್ರಭುಃ । ಚರಾಚರಾತ್ಮಕಂ ವಿಶ್ವಂ ಸೃಜತ್ಯವತಿ ಲುಂಪತಿ ॥ ೩೩೨ ॥
502. ನಿಮೇಷೋನ್ಮೇಷಯೋರ್ವಾಪಿ ತಥೈವ ಜ್ಞಾನಕರ್ಮಣೋಃ । ಪ್ರತೀಚೀಂ ಪಶ್ಯತಃ ಪುಂಸಾಂ ಕುತಃ ಪ್ರಾಚೀವಿಲೋಕನಮ್ । ಪ್ರತ್ಯಕ್ಪ್ರವಣಚಿತ್ತಸ್ಯ ಕುತಃ ಕರ್ಮಣಿ ಯೋಗ್ಯತಾ ॥ ೮೫೬ ॥
503. ನಿಯಮೋ ಹಿ ಪರಾನಂದೋ ನಿಯಮಾತ್ಕ್ರಿಯತೇ ಬುಧೈಃ । ಸುಖೇನೈವ ಭವೇದ್ಯಸ್ಮಿನ್ನಜಸ್ರಂ ಬ್ರಹ್ಮಚಿಂತನಮ್ ॥ ೯೧೩ ॥
504. ನಿರುಪಾಧಿಭ್ರಮೇಷ್ವಸ್ಮಿನ್ನೈವಾಪೇಕ್ಷಾ ಪ್ರದೃಶ್ಯತೇ । ಸೋಪಾಧಿಷ್ವೇವ ತದ್ದೃಷ್ಟಂ ರಜ್ಜುಸರ್ಪಭ್ರಮಾದಿಷು ॥ ೪೮೦ ॥
505. ನಿರೋಧಃ ಸರ್ವವೃತ್ತೀನಾಂ ಪ್ರಾಣಾಯಾಮಃ ಸ ಉಚ್ಯತೇ । ನಿಷೇಧನಂ ಪ್ರಪಂಚಸ್ಯ ರೇಚಕಾಖ್ಯಃ ಸಮೀರಣಃ ॥ ೯೧೫ ॥
506. ನಿರ್ಗುಣಸ್ಯ ಗುಣಾಧಾನಮಪಿ ನೈವೋಪಪದ್ಯತೇ । ಕೇವಲೋ ನಿರ್ಗುಣಶ್ಚೇತಿ ನೈರ್ಗುಣ್ಯಂ ಶ್ರೂಯತೇ ಯತಃ ॥ ೧೬೦ ॥
507. ನಿರ್ಣೀತಮತಜಾತಾನಿ ಖಂಡಿತಾನ್ಯೇವ ಪಂಡಿತೈಃ । ಶ್ರುತಿಭಿಶ್ಚಾಪ್ಯನುಭವೈರ್ಬಾಧಕೈಃ ಪ್ರತಿವಾದಿನಾಮ್ ॥ ೫೭೮ ॥
508. ನಿರ್ಮಮತ್ವಂ ಸ್ಮೃತಂ ಯೇನ ಕೈವಲ್ಯಂ ಲಭತೇ ಬುಧಃ । ಗುರುವೇದಾಂತವಚನೈರ್ನಿಶ್ಚಿತಾರ್ಥೇ ದೃಢಸ್ಥಿತಿಃ ॥ ೧೧೯ ॥
509. ನಿರ್ವಿಕಲ್ಪಂ ಪರಂ ಬ್ರಹ್ಮ ಯತ್ತಸ್ಮಿನ್ನೇವ ನಿಷ್ಠಿತಾಃ । ಏತೇ ಧನ್ಯಾ ಏವ ಮುಕ್ತಾ ಜೀವಂತೋಽಪಿ ಬಹಿರ್ದೃಶಾಮ್ ॥ ೮೭೭ ॥
510. ನಿರ್ವಿಕಲ್ಪಕಸಮಾಧಿನಿಷ್ಠಯಾತಿಷ್ಠತೋ ಭವತಿ ನಿತ್ಯತಾ ಧ್ರುವಮ್ । ಉದ್ಭವಾದ್ಯಪಗತಿರ್ನಿರರ್ಗಲಾನಿತ್ಯನಿಶ್ಚಲನಿರಸ್ತನಿರ್ವೃತಿಃ ॥ ೮೭೫ ॥
511. ನಿರ್ವಿಕಲ್ಪಸಮಾಧಿರ್ಯೋ ವೃತ್ತಿರ್ನೈಶ್ಚಲ್ಯಲಕ್ಷಣಾ । ತಮೇವ ಯೋಗ ಇತ್ಯಾಹುರ್ಯೋಗಶಾಸ್ತ್ರಾರ್ಥಕೋವಿದಾಃ ॥ ೯೦೯ ॥
512. ನಿರ್ವಿಕಾರಂ ನಿರಾಕಾರಂ ನಿರಂಜನಮನಾಮಯಮ್ । ಆದ್ಯಂತರಹಿತಂ ಪೂರ್ಣಂ ಬ್ರಹ್ಮೈವಾಹಂ ನ ಸಂಶಯಃ ॥ ೮೯೩ ॥
513. ನಿರ್ವಿಶೇಷಂ ನಿರಾಭಾಸಂ ನಿತ್ಯಮುಕ್ತಮವಿಕ್ರಿಯಮ್ । ಪ್ರಜ್ಞಾನೈಕರಸಂ ಸತ್ಯಂ ಬ್ರಹ್ಮೈವಾಸ್ಮೀತಿ ಭಾವಯೇತ್ ॥ ೮೯೫ ॥
514. ನಿರ್ವಿಶೇಷಂ ನಿರಾಭಾಸಮತಾದೃಶಮನೀದೃಶಮ್ । ಅನಿರ್ದೇಶ್ಯಮನಾದ್ಯಂತಮನಂತಂ ಶಾಂತಮಚ್ಯುತಮ್ । ಅಪ್ರತರ್ಕ್ಯಮವಿಜ್ಞೇಯಂ ನಿರ್ಗುಣಂ ಬ್ರಹ್ಮ ಶಿಷ್ಯತೇ ॥ ೭೬೧ ॥
515. ನಿಷ್ಕಲಂ ನಿಷ್ಕ್ರಿಯಂ ಶಾಂತಂ ನಿರವದ್ಯಂ ನಿರಂಜನಮ್ । ಇತ್ಯೇವ ವಸ್ತುನಸ್ತತ್ತ್ವಂ ಶ್ರುತಿಯುಕ್ತಿವ್ಯವಸ್ಥಿತಮ್ ॥ ೧೬೨ ॥
516. ನಿಷ್ಕಲಂಕಂ ನಿರಾತಂಕಂ ತ್ರಿವಿಧಚ್ಛೇದವರ್ಜಿತಮ್ । ಆನಂದಮಕ್ಷರಂ ಮುಕ್ತಂ ಬ್ರಹ್ಮೈವಾಸ್ಮೀತಿ ಭಾವಯೇತ್ ॥ ೮೯೪ ॥
517. ನಿಷ್ಟಪ್ತಮಗ್ನಿನಾ ಪಾತ್ರಮುದ್ವಾಸ್ಯ ತ್ವರಯಾ ಯಥಾ । ಜಹಾತಿ ಗೇಹಂ ತದ್ವಚ್ಚ ತೀವ್ರಮೋಕ್ಷೇಚ್ಛಯಾ ದ್ವಿಜಃ ॥ ೨೩೫ ॥
518. ನೃಜನ್ಮ ಜಂತೋರತಿದುರ್ಲಭಂ ವಿದು - ಸ್ತತೋಽಪಿ ಪುಂಸ್ತ್ವಂ ಚ ತತೋ ವಿವೇಕಃ । ಲಬ್ಧ್ವಾ ತದೇತತ್ತ್ರಿತಯಂ ಮಹಾತ್ಮಾಯತೇತ ಮುಕ್ತ್ಯೈ ಸಹಸಾ ವಿರಕ್ತಃ ॥ ೨೩೮ ॥
519. ನೇತಿ ನೇತೀತ್ಯರೂಪತ್ವಾದಶರೀರೋ ಭವತ್ಯಯಮ್ । ವಿಶ್ವಶ್ಚ ತೈಜಸಶ್ಚೈವ ಪ್ರಾಜ್ಞಶ್ಚೇತಿ ಚ ತೇ ತ್ರಯಮ್ ॥ ೯೯೦ ॥
520. ನೇಷ್ಯತೇ ತತ್ಪ್ರಕಾರಂ ತೇ ವಕ್ಷ್ಯಾಮಿ ಶೃಣು ಸಾದರಮ್ । ಅಹೇರ್ಗುಣವಿವರ್ತಸ್ಯ ಗುಣಮಾತ್ರಸ್ಯ ವಸ್ತುತಃ ॥ ೬೭೯ ॥
521. ನೈಕಧೀವಿಷಯತ್ವೇನ ಲಿಂಗಂ ವ್ಯಷ್ಟಿರ್ಭವತ್ಯಥ । ಯದೇತದ್ವ್ಯಷ್ಟ್ಯುಪಹಿತಂ ಚಿದಾಭಾಸಸಮನ್ವಿತಮ್ ॥ ೩೯೦ ॥
522. ನೈತದನ್ಯತರಂ ಬ್ರಹ್ಮ ಕದಾ ಭವಿತುಮರ್ಹತಿ । ಸ್ವತಃಸಿದ್ಧಂ ಸರ್ವದಾಪ್ತಂ ಶುದ್ಧಂ ನಿರ್ಮಲಮಕ್ರಿಯಮ್ ॥ ೧೫೫ ॥
523. ನೈತಸ್ಮಾತ್ಕರ್ಮಣಃ ಕಾರ್ಯಮನ್ಯದಸ್ತಿ ವಿಲಕ್ಷಣಮ್ । ಅಜ್ಞಾನಕಾರ್ಯಂ ತತ್ಕರ್ಮ ಯತೋಽಜ್ಞಾನೇನ ವರ್ಧತೇ ॥ ೫೧೨ ॥
524. ನೈವ ಪ್ರತ್ಯಗ್ಜಾಯತೇ ವರ್ಧತೇ ನೋಕಿಂಚಿನ್ನಾಪಕ್ಷೀಯತೇ ನೈವ ನಾಶಮ್ । ಆತ್ಮಾ ನಿತ್ಯಃ ಶಾಶ್ವತೋಽಯಂ ಪುರಾಣೋನಾಸೌ ಹನ್ಯೋ ಹನ್ಯಮಾನೇ ಶರೀರೇ ॥ ೪೫೯ ॥
525. ನೈವಾನ್ಯಸಾಧನಾಪೇಕ್ಷಾ ಶುಶ್ರೂಷೋಸ್ತು ಗುರುಂ ವಿನಾ । ಉಪರ್ಯುಪರ್ಯಹಂಕಾರೋ ವರ್ಧತೇ ಕರ್ಮಣಾ ಭೃಶಮ್ ॥ ೧೮೧ ॥
526. ನೈವಾಸ್ತಿ ಕಾಚನ ಭಿದಾ ನ ಗುಣಪ್ರತೀತಿ - ರ್ನೋ ವಾಕ್ಪ್ರವೃತ್ತಿರಪಿ ವಾ ನ ಮನಃಪ್ರವೃತ್ತಿಃ । ಯತ್ಕೇವಲಂ ಪರಮಶಾಂತಮನಂತಮಾದ್ಯ - ಮಾನಂದಮಾತ್ರಮವಭಾತಿ ಸದದ್ವಿತೀಯಮ್ ॥ ೭೭೧ ॥
527. ನೋದೇತಿ ನಾಸ್ತಮಾಯಾತಿ ಸುಖದುಃಖೇ ಮನಃ ಪ್ರಭಾ । ಯಥಾಪ್ರಾಪ್ತಸ್ಥಿತಿರ್ಯಸ್ಯ ಸ ಜೀವನ್ಮುಕ್ತ ಉಚ್ಯತೇ ॥ ೯೬೮ ॥
528. ಪಂಚಾನಾಮೇವ ಭೂತಾನಾಂ ರಜೋಂಶೇಭ್ಯೋಽಭವನ್ ಕ್ರಮಾತ್ । ವಾಕ್ಪಾಣಿಪಾದಪಾಯೂಪಸ್ಥಾನಿ ಕರ್ಮೇಂದ್ರಿಯಾಣ್ಯನು ॥ ೩೭೫ ॥
529. ಪಂಚೀಕೃತೇಭ್ಯಃ ಖಾದಿಭ್ಯೋ ಭೂತೇಭ್ಯಸ್ತ್ವೀಕ್ಷಯೇಶಿತುಃ । ಸಮುತ್ಪನ್ನಮಿದಂ ಸ್ಥೂಲಂ ಬ್ರಹ್ಮಾಂಡಂ ಸಚರಾಚರಮ್ ॥ ೪೩೧ ॥
530. ಪದಾಂತರೇಣ ಸಿದ್ಧಾಯಾಂ ಪದಾರ್ಥಪ್ರಮಿತೌ ಸ್ವತಃ । ತದರ್ಥಪ್ರತ್ಯಯಾಪೇಕ್ಷಾ ಪುನರ್ಲಕ್ಷಣಯಾ ಕುತಃ ॥ ೭೫೧ ॥
531. ಪರತ್ರ ಪೂರ್ವದೃಷ್ಟಸ್ಯಾವಭಾಸಃ ಸ್ಮೃತಿಲಕ್ಷಣಃ । ಅಧ್ಯಾಸಃ ಸ ಕಥಂ ಸ್ವಾಮಿನ್ ಭವೇದಾತ್ಮನ್ಯಗೋಚರೇ ॥ ೫೬೮ ॥
532. ಪರದ್ರವ್ಯಪರದ್ರೋಹಪರನಿಂದಾಪರಸ್ತ್ರಿಯಃ । ನಾಲಂಬತೇ ಮನೋ ಯಸ್ಯ ತಸ್ಯ ಚಿತ್ತಂ ಪ್ರಸೀದತಿ ॥ ೩೬೫ ॥
533. ಪರಪ್ರಯುಕ್ತೇನ ಚಿರಪ್ರಯತ್ನೇನಾವಬೋಧನಮ್ । ಪದಾರ್ಥಾಭಾವನಾ ನಾಮ ಷಷ್ಠೀ ಭವತಿ ಭೂಮಿಕಾ ॥ ೯೪೭ ॥
534. ಪರಬ್ರಹ್ಮವದಾಭಾತಿ ನಿರ್ವಿಕಾರೈಕರೂಪಿಣೀ । ಸರ್ವಾವಸ್ಥಾಸು ಧಾರೈಕಾ ತುರ್ಯಾಖ್ಯಾ ಪರಿಕೀರ್ತಿತಾ ॥ ೯೫೮ ॥
535. ಪರಸ್ಪರವಿರುದ್ಧತ್ವಾತ್ತಯೋರ್ಭಿನ್ನಸ್ವಭಾವಯೋಃ । ಕರ್ತೃತ್ವಭಾವನಾಪೂರ್ವಂ ಕರ್ಮ ಜ್ಞಾನಂ ವಿಲಕ್ಷಣಮ್ ॥ ೮೫೩ ॥
536. ಪರಿತ್ಯಜ್ಯ ವಿರುದ್ಧಾಂಶಂ ಶುದ್ಧಚೈತನ್ಯಲಕ್ಷಣಮ್ । ವಸ್ತು ಕೇವಲಸನ್ಮಾತ್ರಂ ನಿರ್ವಿಕಲ್ಪಂ ನಿರಂಜನಮ್ ॥ ೭೫೯ ॥
537. ಪರಿಪೂರ್ಣಚಿದಾಕಾಶೇ ಮಯಿ ಬೋಧಾತ್ಮತಾಂ ವಿನಾ । ನ ಕಿಂಚಿದನ್ಯದಸ್ತೀತಿ ಜಾಗ್ರತ್ಸುಪ್ತಿಃ ಸಮೀರ್ಯತೇ ॥ ೯೫೧ ॥
538. ಪರಿಶ್ರಾಂತತಯಾ ಗಾಢನಿದ್ರಾಲುರಿವ ಲಕ್ಷ್ಯತೇ । ಕುರ್ವನ್ನಭ್ಯಾಸಮೇತಸ್ಯಾಂ ಭೂಮ್ಯಾಂ ಸಮ್ಯಗ್ವಿವಾಸನಃ ॥ ೯೬೩ ॥
539. ಪರೇ ಬ್ರಹ್ಮಣಿ ತಾತ್ಪರ್ಯನಿಶ್ಚಯಂ ಶ್ರವಣಂ ವಿದುಃ । ಶ್ರುತಸ್ಯೈವಾದ್ವಿತೀಯಸ್ಯ ವಸ್ತುನಃ ಪ್ರತ್ಯಗಾತ್ಮನಃ ॥ ೮೧೨ ॥
540. ಪರೋಕ್ಷತ್ವಾಪರೋಕ್ಷತ್ವಸರ್ವಜ್ಞತ್ವಾದಿಲಕ್ಷಣಮ್ । ಬುದ್ಧ್ಯಾದಿಸ್ಥೂಲಪರ್ಯಂತಮಾವಿದ್ಯಕಮನಾತ್ಮಕಮ್ ॥ ೭೫೮ ॥
541. ಪರೋಕ್ಷತ್ವಾಪರೋಕ್ಷತ್ವಾದಿವಿಶಿಷ್ಟಚಿತೋರ್ದ್ವಯೋಃ । ಏಕತ್ವರೂಪವಾಕ್ಯಾರ್ಥವಿರುದ್ಧಾಂಶಮುಪಸ್ಥಿತಮ್ ॥ ೭೫೭ ॥
542. ಪಶ್ಯಂತಿ ಸ್ವಪ್ನವಲ್ಲೋಕಂ ತುರ್ಯಭೂಮಿಸುಯೋಗತಃ । ಪಂಚಮೀಂ ಭೂಮಿಮಾರುಹ್ಯ ಸುಷುಪ್ತಿಪದನಾಮಿಕಾಮ್ ॥ ೯೬೧ ॥
543. ಪಶ್ಯತಸ್ತ್ವಹಮೇವೇದಂ ಸರ್ವಮಿತ್ಯಾತ್ಮನಾಖಿಲಮ್ । ಭಯಂ ಸ್ಯಾದ್ವಿದುಷಃ ಕಸ್ಮಾತ್ಸ್ವಸ್ಮಾನ್ನ ಭಯಮಿಷ್ಯತೇ ॥ ೭೮೩ ॥
544. ಪಾಯೋರ್ಮೃತ್ಯುರುಪಸ್ಥಸ್ಯ ತ್ವಧಿದೈವಂ ಪ್ರಜಾಪತಿಃ । ಮನಸೋ ದೈವತಂ ಚಂದ್ರೋ ಬುದ್ಧೇರ್ದೈವಂ ಬೃಹಸ್ಪತಿಃ ॥ ೪೧೮ ॥
545. ಪಿತ್ತಜ್ವರಾರ್ಶಃಕ್ಷಯಗುಲ್ಮಶೂಲ - ಶ್ಲೇಷ್ಮಾದಿರೋಗೋದಿತತೀವ್ರದುಃಖಮ್ । ದುರ್ಗಂಧಮಸ್ವಾಸ್ಥ್ಯಮನೂನಚಿಂತಾಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೨ ॥
546. ಪುಂಸಃ ಪ್ರಧಾನಸಿದ್ಧ್ಯರ್ಥಮಂಗಸ್ಯಾಶ್ರಯಣಂ ಧ್ರುವಮ್ । ಕರ್ತವ್ಯಮಂಗಹೀನಂ ಚೇತ್ಪ್ರಧಾನಂ ನೈವ ಸಿಧ್ಯತಿ ॥ ೨೦೭ ॥
547. ಪುಂಸಸ್ತಥಾನಾಚರಣಮದಂಭಿತ್ವಂ ವಿದುರ್ಬುಧಾ ಃ । ಯತ್ಸ್ವೇನ ದೃಷ್ಟಂ ಸಮ್ಯಕ್ಚ ಶ್ರುತಂ ತಸ್ಯೈವ ಭಾಷಣಮ್ ॥ ೧೧೭ ॥
548. ಪುಣ್ಯಕ್ಷಯೇ ಪುಣ್ಯಕೃತೋ ನಭಃಸ್ಥೈ - ರ್ನಿಪಾತ್ಯಮಾನಾನ್ಶಿಥಿಲೀಕೃತಾಂಗಾನ್ । ನಕ್ಷತ್ರರೂಪೇಣ ದಿವಶ್ಚ್ಯುತಾಂಸ್ತಾ - ನ್ವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೫ ॥
549. ಪುತ್ರಮಿತ್ರಕಲತ್ರಾದಿಸುಖಂ ಜನ್ಮನಿ ಜನ್ಮನಿ । ಮರ್ತ್ಯತ್ವಂ ಪುರುಷತ್ವಂ ಚ ವಿವೇಕಶ್ಚ ನ ಲಭ್ಯತೇ ॥ ೨೩೯ ॥
550. ಪುತ್ರಾದ್ವಿಶಿಷ್ಟಾ ದೇಹೇಽಸ್ಮಿನ್ಪ್ರಾಣಿನಾಂ ಪ್ರೀತಿರಿಷ್ಯತೇ । ಪ್ರದೀಪ್ತೇ ಭವನೇ ಪುತ್ರಂ ತ್ಯಕ್ತ್ವಾ ಜಂತುಃ ಪಲಾಯತೇ ॥ ೫೨೮ ॥
551. ಪುಮಾನಜಾತನಿರ್ವೇದೋ ದೇಹಬಂಧಂ ಜಿಹಾಸಿತುಮ್ । ನ ಹಿ ಶಕ್ನೋತಿ ನಿರ್ವೇದೋ ಬಂಧಭೇದೋ ಮಹಾನಸೌ ॥ ೯೨ ॥
552. ಪುರಸ್ಥ ಏವ ವಿಷಯೇ ವಸ್ತುನ್ಯಧ್ಯಸ್ಯತಾಮಿತಿ । ನಿಯಮೋ ನ ಕೃತಃ ಸದ್ಭಿರ್ಭ್ರಾಂತಿರೇವಾತ್ರ ಕಾರಣಮ್ ॥ ೪೭೭ ॥
553. ಪುರಾನುಭೂತೋ ನೋ ಚೇತ್ತು ಸ್ಮೃತೇರನುದಯೋ ಭವೇತ್ । ಇತ್ಯಾದಿತರ್ಕಯುಕ್ತಿಶ್ಚ ಸದ್ಭಾವೇ ಮಾನಮಾತ್ಮನಃ ॥ ೬೦೬ ॥
554. ಪುರುಷತ್ವಂ ವದತ್ಯಸ್ಯ ಸ್ವಾತ್ಮಾ ಹಿ ಪುರುಷಸ್ತತಃ । ಆತ್ಮಾಯಂ ದೇಹ ಏವೇತಿ ಚಾರ್ವಾಕೇಣ ವಿನಿಶ್ಚಿತಮ್ ॥ ೫೩೫ ॥
555. ಪುರೋ ದೃಷ್ಟೇ ಹಿ ವಿಷಯೇಽಧ್ಯಸ್ಯಂತಿ ವಿಷಯಾಂತರಮ್ । ತದ್ದೃಷ್ಟಂ ಶುಕ್ತಿರಜ್ಜ್ವಾದೌ ಸಾದೃಶ್ಯಾದ್ಯನುಬಂಧತಃ ॥ ೪೬೭ ॥
556. ಪೂರ್ಣ ಏವ ಸದಾಕಾಶೋ ಘಟೇ ಸತ್ಯಪ್ಯಸತ್ಯಪಿ । ನಿತ್ಯಪೂರ್ಣಸ್ಯ ನಭಸೋ ವಿಚ್ಛೇದಃ ಕೇನ ಸಿಧ್ಯತಿ ॥ ೬೯೫ ॥
557. ಪ್ರಕಾಶಕತ್ವಾದೇತೇಷಾಂ ಸಾತ್ತ್ವಿಕಾಂಶತ್ವಮಿಷ್ಯತೇ । ಪ್ರಕಾಶಕತ್ವಂ ಸತ್ತ್ವಸ್ಯ ಸ್ವಚ್ಛತ್ವೇನ ಯತಸ್ತತಃ ॥ ೩೪೩ ॥
558. ಪ್ರಚಂಡಾತಪಮಧ್ಯಸ್ಥದೀಪವನ್ನಷ್ಟದೀಧಿತಿಃ । ತತ್ತೇಜಸಾಭಿಭೂತಂ ಸಲ್ಲೀನೋಪಾಧಿತಯಾ ತತಃ ॥ ೮೦೩ ॥
559. ಪ್ರತಿಪದಮಹಮಾದಯೋ ವಿಭಿನ್ನಾಃಕ್ಷಣಪರಿಣಾಮಿತಯಾ ವಿಕಾರಿಣಸ್ತೇ । ನ ಪರಿಣತಿರಮುಷ್ಯ ನಿಷ್ಕಲತ್ವಾ - ದಯಮವಿಕಾರ್ಯತ ಏವ ನಿತ್ಯ ಆತ್ಮಾ ॥ ೬೧೫ ॥
560. ಪ್ರತ್ಯಕ್ಪ್ರತ್ಯಯಸಂತಾನಪ್ರವಾಹಕರಣಂ ಧಿಯಃ । ಯದೇಷಾ ಮಧ್ಯಮಾ ಶಾಂತಿಃ ಶುದ್ಧಸತ್ತ್ವೈಕಲಕ್ಷಣಾ ॥ ೯೮ ॥
561. ಪ್ರತ್ಯಕ್ಷಃ ಸರ್ವಜಂತೂನಾಂ ದೇಹೋಽಹಮಿತಿ ನಿಶ್ಚಯಃ । ಏಷ ಪುರುಷೋಽನ್ನರಸಮಯ ಇತ್ಯಪಿ ಚ ಶ್ರುತಿಃ ॥ ೫೩೪ ॥
562. ಪ್ರತ್ಯಕ್ಷಾದಿವಿರೋಧಃ ಸ್ಯಾದಿತ್ಯೈಕ್ಯೇ ತಯೋಃ ಪರಿತ್ಯಕ್ತೇ । ಶ್ರುತಿವಚನವಿರೋಧೋ ಭವತಿ ಮಹಾನ್ಸ್ಮೃತಿವಚನವಿರೋಧಶ್ಚ ॥ ೭೨೫ ॥
563. ಪ್ರತ್ಯಕ್ಷೇಣಾನುಭೂತಾರ್ಥಃ ಕಥಂ ಮಿಥ್ಯಾತ್ವಮರ್ಹತಿ । ಚಕ್ಷುಷೋ ವಿಷಯಂ ಕುಂಭಂ ಕಥಂ ಮಿಥ್ಯಾ ಕರೋಮ್ಯಹಮ್ ॥ ೨೭೨ ॥
564. ಪ್ರತ್ಯಗಭಿನ್ನಮಖಂಡಂ ಸತ್ಯಜ್ಞಾನಾದಿಲಕ್ಷಣಂ ಶುದ್ಧಮ್ । ಶ್ರುತ್ಯವಗಮ್ಯಂ ತಥ್ಯಂ ಬ್ರಹ್ಮೈವಾಹಂ ಪರಂ ಜ್ಯೋತಿಃ ॥ ೮೭೦ ॥
565. ಪ್ರತ್ಯಗ್ಬ್ರಹ್ಮವಿಚಾರಪೂರ್ವಮುಭಯೋರೇಕತ್ವಬೋಧಾದ್ವಿನಾಕೈವಲ್ಯಂ ಪುರುಷಸ್ಯ ಸಿಧ್ಯತಿ ಪರಬ್ರಹ್ಮಾತ್ಮತಾಲಕ್ಷಣಮ್ । ನ ಸ್ನಾನೈರಪಿ ಕೀರ್ತನೈರಪಿ ಜಪೈರ್ನೋ ಕೃಚ್ಛ್ರಚಾಂದ್ರಾಯಣೈ - ರ್ನೋ ವಾಪ್ಯಧ್ವರಯಜ್ಞದಾನನಿಗಮೈರ್ನೋ ಮಂತ್ರತಂತ್ರೈರಪಿ ॥ ೧೬೯ ॥
566. ಪ್ರತ್ಯಭಿಜ್ಞಾಯತೇ ಸರ್ವೈರೇಷ ಸುಪ್ತೋತ್ಥಿತೈರ್ಜನೈಃ । ಸುಖಮಾತ್ರತಯಾ ನಾತ್ರ ಸಂಶಯಂ ಕರ್ತುಮರ್ಹಸಿ ॥ ೬೬೧ ॥
567. ಪ್ರತ್ಯಭಿಜ್ಞಾಯಮಾನತ್ವಾಲ್ಲಿಂಗಮಾತ್ರಾನುಮಾಪಕಮ್ । ಸ್ಮರ್ಯಮಾಣಸ್ಯ ಸದ್ಭಾವಃ ಸುಖಮಸ್ವಾಪ್ಸಮಿತ್ಯಯಮ್ ॥ ೬೦೫ ॥
568. ಪ್ರತ್ಯಾಹಾರಃ ಸ ವಿಜ್ಞೇಯೋಽಭ್ಯಸನೀಯೋ ಮುಮುಕ್ಷುಭಿಃ । ಯತ್ರ ಯತ್ರ ಮನೋ ಯಾತಿ ಬ್ರಹ್ಮಣಸ್ತತ್ರ ದರ್ಶನಾತ್ ॥ ೯೧೮ ॥
569. ಪ್ರದೃಶ್ಯತೇ ವಸ್ತುನಿ ಯತ್ರ ದೋಷೋನ ತತ್ರ ಪುಂಸೋಽಸ್ತಿ ಪುನಃ ಪ್ರವೃತ್ತಿಃ । ಅಂತರ್ಮಹಾರೋಗವತೀಂ ವಿಜಾನ - ನ್ಕೋ ನಾಮ ವೇಶ್ಯಾಮಪಿ ರೂಪಿಣೀಂ ವ್ರಜೇತ್ ॥ ೨೫ ॥
570. ಪ್ರಬ್ರವೀತ್ಯುಭಯಾತ್ಮತ್ವಮಾತ್ಮನಃ ಸ್ವಯಮೇವ ಸಾ । ಆತ್ಮಾತಶ್ಚಿಜ್ಜಡತನುಃ ಖದ್ಯೋತ ಇವ ಸಮ್ಮತಃ ॥ ೫೬೭ ॥
571. ಪ್ರಭವತಿ ನ ಹಿ ಕುಂಭೋಽವಿದ್ಯಮಾನೋ ಮೃದಶ್ಚೇ - ತ್ಪ್ರಭವತು ಸಿಕತಾಯಾ ವಾಥವಾ ವಾರಿಣೋ ವಾ । ನ ಹಿ ಭವತಿ ಚ ತಾಭ್ಯಾಂ ಸರ್ವಥಾ ಕ್ವಾಪಿ ತಸ್ಮಾ - ದ್ಯತ ಉದಯತಿ ಯೋಽರ್ಥೋಽಸ್ತ್ಯತ್ರ ತಸ್ಯ ಸ್ವಭಾವಃ ॥ ೫೯೧ ॥
572. ಪ್ರಮಾಣಪೂರ್ವಕಂ ಧೀಮಾನ್ಸಗದ್ಗದಮುವಾಚ ಹ । ನಮೋ ನಮಸ್ತೇ ಗುರವೇ ನಿತ್ಯಾನಂದಸ್ವರೂಪಿಣೇ ॥ ೯೨೬ ॥
573. ಪ್ರಮಾಣಸಂಶಯೋ ಯಾವತ್ಸ್ವಬುದ್ಧೇರ್ನ ನಿವರ್ತತೇ । ಪ್ರಮೇಯಸಂಶಯೋ ಯಾವತ್ತಾವತ್ತು ಶ್ರುತಿಯುಕ್ತಿಭಿಃ ॥ ೮೧೬ ॥
574. ಪ್ರಮಾಣಾಸೌಷ್ಠವವೃತಂ ಸಂಶಯಾದಿ ನ ವಾಸ್ತವಮ್ । ಶ್ರುತಿಪ್ರಮಾಣಸುಷ್ಠುತ್ವೇ ಜ್ಞಾನಂ ಭವತಿ ವಾಸ್ತವಮ್ ॥ ೧೯೨ ॥
575. ಪ್ರಯೋಜನಂ ತಿತಿಕ್ಷಾಯಾಃ ಸಾಧಿತಾಯಾಃ ಪ್ರಯತ್ನತಃ । ಪ್ರಾಪ್ತದುಃಖಾಸಹಿಷ್ಣುತ್ವೇ ನ ಕಿಂಚಿದಪಿ ದೃಶ್ಯತೇ ॥ ೧೫೦ ॥
576. ಪ್ರಯೋಜನಂ ಸಂಪ್ರವೃತ್ತೇಃ ಕಾರಣಂ ಫಲಲಕ್ಷಣಮ್ । ಪ್ರಯೋಜನಮನುದ್ದಿಶ್ಯ ನ ಮಂದೋಽಪಿ ಪ್ರವರ್ತತೇ ॥ ೧೧ ॥
577. ಪ್ರವೃತ್ತಿಶ್ಚ ನಿವೃತ್ತಿಶ್ಚ ದ್ವೇ ಏತೇ ಶ್ರುತಿಗೋಚರೇ । ಪ್ರವೃತ್ತ್ಯಾ ಬಧ್ಯತೇ ಜಂತುರ್ನಿವೃತ್ತ್ಯಾ ತು ವಿಮುಚ್ಯತೇ ॥ ೨೦೧ ॥
578. ಪ್ರವೃತ್ತಿಶ್ಚ ನಿವೃತ್ತಿಶ್ಚ ಯಚ್ಚ ಯಾವಚ್ಚ ಚೇಷ್ಟಿತಮ್ । ಆತ್ಮಾರ್ಥಮೇವ ನಾನ್ಯಾರ್ಥಂ ನಾತಃ ಪ್ರಿಯತಮಃ ಪರಃ ॥ ೬೩೦ ॥
579. ಪ್ರಶ್ನಃ ಸಮೀಚೀನತರಸ್ತವಾಯಂಯದಾತ್ಮತತ್ತ್ವಾವಗಮೇ ಪ್ರವೃತ್ತಿಃ । ತತಸ್ತವೈತತ್ಸಕಲಂ ಸಮೂಲಂನಿವೇದಯಿಷ್ಯಾಮಿ ಮುದಾ ಶೃಣುಷ್ವ ॥ ೨೮೩ ॥
580. ಪ್ರಸನ್ನೇ ಸತಿ ಚಿತ್ತೇಽಸ್ಯಮುಕ್ತಿಃ ಸಿಧ್ಯತಿ ನಾನ್ಯಥಾ । ಮನಃಪ್ರಸಾದಸ್ಯ ನಿದಾನಮೇವನಿರೋಧನಂ ಯತ್ಸಕಲೇಂದ್ರಿಯಾಣಾಮ್ । ಬಾಹ್ಯೇಂದ್ರಿಯೇ ಸಾಧು ನಿರುಧ್ಯಮಾನೇಬಾಹ್ಯಾರ್ಥಭೋಗೋ ಮನಸೋ ವಿಯುಜ್ಯತೇ ॥ ೧೩೨ ॥
581. ಪ್ರಸಿದ್ಧಿರಾತ್ಮನೋಽಸ್ತ್ಯೇವ ನ ಕಸ್ಯಾಪಿ ಚ ದೃಶ್ಯತೇ । ಪ್ರತ್ಯಯೋ ನಾಹಮಸ್ಮೀತಿ ನ ಹ್ಯಸ್ತಿ ಪ್ರತ್ಯಗಾತ್ಮನಿ ॥ ೪೭೪ ॥
582. ಪ್ರಾಚ್ಯೋದೀಚ್ಯಾಂಗಸದ್ಭಾವೇ ಶಮಃ ಸಿಧ್ಯತಿ ನಾನ್ಯಥಾ । ತೀವ್ರಾ ವಿರಕ್ತಿಃ ಪ್ರಾಚ್ಯಾಂಗಮುದೀಚ್ಯಾಂಗಂ ದಮಾದಯಃ ॥ ೧೦೦ ॥
583. ಪ್ರಾಜ್ಞತ್ವಮಸ್ಯೈಕಾಜ್ಞಾನಭಾಸಕತ್ವೇನ ಸಮ್ಮತಮ್ । ವ್ಯಷ್ಟೇರ್ನಿಕೃಷ್ಟತ್ವೇನಾಸ್ಯ ನಾನೇಕಾಜ್ಞಾನಭಾಸಕಮ್ ॥ ೩೨೨ ॥
584. ಪ್ರಾಣಃ ಪ್ರಾಗ್ಗಮನೇನ ಸ್ಯಾದಪಾನೋಽವಾಗ್ಗಮನೇನ ಚ । ವ್ಯಾನಸ್ತು ವಿಷ್ವಗ್ಗಮನಾದುತ್ಕ್ರಾಂತ್ಯೋದಾನ ಇಷ್ಯತೇ ॥ ೩೭೭ ॥
585. ಪ್ರಾಣಕರ್ಮೇಂದ್ರಿಯೈರ್ದೇಹಃ ಪ್ರೇರ್ಯಮಾಣಃ ಪ್ರವರ್ತತೇ । ನಾನಾಕ್ರಿಯಾಸು ಸರ್ವತ್ರ ವಿಹಿತಾವಿಹಿತಾದಿಷು ॥ ೩೮೪ ॥
586. ಪ್ರಾಣಾಯಾಮಾದ್ಭವತಿ ಮನಸೋ ನಿಶ್ಚಲತ್ವಂ ಪ್ರಸಾದೋಯಸ್ಯಾಪ್ಯಸ್ಯ ಪ್ರತಿನಿಯತದಿಗ್ದೇಶಕಾಲಾದ್ಯವೇಕ್ಷ್ಯ । ಸಮ್ಯಗ್ದೃಷ್ಟ್ಯಾ ಕ್ವಚಿದಪಿ ತಯಾ ನೋ ದಮೋ ಹನ್ಯತೇ ತ - ತ್ಕುರ್ಯಾದ್ಧೀಮಾಂದಮಮನಲಸಶ್ಚಿತ್ತಶಾಂತ್ಯೈ ಪ್ರಯತ್ನಾತ್ ॥ ೧೩೫ ॥
587. ಪ್ರಾದೇಶಮಾತ್ರಃ ಪರಿದೃಶ್ಯತೇಽರ್ಕಃಶಾಸ್ತ್ರೇಣ ಸಂದರ್ಶಿತಲಕ್ಷಯೋಜನಃ । ಮಾನಾಂತರೇಣ ಕ್ವಚಿದೇತಿ ಬಾಧಾಂಪ್ರತ್ಯಕ್ಷಮಪ್ಯತ್ರ ಹಿ ನ ವ್ಯವಸ್ಥಾ ॥ ೨೮೮ ॥
588. ಪ್ರಾಭಾಕರಸ್ತಾರ್ಕಿಕಶ್ಚ ತಾವುಭಾವಪ್ಯಮರ್ಷಯಾ । ತನ್ನಿಶ್ಚಯಂ ದುಷಯತೋ ಬುದ್ಧಿರಾತ್ಮಾ ಕಥಂ ನ್ವಿತಿ ॥ ೫೫೮ ॥
589. ಪ್ರಿಯತ್ವೇನ ಮತಂ ಯತ್ತು ತತ್ಸದಾ ನಾಪ್ರಿಯಂ ನೃಣಾಮ್ । ವಿಪತ್ತಾವಪಿ ಸಂಪತ್ತೌ ಯಥಾತ್ಮಾ ನ ತಥಾಪರಃ ॥ ೬೨೮ ॥
590. ಪ್ರಿಯೇಷು ಸ್ವೇಷು ಸುಕೃತಮಪ್ರಿಯೇಷು ಚ ದುಷ್ಕೃತಮ್ । ವಿಸೃಜ್ಯ ಧ್ಯಾನಯೋಗೇನ ಬ್ರಹ್ಮಾಪ್ಯೇತಿ ಸನಾತನಮ್ ॥ ೯೯೮ ॥
591. ಪ್ರೀತಿಮಾತ್ರಾತ್ಕಥಂ ಪುತ್ರ ಆತ್ಮಾ ಭವಿತುಮರ್ಹತಿ । ಅನ್ಯತ್ರಾಪೀಕ್ಷ್ಯತೇ ಪ್ರೀತಿಃ ಕ್ಷೇತ್ರಪಾತ್ರಧನಾದಿಷು ॥ ೫೨೭ ॥
592. ಬಂಧಮುಕ್ತಂ ಬ್ರಹ್ಮನಿಷ್ಠಂ ಕೃತಕೃತ್ಯಂ ಭಜೇದ್ಗುರುಮ್ । ಯಸ್ಯ ಪ್ರಸಾದಾತ್ಸಂಸಾರಸಾಗರೋ ಗೋಷ್ಪದಾಯತೇ ॥ ೨೫೭ ॥
593. ಬಂಧಶ್ಚ ಮೋಕ್ಷೋ ಮನಸೈವ ಪುಂಸಾ - ಮರ್ಥೋಽಪ್ಯನರ್ಥೋಽಪ್ಯಮುನೈವ ಸಿಧ್ಯತಿ । ಶುದ್ಧೇನ ಮೋಕ್ಷೋ ಮಲಿನೇನ ಬಂಧೋವಿವೇಕತೋಽರ್ಥೋಽಪ್ಯವಿವೇಕತೋಽನ್ಯಃ ॥ ೩೫೮ ॥
594. ಬದ್ಧಂ ಪ್ರವೃತ್ತಿತೋ ವಿದ್ಧಿ ಮುಕ್ತಂ ವಿದ್ಧಿ ನಿವೃತ್ತಿತಃ । ಪ್ರವೃತ್ತಿರೇವ ಸಂಸಾರೋ ನಿವೃತ್ತಿರ್ಮುಕ್ತಿರಿಷ್ಯತೇ ॥ ೫೦೦ ॥
595. ಬಧಿರೋಽಹಂ ಚ ಕಾಣೋಽಹಂ ಮೂಕ ಇತ್ಯನುಭೂತಿತಃ । ಇಂದ್ರಿಯಾಣಿ ಭವಂತ್ಯಾತ್ಮಾ ಯೇಷಾಮಸ್ತ್ಯರ್ಥವೇದನಮ್ ॥ ೫೩೯ ॥
596. ಬಹಿರಂಗಂ ಶ್ರುತಿಃ ಪ್ರಾಹ ಬ್ರಹ್ಮಚರ್ಯಾದಿ ಮುಕ್ತಯೇ । ಶಮಾದಿಷಟ್ಕಮೇವೈತದಂತರಂಗಂ ವಿದುರ್ಬುಧಾಃ ॥ ೨೨೩ ॥
597. ಬಹಿರಾತ್ಮಾ ತತಃ ಸ್ಥೂಲಭೋಗಾಯತನಮುಚ್ಯತೇ । ಇಂದ್ರಿಯೈರುಪನೀತಾನಾಂ ಶಬ್ದಾದೀನಾಮಯಂ ಸ್ವಯಮ್ । ದೇಹೇಂದ್ರಿಯಮನೋಯುಕ್ತೋ ಭೋಕ್ತೇತ್ಯಾಹುರ್ಮನೀಷಿಣಃ ॥ ೪೪೭ ॥
598. ಬಹಿರ್ಯಾತ್ಯಂತರಾಯಾತಿ ಭಸ್ತ್ರಿಕಾವಾಯುವನ್ಮುಹುಃ । ನ ಹಿತಂ ವಾಹಿತಂ ವಾ ಸ್ವಮನ್ಯದ್ವಾ ವೇದ ಕಿಂಚನ ॥ ೫೪೮ ॥
599. ಬಹುಕಾಲಂ ಸಮಾಧಾಯ ಸ್ವಸ್ವರೂಪೇ ತು ಮಾನಸಮ್ । ಉತ್ಥಾಯ ಪರಮಾನಂದಾದ್ಗುರುಮೇತ್ಯ ಪುನರ್ಮುದಾ ॥ ೯೨೫ ॥
600. ಬಾಧತೇ ತದ್ಗತಾಜ್ಞಾನಂ ಯದಾವರಣಲಕ್ಷಣಮ್ । ಅಖಂಡಾಕಾರಯಾ ವೃತ್ತ್ಯಾ ತ್ವಜ್ಞಾನೇ ಬಾಧಿತೇ ಸತಿ ॥ ೭೯೯ ॥
601. ಬಾಲಕಲ್ಪಿತನೈಲ್ಯೇನ ವ್ಯೋಮ ಕಿಂ ಮಲಿನಾಯತೇ । ಶಿಷ್ಯಃ - ಪ್ರತ್ಯಗಾತ್ಮನ್ಯವಿಷಯೇಽನಾತ್ಮಾಧ್ಯಾಸಃ ಕಥಂ ಪ್ರಭೋ ॥ ೪೬೬ ॥
602. ಬಾಲ್ಯಾದಿನಾನಾವಸ್ಥಾವಾಞ್ಶುಕ್ಲಶೋಣಿತಸಂಭವಃ । ಅತಃ ಕದಾಪಿ ದೇಹಸ್ಯ ನಾತ್ಮತ್ವಮುಪಪದ್ಯತೇ ॥ ೫೩೮ ॥
603. ಬಾಹ್ಯಮಾಭ್ಯಂತರಂ ಚೇತಿ ದ್ವಿವಿಧಂ ಶೌಚಮುಚ್ಯತೇ । ಮೃಜ್ಜಲಾಭ್ಯಾಂ ಕೃತಂ ಶೌಚಂ ಬಾಹ್ಯಂ ಶಾರೀರಕಂ ಸ್ಮೃತಮ್ ॥ ೧೧೪ ॥
604. ಬಿಂಬಭೂತಪರಬ್ರಹ್ಮಮಾತ್ರಂ ಭವತಿ ಕೇವಲಮ್ । ಯಥಾಪನೀತೇ ತ್ವಾದರ್ಶೇ ಪ್ರತಿಬಿಂಬಮುಖಂ ಸ್ವಯಮ್ ॥ ೮೦೪ ॥
605. ಬೀಜಾನ್ಯಗ್ನಿಪ್ರದಗ್ಧಾನಿ ನ ರೋಹಂತಿ ಯಥಾ ಪುನಃ । ಜ್ಞಾನದಗ್ಧೈಸ್ತಥಾ ಕ್ಲೇಶೈರ್ನಾತ್ಮಾ ಸಂಪದ್ಯತೇ ಪುನಃ ॥ ೮೫೦ ॥
606. ಬುದ್ಧಿಕಲ್ಪಿತಮಾಲಿನ್ಯಕ್ಷಾಲನಂ ಸ್ನಾನಮಾತ್ಮನಃ । ತೇನೈವ ಶುದ್ಧಿರೇತಸ್ಯ ನ ಮೃದಾ ನ ಜಲೇನ ಚ ॥ ೮೫೮ ॥
607. ಬುದ್ಧಿಸ್ತಥೈವ ಸತ್ತ್ವಾತ್ಮಾ ಸಾಭಾಸಾ ಭಾಸ್ವರಾಮಲಾ । ಸಾಂನಿಧ್ಯಾದಾತ್ಮವದ್ಭಾತಿ ಸೂರ್ಯವತ್ಸ್ಫಟಿಕೋ ಯಥಾ ॥ ೪೮೨ ॥
608. ಬುದ್ಧೇಃ ಸೂಕ್ಷ್ಮತ್ವಮಾಯಾತಿ ತತೋ ವಸ್ತೂಪಲಭ್ಯತೇ । ಮಂದಪ್ರಜ್ಞಾವತಾಂ ತಸ್ಮಾತ್ಕರಣೀಯಂ ಪುನಃ ಪುನಃ ॥ ೮೧೦ ॥
609. ಬುದ್ಧೇರಜ್ಞಾನಕಾರ್ಯತ್ವಾದ್ವಿನಾಶಿತ್ವಾತ್ಪ್ರತಿಕ್ಷಣಮ್ । ಬುದ್ಧ್ಯಾದೀನಾಂ ಚ ಸರ್ವೇಷಾಮಜ್ಞಾನೇ ಲಯದರ್ಶನಾತ್ ॥ ೫೫೯ ॥
610. ಬುದ್ಧ್ಯಾದಿ ಸಕಲಂ ಸುಪ್ತಾವನುಲೀನಂ ಸ್ವಕಾರಣೇ । ಅವ್ಯಕ್ತೇ ವಟವದ್ಬೀಜೇ ತಿಷ್ಠತ್ಯವಿಕೃತಾತ್ಮನಾ ॥ ೫೮೬ ॥
611. ಬುದ್ಧ್ಯಾದಿವೇದ್ಯವಿಲಯಾದಯಮೇಕ ಏವಸುಪ್ತೌ ನ ಪಶ್ಯತಿ ಶೃಣೋತಿ ನ ವೇತ್ತಿ ಕಿಂಚಿತ್ । ಸೌಷುಪ್ತಿಕಸ್ಯ ತಮಸಃ ಸ್ವಯಮೇವ ಸಾಕ್ಷೀಭೂತ್ವಾತ್ರ ತಿಷ್ಠತಿ ಸುಖೇನ ಚ ನಿರ್ವಿಕಲ್ಪಃ ॥ ೬೦೩ ॥
612. ಬ್ರಹ್ಮಚರ್ಯಮಹಿಂಸಾ ಚ ದಯಾ ಭೂತೇಷ್ವವಕ್ರತಾ । ವಿಷಯೇಷ್ವತಿವೈತೃಷ್ಣ್ಯಂ ಶೌಚಂ ದಂಭವಿವರ್ಜನಮ್ ॥ ೧೦೫ ॥
613. ಬ್ರಹ್ಮಚರ್ಯಮಹಿಂಸಾ ಚ ಸಾಧೂನಾಮಪ್ಯಗರ್ಹಣಮ್ । ಪರಾಕ್ಷೇಪಾದಿಸಹನಂ ತಿತಿಕ್ಷೋರೇವ ಸಿಧ್ಯತಿ ॥ ೧೪೧ ॥
614. ಬ್ರಹ್ಮಚರ್ಯಾದಿಭಿರ್ಧರ್ಮೈರ್ಬುದ್ಧೇರ್ದೋಷನಿವೃತ್ತಯೇ । ದಂಡನಂ ದಮ ಇತ್ಯಾಹುರ್ದಮಶಬ್ದಾರ್ಥಕೋವಿದಾಃ ॥ ೧೨೮ ॥
615. ಬ್ರಹ್ಮಾತ್ಮನೋಸ್ತತ್ತ್ವಮಸೀತ್ಯದ್ವಯತ್ವೋಪಪತ್ತಯೇ । ಪ್ರತ್ಯಕ್ಷಾದಿವಿರೋಧೇನ ವಾಚ್ಯಯೋರ್ನೋಪಯುಜ್ಯತೇ । ತತ್ತ್ವಂಪದಾರ್ಥಯೋರೈಕ್ಯಂ ಲಕ್ಷ್ಯಯೋರೇವ ಸಿಧ್ಯತಿ ॥ ೬೯೯ ॥
616. ಬ್ರಹ್ಮಾತ್ಮೈಕತ್ವವಿಜ್ಞಾನಂ ಸಂತಃ ಪ್ರಾಹುಃ ಪ್ರಯೋಜನಮ್ । ಯೇನ ನಿಃಶೇಷಸಂಸಾರಬಂಧಾತ್ಸದ್ಯಃ ಪ್ರಮುಚ್ಯತೇ ॥ ೧೦ ॥
617. ಬ್ರಹ್ಮಾತ್ಮೈಕತ್ವವಿಜ್ಞಾನಾದ್ಯದ್ವಿದ್ವಾನ್ಮೋಕ್ತುಮಿಚ್ಛತಿ । ಸಂಸಾರಪಾಶಬಂಧಂ ತನ್ಮುಮುಕ್ಷುತ್ವಂ ನಿಗದ್ಯತೇ ॥ ೨೨೬ ॥
618. ಬ್ರಹ್ಮಾದಿಸ್ಥಾವರಾಂತೇಷು ವೈರಾಗ್ಯಂ ವಿಷಯೇಷ್ವನು । ಯಥೈವ ಕಾಕವಿಷ್ಠಾಯಾಂ ವೈರಾಗ್ಯಂ ತದ್ಧಿ ನಿರ್ಮಲಮ್ ॥ ೧೧೩ ॥
619. ಬ್ರಹ್ಮಾನಂದರಸಾವೇಶಾದೇಕೀಭೂಯ ತದಾತ್ಮನಾ । ವೃತ್ತೇರ್ಯಾ ನಿಶ್ಚಲಾವಸ್ಥಾ ಸ ಸಮಾಧಿರಕಲ್ಪಕಃ ॥ ೮೯೯ ॥
620. ಬ್ರಹ್ಮಾನಂದರಸಾಸ್ವಾದತತ್ಪರೇಣೈವ ಚೇತಸಾ । ಸಮಾಧಿನಿಷ್ಠಿತೋ ಭೂತ್ವಾ ತಿಷ್ಠ ವಿದ್ವನ್ಸದಾ ಮುನೇ ॥ ೭೯೨ ॥
621. ಬ್ರಹ್ಮೈವ ನಿತ್ಯಮನ್ಯತ್ತು ಹ್ಯನಿತ್ಯಮಿತಿ ವೇದನಮ್ । ಸೋಽಯಂ ನಿತ್ಯಾನಿತ್ಯವಸ್ತುವಿವೇಕ ಇತಿ ಕಥ್ಯತೇ ॥ ೧೬ ॥
622. ಬ್ರಹ್ಮೈವಾಸ್ಮೀತಿ ಯಾ ವೃತ್ತಿಃ ಪೂರಕೋ ವಾಯುರೀರಿತಃ । ತತಸ್ತದ್ವೃತ್ತಿನೈಶ್ಚಲ್ಯಂ ಕುಂಭಕಃ ಪ್ರಾಣಸಂಯಮಃ ॥ ೯೧೬ ॥
623. ಬ್ರಹ್ಮೈವಾಹಂ ಚಿದೇವಾಹಮೇವಂ ವಾಪಿ ನ ಚಿಂತ್ಯತೇ । ಚಿನ್ಮಾತ್ರೇಣೇವ ಯಸ್ತಿಷ್ಠೇದ್ವಿದೇಹೋ ಮುಕ್ತ ಏವ ಸಃ ॥ ೯೮೩ ॥
624. ಬ್ರಹ್ಮೈವಾಹಮಹಂ ಬ್ರಹ್ಮ ನಿರ್ಗುಣಂ ನಿರ್ವಿಕಲ್ಪಕಮ್ । ಇತ್ಯೇವಾಖಂಡಯಾ ವೃತ್ತ್ಯಾ ತಿಷ್ಠ ಬ್ರಹ್ಮಣಿ ನಿಷ್ಕ್ರಿಯೇ ॥ ೭೯೦ ॥
625. ಭಗವನ್ಕರುಣಾಸಿಂಧೋ ಭವಸಿಂಧೋರ್ಭವಾಂಸ್ತರಿಃ । ಯಮಾಶ್ರಿತ್ಯಾಶ್ರಮೇಣೈವ ಪರಂ ಪಾರಂ ಗತಾ ಬುಧಾಃ ॥ ೨೫೯ ॥
626. ಭವಾನನಾತ್ಮನೋ ಧರ್ಮಾನಾತ್ಮನ್ಯಾರೋಪ್ಯ ಶೋಚತಿ । ತದಜ್ಞಾನಕೃತಂ ಸರ್ವಂ ಭಯಂ ತ್ಯಕ್ತ್ವಾ ಸುಖೀ ಭವ ॥ ೨೭೦ ॥
627. ಭಾಗಂ ವಿರುದ್ಧಂ ಸಂತ್ಯಜ್ಯಾವಿರೋಧೋ ಲಕ್ಷ್ಯತೇ ಯದಾ । ಸಾ ಭಾಗಲಕ್ಷಣೇತ್ಯಾಹುರ್ಲಕ್ಷಣಜ್ಞಾ ವಿಚಕ್ಷಣಾಃ ॥ ೭೫೩ ॥
628. ಭಾಗಲಕ್ಷಣಯಾ ಸಮ್ಯಗ್ಲಕ್ಷಯತ್ಯನಯಾ ಯಥಾ । ತಥಾ ತತ್ತ್ವಮಸೀತ್ಯತ್ರ ವಾಕ್ಯಂ ವಾಕ್ಯಾರ್ಥ ಏವ ವಾ ॥ ೭೫೬ ॥
629. ಭೂಮಿಕಾತ್ರಿತಯಾಭ್ಯಾಸಾಚ್ಚಿತ್ತೇಽರ್ಥವಿರತೇರ್ವಶಾತ್ । ಸತ್ತ್ವಾತ್ಮನಿ ಸ್ಥಿತೇ ಶುದ್ಧೇ ಸತ್ತ್ವಾಪತ್ತಿರುದಾಹೃತಾ ॥ ೯೪೪ ॥
630. ಭೂಮಿಕಾಪಂಚಕಾಭ್ಯಾಸಾತ್ಸ್ವಾತ್ಮಾರಾಮತಯಾ ಭೃಶಮ್ । ಆಭ್ಯಂತರಾಣಾಂ ಬಾಹ್ಯಾನಾಂ ಪದಾರ್ಥಾನಾಮಭಾವನಾತ್ ॥ ೯೪೬ ॥
631. ಭೂಮ್ಯಂಶಕತಯಾ ಪಾಯುಃ ಕಠಿನಂ ಮಲಮುತ್ಸೃಜೇತ್ । ಶ್ರೋತ್ರಸ್ಯ ದೈವತಂ ದಿಕ್ಸ್ಯಾತ್ತ್ವಚೋ ವಾಯುರ್ದೃಶೋ ರವಿಃ ॥ ೪೧೬ ॥
632. ಭೂಯೋ ಜನ್ಮಾದ್ಯಪ್ರಸಕ್ತಿರ್ವಿಮುಕ್ತಿಃಕ್ಲೇಶಕ್ಷತ್ಯಾಂ ಭಾತಿ ಜನ್ಮಾದ್ಯಭಾವಃ । ಕ್ಲೇಶಕ್ಷತ್ಯಾ ಹೇತುರಾತ್ಮೈಕನಿಷ್ಠಾತಸ್ಮಾತ್ಕಾರ್ಯಾ ಹ್ಯಾತ್ಮನಿಷ್ಠಾ ಮುಮುಕ್ಷೋಃ ॥ ೮೪೮ ॥
633. ಭೇದೋ ನ ವಿದ್ಯತೇ ವಸ್ತುನ್ಯದ್ವಿತೀಯೇ ಪರಾತ್ಮನಿ । ಪ್ರಪಂಚಸ್ಯಾಪವಾದೇನ ವಿಜಾತೀಯಕೃತಾ ಭಿದಾ ॥ ೬೭೮ ॥
634. ಭೋಗಕಾಲೇ ಭವೇನ್ನೄಣಾಂ ಬ್ರಹ್ಮಾದಿಪದಭಾಗಿನಾಮ್ । ರಾಜಸ್ಥಾನಪ್ರವಿಷ್ಟಾನಾಂ ತಾರತಮ್ಯಂ ಮತಂ ಯಥಾ ॥ ೬೫೩ ॥
635. ಭೋಗಕಾಲೇಽಪಿ ಭೋಗಾಂತೇ ದುಃಖಮೇವ ಪ್ರಯಚ್ಛತಿ । ಸುಖಮುಚ್ಚಾವಚತ್ವೇನ ಕ್ಷಯಿಷ್ಣುತ್ವಭಯೇನ ಚ ॥ ೬೫೨ ॥
636. ಭೋಗೇನ ಮತ್ತತಾ ಜಂತೋರ್ದಾನೇನ ಪುನರುದ್ಭವಃ । ವೃಥೈವೋಭಯಥಾ ವಿತ್ತಂ ನಾಸ್ತ್ಯೇವ ಗತಿರನ್ಯಥಾ ॥ ೭೫ ॥
637. ಭೋಗ್ಯೇ ನರಃ ಕಾಮಜಯೇಚ್ಛುರೇತಾಂಸುಖತ್ವಬುದ್ಧಿಂ ವಿಷಯೇ ನಿಹನ್ಯಾತ್ । ಯಾವತ್ಸುಖತ್ವಭ್ರಮಧೀಃ ಪದಾರ್ಥೇತಾವನ್ನ ಜೇತುಂ ಪ್ರಭವೇದ್ಧಿ ಕಾಮಮ್ ॥ ೬೬ ॥
638. ಭ್ರಾಂತ್ಯಾ ಬ್ರಹ್ಮಣಿ ಭೇದೋಽಯಂ ಸಜಾತೀಯಾದಿಲಕ್ಷಣಃ । ಕಾಲತ್ರಯೇಽಪಿ ಹೇ ವಿದ್ವನ್ ವಸ್ತುತೋ ನೈವ ಕಶ್ಚನ ॥ ೭೬೮ ॥
639. ಭ್ರಾಂತ್ಯಾ ಮನುಷ್ಯೋಽಹಮಹಂ ದ್ವಿಜೋಽಹಂತಜ್ಜ್ಞೋಽಹಮಜ್ಞೋಽಹಮತೀವ ಪಾಪೀ । ಭ್ರಷ್ಟೋಽಸ್ಮಿ ಶಿಷ್ಟೋಽಸ್ಮಿ ಸುಖೀ ಚ ದುಃಖೀ - ತ್ಯೇವಂ ವಿಮುಹ್ಯಾತ್ಮನಿ ಕಲ್ಪಯಂತಿ ॥ ೪೬೨ ॥
640. ಭ್ರಾಂತ್ಯಾ ಯತ್ರ ಯದಧ್ಯಾಸಸ್ತತ್ಕೃತೇನ ಗುಣೇನ ವಾ । ದೋಷೇಣಾಪ್ಯಣುಮಾತ್ರೇಣ ಸ ನ ಸಂಬಧ್ಯತೇ ಕ್ವಚಿತ್ ॥ ೪೬೪ ॥
641. ಭ್ರಾಂತ್ಯೋದಿತದ್ವೈತಮತಿಪ್ರಶಾಂತ್ಯಾಸದೈಕಮೇವಾಸ್ತಿ ಸದಾದ್ವಿತೀಯಮ್ । ತತೋ ವಿಜಾತೀಯಕೃತೋಽತ್ರ ಭೇದೋನ ವಿದ್ಯತೇ ಬ್ರಹ್ಮಣಿ ನಿರ್ವಿಕಲ್ಪೇ ॥ ೬೯೨ ॥
642. ಮದೋದ್ಧತಿಂ ಮಾನ್ಯತಿರಸ್ಕೃತಿಂ ಚಕಾಮಾತುರತ್ವಂ ಸಮಯಾತಿಲಂಘನಮ್ । ತಾಂ ತಾಂ ಯುವತ್ಯೋದಿತದುಷ್ಟಚೇಷ್ಟಾಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೦ ॥
643. ಮನಃಪ್ರಸಾದಸಿದ್ಧ್ಯರ್ಥಂ ಸಾಧನಂ ಶ್ರೂಯತಾಂ ಬುಧೈಃ । ಮನಃಪ್ರಸಾದೋ ಯತ್ಸತ್ತ್ವೇ ಯದಭಾವೇ ನ ಸಿಧ್ಯತಿ ॥ ೧೦೪ ॥
644. ಮನಸೋ ಧಾರಣಂ ಚೈವ ಧಾರಣಾ ಸಾ ಪರಾ ಮತಾ । ಬ್ರಹ್ಮೈವಾಸ್ಮೀತಿ ಸದ್ವೃತ್ತ್ಯಾ ನಿರಾಲಂಬತಯಾ ಸ್ಥಿತಿಃ ॥ ೯೧೯ ॥
645. ಮನಸ್ತು ಸರ್ವಂ ಜಾನಾತಿ ಸರ್ವವೇದನಕಾರಣಮ್ । ಯತ್ತಸ್ಮಾನ್ಮನ ಏವಾತ್ಮಾ ಪ್ರಾಣಸ್ತು ನ ಕದಾಚನ ॥ ೫೫೦ ॥
646. ಮನಸ್ಯಪಿ ಚ ಬುದ್ಧೌ ಚ ಚಿತ್ತಾಹಂಕಾರಯೋಃ ಕ್ರಮಾತ್ । ಅಂತರ್ಭಾವೋಽತ್ರ ಬೋದ್ಧವ್ಯೋ ಲಿಂಗಲಕ್ಷಣಸಿದ್ಧಯೇ ॥ ೩೪೬ ॥
647. ಮನೋ ಮನೋಮಯಃ ಕೋಶೋ ಭವೇಜ್ಜ್ಞಾನೇಂದ್ರಿಯೈಃ ಸಹ । ಪ್ರಾಚುರ್ಯಂ ಮನಸೋ ಯತ್ರ ದೃಶ್ಯತೇಽಸೌ ಮನೋಮಯಃ ॥ ೩೫೫ ॥
648. ಮನೋ ಹ್ಯಮುಷ್ಯ ಪ್ರವಣಸ್ಯ ಹೇತು - ರಂತರ್ಬಹಿಶ್ಚಾರ್ಥಮನೇನ ವೇತ್ತಿ । ಶೃಣೋತಿ ಜಿಘ್ರತ್ಯಮುನೈವ ಚೇಕ್ಷತೇವಕ್ತಿ ಸ್ಪೃಶತ್ಯತ್ತಿ ಕರೋತಿ ಸರ್ವಮ್ ॥ ೩೫೭ ॥
649. ಮನೋಽಪ್ರಸಾದಃ ಪುರುಷಸ್ಯ ಬಂಧೋಮನಃಪ್ರಸಾದೋ ಭವಬಂಧಮುಕ್ತಿಃ । ಮನಃಪ್ರಸಾದಾಧಿಗಮಾಯ ತಸ್ಮಾ - ನ್ಮನೋನಿರಾಸಂ ವಿದಧೀತ ವಿದ್ವಾನ್ ॥ ೩೭೪ ॥
650. ಮಯಿ ಸುಖಬೋಧಪಯೋಧೌ ಮಹತಿ ಬ್ರಹ್ಮಾಂಡಬುದ್ಬುದಸಹಸ್ರಮ್ । ಮಾಯಾಮಯೇನ ಮರುತಾ ಭೂತ್ವಾ ಭೂತ್ವಾ ಪುನಸ್ತಿರೋಧತ್ತೇ ॥ ೯೨೯ ॥
651. ಮರ್ತ್ಯತ್ವಂ ತ್ವಯಿ ಕಲ್ಪಿತಂ ಭ್ರಮವಶಾತ್ತೇನೈವ ಜನ್ಮಾದಯಃತತ್ಸಂಭಾವಿತಮೇವ ದುಃಖಮಪಿ ತೇ ನೋ ವಸ್ತುತಸ್ತನ್ಮೃಷಾ । ನಿದ್ರಾಮೋಹವಶಾದುಪಾಗತಸುಖಂ ದುಃಖಂ ಚ ಕಿಂ ನು ತ್ವಯಾಸತ್ಯತ್ವೇನ ವಿಲೋಕಿತಂ ಕ್ವಚಿದಪಿ ಬ್ರೂಹಿ ಪ್ರಬೋಧಾಗಮೇ ॥ ೨೮೪ ॥
652. ಮರ್ತ್ಯತ್ವಸಿದ್ಧೇರಪಿ ಪುಂಸ್ತ್ವಸಿದ್ಧೇ - ರ್ವಿಪ್ರತ್ವಸಿದ್ಧೇಶ್ಚ ವಿವೇಕಸಿದ್ಧೇಃ । ವದಂತಿ ಮುಖ್ಯಂ ಫಲಮೇವ ಮೋಕ್ಷಂವ್ಯರ್ಥಂ ಸಮಸ್ತಂ ಯದಿ ಚೇನ್ನ ಮೋಕ್ಷಃ ॥ ೨೮೨ ॥
653. ಮರ್ತ್ಯಸ್ಯ ಮಮ ಜನ್ಮಾದಿದುಃಖಭಾಜೋಽಲ್ಪಜೀವಿನಃ । ಬ್ರಹ್ಮತ್ವಮಪಿ ನಿತ್ಯತ್ವಂ ಪರಮಾನಂದತಾ ಕಥಮ್ ॥ ೨೭೪ ॥
654. ಮಲಿನಸ್ಯೈವ ಸಂಸ್ಕಾರೋ ದರ್ಪಣಾದೇರಿಹೇಷ್ಯತೇ । ವ್ಯೋಮವನ್ನಿತ್ಯಶುದ್ಧಸ್ಯ ಬ್ರಹ್ಮಣೋ ನೈವ ಸಂಸ್ಕ್ರಿಯಾ ॥ ೧೫೮ ॥
655. ಮಹಾಪ್ರಪಂಚಾವಚ್ಛಿನ್ನಂ ವಿಶ್ವಪ್ರಾಜ್ಞಾದಿಲಕ್ಷಣಮ್ । ವಿರಾಡಾದೀಶಪರ್ಯಂತಂ ಚೈತನ್ಯಂ ಚೈಕಮೇವ ತತ್ ॥ ೪೫೩ ॥
656. ಮಾತ್ರಾದಿಲಕ್ಷಣಂ ಕಿಂ ನು ಶೂನ್ಯಮೇವೋಪಲಭ್ಯತೇ । ಸುಷುಪ್ತೌ ನಾನ್ಯದಸ್ತ್ಯೇವ ನಾಹಮಪ್ಯಾಸಮಿತ್ಯನು ॥ ೫೭೨ ॥
657. ಮಾಯಾಕಾರ್ಯೈಸ್ತಿರೋಭೂತೋ ನೈಷ ಆತ್ಮಾನುಭೂಯತೇ । ಮೇಘಬೃಂದೈರ್ಯಥಾ ಭಾನುಸ್ತಥಾಯಮಹಮಾದಿಭಿಃ ॥ ೪೭೬ ॥
658. ಮಾಯೋಪಹಿತಚೈತನ್ಯಂ ಸಾಭಾಸಂ ಸತ್ತ್ವಬೃಂಹಿತಮ್ । ಸರ್ವಜ್ಞತ್ವಾದಿಗುಣಕಂ ಸೃಷ್ಟಿಸ್ಥಿತ್ಯಂತಕಾರಣಮ್ ॥ ೩೧೦ ॥
659. ಮಾರ್ಗೇ ಪ್ರಯಾತುರ್ಮಣಿಲಾಭವನ್ಮೇಲಭೇತ ಮೋಕ್ಷೋ ಯದಿ ತರ್ಹಿ ಧನ್ಯಃ । ಇತ್ಯಾಶಯಾ ಮೂಢಧಿಯಾಂ ಮತಿರ್ಯಾಸೈಷಾತಿಮಂದಾಭಿಮತಾ ಮುಮುಕ್ಷಾ ॥ ೨೩೨ ॥
660. ಮಿಥ್ಯಾಸಂಬಂಧತಸ್ತತ್ರ ಬ್ರಹ್ಮಣ್ಯಾಶ್ರಿತ್ಯ ತಿಷ್ಠತಿ । ಮಣೌ ಶಕ್ತಿರ್ಯಥಾ ತದ್ವನ್ನೈತದಾಶ್ರಯದೂಷಕಮ್ ॥ ೩೦೩ ॥
661. ಮುಕ್ತಸಂಗಾಯ ಶಾಂತಾಯ ತ್ಯಕ್ತಾಹಂತಾಯ ತೇ ನಮಃ । ದಯಾಧಾಮ್ನೇ ನಮೋ ಭೂಮ್ನೇ ಮಹಿಮ್ನಃ ಪಾರಮಸ್ಯ ತೇ । ನೈವಾಸ್ತಿ ಯತ್ಕಟಾಕ್ಷೇಣ ಬ್ರಹ್ಮೈವಾಭವಮದ್ವಯಮ್ ॥ ೯೨೭ ॥
662. ಮುಕ್ತಸ್ಯೇಶ್ವರರೂಪತ್ವಾದ್ಗುರೋರ್ವಾಗಪಿ ತಾದೃಶೀ । ತಸ್ಮಾತ್ತದ್ವಾಕ್ಯಯೋಃ ಶ್ರದ್ಧಾ ಸತಾಂ ಸಿಧ್ಯತಿ ಧೀಮತಾಮ್ ॥ ೨೧೭ ॥
663. ಮುಕ್ತಿಶ್ರೀನಗರಸ್ಯ ದುರ್ಜಯತರಂ ದ್ವಾರಂ ಯದಸ್ತ್ಯಾದಿಮಂತಸ್ಯ ದ್ವೇ ಅರರೇ ಧನಂ ಚ ಯುವತೀ ತಾಭ್ಯಾಂ ಪಿನದ್ಧಂ ದೃಢಮ್ । ಕಾಮಾಖ್ಯಾರ್ಗಲದಾರುಣಾ ಬಲವತಾ ದ್ವಾರಂ ತದೇತತ್ತ್ರಯಂಧೀರೋ ಯಸ್ತು ಭಿನತ್ತಿ ಸೋಽರ್ಹತಿ ಸುಖಂ ಭೋಕ್ತುಂ ವಿಮುಕ್ತಿಶ್ರಿಯಃ ॥ ೮೯ ॥
664. ಮುಖಮಾತ್ರಂ ಭವೇತ್ತದ್ವದೇತಚ್ಚೋಪಾಧಿಸಂಕ್ಷಯಾತ್ । ಘಟಾಜ್ಞಾನೇ ಯಥಾ ವೃತ್ತ್ಯಾ ವ್ಯಾಪ್ತಯಾ ಬಾಧಿತೇ ಸತಿ ॥ ೮೦೫ ॥
665. ಮುಖ್ಯಗೌಣಾದಿಭೇದೇನ ವಿದ್ಯಂತೇಽತ್ರಾಧಿಕಾರಿಣಃ । ತೇಷಾಂ ಪ್ರಜ್ಞಾನುಸಾರೇಣಾಖಂಡಾ ವೃತ್ತಿರುದೇಷ್ಯತೇ ॥ ೭೯೫ ॥
666. ಮುಮುಕ್ಷುಣಾ ಪರಿತ್ಯಾಜ್ಯಂ ಬ್ರಹ್ಮಭಾವಮಭೀಪ್ಸುನಾ । ಮುಮುಕ್ಷೋರಪಿ ಕರ್ಮಾಸ್ತು ಶ್ರವಣಂ ಚಾಪಿ ಸಾಧನಮ್ ॥ ೧೭೩ ॥
667. ಮುಮುಕ್ಷೋರ್ಯತ್ನತಃ ಕಾರ್ಯೌ ವಿಪರೀತನಿವೃತ್ತಯೇ । ಕೃತೇಽಸ್ಮಿನ್ವಿಪರೀತಾಯಾ ಭಾವನಾಯಾ ನಿವರ್ತನಮ್ ॥ ೮೨೮ ॥
668. ಮೂಢಾ ಅಶ್ರುತವೇದಾಂತಾಃ ಸ್ವಯಂ ಪಂಡಿತಮಾನಿನಃ । ಈಶಪ್ರಸಾದರಹಿತಾಃ ಸದ್ಗುರೋಶ್ಚ ಬಹಿರ್ಮುಖಾಃ ॥ ೫೨೧ ॥
669. ಮೂಢಾನಾಂ ಪ್ರತಿಬಿಂಬಾದೌ ಬಾಲಾನಾಮಿವ ದೃಶ್ಯತೇ । ಸಾದೃಶ್ಯಂ ವಿದ್ಯತೇ ಬುದ್ಧಾವಾತ್ಮನೋಽಧ್ಯಾಸಕಾರಣಮ್ ॥ ೪೮೪ ॥
670. ಮೂಲಾಜ್ಞಾನವಿನಾಶೇನ ಕಾರಣಾಭಾಸಚೇಷ್ಟಿತೈಃ । ಬಂಧೋ ನ ಮೇಽತಿಸ್ವಲ್ಪೋಽಪಿ ಸ್ವಪ್ನಜಾಗ್ರದಿತೀರ್ಯತೇ ॥ ೯೫೨ ॥
671. ಮೃದಾದಿಕಾರಣಂ ನಿತ್ಯಂ ತ್ರಿಷು ಕಾಲೇಷು ದರ್ಶನಾತ್ । ಘಟಾದ್ಯನಿತ್ಯಂ ತತ್ಕಾರ್ಯಂ ಯತಸ್ತನ್ನಾಶ ಈಕ್ಷ್ಯತೇ ॥ ೧೭ ॥
672. ಮೋಕ್ಷಸ್ಯ ಕಾಲೋಽಸ್ತಿ ಕಿಮದ್ಯ ಮೇ ತ್ವರಾಭುಕ್ತ್ವೈವ ಭೋಗಾನ್ಕೃತಸರ್ವಕಾರ್ಯಃ । ಮುಕ್ತ್ಯೈ ಯತಿಷ್ಯೇಽಹಮಥೇತಿ ಬುದ್ಧಿ - ರೇಷೈವ ಮಂದಾ ಕಥಿತಾ ಮುಮುಕ್ಷಾ ॥ ೨೩೧ ॥
673. ಮೋಕ್ಷಸ್ಯ ಸಾಧನಮಿತಿ ವದಂತಿ ಬ್ರಹ್ಮವಾದಿನಃ । ಮುಮುಕ್ಷೋರ್ಯುಜ್ಯತೇ ತ್ಯಾಗಃ ಕಥಂ ವಿಹಿತಕರ್ಮಣಃ ॥ । ೧೭೬ ॥
674. ಮೋಕ್ಷಾಧಿಕಾರೀ ಸಂನ್ಯಾಸೀ ಗೃಹಸ್ಥಃ ಕಿಲ ಕರ್ಮಣಿ । ಕರ್ಮಣಃ ಸಾಧನಂ ಭಾರ್ಯಾಸ್ರುಕ್ಸ್ರುವಾದಿಪರಿಗ್ರಹಃ ॥ ೧೮೦ ॥
675. ಮೋಕ್ಷೇಚ್ಛಯಾ ಯದಹರೇವ ವಿರಜ್ಯತೇಽಸೌನ್ಯಾಸಸ್ತದೈವ ವಿಹಿತೋ ವಿದುಷೋ ಮುಮುಕ್ಷೋಃ । ಶ್ರುತ್ಯಾ ತಯೈವ ಪರಯಾ ಚ ತತಃ ಸುಧೀಭಿಃಪ್ರಾಮಾಣಿಕೋಽಯಮಿತಿ ಚೇತಸಿ ನಿಶ್ಚಿತವ್ಯಃ ॥ ೧೯೯ ॥
676. ಯ ಏಷ ದೇಹೋ ಜನಿತಃ ಸ ಏವಸಮೇಧತೇ ನಶ್ಯತಿ ಕರ್ಮಯೋಗಾತ್ । ತ್ವಮೇತದೀಯಾಸ್ವಖಿಲಾಸ್ವವವಸ್ಥಾ - ಸ್ವವಸ್ಥಿತಃ ಸಾಕ್ಷ್ಯಸಿ ಬೋಧಮಾತ್ರಃ ॥ ೭೭೫ ॥
677. ಯಂ ನ ಪ್ರಕಾಶಯತಿ ಕಿಂಚಿದಿನೋಽಪಿ ಚಂದ್ರಃನೋ ವಿದ್ಯುತಃ ಕಿಮುತ ವಹ್ನಿರಯಂ ಮಿತಾಭಃ । ಯಂ ಭಾಂತಮೇತಮನುಭಾತಿ ಜಗತ್ಸಮಸ್ತಂಸೋಽಯಂ ಸ್ವಯಂ ಸ್ಫುರತಿ ಸರ್ವದಶಾಸು ಚಾತ್ಮಾ ॥ ೬೨೨ ॥
678. ಯಃ ಸಮಸ್ತಾರ್ಥಜಾಲೇಷು ವ್ಯವಹಾರ್ಯಪಿ ಶೀತಲಃ । ಪರಾರ್ಥೇಷ್ವಿವ ಪೂರ್ಣಾತ್ಮಾ ಸ ಜೀವನ್ಮುಕ್ತ ಉಚ್ಯತೇ ॥ ೯೭೨ ॥
679. ಯಃ ಸ್ವಪ್ನಮದ್ರಾಕ್ಷಮಹಂ ಸುಖಂ ಯೋ - ಽಸ್ವಾಪ್ಸಂ ಸ ಏವಾಸ್ಮ್ಯಥ ಜಾಗರೂಕಃ । ಇತ್ಯೇವಮಚ್ಛಿನ್ನತಯಾನುಭೂಯತೇಸತ್ತಾತ್ಮನೋ ನಾಸ್ತಿ ಹಿ ಸಂಶಯೋಽತ್ರ ॥ ೬೧೬ ॥
680. ಯಜ್ಜಾಯತೇ ವಸ್ತು ತದೇವ ವರ್ಧತೇತದೇವ ಮೃತ್ಯುಂ ಸಮುಪೈತಿ ಕಾಲೇ । ಜನ್ಮೈವ ತೇನಾಸ್ತಿ ತಥೈವ ಮೃತ್ಯು - ರ್ನಾಸ್ತ್ಯೇವ ನಿತ್ಯಸ್ಯ ವಿಭೋರಜಸ್ಯ ॥ ೭೭೪ ॥
681. ಯತ ಏವಮತೋ ಯುಕ್ತಾ ಹ್ಯಜ್ಞಾನಸ್ಯಾತ್ಮತಾ ಧ್ರುವಮ್ । ಇತಿ ತನ್ನಿಶ್ಚಯಂ ಭಾಟ್ಟಾ ದೂಷಯಂತಿ ಸ್ವಯುಕ್ತಿಭಿಃ ॥ ೫೬೪ ॥
682. ಯತಸ್ತತೋ ಬ್ರಹ್ಮ ಸದಾದ್ವಿತೀಯಂವಿಕಲ್ಪಶೂನ್ಯಂ ನಿರುಪಾಧಿ ನಿರ್ಮಲಮ್ । ನಿರಂತರಾನಂದಘನಂ ನಿರೀಹಂನಿರಾಸ್ಪದಂ ಕೇವಲಮೇಕಮೇವ ॥ ೭೭೦ ॥
683. ಯತಸ್ತಸ್ಮಾತ್ತು ಪುತ್ರಾದೇಃ ಶೂನ್ಯಾಂತಸ್ಯ ವಿಶೇಷತಃ । ಸುಸಾಧಿತಮನಾತ್ಮತ್ವಂ ಶ್ರುತಿಯುಕ್ತ್ಯನುಭೂತಿಭಿಃ ॥ ೫೭೯ ॥
684. ಯತಸ್ತಸ್ಮಾದಿಂದ್ರಿಯಾಣಾಂ ಯುಕ್ತಮಾತ್ಮತ್ವಮಿತ್ಯಮುಮ್ । ನಿಶ್ಚಯಂ ದೂಷಯತ್ಯನ್ಯೋಽಸಹಮಾನಃ ಪೃಥಗ್ಜನಃ ॥ ೫೪೧ ॥
685. ಯತ್ಕಾರ್ಯರೂಪೇಣ ಯದೀಕ್ಷ್ಯತೇ ತ - ತ್ತನ್ಮಾತ್ರಮೇವಾತ್ರ ವಿಚಾರ್ಯಮಾಣೇ । ಮೃತ್ಕಾರ್ಯಭೂತಂ ಕಲಶಾದಿ ಸಮ್ಯ - ಗ್ವಿಚಾರಿತಂ ಸನ್ನ ಮೃದೋ ವಿಭಿದ್ಯತೇ ॥ ೬೮೩ ॥
686. ಯತ್ತತೋ ಬಿಂಬ ಆನಂದಃ ಪ್ರತಿಬಿಂಬೇನ ಲಕ್ಷ್ಯತೇ । ಯುಕ್ತ್ಯೈವ ಪಂಡಿತಜನೈರ್ನ ಕದಾಪ್ಯನುಭೂಯತೇ ॥ ೬೫೭ ॥
687. ಯತ್ತಸ್ಮಾದಸತಃ ಸರ್ವಂ ಸದಿದಂ ಸಮಜಾಯತ । ತತಃ ಸರ್ವಾತ್ಮನಾ ಶೂನ್ಯಸ್ಯೈವಾತ್ಮತ್ವಂ ಸಮರ್ಹತಿ ॥ ೫೭೬ ॥
688. ಯತ್ರ ಜಾತಾ ಜರಾಯುಭ್ಯಸ್ತೇ ನರಾದ್ಯಾ ಜರಾಯುಜಾಃ । ಅಂಡಜಾಸ್ತೇ ಸ್ಯುರಂಡೇಭ್ಯೋ ಜಾತಾ ಯೇ ವಿಹಗಾದಯಃ ॥ ೪೩೫ ॥
689. ಯತ್ರ ನಾನ್ಯತ್ಪಶ್ಯತೀತಿ ಶ್ರುತಿರ್ದ್ವೈತಂ ನಿಷೇಧತಿ । ಕಲ್ಪಿತಸ್ಯ ಭ್ರಮಾದ್ಭೂಮ್ನಿ ಮಿಥ್ಯಾತ್ವಾವಗಮಾಯ ತತ್ ॥ ೭೬೯ ॥
690. ಯತ್ರ ನಾಸನ್ನ ಸಚ್ಚಾಪಿ ನಾಹಂ ನಾಪ್ಯನಹಂಕೃತಿಃ । ಕೇವಲಂ ಕ್ಷೀಣಮನನ ಆಸ್ತೇಽದ್ವೈತೇಽತಿನಿರ್ಭಯಃ ॥ ೯೬೫ ॥
691. ಯತ್ರ ಯತ್ರ ಮೃತೋ ಜ್ಞಾನೀ ಪರಮಾಕ್ಷರವಿತ್ಸದಾ । ಪರೇ ಬ್ರಹ್ಮಣಿ ಲೀಯೇತ ನ ತಸ್ಯೋತ್ಕ್ರಾಂತಿರಿಷ್ಯತೇ ॥ ೧೦೦೦ ॥
692. ಯತ್ರಾತ್ಮನೋಽಕಾಮಯಿತೃತ್ವಬುದ್ಧಿಃಸ್ವಪ್ನಾನಪೇಕ್ಷಾಪಿ ಚ ತತ್ಸುಷುಪ್ತಮ್ । ಇತ್ಯಾತ್ಮಸದ್ಭಾವ ಉದೀರ್ಯತೇಽತ್ರಶ್ರುತ್ಯಾಪಿ ತಸ್ಮಾಚ್ಛ್ರುತಿರತ್ರ ಮಾನಮ್ ॥ ೬೦೭ ॥
693. ಯತ್ರಾಸ್ತಿ ಲೋಕೇ ಗತಿತಾರತಮ್ಯಂಉಚ್ಚಾವಚತ್ವಾನ್ವಿತಮತ್ರ ತತ್ಕೃತಮ್ । ಯಥೇಹ ತದ್ವತ್ಖಲು ದುಃಖಮಸ್ತೀ - ತ್ಯಾಲೋಚ್ಯ ಕೋ ವಾ ವಿರತಿಂ ನ ಯಾತಿ ॥ ೩೯ ॥
694. ಯತ್ರೋಪಭುಂಕ್ತೇ ವಿಷಯಾನ್ಸ್ಥೂಲಾನೇಷ ಮಹಾಮತಿಃ । ಅಹಂ ಮಮೇತಿ ಸೈಷಾಸ್ಯಾವಸ್ಥಾ ಜಾಗ್ರದಿತೀರ್ಯತೇ ॥ ೪೫೦ ॥
695. ಯತ್ಸ್ವಪ್ರಕಾಶಮಖಿಲಾತ್ಮಕಮಾಸುಷುಪ್ತೇ - ರೇಕಾತ್ಮನಾಹಮಹಮಿತ್ಯವಭಾತಿ ನಿತ್ಯಮ್ । ಬುದ್ಧೇಃ ಸಮಸ್ತವಿಕೃತೇರವಿಕಾರಿ ಬೋದ್ಧೃಯದ್ಬ್ರಹ್ಮ ತತ್ತ್ವಮಸಿ ಕೇವಲಬೋಧಮಾತ್ರಮ್ ॥ ೭೭೬ ॥
696. ಯಥಾ ಕುವಲಯೋಲ್ಲಾಸಶ್ಚಂದ್ರಸ್ಯೈವ ಪ್ರಸಾದತಃ । ತಥಾನಂದೋದಯೋಽಪ್ಯೇಷಾಂ ಸ್ಫುರಣಾದೇವ ವಸ್ತುನಃ ॥ ೬೭೨ ॥
697. ಯಥಾ ತಥಾ ಪುತ್ರಕಲತ್ರಮಿತ್ರ - ಸ್ನೇಹಾನುಬಂಧೈರ್ಗ್ರಥಿತೋ ಗೃಹಸ್ಥಃ । ಕದಾಪಿ ವಾ ತಾನ್ಪರಿಮುಚ್ಯ ಗೇಹಾ - ದ್ಗಂತುಂ ನ ಶಕ್ತೋ ಮ್ರಿಯತೇ ಮುಧೈವ ॥ ೪೫ ॥
698. ಯಥಾ ತಥೈವ ಸಾ ವೃತ್ತಿರ್ಬ್ರಹ್ಮಮಾತ್ರತಯಾ ಸ್ಥಿತಾ । ಪೃಥಙ್ ನ ಭಾತಿ ಬ್ರಹ್ಮೈವಾದ್ವಿತೀಯಮವಭಾಸತೇ ॥ ೮೨೫ ॥
699. ಯಥಾ ಪ್ರಸುಪ್ತಿಪ್ರತಿಭಾಸದೇಹೇಸ್ವಾತ್ಮತ್ವಧೀರೇಷ ತಥಾ ಹ್ಯನಾತ್ಮನಃ । ಜನ್ಮಾಪ್ಯಯಕ್ಷುದ್ಭಯತೃಟ್ಛ್ರಮಾದೀ - ನಾರೋಪಯತ್ಯಾತ್ಮನಿ ತಸ್ಯ ಧರ್ಮಾನ್ ॥ ೪೯೪ ॥
700. ಯಥಾ ವಸ್ತು ತಥಾ ಜ್ಞಾನಂ ಪ್ರಮಾಣೇನ ವಿಜಾಯತೇ । ನಾಪೇಕ್ಷತೇ ಚ ಯತ್ಕಿಂಚಿತ್ಕರ್ಮ ವಾ ಯುಕ್ತಿಕೌಶಲಮ್ ॥ ೧೯೦ ॥
701. ಯಥಾ ಸಮಾಧಿತ್ರಿತಯಂ ಯತ್ನೇನ ಕ್ರಿಯತೇ ಹೃದಿ । ತಥೈವ ಬಾಹ್ಯದೇಶೇಽಪಿ ಕಾರ್ಯಂ ದ್ವೈತನಿವೃತ್ತಯೇ ॥ ೮೭೮ ॥
702. ಯಥಾರ್ಥದರ್ಶನಂ ವಸ್ತುನ್ಯನರ್ಥಸ್ಯಾಪಿ ಚಿಂತನಮ್ । ಸಂಕಲ್ಪಸ್ಯಾಪಿ ಕಾಮಸ್ಯ ತದ್ವಧೋಪಾಯ ಇಷ್ಯತೇ ॥ ೬೯ ॥
703. ಯಥಾರ್ಥವಾದಿತಾ ಪುಂಸಾಂ ಶ್ರದ್ಧಾಜನನಕಾರಣಮ್ । ವೇದಸ್ಯೇಶ್ವರವಾಕ್ಯತ್ವಾದ್ಯಥಾರ್ಥತ್ವೇ ನ ಸಂಶಯಃ ॥ ೨೧೬ ॥
704. ಯಥಾಲೂತಾ ನಿಮಿತ್ತಂ ಚ ಸ್ವಪ್ರಧಾನತಯಾ ಭವೇತ್ । ಸ್ವಶರೀರಪ್ರಧಾನತ್ವೇನೋಪಾದಾನಂ ತಥೇಶ್ವರಃ ॥ ೩೩೪ ॥
705. ಯಥಾವದ್ಭೇದಬುದ್ಧ್ಯೇದಂ ಜಗಜ್ಜಾಗ್ರದಿತೀರ್ಯತೇ । ಅದ್ವೈತೇ ಸ್ಥೈರ್ಯಮಾಯಾತೇ ದ್ವೈತೇ ಚ ಪ್ರಶಮಂ ಗತೇ ॥ ೯೬೦ ॥
706. ಯಥಾಸ್ಥಿತಮಿದಂ ಸರ್ವಂ ವ್ಯವಹಾರವತೋಽಪಿ ಚ । ಅಸ್ತಂ ಗತಂ ಸ್ಥಿತಂ ವ್ಯೋಮ ಸ ಜೀವನ್ಮುಕ್ತ ಉಚ್ಯತೇ ॥ ೯೬೭ ॥
707. ಯದನಾದ್ಯಂತಮವ್ಯಕ್ತಂ ಚೈತನ್ಯಮಜಮಕ್ಷರಮ್ । ಮಹಾಪ್ರಪಂಚೇನ ಸಹಾವಿವಿಕ್ತಂ ಸದಯೋಽಗ್ನಿವತ್ ॥ ೪೫೪ ॥
708. ಯದಾಲಂಬೋ ದರಂ ಹಂತಿ ಸತಾಂ ಪ್ರತ್ಯೂಹಸಂಭವಮ್ । ತದಾಲಂಬೇ ದಯಾಲಂಬಂ ಲಂಬೋದರಪದಾಂಬುಜಮ್ ॥ ೩ ॥
709. ಯದಾಸ್ತ್ಯುಪಾಧಿಸ್ತದಭಿನ್ನ ಆತ್ಮಾತದಾ ಸಜಾತೀಯ ಇವಾವಭಾತಿ । ಸ್ವಪ್ನಾರ್ಥತಸ್ತಸ್ಯ ಮೃಷಾತ್ಮಕತ್ವಾ - ತ್ತದಪ್ರತೀತೌ ಸ್ವಯಮೇಷ ಆತ್ಮಾ । ಬ್ರಹ್ಮೈಕ್ಯತಾಮೇತಿ ಪೃಥಙ್ ನ ಭಾತಿತತಃ ಸಜಾತೀಯಕೃತೋ ನ ಭೇದಃ ॥ ೬೯೩ ॥
710. ಯದಿದಂ ಪರಮಂ ಸತ್ಯಂ ತತ್ತ್ವಂ ಸಚ್ಚಿತ್ಸುಖಾತ್ಮಕಮ್ । ಅಜರಾಮರಣಂ ನಿತ್ಯಂ ಸತ್ಯಮೇತದ್ವಚೋ ಮಮ ॥ ೭೭೨ ॥
711. ಯದ್ಯತ್ಸ್ವಾಭಿಮತಂ ವಸ್ತು ತತ್ತ್ಯಜನ್ಮೋಕ್ಷಮಶ್ನುತೇ । ಅಸಂಕಲ್ಪೇನ ಶಸ್ತ್ರೇಣ ಛಿನ್ನಂ ಚಿತ್ತಮಿದಂ ಯದಾ ॥ ೧೦೦೧ ॥
712. ಯದ್ಯದುಕ್ತಂ ಜ್ಞಾನಶಾಸ್ತ್ರೇ ಶ್ರವಣಾದಿಕಮೇಷು ಯಃ । ನಿರತಃ ಕರ್ಮಧೀಹೀನಃ ಜ್ಞಾನನಿಷ್ಠಃ ಸ ಏವ ಹಿ ॥ ೧೨೩ ॥
713. ಯದ್ಯದ್ದೃಷ್ಟಂ ಭ್ರಾಂತಿಮತ್ಯಾ ಸ್ವದೃಷ್ಟ್ಯಾತತ್ತತ್ಸಮ್ಯಗ್ವಸ್ತುದೃಷ್ಟ್ಯಾ ತ್ವಮೇವ । ತ್ವತ್ತೋ ನಾನ್ಯದ್ವಸ್ತು ಕಿಂಚಿತ್ತು ಲೋಕೇಕಸ್ಮಾದ್ಭೀತಿಸ್ತೇ ಭವೇದದ್ವಯಸ್ಯ ॥ ೭೮೨ ॥
714. ಯದ್ಯನ್ನಿಷ್ಪಾದ್ಯತೇ ಕರ್ಮ ಪುಣ್ಯಂ ವಾ ಪಾಪಮೇವ ವಾ । ವಾಗಾದಿಭಿಶ್ಚ ವಪುಷಾ ತತ್ಪ್ರಾಣಮಯಕರ್ತೃಕಮ್ ॥ ೩೮೨ ॥
715. ಯದ್ಯಸ್ತಿ ಚಾತ್ಮಾ ಕಿಮು ನೋಪಲಭ್ಯತೇಸುಪ್ತೌ ಯಥಾ ತಿಷ್ಠತಿ ಕಿಂ ಪ್ರಮಾಣಮ್ । ಕಿಂಲಕ್ಷಣೋಽಸೌ ಸ ಕಥಂ ನ ಬಾಧ್ಯತೇಪ್ರಬಾಧ್ಯಮಾನೇಷ್ವಹಮಾದಿಷು ಸ್ವಯಮ್ ॥ ೫೮೨ ॥
716. ಯದ್ಯೇನ ವರ್ಧತೇ ತೇನ ನಾಶಸ್ತಸ್ಯ ನ ಸಿಧ್ಯತಿ । ಯೇನ ಯಸ್ಯ ಸಹಾವಸ್ಥಾ ನಿರೋಧಾಯ ನ ಕಲ್ಪತೇ ॥ ೫೧೩ ॥
717. ಯನ್ನ ಸ್ವಬಂಧೋಽಭಿಮತೋ ಮೂಢಸ್ಯಾಪಿ ಕ್ವಚಿತ್ತತಃ । ನಿವೃತ್ತಿಃ ಕರ್ಮಸಂನ್ಯಾಸಃ ಕರ್ತವ್ಯೋ ಮೋಕ್ಷಕಾಂಕ್ಷಿಭಿಃ ॥ ೨೦೨ ॥
718. ಯಮಸ್ಯ ಕಾಮಸ್ಯ ಚ ತಾರತಮ್ಯಂವಿಚಾರ್ಯಮಾಣೇ ಮಹದಸ್ತಿ ಲೋಕೇ । ಹಿತಂ ಕರೋತ್ಯಸ್ಯ ಯಮೋಽಪ್ರಿಯಃ ಸ - ನ್ಕಾಮಸ್ತ್ವನರ್ಥಂ ಕುರುತೇ ಪ್ರಿಯಃ ಸನ್ ॥ ೫೫ ॥
719. ಯಮಾಲಯೇ ವಾಪಿ ಗೃಹೇಽಪಿ ನೋ ನೃಣಾಂತಾಪತ್ರಯಕ್ಲೇಶನಿವೃತ್ತಿರಸ್ತಿ । ಕಿಂಚಿತ್ಸಮಾಲೋಕ್ಯ ತು ತದ್ವಿರಾಮಂಸುಖಾತ್ಮನಾ ಪಶ್ಯತಿ ಮೂಢಲೋಕಃ ॥ ೫೪ ॥
720. ಯಮಾವಲೋಕೋದಿತಭೀತಿಕಂಪ - ಮರ್ಮವ್ಯಥೋಚ್ಛ್ವಾಸಗತೀಶ್ಚ ವೇದನಾಮ್ । ಪ್ರಾಣಪ್ರಯಾಣೇ ಪರಿದೃಶ್ಯಮಾನಾಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೩ ॥
721. ಯಮೇಷು ನಿರತೋ ಯಸ್ತು ನಿಯಮೇಷು ಚ ಯತ್ನತಃ । ವಿವೇಕಿನಸ್ತಸ್ಯ ಚಿತ್ತಂ ಪ್ರಸಾದಮಧಿಗಚ್ಛತಿ ॥ ೩೬೩ ॥
722. ಯಮೋಽಯಮಿತಿ ಸಂಪ್ರೋಕ್ತೋಽಭ್ಯಸನೀಯೋ ಮುಹುರ್ಮುಹುಃ । ಸಜಾತೀಯಪ್ರವಾಹಶ್ಚ ವಿಜಾತೀಯತಿರಸ್ಕೃತಿಃ ॥ ೯೧೨ ॥
723. ಯಮೋಽಸತಾಮೇವ ಕರೋತ್ಯನರ್ಥಂಸತಾಂ ತು ಸೌಖ್ಯಂ ಕುರುತೇ ಹಿತಃ ಸನ್ । ಕಾಮಃ ಸತಾಮೇವ ಗತಿಂ ನಿರುಂಧ - ನ್ಕರೋತ್ಯನರ್ಥಂ ಹ್ಯಸತಾಂ ನು ಕಾ ಕಥಾ ॥ ೫೬ ॥
724. ಯಸ್ಯ ಕಸ್ಯಾಪಿ ಯೋಗೇನ ಯತ್ರ ಕುತ್ರಾಪಿ ದೃಶ್ಯತೇ । ಆನಂದಃ ಸ ಪರಸ್ಯೈವ ಬ್ರಹ್ಮಣಃ ಸ್ಫೂರ್ತಿಲಕ್ಷಣಃ ॥ ೬೭೧ ॥
725. ಯಸ್ಯ ಚಿತ್ತಂ ನಿರ್ವಿಷಯಂ ಹೃದಯಂ ಯಸ್ಯ ಶೀತಲಮ್ । ತಸ್ಯ ಮಿತ್ರಂ ಜಗತ್ಸರ್ವಂ ತಸ್ಯ ಮುಕ್ತಿಃ ಕರಸ್ಥಿತಾ ॥ ೩೭೧ ॥
726. ಯಸ್ಯ ದೇಹಾದಿಕಂ ನಾಸ್ತಿ ಯಸ್ಯ ಬ್ರಹ್ಮೇತಿ ನಿಶ್ಚಯಃ । ಪರಮಾನಂದಪೂರ್ಣೋ ಯಃ ಸ ಜೀವನ್ಮುಕ್ತ ಉಚ್ಯತೇ ॥ ೯೭೭ ॥
727. ಯಸ್ಯ ನಾಹಂಕೃತೋ ಭಾವೋ ಬುದ್ಧಿರ್ಯಸ್ಯ ನ ಲಿಪ್ಯತೇ । ಕುರ್ವತೋಽಕುರ್ವತೋ ವಾಪಿ ಸ ಜೀವನ್ಮುಕ್ತ ಉಚ್ಯತೇ ॥ ೯೭೧ ॥
728. ಯಸ್ಯ ಪ್ರಪಂಚಭಾನಂ ನ ಬ್ರಹ್ಮಾಕಾರಮಪೀಹ ನ । ಅತೀತಾತೀತಭಾವೋ ಯೋ ವಿದೇಹೋ ಮುಕ್ತ ಏವ ಸಃ ॥ ೯೮೪ ॥
729. ಯಸ್ಯ ಪ್ರಸಾದೇನ ವಿಮುಕ್ತಸಂಗಾಃಶುಕಾದಯಃ ಸಂಸೃತಿಬಂಧಮುಕ್ತಾಃ । ತಸ್ಯ ಪ್ರಸಾದೋ ಬಹುಜನ್ಮಲಭ್ಯೋಭಕ್ತ್ಯೈಕಗಮ್ಯೋ ಭವಮುಕ್ತಿಹೇತುಃ ॥ ೨೮೦ ॥
730. ಯಸ್ಯೇದಂ ಸಕಲಂ ವಿಭಾತಿ ಮಹಸಾ ತಸ್ಯ ಸ್ವಯಂಜ್ಯೋತಿಷಃಸೂರ್ಯಸ್ಯೇವ ಕಿಮಸ್ತಿ ಭಾಸಕಮಿಹ ಪ್ರಜ್ಞಾದಿ ಸರ್ವಂ ಜಡಮ್ । ನ ಹ್ಯರ್ಕಸ್ಯ ವಿಭಾಸಕಂ ಕ್ಷಿತಿತಲೇ ದೃಷ್ಟಂ ತಥೈವಾತ್ಮನೋನಾನ್ಯಃ ಕೋಽಪ್ಯನುಭಾಸಕೋಽನುಭವಿತಾ ನಾತಃ ಪರಃ ಕಶ್ಚನ ॥ ೫೯೯ ॥
731. ಯಸ್ಯೈತದ್ವಿದ್ಯತೇ ಸರ್ವಂ ತಸ್ಯ ಚಿತ್ತಂ ಪ್ರಸೀದತಿ । ನ ತ್ವೇತದ್ಧರ್ಮಶೂನ್ಯಸ್ಯ ಪ್ರಕಾರಾಂತರಕೋಟಿಭಿಃ ॥ ೧೦೮ ॥
732. ಯಾತ್ಯೇಷ ವಿಷಯಾನಂದೋ ಯಸ್ತು ಪುಣ್ಯೈಕಸಾಧನಃ । ಯೇ ತು ವೈಷಯಿಕಾನಂದಂ ಭುಂಜತೇ ಪುಣ್ಯಕಾರಿಣಃ ॥ ೬೫೦ ॥
733. ಯಾವದ್ಯಾವಚ್ಚ ಸದ್ಬುದ್ಧೇ ಸ್ವಯಂ ಸಂತ್ಯಜ್ಯತೇಽಖಿಲಮ್ । ತಾವತ್ತಾವತ್ಪರಾನಂದಃ ಪರಮಾತ್ಮೈವ ಶಿಷ್ಯತೇ ॥ ೯೯೯ ॥
734. ಯಾವನ್ನ ತತ್ತ್ವಂಪದಯೋರರ್ಥಃ ಸಮ್ಯಗ್ವಿಚಾರ್ಯತೇ । ತಾವದೇವ ನೃಣಾಂ ಬಂಧೋ ಮೃತ್ಯುಸಂಸಾರಲಕ್ಷಣಃ ॥ ೭೦೪ ॥
735. ಯಾವನ್ನ ತರ್ಕೇಣ ನಿರಾಸಿತೋಽಪಿದೃಶ್ಯಪ್ರಪಂಚಸ್ತ್ವಪರೋಕ್ಷಬೋಧಾತ್ । ವಿಲೀಯತೇ ತಾವದಮುಷ್ಯ ಭಿಕ್ಷೋ - ರ್ಧ್ಯಾನಾದಿ ಸಮ್ಯಕ್ಕರಣೀಯಮೇವ ॥ ೮೧೮ ॥
736. ಯಾವನ್ನಾಶ್ರಯತೇ ರೋಗೋ ಯಾವನ್ನಾಕ್ರಮತೇ ಜರಾ । ಯಾವನ್ನ ಧೀರ್ವಿಪರ್ಯೇತಿ ಯಾವನ್ಮೃತ್ಯುಂ ನ ಪಶ್ಯತಿ ॥ ೨೪೨ ॥
737. ಯುಕ್ತ್ಯಾತ್ಮಾನಾತ್ಮನೋಽಸ್ತಸ್ಮಾತ್ಕರಣೀಯಂ ವಿವೇಚನಮ್ । ಅನಾತ್ಮನ್ಯಾತ್ಮತಾಬುದ್ಧಿಗ್ರಂಥಿರ್ಯೇನ ವಿದೀರ್ಯತೇ ॥ ೫೧೯ ॥
738. ಯೇನ ನಾರಾಧಿತೋ ದೇವೋ ಯಸ್ಯ ನೋ ಗುರ್ವನುಗ್ರಹಃ । ನ ವಶ್ಯಂ ಹೃದಯಂ ಯಸ್ಯ ತಸ್ಯ ಶಾಂತಿರ್ನ ಸಿಧ್ಯತಿ ॥ ೧೦೩ ॥
739. ಯೇನಾನುಭೂಯತೇ ಸರ್ವಂ ಜಾಗ್ರತ್ಸ್ವಪ್ನಸುಷುಪ್ತಿಷು । ವಿಜ್ಞಾತಾರಮಿಮಂ ಕೋ ನು ಕಥಂ ವೇದಿತುಮರ್ಹತಿ ॥ ೬೦೦ ॥
740. ಯೇಷಾಮಾಶಾ ನಿರಾಶಾ ಸ್ಯಾ - ದ್ದಾರಾಪತ್ಯಧನಾದಿಷು । ತೇಷಾಂ ಸಿಧ್ಯತಿ ನಾನ್ಯೇಷಾಂಮೋಕ್ಷಾಶಾಭಿಮುಖೀ ಗತಿಃ ॥ ೮೬ ॥
741. ಯೋ ಜಾಗರ್ತ್ತಿ ಸುಷುಪ್ತಿಸ್ಥೋ ಯಸ್ಯ ಜಾಗ್ರನ್ನ ವಿದ್ಯತೇ । ಯಸ್ಯ ನಿರ್ವಾಸನೋ ಬೋಧಃ ಸ ಜೀವನ್ಮುಕ್ತ ಉಚ್ಯತೇ ॥ ೯೬೯ ॥
742. ಯೋ ಬಿಂಬಭೂತ ಆನಂದಃ ಸ ಆತ್ಮಾನಂದಲಕ್ಷಣಃ । ಶಾಶ್ವತೋ ನಿರ್ದ್ವಯಃ ಪೂರ್ಣೋ ನಿತ್ಯ ಏಕೋಽಪಿ ನಿರ್ಭಯಃ ॥ ೬೫೫ ॥
743. ಯೋಗಂ ಸಮಾರೋಹತಿ ಯೋ ಮುಮುಕ್ಷುಃಕ್ರಿಯಾಂತರಂ ತಸ್ಯ ನ ಯುಕ್ತಮೀಷತ್ । ಕ್ರಿಯಾಂತರಾಸಕ್ತಮನಾಃ ಪತತ್ಯಸೌತಾಲದ್ರುಮಾರೋಹಣಕರ್ತೃವದ್ಧ್ರುವಮ್ ॥ ೮೬೪ ॥
744. ಯೋಗಮಭ್ಯಸ್ಯತೋ ಭಿಕ್ಷೋರ್ಯೋಗಾಚ್ಚಲಿತಚೇತಸಃ । ಪ್ರಾಪ್ಯ ಪುಣ್ಯಕೃತಾಂಲ್ಲೋಕಾನಿತ್ಯಾದಿ ಪ್ರಾಹ ಕೇಶವಃ ॥ ೧೪೬ ॥
745. ಯೋಗಾರೂಢಸ್ಯ ಸಿದ್ಧಸ್ಯ ಕೃತಕೃತ್ಯಸ್ಯ ಧೀಮತಃ । ನಾಸ್ತ್ಯೇವ ಹಿ ಬಹಿರ್ದೃಷ್ಟಿಃ ಕಾ ಕಥಾ ತತ್ರ ಕರ್ಮಣಾಮ್ । ದೃಶ್ಯಾನುವಿದ್ಧಃ ಕಥಿತಃ ಸಮಾಧಿಃ ಸವಿಕಲ್ಪಕಃ ॥ ೮೬೫ ॥
746. ಯೋಽಹಂ ಮಮೇತ್ಯಾದ್ಯಸದಾತ್ಮಗಾಹಕೋಗ್ರಂಥಿರ್ಲಯಂ ಯಾತಿ ಸ ವಾಸನಾಮಯಃ । ಸಮಾಧಿನಾ ನಶ್ಯತಿ ಕರ್ಮಬಂಧೋಬ್ರಹ್ಮಾತ್ಮಬೋಧೋಽಪ್ರತಿಬಂಧ ಇಷ್ಯತೇ ॥ ೯೦೬ ॥
747. ರಕ್ಷಾ ತಿತಿಕ್ಷಾಸದೃಶೀ ಮುಮುಕ್ಷೋ - ರ್ನ ವಿದ್ಯತೇಽಸೌ ಪವಿನಾ ನ ಭಿದ್ಯತೇ । ಯಾಮೇವ ಧೀರಾಃ ಕವಚೀವ ವಿಘ್ನಾ - ನ್ಸರ್ವಾಂಸ್ತೃಣೀಕೃತ್ಯ ಜಯಂತಿ ಮಾಯಾಮ್ ॥ ೧೩೮ ॥
748. ರಜಸಸ್ತಮಸಶ್ಚೈವ ಪ್ರಾಬಲ್ಯಂ ಸತ್ತ್ವಹಾನತಃ । ಜೀವೋಪಾಧೌ ತಥಾ ಜೀವೇ ತತ್ಕಾರ್ಯಂ ಬಲವತ್ತರಮ್ ॥ ೫೦೭ ॥
749. ರಜಸ್ತಮೋಭ್ಯಾಂ ಮಲಿನಂ ತ್ವಶುದ್ಧ - ಮಜ್ಞಾನಜಂ ಸತ್ತ್ವಗುಣೇನ ರಿಕ್ತಮ್ । ಮನಸ್ತಮೋದೋಷಸಮನ್ವಿತತ್ವಾ - ಜ್ಜಡತ್ವಮೋಹಾಲಸತಾಪ್ರಮಾದೈಃ । ತಿರಸ್ಕೃತಂ ಸನ್ನ ತು ವೇತ್ತಿ ವಾಸ್ತವಂಪದಾರ್ಥತತ್ತ್ವಂ ಹ್ಯುಪಲಭ್ಯಮಾನಮ್ ॥ ೩೫೯ ॥
750. ರಜೋದೋಷೈರ್ಯುಕ್ತಂ ಯದಿ ಭವತಿ ವಿಕ್ಷೇಪಕಗುಣೈಃಪ್ರತೀಪೈಃ ಕಾಮಾದ್ಯೈರನಿಶಮಭಿಭೂತಂ ವ್ಯಥಯತಿ । ಕಥಂಚಿತ್ಸೂಕ್ಷ್ಮಾರ್ಥಾವಗತಿಮದಪಿ ಭ್ರಾಮ್ಯತಿ ಭೃಶಂಮನೋ ದೀಪೋ ಯದ್ವತ್ಪ್ರಬಲಮರುತಾ ಧ್ವಸ್ತಮಹಿಮಾ ॥ ೩೬೦ ॥
751. ರಜ್ಜೋಃ ಸ್ವರೂಪಾಧಿಗಮೇ ನ ಸರ್ಪಧೀರಜ್ಜ್ವಾಂ ವಿಲೀನಾ ತು ಯಥಾ ತಥೈವ । ಬ್ರಹ್ಮಾವಗತ್ಯಾ ತು ಜಗತ್ಪ್ರತೀತಿ - ಸ್ತತ್ರೈವ ಲೀನಾ ತು ಸಹ ಭ್ರಮೇಣ ॥ ೬೯೧ ॥
752. ರಜ್ಜೋಸ್ತು ತತ್ತ್ವಮನವೇಕ್ಷ್ಯ ಗೃಹೀತಸರ್ಪ - ಭಾವಃ ಪುಮಾನಯಮಹಿರ್ವಸತೀತಿ ಮೋಹಾತ್ । ಆಕ್ರೋಶತಿ ಪ್ರತಿಬಿಭೇತಿ ಚ ಕಂಪತೇ ತ - ನ್ಮಿಥ್ಯೈವ ನಾತ್ರ ಭುಜಗೋಽಸ್ತಿ ವಿಚಾರ್ಯಮಾಣೇ ॥ ೨೬೮ ॥
753. ರತ್ನೇ ಯದಿ ಶಿಲಾಬುದ್ಧಿರ್ಜಾಯತೇ ವಾ ಭಯಂ ತತಃ । ಸಮೀಚೀನತ್ವಧೀರ್ನೈತಿ ನೋಪಾದೇಯತ್ವಧೀರಪಿ ॥ ೬೮ ॥
754. ರವೇರ್ಯಥಾ ಕರ್ಮಣಿ ಸಾಕ್ಷಿಭಾವೋವಹ್ನೇರ್ಯಥಾ ವಾಯಸಿ ದಾಹಕತ್ವಮ್ । ರಜ್ಜೋರ್ಯಥಾರೋಪಿತವಸ್ತುಸಂಗ - ಸ್ತಥೈವ ಕೂಟಸ್ಥಚಿದಾತ್ಮನೋ ಮೇ ॥ ೯೩೫ ॥
755. ರಾಗದ್ವೇಷಭಯಾದೀನಾಮನುರೂಪಂ ಚರನ್ನಪಿ । ಯೋಽಂತರ್ವ್ಯೋಮವದತ್ಯಚ್ಛಃ ಸ ಜೀವನ್ಮುಕ್ತ ಉಚ್ಯತೇ ॥ ೯೭೦ ॥
756. ರಾಜಸೀಂ ತು ಕ್ರಿಯಾಶಕ್ತಿಂ ತಮಃಶಕ್ತಿಂ ಜಡಾತ್ಮಿಕಾಮ್ । ಪ್ರಕಾಶರೂಪಿಣೀಂ ಸತ್ತ್ವಶಕ್ತಿಂ ಪ್ರಾಹುರ್ಮಹರ್ಷಯಃ ॥ ೩೮೦ ॥
757. ರಾಜ್ಞೋ ಭಯಂ ಚೋರಭಯಂ ಪ್ರಮಾದಾ - ದ್ಭಯಂ ತಥಾ ಜ್ಞಾತಿಭಯಂ ಚ ವಸ್ತುತಃ । ಧನಂ ಭಯಗ್ರಸ್ತಮನರ್ಥಮೂಲಂಯತಃ ಸತಾಂ ನೈವ ಸುಖಾಯ ಕಲ್ಪತೇ ॥ ೭೧ ॥
758. ರುದ್ರಸ್ತ್ವಹಂಕೃತೇರ್ದೈವಂ ಕ್ಷೇತ್ರಜ್ಞಶ್ಚಿತ್ತದೈವತಮ್ । ದಿಗಾದ್ಯಾ ದೇವತಾಃ ಸರ್ವಾಃ ಖಾದಿಸತ್ತ್ವಾಂಶಸಂಭವಾಃ ॥ ೪೧೯ ॥
759. ರೂಪಜ್ಞಾನಂ ಯಥಾ ಸಮ್ಯಗ್ದೃಷ್ಟೌ ಸತ್ಯಾಂ ಭವೇತ್ತಥಾ । ಶ್ರುತಿಪ್ರಮಾಣೇ ಸತ್ಯೇವ ಜ್ಞಾನಂ ಭವತಿ ವಾಸ್ತವಮ್ ॥ ೧೯೪ ॥
760. ಲಕ್ಷಣಾ ಹ್ಯುಪಗಂತವ್ಯಾ ತತೋ ವಾಕ್ಯಾರ್ಥಸಿದ್ಧಯೇ । ವಾಚ್ಯಾರ್ಥಾನುಪಪತ್ತ್ಯೈವ ಲಕ್ಷಣಾಭ್ಯುಪಗಮ್ಯತೇ ॥ ೭೩೩ ॥
761. ಲಕ್ಷಯತ್ಯನಯಾ ಸಮ್ಯಗ್ಭಾಗಲಕ್ಷಣಯಾ ತತಃ । ಸರ್ವೋಪಾಧಿವಿನಿರ್ಮುಕ್ತಂ ಸಚ್ಚಿದಾನಂದಮದ್ವಯಮ್ ॥ ೭೬೦ ॥
762. ಲಕ್ಷ್ಯತೇ ಪ್ರತಿಬಿಂಬೇನಾಭಾಸಾನಂದೇನ ಬಿಂಬವತ್ । ಪ್ರತಿಬಿಂಬೋ ಬಿಂಬಮೂಲೋ ವಿನಾ ಬಿಂಬಂ ನ ಸಿಧ್ಯತಿ ॥ ೬೫೬ ॥
763. ಲಬ್ಧ್ವಾ ಸುದುರ್ಲಭತರಂ ನರಜನ್ಮ ಜಂತು - ಸ್ತತ್ರಾಪಿ ಪೌರುಷಮತಃ ಸದಸದ್ವಿವೇಕಮ್ । ಸಂಪ್ರಾಪ್ಯ ಚೈಹಿಕಸುಖಾಭಿರತೋ ಯದಿ ಸ್ಯಾ - ದ್ಧಿಕ್ತಸ್ಯ ಜನ್ಮ ಕುಮತೇಃ ಪುರುಷಾಧಮಸ್ಯ ॥ ೨೪೦ ॥
764. ಲಿಂಗಮಿತ್ಯುಚ್ಯತೇ ಸ್ಥೂಲಾಪೇಕ್ಷಯಾ ಸೂಕ್ಷ್ಮಮಿಷ್ಯತೇ । ಸರ್ವಂ ಲಿಂಗವಪುರ್ಜಾತಮೇಕಧೀವಿಷಯತ್ವತಃ ॥ ೩೮೬ ॥
765. ಲೋಕಾಂತರೇ ವಾತ್ರ ಗುಹಾಂತರೇ ವಾತೀರ್ಥಾಂತರೇ ಕರ್ಮಪರಂಪರಾಂತರೇ । ಶಾಸ್ತ್ರಾಂತರೇ ನಾಸ್ತ್ಯನುಪಶ್ಯತಾಮಿಹಸ್ವಯಂ ಪರಂ ಬ್ರಹ್ಮ ವಿಚಾರ್ಯಮಾಣೇ ॥ ೨೯೦ ॥
766. ಲೋಭಃ ಕ್ರೋಧಶ್ಚ ಡಂಭಶ್ಚ ಮದೋ ಮತ್ಸರ ಏವ ಚ । ವರ್ಧತೇ ವಿತ್ತಸಂಪ್ರಾಪ್ತ್ಯಾ ಕಥಂ ತಚ್ಚಿತ್ತಶೋಧನಮ್ ॥ ೭೯ ॥
767. ವಕ್ಷ್ಯೇ ತುಭ್ಯಂ ಜ್ಞಾನಭೂಮಿಕಾಯಾ ಲಕ್ಷಣಮಾದಿತಃ । ಜ್ಞಾತೇ ಯಸ್ಮಿಂಸ್ತ್ವಯಾ ಸರ್ವಂ ಜ್ಞಾತಂ ಸ್ಯಾತ್ಪೃಷ್ಟಮದ್ಯ ಯತ್ ॥ ೯೩೮ ॥
768. ವದಂತಮೇವಂ ತಂ ಶಿಷ್ಯಂ ದೃಷ್ಟ್ಯೈವ ದಯಯಾ ಗುರುಃ । ದದ್ಯಾದಭಯಮೇತಸ್ಮೈ ಮಾ ಭೈಷ್ಟೇತಿ ಮುಹುರ್ಮುಹುಃ ॥ ೨೬೫ ॥
769. ವನಸ್ಯ ವ್ಯಷ್ಟ್ಯಭಿಪ್ರಾಯಾದ್ಭೂರುಹಾ ಇತ್ಯನೇಕತಾ । ಯಥಾ ತಥೈವಾಜ್ಞಾನಸ್ಯ ವ್ಯಷ್ಟಿತಃ ಸ್ಯಾದನೇಕತಾ ॥ ೩೧೭ ॥
770. ವಸ್ತು ತಾವತ್ಪರಂ ಬ್ರಹ್ಮ ನಿತ್ಯಂ ಸತ್ಯಂ ಧ್ರುವಂ ವಿಭು । ಶ್ರುತಿಪ್ರಮಾಣೇ ತಜ್ಜ್ಞಾನಂ ಸ್ಯಾದೇವ ನಿರಪೇಕ್ಷಕಮ್ ॥ ೧೯೩ ॥
771. ವಸ್ತು ತಾವತ್ಪರಂ ಬ್ರಹ್ಮ ಸತ್ಯಜ್ಞಾನಾದಿಲಕ್ಷಣಮ್ । ಇದಮಾರೋಪಿತಂ ಯತ್ರ ಭಾತಿ ಖೇ ನೀಲತಾದಿವತ್ ॥ ೨೯೮ ॥
772. ವಸ್ತುನ್ಯವಸ್ತ್ವಾರೋಪೋ ಯಃ ಸೋಽಧ್ಯಾರೋಪ ಇತೀರ್ಯತೇ । ಅಸರ್ಪಭೂತೇ ರಜ್ಜ್ವಾದೌ ಸರ್ಪತ್ವಾರೋಪಣಂ ಯಥಾ ॥ ೨೯೭ ॥
773. ವಸ್ತ್ವಂತರಸ್ಯಾಭಾವೇನ ನ ವ್ಯಾವೃತ್ತ್ಯಃ ಕದಾಚನ । ಕೇವಲೋ ನಿರ್ಗುಣಶ್ಚೇತಿ ನಿರ್ಗುಣತ್ವಂ ನಿರುಚ್ಯತೇ ॥ ೬೭೫ ॥
774. ವಾಕ್ಯಾರ್ಥ ಏವ ಜ್ಞಾತವ್ಯೋ ಮುಮುಕ್ಷೋರ್ಭವಮುಕ್ತಯೇ । ತಸ್ಮಾದವಹಿತೋ ಭೂತ್ವಾ ಶೃಣು ವಕ್ಷ್ಯೇ ಸಮಾಸತಃ ॥ ೭೦೬ ॥
775. ವಾಕ್ಯಾರ್ಥತ್ವೇ ವಿರೋಧೋಽಸ್ತಿ ಪ್ರತ್ಯಕ್ಷಾದಿಕೃತಸ್ತತಃ । ಸಂಗಚ್ಛತೇ ನ ವಾಕ್ಯಾರ್ಥಸ್ತದ್ವಿರೋಧಂ ಚ ವಚ್ಮಿ ತೇ ॥ ೭೨೦ ॥
776. ವಾಕ್ಯಾರ್ಥತ್ವೇ ವಿಶಿಷ್ಟಸ್ಯ ಸಂಸರ್ಗಸ್ಯ ಚ ವಾ ಪುನಃ । ಅಯಥಾರ್ಥತಯಾ ಸೋಽಯಂ ವಾಕ್ಯಾರ್ಥೋ ನ ಮತಃ ಶ್ರುತೇಃ ॥ ೭೨೭ ॥
777. ವಾಕ್ಯೇ ತತ್ತ್ವಮಸೀತ್ಯತ್ರ ಬ್ರಹ್ಮಾತ್ಮೈಕತ್ವಬೋಧಕೇ । ಪರೋಕ್ಷತ್ವಾಪರೋಕ್ಷತ್ವಾದಿವಿಶಿಷ್ಟಚಿತೋರ್ದ್ವಯೋಃ ॥ ೭೪೬ ॥
778. ವಾಕ್ಯೇ ತತ್ತ್ವಮಸೀತ್ಯತ್ರ ವಿದ್ಯತೇ ಯತ್ಪದತ್ರಯಮ್ । ತತ್ರಾದೌ ವಿದ್ಯಮಾನಸ್ಯ ತತ್ಪದಸ್ಯ ನಿಗದ್ಯತೇ ॥ ೭೦೮ ॥
779. ವಾಚಃ ಸಾಕ್ಷೀ ಪ್ರಾಣವೃತ್ತೇಶ್ಚ ಸಾಕ್ಷೀಬುದ್ಧೇಃ ಸಾಕ್ಷೀ ಬುದ್ಧಿವೃತ್ತೇಶ್ಚ ಸಾಕ್ಷೀ । ಚಕ್ಷುಃಶ್ರೋತ್ರಾದೀಂದ್ರಿಯಾಣಾಂ ಚ ಸಾಕ್ಷೀಸಾಕ್ಷೀ ನಿತ್ಯಃ ಪ್ರತ್ಯಗೇವಾಹಮಸ್ಮಿ ॥ ೮೩೬ ॥
780. ವಾಚ್ಯಾರ್ಥಸ್ಯ ತು ಸರ್ವಸ್ಯ ತ್ಯಾಗೇ ನ ಫಲಮೀಕ್ಷ್ಯತೇ । ನಾಲಿಕೇರಫಲಸ್ಯೇವ ಕಠಿನತ್ವಧಿಯಾ ನೃಣಾಮ್ ॥ ೭೩೯ ॥
781. ವಾಚ್ಯೈಕತ್ವವಿವಕ್ಷಾಯಾಂ ವಿರೋಧಃ ಕಃ ಪ್ರತೀಯತೇ । ಲಕ್ಷ್ಯಾರ್ಥಯೋರಭಿನ್ನತ್ವೇ ಸ ಕಥಂ ವಿನಿವರ್ತತೇ ॥ ೭೦೧ ॥
782. ವಾಯುನೋಚ್ಚಾಲಿತೋ ವೃಕ್ಷೋ ನಾನಾರೂಪೇಣ ಚೇಷ್ಟತೇ । ತಸ್ಮಿನ್ವಿನಿಶ್ಚಲೇ ಸೋಽಪಿ ನಿಶ್ಚಲಃ ಸ್ಯಾದ್ಯಥಾ ತಥಾ ॥ ೩೮೩ ॥
783. ವಾಯೋರಗ್ನಿಸ್ತಥೈವಾಗ್ನೇರಾಪೋಽದ್ಭ್ಯಃ ಪೃಥಿವೀ ಕ್ರಮಾತ್ । ಶಕ್ತೇಸ್ತಮಃಪ್ರಧಾನತ್ವಂ ತತ್ಕಾರ್ಯೇ ಜಾಡ್ಯದರ್ಶನಾತ್ ॥ ೩೩೬ ॥
784. ವಾಯ್ವರ್ಕವಹ್ನೀಂದ್ರಮುಖಾನ್ಸುರೇಂದ್ರಾ - ನೀಶೋಗ್ರಭೀತ್ಯಾ ಗ್ರಥಿತಾಂತರಂಗಾನ್ । ವಿಪಕ್ಷಲೋಕೈಃ ಪರಿದೂಯಮಾನಾ - ನ್ವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೬ ॥
785. ವಿಕ್ಷೇಪನಾಮ್ನೀ ರಜಸಸ್ತು ಶಕ್ತಿಃಪ್ರವೃತ್ತಿಹೇತುಃ ಪುರುಷಸ್ಯ ನಿತ್ಯಮ್ । ಸ್ಥೂಲಾದಿಲಿಂಗಾಂತಮಶೇಷಮೇತ - ದ್ಯಯಾ ಸದಾತ್ಮನ್ಯಸದೇವ ಸೂಯತೇ ॥ ೪೯೧ ॥
786. ವಿಕ್ಷೇಪಶಕ್ತ್ಯಾ ಪರಿಚೋದ್ಯಮಾನಃಕರೋತಿ ಕರ್ಮಾಣ್ಯುಭಯಾತ್ಮಕಾನಿ । ಭುಂಜಾನ ಏತತ್ಫಲಮಪ್ಯುಪಾತ್ತಂಪರಿಭ್ರಮತ್ಯೇವ ಭವಾಂಬುರಾಶೌ ॥ ೪೯೫ ॥
787. ವಿಚಾರಣಾಶುಭೇಚ್ಛಾಭ್ಯಾಮಿಂದ್ರಿಯಾರ್ಥೇಷು ರಕ್ತತಾ । ಯತ್ರ ಸಾ ತನುತಾಮೇತಿ ಪ್ರೋಚ್ಯತೇ ತನುಮಾನಸೀ ॥ ೯೪೩ ॥
788. ವಿಜಾತೀಯಶರೀರಾದಿಪ್ರತ್ಯಯತ್ಯಾಗಪೂರ್ವಕಮ್ । ಸಜಾತೀಯಾತ್ಮವೃತ್ತೀನಾಂ ಪ್ರವಾಹಕರಣಂ ಯಥಾ ॥ ೮೧೪ ॥
789. ವಿಜ್ಞಾತಪರಮಾರ್ಥಾನಾಂ ಶುದ್ಧಸತ್ತ್ವಾತ್ಮನಾಂ ಸತಾಮ್ । ಯತೀನಾಂ ಕಿಮನುಷ್ಠಾನಂ ಸ್ವಾನುಸಂಧಿಂ ವಿನಾಪರಮ್ ॥ ೮೬೧ ॥
790. ವಿಜ್ಞಾನಂ ಯಜ್ಞಂ ತನುತೇ ಕರ್ಮಾಣಿ ತನುತೇಽಪಿ ಚ । ಇತ್ಯಸ್ಯ ಕರ್ತೃತಾ ಶ್ರುತ್ಯಾ ಮುಖತಃ ಪ್ರತಿಪಾದ್ಯತೇ । ತಸ್ಮಾದ್ಯುಕ್ತಾತ್ಮತಾ ಬುದ್ಧೇರಿತಿ ಬೌದ್ಧೇನ ನಿಶ್ಚಿತಮ್ ॥ ೫೫೭ ॥
791. ವಿಜ್ಞಾನಂ ವಿಜ್ಞಾನವಿದಾಂ ಮಲಾನಾಂ ಚ ಮಲಾತ್ಮಕಮ್ । ಪುರುಷಃ ಸಾಂಖ್ಯದೃಷ್ಟೀನಾಮೀಶ್ವರೋ ಯೋಗವಾದಿನಾಮ್ ॥ ೯೮೧ ॥
792. ವಿಜ್ಞಾನಮಯಕೋಶಃ ಸ್ಯಾತ್ ಬುದ್ಧಿರ್ಜ್ಞಾನೇಂದ್ರಿಯೈಃ ಸಹ । ವಿಜ್ಞಾನಪ್ರಚುರತ್ವೇನಾಪ್ಯಾಚ್ಛಾದಕತಯಾತ್ಮನಃ ॥ ೩೫೦ ॥
793. ವಿಜ್ಞಾನಮಯಕೋಶೋಽಯಮಿತಿ ವಿದ್ವದ್ಭಿರುಚ್ಯತೇ । ಅಯಂ ಮಹಾನಹಂಕಾರವೃತ್ತಿಮಾನ್ಕರ್ತೃಲಕ್ಷಣಃ ॥ ೩೫೧ ॥
794. ವಿಜ್ಞಾನಮಯಾದನ್ಯಂ ತ್ವಾನಂದಮಯಂ ಪರಂ ತಥಾತ್ಮಾನಮ್ । ಅನ್ಯೋಽಂತರ ಆತ್ಮಾನಂದಮಯ ಇತಿ ವದತಿ ವೇದೋಽಪಿ ॥ ೫೬೧ ॥
795. ವಿದಿತಾವಿದಿತಾನ್ಯೋಽಹಂ ಮಾಯಾತತ್ಕಾರ್ಯಲೇಶಶೂನ್ಯೋಽಹಮ್ । ಕೇವಲದೃಗಾತ್ಮಕೋಽಹಂ ಸಂವಿನ್ಮಾತ್ರಃ ಸಕೃದ್ವಿಭಾತೋಽಹಮ್ ॥ ೮೬೮ ॥
796. ವಿದಿತ್ವಾ ಸಚ್ಚಿದಾನಂದೇ ಮಯಿ ದೃಶ್ಯಪರಂಪರಾಮ್ । ನಾಮರೂಪಪರಿತ್ಯಾಗೋ ಜಾಗ್ರತ್ಸ್ವಪ್ನಃ ಸಮೀರ್ಯತೇ ॥ ೯೫೦ ॥
797. ವಿದ್ಯಮಾನಸ್ಯ ಮಿಥ್ಯಾತ್ವಂ ಕಥಂ ನು ಘಟತೇ ಪ್ರಭೋ । ಪ್ರತ್ಯಕ್ಷಂ ಖಲು ಸರ್ವೇಷಾಂ ಪ್ರಮಾಣಂ ಪ್ರಸ್ಫುಟಾರ್ಥಕಮ್ ॥ ೨೭೩ ॥
798. ವಿದ್ಯಾಂ ಚಾವಿದ್ಯಾಂ ಚೇತಿ ಸಹೋಕ್ತಿರಿಯಮುಪಕೃತಾ ಸದ್ಭಿಃ । ಸತ್ಕರ್ಮೋಪಾಸನಯೋರ್ನ ತ್ವಾತ್ಮಜ್ಞಾನಕರ್ಮಣೋಃ ಕ್ವಾಪಿ ॥ ೧೯೭ ॥
799. ವಿದ್ವನ್ಮೃತ್ಯುಭಯಂ ಜಹೀಹಿ ಭವತೋ ನಾಸ್ತ್ಯೇವ ಮೃತ್ಯುಃ ಕ್ವಚಿ - ನ್ನಿತ್ಯಸ್ಯ ದ್ವಯವರ್ಜಿತಸ್ಯ ಪರಮಾನಂದಾತ್ಮನೋ ಬ್ರಹ್ಮಣಃ । ಭ್ರಾಂತ್ಯಾ ಕಿಂಚಿದವೇಕ್ಷ್ಯ ಭೀತಮನಸಾ ಮಿಥ್ಯಾ ತ್ವಯಾ ಕಥ್ಯತೇಮಾಂ ತ್ರಾಹೀತಿ ಹಿ ಸುಪ್ತವತ್ಪ್ರಲಪನಂ ಶೂನ್ಯಾತ್ಮಕಂ ತೇ ಮೃಷಾ ॥ ೨೬೬ ॥
800. ವಿದ್ವಾನಹಮಿದಮಿತಿ ವಾ ಕಿಂಚಿದ್ಬಾಹ್ಯಾಭ್ಯಂತರವೇದನಶೂನ್ಯಃ । ಸ್ವಾನಂದಾಮೃತಸಿಂಧುನಿಮಗ್ನ - ಸ್ತೂಷ್ಣೀಮಾಸ್ತೇ ಕಶ್ಚಿದನನ್ಯಃ ॥ ೮೭೬ ॥
801. ವಿನಿಷಿಧ್ಯಾಖಿಲಂ ದೃಶ್ಯಂ ಸ್ವಸ್ವರೂಪೇಣ ಯಾ ಸ್ಥಿತಿಃ । ಸಾ ಸಂಧ್ಯಾ ತದನುಷ್ಠಾನಂ ತದ್ದಾನಂ ತದ್ಧಿ ಭೋಜನಮ್ ॥ ೮೬೦ ॥
802. ವಿಪರೀತಾತ್ಮತಾಸ್ಫೂರ್ತಿರೇವ ಮುಕ್ತಿರಿತೀರ್ಯತೇ । ಸದಾ ಸಮಾಹಿತಸ್ಯೈವ ಸೈಷಾ ಸಿಧ್ಯತಿ ನಾನ್ಯಥಾ ॥ ೮೪೪ ॥
803. ವಿಪರೀತಾರ್ಥಧೀರ್ಯಾವನ್ನ ನಿಃಶೇಷಂ ನಿವರ್ತತೇ । ಸ್ವರೂಪಸ್ಫುರಣಂ ಯಾವನ್ನ ಪ್ರಸಿಧ್ಯತ್ಯನರ್ಗಲಮ್ । ತಾವತ್ಸಮಾಧಿಷಟ್ಕೇನ ನಯೇತ್ಕಾಲಂ ನಿರಂತರಮ್ ॥ ೯೦೧ ॥
804. ವಿರಾಡ್ ಹಿರಣ್ಯಗರ್ಭಶ್ಚ ಈಶ್ವರಶ್ಚೇತಿ ತೇ ತ್ರಯಮ್ । ಬ್ರಹ್ಮಾಂಡಂ ಚೈವ ಪಿಂಡಾಂಡಂ ಲೋಕಾ ಭೂರಾದಯಃ ಕ್ರಮಾತ್ ॥ ೯೯೧ ॥
805. ವಿರುದ್ಧಧರ್ಮಾಕ್ರಾಂತತತ್ವಾತ್ಪರಸ್ಪರವಿಲಕ್ಷಣೌ । ಜೀವೇಶೌ ವಹ್ನಿತುಹಿನಾವಿವ ಶಬ್ದಾರ್ಥತೋಽಪಿ ಚ ॥ ೭೨೪ ॥
806. ವಿರುದ್ಧಾಂಶಪರಿತ್ಯಾಗಾತ್ಪ್ರತ್ಯಕ್ಷಾದಿರ್ನ ಬಾಧತೇ । ಅವಿರುದ್ಧಾಂಶಗ್ರಹಣಾನ್ನ ಶ್ರುತ್ಯಾಪಿ ವಿರುಧ್ಯತೇ ॥ ೭೩೨ ॥
807. ವಿರುಧ್ಯತೇ ಭಾಗಮಾತ್ರೋ ನ ತು ಸರ್ವೋ ವಿರುಧ್ಯತೇ । ತಸ್ಮಾಜ್ಜಹಲ್ಲಕ್ಷಣಾಯಾಃ ಪ್ರವೃತ್ತಿರ್ನಾತ್ರ ಯುಜ್ಯತೇ ॥ ೭೩೮ ॥
808. ವಿರೂಪತಾಂ ಸರ್ವಜನಾದವಜ್ಞಾಂಸರ್ವತ್ರ ದೈನ್ಯಂ ನಿಜಬುದ್ಧಿಹೈನ್ಯಮ್ । ವೃದ್ಧತ್ವಸಂಭಾವಿತದುರ್ದಶಾಂ ತಾಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೧ ॥
809. ವಿವದಂತಿ ಪ್ರಕಾರಂ ತಂ ಶೃಣು ವಕ್ಷ್ಯಾಮಿ ಸಾದರಮ್ । ಅತ್ಯಂತಪಾಮರಃ ಕಶ್ಚಿತ್ಪುತ್ರ ಆತ್ಮೇತಿ ಮನ್ಯತೇ ॥ ೫೨೨ ॥
810. ವಿವರ್ತಸ್ಯಾಸ್ಯ ಜಗತಃ ಸನ್ಮಾತ್ರತ್ವೇನ ದರ್ಶನಮ್ । ಅಪವಾದ ಇತಿ ಪ್ರಾಹುರದ್ವೈತಬ್ರಹ್ಮದರ್ಶಿನಃ ॥ ೬೮೦ ॥
811. ವಿವೇಕಜಾಂ ತೀವ್ರವಿರಕ್ತಿಮೇವ ಮುಕ್ತೇರ್ನಿದಾನಂ ನಿಗದಂತಿ ಸಂತಃ । ತಸ್ಮಾದ್ವಿವೇಕೀ ವಿರತಿಂ ಮುಮುಕ್ಷುಃ ಸಂಪಾದಯೇತ್ತಾಂ ಪ್ರಥಮಂ ಪ್ರಯತ್ನಾತ್ ॥ ೯೧ ॥
812. ವಿವೇಕವಾನಪ್ಯತಿಯೌಕ್ತಿಕೋಽಪಿಶ್ರುತಾತ್ಮತತ್ತ್ವೋಽಪಿ ಚ ಪಂಡಿತೋಽಪಿ । ಶಕ್ತ್ಯಾ ಯಯಾ ಸಂವೃತಬೋಧದೃಷ್ಟಿ - ರಾತ್ಮಾನಮಾತ್ಮಸ್ಥಮಿಮಂ ನ ವೇದ ॥ ೪೯೦ ॥
813. ವಿವೇಕಿನೋ ವಿರಕ್ತಸ್ಯ ಬ್ರಹ್ಮನಿತ್ಯತ್ವವೇದಿನಃ । ತದ್ಭಾವೇಚ್ಛೋರನಿತ್ಯಾರ್ಥೇ ತತ್ಸಾಮಗ್ರ್ಯೇ ಕುತೋ ರತಿಃ ॥ ೧೭೧ ॥
814. ವಿವೇಕೋ ಜಂತೂನಾಂ ಪ್ರಭವತಿ ಜನಿಷ್ವೇವ ಬಹುಷುಪ್ರಸಾದಾದೇವೈಶಾದ್ಬಹುಸುಕೃತಪಾಕೋದಯವಶಾತ್ । ಯತಸ್ತಸ್ಮಾದೇವ ತ್ವಮಪಿ ಪರಮಾರ್ಥಾವಗಮನೇಕೃತಾರಂಭಃ ಪುಂಸಾಮಿದಮಿಹ ವಿವೇಕಸ್ಯ ತು ಫಲಮ್ ॥ ೨೮೧ ॥
815. ವಿಶೇಷಣಂ ತು ವ್ಯಾವೃತ್ತ್ಯೈ ಭವೇದ್ದ್ರವ್ಯಾಂತರೇ ಸತಿ । ಪರಮಾತ್ಮಾದ್ವಿತೀಯೋಽಯಂ ಪ್ರಪಂಚಸ್ಯ ಮೃಷಾತ್ವತಃ ॥ ೬೭೪ ॥
816. ವಿಶೇಷಣವಿಶೇಷ್ಯತ್ವಸಂಸರ್ಗಸ್ಯೇತರಸ್ಯ ವಾ । ವಾಕ್ಯಾರ್ಥತ್ವೇ ಪ್ರಮಾಣಾಂತರವಿರೋಧೋ ನ ವಿದ್ಯತೇ ॥ ೭೧೬ ॥
817. ವಿಶ್ವಸ್ಯ ವೃದ್ಧಿಂ ಸ್ವಯಮೇವ ಕಾಂಕ್ಷ - ನ್ಪ್ರವರ್ತಕಂ ಕಾಮಿಜನಂ ಸಸರ್ಜ । ತೇನೈವ ಲೋಕಃ ಪರಿಮುಹ್ಯಮಾನಃಪ್ರವರ್ಧತೇ ಚಂದ್ರಮಸೇವ ಚಾಬ್ಧಿಃ ॥ ೫೭ ॥
818. ವಿಶ್ವೋಽಸ್ಮಿನ್ಸ್ಥೂಲದೇಹೇಽತ್ರ ಸ್ವಾಭಿಮಾನೇನ ತಿಷ್ಠತಿ । ಯತಸ್ತತೋ ವಿಶ್ವ ಇತಿ ನಾಮ್ನಾ ಸಾರ್ಥೋ ಭವತ್ಯಯಮ್ ॥ ೪೪೨ ॥
819. ವಿಷಯಃ ಶುದ್ಧಚೈತನ್ಯಂ ಜೀವಬ್ರಹ್ಮೈಕ್ಯಲಕ್ಷಣಮ್ । ಯತ್ರೈವ ದೃಶ್ಯತೇ ಸರ್ವವೇದಾಂತಾನಾಂ ಸಮನ್ವಯಃ ॥ ೮ ॥
820. ವಿಷಯವ್ಯಾಪೃತಿಂ ತ್ಯಕ್ತ್ವಾ ಶ್ರವಣೈಕಮನಸ್ಥಿತಿಃ । ಮನಸಶ್ಚೇತರಾ ಶಾಂತಿರ್ಮಿಶ್ರಸತ್ತ್ವೈಕಲಕ್ಷಣಾ ॥ ೯೯ ॥
821. ವಿಸ್ಮೃತ್ಯ ವಸ್ತುನಸ್ತತ್ತ್ವಮಧ್ಯಾರೋಪ್ಯ ಚ ವಸ್ತುನಿ । ಅವಸ್ತುತಾಂ ಚ ತದ್ಧರ್ಮಾನ್ಮುಧಾ ಶೋಚತಿ ನಾನ್ಯಥಾ ॥ ೨೯೩ ॥
822. ವೃತ್ತಿವಿಸ್ಮರಣಂ ಸಮ್ಯಕ್ಸಮಾಧಿರ್ಧ್ಯಾನಸಂಜ್ಞಿಕಃ । ಸಮಾಧೌ ಕ್ರಿಯಮಾಣೇ ತು ವಿಘ್ನಾ ಹ್ಯಾಯಾಂತಿ ವೈ ಬಲಾತ್ ॥ ೯೨೧ ॥
823. ವೃತ್ತೇರ್ದೃಶ್ಯಪರಿತ್ಯಾಗೋ ಮುಖ್ಯಾರ್ಥ ಇತಿ ಕಥ್ಯತೇ । ಗೌಣಾರ್ಥಃ ಕರ್ಮಸಂನ್ಯಾಸಃ ಶ್ರುತೇರಂಗತಯಾ ಮತಃ ॥ ೨೦೬ ॥
824. ವೃತ್ತೌ ಚಿರಾನುಭೂತಾಂತರಾನಂದಾನುಭವಸ್ಥಿತೌ । ಸಮಾತ್ಮತಾಂ ಯೋ ಯಾತ್ಯೇಷ ಸುಪ್ತಿಸ್ವಪ್ನ ಇತೀರ್ಯತೇ ॥ ೯೫೬ ॥
825. ವೇದಾಂತವಾಕ್ಯಾನುಗುಣಯುಕ್ತಿಭಿಸ್ತ್ವನುಚಿಂತನಮ್ । ಮನನಂ ತಚ್ಛ್ರುತಾರ್ಥಸ್ಯ ಸಾಕ್ಷಾತ್ಕರಣಕಾರಣಮ್ ॥ ೮೧೩ ॥
826. ವೇದಾಂತಶಾಸ್ತ್ರಸಿದ್ಧಾಂತಸಾರಸಂಗ್ರಹ ಉಚ್ಯತೇ । ಪ್ರೇಕ್ಷಾವತಾಂ ಮುಮುಕ್ಷೂಣಾಂ ಸುಖಬೋಧೋಪಪತ್ತಯೇ ॥ ೪ ॥
827. ವೇದೇನಾಪ್ಯಸದೇವೇದಮಗ್ರ ಆಸೀದಿತಿ ಸ್ಫುಟಮ್ । ನಿರುಚ್ಯತೇ ಯತಸ್ತಸ್ಮಾಚ್ಛೂನ್ಯಸ್ಯೈವಾತ್ಮತಾ ಮತಾ ॥ ೫೭೪ ॥
828. ವೈರಾಗ್ಯರಹಿತಾ ಏವ ಯಮಾಲಯ ಇವಾಲಯೇ । ಕ್ಲಿಶ್ನಂತಿ ತ್ರಿವಿಧೈಸ್ತಾಪೈರ್ಮೋಹಿತಾ ಅಪಿ ಪಂಡಿತಾಃ ॥ ೯೩ ॥
829. ವೈಲಕ್ಷಣ್ಯಂ ಚ ಸಾಮಗ್ರ್ಯೋಶ್ಚೋಭಯತ್ರಾಧಿಕಾರಿಣೋಃ । ಕಾಮೀ ಕರ್ಮಣ್ಯಧಿಕೃತೋ ನಿಷ್ಕಾಮೀ ಶ್ರವಣೇ ಮತಃ ॥ ೧೭೮ ॥
830. ವೈಶ್ವಾನರೋ ವಿಶ್ವನರೇಷ್ವಾತ್ಮತ್ವೇನಾಭಿಮಾನತಃ । ವಿರಾಟ್ ಸ್ಯಾದ್ವಿವಿಧತ್ವೇನ ಸ್ವಯಮೇವ ವಿರಾಜನಾತ್ ॥ ೪೩೯ ॥
831. ವ್ಯಷ್ಟಿರೇಷಾಸ್ಯ ವಿಶ್ವಸ್ಯ ಭವತಿ ಸ್ಥೂಲವಿಗ್ರಹಃ । ಉಚ್ಯತೇಽನ್ನವಿಕಾರಿತ್ವಾತ್ಕೋಶೋಽನ್ನಮಯ ಇತ್ಯಯಮ್ ॥ ೪೪೩ ॥
832. ವ್ಯಷ್ಟಿರ್ಮಲಿನಸತ್ವೈಷಾ ರಜಸಾ ತಮಸಾ ಯುತಾ । ತತೋ ನಿಕೃಷ್ಟಾ ಭವತಿ ಯೋಪಾಧಿಃ ಪ್ರತ್ಯಗಾತ್ಮನಃ ॥ ೩೧೮ ॥
833. ವ್ಯುತ್ಕ್ರಮೇಣ ತದುತ್ಪತ್ತೇರ್ದ್ರಷ್ಟವ್ಯಂ ಸೂಕ್ಷ್ಮಬುದ್ಧಿಭಿಃ । ಪ್ರತೀತಸ್ಯಾಸ್ಯ ಜಗತಃ ಸನ್ಮಾತ್ರತ್ವಂ ಸುಯುಕ್ತಿಭಿಃ ॥ ೬೮೧ ॥
834. ವ್ರೀಹ್ಯಾದ್ಯೋಷಧಯಃ ಸರ್ವಾ ವಾಯುತೇಜೋಂಬುಭೂಮಯಃ । ಸರ್ವೇಷಾಮಪ್ಯಭೂದನ್ನಂ ಚತುರ್ವಿಧಶರೀರಿಣಾಮ್ ॥ ೪೩೨ ॥
835. ಶಕ್ತ್ಯಾ ಮಹತ್ಯಾವರಣಾಭಿಧಾನಯಾಸಮಾವೃತೇ ಸತ್ಯಮಲಸ್ವರೂಪೇ । ಪುಮಾನನಾತ್ಮನ್ಯಹಮೇಷ ಏವೇ - ತ್ಯಾತ್ಮತ್ವಬುದ್ಧಿಂ ವಿದಧಾತಿ ಮೋಹಾತ್ ॥ ೪೯೩ ॥
836. ಶಬ್ದಾದಿವಿಷಯೇಭ್ಯೋ ಯೋ ವಿಷವನ್ನ ನಿವರ್ತತೇ । ತೀವ್ರಮೋಕ್ಷೇಚ್ಛಯಾ ಭಿಕ್ಷೋಸ್ತಸ್ಯ ಶಾಂತಿರ್ನ ಸಿಧ್ಯತಿ ॥ ೧೦೨ ॥
837. ಶಮಾದಿಷಟ್ಕಸಂಪತ್ತಿಸ್ತೃತೀಯಂ ಸಾಧನಮ್ ಮತಮ್ । ತುರೀಯಂ ತು ಮುಮುಕ್ಷುತ್ವಂ ಸಾಧನಂ ಶಾಸ್ತ್ರಸಮ್ಮತಮ್ ॥ ೧೫ ॥
838. ಶಮೋ ದಮಸ್ತಿತಿಕ್ಷೋಪರತಿಃ ಶ್ರದ್ಧಾ ತತಃ ಪರಮ್ । ಸಮಾಧಾನಮಿತಿ ಪ್ರೋಕ್ತಂ ಷಡೇವೈತೇ ಶಮಾದಯಃ ॥ ೯೪ ॥
839. ಶರೀರಕರಣಗ್ರಾಮಾ ಪ್ರಾಣಾಹಮಧಿದೇವತಾಃ । ಪಂಚೈತೇ ಹೇತವಃ ಪ್ರೋಕ್ತಾ ನಿಷ್ಪತ್ತೌ ಸರ್ವಕರ್ಮಣಾಮ್ ॥ ೪೨೧ ॥
840. ಶರೀರತದ್ಯೋಗತದೀಯಧರ್ಮಾ - ದ್ಯಾರೋಪಣಂ ಭ್ರಾಂತಿವಶಾತ್ತ್ವಯೀದಮ್ । ನ ವಸ್ತುತಃ ಕಿಂಚಿದತಸ್ತ್ವಜಸ್ತ್ವಂಮೃತ್ಯೋರ್ಭಯಂ ಕ್ವಾಸ್ತಿ ತವಾಸಿ ಪೂರ್ಣಃ ॥ ೭೮೧ ॥
841. ಶಾಂತಾಶೇಷವಿಶೇಷಾಂಶಸ್ತಿಷ್ಠೇದದ್ವೈತಮಾತ್ರಕೇ । ಅಂತರ್ಮುಖತಯಾ ನಿತ್ಯಂ ಷಷ್ಠೀಂ ಭೂಮಿಮುಪಾಶ್ರಿತಃ ॥ ೯೬೨ ॥
842. ಶಾಸ್ತ್ರವಿದ್ಗುಣದೋಷಜ್ಞೋ ಭೋಗ್ಯಮಾತ್ರೇ ವಿನಿಸ್ಪೃಹಃ । ನಿತ್ಯಾನಿತ್ಯಪದಾರ್ಥಜ್ಞೋ ಮುಕ್ತಿಕಾಮೋ ದೃಢವ್ರತಃ ॥ ೨೩೪ ॥
843. ಶಾಸ್ತ್ರಸಜ್ಜನಸಂಪರ್ಕವೈರಾಗ್ಯಾಭ್ಯಾಸಪೂರ್ವಕಮ್ । ಸದಾಚಾರಪ್ರವೃತ್ತಿರ್ಯಾ ಪ್ರೋಚ್ಯತೇ ಸಾ ವಿಚಾರಣಾ ॥ ೯೪೨ ॥
844. ಶಾಸ್ತ್ರಾರ್ಥಕೋವಿದೈರರ್ಥೋ ವಾಚ್ಯೋ ಲಕ್ಷ್ಯ ಇತಿ ದ್ವಿಧಾ । ವಾಚ್ಯಾರ್ಥಂ ತೇ ಪ್ರವಕ್ಷ್ಯಾಮಿ ಪಂಡಿತೈರ್ಯ ಉದೀರಿತಃ ॥ ೭೦೯ ॥
845. ಶಿರೋ ವಿವೇಕಸ್ತ್ವತ್ಯಂತಂ ವೈರಾಗ್ಯಂ ವಪುರುಚ್ಯತೇ । ಶಮಾದಯಃ ಷಡಂಗಾನಿ ಮೋಕ್ಷೇಚ್ಛಾ ಪ್ರಾಣ ಇಷ್ಯತೇ ॥ ೨೪೯ ॥
846. ಶಿವ ಏವ ಗುರುಃ ಸಾಕ್ಷಾತ್ ಗುರುರೇವ ಶಿವಃ ಸ್ವಯಮ್ । ಉಭಯೋರಂತರಂ ಕಿಂಚಿನ್ನ ದ್ರಷ್ಟವ್ಯಂ ಮುಮುಕ್ಷುಭಿಃ ॥ ೨೫೬ ॥
847. ಶಿವಃ ಶೈವಾಗಮಸ್ಥಾನಾಂ ಕಾಲಃ ಕಾಲೈಕವಾದಿನಾಮ್ । ಯತ್ಸರ್ವಶಾಸ್ತ್ರಸಿದ್ಧಾಂತಂ ಯತ್ಸರ್ವಹೃದಯಾನುಗಮ್ । ಯತ್ಸರ್ವಂ ಸರ್ವಗಂ ವಸ್ತು ತತ್ತತ್ತ್ವಂ ತದಸೌ ಸ್ಥಿತಃ ॥ ೯೮೨ ॥
848. ಶಿವಪ್ರಸಾದೇನ ವಿನಾ ನ ಸಿದ್ಧಿಃಶಿವಪ್ರಸಾದೇನ ವಿನಾ ನ ಬುದ್ಧಿಃ । ಶಿವಪ್ರಸಾದೇನ ವಿನಾ ನ ಯುಕ್ತಿಃಶಿವಪ್ರಸಾದೇನ ವಿನಾ ನ ಮುಕ್ತಿಃ ॥ ೨೭೯ ॥
849. ಶಿಷ್ಟಾನ್ನಮೀಶಾರ್ಚನಮಾರ್ಯಸೇವಾಂತೀರ್ಥಾಟನಂ ಸ್ವಾಶ್ರಮಧರ್ಮನಿಷ್ಠಾಮ್ । ಯಮಾನುಷಕ್ತಿಂ ನಿಯಮಾನುವೃತ್ತಿಂಚಿತ್ತಪ್ರಸಾದಾಯ ವದಂತಿ ತಜ್ಜ್ಞಾಃ ॥ ೩೬೮ ॥
850. ಶುಕ್ತೇರ್ಬಾಧಾ ನ ಖಲ್ವಸ್ತಿ ರಜತಸ್ಯ ಯಥಾ ತಥಾ । ಅವಸ್ತುಸಂಜ್ಞಿತಂ ಯತ್ತಜ್ಜಗದಧ್ಯಾಸಕಾರಣಮ್ ॥ ೩೦೧ ॥
851. ಶುದ್ಧಂ ಬುದ್ಧಂ ತತ್ತ್ವಸಿದ್ಧಂ ಪರಂ ಪ್ರತ್ಯಗಖಂಡಿತಮ್ । ಸ್ವಪ್ರಕಾಶಂ ಪರಾಕಾಶಂ ಬ್ರಹ್ಮೈವಾಸ್ಮೀತಿ ಭಾವಯೇತ್ ॥ ೮೯೬ ॥
852. ಶುದ್ಧಚೈತನ್ಯರೂಪತ್ವಂ ಚಿತ್ತ್ವಂ ಜ್ಞಾನಸ್ವರೂಪತಃ । ಅಖಂಡಸುಖರೂಪತ್ವಾದಾನಂದತ್ವಮಿತೀರ್ಯತೇ ॥ ೬೧೧ ॥
853. ಶುದ್ಧೋಽಹಂ ಬುದ್ಧೋಽಹಂ ಪ್ರತ್ಯಗ್ರೂಪೇಣ ನಿತ್ಯಸಿದ್ಧೋಽಹಮ್ । ಶಾಂತೋಽಹಮನಂತೋಽಹಂ ಸತತಪರಾನಂದಸಿಂಧುರೇವಾಹಮ್ ॥ ೮೬೬ ॥
854. ಶುಶ್ರೂಷಯಾ ಸದಾ ಭಕ್ತ್ಯಾ ಪ್ರಣಾಮೈರ್ವಿನಯೋಕ್ತಿಭಿಃ । ಪ್ರಸನ್ನಂ ಗುರುಮಾಸಾದ್ಯ ಪ್ರಷ್ಟವ್ಯಂ ಜ್ಞೇಯಮಾತ್ಮನಃ ॥ ೨೫೮ ॥
855. ಶೃಣು ವಕ್ಷ್ಯಾಮಿ ಸಕಲಂ ಯದ್ಯತ್ಪೃಷ್ಟಂ ತ್ವಯಾಧುನಾ । ರಹಸ್ಯಂ ಪರಮಂ ಸೂಕ್ಷ್ಮಂ ಜ್ಞಾತವ್ಯಂ ಚ ಮುಮುಕ್ಷುಭಿಃ ॥ ೫೮೫ ॥
856. ಶೃಣುಷ್ವಾವಹಿತೋ ವಿದ್ವನ್ ಅದ್ಯ ತೇ ಫಲಿತಂ ತಪಃ । ವಾಕ್ಯಾರ್ಥಶ್ರುತಿಮಾತ್ರೇಣ ಸಮ್ಯಗ್ಜ್ಞಾನಂ ಭವಿಷ್ಯತಿ ॥ ೭೦೩ ॥
857. ಶೌಕ್ಲ್ಯಾದ್ವ್ಯಾವರ್ತತೇ ನೀಲೇನೋತ್ಪಲಂ ತು ವಿಶೇಷಿತಮ್ । ಇತ್ಥಮನ್ಯೋನ್ಯಭೇದಸ್ಯ ವ್ಯಾವರ್ತಕತಯಾ ತಯೋಃ ॥ ೭೧೫ ॥
858. ಶ್ರದ್ಧಾಭಕ್ತಿಪುರಃಸರೇಣ ವಿಹಿತೇನೈವೇಶ್ವರಂ ಕರ್ಮಣಾಸಂತೋಷ್ಯಾರ್ಜಿತತತ್ಪ್ರಸಾದಮಹಿಮಾ ಜನ್ಮಾಂತರೇಷ್ವೇವ ಯಃ । ನಿತ್ಯಾನಿತ್ಯವಿವೇಕತೀವ್ರವಿರತಿನ್ಯಾಸಾದಿಭಿಃ ಸಾಧನೈ - ರ್ಯುಕ್ತಃ ಸಃ ಶ್ರವಣೇ ಸತಾಮಭಿಮತೋ ಮುಖ್ಯಾಧಿಕಾರೀ ದ್ವಿಜಃ ॥ ೭೯೬ ॥
859. ಶ್ರದ್ಧಾಭಕ್ತಿಮತೀಂ ಸತೀಂ ಗುಣವತೀಂ ಪುತ್ರಾಞ್ಶ್ರುತಾನ್ಸಮ್ಮತಾ - ನಕ್ಷಯ್ಯಂ ವಸುಧಾನುಭೋಗವಿಭವೈಃ ಶ್ರೀಸುಂದರಂ ಮಂದಿರಮ್ । ಸರ್ವಂ ನಶ್ವರಮಿತ್ಯವೇತ್ಯ ಕವಯಃ ಶ್ರುತ್ಯುಕ್ತಿಭಿರ್ಯುಕ್ತಿಭಿಃಸಂನ್ಯಸ್ಯಂತ್ಯಪರೇ ತು ತತ್ಸುಖಮಿತಿ ಭ್ರಾಮ್ಯಂತಿ ದುಃಖಾರ್ಣವೇ ॥ ೮೪ ॥
860. ಶ್ರದ್ಧಾವತಾಮೇವ ಸತಾಂ ಪುಮರ್ಥಃಸಮೀರಿತಃ ಸಿಧ್ಯತಿ ನೇತರೇಷಾಮ್ । ಉಕ್ತಂ ಸುಸೂಕ್ಷ್ಮಂ ಪರಮಾರ್ಥತತ್ತ್ವಂಶ್ರದ್ಧತ್ಸ್ವ ಸೋಮ್ಯೇತಿ ಚ ವಕ್ತಿ ವೇದಃ ॥ ೨೧೧ ॥
861. ಶ್ರದ್ಧಾವಿಹೀನಸ್ಯ ತು ನ ಪ್ರವೃತ್ತಿಃಪ್ರವೃತ್ತಿಶೂನ್ಯಸ್ಯ ನ ಸಾಧ್ಯಸಿದ್ಧಿಃ । ಅಶ್ರದ್ಧಯೈವಾಭಿಹತಾಶ್ಚ ಸರ್ವೇಮಜ್ಜಂತಿ ಸಂಸಾರಮಹಾಸಮುದ್ರೇ ॥ ೨೧೨ ॥
862. ಶ್ರವಣಂ ಮನನಂ ಧ್ಯಾನಂ ಸಮ್ಯಗ್ವಸ್ತೂಪಲಬ್ಧಯೇ । ಸರ್ವವೇದಾಂತವಾಕ್ಯಾನಾಂ ಷಡ್ಭಿರ್ಲಿಂಗೈಃ ಸದದ್ವಯೇ ॥ ೮೧೧ ॥
863. ಶ್ರೀಮದ್ಭಿರುಕ್ತಂ ಸಕಲಂ ಮೃಷೇತಿದೃಷ್ಟಾಂತ ಏವ ಹ್ಯುಪಪದ್ಯತೇ ತತ್ । ದಾರ್ಷ್ಟಾಂತಿಕೇ ನೈವ ಭವಾದಿದುಃಖಂಪ್ರತ್ಯಕ್ಷತಃ ಸರ್ವಜನಪ್ರಸಿದ್ಧಮ್ ॥ ೨೭೧ ॥
864. ಶ್ರುತೇ ದೃಷ್ಟೇಽಪಿ ವಾ ಭೋಗ್ಯೇ ಯಸ್ಮಿನ್ಕಸ್ಮಿಂಶ್ಚ ವಸ್ತುನಿ । ಸಮೀಚೀನತ್ವಧೀತ್ಯಾಗಾತ್ಕಾಮೋ ನೋದೇತಿ ಕರ್ಹಿಚಿತ್ ॥ ೬೩ ॥
865. ಶ್ರುತ್ಯಾ ನಿರುಕ್ತಂ ಸುಖತಾರತಮ್ಯಂಬ್ರಹ್ಮಾಂತಮಾರಭ್ಯ ಮಹೀಮಹೇಶಮ್ । ಔಪಾಧಿಕಂ ತತ್ತು ನ ವಾಸ್ತವಂ ಚೇ - ದಾಲೋಚ್ಯ ಕೋ ವಾ ವಿರತಿಂ ನ ಯಾತಿ ॥ ೩೭ ॥
866. ಶ್ರುತ್ಯಾ ಸತ್ತ್ವಪುರಾಣಾನಾಂ ಸೇವಯಾ ಸತ್ತ್ವವಸ್ತುನಃ । ಅನುವೃತ್ತ್ಯಾ ಚ ಸಾಧೂನಾಂ ಸತ್ತ್ವವೃತ್ತಿಃ ಪ್ರಜಾಯತೇ ॥ ೩೭೦ ॥
867. ಶ್ರುತ್ಯಾಧಿದೇವತಾಮೇವೇಂದ್ರಿಯೇಷೂಪಚರ್ಯತೇ । ನ ತು ಸಾಕ್ಷಾದಿಂದ್ರಿಯಾಣಾಂ ಚೇತನತ್ವಮುದೀರ್ಯತೇ ॥ ೫೪೩ ॥
868. ಶ್ರುತ್ಯಾನ್ಯೋಽಂತರ ಆತ್ಮಾ ಪ್ರಾಣಮಯ ಇತೀರ್ಯತೇ ಯಸ್ಮಾತ್ । ತಸ್ಮಾತ್ಪ್ರಾಣಸ್ಯಾತ್ಮತ್ವಂ ಯುಕ್ತಂ ನೋ ಕರಣಸಂಜ್ಞಾನಾಂ ಕ್ವಾಪಿ ॥ ೫೪೬ ॥
869. ಶ್ರುತ್ಯಾಪ್ಯೇಕತ್ವಮನಯೋಸ್ತಾತ್ಪರ್ಯೇಣ ನಿಗದ್ಯತೇ । ಮುಹುಸ್ತತ್ತ್ವಮಸೀತ್ಯಸ್ಮಾದಂಗೀಕಾರ್ಯಂ ಶ್ರುತೇರ್ವಚಃ ॥ ೭೨೬ ॥
870. ಶ್ರುತ್ಯುಕ್ತಮವ್ಯಯಮನಂತಮನಾದಿಮಧ್ಯ - ಮವ್ಯಕ್ತಮಕ್ಷರಮನಾಶ್ರಯಮಪ್ರಮೇಯಮ್ । ಆನಂದಸದ್ಘನಮನಾಮಯಮದ್ವಿತೀಯಂಯದ್ಬ್ರಹ್ಮ ತತ್ತ್ವಮಸಿ ಕೇವಲಬೋಧಮಾತ್ರಮ್ ॥ ೭೮೦ ॥
871. ಶ್ರುತ್ಯುಕ್ತಾಃ ಷೋಡಶಕಲಾಶ್ಚಿದಾಭಾಸಸ್ಯ ನಾತ್ಮನಃ । ನಿಷ್ಕಲತ್ವಾನ್ನಾಸ್ಯ ಲಯಸ್ತಸ್ಮಾನ್ನಿತ್ಯತ್ವಮಾತ್ಮನಃ ॥ ೬೧೭ ॥
872. ಶ್ರುತ್ಯುಕ್ತಾರ್ಥಾವಗಾಹಾಯ ವಿದುಷಾ ಜ್ಞೇಯವಸ್ತುನಿ । ಚಿತ್ತಸ್ಯ ಸಮ್ಯಗಾಧಾನಂ ಸಮಾಧಾನಮಿತೀರ್ಯತೇ ॥ ೨೧೮ ॥
873. ಶ್ರುತ್ಯೈವ ನ ತತಸ್ತೇಷಾಂ ಗುಣತ್ವಮುಪಪದ್ಯತೇ । ಉಷ್ಣತ್ವಂ ಚ ಪ್ರಕಾಶಶ್ಚ ಯಥಾ ವಹ್ನೇಸ್ತಥಾತ್ಮನಃ ॥ ೬೭೬ ॥
874. ಶ್ರುತ್ಯೋದಿತಂ ತತೋ ಬ್ರಹ್ಮ ಜ್ಞೇಯಂ ಬುದ್ಧ್ಯೈವ ಸೂಕ್ಷ್ಮಯಾ । ಪ್ರಜ್ಞಾಮಾಂದ್ಯಂ ಭವೇದ್ಯೇಷಾಂ ತೇಷಾಂ ನ ಶ್ರುತಿಮಾತ್ರತಃ ॥ ೮೦೮ ॥
875. ಶ್ರೇಷ್ಠಂ ಪೂಜ್ಯಂ ವಿದಿತ್ವಾ ಮಾಂ ಮಾನಯಂತು ಜನಾ ಭುವಿ । ಇತ್ಯಾಸಕ್ತ್ಯಾ ವಿಹೀನತ್ವಂ ಮಾನಾನಾಸಕ್ತಿರುಚ್ಯತೇ ॥ ೧೨೫ ॥
876. ಶ್ರೋತ್ರತ್ವಕ್ಚಕ್ಷುರ್ಜಿಹ್ವಾಘ್ರಾಣಾನಿ ಪಂಚ ಜಾತಾನಿ । ಆಕಾಶಾದೀನಾಂ ಸತ್ತ್ವಾಂಶೇಭ್ಯೋ ಧೀಂದ್ರಿಯಾಣ್ಯನುಕ್ರಮತಃ ॥ ೩೪೧ ॥
877. ಶ್ರೋತ್ರಾದಿಪಂಚಕಂ ಚೈವ ವಾಗಾದೀನಾಂ ಚ ಪಂಚಕಮ್ । ಪ್ರಾಣಾದಿಪಂಚಕಂ ಬುದ್ಧಿಮನಸೀ ಲಿಂಗಮುಚ್ಯತೇ ॥ ೩೪೦ ॥
878. ಶ್ರೋತ್ರಿಯೋ ಬ್ರಹ್ಮನಿಷ್ಠೋ ಯಃ ಪ್ರಶಾಂತಃ ಸಮದರ್ಶನಃ । ನಿರ್ಮಮೋ ನಿರಹಂಕಾರೋ ನಿರ್ದ್ವಂದ್ವೋ ನಿಷ್ಪರಿಗ್ರಹಃ ॥ ೨೫೨ ॥
879. ಶ್ಲೇಷ್ಮೋದ್ಗಾರಿ ಮುಖಂ ಸ್ರವನ್ಮಲವತೀ ನಾಸಾಶ್ರುಮಲ್ಲೋಚನಂಸ್ವೇದಸ್ರಾವಿ ಮಲಾಭಿಪೂರ್ಣಮಭಿತೋ ದುರ್ಗಂಧದುಷ್ಟಂ ವಪುಃ । ಅನ್ಯದ್ವಕ್ತುಮಶಕ್ಯಮೇವ ಮನಸಾ ಮಂತುಂ ಕ್ವಚಿನ್ನಾರ್ಹತಿಸ್ತ್ರೀರೂಪಂ ಕಥಮೀದೃಶಂ ಸುಮನಸಾಂ ಪಾತ್ರೀಭವೇನ್ನೇತ್ರಯೋಃ ॥ ೫೦ ॥
880. ಷಡ್ಭೂಮಿಕಾಚಿರಾಭ್ಯಾಸಾದ್ಭೇದಸ್ಯಾನುಪಲಂಭನಾತ್ । ಯತ್ಸ್ವಭಾವೈಕನಿಷ್ಠತ್ವಂ ಸಾ ಜ್ಞೇಯಾ ತುರ್ಯಗಾ ಗತಿಃ ॥ ೯೪೮ ॥
881. ಸ ಏವ ಸದ್ಯಸ್ತರತಿ ಸಂಸೃತಿಂ ಗುರ್ವನುಗ್ರಹಾತ್ । ಯಸ್ತು ತೀವ್ರಮುಮುಕ್ಷುಃ ಸ್ಯಾತ್ಸ ಜೀವನ್ನೇವ ಮುಚ್ಯತೇ ॥ ೨೩೬ ॥
882. ಸ ವಸ್ತುಧರ್ಮೋ ನೋ ಯಸ್ಮಾನ್ಮನಸ್ಯೇವೋಪಲಭ್ಯತೇ । ವಸ್ತುಧರ್ಮಸ್ಯ ಮನಸಿ ಕಥಂ ಸ್ಯಾದುಪಲಂಭನಮ್ ॥ ೬೪೧ ॥
883. ಸಂಕಲ್ಪವಾನಹಂ ಚಿಂತಾವಾನಹಂ ಚ ವಿಕಲ್ಪವಾನ್ । ಇತ್ಯಾದ್ಯನುಭವಾದನ್ಯೋಽಂತರ ಆತ್ಮಾ ಮನೋಮಯಃ ॥ ೫೫೧ ॥
884. ಸಂಕಲ್ಪಾನುದಯೇ ಹೇತುರ್ಯಥಾಭೂತಾರ್ಥದರ್ಶನಮ್ । ಅನರ್ಥಚಿಂತನಂ ಚಾಭ್ಯಾಂ ನಾವಕಾಶೋಽಸ್ಯ ವಿದ್ಯತೇ ॥ ೬೭ ॥
885. ಸಂಕಲ್ಪಾನ್ಮನ ಇತ್ಯಾಹುರ್ಬುದ್ಧಿರರ್ಥಸ್ಯ ನಿಶ್ಚಯಾತ್ । ಅಭಿಮಾನಾದಹಂಕಾರಶ್ಚಿತ್ತಮರ್ಥಸ್ಯ ಚಿಂತನಾತ್ ॥ ೩೪೫ ॥
886. ಸಂಜಾತಾಹಂಕೃತಿತ್ಯಾಗಸ್ತ್ವಭಿಮಾನವಿಸರ್ಜನಮ್ । ತ್ರಿಭಿಶ್ಚ ಕರಣೈಃ ಸಮ್ಯಗ್ಹಿತ್ವಾ ವೈಷಯಿಕೀಂ ಕ್ರಿಯಾಮ್ ॥ ೧೨೧ ॥
887. ಸಂನ್ಯಸೇತ್ಸುವಿರಕ್ತಃ ಸನ್ನಿಹಾಮುತ್ರಾರ್ಥತಃ ಸುಖಾತ್ । ಅವಿರಕ್ತಸ್ಯ ಸಂನ್ಯಾಸೋ ನಿಷ್ಫಲೋಽಯಾಜ್ಯಯಾಗವತ್ ॥ ೨೦೮ ॥
888. ಸಂನ್ಯಸ್ಯ ತು ಯತಿಃ ಕುರ್ಯಾನ್ನ ಪೂರ್ವವಿಷಯಸ್ಮೃತಿಮ್ । ತಾಂ ತಾಂ ತತ್ಸ್ಮರಣೇ ತಸ್ಯ ಜುಗುಪ್ಸಾ ಜಾಯತೇ ಯತಃ ॥ ೨೦೯ ॥
889. ಸಂಪನ್ನೋಽಂಧವದೇವ ಕಿಂಚಿದಪರಂ ನೋ ವೀಕ್ಷತೇ ಚಕ್ಷುಷಾಸದ್ಭಿರ್ವರ್ಜಿತಮಾರ್ಗ ಏವ ಚರತಿ ಪ್ರೋತ್ಸಾರಿತೋ ಬಾಲಿಶೈಃ । ತಸ್ಮಿನ್ನೇವ ಮುಹುಃ ಸ್ಖಲನ್ಪ್ರತಿಪದಂ ಗತ್ವಾಂಧಕೂಪೇ ಪತ - ತ್ಯಸ್ಯಾಂಧತ್ವನಿವರ್ತಕೌಷಧಮಿದಂ ದಾರಿದ್ರ್ಯಮೇವಾಂಜನಮ್ ॥ ೭೮ ॥
890. ಸಂಪ್ರೀತಿಮಕ್ಷ್ಣೋರ್ವದನಪ್ರಸಾದ - ಮಾನಂದಮಂತಃಕರಣಸ್ಯ ಸದ್ಯಃ । ವಿಲೋಕನಂ ಬ್ರಹ್ಮವಿದಸ್ತನೋತಿಛಿನತ್ತಿ ಮೋಹಂ ಸುಗತಿಂ ವ್ಯನಕ್ತಿ ॥ ೨೬೧ ॥
891. ಸಂಬಂಧಾನುಪಪತ್ತ್ಯಾ ಚ ಲಕ್ಷಣೇತಿ ಜಗುರ್ಬುಧಾಃ । ಗಂಗಾಯಾಂ ಘೋಷ ಇತ್ಯಾದೌ ಯಾ ಜಹಲ್ಲಕ್ಷಣಾ ಮತಾ ॥ ೭೩೪ ॥
892. ಸಂಮಿತಾ ಇಂದ್ರಿಯಸ್ಥಾನೇಷ್ವಿಂದ್ರಿಯಾಣಾಂ ಸಮಂತತಃ । ನಿಗೃಹ್ಣಂತ್ಯನುಗೃಹ್ಣಂತಿ ಪ್ರಾಣಿಕರ್ಮಾನುರೂಪತಃ ॥ ೪೨೦ ॥
893. ಸಂಯೋಜ್ಯ ಸ್ಥೂಲತಾಂ ಯಾಂತಿ ವ್ಯೋಮಾದೀನಿ ಯಥಾಕ್ರಮಮ್ । ಅಮುಷ್ಯ ಪಂಚೀಕರಣಸ್ಯಾಪ್ರಾಮಾಣ್ಯಂ ನ ಶಂಕ್ಯತಾಮ್ ॥ ೪೦೧ ॥
894. ಸಂಸಾರಬಂಧನಿರ್ಮುಕ್ತಿಃ ಕದಾ ಝಟಿತಿ ಮೇ ಭವೇತ್ । ಇತಿ ಯಾ ಸುದೃಢಾ ಬುದ್ಧಿರೀರಿತಾ ಸಾ ಮುಮುಕ್ಷುತಾ ॥ ೧೨೭ ॥
895. ಸಂಸಾರಮೃತ್ಯೋರ್ಬಲಿನಃ ಪ್ರವೇಷ್ಟುಂದ್ವಾರಾಣಿ ತು ತ್ರೀಣಿ ಮಹಾಂತಿ ಲೋಕೇ । ಕಾಂತಾ ಚ ಜಿಹ್ವಾ ಕನಕಂ ಚ ತಾನಿರುಣದ್ಧಿ ಯಸ್ತಸ್ಯ ಭಯಂ ನ ಮೃತ್ಯೋಃ ॥ ೮೮ ॥
896. ಸಚ್ಚಿಂತನಸ್ಯ ಸಂಬಾಧೋ ವಿಘ್ನೋಽಯಂ ನಿರ್ಜನೇ ತತಃ । ಸ್ಥೇಯಮಿತ್ಯೇಕ ಏವಾಸ್ತಿ ಚೇತ್ಸೈವೈಕಾಂತಶೀಲತಾ ॥ ೧೨೬ ॥
897. ಸತಾಮಪಿ ಪದಾರ್ಥಸ್ಯ ಲಾಭಾಲ್ಲೋಭಃ ಪ್ರವರ್ಧತೇ । ವಿವೇಕೋ ಲುಪ್ಯತೇ ಲೋಭಾತ್ತಸ್ಮಿಂಲ್ಲುಪ್ತೇ ವಿನಶ್ಯತಿ ॥ ೭೩ ॥
898. ಸತಿ ಪ್ರಪಂಚೇ ಜೀವೇ ವಾದ್ವೈತತ್ವಂ ಬ್ರಹ್ಮಣಃ ಕುತಃ । ಅತಸ್ತಯೋರಖಂಡತ್ವಮೇಕತ್ವಂ ಶ್ರುತಿಸಮ್ಮತಮ್ ॥ ೭೩೧ ॥
899. ಸತೋ ಭಿನ್ನಮಭಿನ್ನಂ ವಾ ನ ದೀಪಸ್ಯ ಪ್ರಭಾ ಯಥಾ । ನ ಸಾವಯವಮನ್ಯದ್ವಾ ಬೀಜಸ್ಯಾಂಕುರವತ್ಕ್ವಚಿತ್ ॥ ೩೦೬ ॥
900. ಸತ್ಕರ್ಮಕ್ಷಯಪಾಪ್ಮನಾಂ ಶ್ರುತಿಮತಾಂ ಸಿದ್ಧಾತ್ಮನಾಂ ಧೀಮತಾಂನಿತ್ಯಾನಿತ್ಯಪದಾರ್ಥಶೋಧನಮಿದಂ ಯುಕ್ತ್ಯಾ ಮುಹುಃ ಕುರ್ವತಾಮ್ । ತಸ್ಮಾದುತ್ಥಮಹಾವಿರಕ್ತ್ಯಸಿಮತಾಂ ಮೋಕ್ಷೈಕಕಾಂಕ್ಷಾವತಾಂಧನ್ಯಾನಾಂ ಸುಲಭಂ ಸ್ತ್ರಿಯಾದಿವಿಷಯೇಷ್ವಾಶಾಲತಾಚ್ಛೇದನಮ್ ॥ ೮೭ ॥
901. ಸತ್ತ್ವಂ ಚಿತ್ತ್ವಂ ತಥಾನಂದಸ್ವರೂಪಂ ಪರಮಾತ್ಮನಃ । ನಿರ್ಗುಣಸ್ಯ ಗುಣಾಯೋಗಾದ್ಗುಣಾಸ್ತು ನ ಭವಂತಿ ತೇ ॥ ೬೭೩ ॥
902. ಸತ್ತ್ವಚಿತ್ತ್ವಾನಂದತಾದಿ ಸ್ವರೂಪಮಿತಿ ನಿಶ್ಚಿತಮ್ । ಅತ ಏವ ಸಜಾತೀಯವಿಜಾತೀಯಾದಿಲಕ್ಷಣಃ ॥ ೬೭೭ ॥
903. ಸತ್ತ್ವಚಿತ್ತ್ವಾನಂದತಾದಿಲಕ್ಷಣಂ ಪ್ರತ್ಯಗಾತ್ಮನಃ । ಕಾಲತ್ರಯೇಽಪ್ಯಬಾಧ್ಯತ್ವಂ ಸತ್ಯಂ ನಿತ್ಯಸ್ವರೂಪತಃ ॥ ೬೧೦ ॥
904. ಸತ್ತ್ವಪ್ರಧಾನೇ ಚಿತ್ತೇಽಸ್ಮಿಂಸ್ತ್ವಾತ್ಮೈವ ಪ್ರತಿಬಿಂಬತಿ । ಆನಂದಲಕ್ಷಣಃ ಸ್ವಚ್ಛೇ ಪಯಸೀವ ಸುಧಾಕರಃ ॥ ೬೪೭ ॥
905. ಸತ್ತ್ವಾಪತ್ತಿಶ್ಚತುರ್ಥೀ ಸ್ಯಾತ್ತತೋಽಸಂಸಕ್ತಿನಾಮಿಕಾ । ಪದಾರ್ಥಾಭಾವನಾ ಷಷ್ಠೀ ಸಪ್ತಮೀ ತುರ್ಯಗಾ ಸ್ಮೃತಾ ॥ ೯೪೦ ॥
906. ಸತ್ಯಂ ನಿರ್ಮಮತಾ ಸ್ಥೈರ್ಯಮಭಿಮಾನವಿಸರ್ಜನಮ್ । ಈಶ್ವರಧ್ಯಾನಪರತಾ ಬ್ರಹ್ಮವಿದ್ಭಿಃ ಸಹಸ್ಥಿತಿಃ ॥ ೧೦೬ ॥
907. ಸತ್ಯಮಿತ್ಯುಚ್ಯತೇ ಬ್ರಹ್ಮ ಸತ್ಯಮಿತ್ಯಭಿಭಾಷಣಮ್ । ದೇಹಾದಿಷು ಸ್ವಕೀಯತ್ವದೃಢಬುದ್ಧಿವಿಸರ್ಜನಮ್ ॥ ೧೧೮ ॥
908. ಸತ್ಯರ್ಥೇಽಪಿ ಚ ನೋದೇತಿ ಹ್ಯಾನಂದಸ್ತೂಕ್ತಲಕ್ಷಣಃ । ಸತ್ಯಪಿ ವ್ಯಂಜಕೇ ವ್ಯಂಗ್ಯಾನುದಯೋ ನೈವ ಸಮ್ಮತಃ ॥ ೬೪೪ ॥
909. ಸತ್ಯುಪಾಧ್ಯೋರಭಿನ್ನತ್ವೇ ಕ್ವ ಭೇದಸ್ತದ್ವಿಶಿಷ್ಟಯೋಃ । ಏಕೀಭಾವೇ ತರಂಗಾಬ್ಧ್ಯೋಃ ಕೋ ಭೇದಃ ಪ್ರತಿಬಿಂಬಯೋಃ ॥ ೩೨೭ ॥
910. ಸದಯಂ ಹ್ಯೇಷ ಏವೇತಿ ಪ್ರಸ್ತುತ್ಯ ವದತಿ ಶ್ರುತಿಃ । ಸದ್ಘನೋಽಯಂ ಚಿದ್ಘನೋಽಯಮಾನಂದಘನ ಇತ್ಯಪಿ ॥ ೬೬೫ ॥
911. ಸದಸದ್ಭ್ಯಾಮನಿರ್ವಾಚ್ಯಮಜ್ಞಾನಂ ತ್ರಿಗುಣಾತ್ಮಕಮ್ । ವಸ್ತುತತ್ತ್ವಾವಬೋಧೈಕಬಾಧ್ಯಂ ತದ್ಭಾವಲಕ್ಷಣಮ್ ॥ ೩೦೨ ॥
912. ಸದ್ಭಾವೇ ಲಿಂಗಮೇತಸ್ಯ ಕಾರ್ಯಮೇತಚ್ಚರಾಚರಮ್ । ಮಾನಂ ಶ್ರುತಿಃ ಸ್ಮೃತಿಶ್ಚಾಜ್ಞೋಽಹಮಿತ್ಯನುಭವೋಽಪಿ ಚ ॥ ೩೦೪ ॥
913. ಸದ್ಭಿಃ ಸ ಏವ ವಿಜ್ಞೇಯಃ ಸಮಾಧಿಃ ಸವಿಕಲ್ಪಕಃ । ಮೃದ ಏವಾವಭಾನೇಽಪಿ ಮೃಣ್ಮಯದ್ವಿಪಭಾನವತ್ ॥ ೮೨೧ ॥
914. ಸನ್ಮಾತ್ರವಸ್ತುಭಾನೇಽಪಿ ತ್ರಿಪುಟೀ ಭಾತಿ ಸನ್ಮಯೀ । ಸಮಾಧಿರತ ಏವಾಯಂ ಸವಿಕಲ್ಪ ಇತೀರ್ಯತೇ ॥ ೮೨೨ ॥
915. ಸಮಷ್ಟಿಃ ಸ್ಯಾತ್ತರುಗಣಃ ಸಾಮಾನ್ಯೇನ ವನಂ ಯಥಾ । ಏತತ್ಸಮಷ್ಟ್ಯುಪಹಿತಂ ಚೈತನ್ಯಂ ಸಫಲಂ ಜಗುಃ ॥ ೩೮೭ ॥
916. ಸಮಷ್ಟಿರೂಪಮಜ್ಞಾನಂ ಸಾಭಾಸಂ ಸತ್ತ್ವಬೃಂಹಿತಮ್ । ವಿಯದಾದಿವಿರಾಡಂತಂ ಸ್ವಕಾರ್ಯೇಣ ಸಮನ್ವಿತಮ್ ॥ ೭೧೦ ॥
917. ಸಮಷ್ಟೇರಪಿ ಚ ವ್ಯಷ್ಟೇಃ ಸಾಮಾನ್ಯೇನೈವ ಪೂರ್ವವತ್ । ಅಭೇದ ಏವ ಜ್ಞಾತವ್ಯೋ ಜಾತ್ಯೇಕತ್ವೇ ಕುತೋ ಭಿದಾ ॥ ೩೯೪ ॥
918. ಸಮಸ್ತೇಭ್ಯೋ ರಜೋಂಶೇಭ್ಯೋ ವ್ಯೋಮಾದೀನಾಂ ಕ್ರಿಯಾತ್ಮಕಾಃ । ಪ್ರಾಣಾದಯಃ ಸಮುತ್ಪನ್ನಾಃ ಪಂಚಾಪ್ಯಾಂತರವಾಯವಃ ॥ ೩೭೬ ॥
919. ಸಮಾಧಿಃ ಕಃ ಕತಿವಿಧಸ್ತತ್ಸಿದ್ಧೇಃ ಕಿಮು ಸಾಧನಮ್ । ಸಮಾಧೇರಂತರಾಯಾಃ ಕೇ ಸರ್ವಮೇತನ್ನಿರೂಪ್ಯತಾಮ್ ॥ ೭೯೪ ॥
920. ಸಮಾಧಿಸುಪ್ತ್ಯೋರ್ಜ್ಞಾನಂ ಚಾಜ್ಞಾನಂ ಸುಪ್ತ್ಯಾತ್ರ ನೇಷ್ಯತೇ । ಸವಿಕಲ್ಪೋ ನಿರ್ವಿಕಲ್ಪಃ ಸಮಾಧೀ ದ್ವಾವಿಮೌ ಹೃದಿ ॥ ೮೨೭ ॥
921. ಸಮ್ಯಕ್ಪ್ರಾಬೋಧಯತ್ತತ್ತ್ವಂ ಶಾಸ್ತ್ರದೃಷ್ಟೇನ ವರ್ತ್ಮನಾ । ಸರ್ವೇಷಾಮುಪಕಾರಾಯ ತತ್ಪ್ರಕಾರೋಽತ್ರ ದರ್ಶ್ಯತೇ ॥ ೨೯೬ ॥
922. ಸಮ್ಯಕ್ಸಮಾಧಿನಿರತೈರ್ವಿಮಲಾಂತರಂಗೇಸಾಕ್ಷಾದವೇಕ್ಷ್ಯ ನಿಜತತ್ತ್ವಮಪಾರಸೌಖ್ಯಮ್ । ಸಂತುಷ್ಯತೇ ಪರಮಹಂಸಕುಲೈರಜಸ್ರಂಯದ್ಬ್ರಹ್ಮ ತತ್ತ್ವಮಸಿ ಕೇವಲಬೋಧಮಾತ್ರಮ್ ॥ ೭೭೮ ॥
923. ಸರ್ಗಂ ವಕ್ತ್ಯಸ್ಯ ತಸ್ಮಾದ್ವಾ ಏತಸ್ಮಾದಿತ್ಯಪಿ ಶ್ರುತಿಃ । ಸಕಾಶಾದ್ಬ್ರಹ್ಮಣಸ್ತಸ್ಮಾದನಿತ್ಯತ್ವೇ ನ ಸಂಶಯಃ ॥ ೧೯ ॥
924. ಸರ್ವಂ ಸರ್ವಗತಂ ಶಾಂತಂ ಬ್ರಹ್ಮ ಸಂಪದ್ಯತೇ ತದಾ । ಇತಿ ಶ್ರುತ್ವಾ ಗುರೋರ್ವಾಕ್ಯಂ ಶಿಷ್ಯಸ್ತು ಛಿನ್ನಸಂಶಯಃ ॥ ೧೦೦೨ ॥
925. ಸರ್ವಜ್ಞತ್ವೇಶ್ವರತ್ವಾದಿಕಾರಣತ್ವಾನ್ಮನೀಷಿಣಃ । ಕಾರಣಂ ವಪುರಿತ್ಯಾಹುಃ ಸಮಷ್ಟಿಂ ಸತ್ತ್ವಬೃಂಹಿತಮ್ ॥ ೩೧೩ ॥
926. ಸರ್ವಜ್ಞೋಽಪ್ರತಿಬದ್ಧಬೋಧವಿಭವಸ್ತೇನೈವ ದೇವಃ ಸ್ವಯಂಮಾಯಾಂ ಸ್ವಾಮವಲಂಬ್ಯ ನಿಶ್ಚಲತಯಾ ಸ್ವಚ್ಛಂದವೃತ್ತಿಃ ಪ್ರಭುಃ । ಸೃಷ್ಟಿಸ್ಥಿತ್ಯದನಪ್ರವೇಶಯಮನವ್ಯಾಪಾರಮಾತ್ರೇಚ್ಛಯಾಕುರ್ವನ್ಕ್ರೀಡತಿ ತದ್ರಜಸ್ತಮ ಉಭೇ ಸಂಸ್ತಭ್ಯ ಶಕ್ತ್ಯಾ ಸ್ವಯಾ ॥ ೫೦೪ ॥
927. ಸರ್ವದಾಪ್ಯಾಸಮಿತ್ಯೇವಾಭಿನ್ನಪ್ರತ್ಯಯ ಈಕ್ಷ್ಯತೇ । ಕದಾಪಿ ನಾಸಮಿತ್ಯಸ್ಮಾದಾತ್ಮನೋ ನಿತ್ಯತಾ ಮತಾ ॥ ೬೧೩ ॥
928. ಸರ್ವಮೇತದ್ಯಥಾಪೂರ್ವಂ ಕರಾಮಲಕವತ್ಸ್ಫುಟಮ್ । ಪ್ರತಿಪಾದಯ ಮೇ ಸ್ವಾಮಿನ್ ಶ್ರೀಗುರೋ ಕರುಣಾನಿಧೇ ॥ ೨೭೭ ॥
929. ಸರ್ವವೇದಾಂತಸಿದ್ಧಾಂತಸಾರಸಂಗ್ರಹನಾಮಕಃ । ಗ್ರಂಥೋಽಯಂ ಹೃದಯಗ್ರಂಥಿವಿಚ್ಛಿತ್ತ್ಯೈ ರಚಿತಃ ಸತಾಮ್ ॥ ೧೦೦೬ ॥
930. ಸರ್ವಸ್ಯ ದಾಹಕೋ ವಹ್ನಿರ್ವಹ್ನೇರ್ನಾನ್ಯೋಽಸ್ತಿ ದಾಹಕಃ । ಯಥಾ ತಥಾತ್ಮನೋ ಜ್ಞಾತುರ್ಜ್ಞಾತಾ ಕೋಽಪಿ ನ ದೃಶ್ಯತೇ ॥ ೬೦೧ ॥
931. ಸರ್ವಸ್ಯಾನಿತ್ಯತ್ವೇ ಸಾವಯವತ್ವೇನ ಸರ್ವತಃ ಸಿದ್ಧೇ । ವೈಕುಂಠಾದಿಷು ನಿತ್ಯತ್ವಮತಿರ್ಭ್ರಮ ಏವ ಮೂಢಬುದ್ಧೀನಾಮ್ ॥ ೨೦ ॥
932. ಸರ್ವಾಕಾರಂ ಸರ್ವಮಸರ್ವಂ ಸರ್ವನಿಷೇಧಾವಧಿಭೂತಂ ಯತ್ । ಸತ್ಯಂ ಶಾಶ್ವತಮೇಕಮನಂತಂ ಶುದ್ಧಂ ಬುದ್ಧಂ ತತ್ತ್ವಮಸಿ ತ್ವಮ್ ॥ ೭೮೭ ॥
933. ಸರ್ವಾತ್ಮಭಾವೋ ವಿದುಷೋ ಬ್ರಹ್ಮವಿದ್ಯಾಫಲಂ ವಿದುಃ । ಜೀವನ್ಮುಕ್ತಸ್ಯ ತಸ್ಯೈವ ಸ್ವಾನಂದಾನುಭವಃ ಫಲಮ್ ॥ ೯೦೫ ॥
934. ಸರ್ವಾನರ್ಥಸ್ಯ ತದ್ಬೀಜಂ ಯೋಽನ್ಯಥಾಗ್ರಹ ಆತ್ಮನಃ । ತತಃ ಸಂಸಾರಸಂಪಾತಃ ಸಂತತಕ್ಲೇಶಲಕ್ಷಣಃ ॥ ೪೯೮ ॥
935. ಸರ್ವೇಂದ್ರಿಯಾಣಾಂ ಗತಿನಿಗ್ರಹೇಣಭೋಗ್ಯೇಷು ದೋಷಾದ್ಯವಮರ್ಶನೇನ । ಈಶಪ್ರಸಾದಾಚ್ಚ ಗುರೋಃ ಪ್ರಸಾದಾ - ಚ್ಛಾಂತಿಂ ಸಮಾಯಾತ್ಯಚಿರೇಣ ಚಿತ್ತಮ್ ॥ ೧೩೬ ॥
936. ಸರ್ವೇಶತ್ವಸ್ವತಂತ್ರತ್ವಸರ್ವಜ್ಞತ್ವಾದಿಭಿರ್ಗುಣೈಃ । ಸರ್ವೋತ್ತಮಃ ಸತ್ಯಕಾಮಃ ಸತ್ಯಸಂಕಲ್ಪ ಈಶ್ವರಃ ॥ ೭೨೧ ॥
937. ಸರ್ವೋ ವಿರುದ್ಧವಾಕ್ಯಾರ್ಥಸ್ತತ್ರ ಪ್ರತ್ಯಕ್ಷತಸ್ತತಃ । ಗಂಗಾಸಂಬಂಧವತ್ತೀರೇ ಲಕ್ಷಣಾ ಸಂಪ್ರವರ್ತತೇ ॥ ೭೩೬ ॥
938. ಸರ್ವೋಪರಮಹೇತುತ್ವಾತ್ಸುಷುಪ್ತಿಸ್ಥಾನಮಿಷ್ಯತೇ । ಪ್ರಾಕೃತಃ ಪ್ರಲಯೋ ಯತ್ರ ಶ್ರಾವ್ಯತೇ ಶ್ರುತಿಭಿರ್ಮುಹುಃ ॥ ೩೧೫ ॥
939. ಸವಿಕಲ್ಪಸಮಾಧಿಂ ಯೋ ದೀರ್ಘಕಾಲಂ ನಿರಂತರಮ್ । ಸಂಸ್ಕಾರಪೂರ್ವಕಂ ಕುರ್ಯಾನ್ನಿರ್ವಿಕಲ್ಪೋಽಸ್ಯ ಸಿಧ್ಯತಿ ॥ ೮೭೪ ॥
940. ಸವಿಕಲ್ಪಸ್ತಯೋರ್ಯತ್ತಲ್ಲಕ್ಷಣಂ ವಚ್ಮಿ ತಚ್ಛೃಣು । ಕಾಮಾದಿಪ್ರತ್ಯಯೈರ್ದೃಶ್ಯೈಃ ಸಂಸರ್ಗೋ ಯತ್ರ ದೃಶ್ಯತೇ ॥ ೮೩೦ ॥
941. ಸವಿಕಲ್ಪೋ ನಿರ್ವಿಕಲ್ಪ ಇತಿ ದ್ವೇಧಾ ನಿಗದ್ಯತೇ । ಸಮಾಧಿಃ ಸವಿಕಲ್ಪಸ್ಯ ಲಕ್ಷಣಂ ವಚ್ಮಿ ತಚ್ಛೃಣು ॥ ೮೧೯ ॥
942. ಸಹಯೋಗೋ ನ ಘಟತೇ ತಥೈವ ಜ್ಞಾನಕರ್ಮಣೋಃ । ಕಿಮೂಪಕುರ್ಯಾಜ್ಜ್ಞಾನಸ್ಯ ಕರ್ಮಸ್ವಪ್ರತಿಯೋಗಿನಃ । ಯಸ್ಯ ಸಂನಿಧಿಮಾತ್ರೇಣ ಸ್ವಯಂ ನ ಸ್ಫೂರ್ತಿಮೃಚ್ಛತಿ ॥ ೧೮೬ ॥
943. ಸಹವಾಸಶ್ಚ ಸಂಸರ್ಗೋಽಷ್ಟಧಾ ಮೈಥುನಂ ವಿದುಃ । ಏತದ್ವಿಲಕ್ಷಣಂ ಬ್ರಹ್ಮಚರ್ಯಂ ಚಿತ್ತಪ್ರಸಾದಕಮ್ ॥ ೧೧೦ ॥
944. ಸಾಕ್ಷಿಣಂ ಸ್ವಂ ವಿಜಾನೀಯಾದ್ಯಸ್ತಾಃ ಪಶ್ಯತಿ ನಿಷ್ಕ್ರಿಯಃ । ಕಾಮಾದೀನಾಮಹಂ ಸಾಕ್ಷೀ ದೃಶ್ಯಂತೇ ತೇ ಮಯಾ ತತಃ ॥ ೮೩೩ ॥
945. ಸಾಧನಚತುಷ್ಟಯಸಂಪತ್ತಿರ್ಯಸ್ಯಾಸ್ತಿ ಧೀಮತಃ ಪುಂಸಃ । ತಸ್ಯೈವೈತತ್ಫಲಸಿದ್ಧಿರ್ನಾನ್ಯಸ್ಯ ಕಿಂಚಿದೂನಸ್ಯ ॥ ೧೨ ॥
946. ಸಾಧನತ್ವೇನ ದೃಷ್ಟಾನಾಂ ಸರ್ವೇಷಾಮಪಿ ಕರ್ಮಣಾಮ್ । ವಿಧಿನಾ ಯಃ ಪರಿತ್ಯಾಗಃ ಸ ಸಂನ್ಯಾಸಃ ಸತಾಂ ಮತಃ ॥ ೧೫೧ ॥
947. ಸಾಧನಾನಾಂ ತು ಸರ್ವೇಷಾಂ ಮುಮುಕ್ಷಾ ಮೂಲಕಾರಣಮ್ । ಅನಿಚ್ಛೋರಪ್ರವೃತ್ತಸ್ಯ ಕ್ವ ಶ್ರುತಿಃ ಕ್ವ ನು ತತ್ಫಲಮ್ ॥ ೨೨೭ ॥
948. ಸಾಧನೇಷ್ವಪಿ ಸರ್ವೇಷು ತಿತಿಕ್ಷೋತ್ತಮಸಾಧನಮ್ । ಯತ್ರ ವಿಘ್ನಾಃ ಪಲಾಯಂತೇ ದೈವಿಕಾ ಅಪಿ ಭೌತಿಕಾಃ ॥ ೧೪೨ ॥
949. ಸಾಭಾಸಂ ವ್ಯಷ್ಟ್ಯುಪಹಿತಂ ತತ್ತಾದಾತ್ಮ್ಯಮುಪಾಗತಮ್ । ಚೈತನ್ಯಂ ವಿಶ್ವ ಇತ್ಯಾಹುರ್ವೇದಾಂತನಯಕೋವಿದಾಃ ॥ ೪೪೧ ॥
950. ಸಾಮಗ್ರ್ಯೋಶ್ಚೋಭಯೋಸ್ತದ್ವದುಭಯತ್ರಾಧಿಕಾರಿಣೋಃ । ಊರ್ಧ್ವಂ ನಯತಿ ವಿಜ್ಞಾನಮಧಃ ಪ್ರಾಪಯತಿ ಕ್ರಿಯಾ ॥ ೧೮೪ ॥
951. ಸಾಮಾನಾಧಿಕರಣ್ಯಂ ವಾ ಸಂಯೋಗೋ ವಾ ಸಮಾಶ್ರಯಃ । ತಮಃಪ್ರಕಾಶವಜ್ಜ್ಞಾನಾಜ್ಞಾನಯೋರ್ನ ಹಿ ಸಿಧ್ಯತಿ ॥ ೫೭೦ ॥
952. ಸಾರ್ವಭೌಮಾದಿಬ್ರಹ್ಮಾಂತಂ ಶ್ರುತ್ಯಾ ಯಃ ಪ್ರತಿಪಾದಿತಃ । ಸ ಕ್ಷಯಿಷ್ಣುಃ ಸಾತಿಶಯಃ ಪ್ರಕ್ಷೀಣೇ ಕಾರಣೇ ಲಯಮ್ ॥ ೬೪೯ ॥
953. ಸಾಲೋಕ್ಯಸಾಮೀಪ್ಯಸರೂಪತಾದಿ - ಭೇದಸ್ತು ಸತ್ಕರ್ಮವಿಶೇಷಸಿದ್ಧಃ । ನ ಕರ್ಮಸಿದ್ಧಸ್ಯ ತು ನಿತ್ಯತೇತಿವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೩೮ ॥
954. ಸಾವಯವಸ್ಯ ಕ್ಷೀರಾದೇರ್ವಸ್ತುನಃ ಪರಿಣಾಮಿನಃ । ಯೇನ ಕೇನ ವಿಕಾರಿತ್ವಂ ಸ್ಯಾನ್ನೋ ನಿಷ್ಕರ್ಮವಸ್ತುನಃ ॥ ೧೬೧ ॥
955. ಸಿದ್ಧಾಂತೋಽಧ್ಯಾತ್ಮಶಾಸ್ತ್ರಾಣಾಂ ಸರ್ವಾಪಹ್ನವ ಏವ ಹಿ । ನಾವಿದ್ಯಾಸ್ತೀಹ ನೋ ಮಾಯಾ ಶಾಂತಂ ಬ್ರಹ್ಮೈವ ತದ್ವಿನಾ ॥ ೯೯೭ ॥
956. ಸಿದ್ಧೇಶ್ಚಿತ್ತಸಮಾಧಾನಮಸಾಧಾರಣಕಾರಣಮ್ । ಯತಸ್ತತೋ ಮುಮುಕ್ಷೂಣಾಂ ಭವಿತವ್ಯಂ ಸದಾಮುನಾ ॥ ೨೨೧ ॥
957. ಸುಖಂ ಕಿಮಸ್ತ್ಯತ್ರ ವಿಚಾರ್ಯಮಾಣೇಗೃಹೇಽಪಿ ವಾ ಯೋಷಿತಿ ವಾ ಪದಾರ್ಥೇ । ಮಾಯಾತಮೋಽಂಧೀಕೃತಚಕ್ಷುಷೋ ಯೇತ ಏವ ಮುಹ್ಯಂತಿ ವಿವೇಕಶೂನ್ಯಾಃ ॥ ೪೧ ॥
958. ಸುಖಮಿತಿ ಮಲರಾಶೌ ಯೇ ರಮಂತೇಽತ್ರ ಗೇಹೇಕ್ರಿಮಯ ಇವ ಕಲತ್ರಕ್ಷೇತ್ರಪುತ್ರಾನುಷಕ್ತ್ಯಾ । ಸುರಪದ ಇವ ತೇಷಾಂ ನೈವ ಮೋಕ್ಷಪ್ರಸಂಗ - ಸ್ತ್ವಪಿ ತು ನಿರಯಗರ್ಭಾವಾಸದುಃಖಪ್ರವಾಹಃ ॥ ೮೫ ॥
959. ಸುಖಯತಿ ಧನಮೇವೇತ್ಯಂತರಾಶಾಪಿಶಾಚ್ಯಾದೃಢತರಮುಪಗೂಢೋ ಮೂಢಲೋಕೋ ಜಡಾತ್ಮಾ । ನಿವಸತಿ ತದುಪಾಂತೇ ಸಂತತಂ ಪ್ರೇಕ್ಷಮಾಣೋವ್ರಜತಿ ತದಪಿ ಪಶ್ಚಾತ್ಪ್ರಾಣಮೇತಸ್ಯ ಹೃತ್ವಾ ॥ ೭೭ ॥
960. ಸುಖಹೇತುಷು ಸರ್ವೇಷಾಂ ಪ್ರೀತಿಃ ಸಾವಧಿರೀಕ್ಷ್ಯತೇ । ಕದಾಪಿ ನಾವಧಿಃ ಪ್ರೀತೇಃ ಸ್ವಾತ್ಮನಿ ಪ್ರಾಣಿನಾಂ ಕ್ವಚಿತ್ ॥ ೬೨೪ ॥
961. ಸುಪ್ತಿಮೂರ್ಛೋತ್ಥಿತೇಷ್ವೇವ ದೃಷ್ಟಃ ಸಂಸಾರಲಕ್ಷಣಃ । ಅನಾದಿರೇಷಾವಿದ್ಯಾತಃ ಸಂಸ್ಕಾರೋಽಪಿ ಚ ತಾದೃಶಃ ॥ ೪೮೬ ॥
962. ಸುಪ್ತೋತ್ಥಿತಜನೈಃ ಸರ್ವೈಃ ಶೂನ್ಯಮೇವಾನುಸ್ಮರ್ಯತೇ । ಯತ್ತತಃ ಶೂನ್ಯಮೇವಾತ್ಮಾ ನ ಜ್ಞಾನಾಜ್ಞಾನಲಕ್ಷಣಃ ॥ ೫೭೩ ॥
963. ಸುಷುಪ್ತಾವಾತ್ಮಸದ್ಭಾವೇ ಪ್ರಮಾಣಂ ಪಂಡಿತೋತ್ತಮಾಃ । ವಿದುಃ ಸ್ವಪ್ರತ್ಯಭಿಜ್ಞಾನಮಾಬಾಲವೃದ್ಧಸಮ್ಮತಮ್ ॥ ೬೦೪ ॥
964. ಸುಷುಪ್ತಿಕಾಲೇ ಸಕಲೇ ವಿಲೀನೇಶೂನ್ಯಂ ವಿನಾ ನಾನ್ಯದಿಹೋಪಲಭ್ಯತೇ । ಶೂನ್ಯಂ ತ್ವನಾತ್ಮಾ ನ ತತಃ ಪರಃ ಕೋ - ಽಪ್ಯಾತ್ಮಾಭಿಧಾನಸ್ತ್ವನುಭೂಯತೇಽರ್ಥಃ ॥ ೫೮೧ ॥
965. ಸುಷುಪ್ತೌ ಶೂನ್ಯಮೇವೇತಿ ಕೇನ ಪುಂಸಾ ತವೇರಿತಮ್ । ಹೇತುನಾನುಮಿತಂ ಕೇನ ಕಥಂ ಜ್ಞಾತಂ ತ್ವಯೋಚ್ಯತಾಮ್ ॥ ೫೯೫ ॥
966. ಸುಸೂಕ್ಷ್ಮಮಸ್ತಿತಾಮಾತ್ರಂ ನಿರ್ವಿಕಲ್ಪಂ ಮಹತ್ತಮಮ್ । ಕೇವಲಂ ಪರಮಾದ್ವೈತಂ ಬ್ರಹ್ಮೈವಾಸ್ಮೀತಿ ಭಾವಯೇತ್ ॥ ೮೯೭ ॥
967. ಸೋಽಯಂ ದೃಶ್ಯಾನುವಿದ್ಧಃ ಸ್ಯಾತ್ಸಮಾಧಿಃ ಸವಿಕಲ್ಪಕಃ । ಅಹಂಮಮೇದಮಿತ್ಯಾದಿಕಾಮಕ್ರೋಧಾದಿವೃತ್ತಯಃ ॥ ೮೩೧ ॥
968. ಸೋಽಯಂ ದೇವದತ್ತ ಇತಿ ವಾಕ್ಯಂ ವಾಕ್ಯಾರ್ಥ ಏವ ವಾ । ದೇವದತ್ತೈಕ್ಯರೂಪಸ್ವವಾಕ್ಯಾರ್ಥಾನವಬೋಧಕಮ್ ॥ ೭೫೪ ॥
969. ಸೋಽಯಮಾಭಾಸ ಆನಂದಶ್ಚಿತ್ತೇ ಯಃ ಪ್ರತಿಬಿಂಬಿತಃ । ಪುಣ್ಯೋತ್ಕರ್ಷಾಪಕರ್ಷಾಭ್ಯಾಂ ಭವತ್ಯುಚ್ಚಾವಚಃ ಸ್ವಯಮ್ ॥ ೬೪೮ ॥
970. ಸ್ಥಿತಃ ಕಿಂ ಮೂಢ ಏವಾಸ್ಮಿ ಪ್ರೇಕ್ಷ್ಯೋಽಹಂ ಶಾಸ್ತ್ರಸಜ್ಜನೈಃ । ವೈರಾಗ್ಯಪೂರ್ವಮಿಚ್ಛೇತಿ ಶುಭೇಚ್ಛಾ ಚೋಚ್ಯತೇ ಬುಧೈಃ ॥ ೯೪೧ ॥
971. ಸ್ಥೂಲಂ ಚ ಸೂಕ್ಷ್ಮಂ ಚ ವಪುಃ ಸ್ವಭಾವತೋದುಃಖಾತ್ಮಕಂ ಸ್ವಾತ್ಮತಯಾ ಗೃಹೀತ್ವಾ । ವಿಸ್ಮೃತ್ಯ ಚ ಸ್ವಂ ಸುಖರೂಪಮಾತ್ಮನೋದುಃಖಪ್ರದೇಭ್ಯಃ ಸುಖಮಜ್ಞ ಇಚ್ಛತಿ ॥ ೬೩೭ ॥
972. ಸ್ಥೂಲಸೂಕ್ಷ್ಮಕಾರಣಾಖ್ಯಾಃ ಪ್ರಪಂಚಾ ಯೇ ನಿರೂಪಿತಾಃ । ತೇ ಸರ್ವೇಽಪಿ ಮಿಲಿತ್ವೈಕಃ ಪ್ರಪಂಚೋಽಪಿ ಮಹಾನ್ಭವೇತ್ ॥ ೪೫೨ ॥
973. ಸ್ಥೂಲಸ್ಯಾಪಿ ಚ ಸೂಕ್ಷ್ಮಸ್ಯ ದುಃಖರೂಪಸ್ಯ ವರ್ಷ್ಮಣಃ । ಲಯೇ ಸುಷುಪ್ತೌ ಸ್ಫುರತಿ ಪ್ರತ್ಯಗಾನಂದಲಕ್ಷಣಃ ॥ ೬೫೯ ॥
974. ಸ್ಥೂಲಾತ್ಸೂಕ್ಷ್ಮತಯಾ ವ್ಯಷ್ಟಿರಸ್ಯ ಸೂಕ್ಷ್ಮವಪುರ್ಮತಮ್ । ಅಸ್ಯ ಜಾಗರಸಂಸ್ಕಾರಮಯತ್ವಾದ್ವಪುರುಚ್ಯತೇ ॥ ೩೯೨ ॥
975. ಸ್ಥೂಲಾದ್ಯಜ್ಞಾನಪರ್ಯಂತಂ ಕಾರ್ಯಕಾರಣಲಕ್ಷಣಮ್ । ದೃಶ್ಯಂ ಸರ್ವಮನಾತ್ಮೇತಿ ವಿಜಾನೀಹಿ ವಿಚಕ್ಷಣ ॥ ೪೫೬ ॥
976. ಸ್ಮರಣಂ ದರ್ಶನಂ ಸ್ತ್ರೀಣಾಂ ಗುಣಕರ್ಮಾನುಕೀರ್ತನಮ್ । ಸಮೀಚೀನತ್ವಧೀಸ್ತಾಸು ಪ್ರೀತಿಃ ಸಂಭಾಷಣಂ ಮಿಥಃ ॥ ೧೦೯ ॥
977. ಸ್ಯಾತ್ತತ್ತ್ವಂಪದಯೋಃ ಸ್ವಾಮಿನ್ನರ್ಥಃ ಕತಿವಿಧೋ ಮತಃ । ಪದಯೋಃ ಕೋ ನು ವಾಚ್ಯಾರ್ಥೋ ಲಕ್ಷ್ಯಾರ್ಥ ಉಭಯೋಶ್ಚ ಕಃ ॥ ೭೦೦ ॥
978. ಸ್ಯಾದಖಂಡಾಕಾರವೃತ್ತಿರ್ವಿನಾ ತು ಮನನಾದಿನಾ । ಶ್ರವಣಾನ್ಮನನಾದ್ಧ್ಯಾನಾತ್ತಾತ್ಪರ್ಯೇಣ ನಿರಂತರಮ್ ॥ ೮೦೯ ॥
979. ಸ್ವಕೀಯವಿಣ್ಮೂತ್ರವಿಸರ್ಜನಂ ತ - ಚ್ಚೋತ್ತಾನಗತ್ಯಾ ಶಯನಂ ತದಾ ಯತ್ । ಬಾಲಗ್ರಹಾದ್ಯಾಹತಿಭಾಕ್ಚ ಶೈಶವಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೨೮ ॥
980. ಸ್ವತಂತ್ರಃ ಸತ್ಯಸಂಕಲ್ಪಃ ಸತ್ಯಕಾಮಃ ಸ ಈಶ್ವರಃ । ತಸ್ಯೈತಸ್ಯ ಮಹಾವಿಷ್ಣೋರ್ಮಹಾಶಕ್ತೇರ್ಮಹೀಯಸಃ ॥ ೩೧೨ ॥
981. ಸ್ವಪ್ನೇ ಜಾಗರಕಾಲೀನವಾಸನಾಪರಿಕಲ್ಪಿತಾನ್ । ತೈಜಸೋ ವಿಷಯಾನ್ಭುಂಕ್ತೇ ಸೂಕ್ಷ್ಮಾರ್ಥಾನ್ಸೂಕ್ಷ್ಮವೃತ್ತಿಭಿಃ ॥ ೩೯೩ ॥
982. ಸ್ವಪ್ರಾಧಾನ್ಯೇನ ಜಗತೋ ನಿಮಿತ್ತಮಪಿ ಕಾರಣಮ್ । ಉಪಾದಾನಂ ತತೋಪಾಧಿಪ್ರಾಧಾನ್ಯೇನ ಭವತ್ಯಯಮ್ ॥ ೩೩೩ ॥
983. ಸ್ವಭಾಸನೇ ವಾನ್ಯಪದಾರ್ಥಭಾಸನೇನಾರ್ಕಃ ಪ್ರಕಾಶಾಂತರಮೀಷದಿಚ್ಛತಿ । ಸ್ವಬೋಧನೇ ವಾಪ್ಯಹಮಾದಿಬೋಧನೇತಥೈವ ಚಿದ್ಧಾತುರಯಂ ಪರಾತ್ಮಾ ॥ ೬೨೦ ॥
984. ಸ್ವಮಾತ್ಮಾನಂ ಪರಂ ಮತ್ವಾ ಪರಮಾತ್ಮಾನಮನ್ಯಥಾ । ವಿಮೃಗ್ಯತೇ ಪುನಃ ಸ್ವಾತ್ಮಾ ಬಹಿಃ ಕೋಶೇಷು ಪಂಡಿತೈಃ ॥ ೨೯೨ ॥
985. ಸ್ವರೂಪತಸ್ತತ್ಕಲಶಾದಿನಾಮ್ನಾಮೃದೇವ ಮೂಢೈರಭಿಧೀಯತೇ ತತಃ । ನಾಮ್ನೋ ಹಿ ಭೇದೋ ನ ತು ವಸ್ತುಭೇದಃ । ಪ್ರದೃಶ್ಯತೇ ತತ್ರ ವಿಚಾರ್ಯಮಾಣೇ ॥ ೬೮೫ ॥
986. ಸ್ವರೂಪಮಾತ್ರಗ್ರಹಣಂ ಸಮಾಧಿರ್ಬಾಹ್ಯ ಆದಿಮಃ । ಸಚ್ಚಿದಾನಂದರೂಪಸ್ಯ ಸಕಾಶಾದ್ಬ್ರಹ್ಮಣೋ ಯತಿಃ ॥ ೮೮೪ ॥
987. ಸ್ವರೂಪಾಚ್ಛಾದಕತ್ವೇನಾಪ್ಯಾನಂದಪ್ರಚುರತ್ವತಃ । ಕಾರಣಂ ವಪುರಾನಂದಮಯಃ ಕೋಶ ಇತೀರ್ಯತೇ ॥ ೩೨೩ ॥
988. ಸ್ವವಾಸನಾಪ್ರೇರಿತ ಏವ ನಿತ್ಯಂಕರೋತಿ ಕರ್ಮೋಭಯಲಕ್ಷಣಂ ಚ । ಭುಂಕ್ತೇ ತದುತ್ಪನ್ನಫಲಂ ವಿಶಿಷ್ಟಂಸುಖಂ ಚ ದುಃಖಂ ಚ ಪರತ್ರ ಚಾತ್ರ ॥ ೩೫೩ ॥
989. ಸ್ವವಿಕಾರಂ ಪರಿತ್ಯಜ್ಯ ವಸ್ತುಮಾತ್ರತಯಾ ಸ್ಥಿತಿಃ । ಮನಸಃ ಸೋತ್ತಮಾ ಶಾಂತಿರ್ಬ್ರಹ್ಮನಿರ್ವಾಣಲಕ್ಷಣಾ ॥ ೯೭ ॥
990. ಸ್ವಸ್ವರೂಪೇ ಮನಃಸ್ಥಾನಮನುಷ್ಠಾನಂ ತದಿಷ್ಯತೇ । ಕರಣತ್ರಯಸಾಧ್ಯಂ ಯತ್ತನ್ಮೃಷಾ ತದಸತ್ಯತಃ ॥ ೮೫೯ ॥
991. ಸ್ವಸ್ವೋಪಾಧಿಲಯಾದೇವ ಲೀಯಂತೇ ಪ್ರತ್ಯಗಾತ್ಮನಿ । ತೂಷ್ಣೀಮೇವ ತತಸ್ತೂಷ್ಣೀಂ ತೂಷ್ಣೀಂ ಸತ್ಯಂ ನ ಕಿಂಚನ ॥ ೯೯೨ ॥
992. ಸ್ವಸ್ವೋಪಾಧ್ಯನುರೂಪೇಣ ಬ್ರಹ್ಮಾದ್ಯಾಃ ಸರ್ವಜಂತವಃ । ಉಪಜೀವಂತ್ಯಮುಷ್ಯೇವ ಮಾತ್ರಾಮಾನಂದಲಕ್ಷಣಾಮ್ ॥ ೬೬೮ ॥
993. ಸ್ವಾತ್ಮತತ್ತ್ವಂ ಸಮಾಲಂಬ್ಯ ಕುರ್ಯಾತ್ಪ್ರಕೃತಿನಾಶನಮ್ । ತೇನೈವ ಮುಕ್ತೋ ಭವತಿ ನಾನ್ಯಥಾ ಕರ್ಮಕೋಟಿಭಿಃ ॥ ೮೪೬ ॥
994. ಸ್ವಾತ್ಮನ್ಯನಸ್ತಮಯಸಂವಿದಿ ಕಲ್ಪಿತಸ್ಯವ್ಯೋಮಾದಿಸರ್ವಜಗತಃ ಪ್ರದದಾತಿ ಸತ್ತಾಮ್ । ಸ್ಫೂರ್ತಿಂ ಸ್ವಕೀಯಮಹಸಾ ವಿತನೋತಿ ಸಾಕ್ಷಾ - ದ್ಯದ್ಬ್ರಹ್ಮ ತತ್ತ್ವಮಸಿ ಕೇವಲಬೋಧಮಾತ್ರಮ್ ॥ ೭೭೭ ॥
995. ಸ್ವಾತ್ಮೈಕಚಿಂತನಂ ಯತ್ತದೀಶ್ವರಧ್ಯಾನಮೀರಿತಮ್ । ಛಾಯೇವ ಸರ್ವದಾ ವಾಸೋ ಬ್ರಹ್ಮವಿದ್ಭಿಃ ಸಹ ಸ್ಥಿತಿಃ ॥ ೧೨೨ ॥
996. ಸ್ವಾನುಭೂತಿಂ ಪರಿತ್ಯಜ್ಯ ನ ತಿಷ್ಠಂತಿ ಕ್ಷಣಂ ಬುಧಾಃ । ಸ್ವಾನುಭೂತೌ ಪ್ರಮಾದೋ ಯಃ ಸ ಮೃತ್ಯುರ್ನ ಯಮಃ ಸತಾಮ್ ॥ ೯೦೩ ॥
997. ಸ್ವಾಪರೋಕ್ಷಸ್ಯ ವೇದಾದೇಃ ಸಾಧನತ್ವಂ ನಿಷೇಧತಿ । ನಾಹಂ ವೇದೈರ್ನ ತಪಸೇತ್ಯಾದಿನಾ ಭಗವಾನಪಿ ॥ ೨೦೦ ॥
998. ಸ್ವಾಮಿತ್ವದ್ಯೋತನಾಯಾಸ್ಮಿನ್ನಾತ್ಮತ್ವಮುಪಚರ್ಯತೇ । ಶ್ರುತ್ಯಾ ತು ಮುಖ್ಯಯಾ ವೃತ್ತ್ಯಾ ಪುತ್ರ ಆತ್ಮೇತಿ ನೋಚ್ಯತೇ ॥ ೫೩೨ ॥
999. ಸ್ವೀಯೈಃ ಪರೈಸ್ತಾಡನಮಜ್ಞಭಾವ - ಮತ್ಯಂತಚಾಪಲ್ಯಮಸತ್ಕ್ರಿಯಾಂ ಚ । ಕುಮಾರಭಾವೇ ಪ್ರತಿಷಿದ್ಧವೃತ್ತಿಂವಿಚಾರ್ಯ ಕೋ ವಾ ವಿರತಿಂ ನ ಯಾತಿ ॥ ೨೯ ॥
1000. ಸ್ವೇದಾಜ್ಜಾತಾಃ ಸ್ವೇದಜಾಸ್ತೇ ಯೂಕಾ ಲೂಕ್ಷಾದಯೋಽಪಿ ಚ । ಭೂಮಿಮುದ್ಭಿದ್ಯ ಯೇ ಜಾತಾ ಉದ್ಭಿಜ್ಜಾಸ್ತೇ ದ್ರುಮಾದಯಃ ॥ ೪೩೬ ॥
1001. ಸ್ವೇನಾನುಭೂತಂ ಸ್ವಯಮೇವ ವಕ್ತಿಸ್ವಸುಪ್ತಿಕಾಲೇ ಸ್ಥಿತಶೂನ್ಯಭಾವಮ್ । ತತ್ರ ಸ್ವಸತ್ತಾಮನವೇಕ್ಷ್ಯ ಮೂಢಃಸ್ವಸ್ಯಾಪಿ ಶೂನ್ಯತ್ವಮಯಂ ಬ್ರವೀತಿ ॥ ೫೯೭ ॥
1002. ಹಸ್ತವದ್ದ್ವಯಮೇತಸ್ಯ ಸ್ವಕಾರ್ಯಂ ಸಾಧಯಿಷ್ಯತಿ । ಯಥಾ ವಿಜೃಂಭತೇ ದೀಪೋ ಋಜೂಕರಣಕರ್ಮಣಾ ॥ ೧೭೪ ॥
1003. ಹಿತಪರಿಮಿತಭೋಜೀ ನಿತ್ಯಮೇಕಾಂತಸೇವೀಸಕೃದುಚಿತಹಿತೋಕ್ತಿಃ ಸ್ವಲ್ಪನಿದ್ರಾವಿಹಾರಃ । ಅನುನಿಯಮನಶೀಲೋ ಯೋ ಭಜತ್ಯುಕ್ತಕಾಲೇಸ ಲಭತ ಇಹ ಶೀಘ್ರಂ ಸಾಧು ಚಿತ್ತಪ್ರಸಾದಮ್ ॥ ೩೭೨ ॥
1004. ಹಿರಣ್ಯಗರ್ಭ ಇತ್ಯಸ್ಯ ವ್ಯಪದೇಶಸ್ತತೋ ಮತಃ । ಸಮಸ್ತಲಿಂಗದೇಹೇಷು ಸೂತ್ರವನ್ಮಣಿಪಂಕ್ತಿಷು । ವ್ಯಾಪ್ಯ ಸ್ಥಿತತ್ವಾತ್ಸೂತ್ರಾತ್ಮಾ ಪ್ರಾಣನಾತ್ಪ್ರಾಣ ಉಚ್ಯತೇ ॥ ೩೮೯ ॥
1005. ಹಿರಣ್ಯಗರ್ಭಃ ಸೂತ್ರಾತ್ಮಾ ಪ್ರಾಣ ಇತ್ಯಪಿ ಪಂಡಿತಾಃ । ಹಿರಣ್ಮಯೇ ಬುದ್ಧಿಗರ್ಭೇ ಪ್ರಚಕಾಸ್ತಿ ಹಿರಣ್ಯವತ್ ॥ ೩೮೮ ॥
1006. ಹುತಾಶನಾನಾಂ ಶಶಿನಾಮಿನಾನಾ - ಮಪ್ಯರ್ಬುದಂ ವಾಪಿ ನ ಯನ್ನಿಹಂತುಮ್ । ಶಕ್ನೋತಿ ಯದ್ಧ್ವಾಂತಮನಂತಮಾಂತರಂಹಂತ್ಯಾತ್ಮವೇತ್ತಾ ಸಕೃದೀಕ್ಷಣೇನ ॥ ೨೬೨ ॥