ஓம் । உஷா வா அஶ்வஸ்ய மேத்⁴யஸ்ய ஶிர: । ஸூர்யஶ்சக்ஷுர்வாத: ப்ராணோ வ்யாத்தமக்³நிர்வைஶ்வாநர: ஸம்வத்ஸர ஆத்மாஶ்வஸ்ய மேத்⁴யஸ்ய । த்³யௌ: ப்ருஷ்ட²மந்தரிக்ஷமுத³ரம் ப்ருதி²வீ பாஜஸ்யம் தி³ஶ: பார்ஶ்வே அவாந்தரதி³ஶ: பர்ஶவ ருதவோ(அ)ங்கா³நி மாஸாஶ்சார்த⁴மாஸாஶ்ச பர்வாண்யஹோராத்ராணி ப்ரதிஷ்டா² நக்ஷத்ராண்யஸ்தீ²நி நபோ⁴ மாம்ஸாநி । ஊவத்⁴யம் ஸிகதா: ஸிந்த⁴வோ கு³தா³ யக்ருச்ச க்லோமாநஶ்ச பர்வதா ஓஷத⁴யஶ்ச வநஸ்பதயஶ்ச லோமாந்யுத்³யந்பூர்வார்தோ⁴ நிம்லோசஞ்ஜக⁴நார்தோ⁴ யத்³விஜ்ரும்ப⁴தே தத்³வித்³யோததே யத்³விதூ⁴நுதே தத்ஸ்தநயதி யந்மேஹதி தத்³வர்ஷதி வாகே³வாஸ்ய வாக் ॥ 1 ॥

அஹர்வா அஶ்வம் புரஸ்தாந்மஹிமாந்வஜாயத தஸ்ய பூர்வே ஸமுத்³ரே யோநீ ராத்ரிரேநம் பஶ்சாந்மஹிமாந்வஜாயத தஸ்யாபரே ஸமுத்³ரே யோநிரேதௌ வா அஶ்வம் மஹிமாநாவபி⁴த: ஸம்ப³பூ⁴வது: । ஹயோ பூ⁴த்வா தே³வாநவஹத்³வாஜீ க³ந்த⁴ர்வாநர்வாஸுராநஶ்வோ மநுஷ்யாந்ஸமுத்³ர ஏவாஸ்ய ப³ந்து⁴: ஸமுத்³ரோ யோநி: ॥ 2 ॥

நைவேஹ கிஞ்சநாக்³ர ஆஸீந்ம்ருத்யுநைவேத³மாவ்ருதமாஸீத³ஶநாயயாஶநாயா ஹி ம்ருத்யுஸ்தந்மநோ(அ)குருதாத்மந்வீ ஸ்யாமிதி । ஸோ(அ)ர்சந்நசரத்தஸ்யார்சத ஆபோ(அ)ஜாயந்தார்சதே வை மே கமபூ⁴தி³தி ததே³வார்கஸ்யார்கத்வம் கம் ஹ வா அஸ்மை ப⁴வதி ய ஏவமேதத³ர்கஸ்யார்கத்வம் வேத³ ॥ 1 ॥

ஆபோ வா அர்கஸ்தத்³யத³பாம் ஶர ஆஸீத்தத்ஸமஹந்யத । ஸா ப்ருதி²வ்யப⁴வத்தஸ்யாமஶ்ராம்யத்தஸ்ய ஶ்ராந்தஸ்ய தப்தஸ்ய தேஜோரஸோ நிரவர்ததாக்³நி: ॥ 2 ॥

ஸ த்ரேதா⁴த்மாநம் வ்யகுருதாதி³த்யம் த்ருதீயம் வாயும் த்ருதீயம் ஸ ஏஷ ப்ராணஸ்த்ரேதா⁴ விஹித: । தஸ்ய ப்ராசீ தி³க்ஶிரோ(அ)ஸௌ சாஸௌ சேர்மௌ । அதா²ஸ்ய ப்ரதீசீ தி³க்புச்ச²மஸௌ சாஸௌ ச ஸக்த்²யௌ த³க்ஷிணா சோதீ³சீ ச பார்ஶ்வே த்³யௌ: ப்ருஷ்ட²மந்தரிக்ஷமுத³ரமியமுர: ஸ ஏஷோ(அ)ப்ஸு ப்ரதிஷ்டி²தோ யத்ர க்வசைதி ததே³வ ப்ரதிதிஷ்ட²த்யேவம் வித்³வாந் ॥ 3 ॥

ஸோ(அ)காமயத த்³விதீயோ ம ஆத்மா ஜாயேதேதி ஸ மநஸா வாசம் மிது²நம் ஸமப⁴வத³ஶநாயாம்ருத்யுஸ்தத்³யத்³ரேத ஆஸீத்ஸ ஸம்வத்ஸரோ(அ)ப⁴வத் । ந ஹ புரா தத: ஸம்வத்ஸர ஆஸ தமேதாவந்தம் காலமபி³ப⁴: । யாவாந்ஸம்வத்ஸரஸ்தமேதாவத: காலஸ்ய பரஸ்தாத³ஸ்ருஜத । தம் ஜாதமபி⁴வ்யாத³தா³த்ஸ பா⁴ணகரோத்ஸைவ வாக³ப⁴வத் ॥ 4 ॥

ஸ ஐக்ஷத யதி³ வா இமமபி⁴மம்ஸ்யே கநீயோ(அ)ந்நம் கரிஷ்ய இதி ஸ தயா வாசா தேநாத்மநேத³ம் ஸர்வமஸ்ருஜத யதி³த³ம் கிஞ்சர்சோ யஜூம்ஷி ஸாமாநி ச்ச²ந்தா³ம்ஸி யஜ்ஞாந்ப்ரஜா: பஶூந் । ஸ யத்³யதே³வாஸ்ருஜத தத்தத³த்துமத்⁴ரியத ஸர்வம் வா அத்தீதி தத³தி³தேரதி³தித்வம் ஸர்வஸ்யைதஸ்யாத்தா ப⁴வதி ஸர்வமஸ்யாந்நம் ப⁴வதி ய ஏவமேதத³தி³தேரதி³தித்வம் வேத³ ॥ 5 ॥

ஸோ(அ)காமயத பூ⁴யஸா யஜ்ஞேந பூ⁴யோ யஜேயேதி । ஸோ(அ)ஶ்ராம்யத்ஸ தபோ(அ)தப்யத தஸ்ய ஶ்ராந்தஸ்ய தப்தஸ்ய யஶோ வீர்யமுத³க்ராமத் । ப்ராணா வை யஶோ வீர்யம் தத்ப்ராணேஷூத்க்ராந்தேஷு ஶரீரம் ஶ்வயிதுமத்⁴ரியத தஸ்ய ஶரீர ஏவ மந ஆஸீத் ॥ 6 ॥

ஸோ(அ)காமயத மேத்⁴யம் ம இத³ம் ஸ்யாதா³த்மந்வ்யநேந ஸ்யாமிதி । ததோ(அ)ஶ்வ: ஸமப⁴வத்³யத³ஶ்வத்தந்மேத்⁴யமபூ⁴தி³தி ததே³வாஶ்வமேத⁴ஸ்யாஶ்வமேத⁴த்வம் । ஏஷ ஹ வா அஶ்வமேத⁴ம் வேத³ ய ஏநமேவம் வேத³ । தமநவருத்⁴யைவாமந்யத । தம் ஸம்வத்ஸரஸ்ய பரஸ்தாதா³த்மந ஆலப⁴த । பஶூந்தே³வதாப்⁴ய: ப்ரத்யௌஹத் । தஸ்மாத்ஸர்வதே³வத்யம் ப்ரோக்ஷிதம் ப்ராஜாபத்யமாலப⁴ந்தே । ஏஷ ஹ வா அஶ்வமேதோ⁴ ய ஏஷ தபதி தஸ்ய ஸம்வத்ஸர ஆத்மாயமக்³நிரர்கஸ்தஸ்யேமே லோகா ஆத்மாநஸ்தாவேதாவர்காஶ்வமேதௌ⁴ । ஸோ புநரேகைவ தே³வதா ப⁴வதி ம்ருத்யுரேவாப புநர்ம்ருத்யும் ஜயதி நைநம் ம்ருத்யுராப்நோதி ம்ருத்யுரஸ்யாத்மா ப⁴வத்யேதாஸாம் தே³வதாநாமேகோ ப⁴வதி ॥ 7 ॥

த்³வயா ஹ ப்ராஜாபத்யா தே³வாஶ்சாஸுராஶ்ச தத: காநீயஸா ஏவ தே³வா ஜ்யாயஸா அஸுராஸ்த ஏஷு லோகேஷ்வஸ்பர்த⁴ந்த தே ஹ தே³வா ஊசுர்ஹந்தாஸுராந்யஜ்ஞ உத்³கீ³தே²நாத்யயாமேதி ॥ 1 ॥

தே ஹ வாசமூசுஸ்த்வம் ந உத்³கா³யேதி ததே²தி தேப்⁴யோ வாகு³த³கா³யத் । யோ வாசி போ⁴க³ஸ்தம் தே³வேப்⁴ய ஆகா³யத்³யத்கல்யாணம் வத³தி ததா³த்மநே । தே விது³ரநேந வை ந உத்³கா³த்ராத்யேஷ்யந்தீதி தமபி⁴த்³ருத்ய பாப்மநாவித்⁴யந்ஸ ய: ஸ பாப்மா யதே³வேத³மப்ரதிரூபம் வத³தி ஸ ஏவ ஸ பாப்மா ॥ 2 ॥

அத² ஹ ப்ராணமூசுஸ்த்வம் ந உத்³கா³யேதி ததே²தி தேப்⁴ய: ப்ராண உத³கா³யத்³ய: ப்ராணே போ⁴க³ஸ்தம் தே³வேப்⁴ய ஆகா³யத்³யத்கல்யாணம் ஜிக்⁴ரதி ததா³த்மநே । தே விது³ரநேந வை ந உத்³கா³த்ராத்யேஷ்யந்தீதி தமபி⁴த்³ருத்ய பாப்மநாவித்⁴யந்ஸ ய: ஸ பாப்மா யதே³வேத³மப்ரதிரூபம் ஜிக்⁴ரதி ஸ ஏவ ஸ பாப்மா ॥ 3 ॥

அத² ஹ சக்ஷுரூசுஸ்த்வம் ந உத்³கா³யேதி ததே²தி தேப்⁴யஶ்சக்ஷுருத³கா³யத் । யஶ்சக்ஷுஷி போ⁴க³ஸ்தம் தே³வேப்⁴ய ஆகா³யத்³யத்கல்யாணம் பஶ்யதி ததா³த்மநே । தே விது³ரநேந வை ந உத்³கா³த்ராத்யேஷ்யந்தீதி தமபி⁴த்³ருத்ய பாப்மநாவித்⁴யந்ஸ ய: ஸ பாப்மா யதே³வேத³மப்ரதிரூபம் பஶ்யதி ஸ ஏவ ஸ பாப்மா ॥ 4 ॥

அத² ஹ ஶ்ரோத்ரமூசுஸ்த்வம் ந உத்³கா³யேதி ததே²தி தேப்⁴ய: ஶ்ரோத்ரமுத³கா³யத்³ய: ஶ்ரோத்ரே போ⁴க³ஸ்தம் தே³வேப்⁴ய ஆகா³யத்³யத்கல்யாணம் ஶ்ருணோதி ததா³த்மநே । தே விது³ரநேந வை ந உத்³கா³த்ராத்யேஷ்யந்தீதி தமபி⁴த்³ருத்ய பாப்மநாவித்⁴யந்ஸ ய: ஸ பாப்மா யதே³வேத³மப்ரதிரூபம் ஶ்ருணோதி ஸ ஏவ ஸ பாப்மா ॥ 5 ॥

அத² ஹ மந ஊசுஸ்த்வம் ந உத்³கா³யேதி ததே²தி தேப்⁴யோ மந உத³கா³யத்³யோ மநஸி போ⁴க³ஸ்தம் தே³வேப்⁴ய ஆகா³யத்³யத்கல்யாணம் ஸங்கல்பயதி ததா³த்மநே । தே விது³ரநேந வை ந உத்³கா³த்ராத்யேஷ்யந்தீதி தமபி⁴த்³ருத்ய பாப்மநாவித்⁴யந்ஸ ய: ஸ பாப்மா யதே³வேத³மப்ரதிரூபம் ஸங்கல்பயதி ஸ ஏவ ஸ பாப்மைவமு க²ல்வேதா தே³வதா: பாப்மபி⁴ருபாஸ்ருஜந்நேவமேநா: பாப்மநாவித்⁴யந் ॥ 6 ॥

அத² ஹேமமாஸந்யம் ப்ராணமூசுஸ்த்வம் ந உத்³கா³யேதி ததே²தி தேப்⁴ய ஏஷ ப்ராண உத³கா³யத்தே விது³ரநேந வை ந உத்³கா³த்ராத்யேஷ்யந்தீதி தமபி⁴த்³ருத்ய பாப்மநாவிவ்யத்ஸந்ஸ யதா²ஶ்மாநம்ருத்வா லோஷ்டோ வித்⁴வம்ஸேதைவம் ஹைவ வித்⁴வம்ஸமாநா விஷ்வஞ்சோ விநேஶுஸ்ததோ தே³வா அப⁴வந்பராஸுரா ப⁴வத்யாத்மநா பராஸ்ய த்³விஷந்ப்⁴ராத்ருவ்யோ ப⁴வதி ய ஏவம் வேத³ ॥ 7 ॥

தே ஹோசு: க்வ நு ஸோ(அ)பூ⁴த்³யோ ந இத்த²மஸக்தேத்யயமாஸ்யே(அ)ந்தரிதி ஸோ(அ)யாஸ்ய ஆங்கி³ரஸோ(அ)ங்கா³நாம் ஹி ரஸ: ॥ 8 ॥

ஸா வா ஏஷா தே³வதா தூ³ர்நாம தூ³ரம் ஹ்யஸ்யா ம்ருத்யுர்தூ³ரம் ஹ வா அஸ்மாந்ம்ருத்யுர்ப⁴வதி ய ஏவம் வேத³ ॥ 9 ॥

ஸா வா ஏஷா தே³வதைதாஸாம் தே³வதாநாம் பாப்மாநம் ம்ருத்யுமபஹத்ய யத்ராஸாம் தி³ஶாமந்தஸ்தத்³க³மயாஞ்சகார ததா³ஸாம் பாப்மநோ விந்யத³தா⁴த்தஸ்மாந்ந ஜநமியாந்நாந்தமியாந்நேத்பாப்மாநம் ம்ருத்யுமந்வவாயாநீதி ॥ 10 ॥

ஸா வா ஏஷா தே³வதைதாஸாம் தே³வதாநாம் பாப்மாநம் ம்ருத்யுமபஹத்யாதை²நா ம்ருத்யுமத்யவஹத் ॥ 11 ॥

ஸ வை வாசமேவ ப்ரத²மாமத்யவஹத் ; ஸா யதா³ ம்ருத்யுமத்யமுச்யத ஸோ(அ)க்³நிரப⁴வத் ; ஸோ(அ)யமக்³நி: பரேண ம்ருத்யுமதிக்ராந்தோ தீ³ப்யதே ॥ 12 ॥

அத² ப்ராணமத்யவஹத் ; ஸ யதா³ ம்ருத்யுமத்யமுச்யத ஸ வாயுரப⁴வத் ; ஸோ(அ)யம் வாயு: பரேண ம்ருத்யுமதிக்ராந்த: பவதே ॥ 13 ॥

அத² சக்ஷுரத்யவஹத் ; தத்³யதா³ ம்ருத்யுமத்யமுச்யத ஸ ஆதி³த்யோ(அ)ப⁴வத் ; ஸோ(அ)ஸாவாதி³த்ய: பரேண ம்ருத்யுமதிக்ராந்தஸ்தபதி ॥ 14 ॥

அத² ஶ்ரோத்ரமத்யவஹத் ; தத்³யதா³ ம்ருத்யுமத்யமுச்யத தா தி³ஶோ(அ)ப⁴வம்ஸ்தா இமா தி³ஶ: பரேண ம்ருத்யுமதிக்ராந்தா: ॥ 15 ॥

அத² மநோ(அ)த்யவஹத் ; தத்³யதா³ ம்ருத்யுமத்யமுச்யத ஸ சந்த்³ரமா அப⁴வத் ; ஸோ(அ)ஸௌ சந்த்³ர: பரேண ம்ருத்யுமதிக்ராந்தோ பா⁴த்யேவம் ஹ வா ஏநமேஷா தே³வதா ம்ருத்யுமதிவஹதி ய ஏவம் வேத³ ॥ 16 ॥

அதா²த்மநே(அ)ந்நாத்³யமாகா³யத்³யத்³தி⁴ கிஞ்சாந்நமத்³யதே(அ)நேநைவ தத³த்³யத இஹ ப்ரதிதிஷ்ட²தி ॥ 17 ॥

தே தே³வா அப்³ருவந்நேதாவத்³வா இத³ம் ஸர்வம் யத³ந்நம் ததா³த்மந ஆகா³ஸீரநு நோ(அ)ஸ்மிந்நந்ந ஆப⁴ஜஸ்வேதி தே வை மாபி⁴ஸம்விஶதேதி ததே²தி தம் ஸமந்தம் பரிண்யவிஶந்த । தஸ்மாத்³யத³நேநாந்நமத்தி தேநைதாஸ்த்ருப்யந்த்யேவம் ஹ வா ஏநம் ஸ்வா அபி⁴ஸம்விஶந்தி ப⁴ர்தா ஸ்வாநாம் ஶ்ரேஷ்ட²: புர ஏதா ப⁴வத்யந்நாதோ³(அ)தி⁴பதிர்ய ஏவம் வேத³ ய உ ஹைவம்வித³ம் ஸ்வேஷு ப்ரதி ப்ரதிர்பு³பூ⁴ஷதி ந ஹைவாலம் பா⁴ர்யேப்⁴யோ ப⁴வத்யத² ய ஏவைதமநு ப⁴வதி யோ வைதமநு பா⁴ர்யாந்பு³பூ⁴ர்ஷதி ஸ ஹைவாலம் பா⁴ர்யேப்⁴யோ ப⁴வதி ॥ 18 ॥

ஸோ(அ)யாஸ்ய ஆங்கி³ரஸோ(அ)ங்கா³நாம் ஹி ரஸ: ப்ராணோ வா அங்கா³நாம் ரஸ: ப்ராணோ ஹி வா அங்கா³நாம் ரஸஸ்தஸ்மாத்³யஸ்மாத்கஸ்மாச்சாங்கா³த்ப்ராண உத்க்ராமதி ததே³வ தச்சு²ஷ்யத்யேஷ ஹி வா அங்கா³நாம் ரஸ: ॥ 19 ॥

ஏஷ உ ஏவ ப்³ருஹஸ்பதிர்வாக்³வை ப்³ருஹதீ தஸ்யா ஏஷ பதிஸ்தஸ்மாது³ ப்³ருஹஸ்பதி: ॥ 20 ॥

ஏஷ உ ஏவ ப்³ரஹ்மணஸ்பதிர்வாக்³வை ப்³ரஹ்ம தஸ்யா ஏஷ பதிஸ்தஸ்மாது³ ப்³ரஹ்மணஸ்பதி: ॥ 21 ॥

ஏஷ உ ஏவ ஸாம வாக்³வை ஸாமைஷ ஸா சாமஶ்சேதி தத்ஸாம்ந: ஸாமத்வம் । யத்³வேவ ஸம: ப்லுஷிணா ஸமோ மஶகேந ஸமோ நாகே³ந ஸம ஏபி⁴ஸ்த்ரிபி⁴ர்லோகை: ஸமோ(அ)நேந ஸர்வேண தஸ்மாத்³வேவ ஸாமாஶ்நுதே ஸாம்ந: ஸாயுஜ்யம் ஸலோகதாம் ய ஏவமேதத்ஸாம வேத³ ॥ 22 ॥

ஏஷ உ வா உத்³கீ³த²: ப்ராணோ வா உத்ப்ராணேந ஹீத³ம் ஸர்வமுத்தப்³த⁴ம் வாகே³வ கீ³தோ²ச்ச கீ³தா² சேதி ஸ உத்³கீ³த²: ॥ 23 ॥

தத்³தா⁴பி ப்³ரஹ்மத³த்தஶ்சைகிதாநேயோ ராஜாநம் ப⁴க்ஷயந்நுவாசாயம் த்யஸ்ய ராஜா மூர்தா⁴நம் விபாதயதாத்³யதி³தோ(அ)யாஸ்ய ஆங்கி³ரஸோ(அ)ந்யேநோத³கா³யதி³தி வாசா ச ஹ்யேவ ஸ ப்ராணேந சோத³கா³யதி³தி ॥ 24 ॥

தஸ்ய ஹைதஸ்ய ஸாம்நோ ய: ஸ்வம் வேத³ ப⁴வதி ஹாஸ்ய ஸ்வம் தஸ்ய வை ஸ்வர ஏவ ஸ்வம் தஸ்மாதா³ர்த்விஜ்யம் கரிஷ்யந்வாசி ஸ்வரமிச்சே²த தயா வாசா ஸ்வரஸம்பந்நயார்த்விஜ்யம் குர்யாத்தஸ்மாத்³யஜ்ஞே ஸ்வரவந்தம் தி³த்³ருக்ஷந்த ஏவ । அதோ² யஸ்ய ஸ்வம் ப⁴வதி ப⁴வதி ஹாஸ்ய ஸ்வம் ய ஏவமேதத்ஸாம்ந: ஸ்வம் வேத³ ॥ 25 ॥

தஸ்ய ஹைதஸ்ய ஸாம்நோ ய: ஸுவர்ணம் வேத³ ப⁴வதி ஹாஸ்ய ஸுவர்ணம் தஸ்ய வை ஸ்வர ஏவ ஸுவர்ணம் ப⁴வதி ஹாஸ்ய ஸுவர்ணம் ய ஏவமேதத்ஸாம்ந: ஸுவர்ணம் வேத³ ॥ 26 ॥

தஸ்ய ஹைதஸ்ய ஸாம்நோ ய: ப்ரதிஷ்டா²ம் வேத³ ப்ரதி ஹ திஷ்ட²தி தஸ்ய வை வாகே³வ ப்ரதிஷ்டா² வாசி ஹி க²ல்வேஷ ஏதத்ப்ராண: ப்ரதிஷ்டி²தோ கீ³யதே(அ)ந்ந இத்யு ஹைக ஆஹு: ॥ 27 ॥

அதா²த: பவமாநாநாமேவாப்⁴யாரோஹ: ஸ வை க²லு ப்ரஸ்தோதா ஸாம ப்ரஸ்தௌதி ஸ யத்ர ப்ரஸ்துயாத்ததே³தாநி ஜபேத் । அஸதோ மா ஸத்³க³மய தமஸோ மா ஜ்யோதிர்க³மய ம்ருத்யோர்மாம்ருதம் க³மயேதி ஸ யதா³ஹாஸதோ மா ஸத்³க³மயேதி ம்ருத்யுர்வா அஸத்ஸத³ம்ருதம் ம்ருத்யோர்மாம்ருதம் க³மயாம்ருதம் மா குர்வித்யேவைததா³ஹ தமஸோ மா ஜ்யோதிர்க³மயேதி ம்ருத்யுர்வை தமோ ஜ்யோதிரம்ருதம் ம்ருத்யோர்மாம்ருதம் க³மயாம்ருதம் மா குர்வித்யேவைததா³ஹ ம்ருத்யோர்மாம்ருதம் க³மயேதி நாத்ர திரோஹிதமிவாஸ்தி । அத² யாநீதராணி ஸ்தோத்ராணி தேஷ்வாத்மநே(அ)ந்நாத்³யமாகா³யேத்தஸ்மாது³ தேஷு வரம் வ்ருணீத யம் காமம் காமயேத தம் ஸ ஏஷ ஏவம்விது³த்³கா³தாத்மநே வா யஜமாநாய வா யம் காமம் காமயதே தமாகா³யதி தத்³தை⁴தல்லோகஜிதே³வ ந ஹைவாலோக்யதாயா ஆஶாஸ்தி ய ஏவமேதத்ஸாம வேத³ ॥ 28 ॥

ஆத்மைவேத³மக்³ர ஆஸீத்புருஷவித⁴: ஸோ(அ)நுவீக்ஷ்ய நாந்யதா³த்மநோ(அ)பஶ்யத்ஸோ(அ)ஹமஸ்மீத்யக்³ரே வ்யாஹரத்ததோ(அ)ஹந்நாமாப⁴வத்தஸ்மாத³ப்யேதர்ஹ்யாமந்த்ரிதோ(அ)ஹமயமித்யேவாக்³ர உக்த்வாதா²ந்யந்நாம ப்ரப்³ரூதே யத³ஸ்ய ப⁴வதி ஸ யத்பூர்வோ(அ)ஸ்மாத்ஸர்வஸ்மாத்ஸர்வாந்பாப்மந ஔஷத்தஸ்மாத்புருஷ ஓஷதி ஹ வை ஸ தம் யோ(அ)ஸ்மாத்பூர்வோ பு³பூ⁴ஷதி ய ஏவம் வேத³ ॥ 1 ॥

ஸோ(அ)பி³பே⁴த்தஸ்மாதே³காகீ பி³பே⁴தி ஸ ஹாயமீக்ஷாம் சக்ரே யந்மத³ந்யந்நாஸ்தி கஸ்மாந்நு பி³பே⁴மீதி தத ஏவாஸ்ய ப⁴யம் வீயாய கஸ்மாத்³த்⁴யபே⁴ஷ்யத்³த்³விதீயாத்³வை ப⁴யம் ப⁴வதி ॥ 2 ॥

ஸ வை நைவ ரேமே தஸ்மாதே³காகீ ந ரமதே ஸ த்³விதீயமைச்ச²த் । ஸ ஹைதாவாநாஸ யதா² ஸ்த்ரீபுமாம்ஸௌ ஸம்பரிஷ்வக்தௌ ஸ இமமேவாத்மாநம் த்³வேதா⁴பாதயத்தத: பதிஶ்ச பத்நீ சாப⁴வதாம் தஸ்மாதி³த³மர்த⁴ப்³ருக³லமிவ ஸ்வ இதி ஹ ஸ்மாஹ யாஜ்ஞவல்க்யஸ்தஸ்மாத³யமாகாஶ: ஸ்த்ரியா பூர்யத ஏவ தாம் ஸமப⁴வத்ததோ மநுஷ்யா அஜாயந்த ॥ 3 ॥

ஸோ ஹேயமீக்ஷாஞ்சக்ரே கத²ம் நு மாத்மந ஏவ ஜநயித்வா ஸம்ப⁴வதி ஹந்த திரோ(அ)ஸாநீதி ஸா கௌ³ரப⁴வத்³ருஷப⁴ இதரஸ்தாம் ஸமேவாப⁴வத்ததோ கா³வோ(அ)ஜாயந்த ப³ட³பே³தராப⁴வத³ஶ்வவ்ருஷ இதரோ க³ர்த³பீ⁴தரா க³ர்த³ப⁴ இதரஸ்தாம் ஸமேவாப⁴வத்தத ஏகஶப²மஜாயதாஜேதராப⁴வத்³ப³ஸ்த இதரோ(அ)விரிதரா மேஷ இதரஸ்தாம் ஸமேவாப⁴வத்ததோ(அ)ஜாவயோ(அ)ஜாயந்தைவமேவ யதி³த³ம் கிஞ்ச மிது²நமா பிபீலிகாப்⁴யஸ்தத்ஸர்வமஸ்ருஜத ॥ 4 ॥

ஸோ(அ)வேத³ஹம் வாவ ஸ்ருஷ்டிரஸ்ம்யஹம் ஹீத³ம் ஸர்வமஸ்ருக்ஷீதி தத: ஸ்ருஷ்டிரப⁴வத்ஸ்ருஷ்ட்யாம் ஹாஸ்யைதஸ்யாம் ப⁴வதி ய ஏவம் வேத³ ॥ 5 ॥

அதே²த்யப்⁴யமந்த²த்ஸ முகா²ச்ச யோநேர்ஹஸ்தாப்⁴யாம் சாக்³நிமஸ்ருஜத தஸ்மாதே³தது³ப⁴யமலோமகமந்தரதோ(அ)லோமகா ஹி யோநிரந்தரத: । தத்³யதி³த³மாஹுரமும் யஜாமும் யஜேத்யேகைகம் தே³வமேதஸ்யைவ ஸா விஸ்ருஷ்டிரேஷ உ ஹ்யேவ ஸர்வே தே³வா: । அத² யத்கிஞ்சேத³மார்த்³ரம் தத்³ரேதஸோ(அ)ஸ்ருஜத தது³ ஸோம ஏதாவத்³வா இத³ம் ஸர்வமந்நம் சைவாந்நாத³ஶ்ச ஸோம ஏவாந்நமக்³நிரந்நாத³: ஸைஷா ப்³ரஹ்மணோ(அ)திஸ்ருஷ்டி: । யச்ச்²ரேயஸோ தே³வாநஸ்ருஜதாத² யந்மர்த்ய: ஸந்நம்ருதாநஸ்ருஜத தஸ்மாத³திஸ்ருஷ்டிரதிஸ்ருஷ்ட்யாம் ஹாஸ்யைதஸ்யாம் ப⁴வதி ய ஏவம் வேத³ ॥ 6 ॥

தத்³தே⁴த³ம் தர்ஹ்யவ்யாக்ருதமாஸீத்தந்நாமரூபாப்⁴யாமேவ வ்யாக்ரியதாஸௌநாமாயமித³ம்ரூப இதி ததி³த³மப்யேதர்ஹி நாமரூபாப்⁴யாமேவ வ்யாக்ரியதே(அ)ஸௌநாமாயமித³ம்ரூப இதி ஸ ஏஷ இஹ ப்ரவிஷ்ட: । ஆ நகா²க்³ரேப்⁴யோ யதா² க்ஷுர: க்ஷுரதா⁴நே(அ)வஹித: ஸ்யாத்³விஶ்வம்ப⁴ரோ வா விஶ்வம்ப⁴ரகுலாயே தம் ந பஶ்யந்தி । அக்ருத்ஸ்நோ ஹி ஸ ப்ராணந்நேவ ப்ராணோ நாம ப⁴வதி । வத³ந்வாக்பஶ்யம்ஶ்சக்ஷு: ஶ்ருண்வஞ்ஶ்ரோத்ரம் மந்வாநோ மநஸ்தாந்யஸ்யைதாநி கர்மநாமாந்யேவ । ஸ யோ(அ)த ஏகைகமுபாஸ்தே ந ஸ வேதா³க்ருத்ஸ்நோ ஹ்யேஷோ(அ)த ஏகைகேந ப⁴வத்யாத்மேத்யேவோபாஸீதாத்ர ஹ்யேதே ஸர்வ ஏகம் ப⁴வந்தி । ததே³தத்பத³நீயமஸ்ய ஸர்வஸ்ய யத³யமாத்மாநேந ஹ்யேதத்ஸர்வம் வேத³ । யதா² ஹ வை பதே³நாநுவிந்தே³தே³வம் கீர்திம் ஶ்லோகம் விந்த³தே ய ஏவம் வேத³ ॥ 7 ॥

ததே³தத்ப்ரேய: புத்ராத்ப்ரேயோ வித்தாத்ப்ரேயோ(அ)ந்யஸ்மாத்ஸர்வஸ்மாத³ந்தரதரம் யத³யமாத்மா । ஸ யோ(அ)ந்யமாத்மாந: ப்ரியம் ப்³ருவாணம் ப்³ரூயாத்ப்ரியம் ரோத்ஸ்யதீதீஶ்வரோ ஹ ததை²வ ஸ்யாதா³த்மாநமேவ ப்ரியமுபாஸீத ஸ ய ஆத்மாநமேவ ப்ரியமுபாஸ்தே ந ஹாஸ்ய ப்ரியம் ப்ரமாயுகம் ப⁴வதி ॥ 8 ॥

ததா³ஹுர்யத்³ப்³ரஹ்மவித்³யயா ஸர்வம் ப⁴விஷ்யந்தோ மநுஷ்யா மந்யந்தே । கிமு தத்³ப்³ரஹ்மாவேத்³யஸ்மாத்தத்ஸர்வமப⁴வதி³தி ॥ 9 ॥

ப்³ரஹ்ம வா இத³மக்³ர ஆஸீத்ததா³த்மாநமேவாவேத் । அஹம் ப்³ரஹ்மாஸ்மீதி । தஸ்மாத்தத்ஸர்வமப⁴வத்தத்³யோ யோ தே³வாநாம் ப்ரத்யபு³த்⁴யத ஸ ஏவ தத³ப⁴வத்தத²ர்ஷீணாம் ததா² மநுஷ்யாணாம் தத்³தை⁴தத்பஶ்யந்ருஷிர்வாமதே³வ: ப்ரதிபேதே³(அ)ஹம் மநுரப⁴வம் ஸூர்யஶ்சேதி । ததி³த³மப்யேதர்ஹி ய ஏவம் வேதா³ஹம் ப்³ரஹ்மாஸ்மீதி ஸ இத³ம் ஸர்வம் ப⁴வதி தஸ்ய ஹ ந தே³வாஶ்சநாபூ⁴த்யா ஈஶதே । ஆத்மா ஹ்யேஷாம் ஸ ப⁴வதி அத² யோ(அ)ந்யாம் தே³வதாமுபாஸ்தே(அ)ந்யோ(அ)ஸாவந்யோ(அ)ஹமஸ்மீதி ந ஸ வேத³ யதா² பஶுரேவம் ஸ தே³வாநாம் । யதா² ஹ வை ப³ஹவ: பஶவோ மநுஷ்யம் பு⁴ஞ்ஜ்யுரேவமேகைக: புருஷோ தே³வாந்பு⁴நக்த்யேகஸ்மிந்நேவ பஶாவாதீ³யமாநே(அ)ப்ரியம் ப⁴வதி கிமு ப³ஹுஷு தஸ்மாதே³ஷாம் தந்ந ப்ரியம் யதே³தந்மநுஷ்யா வித்³யு: ॥ 10 ॥

ப்³ரஹ்ம வா இத³மக்³ர ஆஸீதே³கமேவ ததே³கம் ஸந்ந வ்யப⁴வத் । தச்ச்²ரேயோரூபமத்யஸ்ருஜத க்ஷத்ரம் யாந்யேதாநி தே³வத்ரா க்ஷத்ராணீந்த்³ரோ வருண: ஸோமோ ருத்³ர: பர்ஜந்யோ யமோ ம்ருத்யுரீஶாந இதி । தஸ்மாத்க்ஷத்ராத்பரம் நாஸ்தி தஸ்மாத்³ப்³ரஹ்மண: க்ஷத்ரியமத⁴ஸ்தாது³பாஸ்தே ராஜஸூயே க்ஷத்ர ஏவ தத்³யஶோ த³தா⁴தி ஸைஷா க்ஷத்ரஸ்ய யோநிர்யத்³ப்³ரஹ்ம । தஸ்மாத்³யத்³யபி ராஜா பரமதாம் க³ச்ச²தி ப்³ரஹ்மைவாந்தத உபநிஶ்ரயதி ஸ்வாம் யோநிம் ய உ ஏநம் ஹிநஸ்தி ஸ்வாம் ஸ யோநிம்ருச்ச²தி ஸ பாபீயாந்ப⁴வதி யதா² ஶ்ரேயாம் ஸம் ஹிம்ஸித்வா ॥ 11 ॥

ஸ நைவ வ்யப⁴வத்ஸ விஶமஸ்ருஜத யாந்யேதாநி தே³வஜாதாநி க³ணஶ ஆக்²யாயந்தே வஸவோ ருத்³ரா ஆதி³த்யா விஶ்வேதே³வா மருத இதி ॥ 12 ॥

ஸ நைவ வ்யப⁴வத்ஸ ஶௌத்³ரம் வர்ணமம்ருஜத பூஷணமியம் வை பூஷேயம் ஹீத³ம் ஸர்வம் புஷ்யதி யதி³த³ம் கிஞ்ச ॥ 13 ॥

ஸ நைவ வ்யப⁴வத்தச்ச்²ரேயோரூபமத்யஸ்ருஜத த⁴ர்மம் ததே³தத்க்ஷத்ரஸ்ய க்ஷத்த்ரம் யத்³த⁴ர்மஸ்தஸ்மாத்³த⁴ர்மாத்பரம் நாஸ்த்யதோ² அப³லீயாந்ப³லீயாம் ஸமாஶம்ஸதே த⁴ர்மேண யதா² ராஜ்ஞைவம் யோ வை ஸ த⁴ர்ம: ஸத்யம் வை தத்தஸ்மாத்ஸத்யம் வத³ந்தமாஹுர்த⁴ர்மம் வத³தீதி த⁴ர்மம் வா வத³ந்தம் ஸத்யம் வத³தீத்யேதத்³த்⁴யேவைதது³ப⁴யம் ப⁴வதி ॥ 14 ॥

ததே³தத்³ப்³ரஹ்ம க்ஷத்ரம் விட்ஶூத்³ரஸ்தத³க்³நிநைவ தே³வேஷு ப்³ரஹ்மாப⁴வத்³ப்³ராஹ்மணோ மநுஷ்யேஷு க்ஷத்ரியேண க்ஷத்ரியோ வைஶ்யேந வைஶ்ய: ஶூத்³ரேண ஶூத்³ரஸ்தஸ்மாத³க்³நாவேவ தே³வேஷு லோகமிச்ச²ந்தே ப்³ராஹ்மணே மநுஷ்யேஷ்வேதாப்⁴யாம் ஹி ரூபாப்⁴யாம் ப்³ரஹ்மாப⁴வத் । அத² யோ ஹ வா அஸ்மால்லோகாத்ஸ்வம் லோகமத்³ருஷ்ட்வா ப்ரைதி ஸ ஏநமவிதி³தோ ந பு⁴நக்தி யதா² வேதோ³ வாநநூக்தோ(அ)ந்யத்³வா கர்மாக்ருதம் யதி³ஹ வா அப்யநேவம்விந்மஹத்புண்யம் கர்ம கரோதி தத்³தா⁴ஸ்யாந்தத: க்ஷீயத ஏவாத்மாநமேவ லோகமுபாஸீத ஸ ய ஆத்மாநமேவ லோகமுபாஸ்தே ந ஹாஸ்ய கர்ம க்ஷீயதே । அஸ்மாத்³த்⁴யேவாத்மநோ யத்³யத்காமயதே தத்தத்ஸ்ருஜதே ॥ 15 ॥

அதோ² அயம் வா ஆத்மா ஸர்வேஷாம் பூ⁴தாநாம் லோக: ஸ யஜ்ஜுஹோதி யத்³யஜதே தேந தே³வாநாம் லோகோ(அ)த² யத³நுப்³ரூதே தேந ருஷீணாமத² யத்பித்ருப்⁴யோ நிப்ருணாதி யத்ப்ரஜாமிச்ச²தே தேந பித்ருணாமத² யந்மநுஷ்யாந்வாஸயதே யதே³ப்⁴யோ(அ)ஶநம் த³தா³தி தேந மநுஷ்யாணாமத² யத்பஶுப்⁴யஸ்த்ருணோத³கம் விந்த³தி தேந பஶூநாம் யத³ஸ்ய க்³ருஹேஷு ஶ்வாபதா³ வயாம்ஸ்யா பிபீலிகாப்⁴ய உபஜீவந்தி தேந தேஷாம் லோகோ யதா² ஹ வை ஸ்வாய லோகாயாரிஷ்டிமிச்சே²தே³வம் ஹைவம்விதே³ ஸர்வாணி பூ⁴தாந்யரிஷ்டிமிச்ச²ந்தி தத்³வா ஏதத்³விதி³தம் மீமாம்ஸிதம் ॥ 16 ॥

ஆத்மைவேத³மக்³ர ஆஸீதே³க ஏவ ஸோ(அ)காமயத ஜாயா மே ஸ்யாத³த² ப்ரஜாயேயாத² வித்தம் மே ஸ்யாத³த² கர்ம குர்வீயேத்யேதாவாந்வை காமோ நேச்ச²ம்ஶ்சநாதோ பூ⁴யோ விந்தே³த்தஸ்மாத³ப்யேதர்ஹ்யேகாகீ காமயதே ஜாயா மே ஸ்யாத³த² ப்ரஜாயேயாத² வித்தம் மே ஸ்யாத³த² கர்ம குர்வீயேதி ஸ யாவத³ப்யேதேஷாமேகைகம் ந ப்ராப்நோத்யக்ருத்ஸ்ந ஏவ தாவந்மந்யதே தஸ்யோ க்ருத்ஸ்நதா மந ஏவாஸ்யாத்மா வாக்³ஜாயா ப்ராண: ப்ரஜா சக்ஷுர்மாநுஷம் வித்தம் சக்ஷுஷா ஹி தத்³விந்த³தே ஶ்ரோத்ரம் தே³வம் ஶ்ரோத்ரேண ஹி தச்ச்²ருணோத்யாத்மைவாஸ்ய கர்மாத்மநா ஹி கர்ம கரோதி ஸ ஏஷ பாங்க்தோ யஜ்ஞ: பாங்க்த: பஶு: பாங்க்த: புருஷ: பாங்க்தமித³ம் ஸர்வம் யதி³த³ம் கிஞ்ச ததி³த³ம் ஸர்வமாப்நோதி ய ஏவம் வேத³ ॥ 17 ॥

யத்ஸப்தாந்நாநி மேத⁴யா தபஸாஜநயத்பிதா । ஏகமஸ்ய ஸாதா⁴ரணம் த்³வே தே³வாநபா⁴ஜயத் । த்ரீண்யாத்மநே(அ)குருத பஶுப்⁴ய ஏகம் ப்ராயச்ச²த் । தஸ்மிந்ஸர்வம் ப்ரதிஷ்டி²தம் யச்ச ப்ராணிதி யச்ச ந । கஸ்மாத்தாநி ந க்ஷீயந்தே(அ)த்³யமாநாநி ஸர்வதா³ । யோ வைதாமக்ஷிதிம் வேத³ ஸோ(அ)ந்நமத்தி ப்ரதீகேந । ஸ தே³வாநபிக³ச்ச²தி ஸ ஊர்ஜமுபஜீவதீதி ஶ்லோகா: ॥ 1 ॥

யத்ஸப்தாந்நாநி மேத⁴யா தபஸாஜநயத்பிதேதி மேத⁴யா ஹி தபஸாஜநயத்பிதா । ஏகமஸ்ய ஸாதா⁴ரணமிதீத³மேவாஸ்ய தத்ஸாதா⁴ரணமந்நம் யதி³த³மத்³யதே । ஸ ய ஏதது³பாஸ்தே ந ஸ பாப்மநோ வ்யாவர்ததே மிஶ்ரம் ஹ்யேதத் । த்³வே தே³வாநபா⁴ஜயதி³தி ஹுதம் ச ப்ரஹுதம் ச தஸ்மாத்³தே³வேப்⁴யோ ஜுஹ்வதி ச ப்ர ச ஜுஹ்வத்யதோ² ஆஹுர்த³ர்ஶபூர்ணமாஸாவிதி தஸ்மாந்நேஷ்டியாஜுக: ஸ்யாத் । பஶுப்⁴ய ஏகம் ப்ராயச்ச²தி³தி தத்பய: । பயோ ஹ்யேவாக்³ரே மநுஷ்யாஶ்ச பஶவஶ்சோபஜீவந்தி தஸ்மாத்குமாரம் ஜாதம் க்⁴ருதம் வை வாக்³ரே ப்ரதிலேஹயந்தி ஸ்தநம் வாநுதா⁴பயந்த்யத² வத்ஸம் ஜாதமாஹுரத்ருணாத³ இதி । தஸ்மிந்ஸர்வம் ப்ரதிஷ்டி²தம் யச்ச ப்ராணிதி யச்ச நேதி பயஸி ஹீத³ம் ஸர்வம் ப்ரதிஷ்டி²தம் யச்ச ப்ராணிதி யச்ச ந । தத்³யதி³த³மாஹு: ஸம்வத்ஸரம் பயஸா ஜுஹ்வத³ப புநர்ம்ருத்யும் ஜயதீதி ந ததா² வித்³யாத்³யத³ஹரேவ ஜுஹோதி தத³ஹ: புநர்ம்ருத்யுமபஜயத்யேவம் வித்³வாந்ஸர்வம் ஹி தே³வேப்⁴யோ(அ)ந்நாத்³யம் ப்ரயச்ச²தி । கஸ்மாத்தாநி ந க்ஷீயந்தே(அ)த்³யமாநாநி ஸர்வதே³தி புருஷோ வா அக்ஷிதி: ஸ ஹீத³மந்நம் புந: புநர்ஜநயதே । யோ வைதாமக்ஷிதிம் வேதே³தி புருஷோ வா அக்ஷிதி: ஸ ஹீத³மந்நம் தி⁴யா தி⁴யா ஜநயதே கர்மபி⁴ர்யத்³தை⁴தந்ந குர்யாத்க்ஷீயேத ஹ ஸோ(அ)ந்நமத்தி ப்ரதீகேநேதி முக²ம் ப்ரதீகம் முகே²நேத்யேதத் । ஸ தே³வாநபிக³ச்ச²தி ஸ ஊர்ஜமுபஜீவதீதி ப்ரஶம்ஸா ॥ 2 ॥

த்ரீண்யாத்மநே(அ)குருதேதி மநோ வாசம் ப்ராணம் தாந்யாத்மநே(அ)குருதாந்யத்ரமநா அபூ⁴வம் நாத³ர்ஶமந்யத்ரமநா அபூ⁴வம் நாஶ்ரௌஷமிதி மநஸா ஹ்யேவ பஶ்யதி மநஸா ஶ்ருணோதி । காம: ஸங்கல்போ விசிகித்ஸா ஶ்ரத்³தா⁴ஶ்ரத்³தா⁴ த்⁴ருதிரத்⁴ருதிர்ஹ்ரீர்தீ⁴ர்பீ⁴ரித்யேதத்ஸர்வம் மந ஏவ தஸ்மாத³பி ப்ருஷ்ட²த உபஸ்ப்ருஷ்டோ மநஸா விஜாநாதி ய: கஶ்ச ஶப்³தோ³ வாகே³வ ஸா । ஏஷா ஹ்யந்தமாயத்தைஷா ஹி ந ப்ராணோ(அ)பாநோ வ்யாந உதா³ந: ஸமாநோ(அ)ந இத்யேதத்ஸர்வம் ப்ராண ஏவைதந்மயோ வா அயமாத்மா வாங்மயோ மநோமய: ப்ராணமய: ॥ 3 ॥

த்ரயோ லோகா ஏத ஏவ வாகே³வாயம் லோகோ மநோ(அ)ந்தரிக்ஷலோக: ப்ராணோ(அ)ஸௌ லோக: ॥ 4 ॥

த்ரயோ வேதா³ ஏத ஏவ வாகே³வர்க்³வேதோ³ மநோ யஜுர்வேத³: ப்ராண: ஸாமவேத³: ॥ 5 ॥

தே³வா: பிதரோ மநுஷ்யா ஏத ஏவ வாகே³வ தே³வா மந: பிதர: ப்ராணோ மநுஷ்யா: ॥ 6 ॥

பிதா மாதா ப்ரஜைத ஏவ மந ஏவ பிதா வாங்மாதா ப்ராண: ப்ரஜா ॥ 7 ॥

விஜ்ஞாதம் விஜிஜ்ஞாஸ்யமவிஜ்ஞாதமேத ஏவ யத்கிஞ்ச விஜ்ஞாதம் வாசஸ்தத்³ரூபம் வாக்³கி⁴ விஜ்ஞாதா வாகே³நம் தத்³பூ⁴த்வாவதி ॥ 8 ॥

யத்கிஞ்ச விஜிஜ்ஞாஸ்யம் மநஸஸ்தத்³ரூபம் மநோ ஹி விஜிஜ்ஞாஸ்யம் மந ஏவம் தத்³பூ⁴த்வாவதி ॥ 9 ॥

யத்கிஞ்சாவிஜ்ஞாதம் ப்ராணஸ்ய தத்³ரூபம் ப்ராணோ ஹ்யவிஜ்ஞாத: ப்ராண ஏநம் தத்³பூ⁴த்வாவதி ॥ 10 ॥

தஸ்யை வாச: ப்ருதி²வீ ஶரீரம் ஜ்யோதீரூபமயமக்³நிஸ்தத்³யாவத்யேவ வாக்தாவதீ ப்ருதி²வீ தாவாநயமக்³நி: ॥ 11 ॥

அதை²தஸ்ய மநஸோ த்³யௌ: ஶரீரம் ஜ்யோதீரூபமஸாவாதி³த்யஸ்தத்³யாவதே³வ மநஸ்தாவதீ த்³யௌஸ்தாவாநஸாவாதி³த்யஸ்தௌ மிது²நம் ஸமைதாம் தத: ப்ராணோ(அ)ஜாயத ஸ இந்த்³ர: ஸ ஏஷோ(அ)ஸபத்நோ த்³விதீயோ வை ஸபத்நோ நாஸ்ய ஸபத்நோ ப⁴வதி ய ஏவம் வேத³ ॥ 12 ॥

அதை²தஸ்ய ப்ராணஸ்யாப: ஶரீரம் ஜ்யோதீரூபமஸௌ சந்த்³ரஸ்தத்³யாவாநேவ ப்ராணஸ்தாவத்ய ஆபஸ்தாவாநஸௌ சந்த்³ரஸ்த ஏதே ஸர்வ ஏவ ஸமா: ஸர்வே(அ)நந்தா: ஸ யோ ஹைதாநந்தவத உபாஸ்தே(அ)ந்தவந்தம் ஸ லோகம் ஜயத்யத² யோ ஹைதாநநந்தாநுபாஸ்தே(அ)நந்தம் ஸ லோகம் ஜயதி ॥ 13 ॥

ஸ ஏஷ ஸம்வத்ஸர: ப்ரஜாபதி: ஷோட³ஶகலஸ்தஸ்ய ராத்ரய ஏவ பஞ்சத³ஶ கலா த்⁴ருவைவாஸ்ய ஷோட³ஶீ கலா ஸ ராத்ரிபி⁴ரேவா ச பூர்யதே(அ)ப ச க்ஷீயதே ஸோ(அ)மாவாஸ்யாம் ராத்ரிமேதயா ஷோட³ஶ்யா கலயா ஸர்வமித³ம் ப்ராணப்⁴ருத³நுப்ரவிஶ்ய தத: ப்ராதர்ஜாயதே தஸ்மாதே³தாம் ராத்ரிம் ப்ராணப்⁴ருத: ப்ராணம் ந விச்சி²ந்த்³யாத³பி க்ருகலாஸஸ்யைதஸ்யா ஏவ தே³வதாயா அபசித்யை ॥ 14 ॥

யோ வை ஸ ஸம்வத்ஸர: ப்ரஜாபதி: ஷோட³ஶகலோ(அ)யமேவ ஸ யோ(அ)யமேவம்வித்புருஷஸ்தஸ்ய வித்தமேவ பஞ்சத³ஶ கலா ஆத்மைவாஸ்ய ஷோட³ஶீ கலா ஸ வித்தேநைவா ச பூர்யதே(அ)ப ச க்ஷீயதே ததே³தந்நப்⁴யம் யத³யமாத்மா ப்ரதி⁴ர்வித்தம் தஸ்மாத்³யத்³யபி ஸர்வஜ்யாநிம் ஜீயத ஆத்மநா சேஜ்ஜீவதி ப்ரதி⁴நாகா³தி³த்யேவாஹு: ॥ 15 ॥

அத² த்ரயோ வாவ லோகா மநுஷ்யலோக: பித்ருலோகோ தே³வலோக இதி ஸோ(அ)யம் மநுஷ்யலோக: புத்ரேணைவ ஜய்யோ நாந்யேந கர்மணா கர்மணா பித்ருலோகோ வித்³யயா தே³வலோகோ தே³வலோகோ வை லோகாநாம் ஶ்ரேஷ்ட²ஸ்தஸ்மாத்³வித்³யாம் ப்ரஶம்ஸந்தி ॥ 16 ॥

அதா²த: ஸம்ப்ரத்திர்யதா³ ப்ரைஷ்யந்மந்யதே(அ)த² புத்ரமாஹ த்வம் ப்³ரஹ்ம த்வம் யஜ்ஞஸ்த்வம் லோக இதி ஸ புத்ர: ப்ரத்யாஹாஹம் ப்³ரஹ்மாஹம் யஜ்ஞோ(அ)ஹம் லோக இதி யத்³வை கிஞ்சாநூக்தம் தஸ்ய ஸர்வஸ்ய ப்³ரஹ்மேத்யேகதா । யே வை கே ச யஜ்ஞாஸ்தேஷாம் ஸர்வேஷாம் யஜ்ஞ இத்யேகதா யே வை கே ச லோகாஸ்தேஷாம் ஸர்வேஷாம் லோக இத்யேகதைதாவத்³வா இத³ம் ஸர்வமேதந்மா ஸர்வம் ஸந்நயமிதோ(அ)பு⁴நஜதி³தி தஸ்மாத்புத்ரமநுஶிஷ்டம் லோக்யமாஹுஸ்தஸ்மாதே³நமநுஶாஸதி ஸ யதை³வம்வித³ஸ்மால்லோகாத்ப்ரைத்யதை²பி⁴ரேவ ப்ராணை: ஸஹ புத்ரமாவிஶதி । ஸ யத்³யநேந கிஞ்சித³க்ஷ்ணயாக்ருதம் ப⁴வதி தஸ்மாதே³நம் ஸர்வஸ்மாத்புத்ரோ முஞ்சதி தஸ்மாத்புத்ரோ நாம ஸ புத்ரேணைவாஸ்மிம்ல்லோகே ப்ரதிதிஷ்ட²த்யதை²நமேதே தை³வா: ப்ராணா அம்ருதா ஆவிஶந்தி ॥ 17 ॥

ப்ருதி²வ்யை சைநமக்³நேஶ்ச தை³வீ வாகா³விஶதி ஸா வை தை³வீ வாக்³யயா யத்³யதே³வ வத³தி தத்தத்³ப⁴வதி ॥ 18 ॥

தி³வஶ்சைநமாதி³த்யாச்ச தை³வம் மந ஆவிஶதி தத்³வை தை³வம் மநோ யேநாநந்த்³யேவ ப⁴வத்யதோ² ந ஶோசதி ॥ 19 ॥

அத்³ப்⁴யஶ்சைநம் சந்த்³ரமஸஶ்ச தை³வ: ப்ராண ஆவிஶதி ஸ வை தை³வ: ப்ராணோ ய: ஸஞ்சரம்ஶ்சாஸஞ்சரம்ஶ்ச ந வ்யத²தே(அ)தோ² ந ரிஷ்யதி ஸ ஏவம்வித்ஸர்வேஷாம் பூ⁴தாநாமாத்மா ப⁴வதி யதை²ஷா தே³வதைவம் ஸ யதை²தாம் தே³வதாம் ஸர்வாணி பூ⁴தாந்யவந்த்யைவம் ஹைவம்வித³ம் ஸர்வாணி பூ⁴தாந்யவந்தி । யது³ கிஞ்சேமா: ப்ரஜா: ஶோசந்த்யமைவாஸாம் தத்³ப⁴வதி புண்யமேவாமும் க³ச்ச²தி ந ஹ வை தே³வாந்பாபம் க³ச்ச²தி ॥ 20 ॥

அதா²தோ வ்ரதமீமாம்ஸா ப்ரஜாபதிர்ஹ கர்மாணி ஸஸ்ருஜே தாநி ஸ்ருஷ்டாந்யந்யோந்யேநாஸ்பர்த⁴ந்த வதி³ஷ்யாம்யேவாஹமிதி வாக்³த³த்⁴ரே த்³ரக்ஷ்யாம்யஹமிதி சக்ஷு: ஶ்ரோஷ்யாம்யஹமிதி ஶ்ரோத்ரமேவமந்யாநி கர்மாணி யதா²கர்ம தாநி ம்ருத்யு: ஶ்ரமோ பூ⁴த்வோபயேமே தாந்யாப்நோத்தாந்யாப்த்வா ம்ருத்யுரவாருந்த⁴ தஸ்மாச்ச்²ராம்யத்யேவ வாக்ஶ்ராம்யதி சக்ஷு: ஶ்ராம்யதி ஶ்ரோத்ரமதே²மமேவ நாப்நோத்³யோ(அ)யம் மத்⁴யம: ப்ராணஸ்தாநி ஜ்ஞாதும் த³த்⁴ரிரே । அயம் வை ந: ஶ்ரேஷ்டோ² ய: ஸஞ்சரம்ஶ்சாஸஞ்சரம்ஶ்ச ந வ்யத²தே(அ)தோ² ந ரிஷ்யதி ஹந்தாஸ்யைவ ஸர்வே ரூபமஸாமேதி த ஏதஸ்யைவ ஸர்வே ரூபமப⁴வம்ஸ்தஸ்மாதே³த ஏதேநாக்²யாயந்தே ப்ராணா இதி தேந ஹ வாவ தத்குலமாசக்ஷதே யஸ்மிந்குலே ப⁴வதி ய ஏவம் வேத³ ய உ ஹைவம்விதா³ ஸ்பர்த⁴தே(அ)நுஶுஷ்யத்யநுஶுஷ்ய ஹைவாந்ததோ ம்ரியத இத்யத்⁴யாத்மம் ॥ 21 ॥

அதா²தி⁴தை³வதம் ஜ்வலிஷ்யாம்யேவாஹமித்யக்³நிர்த³த்⁴ரே தப்ஸ்யாம்யஹமித்யாதி³த்யோ பா⁴ஸ்யாம்யஹமிதி சந்த்³ரமா ஏவமந்யா தே³வதா யதா²தை³வதம் ஸ யதை²ஷாம் ப்ராணாநாம் மத்⁴யம: ப்ராண ஏவமேதாஸாம் தே³வதாநாம் வாயுர்ம்லோசந்தி ஹ்யந்யா தே³வதா ந வாயு: ஸைஷாநஸ்தமிதா தே³வதா யத்³வாயு: ॥ 22 ॥

அதை²ஷ ஶ்லோகோ ப⁴வதி யதஶ்சோதே³தி ஸூர்யோ(அ)ஸ்தம் யத்ர ச க³ச்ச²தீதி ப்ராணாத்³வா ஏஷ உதே³தி ப்ராணே(அ)ஸ்தமேதி தம் தே³வாஶ்சக்ரிரே த⁴ர்மம் ஸ ஏவாத்³ய ஸ உ ஶ்வ இதி யத்³வா ஏதே(அ)முர்ஹ்யத்⁴ரியந்த ததே³வாப்யத்³ய குர்வந்தி । தஸ்மாதே³கமேவ வ்ரதம் சரேத்ப்ராண்யாச்சைவாபாந்யாச்ச நேந்மா பாப்மா ம்ருத்யுராப்நுவதி³தி யத்³யு சரேத்ஸமாபிபயிஷேத்தேநோ ஏதஸ்யை தே³வதாயை ஸாயுஜ்யம் ஸலோகதாம் ஜயதி ॥ 23 ॥

த்ரயம் வா இத³ம் நாம ரூபம் கர்ம தேஷாம் நாம்நாம் வாகி³த்யேததே³ஷாமுக்த²மதோ ஹி ஸர்வாணி நாமாந்யுத்திஷ்ட²ந்தி । ஏததே³ஷாம் ஸாமைதத்³தி⁴ ஸர்வைர்நாமபி⁴: ஸமமேததே³ஷாம் ப்³ரஹ்மைதத்³தி⁴ ஸர்வாணி நாமாநி பி³ப⁴ர்தி ॥ 1 ॥

அத² ரூபாணாம் சக்ஷுரித்யேததே³ஷாமுக்த²மதோ ஹி ஸர்வாணி ரூபாண்யுத்திஷ்ட²ந்த்யேததே³ஷாம் ஸாமைதத்³தி⁴ ஸர்வை ரூபை: ஸமமேததே³ஷாம் ப்³ரஹ்மைதத்³தி⁴ ஸர்வாணி ரூபாணி பி³ப⁴ர்தி ॥ 2 ॥

அத² கர்மணாமாத்மேத்யேததே³ஷாமுக்த²மதோ ஹி ஸர்வாணி கர்மாண்யுத்திஷ்ட²ந்த்யேததே³ஷாம் ஸா மைதத்³தி⁴ ஸர்வை: கர்மபி⁴: ஸமமேததே³ஷாம் ப்³ரஹ்மைதத்³தி⁴ ஸர்வாணி கர்மாணி பி³ப⁴ர்தி ததே³தத்த்ரயம் ஸதே³கமயமாத்மாத்மோ ஏக: ஸந்நேதத்த்ரயம் ததே³தத³ம்ருதம் ஸத்த்யேந ச்ச²ந்நம் ப்ராணோ வா அம்ருதம் நாமரூபே ஸத்த்யம் தாப்⁴யாமயம் ப்ராணஶ்ச²ந்ந: ॥ 3 ॥

ஓம் । த்³ருப்தபா³லாகிர்ஹாநூசாநோ கா³ர்க்³ய ஆஸ ஸ ஹோவாசாஜாதஶத்ரும் காஶ்யம் ப்³ரஹ்ம தே ப்³ரவாணீதி ஸ ஹோவாசாஜாதஶத்ரு: ஸஹஸ்ரமேதஸ்யாம் வாசி த³த்³மோ ஜநகோ ஜநக இதி வை ஜநா தா⁴வந்தீதி ॥ 1 ॥

ஸ ஹோவாச கா³ர்க்³யோ ய ஏவாஸாவாதி³த்யே புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² அதிஷ்டா²: ஸர்வேஷாம் பூ⁴தாநாம் மூர்தா⁴ ராஜேதி வா அஹமேதமுபாஸ இதி ஸ ய ஏதமேவமுபாஸ்தே(அ)திஷ்டா²: ஸர்வேஷாம் பூ⁴தாநாம் மூர்தா⁴ ராஜா ப⁴வதி ॥ 2 ॥

ஸ ஹோவாச கா³ர்க்³யோ ய ஏவாஸௌ சந்த்³ரே புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² ப்³ருஹந்பாண்ட³ரவாஸா: ஸோமோ ராஜேதி வா அஹமேதமுபாஸ இதி ஸ ய ஏதமேவமுபாஸ்தே(அ)ஹரஹர்ஹ ஸுத: ப்ரஸுதோ ப⁴வதி நாஸ்யாந்நம் க்ஷீயதே ॥ 3 ॥

ஸ ஹோவாச கா³ர்க்³யோ ய ஏவாஸௌ வித்³யுதி புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா²ஸ்தேஜஸ்வீதி வா அஹமேதமுபாஸ இதி ஸ ய ஏதமேவமுபாஸ்தே தேஜஸ்வீ ஹ ப⁴வதி தேஜஸ்விநீ ஹாஸ்ய ப்ரஜா ப⁴வதி ॥ 4 ॥

ஸ ஹோவாச கா³ர்க்³யோ ய ஏவாயமாகாஶே புரஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா²: பூர்ணமப்ரவர்தீதி வா அஹமேதமுபாஸ இதி ஸ ய ஏதமேவமுபாஸ்தே பூர்யதே ப்ரஜயா பஶுபி⁴ர்நாஸ்யாஸ்மால்லோகாத்ப்ரஜோத்³வர்ததே ॥ 5 ॥

ஸ ஹோவாச கா³ர்க்³யோ ய ஏவாயம் வாயௌ புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² இந்த்³ரோ வைகுண்டோ²(அ)பராஜிதா ஸேநேதி வா அஹமேதமுபாஸ இதி ஸ ய ஏதமேவமுபாஸ்தே ஜிஷ்ணுர்ஹாபராஜிஷ்ணுர்ப⁴வத்யந்யதஸ்த்யஜாயீ ॥ 6 ॥

ஸ ஹோவாச கா³ர்க்³யோ ய ஏவாயமக்³நௌ புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² விஷாஸஹிரிதி வா அஹமேதமுபாஸ இதி ஸ ய ஏதமேவமுபாஸ்தே விஷாஸஹிர்ஹ ப⁴வதி விஷாஸஹிர்ஹாஸ்ய ப்ரஜா ப⁴வதி ॥ 7 ॥

ஸ ஹோவாச கா³ர்க்³யோ ய ஏவாயமப்ஸு புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா²: ப்ரதிரூப இதி வா அஹமேதமுபாஸ இதி ஸ ய ஏதமேவமுபாஸ்தே ப்ரதிரூபம் ஹைவைநமுபக³ச்ச²தி நாப்ரதிரூபமதோ² ப்ரதிரூபோ(அ)ஸ்மாஜ்ஜாயதே ॥ 8 ॥

ஸ ஹோவாச கா³ர்க்³யோ ய ஏவாயமாத³ர்ஶே புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² ரோசிஷ்ணுரிதி வா அஹமேதமுபாஸ இதி ஸ ய ஏதமேவமுபாஸ்தே ரோசிஷ்ணுர்ஹ ப⁴வதி ரோசிஷ்ணுர்ஹாஸ்ய ப்ரஜா ப⁴வத்யதோ² யை: ஸந்நிக³ச்ச²தி ஸர்வாம் ஸ்தாநதிரோசதே ॥ 9 ॥

ஸ ஹோவாச கா³ர்க்³யோ ய ஏவாயம் யந்தம் பஶ்சாச்ச²ப்³தோ³(அ)நூதே³த்யேதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² அஸுரிதி வா அஹமேதமுபாஸ இதி ஸ ய ஏதமேவமுபாஸ்தே ஸர்வம் ஹைவாஸ்மிம்ல்லோக ஆயுரேதி நைநம் புரா காலாத்ப்ராணோ ஜஹாதி ॥ 10 ॥

ஸ ஹோவாச கா³ர்க்³யோ ய ஏவாயம் தி³க்ஷு புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² த்³விதீயோ(அ)நபக³ இதி வா அஹமேதமுபாஸ இதி ஸ ய ஏதமேவமுபாஸ்தே த்³விதீயவாந்ஹ ப⁴வதி நாஸ்மாத்³க³ணஶ்சி²த்³யதே ॥ 11 ॥

ஸ ஹோவாச கா³ர்க்³யோ ய ஏவாயம் சா²யாமய: புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² ம்ருத்யுரிதி வா அஹமேதமுபாஸ இதி ஸ ய ஏதமேவமுபாஸ்தே ஸர்வம் ஹைவாஸ்மிம்ல்லோக ஆயுரேதி நைநம் புரா காலாந்ம்ருத்யுராக³ச்ச²தி ॥ 12 ॥

ஸ ஹோவாச கா³ர்க்³யோ ய ஏவாயமாத்மநி புருஷ ஏதமேவாஹம் ப்³ரஹ்மோபாஸ இதி ஸ ஹோவாசாஜாதஶத்ருர்மா மைதஸ்மிந்ஸம்வதி³ஷ்டா² ஆத்மந்வீதி வா அஹமேதமுபாஸ இதி ஸ ய ஏதமேவமுபாஸ்த ஆத்மந்வீ ஹ ப⁴வத்யாத்மந்விநீ ஹாஸ்ய ப்ரஜா ப⁴வதி ஸ ஹ தூஷ்ணீமாஸ கா³ர்க்³ய: ॥ 13 ॥

ஸ ஹோவாசாஜாதஶத்ருரேதாவந்நூ 3 இத்யேதாவத்³தீ⁴தி நைதாவதா விதி³தம் ப⁴வதீதி ஸ ஹோவாச கா³ர்க்³ய உப த்வா யாநீதி ॥ 14 ॥

ஸ ஹோவாசாஜாதஶத்ரு: ப்ரதிலோமம் சைதத்³யத்³ப்³ராஹ்மண: க்ஷத்ரியமுபேயாத்³ப்³ரஹ்ம மே வக்ஷ்யதீதி வ்யேவ த்வா ஜ்ஞபயிஷ்யாமீதி தம் பாணாவாதா³யோத்தஸ்தௌ² தௌ ஹ புருஷம் ஸுப்தமாஜக்³மதுஸ்தமேதைர்நாமபி⁴ராமந்த்ரயாஞ்சக்ரே ப்³ருஹந்பாண்ட³ரவாஸ: ஸோம ராஜந்நிதி ஸ நோத்தஸ்தௌ² தம் பாணிநாபேஷம் போ³த⁴யாஞ்சகார ஸ ஹோத்தஸ்தௌ² ॥ 15 ॥

ஸ ஹோவாசாஜாதஶத்ருர்யத்ரைஷ ஏதத்ஸுப்தோ(அ)பூ⁴த்³ய ஏஷ விஜ்ஞாநமய: புருஷ: க்வைஷ ததா³பூ⁴த்குத ஏததா³கா³தி³தி தது³ ஹ ந மேநே கா³ர்க்³ய: ॥ 16 ॥

ஸ ஹோவாசாஜாதஶத்ருர்யத்ரைஷ ஏதத்ஸுப்தோ(அ)பூ⁴த்³ய ஏஷ விஜ்ஞாநமய: புருஷஸ்ததே³ஷாம் ப்ராணாநாம் விஜ்ஞாநேந விஜ்ஞாநமாதா³ய ய ஏஷோ(அ)ந்தர்ஹ்ருத³ய ஆகாஶஸ்தஸ்மிஞ்சே²தே தாநி யதா³ க்³ருஹ்ணாத்யத² ஹைதத்புருஷ: ஸ்வபிதி நாம தத்³க்³ருஹீத ஏவ ப்ராணோ ப⁴வதி க்³ருஹீதா வாக்³க்³ருஹீதம் சக்ஷுர்க்³ருஹீதம் ஶ்ரோத்ரம் க்³ருஹீதம் மந: ॥ 17 ॥

ஸ யத்ரைதத்ஸ்வப்ந்யயா சரதி தே ஹாஸ்ய லோகாஸ்தது³தேவ மஹாராஜோ ப⁴வத்யுதேவ மஹாப்³ராஹ்மண உதேவோச்சாவசம் நிக³ச்ச²தி ஸ யதா² மஹாராஜோ ஜாநபதா³ந்க்³ருஹீத்வா ஸ்வே ஜநபதே³ யதா²காமம் பரிவர்தேதைவமேவைஷ ஏதத்ப்ராணாந்க்³ருஹீத்வா ஸ்வே ஶரீரே யதா²காமம் பரிவர்ததே ॥ 18 ॥

அத² யதா³ ஸுஷுப்தோ ப⁴வதி யதா³ ந கஸ்யசந வேத³ ஹிதா நாம நாட்³யோ த்³வாஸப்ததி: ஸஹஸ்ராணி ஹ்ருத³யாத்புரீததமபி⁴ப்ரதிஷ்ட²ந்தே தாபி⁴: ப்ரத்யவஸ்ருப்ய புரீததி ஶேதே ஸ யதா² குமாரோ வா மஹாராஜோ வா மஹாப்³ராஹ்மணோ வாதிக்⁴நீமாநந்த³ஸ்ய க³த்வா ஶயீதைவமேவைஷ ஏதச்சே²தே ॥ 19 ॥

ஸ யதோ²ர்ணநாபி⁴ஸ்தந்துநோச்சரேத்³யதா²க்³நே: க்ஷுத்³ரா விஸ்பு²லிங்கா³ வ்யுச்சரந்த்யேவமேவாஸ்மாதா³த்மந: ஸர்வே ப்ராணா: ஸர்வே லோகா: ஸர்வே தே³வா: ஸர்வாணி பூ⁴தாநி வ்யுச்சரந்தி தஸ்யோபநிஷத்ஸத்யஸ்ய ஸத்யமிதி ப்ராணா வை ஸத்யம் தேஷாமேஷ ஸத்யம் ॥ 20 ॥

யோ ஹ வை ஶிஶும் ஸாதா⁴நம் ஸப்ரத்யாதா⁴நம் ஸஸ்தூ²ணம் ஸதா³மம் வேத³ ஸப்த ஹ த்³விஷதோ ப்⁴ராத்ருவ்யாநவருணத்³தி⁴ । அயம் வாவ ஶிஶுர்யோ(அ)யம் மத்⁴யம: ப்ராணஸ்தஸ்யேத³மேவாதா⁴நமித³ம் ப்ரத்யாதா⁴நம் ப்ராண: ஸ்தூ²ணாந்நம் தா³ம ॥ 1 ॥

தமேதா: ஸப்தாக்ஷிதய உபதிஷ்ட²ந்தே தத்³யா இமா அக்ஷந்லோஹிந்யோ ராஜயஸ்தாபி⁴ரேநம் ருத்³ரோ(அ)ந்வாயத்தோ(அ)த² யா அக்ஷந்நாபஸ்தாபி⁴: பர்ஜந்யோ யா கநீநகா தயாதி³த்யோ யத்க்ருஷ்ணம் தேநாக்³நிர்யச்சு²க்லம் தேநேந்த்³ரோ(அ)த⁴ரயைநம் வர்தந்யா ப்ருதி²வ்யந்வாயத்தா த்³யௌருத்தரயா நாஸ்யாந்நம் க்ஷீயதே ய ஏவம் வேத³ ॥ 2 ॥

ததே³ஷ ஶ்லோகோ ப⁴வதி । அர்வாக்³பி³லஶ்சமஸ ஊர்த்⁴வபு³த்⁴நஸ்தஸ்மிந்யஶோ நிஹிதம் விஶ்வரூபம் । தஸ்யாஸத ருஷய: ஸப்த தீரே வாக³ஷ்டமீ ப்³ரஹ்மணா ஸம்விதா³நேதி । அர்வாக்³பி³லஶ்சமஸ ஊர்த்⁴வபு³த்⁴ந இதீத³ம் தச்சி²ர ஏஷ ஹ்யர்வாக்³பி³லஶ்சமஸ ஊர்த்⁴வபு³த்⁴நஸ்தஸ்மிந்யஶோ நிஹிதம் விஶ்வரூபமிதி ப்ராணா வை யஶோ விஶ்வரூபம் ப்ராணாநேததா³ஹ தஸ்யாஸத ருஷய: ஸப்த தீர இதி ப்ராணா வா ருஷய: ப்ராணாநேததா³ஹ வாக³ஷ்டமீ ப்³ரஹ்மணா ஸம்விதா³நேதி வாக்³க்⁴யஷ்டமீ ப்³ரஹ்மணா ஸம்வித்தே ॥ 3 ॥

இமாவேவ கோ³தமப⁴ரத்³வாஜாவயமேவ கோ³தமோ(அ)யம் ப⁴ரத்³வாஜ இமாவேவ விஶ்வாமித்ரஜமத³க்³நீ அயமேவ விஶ்வாமித்ரோ(அ)யம் ஜமத³க்³நிரிமாவேவ வஸிஷ்ட²கஶ்யபாவயமேவ வஸிஷ்டோ²(அ)யம் கஶ்யபோ வாகே³வாத்ரிர்வாசா ஹ்யந்நமத்³யதே(அ)த்திர்ஹ வை நாமைதத்³யத³த்ரிரிதி ஸர்வஸ்யாத்தா ப⁴வதி ஸர்வமஸ்யாந்நம் ப⁴வதி ய ஏவம் வேத³ ॥ 4 ॥

த்³வே வாவ ப்³ரஹ்மணோ ரூபே மூர்தம் சைவாமூர்தம் ச மர்த்யம் சாம்ருதம் ச ஸ்தி²தம் ச யச்ச ஸச்ச த்யச்ச ॥ 1 ॥

ததே³தந்மூர்தம் யத³ந்யத்³வாயோஶ்சாந்தரிக்ஷாச்சைதந்மர்த்யமேதத்ஸ்தி²தமேதத்ஸத்தஸ்யைதஸ்ய மூர்தஸ்யைதஸ்ய மர்த்யஸ்யைதஸ்ய ஸ்தி²தஸ்யைதஸ்ய ஸத ஏஷ ரஸோ ய ஏஷ தபதி ஸதோ ஹ்யேஷ ரஸ: ॥ 2 ॥

அதா²மூர்தம் வாயுஶ்சாந்தரிக்ஷம் சைதத³ம்ருதமேதத்³யதே³தத்த்யத்தஸ்யைதஸ்யாமூர்தஸ்யைதஸ்யாம்ருதஸ்யைதஸ்ய யத ஏதஸ்ய த்யஸ்யைஷ ரஸோ ய ஏஷ ஏதஸ்மிந்மண்ட³லே புருஷஸ்த்யஸ்ய ஹ்யேஷ ரஸ இத்யதி⁴தை³வதம் ॥ 3 ॥

அதா²த்⁴யாத்மமித³மேவ மூர்தம் யத³ந்யத்ப்ராணாச்ச யஶ்சாயமந்தராத்மந்நாகாஶ ஏதந்மர்த்யமேதத்ஸ்தி²தமேதத்ஸத்தஸ்யைதஸ்ய மூர்தஸ்யைதஸ்ய மர்த்யஸ்யைதஸ்ய ஸ்தி²தஸ்யைதஸ்ய ஸத ஏஷ ரஸோ யச்சக்ஷு: ஸதோ ஹ்யேஷ ரஸ: ॥ 4 ॥

அதா²மூர்தம் ப்ராணஶ்ச யஶ்சாயமந்தராத்மந்நாகாஶ ஏதத³ம்ருதமேதத்³யதே³தத்த்யத்தஸ்யைதஸ்யாமூர்தஸ்யைதஸ்யாம்ருதஸ்யைதஸ்ய யத ஏதஸ்ய த்யஸ்யைஷ ரஸோ யோ(அ)யம் த³க்ஷிணே(அ)க்ஷந்புருஷஸ்த்யஸ்ய ஹ்யேஷ ரஸ: ॥ 5 ॥

தஸ்ய ஹைதஸ்ய புருஷஸ்ய ரூபம் । யதா² மாஹாரஜநம் வாஸோ யதா² பாண்ட்³வாவிகம் யதே²ந்த்³ரகோ³போ யதா²க்³ந்யர்சிர்யதா² புண்ட³ரீகம் யதா² ஸக்ருத்³வித்³யுத்தம் ஸக்ருத்³வித்³யுத்தேவ ஹ வா அஸ்ய ஶ்ரீர்ப⁴வதி ய ஏவம் வேதா³தா²த ஆதே³ஶோ நேதி நேதி ந ஹ்யேதஸ்மாதி³தி நேத்யந்யத்பரமஸ்த்யத² நாமதே⁴யம் ஸத்யஸ்ய ஸத்யமிதி ப்ராணா வை ஸத்யம் தேஷாமேஷ ஸத்யம் ॥ 6 ॥

மைத்ரேயீதி ஹோவாச யாஜ்ஞவல்க்ய உத்³யாஸ்யந்வா அரே(அ)ஹமஸ்மாத்ஸ்தா²நாத³ஸ்மி ஹந்த தே(அ)நயா காத்யாயந்யாந்தம் கரவாணீதி ॥ 1 ॥

ஸா ஹோவாச மைத்ரேயீ । யந்நு ம இயம் ப⁴கோ³: ஸர்வா ப்ருதி²வீ வித்தேந பூர்ணா ஸ்யாத்கத²ம் தேநாம்ருதா ஸ்யாமிதி நேதி ஹோவாச யாஜ்ஞவல்க்யோ யதை²வோபகரணவதாம் ஜீவிதம் ததை²வ தே ஜீவிதம் ஸ்யாத³ம்ருதத்வஸ்ய து நாஶாஸ்தி வித்தேநேதி ॥ 2 ॥

ஸா ஹோவாச மைத்ரேயீ யேநாஹம் நாம்ருதா ஸ்யாம் கிமஹம் தேந குர்யாம் யதே³வ ப⁴க³வாந்வேத³ ததே³வ மே ப்³ரூஹீதி ॥ 3 ॥

ஸ ஹோவாச யாஜ்ஞவல்க்ய: ப்ரியா ப³தாரே ந: ஸதீ ப்ரியம் பா⁴ஷஸ ஏஹ்யாஸ்ஸ்வ வ்யாக்²யாஸ்யாமி தே வ்யாசக்ஷாணஸ்ய து மே நிதி³த்⁴யாஸஸ்வேதி ॥ 4 ॥

ஸ ஹோவாச ந வா அரே பத்யு: காமாய பதி: ப்ரியோ ப⁴வத்யாத்மநஸ்து காமாய பதி: ப்ரியோ ப⁴வதி । ந வா அரே ஜாயாயை காமாய ஜாயா ப்ரியா ப⁴வத்யாத்மநஸ்து காமாய ஜாயா ப்ரியா ப⁴வதி । ந வா அரே புத்ராணாம் காமாய புத்ரா: ப்ரியா ப⁴வந்த்யாத்மநஸ்து காமாய புத்ரா: ப்ரியா ப⁴வந்தி । ந வா அரே வித்தஸ்ய காமாய வித்தம் ப்ரியம் ப⁴வத்யாத்மநஸ்து காமாய வித்தம் ப்ரியம் ப⁴வதி । ந வா அரே ப்³ரஹ்மண: காமாய ப்³ரஹ்ம ப்ரியம் ப⁴வத்யாத்மநஸ்து காமாய ப்³ரஹ்ம ப்ரியம் ப⁴வதி । ந வா அரே க்ஷத்ரஸ்ய காமாய க்ஷத்ரம் ப்ரியம் ப⁴வத்யாத்மநஸ்து காமாய க்ஷத்ரம் ப்ரியம் ப⁴வதி । ந வா அரே லோகாநாம் காமாய லோகா: ப்ரியா ப⁴வந்த்யாத்மநஸ்து காமாய லோகா: ப்ரியா ப⁴வந்தி । ந வா அரே தே³வாநாம் காமாய தே³வா: ப்ரியா ப⁴வந்த்யாத்மநஸ்து காமாய தே³வா: ப்ரியா ப⁴வந்தி । ந வா அரே பூ⁴தாநாம் காமாய பூ⁴தாநி ப்ரியாணி ப⁴வந்த்யாத்மநஸ்து காமாய பூ⁴தாநி ப்ரியாணி ப⁴வந்தி । ந வா அரே ஸர்வஸ்ய காமாய ஸர்வம் ப்ரியம் ப⁴வத்யாத்மநஸ்து காமாய ஸர்வம் ப்ரியம் ப⁴வதி । ஆத்மா வா அரே த்³ரஷ்டவ்ய: ஶ்ரோதவ்யோ மந்தவ்யோ நிதி³த்⁴யாஸிதவ்யோ மைத்ரேய்யாத்மநோ வா அரே த³ர்ஶநேந ஶ்ரவணேந மத்யா விஜ்ஞாநேநேத³ம் ஸர்வம் விதி³தம் ॥ 5 ॥

ப்³ரஹ்ம தம் பராதா³த்³யோ(அ)ந்யத்ராத்மநோ ப்³ரஹ்ம வேத³ க்ஷத்த்ரம் தம் பராதா³த்³யோ(அ)ந்யத்ராத்மந: க்ஷத்த்ரம் வேத³ லோகாஸ்தம் பராது³ர்யோ(அ)ந்யத்ராத்மநோ லோகாந்வேத³ தே³வாஸ்தம் பராது³ர்யோ(அ)ந்யத்ராத்மநோ தே³வாந்வேத³ பூ⁴தாநி தம் பராது³ர்யோ(அ)ந்யத்ராத்மநோ பூ⁴தாநி வேத³ ஸர்வம் தம் பராதா³த்³யோ(அ)ந்யத்ராத்மந: ஸர்வம் வேதே³த³ம் ப்³ரஹ்மேத³ம் க்ஷத்த்ரமிமே லோகா இமே தே³வா இமாநி பூ⁴தாநீத³ம் ஸர்வம் யத³யமாத்மா ॥ 6 ॥

ஸ யதா² து³ந்து³பே⁴ர்ஹந்யமாநஸ்ய ந பா³ஹ்யாஞ்ஶப்³தா³ஞ்ஶக்நுயாத்³க்³ரஹணாய து³ந்து³பே⁴ஸ்து க்³ரஹணேந து³ந்து³ப்⁴யாகா⁴தஸ்ய வா ஶப்³தோ³ க்³ருஹீத: ॥ 7 ॥

ஸ யதா² ஶங்க²ஸ்ய த்⁴மாயமாநஸ்ய ந பா³ஹ்யாஞ்ஶப்³தா³ஞ்ஶக்நுயாத்³க்³ரஹணாய ஶங்க²ஸ்ய து க்³ரஹணேந ஶங்க²த்⁴மஸ்ய வா ஶப்³தோ³ க்³ருஹீத: ॥ 8 ॥

ஸ யதா² வீணாயை வாத்³யமாநாயை ந பா³ஹ்யாஞ்ஶப்³தா³ஞ்ஶக்நுயாத்³க்³ரஹணாய வீணாயை து க்³ரஹணேந வீணாவாத³ஸ்ய வா ஶப்³தோ³ க்³ருஹீத: ॥ 9 ॥

ஸ யதா²ர்த்³ரைதா⁴க்³நேரப்⁴யாஹிதாத்ப்ருத²க்³தூ⁴மா விநிஶ்சரந்த்யேவம் வா அரே(அ)ஸ்ய மஹதோ பூ⁴தஸ்ய நிஶ்வஸிதமேதத்³யத்³ருக்³வேதோ³ யஜுர்வேத³: ஸாமவேதோ³(அ)த²ர்வாங்கி³ரஸ இதிஹாஸ: புராணம் வித்³யா உபநிஷத³: ஶ்லோகா: ஸூத்ராண்யநுவ்யாக்²யாநாநி வ்யாக்²யாநாந்யஸ்யைவைதாநி நிஶ்வஸிதாநி ॥ 10 ॥

ஸ யதா² ஸர்வாஸாமபாம் ஸமுத்³ர ஏகாயநமேவம் ஸர்வேஷாம் ஸ்பர்ஶாநாம் த்வகே³காயநமேவம் ஸர்வேஷாம் க³ந்தா⁴நாம் நாஸிகே ஏகாயநமேவம் ஸர்வேஷாம் ரஸாநாம் ஜிஹ்வைகாயநமேவம் ஸர்வேஷாம் ரூபாணாம் சக்ஷுரேகாயநமேவம் ஸர்வேஷாம் ஶப்³தா³நாம் ஶ்ரோத்ரமேகாயநமேவம் ஸர்வேஷாம் ஸங்கல்பாநாம் மந ஏகாயநமேவம் ஸர்வாஸாம் வித்³யாநாம் ஹ்ருத³யமேகாயநமேவம் ஸர்வேஷாம் கர்மணாம் ஹஸ்தாவேகாயநமேவம் ஸர்வேஷாமாநந்தா³நாமுபஸ்த² ஏகாயநமேவம் ஸர்வேஷாம் விஸர்கா³ணாம் பாயுரேகாயநமேவம் ஸர்வேஷாமத்⁴வநாம் பாதா³வேகாயநமேவம் ஸர்வேஷாம் வேதா³நாம் வாகே³காயநம் ॥ 11 ॥

ஸ யதா² ஸைந்த⁴வகி²ல்ய உத³கே ப்ராஸ்த உத³கமேவாநுவிலீயேத ந ஹாஸ்யோத்³க்³ரஹணாயேவ ஸ்யாத் । யதோ யதஸ்த்வாத³தீ³த லவணமேவைவம் வா அர இத³ம் மஹத்³பூ⁴தமநந்தமபாரம் விஜ்ஞாநக⁴ந ஏவ । ஏதேப்⁴யோ பூ⁴தேப்⁴ய: ஸமுத்தா²ய தாந்யேவாநு விநஶ்யதி ந ப்ரேத்ய ஸம்ஜ்ஞாஸ்தீத்யரே ப்³ரவீமீதி ஹோவாச யாஜ்ஞவல்க்ய: ॥ 12 ॥

ஸா ஹோவாச மைத்ரேய்யத்ரைவ மா ப⁴க³வாநமூமுஹந்ந ப்ரேத்ய ஸம்ஜ்ஞாஸ்தீதி ஸ ஹோவாச ந வா அரே(அ)ஹம் மோஹம் ப்³ரவீம்யலம் வா அர இத³ம் விஜ்ஞாநாய ॥ 13 ॥

யத்ர ஹி த்³வைதமிவ ப⁴வதி ததி³தர இதரம் ஜிக்⁴ரதி ததி³தர இதரம் பஶ்யதி ததி³தர இதரம் ஶ்ருணோதி ததி³தர இதரமபி⁴வத³தி ததி³தர இதரம் மநுதே மதி³தர இதரம் விஜாநாதி யத்ர வா அஸ்ய ஸர்வமாத்மைவாபூ⁴த்தத்கேந கம் ஜிக்⁴ரேத்தத்கேந கம் பஶ்யேத்தத்கேந கம் ஶ்ருணுயாத்தத்கேந கமபி⁴வதே³த்தத்கேந கம் மந்வீத தத்கேந கம் விஜாநீயாத் । யேநேத³ம் ஸர்வம் விஜாநாதி தம் கேந விஜாநீயாத்³விஜ்ஞாதாரமரே கேந விஜாநீயாதி³தி ॥ 14 ॥

இயம் ப்ருதி²வீ ஸர்வேஷாம் பூ⁴தாநாம் மத்⁴வஸ்யை ப்ருதி²வ்யை ஸர்வாணி பூ⁴தாநி மது⁴ யஶ்சாயமஸ்யாம் ப்ருதி²வ்யாம் தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ஶாரீரஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 1 ॥

இமா ஆப: ஸர்வேஷாம் பூ⁴தாநாம் மத்⁴வாஸாமபாம் ஸர்வாணி பூ⁴தாநி மது⁴ யஶ்சாயமாஸ்வப்ஸு தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ரைதஸஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 2 ॥

அயமக்³நி: ஸர்வேஷாம் பூ⁴தாநாம் மத்⁴வஸ்யாக்³நே: ஸர்வாணி பூ⁴தாநி மது⁴ யஶ்சாயமஸ்மிந்நக்³நௌ தேஜோமயோ(அ)ம்ருதமய: புருஷோ யஶ்சாயமத்⁴யாத்மம் வாங்மயஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 3 ॥

அயம் வாயு: ஸர்வேஷாம் பூ⁴தாநாம் மத்⁴வஸ்ய வாயோ: ஸர்வாணி பூ⁴தாநி மது⁴ யஶ்சாயமஸ்மிந்வாயௌ தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ப்ராணஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 4 ॥

அயமாதி³த்ய: ஸர்வேஷாம் பூ⁴தாநாம் மத்⁴வஸ்யாதி³த்யஸ்ய ஸர்வாணி பூ⁴தாநி மது⁴ யஶ்சாயமஸ்மிந்நாதி³த்யே தேஜோமயோ(அ)ம்ருதமய: புருஷோ யஶ்சாயமத்⁴யாத்மம் சாக்ஷுஷஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 5 ॥

இமா தி³ஶ: ஸர்வேஷாம் பூ⁴தாநாம் மத்⁴வாஸாம் தி³ஶாம் ஸர்வாணி பூ⁴தாநி மது⁴ யஶ்சாயமாஸு தி³க்ஷு தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ஶ்ரௌத்ர: ப்ராதிஶ்ருத்கஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 6 ॥

அயம் சந்த்³ர: ஸர்வேஷாம் பூ⁴தாநாம் மத்⁴வஸ்ய சந்த்³ரஸ்ய ஸர்வாணி பூ⁴தாநி மது⁴ யஶ்சாயமஸ்மிம்ஶ்சந்த்³ரே தேஜோமயோ(அ)ம்ருதமய: புருஷோ யஶ்சாயமத்⁴யாத்மம் மாநஸஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 7 ॥

இயம் வித்³யுத்ஸர்வேஷாம் பூ⁴தாநாம் மத்⁴வஸ்யை வித்³யுத: ஸர்வாணி பூ⁴தாநி மது⁴ யஶ்சாயமஸ்யாம் வித்³யுதி தேஜோமயோ(அ)ம்ருதமய: புருஷோ யஶ்சாயமத்⁴யாத்மம் தைஜஸஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 8 ॥

அயம் ஸ்தநயித்நு: ஸர்வேஷாம் பூ⁴தாநாம் மத்⁴வஸ்ய ஸ்தநயித்நோ: ஸர்வாணி பூ⁴தாநி மது⁴ யஶ்சாயமஸ்மிந்ஸ்தநயித்நௌ தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ஶாப்³த³: ஸௌவரஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 9 ॥

அயமாகாஶ: ஸர்வேஷாம் பூ⁴தாநாம் மத்⁴வஸ்யாகாஶஸ்ய ஸர்வாணி பூ⁴தாநி மது⁴ யஶ்சாயமஸ்மிந்நாகாஶே தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ஹ்ருத்³யாகாஶஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 10 ॥

அயம் த⁴ர்ம: ஸர்வேஷாம் பூ⁴தாநாம் மத்⁴வஸ்ய த⁴ர்மஸ்ய ஸர்வாணி பூ⁴தாநி மது⁴ யஶ்சாயமஸ்மிந்த⁴ர்மே தேஜோமயோ(அ)ம்ருதமய: புருஷோ யஶ்சாயமத்⁴யாத்மம் தா⁴ர்மஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 11 ॥

இத³ம் ஸத்யம் ஸர்வேஷாம் பூ⁴தாநாம் மத்⁴வஸ்ய ஸத்யஸ்ய ஸர்வாணி பூ⁴தாநி மது⁴ யஶ்சாயமஸ்மிந்ஸத்யே தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ஸாத்யஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 12 ॥

இத³ம் மாநுஷம் ஸர்வேஷாம் பூ⁴தாநாம் மத்⁴வஸ்ய மாநுஷஸ்ய ஸர்வாணி பூ⁴தாநி மது⁴ யஶ்சாயமஸ்மிந்மாநுஷே தேஜோமயோ(அ)ம்ருதமய: புருஷோ யஶ்சாயமத்⁴யாத்மம் மாநுஷஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 13 ॥

அயமாத்மா ஸர்வேஷாம் பூ⁴தாநாம் மத்⁴வஸ்யாத்மந: ஸர்வாணி பூ⁴தாநி மது⁴ யஶ்சாயமஸ்மிந்நாத்மநி தேஜோமயோ(அ)ம்ருதமய: புருஷோ யஶ்சாயமாத்மா தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 14 ॥

ஸ வா அயமாத்மா ஸர்வேஷாம் பூ⁴தாநாமதி⁴பதி: ஸர்வேஷாம் பூ⁴தாநாம் ராஜா தத்³யதா² ரத²நாபௌ⁴ ச ரத²நேமௌ சாரா: ஸர்வே ஸமர்பிதா ஏவமேவாஸ்மிந்நாத்மநி ஸர்வாணி பூ⁴தாநி ஸர்வே தே³வா: ஸர்வே லோகா: ஸர்வே ப்ராணா: ஸர்வ ஏத ஆத்மாந: ஸமர்பிதா: ॥ 15 ॥

இத³ம் வை தந்மது⁴ த³த்⁴யங்ஙாத²ர்வணோ(அ)ஶ்விப்⁴யாமுவாச । ததே³தத்³ருஷி: பஶ்யந்நவோசத் । தத்³வாம் நரா ஸநயே த³ம்ஸ உக்³ரமாவிஷ்க்ருணோமி தந்யதுர்ந வ்ருஷ்டிம் । த³த்⁴யங் ஹ யந்மத்⁴வாத²ர்வணோ வாமஶ்வஸ்ய ஶீர்ஷ்ணா ப்ர யதீ³முவாசேதி ॥ 16 ॥

இத³ம் வை தந்மது⁴ த³த்⁴யங்ஙாத²ர்வணோ(அ)ஶ்விப்⁴யாமுவாச । ததே³தத்³ருஷி: பஶ்யந்நவோசத் । ஆத²ர்வணாயாஶ்விநௌ த³தீ⁴சே(அ)ஶ்வ்யம் ஶிர: ப்ரத்யைரயதம் । ஸ வாம் மது⁴ ப்ரவோசத்³ருதாயந்த்வாஷ்ட்ரம் யத்³த³ஸ்ராவபி கக்ஷ்யம் வாமிதி ॥ 17 ॥

இத³ம் வை தந்மது⁴ த³த்⁴யங்ஙாத²ர்வணோ(அ)ஶ்விப்⁴யாமுவாச । ததே³தத்³ருஷி: பஶ்யந்நவோசத் । புரஶ்சக்ரே த்³விபத³: புரஶ்சக்ரே சதுஷ்பத³: । புர: ஸ பக்ஷீ பூ⁴த்வா புர: புருஷ ஆவிஶதி³தி । ஸ வா அயம் புருஷ: ஸர்வாஸு பூர்ஷு புரிஶயோ நைநேந கிஞ்சநாநாவ்ருதம் நைநேந கிஞ்சநாஸம்வ்ருதம் ॥ 18 ॥

இத³ம் வை தந்மது⁴ த³த்⁴யங்ஙாத²ர்வணோ(அ)ஶ்விப்⁴யாமுவாச । ததே³தத்³ருஷி: பஶ்யந்நவோசத் । ரூபம் ரூபம் ப்ரதிரூபோ ப³பூ⁴வ தத³ஸ்ய ரூபம் ப்ரதிசக்ஷணாய । இந்த்³ரோ மாயாபி⁴: புருரூப ஈயதே யுக்தா ஹ்யஸ்ய ஹரய: ஶதா த³ஶேதி । அயம் வை ஹரயோ(அ)யம் வை த³ஶ ச ஸஹஸ்ராணி ப³ஹூநி சாநந்தாநி ச ததே³தத்³ப்³ரஹ்மாபூர்வமநபரமநந்தரமபா³ஹ்யமயமாத்மா ப்³ரஹ்ம ஸர்வாநுபூ⁴ரித்யநுஶாஸநம் ॥ 19 ॥

அத² வம்ஶ: பௌதிமாஷ்யோ கௌ³பவநாத்³கௌ³பவந: பௌதிமாஷ்யாத்பௌதிமாஷ்யோ கௌ³பவநாத்³கௌ³பவந: கௌஶிகாத்கௌஶிக: கௌண்டி³ந்யாத்கௌண்டி³ந்ய: ஶாண்டி³ல்யாச்சா²ண்டி³ல்ய: கௌஶிகாச்ச கௌ³தமாச்ச கௌ³தம: ॥ 1 ॥

ஆக்³நிவேஶ்யாதா³க்³நிவேஶ்ய: ஶாண்டி³ல்யாச்சாநபி⁴ம்லாதாச்சாநபி⁴ம்லாத ஆநபி⁴ம்லாதாதா³நபி⁴ம்லாத ஆநபி⁴ம்லாதாதா³நபி⁴ம்லாதோ கௌ³தமாத்³கௌ³தம: ஸைதவப்ராசீநயோக்³யாப்⁴யாம் ஸைதவப்ராசீநயோக்³யௌ பாராஶர்யாத்பாரஶர்யோ பா⁴ரத்³வாஜாத்³பா⁴ரத்³வாஜோ பா⁴ரத்³வாஜாச்ச கௌ³தமாச்ச கௌ³தமோ பா⁴ரத்³வாஜாத்³பா⁴ரத்³வாஜ: பாராஶர்யாத்பாராஶர்யோ பை³ஜவாபாயநாத்³பை³ஜவாபாயந: கௌஶிகாயநே: கௌஶிகாயநி: ॥ 2 ॥

க்⁴ருதகௌஶிகாத்³க்⁴ருதகௌஶிக: பாராஶர்யாயணாத்பாராஶர்யாயண: பாராஶர்யாத்பாராஶர்யோ ஜாதூகர்ண்யாஜ்ஜாதூகர்ண்ய ஆஸுராயணாச்ச யாஸ்காச்சாஸுராயணஸ்த்ரைவணேஸ்த்ரைவணிரௌபஜந்த⁴நேரௌபஜந்த⁴நிராஸுரேராஸுரிர்பா⁴ரத்³வாஜாத்³பா⁴ரத்³வாஜ ஆத்ரேயாதா³த்ரேயோ மாண்டேர்மாண்டிர்கௌ³தமாத்³கௌ³தமோ கௌ³தமாத்³கௌ³தமோ வாத்ஸ்யாத்³வாத்ஸ்ய: ஶாண்டி³ல்யாச்சா²ண்டி³ல்ய: கைஶோர்யாத்காப்யாத்கைஶோர்ய: காப்ய: குமாரஹாரிதாத்குமாரஹாரிதோ கா³லவாத்³கா³லவோ வித³ர்பீ⁴கௌண்டி³ந்யாத்³வித³ர்பீ⁴கௌண்டி³ந்யோ வத்ஸநபாதோ பா³ப்⁴ரவாத்³வத்ஸநபாத்³பா³ப்⁴ரவ: பத²: ஸௌப⁴ராத்பந்தா²: ஸௌப⁴ரோ(அ)யாஸ்யாதா³ங்கி³ரஸாத³யாஸ்ய ஆங்கி³ரஸ ஆபூ⁴தேஸ்த்வாஷ்ட்ராதா³பூ⁴திஸ்த்வாஷ்ட்ரோ விஶ்வரூபாத்த்வாஷ்ட்ராத்³விஶ்வரூபஸ்த்வாஷ்ட்ரோ(அ)ஶ்விப்⁴யாமஶ்விநௌ த³தீ⁴ச ஆத²ர்வணாத்³த³த்⁴யங்ஙாத²ர்வணோ(அ)த²ர்வணோ தை³வாத³த²ர்வா தை³வோ ம்ருத்யோ: ப்ராத்⁴வம்ஸநாந்ம்ருத்யு: ப்ராத்⁴வம்ஸந: ப்ரத்⁴வம்ஸநாத்ப்ரத்⁴வம்ஸந ஏகர்ஷேரேகர்ஷிர்விப்ரசித்தேர்விப்ரசித்திர்வ்யஷ்டேர்வ்யஷ்டி: ஸநாரோ: ஸநாரு: ஸநாதநாத்ஸநாதந: ஸநகா³த்ஸநக³: பரமேஷ்டி²ந: பரமேஷ்டீ² ப்³ரஹ்மணோ ப்³ரஹ்ம ஸ்வயம்பு⁴ ப்³ரஹ்மணே நம: ॥ 3 ॥

ஓம் ஜநகோ ஹ வைதே³ஹோ ப³ஹுத³க்ஷிணேந யஜ்ஞேநேஜே தத்ர ஹ குருபஞ்சாலாநாம் ப்³ராஹ்மணா அபி⁴ஸமேதா ப³பூ⁴வுஸ்தஸ்ய ஹ ஜநகஸ்ய வைதே³ஹஸ்ய விஜிஜ்ஞாஸா ப³பூ⁴வ க:ஸ்விதே³ஷாம் ப்³ராஹ்மணாநாமநூசாநதம இதி ஸ ஹ க³வாம் ஸஹஸ்ரமவருரோத⁴ த³ஶ த³ஶ பாதா³ ஏகைகஸ்யா: ஶ்ருங்க³யோராப³த்³தா⁴ ப³பூ⁴வு: ॥ 1 ॥

தாந்ஹோவாச ப்³ராஹ்மணா ப⁴க³வந்தோ யோ வோ ப்³ரஹ்மிஷ்ட²: ஸ ஏதா கா³ உத³ஜதாமிதி । தே ஹ ப்³ராஹ்மணா ந த³த்⁴ருஷுரத² ஹ யாஜ்ஞவல்க்ய: ஸ்வமேவ ப்³ரஹ்மசாரிணமுவாசைதா: ஸோம்யோத³ஜ ஸாமஶ்ரவா3 இதி தா ஹோதா³சகார தே ஹ ப்³ராஹ்மணாஶ்சுக்ருது⁴: கத²ம் நோ ப்³ரஹ்மிஷ்டோ² ப்³ருவீதேத்யத² ஹ ஜநகஸ்ய வைதே³ஹஸ்ய ஹோதாஶ்வலோ ப³பூ⁴வ ஸ ஹைநம் பப்ரச்ச² த்வம் நு க²லு நோ யாஜ்ஞவல்க்ய ப்³ரஹ்மிஷ்டோ²(அ)ஸீ3 இதி ஸ ஹோவாச நாமோ வயம் ப்³ரஹ்மிஷ்டா²ய குர்மோ கோ³காமா ஏவ வயம் ஸ்ம இதி தம் ஹ தத ஏவ ப்ரஷ்டும் த³த்⁴ரே ஹோதாஶ்வல: ॥ 2 ॥

யாஜ்ஞவல்க்யேதி ஹோவாச யதி³த³ம் ஸர்வம் ம்ருத்யுநாப்தம் ஸர்வம் ம்ருத்யுநாபி⁴பந்நம் கேந யஜமாநோ ம்ருத்யோராப்திமதிமுச்யத இதி ஹோத்ரர்த்விஜாக்³நிநா வாசா வாக்³வை யஜ்ஞஸ்ய ஹோதா தத்³யேயம் வாக்ஸோ(அ)யமக்³நி: ஸ ஹோதா ஸ முக்தி: ஸாதிமுக்தி: ॥ 3 ॥

யாஜ்ஞவல்க்யேதி ஹோவாச யதி³த³ம் ஸர்வமஹோராத்ராப்⁴யாமாப்தம் ஸர்வமஹோராத்ராப்⁴யாமபி⁴பந்நம் கேந யஜமாநோ(அ)ஹோராத்ரயோராப்திமதிமுச்யத இத்யத்⁴வர்யுணர்த்விஜா சக்ஷுஷாதி³த்யேந சக்ஷுர்வை யஜ்ஞஸ்யாத்⁴வர்யுஸ்தத்³யதி³த³ம் சக்ஷு: ஸோ(அ)ஸாவாதி³த்ய: ஸோ(அ)த்⁴வர்யு: ஸ முக்தி: ஸாதிமுக்தி: ॥ 4 ॥

யாஜ்ஞவல்க்யேதி ஹோவாச யதி³த³ம் ஸர்வம் பூர்வபக்ஷாபரபக்ஷாப்⁴யாமாப்தம் ஸர்வம் பூர்வபக்ஷாபரபக்ஷாப்⁴யாமபி⁴பந்நம் கேந யஜமாந: பூர்வபக்ஷாபரபக்ஷயோராப்திமதிமுச்யத இத்யுத்³கா³த்ரர்த்விஜா வாயுநா ப்ராணேந ப்ராணோ வை யஜ்ஞஸ்யோத்³கா³தா தத்³யோ(அ)யம் ப்ராண: ஸ வாயு: ஸ உத்³கா³தா ஸ முக்தி: ஸாதிமுக்தி: ॥ 5 ॥

யாஜ்ஞவல்க்யேதி ஹோவாச யதி³த³மந்தரிக்ஷமநாரம்ப³ணமிவ கேநாக்ரமேண யஜமாந: ஸ்வர்க³ம் லோகமாக்ரமத இதி ப்³ரஹ்மணர்த்விஜா மநஸா சந்த்³ரேண மநோ வை யஜ்ஞஸ்ய ப்³ரஹ்மா தத்³யதி³த³ம் மந: ஸோ(அ)ஸௌ சந்த்³ர: ஸ ப்³ரஹ்மா ஸ முக்தி: ஸாதிமுக்திரித்யதிமோக்ஷா அத² ஸம்பத³: ॥ 6 ॥

யாஜ்ஞவல்க்யேதி ஹோவாச கதிபி⁴ரயமத்³யர்க்³பி⁴ர்ஹோதாஸ்மிந்யஜ்ஞே கரிஷ்யதீதி திஸ்ருபி⁴ரிதி கதமாஸ்தாஸ்திஸ்ர இதி புரோநுவாக்யா ச யாஜ்யா ச ஶஸ்யைவ த்ருதீயா கிம் தாபி⁴ர்ஜயதீதி யத்கிஞ்சேத³ம் ப்ராணப்⁴ருதி³தி ॥ 7 ॥

யாஜ்ஞவல்க்யேதி ஹோவாச கத்யயமத்³யாத்⁴வர்யுரஸ்மிந்யஜ்ஞ ஆஹுதீர்ஹோஷ்யதீதி திஸ்ர இதி கதமாஸ்தாஸ்திஸ்ர இதி யா ஹுதா உஜ்ஜ்வலந்தி யா ஹுதா அதிநேத³ந்தே யா ஹுதா அதி⁴ஶேரதே கிம் தாபி⁴ர்ஜயதீதி யா ஹுதா உஜ்ஜ்வலந்தி தே³வலோகமேவ தாபி⁴ர்ஜயதி தீ³ப்யத இவ ஹி தே³வலோகோ யா ஹுதா அதிநேத³ந்தே பித்ருலோகமேவ தாபி⁴ர்ஜயத்யதீவ ஹி பித்ருலோகோ யா ஹுதா அதி⁴ஶேரதே மநுஷ்யலோகமேவ தாபி⁴ர்ஜயத்யத⁴ இவ ஹி மநுஷ்யலோக: ॥ 8 ॥

யாஜ்ஞவல்க்யேதி ஹோவாச கதிபி⁴ரயமத்³ய ப்³ரஹ்மா யஜ்ஞம் த³க்ஷிணதோ தே³வதாபி⁴ர்கோ³பாயதீத்யேகயேதி கதமா ஸைகேதி மம ஏவேத்யநந்தம் வை மநோ(அ)நந்தா விஶ்வே தே³வா அநந்தமேவ ஸ தேந லோகம் ஜயதி ॥ 9 ॥

யாஜ்ஞவல்க்யேதி ஹோவாச கத்யயமத்³யோத்³கா³தாஸ்மிந்யஜ்ஞே ஸ்தோத்ரியா: ஸ்தோஷ்யதீதி திஸ்ர இதி கதமாஸ்தாஸ்திஸ்ர இதி புரோநுவாக்யா ச யாஜ்யா ச ஶஸ்யைவ த்ருதீயா கதமாஸ்தா யா அத்⁴யாத்மமிதி ப்ராண ஏவ புரோநுவாக்யாபாநோ யாஜ்யா வ்யாந: ஶஸ்யா கிம் தாபி⁴ர்ஜயதீதி ப்ருதி²வீலோகமேவ புரோநுவாக்யயா ஜயத்யந்தரிக்ஷலோகம் யாஜ்யயா த்³யுலோகம் ஶஸ்யயா ததோ ஹ ஹோதாஶ்வல உபரராம ॥ 10 ॥

அத² ஹைநம் ஜாரத்காரவ ஆர்தபா⁴க³: பப்ரச்ச² யாஜ்ஞவல்க்யேதி ஹோவாச கதி க்³ரஹா: கத்யதிக்³ரஹா இதி । அஷ்டௌ க்³ரஹா அஷ்டாவதிக்³ரஹா இதி யே தே(அ)ஷ்டௌ க்³ரஹா அஷ்டாவதிக்³ரஹா: கதமே த இதி ॥ 1 ॥

ப்ராணோ வை க்³ரஹ: ஸோ(அ)பாநேநாதிக்³ராஹேண க்³ருஹீதோ(அ)பாநேந ஹி க³ந்தா⁴ஞ்ஜிக்⁴ரதி ॥ 2 ॥

வாக்³வை க்³ரஹ: ஸ நாம்நாதிக்³ராஹேண க்³ருஹீதோ வாசா ஹி நாமாந்யபி⁴வத³தி ॥ 3 ॥

ஜிஹ்வா வை க்³ரஹ: ஸ ரஸேநாதிக்³ராஹேண க்³ருஹீதோ ஜிஹ்வயா ஹி ரஸாந்விஜாநாதி ॥ 4 ॥

சக்ஷுர்வை க்³ரஹ: ஸ ரூபேணாதிக்³ராஹேண க்³ருஹீதஶ்சக்ஷுஷா ஹி ரூபாணி பஶ்யதி ॥ 5 ॥

ஶ்ரோத்ரம் வை க்³ரஹ: ஸ ஶப்³தே³நாதிக்³ராஹேண க்³ருஹீத: ஶ்ரோத்ரேண ஹி ஶப்³தா³ஞ்ஶ்ருணோதி ॥ 6 ॥

மநோ வை க்³ரஹ: ஸ காமேநாதிக்³ராஹேண க்³ருஹீதோ மநஸா ஹி காமாந்காமயதே ॥ 7 ॥

ஹஸ்தௌ வை க்³ரஹ: ஸ கர்மணாதிக்³ராஹேண க்³ருஹீதோ ஹஸ்தாப்⁴யாம் ஹி கர்ம கரோதி ॥ 8 ॥

த்வக்³வை க்³ரஹ: ஸ ஸ்பர்ஶேநாதிக்³ராஹேண க்³ருஹீதஸ்த்வசா ஹி ஸ்பர்ஶாந்வேத³யத இத்யேதே(அ)ஷ்டௌ க்³ரஹா அஷ்டாவதிக்³ரஹா: ॥ 9 ॥

யாஜ்ஞவல்க்யேதி ஹோவாச யதி³த³ம் ஸர்வம் ம்ருத்யோரந்நம் கா ஸ்வித்ஸா தே³வதா யஸ்யா ம்ருத்யுரந்நமித்யக்³நிர்வை ம்ருத்யு: ஸோ(அ)பாமந்நமப புநர்ம்ருத்யும் ஜயதி ॥ 10 ॥

யாஜ்ஞவல்க்யேதி ஹோவாச யத்ராயம் புருஷோ ம்ரியத உத³ஸ்மாத்ப்ராணா: க்ராமந்த்யாஹோ3 நேதி நேதி ஹோவாச யாஜ்ஞவல்க்யோ(அ)த்ரைவ ஸமவநீயந்தே ஸ உச்ச்²வயத்யாத்⁴மாயத்யாத்⁴மாதோ ம்ருத: ஶேதே ॥ 11 ॥

யாஜ்ஞவல்க்யேதி ஹோவாச யத்ராயம் புருஷோ ம்ரியதே கிமேநம் ந ஜஹாதீதி நாமேத்யநந்தம் வை நாமாநந்தா விஶ்வே தே³வா அநந்தமேவ ஸதேந லோகம் ஜயதி ॥ 12 ॥

யாஜ்ஞவல்க்யேதி ஹோவாச யத்ராஸ்ய புருஷஸ்ய ம்ருதஸ்யாக்³நிம் வாக³ப்யேதி வாதம் ப்ராணஶ்சக்ஷுராதி³த்யம் மநஶ்சந்த்³ரம் தி³ஶ: ஶ்ரோத்ரம் ப்ருதி²வீம் ஶரீரமாகாஶமாத்மௌஷதீ⁴ர்லோமாநி வநஸ்பதீந்கேஶா அப்ஸு லோஹிதம் ச ரேதஶ்ச நிதீ⁴யதே க்வாயம் ததா³ புருஷோ ப⁴வதீத்யாஹர ஸோம்ய ஹஸ்தமார்தபா⁴கா³வாமேவைதஸ்ய வேதி³ஷ்யாவோ ந நாவேதத்ஸஜந இதி । தௌ ஹோத்க்ரம்ய மந்த்ரயாஞ்சக்ராதே தௌ ஹ யதூ³சது: கர்ம ஹைவ ததூ³சதுரத² யத்ப்ரஶஶம்ஸது: கர்ம ஹைவ தத்ப்ரஶஶம்ஸது: புண்யோ வை புண்யேந கர்மணா ப⁴வதி பாப: பாபேநேதி ததோ ஹ ஜாரத்காரவ ஆர்தபா⁴க³ உபரராம ॥ 13 ॥

அத² ஹைநம் பு⁴ஜ்யுர்லாஹ்யாயநி: பப்ரச்ச² யாஜ்ஞவல்க்யேதி ஹோவாச । மத்³ரேஷு சரகா: பர்யவ்ரஜாம தே பதஞ்ஜலஸ்ய காப்யஸ்ய க்³ருஹாநைம தஸ்யாஸீத்³து³ஹிதா க³ந்த⁴ர்வக்³ருஹீதா தமப்ருச்சா²ம கோ(அ)ஸீதி ஸோ(அ)ப்³ரவீத்ஸுத⁴ந்வாங்கி³ரஸ இதி தம் யதா³ லோகாநாமந்தாநப்ருச்சா²மாதை²நமப்³ரூம க்வ பாரிக்ஷிதா அப⁴வந்நிதி க்வ பாரிக்ஷிதா அப⁴வந்ஸ த்வா ப்ருச்சா²மி யாஜ்ஞவல்க்ய க்வ பாரிக்ஷிதா அப⁴வந்நிதி ॥ 1 ॥

ஸ ஹோவாசோவாச வை ஸோ(அ)க³ச்ச²ந்வை தே தத்³யத்ராஶ்வமேத⁴யாஜிநோ க³ச்ச²ந்தீதி க்வ ந்வஶ்வமேத⁴யாஜிநோ க³ச்ச²ந்தீதி த்³வாத்ரிம்ஶதம் வை தே³வரதா²ஹ்ந்யாந்யயம் லோகஸ்தம் ஸமந்தம் ப்ருதி²வீ த்³விஸ்தாவத்பர்யேதி தாம் ஸமந்தம் ப்ருதி²வீம் த்³விஸ்தாவத்ஸமுத்³ர: பர்யேதி தத்³யாவதீ க்ஷுரஸ்ய தா⁴ரா யாவத்³வா பக்ஷிகாயா: பத்ரம் தாவாநந்தரேணாகாஶஸ்தாநிந்த்³ர: ஸுபர்ணோ பூ⁴த்வா வாயவே ப்ராயச்ச²த்தாந்வாயுராத்மநி தி⁴த்வா தத்ராக³மயத்³யத்ராஶ்வமேத⁴யாஜிநோ(அ)ப⁴வந்நித்யேவமிவ வை ஸ வாயுமேவ ப்ரஶஶம்ஸ தஸ்மாத்³வாயுரேவ வ்யஷ்டிர்வாயு: ஸமஷ்டிரப புநர்ம்ருத்யும் ஜயதி ய ஏவம் வேத³ ததோ ஹ பு⁴ஜ்யுர்லாஹ்யாயநிருபரராம ॥ 2 ॥

அத² ஹைநமுஷஸ்தஶ்சாக்ராயண: பப்ரச்ச² யாஜ்ஞவல்க்யேதி ஹோவாச யத்ஸாக்ஷாத³பரோக்ஷாத்³ப்³ரஹ்ம ய ஆத்மா ஸர்வாந்தரஸ்தம் மே வ்யாசக்ஷ்வேத்யேஷ த ஆத்மா ஸர்வாந்தர: கதமோ யாஜ்ஞவல்க்ய ஸர்வாந்தரோ ய: ப்ராணேந ப்ராணிதி ஸ த ஆத்மா ஸர்வாந்தரோ யோ(அ)பாநேநாபாநீதி ஸ த ஆத்மா ஸர்வாந்தரோ யோ வ்யாநேந வ்யாநீதி ஸ த ஆத்மா ஸர்வாந்தரோ ய உதா³நேநோதா³நிதி ஸ த ஆத்மா ஸர்வாந்தர ஏஷ த ஆத்மா ஸர்வாந்தர: ॥ 1 ॥

ஸ ஹோவாசோஷஸ்தஶ்சாக்ராயணோ யதா² விப்³ரூயாத³ஸௌ கௌ³ரஸாவஶ்வ இத்யேவமேவைதத்³வ்யபதி³ஷ்டம் ப⁴வதி யதே³வ ஸாக்ஷாத³பரோக்ஷாத்³ப்³ரஹ்ம ய ஆத்மா ஸர்வாந்தரஸ்தம் மே வ்யாசக்ஷ்வேத்யேஷ த ஆத்மா ஸர்வாந்தர: கதமோ யாஜ்ஞவல்க்ய ஸர்வாந்தர: । ந த்³ருஷ்டேர்த்³ரஷ்டாரம் பஶ்யேர்ந ஶ்ருதே: ஶ்ரோதாரம் ஶ்ருணுயா ந மதேர்மந்தாரம் மந்வீதா² ந விஜ்ஞாதேர்விஜ்ஞாதாரம் விஜாநீயா: । ஏஷ த ஆத்மா ஸர்வாந்தரோ(அ)தோ(அ)ந்யதா³ர்தம் ததோ ஹோஷஸ்தஶ்சாக்ராயண உபரராம ॥ 2 ॥

அத² ஹைநம் கஹோல: கௌஷீதகேய: பப்ரச்ச² யாஜ்ஞவல்க்யேதி ஹோவாச யதே³வ ஸாக்ஷாத³பரோக்ஷாத்³ப்³ரஹ்ம ய ஆத்மா ஸர்வாந்தரஸ்தம் மே வ்யாசக்ஷ்வேத்யேஷ த ஆத்மா ஸர்வாந்தர: । கதமோ யாஜ்ஞவல்க்ய ஸர்வாந்தரோ யோ(அ)ஶநாயாபிபாஸே ஶோகம் மோஹம் ஜராம் ம்ருத்யுமத்யேதி । ஏதம் வை தமாத்மாநம் விதி³த்வா ப்³ராஹ்மணா: புத்ரைஷணாயாஶ்ச வித்தைஷணாயாஶ்ச லோகைஷணாயாஶ்ச வ்யுத்தா²யாத² பி⁴க்ஷாசர்யம் சரந்தி யா ஹ்யேவ புத்ரைஷணா ஸா வித்தைஷணா யா வித்தைஷணா ஸா லோகைஷணோபே⁴ ஹ்யேதே ஏஷணே ஏவ ப⁴வத: । தஸ்மாத்³ப்³ராஹ்மண: பாண்டி³த்யம் நிர்வித்³ய பா³ல்யேந திஷ்டா²ஸேத் । பா³ல்யம் ச பாண்டி³த்யம் ச நிர்வித்³யாத² முநிரமௌநம் ச மௌநம் ச நிர்வித்³யாத² ப்³ராஹ்மண: ஸ ப்³ராஹ்மண: கேந ஸ்யாத்³யேந ஸ்யாத்தேநேத்³ருஶ ஏவாதோ(அ)ந்யதா³ர்தம் ததோ ஹ கஹோல: கௌஷீதகேய உபரராம ॥ 1 ॥

அத² ஹைநம் கா³ர்கீ³ வாசக்நவீ பப்ரச்ச² யாஜ்ஞவல்க்யேதி ஹோவாச யதி³த³ம் ஸர்வமப்ஸ்வோதம் ச ப்ரோதம் ச கஸ்மிந்நு க²ல்வாப ஓதாஶ்ச ப்ரோதாஶ்சேதி வாயௌ கா³ர்கீ³தி கஸ்மிந்நு க²லு வாயுரோதஶ்ச ப்ரோதஶ்சேத்யந்தரிக்ஷலோகேஷு கா³ர்கீ³தி கஸ்மிந்நு க²ல்வந்தரிக்ஷலோகா ஓதாஶ்ச ப்ரோதாஶ்சேதி க³ந்த⁴ர்வலோகேஷு கா³ர்கீ³தி கஸ்மிந்நு க²லு க³ந்த⁴ர்வலோகா ஓதாஶ்ச ப்ரோதாஶ்சேத்யாதி³த்யலோகேஷு கா³ர்கீ³தி கஸ்மிந்நு க²ல்வாதி³த்யலோகா ஓதாஶ்ச ப்ரோதாஶ்சேதி சந்த்³ரலோகேஷு கா³ர்கீ³தி கஸ்மிந்நு க²லு சந்த்³ரலோகா ஓதாஶ்ச ப்ரோதாஶ்சேதி நக்ஷத்ரலோகேஷு கா³ர்கீ³தி கஸ்மிந்நு க²லு நக்ஷத்ரலோகா ஓதாஶ்ச ப்ரோதாஶ்சேதி தே³வலோகேஷு கா³ர்கீ³தி கஸ்மிந்நு க²லு தே³வலோகா ஓதாஶ்ச ப்ரோதாஶ்சேதீந்த்³ரலோகேஷு கா³ர்கீ³தி கஸ்மிந்நு க²ல்விந்த்³ரலோகா ஓதாஶ்ச ப்ரோதாஶ்சேதி ப்ரஜாபதிலோகேஷு கா³ர்கீ³தி கஸ்மிந்நு க²லு ப்ரஜாபதிலோகா ஓதாஶ்ச ப்ரோதாஶ்சேதி ப்³ரஹ்மலோகேஷு கா³ர்கீ³தி கஸ்மிந்நு க²லு ப்³ரஹ்மலோகா ஓதாஶ்ச ப்ரோதாஶ்சேதி ஸ ஹோவாச கா³ர்கி³ மாதிப்ராக்ஷீர்மா தே மூர்தா⁴ வ்யபப்தத³நதிப்ரஶ்ந்யாம் வை தே³வதாமதிப்ருச்ச²ஸி கா³ர்கி³ மாதிப்ராக்ஷீரிதி ததோ ஹ கா³ர்கீ³ வாசக்நவ்யுபரராம ॥ 1 ॥

அத² ஹைநமுத்³தா³லக ஆருணி: பப்ரச்ச² யாஜ்ஞவல்க்யேதி ஹோவாச மத்³ரேஷ்வவஸாம பதஞ்ஜலஸ்ய காப்யஸ்ய க்³ருஹேஷு யஜ்ஞமதீ⁴யாநாஸ்தஸ்யாஸீத்³பா⁴ர்யா க³ந்த⁴ர்வக்³ருஹீதா தமப்ருச்சா²ம கோ(அ)ஸீதி ஸோ(அ)ப்³ரவீத்கப³ந்த⁴ ஆத²ர்வண இதி ஸோ(அ)ப்³ரவீத்பதஞ்ஜலம் காப்யம் யாஜ்ஞிகாம்ஶ்ச வேத்த² நு த்வம் காப்ய தத்ஸூத்ரம் யேநாயம் ச லோக: பரஶ்ச லோக: ஸர்வாணி ச பூ⁴தாநி ஸந்த்³ருப்³தா⁴நி ப⁴வந்தீதி ஸோ(அ)ப்³ரவீத்பதஞ்ஜல: காப்யோ நாஹம் தத்³ப⁴க³வந்வேதே³தி ஸோ(அ)ப்³ரவீத்பதஞ்ஜலம் காப்யம் யாஜ்ஞிகாம்ஶ்ச வேத்த² நு த்வம் காப்ய தமந்தர்யாமிணம் ய இமம் ச லோகம் பரம் ச லோகம் ஸர்வாணி ச பூ⁴தாநி யோ(அ)ந்தரோ யமயதீதி ஸோ(அ)ப்³ரவீத்பதஞ்ஜல: காப்யோ நாஹம் தம் ப⁴க³வந்வேதே³தி ஸோ(அ)ப்³ரவீத்பதஞ்ஜலம் காப்யம் யாஜ்ஞிகாம்ஶ்ச யோ வை தத்காப்ய ஸூத்ரம் வித்³யாத்தம் சாந்தர்யாமிணமிதி ஸ ப்³ரஹ்மவித்ஸ லோகவித்ஸ தே³வவித்ஸ வேத³வித்ஸ பூ⁴தவித்ஸ ஆத்மவித்ஸ ஸர்வவிதி³தி தேப்⁴யோ(அ)ப்³ரவீத்தத³ஹம் வேத³ தச்சேத்த்வம் யாஜ்ஞவல்க்ய ஸூத்ரமவித்³வாம்ஸ்தம் சாந்தர்யாமிணம் ப்³ரஹ்மக³வீருத³ஜஸே மூர்தா⁴ தே விபதிஷ்யதீதி வேத³ வா அஹம் கௌ³தம தத்ஸூத்ரம் தம் சாந்தர்யாமிணமிதி யோ வா இத³ம் கஶ்சித்³ப்³ரூயாத்³வேத³ வேதே³தி யதா² வேத்த² ததா² ப்³ரூஹீதி ॥ 1 ॥

ஸ ஹோவாச வாயுர்வை கௌ³தம தத்ஸூத்ரம் வாயுநா வை கௌ³தம ஸூத்ரேணாயம் ச லோக: பரஶ்ச லோக: ஸர்வாணி ச பூ⁴தாநி ஸந்த்³ருப்³தா⁴நி ப⁴வந்தி தஸ்மாத்³வை கௌ³தம புருஷம் ப்ரேதமாஹுர்வ்யஸ்ரம்ஸிஷதாஸ்யாங்கா³நீதி வாயுநா ஹி கௌ³தம ஸூத்ரேண ஸந்த்³ருப்³தா⁴நி ப⁴வந்தீத்யேவமேவைதத்³யாஜ்ஞவல்க்யாந்தர்யாமிணம் ப்³ரூஹீதி ॥ 2 ॥

ய: ப்ருதி²வ்யாம் திஷ்ட²ந்ப்ருதி²வ்யா அந்தரோ யம் ப்ருதி²வீ ந வேத³ யஸ்ய ப்ருதி²வீ ஶரீரம் ய: ப்ருதி²வீமந்தரோ யமயத்யேஷ த ஆத்மாந்தர்யாம்யம்ருத: ॥ 3 ॥

யோ(அ)ப்ஸு திஷ்ட²ந்நத்³ப்⁴யோ(அ)ந்தரோ யமாபோ ந விது³ர்யஸ்யாப: ஶரீரம் யோ(அ)போ(அ)ந்தரோ யமயத்யேஷ த ஆத்மாந்தர்யாம்யம்ருத: ॥ 4 ॥

யோ(அ)க்³நௌ திஷ்ட²ந்நக்³நேரந்தரோ யமக்³நிர்ந வேத³ யஸ்யாக்³நி: ஶரீரம் யோ(அ)க்³நிமந்தரோ யமயத்யேஷ த ஆத்மாந்தர்யாம்யம்ருத: ॥ 5 ॥

யோ(அ)ந்தரிக்ஷே திஷ்ட²ந்நந்தரிக்ஷாத³ந்தரோ யமந்தரிக்ஷம் ந வேத³ யஸ்யாந்தரிக்ஷம் ஶரீரம் யோ(அ)ந்தரிக்ஷமந்தரோ யமயத்யேஷ த ஆத்மாந்தர்யாம்யம்ருத: ॥ 6 ॥

யோ வாயௌ திஷ்ட²ந்வாயோரந்தரோ யம் வாயுர்ந வேத³ யஸ்ய வாயு: ஶரீரம் யோ வாயுமந்தரோ யமயத்யேஷ த ஆத்மாந்தர்யாம்யம்ருத: ॥ 7 ॥

யோ தி³வி திஷ்ட²ந்தி³வோ(அ)ந்தரோயம் த்³யௌர்ந வேத³ யஸ்ய த்³யௌ: ஶரீரம் யோ தி³வமந்தரோ யமயத்யேஷ த ஆத்மாந்தர்யாம்யம்ருத: ॥ 8 ॥

ய ஆதி³த்யே திஷ்ட²ந்நாதி³த்யாத³ந்தரோ யமாதி³த்யோ ந வேத³ யஸ்யாதி³த்ய: ஶரீரம் ய ஆதி³த்யமந்தரோ யமயத்யேஷ த ஆத்மாந்தர்யாம்யம்ருத: ॥ 9 ॥

யோ தி³க்ஷு திஷ்ட²ந்தி³க்³ப்⁴யோ(அ)ந்தரோ யம் தி³ஶோ ந விது³ர்யஸ்ய தி³ஶ: ஶரீரம் யோ தி³ஶோ(அ)ந்தரோ யமயத்யேஷ த ஆத்மாந்தர்யாம்யம்ருத: ॥ 10 ॥

யஶ்சாந்த்³ரதாரகே திஷ்ட²ம்ஶ்சந்த்³ரதாரகாத³ந்தரோ யம் சந்த்³ரதாரகம் ந வேத³ யஸ்ய சந்த்³ரதாரகம் ஶரீரம் யஶ்சந்த்³ரதாரகமந்தரோ யமயத்யேஷ த ஆத்மாந்தர்யாம்யம்ருத: ॥ 11 ॥

ய ஆகாஶே திஷ்ட²ந்நாகாஶாத³ந்தரோ யமாகாஶோ ந வேத³ யஸ்யாகாஶ: ஶரீரம் ய ஆகாஶமந்தரோ யமயத்யேஷ த ஆத்மாந்தர்யாம்யம்ருத: ॥ 12 ॥

யஸ்தமஸி திஷ்ட²ம்ஸ்தமஸோ(அ)ந்தரோ யம் தமோ ந வேத³ யஸ்ய தம: ஶரீரம் யஸ்தமோ(அ)ந்தரோ யமயத்யேஷ த ஆத்மாந்தர்யாம்யம்ருத: ॥ 13 ॥

யஸ்தேஜஸி திஷ்ட²ம்ஸ்தேஜஸோ(அ)ந்தரோ யம் தேஜோ ந வேத³ யஸ்ய தேஜ: ஶரீரம் யஸ்தேஜோ(அ)ந்தரோ யமயத்யேஷ த ஆத்மாந்தர்யாம்யம்ருத இத்யதி⁴தை³வதமதா²தி⁴பூ⁴தம் ॥ 14 ॥

ய: ஸர்வேஷு பூ⁴தேஷு திஷ்ட²ந்ஸர்வேப்⁴யோ பூ⁴தேப்⁴யோ(அ)ந்தரோ யம் ஸர்வாணி பூ⁴தாநி ந விது³ர்யஸ்ய ஸர்வாணி பூ⁴தாநி ஶரீரம் ய: ஸர்வாணி பூ⁴தாந்யந்தரோ யமயத்யேஷ த ஆத்மாந்தர்யாம்யம்ருத இத்யதி⁴பூ⁴தமதா²த்⁴யாத்மம் ॥ 15 ॥

ய: ப்ராணே திஷ்ட²ந்ப்ராணாத³ந்தரோ யம் ப்ராணோ ந வேத³ யஸ்ய ப்ராண: ஶரீரம் ய: ப்ராணமந்தரோ யமயத்யேஷ த ஆத்மாந்தர்யாம்யம்ருத: ॥ 16 ॥

யோ வாசி திஷ்ட²ந்வாசோ(அ)ந்தரோ யம் வாங்ந வேத³ யஸ்ய வாக்ஶரீரம் யோ வாசமந்தரோ யமயத்யேஷ த ஆத்மாந்தர்யாம்யம்ருத: ॥ 17 ॥

யஶ்சக்ஷுஷி திஷ்ட²ம்ஶ்சக்ஷுஷோ(அ)ந்தரோ யம் சக்ஷுர்ந வேத³ யஸ்ய சக்ஷு: ஶரீரம் யஶ்சக்ஷுரந்தரோ யமயத்யேஷ த ஆத்மாந்தர்யாம்யம்ருத: ॥ 18 ॥

ய: ஶ்ரோத்ரே திஷ்ட²ஞ்ச்²ரோத்ராத³ந்தரோ யம் ஶ்ரோத்ரம் ந வேத³ யஸ்ய ஶ்ரோத்ரம் ஶரீரம் ய: ஶ்ரோத்ரமந்தரோ யமயத்யேஷ த ஆத்மாந்தர்யாம்யம்ருத: ॥ 19 ॥

யோ மநஸி திஷ்ட²ந்மநஸோ(அ)ந்தரோ யம் மநோ ந வேத³ யஸ்ய மந: ஶரீரம் யோ மநோ(அ)ந்தரோ யமயத்யேஷ த ஆத்மாந்தர்யாம்யம்ருத: ॥ 20 ॥

யஸ்த்வசி திஷ்டம் ஸ்த்வசோ(அ)ந்தரோ யம் த்வங்ந வேத³ யஸ்ய த்வக்ஶரீரம் யஸ்த்வசமந்தரோ யமயத்யேஷ த ஆத்மாந்தர்யாம்யம்ருத: ॥ 21 ॥

யோ விஜ்ஞாநே திஷ்ட²ந்விஜ்ஞாநாத³ந்தரோ யம் விஜ்ஞாநம் ந வேத³ யஸ்ய விஜ்ஞாநம் ஶரீரம் யோ விஜ்ஞாநமந்தரோ யமயத்யேஷ த ஆத்மாந்தர்யாம்யம்ருத: ॥ 22 ॥

யோ ரேதஸி திஷ்ட²ந்ரேதஸோ(அ)ந்தரோ யம் ரேதோ ந வேத³ யஸ்ய ரேத: ஶரீரம் யோ ரேதோ(அ)ந்தரோ யமயத்யேஷ த ஆத்மாந்தர்யாம்யம்ருதோ(அ)த்³ருஷ்டோ த்³ரஷ்டாஶ்ருத: ஶ்ரோதாமதோ மந்தாவிஜ்ஞாதோ விஜ்ஞாதா நாந்யோ(அ)தோ(அ)ஸ்தி த்³ரஷ்டா நாந்யோ(அ)தோ(அ)ஸ்தி ஶ்ரோதா நாந்யோ(அ)தோ(அ)ஸ்தி மந்தா நாந்யோ(அ)தோ(அ)ஸ்தி விஜ்ஞாதைஷ த ஆத்மாந்தர்யாம்யம்ருதோ(அ)தோ(அ)ந்யதா³ர்தம் ததோ ஹோத்³தா³லக ஆருணிருபரராம ॥ 23 ॥

அத² ஹ வாசக்நவ்யுவாச ப்³ராஹ்மணா ப⁴க³வந்தோ ஹந்தாஹமிமம் த்³வௌ ப்ரஶ்நௌ ப்ரக்ஷ்யாமி தௌ சேந்மே வக்ஷ்யதி ந வை ஜாது யுஷ்மாகமிமம் கஶ்சித்³ப்³ரஹ்மோத்³யம் ஜேதேதி ப்ருச்ச² கா³ர்கீ³தி ॥ 1 ॥

ஸா ஹோவாசாஹம் வை த்வா யாஜ்ஞவல்க்ய யதா² காஶ்யோ வா வைதே³ஹோ வோக்³ரபுத்ர உஜ்ஜ்யம் த⁴நுரதி⁴ஜ்யம் க்ருத்வா த்³வௌ பா³ணவந்தௌ ஸபத்நாதிவ்யாதி⁴நௌ ஹஸ்தே க்ருத்வோபோத்திஷ்டே²தே³வமேவாஹம் த்வா த்³வாப்⁴யாம் ப்ரஶ்நாப்⁴யாமுபாத³ஸ்தா²ம் தௌ மே ப்³ரூஹீதி ப்ருச்ச² கா³ர்கீ³தி ॥ 2 ॥

ஸா ஹோவாச யதூ³ர்த்⁴வம் யாஜ்ஞவல்க்ய தி³வோ யத³வாக்ப்ருதி²வ்யா யத³ந்தரா த்³யாவாப்ருதி²வீ இமே யத்³பூ⁴தம் ச ப⁴வச்ச ப⁴விஷ்யச்சேத்யாசக்ஷதே கஸ்மிம்ஸ்ததோ³தம் ச ப்ரோதம் சேதி ॥ 3 ॥

ஸ ஹோவாச யதூ³ர்த்⁴வம் கா³ர்கி³ தி³வோ யத³வாக்ப்ருதி²வ்யா யத³ந்தரா த்³யாவாப்ருதி²வீ இமே யத்³பூ⁴தம் ச ப⁴வச்ச ப⁴விஷ்யச்சேத்யாசக்ஷத ஆகாஶே ததோ³தம் ச ப்ரோதம் சேதி ॥ 4 ॥

ஸா ஹோவாச நமஸ்தே(அ)ஸ்து யாஜ்ஞவல்க்ய யோ ம ஏதம் வ்யவோசோ(அ)பரஸ்மை தா⁴ரயஸ்வேதி ப்ருச்ச² கா³ர்கீ³தி ॥ 5 ॥

ஸா ஹோவாச யதூ³ர்த்⁴வம் யாஜ்ஞவல்க்ய தி³வோ யத³வாக்ப்ருதி²வ்யா யத³ந்தரா த்³யாவாப்ருதி²வீ இமே யத்³பூ⁴தம் ச ப⁴வச்ச ப⁴விஷ்யச்சேத்யாசக்ஷதே கஸ்மிம்ஸ்ததோ³தம் ச ப்ரோதம் சேதி ॥ 6 ॥

ஸ ஹோவாச யதூ³ர்த்⁴வம் கா³ர்கி³ தி³வோ யத³வாக்ப்ருதி²வ்யா யத³ந்தரா த்³யாவாப்ருதி²வீ இமே யத்³பூ⁴தம் ச ப⁴வச்ச ப⁴விஷ்யச்சேத்யாசக்ஷத ஆகாஶ ஏவ ததோ³தம் ச ப்ரோதம் சேதி கஸ்மிந்நு க²ல்வாகாஶ ஓதஶ்ச ப்ரோதஶ்சேதி ॥ 7 ॥

ஸ ஹோவாசைதத்³வை தத³க்ஷரம் கா³ர்கி³ ப்³ராஹ்மணா அபி⁴வத³ந்த்யஸ்தூ²லமநண்வஹ்ரஸ்வமதீ³ர்க⁴மலோஹிதமஸ்நேஹமச்சா²யமதமோ(அ)வாய்வநாகாஶமஸங்க³மரஸமக³ந்த⁴மசக்ஷுஷ்கமஶ்ரோத்ரமவாக³மநோ(அ)தேஜஸ்கமப்ராணமமுக²மமாத்ரமநந்தரமபா³ஹ்யம் ந தத³ஶ்நாதி கிஞ்சந ந தத³ஶ்நாதி கஶ்சந ॥ 8 ॥

ஏதஸ்ய வா அக்ஷரஸ்ய ப்ரஶாஸநே கா³ர்கி³ ஸூர்யாசந்த்³ரமஸௌ வித்⁴ருதௌ திஷ்ட²த ஏதஸ்ய வா அக்ஷரஸ்ய ப்ரஶாஸநே கா³ர்கி³ த்³யாவாப்ருதி²வ்யௌ வித்⁴ருதே திஷ்ட²த ஏதஸ்ய வா அக்ஷரஸ்ய ப்ரஶாஸநே கா³ர்கி³ நிமேஷா முஹூர்தா அஹோராத்ராண்யர்த⁴மாஸா மாஸா ருதவ: ஸம்வத்ஸரா இதி வித்⁴ருதாஸ்திஷ்ட²ந்த்யேதஸ்ய வா அக்ஷரஸ்ய ப்ரஶாஸநே கா³ர்கி³ ப்ராச்யோ(அ)ந்யா நத்³ய: ஸ்யந்த³ந்தே ஶ்வேதேப்⁴ய: பர்வதேப்⁴ய: ப்ரதீச்யோ(அ)ந்யா யாம் யாம் ச தி³ஶமந்வேதஸ்ய வா அக்ஷரஸ்ய ப்ரஶாஸநே கா³ர்கி³ த³த³தோ மநுஷ்யா: ப்ரஶம்ஸந்தி யஜமாநம் தே³வா த³ர்வீம் பிதரோ(அ)ந்வாயத்தா: ॥ 9 ॥

யோ வா ஏதத³க்ஷரம் கா³ர்க்³யவிதி³த்வாஸ்மிம்ல்லோகே ஜுஹோதி யஜதே தபஸ்தப்யதே ப³ஹூநி வர்ஷஸஹஸ்ராண்யந்தவதே³வாஸ்ய தத்³ப⁴வதி யோ வா ஏதத³க்ஷரம் கா³ர்க்³யவிதி³த்வாஸ்மால்லோகாத்ப்ரைதி ஸ க்ருபணோ(அ)த² ய ஏதத³க்ஷரம் கா³ர்கி³ விதி³த்வாஸ்மால்லோகாத்ப்ரைதி ஸ ப்³ராஹ்மண: ॥ 10 ॥

தத்³வா ஏதத³க்ஷரம் கா³ர்க்³யத்³ருஷ்டம் த்³ரஷ்ட்ரஶ்ருதம் ஶ்ரோத்ரமதம் மந்த்ரவிஜ்ஞாதம் விஜ்ஞாத்ரு நாந்யத³தோ(அ)ஸ்தி த்³ரஷ்ட்ரு நாந்யத³தோ(அ)ஸ்தி ஶ்ரோத்ரு நாந்யத³தோ(அ)ஸ்தி மந்த்ரு நாந்யத³தோ(அ)ஸ்தி விஜ்ஞாத்ரேதஸ்மிந்நு க²ல்வக்ஷரே கா³ர்க்³யாகாஶ ஓதஶ்ச ப்ரோதஶ்சேதி ॥ 11 ॥

ஸா ஹோவாச ப்³ராஹ்மணா ப⁴க³வந்தஸ்ததே³வ ப³ஹுமந்யேத்⁴வம் யத³ஸ்மாந்நமஸ்காரேண முச்யேத்⁴வம் ந வை ஜாது யுஷ்மாகமிமம் கஶ்சித்³ப்³ரஹ்மோத்³யம் ஜேதேதி ததோ ஹ வாசக்நவ்யுபரராம ॥ 12 ॥

அத² ஹைநம் வித³க்³த⁴: ஶாகல்ய: பப்ரச்ச² கதி தே³வா யாஜ்ஞவல்க்யேதி ஸ ஹைதயைவ நிவிதா³ ப்ரதிபேதே³ யாவந்தோ வைஶ்வதே³வஸ்ய நிவித்³யுச்யந்தே த்ரயஶ்ச த்ரீ ச ஶதா த்ரயஶ்ச த்ரீ ச ஸஹஸ்ரேத்யோமிதி ஹோவாச கத்யேவ தே³வா யாஜ்ஞவல்க்யேதி த்ரயஸ்த்ரிம்ஶதி³த்யோமிதி ஹோவாச கத்யேவ தே³வா யாஜ்ஞவல்க்யேதி ஷடி³த்யோமிதி ஹோவாச கத்யேவ தே³வா யாஜ்ஞவல்க்யேதி த்ரய இத்யோமிதி ஹோவாச கத்யேவ தே³வா யாஜ்ஞவல்க்யேதி த்³வாவித்யோமிதி ஹோவாச கத்யேவ தே³வா யாஜ்ஞவல்க்யேத்யத்⁴யர்த⁴ இத்யோமிதி ஹோவாச கத்யேவ தே³வா யாஜ்ஞவல்க்யேத்யேக இத்யோமிதி ஹோவாச கதமே தே த்ரயஶ்ச த்ரீ ச ஶதா த்ரயஶ்ச த்ரீ ச ஸஹஸ்ரேதி ॥ 1 ॥

ஸ ஹோவாச மஹிமாந ஏவைஷாமேதே த்ரயஸ்த்ரிம்ஶத்த்வேவ தே³வா இதி கதமே தே த்ரயஸ்த்ரிம்ஶதி³த்யஷ்டௌ வஸவ ஏகாத³ஶ ருத்³ரா த்³வாத³ஶாதி³த்யாஸ்த ஏகத்ரிம்ஶதி³ந்த்³ரஶ்சைவ ப்ரஜாபதிஶ்ச த்ரயஸ்த்ரிம்ஶாவிதி ॥ 2 ॥

கதமே வஸவ இத்யக்³நிஶ்ச ப்ருதி²வீ ச வாயுஶ்சாந்தரிக்ஷம் சாதி³த்யஶ்ச த்³யௌஶ்ச சந்த்³ரமாஶ்ச நக்ஷத்ராணி சைதே வஸவ ஏதேஷு ஹீத³ம் ஸர்வம் ஹிதமிதி தஸ்மாத்³வஸவ இதி ॥ 3 ॥

கதமே ருத்³ரா இதி த³ஶேமே புருஷே ப்ராணா ஆத்மைகாத³ஶஸ்தே யதா³ஸ்மாச்ச²ரீராந்மர்த்யாது³த்க்ராமந்த்யத² ரோத³யந்தி தத்³யத்³ரோத³யந்தி தஸ்மாத்³ருத்³ரா இதி ॥ 4 ॥

கதம ஆதி³த்யா இதி த்³வாத³ஶ வை மாஸா: ஸம்வத்ஸரஸ்யைத ஆதி³த்யா ஏதே ஹீத³ம் ஸர்வமாத³தா³நா யந்தி தே யதி³த³ம் ஸர்வமாத³தா³நா யந்தி தஸ்மாதா³தி³த்யா இதி ॥ 5 ॥

கதம இந்த்³ர: கதம: ப்ரஜாபதிரிதி ஸ்தநயித்நுரேவேந்த்³ரோ யஜ்ஞ: ப்ரஜாபதிரிதி கதம: ஸ்தநயித்நுரித்யஶநிரிதி கதமோ யஜ்ஞ இதி பஶவ இதி ॥ 6 ॥

கதமே ஷடி³த்யக்³நிஶ்ச ப்ருதி²வீ ச வாயுஶ்சாந்தரிக்ஷம் ச ஆதி³த்யஶ்ச த்³யௌஶ்சைதே ஷடே³தே ஹீத³ம் ஸர்வம் ஷடி³தி ॥ 7 ॥

கதமே தே த்ரயோ தே³வா இதீம ஏவ த்ரயோ லோகா ஏஷு ஹீமே ஸர்வே தே³வா இதி கதமௌ தௌ த்³வௌ தே³வாவித்யந்நம் சைவ ப்ராணஶ்சேதி கதமோ(அ)த்⁴யர்த⁴ இதி யோ(அ)யம் பவத இதி ॥ 8 ॥

ததா³ஹுர்யத³யமேக இவைவ பவதே(அ)த² கத²மத்⁴யர்த⁴ இதி யத³ஸ்மிந்நித³ம் ஸர்வமத்⁴யார்த்⁴நோத்தேநாத்⁴யர்த⁴ இதி கதம ஏகோ தே³வ இதி ப்ராண இதி ஸ ப்³ரஹ்ம த்யதி³த்யாசக்ஷதே ॥ 9 ॥

ப்ருதி²வ்யேவ யஸ்யாயதநமக்³நிர்லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாயம் ஶாரீர: புருஷ: ஸ ஏஷ வதை³வ ஶாகல்ய தஸ்ய கா தே³வதேத்யம்ருதமிதி ஹோவாச ॥ 10 ॥

காம ஏவ யஸ்யாயதநம் ஹ்ருத³யம் லோகோ மநோ ஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாயம் காமமய: புருஷ: ஸ ஏஷ வதை³வ ஶாகல்ய தஸ்ய கா தே³வதேதி ஸ்த்ரிய இதி ஹோவாச ॥ 11 ॥

ரூபாண்யேவ யஸ்யாயதநம் சக்ஷுர்லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாஸாவாதி³த்யே புருஷ: ஸ ஏஷ வதை³வ ஶாகல்ய தஸ்ய கா தே³வதேதி ஸத்யமிதி ஹோவாச ॥ 12 ॥

ஆகாஶ ஏவ யஸ்யாயதநம் ஶ்ரோத்ரம் லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புரஷம் ஸர்வஸ்யாத்மந: பராயணம் யமாத்த² ய ஏவாயம் ஶ்ரௌத்ர: ப்ராதிஶ்ருத்க: புருஷ: ஸ ஏஷ வதை³வ ஶாகல்ய தஸ்ய கா தே³வதேதி தி³ஶ இதி ஹோவாச ॥ 13 ॥

தம ஏவ யஸ்யாயதநம் ஹ்ருத³யம் லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாயம் சா²யாமய: புருஷ: ஸ ஏஷ வதை³வ ஶாகல்ய தஸ்ய கா தே³வதேதி ம்ருத்யுரிதி ஹோவாச ॥ 14 ॥

ரூபாண்யேவ யஸ்யாயதநம் சக்ஷுர்லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்யஸ்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாயமாத³ர்ஶே புருஷ: ஸ ஏஷ வதை³வ ஶாகல்ய தஸ்ய கா தே³வதேத்யஸுரிதி ஹோவாச ॥ 15 ॥

ஆப ஏவ யஸ்யாயதநம் ஹ்ருத³யம் லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாயமப்ஸு புருஷ: ஸ ஏஷ வதை³வ ஶாகல்ய தஸ்ய கா தே³வதேதி வருண இதி ஹோவாச ॥ 16 ॥

ரேத ஏவ யஸ்யாயதநம் ஹ்ருத³யம் லோகோ மநோஜ்யோதிர்யோ வை தம் புருஷம் வித்³யாத்ஸர்வஸ்யாத்மந: பராயணம் ஸ வை வேதி³தா ஸ்யாத் । யாஜ்ஞவல்க்ய வேத³ வா அஹம் தம் புருஷம் ஸர்வஸ்யாத்மந: பராயணம் யமாத்த² ய ஏவாயம் புத்ரமய: புருஷ: ஸ ஏஷ வதை³வ ஶாகல்ய தஸ்ய கா தே³வதேதி ப்ரஜாபதிரிதி ஹோவாச ॥ 17 ॥

ஶாகல்யேதி ஹோவாச யாஜ்ஞவல்க்யஸ்த்வாம் ஸ்விதி³மே ப்³ராஹ்மணா அங்கா³ராவக்ஷயணமக்ரதா3 இதி ॥ 18 ॥

யாஜ்ஞவல்க்யேதி ஹோவாச ஶாகல்யோ யதி³த³ம் குருபஞ்சாலாநாம் ப்³ராஹ்மணாநத்யவாதீ³: கிம் ப்³ரஹ்ம வித்³வாநிதி தி³ஶோ வேத³ ஸதே³வா: ஸப்ரதிஷ்டா² இதி யத்³தி³ஶோ வேத்த² ஸதே³வா: ஸப்ரதிஷ்டா²: ॥ 19 ॥

கிந்தே³வதோ(அ)ஸ்யாம் ப்ராச்யாம் தி³ஶ்யஸீத்யாதி³த்யதே³வத இதி ஸ ஆதி³த்ய: கஸ்மிந்ப்ரதிஷ்டி²த இதி சக்ஷுஷீதி கஸ்மிந்நு சக்ஷு: ப்ரதிஷ்டி²தமிதி ரூபேஷ்விதி சக்ஷுஷா ஹி ரூபாணி பஶ்யதி கஸ்மிந்நு ரூபாணி ப்ரதிஷ்டி²தாநீதி ஹ்ருத³ய இதி ஹோவாச ஹ்ருத³யேந ஹி ரூபாணி ஜாநாதி ஹ்ருத³யே ஹ்யேவ ரூபாணி ப்ரதிஷ்டி²தாநி ப⁴வந்தீத்யேவமேவைதத்³யாஜ்ஞவல்க்ய ॥ 20 ॥

கிந்தே³வதோ(அ)ஸ்யாம் த³க்ஷிணாயாம் தி³ஶ்யஸீதி யமதே³வத இதி ஸ யம: கஸ்மிந்ப்ரதிஷ்டி²த இதி யஜ்ஞ இதி கஸ்மிந்நு யஜ்ஞ: ப்ரதிஷ்டி²த இதி த³க்ஷிணாயாமிதி கஸ்மிந்நு த³க்ஷிணா ப்ரதிஷ்டி²தேதி ஶ்ரத்³தா⁴யாமிதி யதா³ ஹ்யேவ ஶ்ரத்³த⁴த்தே(அ)த² த³க்ஷிணாம் த³தா³தி ஶ்ரத்³தா⁴யாம் ஹ்யேவ த³க்ஷிணா ப்ரதிஷ்டி²தேதி கஸ்மிந்நு ஶ்ரத்³தா⁴ ப்ரதிஷ்டி²தேதி ஹ்ருத³ய இதி ஹோவாச ஹ்ருத³யேந ஹி ஶ்ரத்³தா⁴ம் ஜாநாதி ஹ்ருத³யே ஹ்யேவ ஶ்ரத்³தா⁴ ப்ரதிஷ்டி²தா ப⁴வதீத்யேவமேவைதத்³யாஜ்ஞவல்க்ய ॥ 21 ॥

கிந்தே³வதோ(அ)ஸ்யாம் ப்ரதீச்யாம் தி³ஶ்யஸீதி வருணதே³வத இதி ஸ வருண: கஸ்மிந்ப்ரதிஷ்டி²த இத்யப்ஸ்விதி கஸ்மிந்ந்வாப: ப்ரதிஷ்டி²தா இதி ரேதஸீதி கஸ்மிந்நு ரேத: ப்ரதிஷ்டி²தமிதி ஹ்ருத³ய இதி தஸ்மாத³பி ப்ரதிரூபம் ஜாதமாஹுர்ஹ்ருத³யாதி³வ ஸ்ருப்தோ ஹ்ருத³யாதி³வ நிர்மித இதி ஹ்ருத³யே ஹ்யேவ ரேத: ப்ரதிஷ்டி²தம் ப⁴வதீத்யேவமேவைதத்³யாஜ்ஞவல்க்ய ॥ 22 ॥

கிந்தே³வதோ(அ)ஸ்யாமுதீ³ச்யாம் தி³ஶ்யஸீதி ஸோமதே³வத இதி ஸ ஸோம: கஸ்மிந்ப்ரதிஷ்டி²த இதி தீ³க்ஷாயாமிதி கஸ்மிந்நு தீ³க்ஷா ப்ரதிஷ்டி²தேதி ஸத்ய இதி தஸ்மாத³பி தீ³க்ஷிதமாஹு: ஸத்யம் வதே³தி ஸத்யே ஹ்யேவ தீ³க்ஷா ப்ரதிஷ்டி²தேதி கஸ்மிந்நு ஸத்யம் ப்ரதிஷ்டி²தமிதி ஹ்ருத³ய இதி ஹோவாச ஹ்ருத³யேந ஹி ஸத்யம் ஜாநாதி ஹ்ருத³யே ஹ்யேவ ஸத்யம் ப்ரதிஷ்டி²தம் ப⁴வதீத்யேவமேவைதத்³யாஜ்ஞவல்க்ய ॥ 23 ॥

கிந்தே³வதோ(அ)ஸ்யாம் த்⁴ருவாயாம் தி³ஶ்யஸீத்யக்³நிதே³வத இதி ஸோ(அ)க்³நி: கஸ்மிந்ப்ரதிஷ்டி²த இதி வாசீதி கஸ்மிந்நு வாக்ப்ரதிஷ்டி²தேதி ஹ்ருத³ய இதி கஸ்மிந்நு ஹ்ருத³யம் ப்ரதிஷ்டி²தமிதி ॥ 24 ॥

அஹல்லிகேதி ஹோவாச யாஜ்ஞவல்க்யோ யத்ரைதத³ந்யத்ராஸ்மந்மந்யாஸை யத்³த்⁴யேதத³ந்யத்ராஸ்மத்ஸ்யாச்ச்²வாநோ வைநத³த்³யுர்வயாம்ஸி வைநத்³விமத்²நீரந்நிதி ॥ 25 ॥

கஸ்மிந்நு த்வம் சாத்மா ச ப்ரதிஷ்டி²தௌ ஸ்த² இதி ப்ராண இதி கஸ்மிந்நு ப்ராண: ப்ரதிஷ்டி²த இத்யபாந இதி கஸ்மிந்ந்வபாந: ப்ரதிஷ்டி²த இதி வ்யாந இதி கஸ்மிந்நு வ்யாந: ப்ரதிஷ்டி²த இத்யுதா³ந இதி கஸ்மிந்நூதா³ந: ப்ரதிஷ்டி²த இதி ஸமாந இதி ஸ ஏஷ நேதி நேத்யாத்மாக்³ருஹ்யோ ந ஹி க்³ருஹ்யதே(அ)ஶீர்யோ ந ஹி ஶீர்யதே(அ)ஸங்கோ³ ந ஹி ஸஜ்யதே(அ)ஸிதோ ந வ்யத²தே ந ரிஷ்யதி । ஏதாந்யஷ்டாவாயதநாந்யஷ்டௌ லோகா அஷ்டௌ தே³வா அஷ்டௌ புருஷா: ஸ யஸ்தாந்புருஷாந்நிருஹ்ய ப்ரத்யுஹ்யாத்யக்ராமத்தம் த்வௌபநிஷத³ம் புருஷம் ப்ருச்சா²மி தம் சேந்மே ந விவக்ஷ்யதி மூர்தா⁴ தே விபதிஷ்யதீதி । தம் ஹ ந மேநே ஶாகல்யஸ்தஸ்ய ஹ மூர்தா⁴ விபபாதாபி ஹாஸ்ய பரிமோஷிணோ(அ)ஸ்தீ²ந்யபஜஹ்ருரந்யந்மந்யமாநா: ॥ 26 ॥

அத² ஹோவாச ப்³ராஹ்மணா ப⁴க³வந்தோ யோ வ: காமயதே ஸ மா ப்ருச்ச²து ஸர்வே வா மா ப்ருச்ச²த யோ வ: காமயதே தம் வ: ப்ருச்சா²மி ஸர்வாந்வா வ: ப்ருச்சா²மீதி தே ஹ ப்³ராஹ்மணா ந த³த்⁴ருஷு: ॥ 27 ॥

தாந்ஹைதை: ஶ்லோகை: பப்ரச்ச² —
யதா² வ்ருக்ஷோ வநஸ்பதிஸ்ததை²வ புருஷோ(அ)ம்ருஷா । தஸ்ய லோமாநி பர்ணாநி த்வக³ஸ்யோத்பாடிகா ப³ஹி: ॥ 1 ॥

த்வச ஏவாஸ்ய ருதி⁴ரம் ப்ரஸ்யந்தி³ த்வச உத்பட: । தஸ்மாத்ததா³த்ருண்ணாத்ப்ரைதி ரஸோ வ்ருக்ஷாதி³வாஹதாத் ॥ 2 ॥

மாம்ஸாந்யஸ்ய ஶகராணி கிநாடம் ஸ்நாவ தத்ஸ்தி²ரம் । அஸ்தீ²ந்யந்தரதோ தா³ரூணி மஜ்ஜா மஜ்ஜோபமா க்ருதா ॥ 3 ॥

யத்³வ்ருக்ஷோ வ்ருக்ணோ ரோஹதி மூலாந்நவதர: புந: । மர்த்ய: ஸ்விந்ம்ருத்யுநா வ்ருக்ண: கஸ்மாந்மூலாத்ப்ரரோஹதி ॥ 4 ॥

ரேதஸ இதி மா வோசத ஜீவதஸ்தத்ப்ரஜாயதே । தா⁴நாருஹ இவ வை வ்ருக்ஷோ(அ)ஞ்ஜஸா ப்ரேத்ய ஸம்ப⁴வ: ॥ 5 ॥

யத்ஸமூலமாவ்ருஹேயுர்வ்ருக்ஷம் ந புநராப⁴வேத் । மர்த்ய: ஸ்விந்ம்ருத்யுநா வ்ருக்ண: கஸ்மாந்மூலாத்ப்ரரோஹதி ॥ 6 ॥

ஜாத ஏவ ந ஜாயதே கோ ந்வேநம் ஜநயேத்புந: । விஜ்ஞாநமாநந்த³ம் ப்³ரஹ்ம ராதிர்தா³து: பராயணம் திஷ்ட²மாநஸ்ய தத்³வித³ இதி ॥ 7 ॥

ஓம் ஜநகோ ஹ வைதே³ஹ ஆஸாஞ்சக்ரே(அ)த² ஹ யாஜ்ஞவல்க்ய ஆவவ்ராஜ । தம்ஹோவாச யாஜ்ஞவல்க்ய கிமர்த²மசாரீ: பஶூநிச்ச²ந்நண்வந்தாநிதி । உப⁴யமேவ ஸம்ராடி³தி ஹோவாச ॥ 1 ॥

யத்தே கஶ்சித³ப்³ரவீத்தச்²ருணவாமேத்யப்³ரவீந்மே ஜித்வா ஶைலிநிர்வாக்³வை ப்³ரஹ்மேதி யதா² மாத்ருமாந்பித்ருமாநாசார்யவாந்ப்³ரூயாத்ததா² தச்சை²லிநிரப்³ரவீத்³வாக்³வை ப்³ரஹ்மேத்யவத³தோ ஹி கிம் ஸ்யாதி³த்யப்³ரவீத்து தே தஸ்யாயதநம் ப்ரதிஷ்டா²ம் ந மே(அ)ப்³ரவீதி³த்யேகபாத்³வா ஏதத்ஸம்ராடி³தி ஸ வை நோ ப்³ரூஹி யாஜ்ஞவல்க்ய । வாகே³வாயதநமாகாஶ: ப்ரதிஷ்டா² ப்ரஜ்ஞேத்யேநது³பாஸீத । கா ப்ரஜ்ஞதா யாஜ்ஞவல்க்ய । வாகே³வ ஸம்ராடி³தி ஹோவாச । வாசா வை ஸம்ராட்³ப³ந்து⁴: ப்ரஜ்ஞாயத ருக்³வேதோ³ யஜுர்வேத³: ஸாமவேதோ³(அ)த²ர்வாங்கி³ரஸ இதிஹாஸ: புராணம் வித்³யா உபநிஷத³: ஶ்லோகா: ஸூத்ராண்யநுவ்யாக்²யாநாநி வ்யாக்²யாநாநீஷ்டம் ஹுதமாஶிதம் பாயிதமயம் ச லோக: பரஶ்ச லோக: ஸர்வாணி ச பூ⁴தாநி வாசைவ ஸம்ராட்ப்ரஜ்ஞாயந்தே வாக்³வை ஸம்ராட்பரமம் ப்³ரஹ்ம நைநம் வாக்³ஜஹாதி ஸர்வாண்யேநம் பூ⁴தாந்யபி⁴க்ஷரந்தி தே³வோ பூ⁴த்வா தே³வாநப்யேதி ய ஏவம் வித்³வாநேதது³பாஸ்தே । ஹஸ்த்ய்ருஷப⁴ம் ஸஹஸ்ரம் த³தா³மீதி ஹோவாச ஜநகோ வைதே³ஹ: । ஸ ஹோவாச யாஜ்ஞவல்க்ய: பிதா மே(அ)மந்யத நாநநுஶிஷ்ய ஹரேதேதி ॥ 2 ॥

யதே³வ தே கஶ்சித³ப்³ரவீத்தச்ச்²ருணவாமேத்யப்³ரவீந்ம உத³ங்க: ஶௌல்பா³யந: ப்ராணோ வை ப்³ரஹ்மேதி யதா² மாத்ருமாந்பித்ருமாநாசார்யவாந்ப்³ரூயாத்ததா² தச்சௌ²ல்பா³யநோ(அ)ப்³ரவீத்ப்ராணோ வை ப்³ரஹ்மேத்யப்ராணதோ ஹி கிம் ஸ்யாதி³த்யப்³ரவீத்து தே தஸ்யாயதநம் ப்ரதிஷ்டா²ம் ந மே(அ)ப்³ரவீதி³த்யேகபாத்³வா ஏதத்ஸம்ராடி³தி ஸ வை நோ ப்³ரூஹி யாஜ்ஞவல்க்ய ப்ராண ஏவாயதநமாகாஶ: ப்ரதிஷ்டா² ப்ரியமித்யேநது³பாஸீத கா ப்ரியதா யாஜ்ஞவல்க்ய ப்ராண ஏவ ஸம்ராடி³தி ஹோவாச ப்ராணஸ்ய வை ஸம்ராட்காமாயாயாஜ்யம் யாஜயத்யப்ரதிக்³ருஹ்யஸ்ய ப்ரதிக்³ருஹ்ணாத்யபி தத்ர வதா⁴ஶங்கம் ப⁴வதி யாம் தி³ஶமேதி ப்ராணஸ்யைவ ஸம்ராட்காமாய ப்ராணோ வை ஸம்ராட்பரமம் ப்³ரஹ்ம நைநம் ப்ராணோ ஜஹாதி ஸர்வாண்யேநம் பூ⁴தாந்யபி⁴க்ஷரந்தி தே³வோ பூ⁴த்வா தே³வாநப்யேதி ய ஏவம் வித்³வாநேதது³பாஸ்தே ஹஸ்த்ய்ருஷப⁴ம் ஸஹஸ்ரம் த³தா³மீதி ஹோவாச ஜநகோ வைதே³ஹ: ஸ ஹோவாச யாஜ்ஞவல்க்ய: பிதா மே(அ)மந்யத நாநநுஶிஷ்ய ஹரேதேதி ॥ 3 ॥

யதே³வ தே கஶ்சித³ப்³ரவீத்தச்ச்²ருணவாமேத்யப்³ரவீந்மே ப³ர்குர்வார்ஷ்ணஶ்சக்ஷுர்வை ப்³ரஹ்மேதி யதா² மாத்ருமாந்பித்ருமாநாசார்யவாந்ப்³ரூயாத்ததா² தத்³வார்ஷ்ணோ(அ)ப்³ரவீச்சக்ஷுர்வை ப்³ரஹ்மேத்யபஶ்யதோ ஹி கிம் ஸ்யாதி³த்யப்³ரவீத்து தே தஸ்யாயதநம் ப்ரதிஷ்டா²ம் ந மே(அ)ப்³ரவீதி³த்யேகபாத்³வா ஏதத்ஸம்ராடி³தி ஸ வை நோ ப்³ரூஹி யாஜ்ஞவல்க்ய சக்ஷுரேவாயதநமாகாஶ: ப்ரதிஷ்டா² ஸத்யமித்யேநது³பாஸீத கா ஸத்யதா யாஜ்ஞவல்க்ய சக்ஷுரேவ ஸம்ராடி³தி ஹோவாச சக்ஷுஷா வை ஸம்ராட்பஶ்யந்தமாஹுரத்³ராக்ஷீரிதி ஸ ஆஹாத்³ராக்ஷமிதி தத்ஸத்யம் ப⁴வதி சக்ஷுர்வை ஸம்ராட்பரமம் ப்³ரஹ்ம நைநம் சக்ஷுர்ஜஹாதி ஸர்வாண்யேநம் பூ⁴தாந்யபி⁴க்ஷரந்தி தே³வோ பூ⁴த்வா தே³வாநப்யேதி ய ஏவம் வித்³வாநேதது³பாஸ்தே ஹஸ்த்ய்ருஷப⁴ம் ஸஹஸ்ரம் த³தா³மீதி ஹோவாச ஜநகோ வைதே³ஹ: ஸ ஹோவாச யாஜ்ஞவல்க்ய: பிதா மே(அ)மந்யத நாநநுஶிஷ்ய ஹரேதேதி ॥ 4 ॥

யதே³வ தே கஶ்சித³ப்³ரவீத்தச்ச்²ருணவாமேத்யப்³ரவீந்மே க³ர்த³பீ⁴விபீதோ பா⁴ரத்³வாஜ: ஶ்ரோத்ரம் வை ப்³ரஹ்மேதி யதா² மாத்ருமாந்பித்ருமாநாசார்யவாந்ப்³ரூயாத்ததா² தத்³பா⁴ரத்³வாஜோ(அ)ப்³ரவீச்ச்²ரோத்ரம் வை ப்³ரஹ்மேத்யஶ்ருண்வதோ ஹி கிம் ஸ்யாதி³த்யப்³ரவீத்து தே தஸ்யாயதநம் ப்ரதிஷ்டா²ம் ந மே(அ)ப்³ரவீதி³த்யேகபாத்³வா ஏதத்ஸம்ராடி³தி ஸ வை நோ ப்³ரூஹி யாஜ்ஞவல்க்ய ஶ்ரோத்ரமேவாயதநமாகாஶ: ப்ரதிஷ்டா²நந்த இத்யேநது³பாஸீத காநந்ததா யாஜ்ஞவல்க்ய தி³ஶ ஏவ ஸம்ராடி³தி ஹோவாச தஸ்மாத்³வை ஸம்ராட³பி யாம் காம் ச தி³ஶம் க³ச்ச²தி நைவாஸ்யா அந்தம் க³ச்ச²த்யநந்தா ஹி தி³ஶோ தி³ஶோ வை ஸம்ராட் ஶ்ரோத்ரம் ஶ்ரோத்ரம் வை ஸம்ராட்பரமம் ப்³ரஹ்ம நைநம் ஶ்ரோத்ரம் ஜஹாதி ஸர்வாண்யேநம் பூ⁴தாந்யபி⁴க்ஷரந்தி தே³வோ பூ⁴த்வா தே³வாநப்யேதி ய ஏவம் வித்³வாநேதது³பாஸ்தே ஹஸ்த்ய்ருஷப⁴ம் ஸஹஸ்ரம் த³தா³மீதி ஹோவாச ஜநகோ வைதே³ஹ: ஸ ஹோவாச யாஜ்ஞவல்க்ய: பிதா மே(அ)மந்யத நாநநுஶிஷ்ய ஹரேதேதி ॥ 5 ॥

யதே³வ தே கஶ்சித³ப்³ரவீத்தச்ச்²ருணவாமேத்யப்³ரவீந்மே ஸத்யகாமோ ஜாபா³லோ மநோ வை ப்³ரஹ்மேதி யதா² மாத்ருமாந்பித்ருமாநாசார்யவாந்ப்³ரூயாத்ததா² தஜ்ஜாபா³லோ(அ)ப்³ரவீந்மநோ வை ப்³ரஹ்மேத்யமநஸோ ஹி கிம் ஸ்யாதி³த்யப்³ரவீத்து தே தஸ்யாயதநம் ப்ரதிஷ்டா²ம் ந மே(அ)ப்³ரவீதி³த்யேகபாத்³வா ஏதத்ஸம்ராடி³தி ஸ வை நோ ப்³ரூஹி யாஜ்ஞவல்க்ய மந ஏவாயதநமாகாஶ: ப்ரதிஷ்டா²நந்த³ இத்யேநது³பாஸீத காநந்த³தா யாஜ்ஞவல்க்ய மந ஏவ ஸம்ராடி³தி ஹோவாச மநஸா வை ஸம்ராட்ஸ்த்ரியமபி⁴ஹார்யதே தஸ்யாம் ப்ரதிரூப: புத்ரோ ஜாயதே ஸ ஆநந்தோ³ மநோ வை ஸம்ராட்பரமம் ப்³ரஹ்ம நைநம் மநோ ஜஹாதி ஸர்வாண்யேநம் பூ⁴தாந்யபி⁴க்ஷரந்தி தே³வோ பூ⁴த்வா தே³வாநப்யேதி ய ஏவம் வித்³வாநேதது³பாஸ்தே ஹஸ்த்ய்ருஷப⁴ம் ஸஹஸ்ரம் த³தா³மீதி ஹோவாச ஜநகோ வைதே³ஹ: ஸ ஹோவாச யாஜ்ஞவல்க்ய: பிதா மே(அ)மந்யத நாநநுஶிஷ்ய ஹரேதேதி ॥ 6 ॥

யதே³வ தே கஶ்சித³ப்³ரவீத்தச்ச்²ருணவாமேத்யப்³ரவீந்மே வித³க்³த⁴: ஶாகல்யோ ஹ்ருத³யம் வை ப்³ரஹ்மேதி யதா² மாத்ருமாந்பித்ருமாநாசார்யவாந்ப்³ரூயாத்ததா² தச்சா²கல்யோ(அ)ப்³ரவீத்³த்⁴ருத³யம் வை ப்³ரஹ்மேத்யஹ்ருத³யஸ்ய ஹி கிம் ஸ்யாதி³த்யப்³ரவீத்து தே தஸ்யாயதநம் ப்ரதிஷ்டா²ம் ந மே(அ)ப்³ரவீதி³த்யேகபாத்³வா ஏதத்ஸம்ராடி³தி ஸ வை நோ ப்³ரூஹி யாஜ்ஞவல்க்ய ஹ்ருத³யமேவாயதநமாகாஶ: ப்ரதிஷ்டா² ஸ்தி²திரித்யேநது³பாஸீத கா ஸ்தி²ததா யாஜ்ஞவல்க்ய ஹ்ருத³யமேவ ஸம்ராடி³தி ஹோவாச ஹ்ருத³யம் வை ஸம்ராட்ஸர்வேஷாம் பூ⁴தாநாமாயதநம் ஹ்ருத³யம் வை ஸம்ராட்ஸர்வேஷாம் பூ⁴தாநாம் ப்ரதிஷ்டா² ஹ்ருத³யே ஹ்யேவ ஸம்ராட்ஸர்வாணி பூ⁴தாநி ப்ரதிஷ்டி²தாநி ப⁴வந்தி ஹ்ருத³யம் வை ஸம்ராட்பரமம் ப்³ரஹ்ம நைநம் ஹ்ருத³யம் ஜஹாதி ஸர்வாண்யேநம் பூ⁴தாந்யபி⁴க்ஷரந்தி தே³வோ பூ⁴த்வா தே³வாநப்யேதி ய ஏவம் வித்³வாநேதது³பாஸ்தே ஹஸ்த்ய்ருஷப⁴ம் ஸஹஸ்ரம் த³தா³மீதி ஹோவாச ஜநகோ வைதே³ஹ: ஸ ஹோவாச யாஜ்ஞவல்க்ய: பிதா மே(அ)மந்யத நாநநுஶிஷ்ய ஹரேதேதி ॥ 7 ॥

ஜநகோ ஹ வைதே³ஹ: கூர்சாது³பாவஸர்பந்நுவாச நமஸ்தே(அ)ஸ்து யாஜ்ஞவல்க்யாநு மா ஶாதீ⁴தி ஸ ஹோவாச யதா² வை ஸம்ராண்மஹாந்தமத்⁴வாநமேஷ்யந்ரத²ம் வா நாவம் வா ஸமாத³தீ³தைவமேவைதாபி⁴ருபநிஷத்³பி⁴: ஸமாஹிதாத்மாஸ்யேவம் வ்ருந்தா³ரக ஆட்⁴ய: ஸந்நதீ⁴தவேத³ உக்தோபநிஷத்க இதோ விமுச்யமாந: க்வ க³மிஷ்யஸீதி நாஹம் தத்³ப⁴க³வந்வேத³ யத்ர க³மிஷ்யாமீத்யத² வை தே(அ)ஹம் தத்³வக்ஷ்யாமி யத்ர க³மிஷ்யஸீதி ப்³ரவீது ப⁴க³வாநிதி ॥ 1 ॥

இந்தோ⁴ ஹ வை நாமைஷ யோ(அ)யம் த³க்ஷிணே(அ)க்ஷந்புருஷஸ்தம் வா ஏதமிந்த⁴ம் ஸந்தமிந்த்³ர இத்யாசக்ஷதே பரோக்ஷேணைவ பரோக்ஷப்ரியா இவ ஹி தே³வா: ப்ரத்யக்ஷத்³விஷ: ॥ 2 ॥

அதை²தத்³வாமே(அ)க்ஷணி புருஷரூபமேஷாஸ்ய பத்நீ விராட்தயோரேஷ ஸம்ஸ்தாவோ ய ஏஷோ(அ)ந்தர்ஹ்ருத³ய ஆகாஶோ(அ)தை²நயோரேதத³ந்நம் ய ஏஷோ(அ)ந்தர்ஹ்ருத³ய லோஹிதபிண்டோ³(அ)தை²நயோரேதத்ப்ராவரணம் யதே³தத³ந்தர்ஹ்ருத³யே ஜாலகமிவாதை²நயோரேஷா ஸ்ருதி: ஸஞ்சரணீ யைஷா ஹ்ருத³யாதூ³ர்த்⁴வா நாட்³யுச்சரதி யதா² கேஶ: ஸஹஸ்ரதா⁴ பி⁴ந்ந ஏவமஸ்யைதா ஹிதா நாம நாட்³யோ(அ)ந்தர்ஹ்ருத³யே ப்ரதிஷ்டி²தா ப⁴வந்த்யேதாபி⁴ர்வா ஏததா³ஸ்ரவதா³ஸ்ரவதி தஸ்மாதே³ஷ ப்ரவிவிக்தாஹாரதர இவைவ ப⁴வத்யஸ்மாச்சா²ரீராதா³த்மந: ॥ 3 ॥

தஸ்ய ப்ராசீ தி³க்ப்ராஞ்ச: ப்ராணா த³க்ஷிணா தி³க்³த³க்ஷிணே ப்ராணா: ப்ரதீசீ தி³க்ப்ரத்யஞ்ச: ப்ராணா உதீ³சீ தி³கு³த³ஞ்ச: ப்ராணா ஊர்த்⁴வா தி³கூ³ர்த்⁴வா: ப்ராணா அவாசீ தி³க³வாஞ்ச: ப்ராணா: ஸர்வா தி³ஶ: ஸர்வே ப்ராணா: ஸ ஏஷ நேதி நேத்யாத்மாக்³ருஹ்யோ ந ஹி க்³ருஹ்யதே(அ)ஶீர்யோ ந ஹி ஶீர்யதே(அ)ஸங்கோ³ ந ஹி ஸஜ்யதே(அ)ஸிதோ ந வ்யத²தே ந ரிஷ்யத்யப⁴யம் வை ஜநக ப்ராப்தோ(அ)ஸீதி ஹோவாச யாஜ்ஞவல்க்ய: । ஸ ஹோவாச ஜநகோ வைதே³ஹோ(அ)ப⁴யம் த்வா க³ச்ச²தாத்³யாஜ்ஞவல்க்ய யோ நோ ப⁴க³வந்நப⁴யம் வேத³யஸே நமஸ்தே(அ)ஸ்த்விமே விதே³ஹா அயமஹமஸ்மி ॥ 4 ॥

ஜநகம் ஹ வைதே³ஹம் யாஜ்ஞவல்க்யோ ஜகா³ம ஸ மேநே ந வதி³ஷ்ய இத்யத² ஹ யஜ்ஜநகஶ்ச வைதே³ஹோ யாஜ்ஞவல்க்யஶ்சாக்³நிஹோத்ரே ஸமூதா³தே தஸ்மை ஹ யாஜ்ஞவல்க்யோ வரம் த³தௌ³ ஸ ஹ காமப்ரஶ்நமேவ வவ்ரே தம் ஹாஸ்மை த³தௌ³ தம் ஹ ஸம்ராடே³வ பூர்வம் பப்ரச்ச² ॥ 1 ॥

யாஜ்ஞவல்க்ய கிஞ்ஜ்யோதிரயம் புருஷ இதி । ஆதி³த்யஜ்யோதி: ஸம்ராடி³தி ஹோவாசாதி³த்யேநைவாயம் ஜ்யோதிஷாஸ்தே பல்யயதே கர்ம குருதே விபல்யேதீத்யேவமேவைதத்³யாஜ்ஞவல்க்ய ॥ 2 ॥

அஸ்தமித ஆதி³த்யே யாஜ்ஞவல்க்ய கிஞ்ஜ்யோதிரேவாயம் புருஷ இதி சந்த்³ரமா ஏவாஸ்ய ஜ்யோதிர்ப⁴வதீதி சந்த்³ரமஸைவாயம் ஜ்யேதிஷாஸ்தே பல்யயதே கர்ம குருதே விபல்யேதீத்யேவமேவைதத்³யாஜ்ஞவல்க்ய ॥ 3 ॥

அஸ்தமித ஆதி³த்யே யாஜ்ஞவல்க்ய சந்த்³ரமஸ்யஸ்தமிதே கிஞ்ஜ்யோதிரேவாயம் புருஷ இத்யக்³நிரேவாஸ்ய ஜ்யோதிர்ப⁴வதீத்யக்³நிநைவாயம் ஜ்யோதிஷாஸ்தே பல்யயதே கர்ம குருதே விபல்யேதீத்யேவமேவைதத்³யாஜ்ஞவல்க்ய ॥ 4 ॥

அஸ்தமித ஆதி³த்யே யாஜ்ஞவல்க்ய சந்த்³ரமஸ்யஸ்தமிதே ஶாந்தே(அ)க்³நௌ கிஞ்ஜ்யோதிரேவாயம் புருஷ இதி வாகே³வாஸ்ய ஜ்யோதிர்ப⁴வதீதி வாசைவாயம் ஜ்யோதிஷாஸ்தே பல்யயதே கர்ம குருதே விபல்யேதீதி தஸ்மாத்³வை ஸம்ராட³பி யத்ர ஸ்வ: பாணிர்ந விநிர்ஜ்ஞாயதே(அ)த² யத்ர வாகு³ச்சரத்யுபைவ தத்ர ந்யேதீத்யேவமேவைதத்³யாஜ்ஞவல்க்ய ॥ 5 ॥

அஸ்தமித ஆதி³த்யே யாஜ்ஞவல்க்ய சந்த்³ரமஸ்யஸ்தமிதே ஶாந்தே(அ)க்³நௌ ஶாந்தாயாம் வாசி கிஞ்ஜ்யோதிரேவாயம் புருஷ இத்யாத்மைவாஸ்ய ஜ்யோதிர்ப⁴வதீத்யாத்மநைவாயம் ஜ்யோதிஷாஸ்தே பல்யயதே கர்ம குருதே விபல்யேதீதி ॥ 6 ॥

கதம ஆத்மேதி யோ(அ)யம் விஜ்ஞாநமய: ப்ராணேஷு ஹ்ருத்³யந்தர்ஜ்யோதி: புருஷ: ஸ ஸமாந: ஸந்நுபௌ⁴ லோகாவநுஸஞ்சரதி த்⁴யாயதீவ லேலாயதீவ ஸ ஹி ஸ்வப்நோ பூ⁴த்வேமம் லோகமதிக்ராமதி ம்ருத்யோ ரூபாணி ॥ 7 ॥

ஸ வா அயம் புருஷோ ஜாயமாந: ஶரீரமபி⁴ஸம்பத்³யமாந: பாப்மபி⁴: ஸம்ஸ்ருஜ்யதே ஸ உத்க்ராமந்ம்ரியமாண: பாப்மநோ விஜஹாதி ॥ 8 ॥

தஸ்ய வா ஏதஸ்ய புருஷஸ்ய த்³வே ஏவ ஸ்தா²நே ப⁴வத இத³ம் ச பரலோகஸ்தா²நம் ச ஸந்த்⁴யம் த்ருதீயம் ஸ்வப்நஸ்தா²நம் தஸ்மிந்ஸந்த்⁴யே ஸ்தா²நே திஷ்ட²ந்நேதே உபே⁴ ஸ்தா²நே பஶ்யதீத³ம் ச பரலோகஸ்தா²நம் ச । அத² யதா²க்ரமோ(அ)யம் பரலோகஸ்தா²நே ப⁴வதி தமாக்ரமமாக்ரம்யோப⁴யாந்பாப்மந ஆநந்தா³ம்ஶ்ச பஶ்யதி ஸ யத்ர ப்ரஸ்வபித்யஸ்ய லோகஸ்ய ஸர்வாவதோ மாத்ராமபாதா³ய ஸ்வயம் விஹத்ய ஸ்வயம் நிர்மாய ஸ்வேந பா⁴ஸா ஸ்வேந ஜ்யோதிஷா ப்ரஸ்வபித்யத்ராயம் புருஷ: ஸ்வயம் ஜ்யோதிர்ப⁴வதி ॥ 9 ॥

ந தத்ர ரதா² ந ரத²யோகா³ ந பந்தா²நோ ப⁴வந்த்யத² ரதா²ந்ரத²யோகா³ந்பத²: ஸ்ருஜதே ந தத்ராநந்தா³ முத³: ப்ரமுதோ³ ப⁴வந்த்யதா²நந்தா³ந்முத³: ப்ரமுத³: ஸ்ருஜதே ந தத்ர வேஶாந்தா: புஷ்கரிண்ய: ஸ்ரவந்த்யோ ப⁴வந்த்யத² வேஶாந்தாந்புஷ்கரிணீ: ஸ்ரவந்தீ: ஸ்ருஜதே ஸ ஹி கர்தா ॥ 10 ॥

ததே³தே ஶ்லோகா ப⁴வந்தி । ஸ்வப்நேந ஶாரீரமபி⁴ப்ரஹத்யாஸுப்த: ஸுப்தாநபி⁴சாகஶீதி । ஶுக்ரமாதா³ய புநரைதி ஸ்தா²நம் ஹிரண்மய: புருஷ ஏகஹம்ஸ: ॥ 11 ॥

ப்ராணேந ரக்ஷந்நவரம் குலாயம் ப³ஹிஷ்குலாயாத³ம்ருதஶ்சரித்வா । ஸ ஈயதே(அ)ம்ருதோ யத்ர காமம் ஹிரண்மய: புருஷ ஏகஹம்ஸ: ॥ 12 ॥

ஸ்வப்நாந்த உச்சாவசமீயமாநோ ரூபாணி தே³வ: குருதே ப³ஹூநி । உதேவ ஸ்த்ரீபி⁴: ஸஹ மோத³மாநோ ஜக்ஷது³தேவாபி ப⁴யாநி பஶ்யந் ॥ 13 ॥

ஆராமமஸ்ய பஶ்யந்தி ந தம் பஶ்யதி கஶ்சநேதி । தம் நாயதம் போ³த⁴யேதி³த்யாஹு: । து³ர்பி⁴ஷஜ்யம் ஹாஸ்மை ப⁴வதி யமேஷ ந ப்ரதிபத்³யதே । அதோ² க²ல்வாஹுர்ஜாக³ரிததே³ஶ ஏவாஸ்யைஷ இதி யாநி ஹ்யேவ ஜாக்³ரத்பஶ்யதி தாநி ஸுப்த இத்யத்ராயம் புருஷ: ஸ்வயம் ஜ்யோதிர்ப⁴வதி ஸோ(அ)ஹம் ப⁴க³வதே ஸஹஸ்ரம் த³தா³ம்யத ஊர்த்⁴வம் விமோக்ஷாய ப்³ரூஹீதி ॥ 14 ॥

ஸ வா ஏஷ ஏதஸ்மிந்ஸம்ப்ரஸாதே³ ரத்வா சரித்வா த்³ருஷ்ட்வைவ புண்யம் ச பாபம் ச । புந: ப்ரதிந்யாயம் ப்ரதியோந்யாத்³ரவதி ஸ்வப்நாயைவ ஸ யத்தத்ர கிஞ்சித்பஶ்யத்யநந்வாக³தஸ்தேந ப⁴வத்யஸங்கோ³ ஹ்யயம் புருஷ இத்யேவமேவைதத்³யாஜ்ஞவல்க்ய ஸோ(அ)ஹம் ப⁴க³வதே ஸஹஸ்ரம் த³தா³ம்யத ஊர்த்⁴வம் விமோக்ஷாயைவ ப்³ரூஹீதி ॥ 15 ॥

ஸ வா ஏஷ ஏதஸ்மிந்ஸ்வப்நே ரத்வா சரித்வா த்³ருஷ்ட்வைவ புண்யம் ச பாபம் ச புந: ப்ரதிந்யாயம் ப்ரதியோந்யாத்³ரவதி பு³த்³தா⁴ந்தாயைவ ஸ யத்தத்ர கிஞ்சித்பஶ்யத்யநந்வாக³தஸ்தேந ப⁴வத்யஸங்கோ³ ஹ்யயம் புருஷ இத்யேவமேவைதத்³யாஜ்ஞவல்க்ய ஸோ(அ)ஹம் ப⁴க³வதே ஸஹஸ்ரம் த³தா³ம்யத ஊர்த்⁴வம் விமோக்ஷாயைவ ப்³ரூஹீதி ॥ 16 ॥

ஸ வா ஏஷ ஏதஸ்மிந்பு³த்³தா⁴ந்தே ரத்வா சரித்வா த்³ருஷ்ட்வைவ புண்யம் ச பாபம் ச புந: ப்ரதிந்யாயம் ப்ரதியோந்யாத்³ரவதி ஸ்வப்நாந்தாயைவ ॥ 17 ॥

தத்³யதா² மஹாமத்ஸ்ய உபே⁴ கூலே அநுஸஞ்சரதி பூர்வம் சாபரம் சைவமேவாயம் புருஷ ஏதாவுபா⁴வந்தாவநுஸஞ்சரதி ஸ்வப்நாந்தம் ச பு³த்³தா⁴ந்தம் ச ॥ 18 ॥

தத்³யதா²ஸ்மிந்நாகாஶே ஶ்யேநோ வா ஸுபர்ணோ வா விபரிபத்ய ஶ்ராந்த: ஸம்ஹத்ய பக்ஷௌ ஸம்லயாயைவ த்⁴ரியத ஏவமேவாயம் புருஷ ஏதஸ்மா அந்தாய தா⁴வதி யத்ர ஸுப்தோ ந கஞ்சந காமம் காமயதே ந கஞ்சந ஸ்வப்நம் பஶ்யதி ॥ 19 ॥

தா வா அஸ்யைதா ஹிதா நாம நாட்³யோ யதா² கேஶ: ஸஹஸ்ரதா⁴ பி⁴ந்நஸ்தாவதாணிம்நா திஷ்ட²ந்தி ஶுக்லஸ்ய நீலஸ்ய பிங்க³லஸ்ய ஹரிதஸ்ய லோஹிதஸ்ய பூர்ணா அத² யத்ரைநம் க்⁴நந்தீவ ஜிநந்தீவ ஹஸ்தீவ விச்சா²யயதி க³ர்தமிவபததி யதே³வ ஜாக்³ரத்³ப⁴யம் பஶ்யதி தத³த்ராவித்³யயா மந்யதே(அ)த² யத்ர தே³வ இவ ராஜேவாஹமேவேத³ம் ஸர்வோ(அ)ஸ்மீதி மந்யதே ஸோ(அ)ஸ்ய பரமோ லோக: ॥ 20 ॥

தத்³வா அஸ்யைதத³திச்ச²ந்தா³ அபஹதபாப்மாப⁴யம் ரூபம் । தத்³யதா² ப்ரியயா ஸ்த்ரியா ஸம்பரிஷ்வக்தோ ந பா³ஹ்யம் கிஞ்சந வேத³ நாந்தரமேவமேவாயம் புருஷ: ப்ராஜ்ஞேநாத்மநா ஸம்பரிஷ்வக்தோ ந பா³ஹ்யம் கிஞ்சந வேத³ நாந்தரம் தத்³வா அஸ்யைததா³ப்தகாமமாத்மகாமமகாமம் ரூபம் ஶோகாந்தரம் ॥ 21 ॥

அத்ர பிதாபிதா ப⁴வதி மாதாமாதா லோகா அலோகா தே³வா அதே³வா வேதா³ அவேதா³: । அத்ர ஸ்தேநோ(அ)ஸ்தேநோ ப⁴வதி ப்⁴ரூணஹாப்⁴ரூணஹா சாண்டா³லோ(அ)சாண்டா³ல: பௌல்கஸோ(அ)பௌல்கஸ: ஶ்ரமணோ(அ)ஶ்ரமணஸ்தாபஸோ(அ)தாபஸோ(அ)நந்வாக³தம் புண்யேநாநந்வாக³தம் பாபேந தீர்ணோ ஹி ததா³ ஸர்வாஞ்சோ²காந்ஹ்ருத³யஸ்ய ப⁴வதி ॥ 22 ॥

யத்³வை தந்ந பஶ்யதி பஶ்யந்வை தந்ந பஶ்யதி ந ஹி த்³ரஷ்டுர்த்³ருஷ்டேர்விபரிலோபோ வித்³யதே(அ)விநாஶித்வாத் । ந து தத்³த்³விதீயமஸ்தி ததோ(அ)ந்யத்³விப⁴க்தம் யத்பஶ்யேத் ॥ 23 ॥

யத்³வை தந்ந ஜிக்⁴ரதி ஜிக்⁴ரந்வை தந்ந ஜிக்⁴ரதி ந ஹி க்⁴ராதுர்க்⁴ராதேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யஜ்ஜிக்⁴ரேத் ॥ 24 ॥

யத்³வை தந்ந ரஸயதே ரஸயந்வை தந்ந ரஸயதே ந ஹி ரஸயிதூ ரஸயதேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யத்³ரஸயேத் ॥ 25 ॥

யத்³வை தந்ந வத³தி வத³ந்வை தந்ந வத³தி ந ஹி வக்துர்வக்தேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யத்³வதே³த் ॥ 26 ॥

யத்³வை தந்ந ஶ்ருணோதி ஶ்ருண்வந்வை தந்ந ஶ்ருணோதி ந ஹி ஶ்ரோது: ஶ்ருதேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யச்ச்²ருணுயாத் ॥ 27 ॥

யத்³வை தந்ந மநுதே மந்வாநோ வை தந்ந மநுதே ந ஹி மந்துர்மதேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யந்மந்வீத ॥ 28 ॥

யத்³வை தந்ந ஸ்ப்ருஶதி ஸ்ப்ருஶந்வை தந்ந ஸ்ப்ருஶதி ந ஹி ஸ்ப்ரஷ்டு: ஸ்ப்ருஷ்டேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யத்ஸ்ப்ருஶேத் ॥ 29 ॥

யத்³வை தந்ந விஜாநாதி விஜாநந்வை தந்ந விஜாநாதி ந ஹி விஜ்ஞாதுர்விஜ்ஞாதேர்விபரிலோபோ வித்³யதே(அ)விநாஶித்வாந்ந து தத்³த்³விதீயமஸ்தி ததோ(அ)ந்யத்³விப⁴க்தம் யத்³விஜாநீயாத் ॥ 30 ॥

யத்ர வா அந்யதி³வ ஸ்யாத்தத்ராந்யோ(அ)ந்யத்பஶ்யேத³ந்யோ(அ)ந்யஜ்ஜிக்⁴ரேத³ந்யோ(அ)ந்யத்³ரஸயேத³ந்யோ(அ)ந்யத்³வதே³த³ந்யோ(அ)ந்யச்ச்²ருணுயாத³ந்யோ(அ)ந்யந்மந்வீதாந்யோ(அ)ந்யத்ஸ்ப்ருஶேத³ந்யோ(அ)ந்யத்³விஜாநீயாத் ॥ 31 ॥

ஸலில ஏகோ த்³ரஷ்டாத்³வைதோ ப⁴வத்யேஷ ப்³ரஹ்மலோக: ஸம்ராடி³தி ஹைநமநுஶஶாஸ யாஜ்ஞவல்க்ய ஏஷாஸ்ய பரமா க³திரேஷாஸ்ய பரமா ஸம்பதே³ஷோ(அ)ஸ்ய பரமோ லோக ஏஷோ(அ)ஸ்ய பரம ஆநந்த³ ஏதஸ்யைவாநந்த³ஸ்யாந்யாநி பூ⁴தாநி மாத்ராமுபஜீவந்தி ॥ 32 ॥

ஸ யோ மநுஷ்யாணாம் ராத்³த⁴: ஸம்ருத்³தோ⁴ ப⁴வத்யந்யேஷாமதி⁴பதி: ஸர்வைர்மாநுஷ்யகைர்போ⁴கை³: ஸம்பந்நதம: ஸ மநுஷ்யாணாம் பரம ஆநந்தோ³(அ)த² யே ஶதம் மநுஷ்யாணாமாநந்தா³: ஸ ஏக: பித்ருணாம் ஜிதலோகாநாமாநந்தோ³(அ)த² யே ஶதம் பித்ருணாம் ஜிதலோகாநாமாநந்தா³: ஸ ஏகோ க³ந்த⁴ர்வலோக ஆநந்தோ³(அ)த² யே ஶதம் க³ந்த⁴ர்வலோக ஆநந்தா³: ஸ ஏக: கர்மதே³வாநாமாநந்தோ³ யே கர்மணா தே³வத்வமபி⁴ஸம்பத்³யந்தே(அ)த² யே ஶதம் கர்மதே³வாநாமாநந்தா³: ஸ ஏக ஆஜாநதே³வாநாமாநந்தோ³ யஶ்ச ஶ்ரோத்ரியோ(அ)வ்ருஜிநோ(அ)காமஹதோ(அ)த² யே ஶதமாஜாநதே³வாநாமாநந்தா³: ஸ ஏக: ப்ரஜாபதிலோக ஆநந்தோ³ யஶ்ச ஶ்ரோத்ரியோ(அ)வ்ருஜிநோ(அ)காமஹதோ(அ)த² யே ஶதம் ப்ரஜாபதிலோக ஆநந்தா³: ஸ ஏகோ ப்³ரஹ்மலோக ஆநந்தோ³ யஶ்ச ஶ்ரோத்ரியோ(அ)வ்ருஜிநோ(அ)காமஹதோ(அ)தை²ஷ ஏவ பரம ஆநந்த³ ஏஷ ப்³ரஹ்மலோக: ஸம்ராடி³தி ஹோவாச யாஜ்ஞவல்க்ய: ஸோஹம் ப⁴க³வதே ஸஹஸ்ரம் த³தா³ம்யத ஊர்த்⁴வம் விமோக்ஷாயைவ ப்³ரூஹீத்யத்ர ஹ யாஜ்ஞவல்க்யோ பி³ப⁴யாஞ்சகார மேதா⁴வீ ராஜா ஸர்வேப்⁴யோ மாந்தேப்⁴ய உத³ரௌத்ஸீதி³தி ॥ 33 ॥

ஸ வா ஏஷ ஏதஸ்மிந்ஸ்வப்நாந்தே ரத்வா சரித்வா த்³ருஷ்ட்வைவ புண்யம் ச பாபம் ச புந: ப்ரதிந்யாயம் ப்ரதியோந்யாத்³ரவதி பு³த்³தா⁴ந்தாயைவ ॥ 34 ॥

தத்³யதா²ந: ஸுஸமாஹிதமுத்ஸர்ஜத்³யாயாதே³வமேவாயம் ஶாரீர ஆத்மா ப்ராஜ்ஞேநாத்மநாந்வாரூட⁴ உத்ஸர்ஜந்யாதி யத்ரைததூ³ர்த்⁴வோச்ச்²வாஸீ ப⁴வதி ॥ 35 ॥

ஸ யத்ராயமணிமாநம் ந்யேதி ஜரயா வோபதபதா வாணிமாநம் நிக³ச்ச²தி தத்³யதா²ம்ரம் வோது³ம்ப³ரம் வா பிப்பலம் வா ப³ந்த⁴நாத்ப்ரமுச்யத ஏவமேவாயம் புருஷ ஏப்⁴யோ(அ)ங்கே³ப்⁴ய: ஸம்ப்ரமுச்ய புந: ப்ரதிந்யாயம் ப்ரதியோந்யாத்³ரவதி ப்ராணாயைவ ॥ 36 ॥

தத்³யதா² ராஜாநமாயாந்தமுக்³ரா: ப்ரத்யேநஸ: ஸூதக்³ராமண்யோ(அ)ந்நை: பாநைராவஸதை²: ப்ரதிகல்பந்தே(அ)யமாயாத்யயமாக³ச்ச²தீத்யேவம் ஹைவம்வித³ம் ஸர்வாணி பூ⁴தாநி ப்ரதிகல்பந்த இத³ம் ப்³ரஹ்மாயாதீத³மாக³ச்ச²தீதி ॥ 37 ॥

தத்³யதா² ராஜாநம் ப்ரயியாஸந்தமுக்³ரா: ப்ரத்யேநஸ: ஸூதக்³ராமண்யோ(அ)பி⁴ஸமாயந்த்யேவமேவேமமாத்மாநமந்தகாலே ஸர்வே ப்ராணா அபி⁴ஸமாயந்தி யத்ரைததூ³ர்த்⁴வோச்ச்²வாஸீ ப⁴வதி ॥ 38 ॥

ஸ யத்ராயமாத்மாப³ல்யம் ந்யேத்ய ஸம்மோஹமிவ ந்யேத்யதை²நமேதே ப்ராணா அபி⁴ஸமாயந்தி ஸ ஏதாஸ்தேஜோமாத்ரா: ஸமப்⁴யாத³தா³நோ ஹ்ருத³யமேவாந்வவக்ராமதி ஸ யத்ரைஷ சாக்ஷுஷ: புருஷ: பராங்பர்யாவர்ததே(அ)தா²ரூபஜ்ஞோ ப⁴வதி ॥ 1 ॥

ஏகீ ப⁴வதி ந பஶ்யதீத்யாஹுரேகீ ப⁴வதி ந ஜிக்⁴ரதீத்யாஹுரேகீ ப⁴வதி ந ரஸயத இத்யாஹுரேகீ ப⁴வதி ந வத³தீத்யாஹுரேகீ ப⁴வதி ந ஶ்ருணோதீத்யாஹுரேகீ ப⁴வதி ந மநுத இத்யாஹுரேகீ ப⁴வதி ந ஸ்ப்ருஶதீத்யாஹுரேகீ ப⁴வதி ந விஜாநாதீத்யாஹுஸ்தஸ்ய ஹைதஸ்ய ஹ்ருத³யஸ்யாக்³ரம் ப்ரத்³யோததே தேந ப்ரத்³யோதேநைஷ ஆத்மா நிஷ்க்ராமதி சக்ஷுஷ்டோ வா மூர்த்⁴நோ வாந்யேப்⁴யோ வா ஶரீரதே³ஶேப்⁴யஸ்தமுத்க்ராமந்தம் ப்ராணோ(அ)நூத்க்ராமதி ப்ராணமநூத்க்ராமந்தம் ஸர்வே ப்ராணா அநூத்க்ராமந்தி ஸவிஜ்ஞாநோ ப⁴வதி ஸவிஜ்ஞாநமேவாந்வவக்ராமதி । தம் வித்³யாகர்மணீ ஸமந்வாரபே⁴தே பூர்வப்ரஜ்ஞா ச ॥ 2 ॥

தத்³யதா² த்ருணஜலாயுகா த்ருணஸ்யாந்தம் க³த்வாந்யமாக்ரமமாக்ரம்யாத்மாநமுபஸம் ஹரத்யேவமேவாயமாத்மேத³ம் ஶரீரம் நிஹத்யாவித்³யாம் க³மயித்வாந்யமாக்ரமமாக்ரம்யாத்மாநமுபஸம் ஹரதி ॥ 3 ॥

தத்³யதா² பேஶஸ்காரீ பேஶஸோ மாத்ராமபாதா³யாந்யந்நவதரம் கல்யாணதரம் ரூபம் தநுத ஏவமேவாயமாத்மேத³ம் ஶரீரம் நிஹத்யாவித்³யாம் க³மயித்வாந்யந்நவதரம் கல்யாணதரம் ரூபம் குருதே பித்ர்யம் வா கா³ந்த⁴ர்வம் வா தை³வம் வா ப்ராஜாபத்யம் வா ப்³ராஹ்மம் வாந்யேஷாம் வா பூ⁴தாநாம் ॥ 4 ॥

ஸ வா அயமாத்மா ப்³ரஹ்ம விஜ்ஞாநமயோ மநோமய: ப்ராணமயஶ்சக்ஷுர்மய: ஶ்ரோத்ரமய: ப்ருதி²வீமய ஆபோமயோ வாயுமய ஆகாஶமயஸ்தேஜோமயோ(அ)தேஜோமய: காமமயோ(அ)காமமய: க்ரோத⁴மயோ(அ)க்ரோத⁴மயோ த⁴ர்மமயோ(அ)த⁴ர்மமய: ஸர்வமயஸ்தத்³யதே³ததி³த³ம்மயோ(அ)தோ³மய இதி யதா²காரீ யதா²சாரீ ததா² ப⁴வதி ஸாது⁴காரீ ஸாது⁴ர்ப⁴வதி பாபகாரீ பாபோ ப⁴வதி புண்ய: புண்யேந கர்மணா ப⁴வதி பாப: பாபேந । அதோ² க²ல்வாஹு: காமமய ஏவாயம் புருஷ இதி ஸ யதா²காமோ ப⁴வதி தத்க்ரதுர்ப⁴வதி யத்க்ரதுர்ப⁴வதி தத்கர்ம குருதே யத்கர்ம குருதே தத³பி⁴ஸம்பத்³யதே ॥ 5 ॥

ததே³ஷ ஶ்லோகோ ப⁴வதி । ததே³வ ஸக்த: ஸஹ கர்மணைதி லிங்க³ம் மநோ யத்ர நிஷக்தமஸ்ய । ப்ராப்யாந்தம் கர்மணஸ்தஸ்ய யத்கிஞ்சேஹ கரோத்யயம் । தஸ்மால்லோகாத்புநரைத்யஸ்மை லோகாய கர்மண இதி நு காமயமாநோ(அ)தா²காமயமாநோ யோ(அ)காமோ நிஷ்காம ஆப்தகாம ஆத்மகாமோ ந தஸ்ய ப்ராணா உத்க்ராமந்தி ப்³ரஹ்மைவ ஸந்ப்³ரஹ்மாப்யேதி ॥ 6 ॥

ததே³ஷ ஶ்லோகோ ப⁴வதி । யதா³ ஸர்வே ப்ரமுச்யந்தே காமா யே(அ)ஸ்ய ஹ்ருதி³ ஶ்ரிதா: । அத² மர்த்யோ(அ)ம்ருதோ ப⁴வத்யத்ர ப்³ரஹ்ம ஸமஶ்நுத இதி । தத்³யதா²ஹிநிர்ல்வயநீ வல்மீகே ம்ருதா ப்ரத்யஸ்தா ஶயீதைவமேவேத³ம் ஶரீரம் ஶேதே(அ)தா²யமஶரீரோ(அ)ம்ருத: ப்ராணோ ப்³ரஹ்மைவ தேஜ ஏவ ஸோ(அ)ஹம் ப⁴க³வதே ஸஹஸ்ரம் த³தா³மீதி ஹோவாச ஜநகோ வைதே³ஹ: ॥ 7 ॥

ததே³தே ஶ்லோகா ப⁴வந்தி । அணு: பந்தா² விதத: புராணோ மாம் ஸ்ப்ருஷ்டோ(அ)நுவித்தோ மயைவ । தேந தீ⁴ரா அபியந்தி ப்³ரஹ்மவித³: ஸ்வர்க³ம் லோகமித ஊர்த்⁴வம் விமுக்தா: ॥ 8 ॥

தஸ்மிஞ்சு²க்லமுத நீலமாஹு: பிங்க³லம் ஹரிதம் லோஹிதம் ச । ஏஷ பந்தா² ப்³ரஹ்மணா ஹாநுவித்தஸ்தேநைதி ப்³ரஹ்மவித்புண்யக்ருத்தைஜஸஶ்ச ॥ 9 ॥

அந்த⁴ம் தம: ப்ரவிஶந்தி யே(அ)வித்³யாமுபாஸதே । ததோ பூ⁴ய இவ தே தமோ ய உ வித்³யாயாம் ரதா: ॥ 10 ॥

அநந்தா³ நாம தே லோகா அந்தே⁴ந தமஸாவ்ருதா: । தாம்ஸ்தே ப்ரேத்யாபி⁴க³ச்ச²ந்த்யவித்³வாம்ஸோ(அ)பு³தோ⁴ ஜநா: ॥ 11 ॥

ஆத்மாநம் சேத்³விஜாநீயாத³யமஸ்மீதி பூருஷ: । கிமிச்ச²ந்கஸ்ய காமாய ஶரீரமநுஸஞ்ஜ்வரேத் ॥ 12 ॥

யஸ்யாநுவித்த: ப்ரதிபு³த்³த⁴ ஆத்மாஸ்மிந்ஸந்தே³ஹ்யே க³ஹநே ப்ரவிஷ்ட: । ஸ விஶ்வக்ருத்ஸ ஹி ஸர்வஸ்ய கர்தா தஸ்ய லோக: ஸ உ லோக ஏவ ॥ 13 ॥

இஹைவ ஸந்தோ(அ)த² வித்³மஸ்தத்³வயம் ந சேத³வேதி³ர்மஹதீ விநஷ்டி: । யே தத்³விது³ரம்ருதாஸ்தே ப⁴வந்த்யதே²தரே து³:க²மேவாபியந்தி ॥ 14 ॥

யதை³தமநுபஶ்யத்யாத்மாநம் தே³வமஞ்ஜஸா । ஈஶாநம் பூ⁴தப⁴வ்யஸ்ய ந ததோ விஜுகு³ப்ஸதே ॥ 15 ॥

யஸ்மாத³ர்வாக்ஸம்வத்ஸரோ(அ)ஹோபி⁴: பரிவர்ததே । தத்³தே³வா ஜ்யோதிஷாம் ஜ்யோதிராயுர்ஹோபாஸதே(அ)ம்ருதம் ॥ 16 ॥

யஸ்மிந்பஞ்ச பஞ்சஜநா ஆகாஶஶ்ச ப்ரதிஷ்டி²த: । தமேவ மந்ய ஆத்மாநம் வித்³வாந்ப்³ரஹ்மாம்ருதோ(அ)ம்ருதம் ॥ 17 ॥

ப்ராணஸ்ய ப்ராணமுத சக்ஷுஷஶ்சக்ஷுருத ஶ்ரோத்ரஸ்ய ஶ்ரோத்ரம் மநஸோ யே மநோ விது³: । தே நிசிக்யுர்ப்³ரஹ்ம புராணமக்³ர்யம் ॥ 18 ॥

மநஸைவாநுத்³ரஷ்டவ்யம் நேஹ நாநாஸ்தி கிஞ்சந । ம்ருத்யோ: ஸ ம்ருத்யுமாப்நோதி ய இஹ நாநேவ பஶ்யதி ॥ 19 ॥

ஏகதை⁴வாநுத்³ரஷ்டவ்யமேதத³ப்ரமயம் த்⁴ருவம் । விரஜ: பர ஆகாஶாத³ஜ ஆத்மா மஹாந்த்⁴ருவ: ॥ 20 ॥

தமேவ தீ⁴ரோ விஜ்ஞாய ப்ரஜ்ஞாம் குர்வீத ப்³ராஹ்மண: । நாநுத்⁴யாயாத்³ப³ஹூஞ்ச²ப்³தா³ந்வாசோ விக்³லாபநம் ஹி ததி³தி ॥ 21 ॥

ஸ வா ஏஷ மஹாநஜ ஆத்மா யோ(அ)யம் விஜ்ஞாநமய: ப்ராணேஷு ய ஏஷோ(அ)ந்தர்ஹ்ருத³ய ஆகாஶஸ்தஸ்மிஞ்சே²தே ஸர்வஸ்ய வஶீ ஸர்வஸ்யேஶாந: ஸர்வஸ்யாதி⁴பதி: ஸ ந ஸாது⁴நா கர்மணா பூ⁴யாந்நோ ஏவாஸாது⁴நா கநீயாநேஷ ஸர்வேஶ்வர ஏஷ பூ⁴தாதி⁴பதிரேஷ பூ⁴தபால ஏஷ ஸேதுர்வித⁴ரண ஏஷாம் லோகாநாமஸம்பே⁴தா³ய தமேதம் வேதா³நுவசநேந ப்³ராஹ்மணா விவிதி³ஷந்தி யஜ்ஞேந தா³நேந தபஸாநாஶகேநைதமேவ விதி³த்வா முநிர்ப⁴வதி । ஏதமேவ ப்ரவ்ராஜிநோ லோகமிச்ச²ந்த: ப்ரவ்ரஜந்தி । ஏதத்³த⁴ ஸ்ம வை தத்பூர்வே வித்³வாம்ஸ: ப்ரஜாம் ந காமயந்தே கிம் ப்ரஜயா கரிஷ்யாமோ யேஷாம் நோ(அ)யமாத்மாயம் லோக இதி தே ஹ ஸ்ம புத்ரைஷணாயாஶ்ச வித்தைஷணாயாஶ்ச லோகைஷணாயாஶ்ச வ்யுத்தா²யாத² பி⁴க்ஷாசர்யம் சரந்தி யா ஹ்யேவ புத்ரைஷணா ஸா வித்தைஷணா யா வித்தைஷணா ஸா லோகைஷணோபே⁴ ஹ்யேதே ஏஷணே ஏவ ப⁴வத: । ஸ ஏஷ நேதி நேத்யாத்மாக்³ருஹ்யோ ந ஹி க்³ருஹ்யதே(அ)ஶீர்யோ ந ஹி ஶீர்யதே(அ)ஸங்கோ³ ந ஹி ஸஜ்யதே(அ)ஸிதோ ந வ்யத²தே ந ரிஷ்யத்யேதமு ஹைவைதே ந தரத இத்யத: பாபமகரவமித்யத: கல்யாணமகரவமித்யுபே⁴ உ ஹைவைஷ ஏதே தரதி நைநம் க்ருதாக்ருதே தபத: ॥ 22 ॥

ததே³தத்³ருசாப்⁴யுக்தம் । ஏஷ நித்யோ மஹிமா ப்³ராஹ்மணஸ்ய ந வர்த⁴தே கர்மணா நோ கநீயாந் । தஸ்யைவ ஸ்யாத்பத³வித்தம் விதி³த்வா ந லிப்யதே கர்மணா பாபகேநேதி । தஸ்மாதே³வம்விச்சா²ந்தோ தா³ந்த உபரதஸ்திதிக்ஷு: ஸமாஹிதோ பூ⁴த்வாத்மந்யேவாத்மாநம் பஶ்யதி ஸர்வமாத்மாநம் பஶ்யதி நைநம் பாப்மா தரதி ஸர்வம் பாப்மாநம் தரதி நைநம் பாப்மா தபதி ஸர்வம் பாப்மாநம் தபதி விபாபோ விரஜோ(அ)விசிகித்ஸோ ப்³ராஹ்மணோ ப⁴வத்யேஷ ப்³ரஹ்மலோக: ஸம்ராடே³நம் ப்ராபிதோ(அ)ஸீதி ஹோவாச யாஜ்ஞவல்க்ய: ஸோ(அ)ஹம் ப⁴க³வதே விதே³ஹாந்த³தா³மி மாம் சாபி ஸஹ தா³ஸ்யாயேதி ॥ 23 ॥

ஸ வா ஏஷ மஹாநஜ ஆத்மாந்நாதோ³ வஸுதா³நோ விந்த³தே வஸு ய ஏவம் வேத³ ॥ 24 ॥

ஸ வா ஏஷ மஹாநஜ ஆத்மாஜரோ(அ)மரோ(அ)ம்ருதோ(அ)ப⁴யோ ப்³ரஹ்மாப⁴யம் வை ப்³ரஹ்மாப⁴யம் ஹி வை ப்³ரஹ்ம ப⁴வதி ய ஏவம் வேத³ ॥ 25 ॥

அத² ஹ யாஜ்ஞவல்க்யஸ்ய த்³வே பா⁴ர்யே ப³பூ⁴வதுர்மைத்ரேயீ ச காத்யாயநீ ச தயோர்ஹ மைத்ரேயீ ப்³ரஹ்மவாதி³நீ ப³பூ⁴வ ஸ்த்ரீப்ரஜ்ஞைவ தர்ஹி காத்யாயந்யத² ஹ யாஜ்ஞவல்க்யோ(அ)ந்யத்³வ்ருத்தமுபாகரிஷ்யந் ॥ 1 ॥

மைத்ரேயீதி ஹோவாச யாஜ்ஞவல்க்ய: ப்ரவ்ரஜிஷ்யந்வா அரே(அ)ஹமஸ்மாத்ஸ்தா²நாத³ஸ்மி ஹந்த தே(அ)நயா காத்யாயந்யாந்தம் கரவாணீதி ॥ 2 ॥

ஸா ஹோவாச மைத்ரேயீ யந்நு ம இயம் ப⁴கோ³: ஸர்வா ப்ருதி²வீ வித்தேந பூர்ணா ஸ்யாத்ஸ்யாம் ந்வஹம் தேநாம்ருதாஹோ3 நேதி நேதி ஹோவாச யாஜ்ஞவல்க்யோ யதை²வோபகரணவதாம் ஜீவிதம் ததை²வ தே ஜீவிதம் ஸ்யாத³ம்ருதத்வஸ்ய து நாஶாஸ்தி வித்தேநேதி ॥ 3 ॥

ஸா ஹோவாச மைத்ரேயீ யேநாஹம் நாம்ருதா ஸ்யாம் கிமஹம் தேந குர்யாம் யதே³வ ப⁴க³வாந்வேத³ ததே³வ மே ப்³ரூஹீதி ॥ 4 ॥

ஸ ஹோவாச யாஜ்ஞவல்க்ய: ப்ரியா வை க²லு நோ ப⁴வதீ ஸதீ ப்ரியமவ்ருத⁴த்³த⁴ந்த தர்ஹி ப⁴வத்யேதத்³வ்யாக்²யாஸ்யாமி தே வ்யாசக்ஷாணஸ்ய து மே நிதி³த்⁴யாஸஸ்வேதி ॥ 5 ॥

ஸ ஹோவாச ந வா அரே பத்யு: காமாய பதி: ப்ரியோ ப⁴வத்யாத்மநஸ்து காமாய பதி: ப்ரியோ ப⁴வதி । ந வா அரே ஜாயாயை காமாய ஜாயா ப்ரியா ப⁴வத்யாத்மநஸ்து காமாய ஜாயா ப்ரியா ப⁴வதி । ந வா அரே புத்ராணாம் காமாய புத்ரா: ப்ரியா ப⁴வந்த்யாத்மநஸ்து காமாய புத்ரா: ப்ரியா ப⁴வந்தி । ந வா அரே வித்தஸ்ய காமாய வித்தம் ப்ரியம் ப⁴வத்யாத்மநஸ்து காமாய வித்தம் ப்ரியம் ப⁴வதி । ந வா அரே பஶூநாம் காமாய பஶவ: ப்ரியா ப⁴வந்த்யாத்மநஸ்து காமாய பஶவ: ப்ரியா ப⁴வந்தி । ந வா அரே ப்³ரஹ்மண: காமாய ப்³ரஹ்ம ப்ரியம் ப⁴வத்யாத்மநஸ்து காமாய ப்³ரஹ்ம ப்ரியம் ப⁴வதி । ந வா அரே க்ஷத்த்ரஸ்ய காமாய க்ஷத்த்ரம் ப்ரியம் ப⁴வத்யாத்மநஸ்து காமாய க்ஷத்த்ரம் ப்ரியம் ப⁴வதி । ந வா அரே லோகாநாம் காமாய லோகா: ப்ரியா ப⁴வந்த்யாத்மநஸ்து காமாய லோகா: ப்ரியா ப⁴வந்தி । ந வா அரே தே³வாநாம் காமாய தே³வா: ப்ரியா ப⁴வந்த்யாத்மநஸ்து காமாய தே³வா: ப்ரியா ப⁴வந்தி । ந வா அரே வேதா³நாம் காமாய வேதா³: ப்ரியா ப⁴வந்த்யாத்மநஸ்து காமாய வேதா³: ப்ரியா ப⁴வந்தி । ந வா அரே பூ⁴தாநாம் காமாய பூ⁴தாநி ப்ரியாணி ப⁴வந்த்யாத்மநஸ்து காமாய பூ⁴தாநி ப்ரியாணி ப⁴வந்தி । ந வா அரே ஸர்வஸ்ய காமாய ஸர்வம் ப்ரியம் ப⁴வத்யாத்மநஸ்து காமாய ஸர்வம் ப்ரியம் ப⁴வதி । ஆத்மா வா அரே த்³ரஷ்டவ்ய: ஶ்ரோதவ்யோ மந்தவ்யோ நிதி³த்⁴யாஸிதவ்யோ மைத்ரேய்யாத்மநி க²ல்வரே த்³ருஷ்டே ஶ்ருதே மதே விஜ்ஞாத இத³ம் ஸர்வம் விதி³தம் ॥ 6 ॥

ப்³ரஹ்ம தம் பராதா³த்³யோ(அ)ந்யத்ராத்மநோ ப்³ரஹ்ம வேத³ க்ஷத்த்ரம் தம் பராதா³த்³யோ(அ)ந்யத்ராத்மந: க்ஷத்த்ரம் வேத³ லோகாஸ்தம் பராது³ர்யோ(அ)ந்யத்ராத்மநோ லோகாந்வேத³ தே³வாஸ்தம் பராது³ர்யோ(அ)ந்யத்ராத்மநோ தே³வாந்வேத³ வேதா³ஸ்தம் பராது³ர்யோ(அ)ந்யத்ராத்மநோ வேதா³ந்வேத³ பூ⁴தாநி தம் பராது³ர்யோ(அ)ந்யத்ராத்மநோ பூ⁴தாநி வேத³ ஸர்வம் தம் பராதா³த்³யோ(அ)ந்யத்ராத்மந: ஸர்வம் வேதே³த³ம் ப்³ரஹ்மேத³ம் க்ஷத்த்ரமிமே லோகா இமே தே³வா இமே வேதா³ இமாநி பூ⁴தாநீத³ம் ஸர்வம் யத³யமாத்மா ॥ 7 ॥

ஸ யதா² து³ந்து³பே⁴ர்ஹந்யமாநஸ்ய ந பா³ஹ்யாஞ்ச²ப்³தா³ஞ்ச²க்நுயாத்³க்³ரஹணாய து³ந்து³பே⁴ஸ்து க்³ரஹணேந து³ந்து³ப்⁴யாகா⁴தஸ்ய வா ஶப்³தோ³ க்³ருஹீத: ॥ 8 ॥

ஸ யதா² ஶங்க²ஸ்ய த்⁴மாயமாநஸ்ய ந பா³ஹ்யாஞ்ச²ப்³தா³ஞ்ச²க்நுயாத்³க்³ரஹணாய ஶங்க²ஸ்ய து க்³ரஹணேந ஶங்க²த்⁴மஸ்ய வா ஶப்³தோ³ க்³ருஹீத: ॥ 9 ॥

ஸ யதா² வீணாயை வாத்³யமாநாயை ந பா³ஹ்யாஞ்ச²ப்³தா³ஞ்ச²க்நுயாத்³க்³ரஹணாய வீணாயை து க்³ரஹணேந வீணாவாத³ஸ்ய வா ஶப்³தோ³ க்³ருஹீத: ॥ 10 ॥

ஸ யதா²ர்த்³ரைதா⁴க்³நேரப்⁴யாஹிதஸ்ய ப்ருத²க்³தூ⁴மா விநிஶ்சரந்த்யேவம் வா அரே(அ)ஸ்ய மஹதோ பூ⁴தஸ்ய நிஶ்வஸிதமேதத்³யத்³ருக்³வேதோ³ யஜுர்வேத³: ஸாமவேதோ³(அ)த²ர்வாங்கி³ரஸ இதிஹாஸ: புராணம் வித்³யா உபநிஷத³: ஶ்லோகா: ஸூத்ராண்யநுவ்யாக்²யாநாநி வ்யாக்²யாநாநீஷ்டம் ஹுதமாஶிதம் பாயிதமயம் ச லோக: பரஶ்ச லோக: ஸர்வாணி ச பூ⁴தாந்யஸ்யைவைதாநி ஸர்வாணி நிஶ்வஸிதாநி ॥ 11 ॥

ஸ யதா² ஸர்வாஸாமபாம் ஸமுத்³ர ஏகாயநமேவம் ஸர்வேஷாம் ஸ்பர்ஶாநாம் த்வகே³காயநமேவம் ஸர்வேஷாம் க³ந்தா⁴நாம் நாஸிகே ஏகாயநமேவம் ஸர்வேஷாம் ரஸாநாம் ஜிஹ்வைகாயநமேவம் ஸர்வேஷாம் ரூபாணாம் சக்ஷுரேகாயநமேவம் ஸர்வேஷாம் ஶப்³தா³நாம் ஶ்ரோத்ரமேகாயநமேவம் ஸர்வேஷாம் ஸங்கல்பாநாம் மந ஏகாயநமேவம் ஸர்வாஸாம் வித்³யாநாம் ஹ்ருத³யமேகாயநமேவம் ஸர்வேஷாம் கர்மணா ஹஸ்தாவேகாயநமேவம் ஸர்வேஷாமாநந்தா³நாமுபஸ்த² ஏகாயநமேவம் ஸர்வேஷாம் விஸர்கா³ணாம் பாயுரேகாயநமேவம் ஸர்வேஷாமத்⁴வநாம் பாதா³வேகாயநமேவம் ஸர்வேஷாம் வேதா³நாம் வாகே³காயநம் ॥ 12 ॥

ஸ யதா² ஸைந்த⁴வக⁴நோ(அ)நந்தரோ(அ)பா³ஹ்ய: க்ருத்ஸ்நோ ரஸக⁴ந ஏவைவம் வா அரே(அ)யமாத்மாநந்தரோ(அ)பா³ஹ்ய: க்ருத்ஸ்ந: ப்ரஜ்ஞாநக⁴ந ஏவைதேப்⁴யோ பூ⁴தேப்⁴ய: ஸமுத்தா²ய தாந்யேவாநுவிநஶ்யதி ந ப்ரேத்ய ஸம்ஜ்ஞாஸ்தீத்யரே ப்³ரவீமீதி ஹோவாச யாஜ்ஞவல்க்ய: ॥ 13 ॥

ஸா ஹோவாச மைத்ரேய்யத்ரைவ மா ப⁴க³வாந்மோஹாந்தமாபீபிபந்ந வா அஹமிமம் விஜாநாமீதி ஸ ஹோவாச ந வா அரே(அ)ஹம் மோஹம் ப்³ரவீம்யவிநாஶீ வா அரே(அ)யமாத்மாநுச்சி²த்தித⁴ர்மா ॥ 14 ॥

யத்ர ஹி த்³வைதமிவ ப⁴வதி ததி³தர இதரம் பஶ்யதி ததி³தர இதரம் ஜிக்⁴ரதி ததி³தர இதரம் ரஸயதே ததி³தர இதரமபி⁴வத³தி ததி³தர இதரம் ஶ்ருணோதி ததி³தர இதரம் மநுதே ததி³தர இதரம் ஸ்ப்ருஶதி ததி³தர இதரம் விஜாநாதி யத்ர த்வஸ்ய ஸர்வமாத்மைவாபூ⁴த்தத்கேந கம் பஶ்யேத்தத்கேந கம் ஜிக்⁴ரேத்தத்கேந கம் ரஸயேத்தத்கேந கமபி⁴வதே³த்தத்கேந கம் ஶ்ருணுயாத்தத்கேந கம் மந்வீத தத்கேந கம் ஸ்ப்ருஶேத்தத்கேந கம் விஜாநீயாத்³யேநேத³ம் ஸர்வம் விஜாநாதி தம் கேந விஜாநீயாத்ஸ ஏஷ நேதி நேத்யாத்மாக்³ருஹ்யோ ந க்³ருஹ்யதே(அ)ஶீர்யோ ந ஹி ஶீர்யதே(அ)ஸங்கோ³ ந ஹி ஸஜ்யதே(அ)ஸிதோ ந வ்யத²தே ந ரிஷ்யதி விஜ்ஞாதாரமரே கேந விஜாநீயாதி³த்யுக்தாநுஶாஸநாஸி மைத்ரேய்யேதாவத³ரே க²ல்வம்ருதத்வமிதி ஹோக்த்வா யாஜ்ஞவல்க்யோ விஜஹார ॥ 15 ॥

அத² வம்ஶ: பௌதிமாஷ்யோ கௌ³பவநாத்³கௌ³பவந: பௌதிமாஷ்யாத்பௌதிமாஷ்யோ கௌ³பவநாத்³கௌ³பவந: கௌஶிகாத்கௌஶிக: கௌண்டி³ந்யாத்கௌண்டி³ந்ய: ஶாண்டி³ல்யாச்சா²ண்டி³ல்ய: கௌஶிகாச்ச கௌ³தமாச்ச கௌ³தம: ॥ 1 ॥

ஆக்³நிவேஶ்யாதா³க்³நிவேஶ்யோ கா³ர்க்³யாத்³கா³ர்க்³யோ கா³ர்க்³யாத்³கா³ர்க்³யோ கௌ³தமாத்³கௌ³தம: ஸைதவாத்ஸைதவ: பாராஶர்யாயணாத்பாராஶர்யாயணோ கா³ர்க்³யாயணாத்³கா³ர்க்³யாயண உத்³தா³லகாயநாது³த்³தா³லகாயநோ ஜாபா³லாயநாஜ்ஜாபா³லாயநோ மாத்⁴யந்தி³நாயநாந்மாத்⁴யந்தி³நாயந: ஸௌகராயணாத்ஸௌகராயண: காஷாயணாத்காஷாயண: ஸாயகாயநாத்ஸாயகாயந: கௌஶிகாயநே: கௌஶிகாயநி: ॥ 2 ॥

க்⁴ருதகௌஶிகாத்³க்⁴ருதகௌஶிக: பாராஶர்யாயணாத்பாராஶர்யாயண: பாராஶர்யாத்பாராஶர்யோ ஜாதூகர்ண்யாஜ்ஜாதூகர்ண்ய ஆஸுராயணாச்சயாஸ்காச்சாஸுராயணஸ்த்ரைவணேஸ்த்ரைவணிரௌபஜந்த⁴நேரௌபஜந்த⁴நிராஸுரேராஸுரிர்பா⁴ரத்³வாஜாத்³பா⁴ரத்³வாஜ ஆத்ரேயாதா³த்ரேயோ மாண்டேர்மாண்டிர்கௌ³தமாத்³கௌ³தமோ கௌ³தமாத்³கௌ³தமோ வாத்ஸ்யாத்³வாத்ஸ்ய: ஶாண்டி³ல்யாச்சா²ண்டி³ல்ய: கைஶோர்யாத்காப்யாத்கைஶோர்ய: காப்ய:குமாரஹாரிதாத்குமாரஹாரிதோ கா³லவாத்³கா³லவோ வித³ர்பீ⁴கௌண்டி³ந்யாத்³வித³ர்பீ⁴கௌண்டி³ந்யோ வத்ஸநபாதோ பா³ப்⁴ரவாத்³வத்ஸநபாத்³பா³ப்⁴ரவ: பத²: ஸௌப⁴ராத்பந்தா²: ஸௌப⁴ரோ(அ)யாஸ்யாதா³ங்கி³ரஸாத³யாஸ்ய ஆங்கி³ரஸ ஆபூ⁴தேஸ்த்வாஷ்ட்ராதா³பூ⁴திஸ்த்வாஷ்ட்ரோ விஶ்வரூபாத்த்வாஷ்ட்ராத்³விஶ்வரூபஸ்த்வாஷ்ட்ரோ(அ)ஶ்விப்⁴யாமஶ்விநௌ த³தீ⁴ச ஆத²ர்வணாத்³த³த்⁴யங்ஙாத²ர்வணோ(அ)த²ர்வணோர்தை³வாத³த²ர்வா தை³வோ ம்ருத்யோ: ப்ராத்⁴வம்ஸநாந்ம்ருத்யு: ப்ராத்⁴வம்ஸந: ப்ரத்⁴வம்ஸநாத்ப்ரத்⁴வம்ஸந ஏகர்ஷேரேகர்ஷிர்விப்ரசித்தேர்விப்ரசித்திர்வ்யஷ்டேர்வ்யஷ்டி: ஸநாரோ: ஸநாரு: ஸநாதநாத்ஸநாதந: ஸநகா³த்ஸநக³: பரமேஷ்டி²ந: பரமேஷ்டீ² ப்³ரஹ்மணோ ப்³ரஹ்ம ஸ்வயம்பு⁴ ப்³ரஹ்மணே நம: ॥ 3 ॥

ஓம் க²ம் ப்³ரஹ்ம । க²ம் புராணம் வாயுரம் க²மிதி ஹ ஸ்மாஹ கௌரவ்யாயணீபுத்ரோ வேதோ³(அ)யம் ப்³ராஹ்மணா விது³ர்வேதை³நேந யத்³வேதி³தவ்யம் ॥ 1 ॥

த்ரயா: ப்ராஜாபத்யா: ப்ரஜாபதௌ பிதரி ப்³ரஹ்மசர்யமூஷுர்தே³வா மநுஷ்யா அஸுரா உஷித்வா ப்³ரஹ்மசர்யம் தே³வா ஊசுர்ப்³ரவீது நோ ப⁴வாநிதி தேப்⁴யோ ஹைதத³க்ஷரமுவாச த³ இதி வ்யஜ்ஞாஸிஷ்டா3 இதி வ்யஜ்ஞாஸிஷ்மேதி ஹோசுர்தா³ம்யதேதி ந ஆத்தே²த்யோமிதி ஹோவாச வ்யஜ்ஞாஸிஷ்டேதி ॥ 1 ॥

அத² ஹைநம் மநுஷ்யா ஊசுர்ப்³ரவீது நோ ப⁴வாநிதி தேப்⁴யோ ஹைததே³வாக்ஷரமுவாச த³ இதி வ்யஜ்ஞாஸிஷ்டா3 இதி வ்யஜ்ஞாஸிஷ்மேதி ஹோசுர்த³த்தேதி ந ஆத்தே²த்யோமிதி ஹோவாச வ்யஜ்ஞாஸிஷ்டேதி ॥ 2 ॥

அத² ஹைநமஸுரா ஊசுர்ப்³ரவீது நோ ப⁴வாநிதி தேப்⁴யோ ஹைததே³வாக்ஷரமுவாச த³ இதி வ்யஜ்ஞாஸிஷ்டா3 இதி வ்யஜ்ஞாஸிஷ்மேதி ஹோசுர்த³யத்⁴வமிதி ந ஆத்தே²த்யோமிதி ஹோவாச வ்யஜ்ஞாஸிஷ்டேதி ததே³ததே³வைஷா தை³வீ வாக³நுவத³தி ஸ்தநயித்நுர்த³ த³ த³ இதி தா³ம்யத த³த்த த³யத்⁴வமிதி ததே³தத்த்ரயம் ஶிக்ஷேத்³த³மம் தா³நம் த³யாமிதி ॥ 3 ॥

ஏஷ ப்ரஜாபதிர்யத்³த்⁴ருத³யமேதத்³ப்³ரஹ்மைதத்ஸர்வம் ததே³தத்த்ர்யக்ஷரம் ஹ்ருத³யமிதி ஹ்ரு இத்யேகமக்ஷரமபி⁴ஹரந்த்யஸ்மை ஸ்வாஶ்சாந்யே ச ய ஏவம் வேத³ த³ இத்யேகமக்ஷரம் த³த³த்யஸ்மை ஸ்வாஶ்சாந்யே ச ய ஏவம் வேத³ யமித்யேகமக்ஷரமேதி ஸ்வர்க³ம் லோகம் ய ஏவம் வேத³ ॥ 1 ॥

தத்³வை ததே³ததே³வ ததா³ஸ ஸத்யமேவ ஸ யோ ஹைதம் மஹத்³யக்ஷம் ப்ரத²மஜம் வேத³ ஸத்யம் ப்³ரஹ்மேதி ஜயதீமாம்ல்லோகாஞ்ஜித இந்ந்வஸாவஸத்³ய ஏவமேதந்மஹத்³யக்ஷம் ப்ரத²மஜம் வேத³ ஸத்யம் ப்³ரஹ்மேதி ஸத்யம் ஹ்யேவ ப்³ரஹ்ம ॥ 1 ॥

ஆப ஏவேத³மக்³ர ஆஸுஸ்தா ஆப: ஸத்யமஸ்ருஜந்த ஸத்யம் ப்³ரஹ்ம ப்³ரஹ்ம ப்ரஜாபதிம் ப்ரஜாபதிர்தே³வாம்ஸ்தே தே³வா: ஸத்யமேவோபாஸதே ததே³தத்த்ர்யக்ஷரம் ஸத்யமிதி ஸ இத்யேகமக்ஷரம் தீத்யேகமக்ஷரம் யமித்யேகமக்ஷரம் ப்ரத²மோத்தமே அக்ஷரே ஸத்யம் மத்⁴யதோ(அ)ந்ருதம் ததே³தத³ந்ருதமுப⁴யத: ஸத்யேந பரிக்³ருஹீதம் ஸத்யபூ⁴யமேவ ப⁴வதி நைவம் வித்³வாம்ஸமந்ருதம் ஹிநஸ்தி ॥ 1 ॥

தத்³யத்தத்ஸத்யமஸௌ ஸ ஆதி³த்யோ ய ஏஷ ஏதஸ்மிந்மண்ட³லே புருஷோ யஶ்சாயம் த³க்ஷிணே(அ)க்ஷந்புருஷஸ்தாவேதாவந்யோந்யஸ்மிந்ப்ரதிஷ்டி²தௌ ரஶ்மிபி⁴ரேஷோ(அ)ஸ்மிந்ப்ரதிஷ்டி²த: ப்ராணைரயமமுஷ்மிந்ஸ யதோ³த்க்ரமிஷ்யந்ப⁴வதி ஶுத்³த⁴மேவைதந்மண்ட³லம் பஶ்யதி நைநமேதே ரஶ்மய: ப்ரத்யாயந்தி ॥ 2 ॥

ய ஏஷ ஏதஸ்மிந்மண்ட³லே புருஷஸ்தஸ்ய பூ⁴ரிதி ஶிர ஏகம் ஶிர ஏகமேதத³க்ஷரம் பு⁴வ இதி பா³ஹூ த்³வௌ பா³ஹூ த்³வே ஏதே அக்ஷரே ஸ்வரிதி ப்ரதிஷ்டா² த்³வே ப்ரதிஷ்டே² த்³வே ஏதே அக்ஷரே தஸ்யோபநிஷத³ஹரிதி ஹந்தி பாப்மாநம் ஜஹாதி ச ய ஏவம் வேத³ ॥ 3 ॥

யோ(அ)யம் த³க்ஷிணே(அ)க்ஷந்புருஷஸ்தஸ்ய பூ⁴ரிதி ஶிர ஏகம் ஶிர ஏகமேதத³க்ஷரம் பு⁴வ இதி பா³ஹூ த்³வௌ பா³ஹூ த்³வே ஏதே அக்ஷரே ஸ்வரிதி ப்ரதிஷ்டா² த்³வே ப்ரதிஷ்டே² த்³வே ஏதே அக்ஷரே தஸ்யோபநிஷத³ஹமிதி ஹந்தி பாப்மாநம் ஜஹாதி ச ய ஏவம் வேத³ ॥ 4 ॥

மநோமயோ(அ)யம் புருஷோ பா⁴: ஸத்யஸ்தஸ்மிந்நந்தர்ஹ்ருத³யே யதா² வ்ரீஹிர்வா யவோ வா ஸ ஏஷ ஸர்வஸ்யேஶாந: ஸர்வஸ்யாதி⁴பதி: ஸர்வமித³ம் ப்ரஶாஸ்தி யதி³த³ம் கிம் ச ॥ 1 ॥

வித்³யுத்³ப்³ரஹ்மேத்யாஹுர்விதா³நாத்³வித்³யுத்³வித்³யத்யேநம் பாப்மநோ ய ஏவம் வேத³ வித்³யுத்³ப்³ரஹ்மேதி வித்³யுத்³த்⁴யேவ ப்³ரஹ்ம ॥ 1 ॥

வாசம் தே⁴நுமுபாஸீத தஸ்யாஶ்சத்வார: ஸ்தநா: ஸ்வாஹாகாரோ வஷட்காரோ ஹந்தகார: ஸ்வதா⁴காரஸ்தஸ்யை த்³வௌ ஸ்தநௌ தே³வா உபஜீவந்தி ஸ்வாஹாகாரம் ச வஷட்காரம் ச ஹந்தகாரம் மநுஷ்யா: ஸ்வதா⁴காரம் பிதரஸ்தஸ்யா: ப்ராண ருஷபோ⁴ மநோ வத்ஸ: ॥ 1 ॥

அயமக்³நிர்வைஶ்வாநரோ யோ(அ)யமந்த: புருஷே யேநேத³மந்நம் பச்யதே யதி³த³மத்³யதே தஸ்யைஷ கோ⁴ஷோ ப⁴வதி யமேதத்கர்ணாவபிதா⁴ய ஶ்ருணோதி ஸ யதோ³த்க்ரமிஷ்யந்ப⁴வதி நைநம் கோ⁴ஷம் ஶ்ருணோதி ॥ 1 ॥

யதா³ வை புருஷோ(அ)ஸ்மால்லோகாத்ப்ரைதி ஸ வாயுமாக³ச்ச²தி தஸ்மை ஸ தத்ர விஜிஹிதே யதா² ரத²சக்ரஸ்ய க²ம் தேந ஸ ஊர்த்⁴வ ஆக்ரமதே ஸ ஆதி³த்யமாக³ச்ச²தி தஸ்மை ஸ தத்ர விஜிஹீதே யதா² லம்ப³ரஸ்ய க²ம் தேந ஸ ஊர்த்⁴வ ஆக்ரமதே ஸ சந்த்³ரமஸமாக³ச்ச²தி தஸ்மை ஸ தத்ர விஜிஹீதே யதா² து³ந்து³பே⁴: க²ம் தேந ஸ ஊர்த்⁴வ ஆக்ரமதே ஸ லோகமாக³ச்ச²த்யஶோகமஹிமம் தஸ்மிந்வஸதி ஶாஶ்வதீ: ஸமா: ॥ 1 ॥

ஏதத்³வை பரமம் தபோ யத்³வ்யாஹிதஸ்தப்யதே பரமம் ஹைவ லோகம் ஜயதி ய ஏவம் வேதை³தத்³வை பரமம் தபோ யம் ப்ரேதமரண்யம் ஹரந்தி பரமம் ஹைவ லோகம் ஜயதி ய ஏவம் வேதை³தத்³வை பரமம் தபோ யம் ப்ரேதமக்³நாவப்⁴யாத³த⁴தி பரமம் ஹைவ லோகம் ஜயதி ய ஏவம் வேத³ ॥ 1 ॥

அந்நம் ப்³ரஹ்மேத்யேக ஆஹுஸ்தந்ந ததா² பூயதி வா அந்நம்ருதே ப்ராணாத்ப்ராணோ ப்³ரஹ்மேத்யேக ஆஹுஸ்தந்ந ததா² ஶுஷ்யதி வை ப்ராண ருதே(அ)ந்நாதே³தே ஹ த்வேவ தே³வதே ஏகதா⁴பூ⁴யம் பூ⁴த்வா பரமதாம் க³ச்ச²தஸ்தத்³த⁴ ஸ்மாஹ ப்ராத்ருத³: பிதரம் கிம்ஸ்விதே³வைவம் விது³ஷே ஸாது⁴ குர்யாம் கிமேவாஸ்மா அஸாது⁴ குர்யாமிதி ஸ ஹ ஸ்மாஹ பாணிநா மா ப்ராத்ருத³ கஸ்த்வேநயோரேகதா⁴பூ⁴யம் பூ⁴த்வா பரமதாம் க³ச்ச²தீதி தஸ்மா உ ஹைதது³வாச வீத்யந்நம் வை வ்யந்நே ஹீமாநி ஸர்வாணி பூ⁴தாநி விஷ்டாநி ரமிதி ப்ராணோ வை ரம் ப்ராணே ஹீமாநி ஸர்வாணி பூ⁴தாநி ரமந்தே ஸர்வாணி ஹ வா அஸ்மிந்பூ⁴தாநி விஶந்தி ஸர்வாணி பூ⁴தாநி ரமந்தே ய ஏவம் வேத³ ॥ 1 ॥

உக்த²ம் ப்ராணோ வா உக்த²ம் ப்ராணோ ஹீத³ம் ஸர்வமுத்தா²பயத்யுத்³தா⁴ஸ்மாது³க்த²வித்³வீரஸ்திஷ்ட²த்யுக்த²ஸ்ய ஸாயுஜ்யம் ஸலோகதாம் ஜயதி ய ஏவம் வேத³ ॥ 1 ॥

யஜு: ப்ராணோ வை யஜு: ப்ராணே ஹீமாநி ஸர்வாணி பூ⁴தாநி யுஜ்யந்தே யுஜ்யந்தே ஹாஸ்மை ஸர்வாணி பூ⁴தாநி ஶ்ரைஷ்ட்²யாய யஜுஷ: ஸாயுஜ்யம் ஸலோகதாம் ஜயதி ய ஏவம் வேத³ ॥ 2 ॥

ஸாம ப்ராணோ வை ஸாம ப்ராணே ஹீமாநி ஸர்வாணி பூ⁴தாநி ஸம்யஞ்சி ஸம்யஞ்சி ஹாஸ்மை ஸர்வாணி பூ⁴தாநி ஶ்ரைஷ்ட்²யாய கல்பந்தே ஸாம்ந: ஸாயுஜ்யம் ஸலோகதாம் ஜயதி ய ஏவம் வேத³ ॥ 3 ॥

க்ஷத்த்ரம் ப்ராணோ வை க்ஷத்த்ரம் ப்ராணோ ஹி வை க்ஷத்த்ரம் த்ராயதே ஹைநம் ப்ராண: க்ஷணிதோ: ப்ர க்ஷத்த்ரமத்ரமாப்நோதி க்ஷத்த்ரஸ்ய ஸாயுஜ்யம் ஸலோகதாம் ஜயதி ய ஏவம் வேத³ ॥ 4 ॥

பூ⁴மிரந்தரிக்ஷம் த்³யௌரித்யஷ்டாவக்ஷராண்யஷ்டாக்ஷரம் ஹ வா ஏகம் கா³யத்ர்யை பத³மேதது³ ஹைவாஸ்யா ஏதத்ஸ யாவதே³ஷு த்ரிஷு லோகேஷு தாவத்³த⁴ஜயதி யோ(அ)ஸ்யா ஏததே³வம் பத³ம் வேத³ ॥ 1 ॥

ருசோ யஜூம்ஷி ஸாமாநீத்யஷ்டாவக்ஷராண்யஷ்டாக்ஷரம் ஹ வா ஏகம் கா³யத்ர்யை பத³மேதது³ ஹைவாஸ்யா ஏதத்ஸ யாவதீயம் த்ரயீ வித்³யா தாவத்³த⁴ ஜயதி யோ(அ)ஸ்யா ஏததே³வம் பத³ம் வேத³ ॥ 2 ॥

ப்ராணோ(அ)பாநோ வ்யாந இத்யஷ்டாவக்ஷராண்யஷ்டாக்ஷரம் ஹ வா ஏகம் கா³யத்ர்யை பத³மேதது³ ஹைவாஸ்யா ஏதத்ஸ யாவதி³த³ம் ப்ராணி தாவத்³த⁴ ஜயதி யோ(அ)ஸ்யா ஏததே³வம் பத³ம் வேதா³தா²ஸ்யா ஏததே³வ துரீயம் த³ர்ஶதம் பத³ம் பரோரஜா ய ஏஷதபதி யத்³வை சதுர்த²ம் தத்துரீயம் த³ர்ஶதம் பத³மிதி த³த்³ருஶ இவ ஹ்யேஷ பரோரஜா இதி ஸர்வமு ஹ்யேவைஷ ரஜ உபர்யுபரி தபத்யேவம் ஹைவ ஶ்ரியா யஶஸா தபதி யோ(அ)ஸ்யா ஏததே³வம் பத³ம் வேத³ ॥ 3 ॥

ஸைஷா கா³யத்ர்யேதஸ்மிம்ஸ்துரீயே த³ர்ஶதே பதே³ பரோரஜஸி ப்ரதிஷ்டி²தா தத்³வை தத்ஸத்யே ப்ரதிஷ்டி²தம் சக்ஷுர்வை ஸத்யம் சக்ஷுர்ஹி வை ஸத்யம் தஸ்மாத்³யதி³தா³நீம் த்³வௌ விவத³மாநாவேயாதாமஹமத³ர்ஶமஹமஶ்ரௌஷமிதி ய ஏவம் ப்³ரூயாத³ஹமத³ர்ஶமிதி தஸ்மா ஏவ ஶ்ரத்³த³த்⁴யாம தத்³வை தத்ஸத்யம் ப³லே ப்ரதிஷ்டி²தம் ப்ராணோ வை ப³லம் தத்ப்ராணே ப்ரதிஷ்டி²தம் தஸ்மாதா³ஹுர்ப³லம் ஸத்யாதோ³கீ³ய இத்யேவம்வேஷா கா³யத்ர்யத்⁴யாத்மம் ப்ரதிஷ்டி²தா ஸா ஹைஷா க³யாம்ஸ்தத்ரே ப்ராணா வை க³யாஸ்தத்ப்ராணாம்ஸ்தத்ரே தத்³யத்³க³யாம்ஸ்தத்ரே தஸ்மாத்³கா³யத்ரீ நாம ஸ யாமேவாமூம் ஸாவித்ரீமந்வாஹைஷைவ ஸா ஸ யஸ்மா அந்வாஹ தஸ்ய ப்ராணாம்ஸ்த்ராயதே ॥ 4 ॥

தாம் ஹைதாமேகே ஸாவித்ரீமநுஷ்டு²ப⁴மந்வாஹுர்வாக³நுஷ்டுபே³தத்³வாசமநுப்³ரூம இதி ந ததா² குர்யாத்³கா³யத்ரீமேவ ஸாவித்ரீமநுப்³ரூயாத்³யதி³ ஹ வா அப்யேவம்வித்³ப³ஹ்விவ ப்ரதிக்³ருஹ்ணாதி ந ஹைவ தத்³கா³யத்ர்யா ஏகஞ்சந பத³ம் ப்ரதி ॥ 5 ॥

ஸ ய இமாம்ஸ்த்ரீம்ல்லோகாந்பூர்ணாந்ப்ரதிக்³ருஹ்ணீயாத்ஸோ(அ)ஸ்யா ஏதத்ப்ரத²மம் பத³மாப்நுயாத³த² யாவதீயம் த்ரயீ வித்³யா யஸ்தாவத்ப்ரதிக்³ருஹ்ணீயாத்ஸோ(அ)ஸ்யா ஏதத்³த்³விதீயம் பத³மாப்நுயாத³த² யாவதி³த³ம் ப்ராணி யஸ்தாவத்ப்ரதிக்³ருஹ்ணீயாத்ஸோ(அ)ஸ்யா ஏதத்த்ருதீயம் பத³மாப்நுயாத³தா²ஸ்யா ஏததே³வ துரீயம் த³ர்ஶதம் பத³ம் பரோரஜா ய ஏஷ தபதி நைவ கேநசநாப்யம் குத உ ஏதாவத்ப்ரதிக்³ருஹ்ணீயாத் ॥ 6 ॥

தஸ்யா உபஸ்தா²நம் கா³யத்ர்யஸ்யேகபதீ³ த்³விபதீ³ த்ரிபதீ³ சதுஷ்பத்³யபத³ஸி ந ஹி பத்³யஸே । நமஸ்தே துரீயாய த³ர்ஶதாய பதா³ய பரோரஜஸே(அ)ஸாவதோ³ மா ப்ராபதி³தி யம் த்³விஷ்யாத³ஸாவஸ்மை காமோ மா ஸம்ருத்³தீ⁴தி வா ந ஹைவாஸ்மை ஸ காம: ஸம்ருத்⁴யதே யஸ்மா ஏவமுபதிஷ்ட²தே(அ)ஹமத³: ப்ராபமிதி வா ॥ 7 ॥

ஏதத்³த⁴ வை தஜ்ஜநகோ வைதே³ஹோ பு³டி³லமாஶ்வதராஶ்விமுவாச யந்நு ஹோ தத்³கா³யத்ரீவித³ப்³ரூதா² அத² கத²ம் ஹஸ்தீபூ⁴தோ வஹஸீதி முக²ம் ஹ்யஸ்யா: ஸம்ராண்ந விதா³ஞ்சகாரேதி ஹோவாச தஸ்யா அக்³நிரேவ முக²ம் யதி³ ஹ வா அபி ப³ஹ்விவாக்³நாவப்⁴யாத³த⁴தி ஸர்வமேவ தத்ஸந்த³ஹத்யேவம் ஹைவைவம்வித்³யத்³யபி ப³ஹ்விவ பாபம் குருதே ஸர்வமேவ தத்ஸம்ப்ஸாய ஶுத்³த⁴: பூதோ(அ)ஜரோ(அ)ம்ருத: ஸம்ப⁴வதி ॥ 8 ॥

ஹிரண்மயேந பாத்ரேண ஸத்யஸ்யாபிஹிதம் முக²ம் । தத்த்வம் பூஷந்நபாவ்ருணு ஸத்யத⁴ர்மாய த்³ருஷ்டயே । பூஷந்நேகர்ஷே யம ஸூர்ய ப்ராஜாபத்ய வ்யூஹ ரஶ்மீந் । ஸமூஹ தேஜோ யத்தே ரூபம் கல்யாணதமம் தத்தே பஶ்யாமி । யோ(அ)ஸாவஸௌ புருஷ: ஸோ(அ)ஹமஸ்மி । வாயுரநிலமம்ருதமதே²த³ம் ப⁴ஸ்மாந்தம் ஶரீரம் । ஓம் க்ரதோ ஸ்மர க்ருதம் ஸ்மர க்ரதோ ஸ்மர க்ருதம் ஸ்மர । அக்³நே நய ஸுபதா² ராயே அஸ்மாந்விஶ்வாநி தே³வ வயுநாநி வித்³வாந் । யுயோத்⁴யஸ்மஜ்ஜுஹுராணமேநோ பூ⁴யிஷ்டா²ம் தே நமஉக்திம் விதே⁴ம ॥ 1 ॥

ஓம் யோ ஹ வை ஜ்யேஷ்ட²ம் ச ஶ்ரேஷ்ட²ம் ச வேத³ ஜ்யேஷ்ட²ஶ்ச ஶ்ரேஷ்ட²ஶ்ச ஸ்வாநாம் ப⁴வதி ப்ராணோ வை ஜ்யேஷ்ட²ஶ்ச ஶ்ரேஷ்ட²ஶ்ச ஜ்யேஷ்ட²ஶ்ச ஶ்ரேஷ்ட²ஶ்ச ஸ்வாநாம் ப⁴வத்யபி ச யேஷாம் பு³பூ⁴ஷதி ய ஏவம் வேத³ ॥ 1 ॥

யோ ஹ வை வஸிஷ்டா²ம் வேத³ வஸிஷ்ட²: ஸ்வாநாம் ப⁴வதி வாக்³வை வஸிஷ்டா² வஸிஷ்ட²: ஸ்வாநாம் ப⁴வத்யபி ச யேஷாம் பு³பூ⁴ஷதி ய ஏவம் வேத³ ॥ 2 ॥

யோ ஹ வை ப்ரதிஷ்டா²ம் வேத³ ப்ரதிதிஷ்ட²தி ஸமே ப்ரதிதிஷ்ட²தி து³ர்கே³ சக்ஷுர்வை ப்ரதிஷ்டா² சக்ஷுஷா ஹி ஸமே ச து³ர்கே³ ச ப்ரதிதிஷ்ட²தி ப்ரதிதிஷ்ட²தி ஸமே ப்ரதிதிஷ்ட²தி து³ர்கே³ ய ஏவம் வேத³ ॥ 3 ॥

யோ ஹ வை ஸம்பத³ம் வேத³ ஸம் ஹாஸ்மை பத்³யதே யம் காமம் காமயதே ஶ்ரோத்ரம் வை ஸம்பச்ச்²ரோத்ரே ஹீமே ஸர்வே வேதா³ அபி⁴ஸம்பந்நா: ஸம் ஹாஸ்மை பத்³யதே யம் காமம் காமயதே ய ஏவம் வேத³ ॥ 4 ॥

யோ ஹ வா ஆயதநம் வேதா³யதநம் ஸ்வாநாம் ப⁴வத்யாயதநம் ஜநாநாம் மநோ வா ஆயதநமாயதநம் ஸ்வாநாம் ப⁴வத்யாயதநம் ஜநாநாம் ய ஏவம் வேத³ ॥ 5 ॥

யோ ஹ வை ப்ரஜாதிம் வேத³ ப்ரஜாயதே ஹ ப்ரஜயா பஶுபீ⁴ ரேதோ வை ப்ரஜாதி: ப்ரஜாயதே ஹ ப்ரஜயா பஶுபி⁴ர்ய ஏவம் வேத³ ॥ 6 ॥

தே ஹேமே ப்ராணா அஹம்ஶ்ரேயஸே விவத³மாநா ப்³ரஹ்ம ஜக்³முஸ்தத்³தோ⁴சு: கோ நோ வஸிஷ்ட² இதி தத்³தோ⁴வாச யஸ்மிந்வ உத்க்ராந்த இத³ம் ஶரீரம் பாபீயோ மந்யதே ஸ வோ வஸிஷ்ட² இதி ॥ 7 ॥

வாக்³கோ⁴ச்சக்ராம ஸா ஸம்வத்ஸரம் ப்ரோஷ்யாக³த்யோவாச கத²மஶகத மத்³ருதே ஜீவிதுமிதி தே ஹோசுர்யதா²கலா அவத³ந்தோ வாசா ப்ராணந்த: ப்ராணேந பஶ்யந்தஶ்சக்ஷுஷா ஶ்ருண்வந்த: ஶ்ரோத்ரேண வித்³வாம்ஸோ மநஸா ப்ரஜாயமாநா ரேதஸைவமஜீவிஷ்மேதி ப்ரவிவேஶ ஹ வாக் ॥ 8 ॥

சக்ஷுர்ஹோச்சக்ராம தத்ஸம்வத்ஸரம் ப்ரோஷ்யாக³த்யோவாச கத²மஶகத மத்³ருதே ஜீவிதுமிதி தே ஹோசுர்யதா²ந்தா⁴ அபஶ்யந்தஶ்சக்ஷுஷா ப்ராணந்த: ப்ராணேந வத³ந்தோ வாசா ஶ்ருண்வந்த: ஶ்ரோத்ரேண வித்³வாம்ஸோ மநஸா ப்ரஜாயமாநா ரேதஸைவமஜீவிஷ்மேதி ப்ரவிவேஶ ஹ சக்ஷு: ॥ 9 ॥

ஶ்ரோத்ரம் ஹோச்சக்ராம தத்ஸம்வத்ஸரம் ப்ரோஷ்யாக³த்யோவாச கத²மஶகத மத்³ருதே ஜீவிதுமிதி தே ஹோசுர்யதா² ப³தி⁴ரா அஶ்ருண்வந்த: ஶ்ரோத்ரேண ப்ராணாந்த: ப்ராணேந வத³ந்தோ வாசா பஶ்யந்தஶ்சக்ஷுஷா வித்³வாம்ஸோ மநஸா ப்ரஜாயமாநா ரேதஸைவமஜீவிஷ்மேதி ப்ரவிவேஶ ஹ ஶ்ரோத்ரம் ॥ 10 ॥

மநோ ஹோச்சக்ராம தத்ஸம்வத்ஸரம் ப்ரோஷ்யாக³த்யோவாச கத²மஶகத மத்³ருதே ஜீவிதுமிதி தே ஹோசுர்யதா² முக்³தா⁴ அவித்³வாம்ஸோ மநஸா ப்ராணந்த: ப்ராணேந வத³ந்தோ வாசா பஶ்யந்தஶ்சக்ஷுஷா ஶ்ருண்வந்த: ஶ்ரோத்ரேண ப்ரஜாயமாநா ரேதஸைவமஜீவிஷ்மேதி ப்ரவிவேஶ ஹ மந: ॥ 11 ॥

ரேதோ ஹோச்சக்ராம தத்ஸம்வத்ஸரம் ப்ரோஷ்யாக³த்யோவாச கத²மஶகத மத்³ருதே ஜீவிதுமிதி தே ஹோசுர்யதா² க்லீபா³ அப்ரஜாயமாநா ரேதஸா ப்ராணந்த: ப்ராணேந வத³ந்தோ வாசா பஶ்யந்தஶ்சக்ஷுஷா ஶ்ருண்வந்த: ஶ்ரோத்ரேண வித்³வாம்ஸோ மநஸைவமஜீவிஷ்மேதி ப்ரவிவேஶ ஹ ரேத: ॥ 12 ॥

அத² ஹ ப்ராண உத்க்ரமிஷ்யந்யதா² மஹாஸுஹய: ஸைந்த⁴வ: பட்³வீஶஶங்கூந்ஸம்வ்ருஹேதே³வம் ஹைவேமாந்ப்ராணாந்ஸம்வவர்ஹ தே ஹோசுர்மா ப⁴க³வ உத்க்ரமீர்ந வை ஶக்ஷ்யாமஸ்த்வத்³ருதே ஜீவிதுமிதி தஸ்யோ மே ப³லிம் குருதேதி ததே²தி ॥ 13 ॥

ஸா ஹ வாகு³வாச யத்³வா அஹம் வஸிஷ்டா²ஸ்மி த்வம் தத்³வஸிஷ்டோ²(அ)ஸீதி யத்³வா அஹம் ப்ரதிஷ்டா²ஸ்மி த்வம் தத்ப்ரதிஷ்டோ²(அ)ஸீதி சக்ஷுர்யத்³வா அஹம் ஸம்பத³ஸ்மி த்வம் தத்ஸம்பத³ஸீதி ஶ்ரோத்ரம் யத்³வா அஹமாயதநமஸ்மி த்வம் ததா³யதநமஸீதி மநோ யத்³வா அஹம் ப்ரஜாதிரஸ்மி த்வம் தத்ப்ரஜாதிரஸீதி ரேதஸ்தஸ்யோ மே கிமந்நம் கிம் வாஸ இதி யதி³த³ம் கிஞ்சாஶ்வப்⁴ய ஆ க்ருமிப்⁴ய ஆ கீடபதங்கே³ப்⁴யஸ்தத்தே(அ)ந்நமாபோ வாஸ இதி ந ஹ வா அஸ்யாநந்நம் ஜக்³த⁴ம் ப⁴வதி நாநந்நம் ப்ரதிக்³ருஹீதம் ய ஏவமேதத³நஸ்யாந்நம் வேத³ தத்³வித்³வாம்ஸ: ஶ்ரோத்ரியா அஶிஷ்யந்த ஆசாமந்த்யஶித்வாசாமந்த்யேதமேவ தத³நமநக்³நம் குர்வந்தோ மந்யந்தே ॥ 14 ॥

ஶ்வேதகேதுர்ஹ வா ஆருணேய: பஞ்சாலாநாம் பரிஷத³மாஜகா³ம ஸ ஆஜகா³ம ஜைவலிம் ப்ரவாஹணம் பரிசாரயமாணம் தமுதீ³க்ஷ்யாப்⁴யுவாத³ குமாரா3 இதி ஸ போ⁴3 இதி ப்ரதிஶுஶ்ராவாநுஶிஷ்டோ(அ)ந்வஸி பித்ரேத்யோமிதி ஹோவாச ॥ 1 ॥

வேத்த² யதே²மா: ப்ரஜா: ப்ரயத்யோ விப்ரதிபத்³யந்தா3 இதி நேதி ஹோவாச வேத்தோ² யதே²மம் லோகம் புநராபத்³யந்தா3 இதி நேதி ஹைவோவாச வேத்தோ² யதா²ஸௌ லோக ஏவம் ப³ஹுபி⁴: புந: புந: ப்ரயத்³பி⁴ர்ந ஸம்பூர்யதா3 இதி நேதி ஹைவோவாச வேத்தோ² யதித்²யாமாஹுத்யாம் ஹுதாயாமாப: புருஷவாசோ பூ⁴த்வா ஸமுத்தா²ய வத³ந்தீ3 இதி நேதி ஹைவோவாச வேத்தோ² தே³வயாநஸ்ய வா பத²: ப்ரதிபத³ம் பித்ருயாணஸ்ய வா யத்க்ருத்வா தே³வயாநம் வா பந்தா²நம் ப்ரதிபத்³யந்தே பித்ருயாணம் வாபி ஹி ந ருஷேர்வச: ஶ்ருதம் த்³வே ஸ்ருதீ அஶ்ருணவம் பித்ருணாமஹம் தே³வாநாமுத மர்த்யாநாம் தாப்⁴யாமித³ம் விஶ்வமேஜத்ஸமேதி யத³ந்தரா பிதரம் மாதரம் சேதி நாஹமத ஏகஞ்சந வேதே³தி ஹோவாச ॥ 2 ॥

அதை²நம் வஸத்யோபமந்த்ரயாஞ்சக்ரே(அ)நாத்³ருத்ய வஸதிம் குமார: ப்ரது³த்³ராவ ஸ ஆஜகா³ம பிதரம் தம் ஹோவாசேதி வாவ கில நோ ப⁴வாந்புராநுஶிஷ்டாநவோச இதி கத²ம் ஸுமேத⁴ இதி பஞ்ச மா ப்ரஶ்நாந்ராஜந்யப³ந்து⁴ரப்ராக்ஷீத்ததோ நைகஞ்சந வேதே³தி கதமே த இதீம இதி ஹ ப்ரதீகாந்யுதா³ஜஹார ॥ 3 ॥

ஸ ஹோவாச ததா² நஸ்த்வம் தாத ஜாநீதா² யதா² யத³ஹம் கிஞ்ச வேத³ ஸர்வமஹம் தத்துப்⁴யமவோசம் ப்ரேஹி து தத்ர ப்ரதீத்ய ப்³ரஹ்மசர்யம் வத்ஸ்யாவ இதி ப⁴வாநேவ க³ச்ச²த்விதி ஸ ஆஜகா³ம கௌ³தமோ யத்ர ப்ரவாஹணஸ்ய ஜைவலேராஸ தஸ்மா ஆஸநமாஹ்ருத்யோத³கமாஹாரயாஞ்சகாராத² ஹாஸ்மா அர்க்⁴யம் சகார தம் ஹோவாச வரம் ப⁴க³வதே கௌ³தமாய த³த்³ம இதி ॥ 4 ॥

ஸ ஹோவாச ப்ரதிஜ்ஞாதோ ம ஏஷ வரோ யாம் து குமாரஸ்யாந்தே வாசமபா⁴ஷதா²ஸ்தாம் மே ப்³ரூஹீதி ॥ 5 ॥

ஸ ஹோவாச தை³வேஷு வை கௌ³தம தத்³வரேஷு மாநுஷாணாம் ப்³ரூஹீதி ॥ 6 ॥

ஸ ஹோவாச விஜ்ஞாயதே ஹாஸ்தி ஹிரண்யஸ்யாபாத்தம் கோ³அஶ்வாநாம் தா³ஸீநாம் ப்ரவாராணாம் பரிதா³நஸ்ய மா நோ ப⁴வாந்ப³ஹோரநந்தஸ்யாபர்யந்தஸ்யாப்⁴யவதா³ந்யோ பூ⁴தி³தி ஸ வை கௌ³தம தீர்தே²நேச்சா²ஸா இத்யுபைம்யஹம் ப⁴வந்தமிதி வாசா ஹ ஸ்மைவ பூர்வ உபயந்தி ஸ ஹோபாயநகீர்த்யோவாஸ ॥ 7 ॥

ஸ ஹோவாச ததா² நஸ்த்வம் கௌ³தம மாபராதா⁴ஸ்தவ ச பிதாமஹா யதே²யம் வித்³யேத: பூர்வம் ந கஸ்மிம்ஶ்சந ப்³ராஹ்மண உவாஸ தாம் த்வஹம் துப்⁴யம் வக்ஷ்யாமி கோ ஹி த்வைவம் ப்³ருவந்தமர்ஹதி ப்ரத்யாக்²யாதுமிதி ॥ 8 ॥

அஸௌ வை லோகோ(அ)க்³நிர்கௌ³தம தஸ்யாதி³த்ய ஏவ ஸமித்³ரஶ்மயோ தூ⁴மோ(அ)ஹரர்சிர்தி³ஶோ(அ)ங்கா³ரா அவாந்தரதி³ஶோ விஸ்பு²லிங்கா³ஸ்தஸ்மிந்நேதஸ்மிந்நக்³நௌ தே³வா: ஶ்ரத்³தா⁴ம் ஜுஹ்வதி தஸ்யா ஆஹுத்யை ஸோமோ ராஜா ஸம்ப⁴வதி ॥ 9 ॥

பர்ஜந்யோ வா அக்³நிர்கௌ³தம தஸ்ய ஸம்வத்ஸர ஏவ ஸமித³ப்⁴ராணி தூ⁴மோ வித்³யுத³ர்சிரஶநிரங்கா³ரா ஹ்ராது³நயோ விஸ்பு²லிங்கா³ஸ்தஸ்மிந்நேதஸ்மிந்நக்³நௌ தே³வா: ஸோமம் ராஜாநம் ஜுஹ்வதி தஸ்யா ஆஹுத்யை வ்ருஷ்டி: ஸம்ப⁴வதி ॥ 10 ॥

அயம் வை லோகோ(அ)க்³நிர்கௌ³தம தஸ்ய ப்ருதி²வ்யேவ ஸமித³க்³நிர்தூ⁴மோ ராத்ரிரர்சிஶ்சந்த்³ரமா அங்கா³ரா நக்ஷத்ராணி விஸ்பு²லிங்கா³ஸ்தஸ்மிந்நேதஸ்மிந்நக்³நௌ தே³வா வ்ருஷ்டிம் ஜுஹ்வதி தஸ்யா ஆஹுத்யா அந்நம் ஸம்ப⁴வதி ॥ 11 ॥

புருஷோ வா அக்³நிர்கௌ³தம தஸ்ய வ்யாத்தமேவ ஸமித்ப்ராணோ தூ⁴மோ வாக³ர்சிஶ்சக்ஷுரங்கா³ரா: ஶ்ரோத்ரம் விஸ்பு²லிங்கா³ஸ்தஸ்மிந்நேதஸ்மிந்நக்³நௌ தே³வா அந்நம் ஜுஹ்வதி தஸ்யா ஆஹுத்யை ரேத: ஸம்ப⁴வதி ॥ 12 ॥

யோஷா வா அக்³நிர்கௌ³தம தஸ்யா உபஸ்த² ஏவ ஸமில்லோமாநி தூ⁴மோ யோநிரர்சிர்யத³ந்த: கரோதி தே(அ)ங்கா³ரா அபி⁴நந்தா³ விஸ்பு²லிங்கா³ஸ்தஸ்மிந்நேதஸ்மிந்நக்³நௌ தே³வா ரேதோ ஜுஹ்வதி தஸ்யா ஆஹுத்யை புருஷ: ஸம்ப⁴வதி ஸ ஜீவதி யாவஜ்ஜீவத்யத² யதா³ ம்ரியதே ॥ 13 ॥

அதை²நமக்³நயே ஹரந்தி தஸ்யாக்³நிரேவாக்³நிர்ப⁴வதி ஸமித்ஸமித்³தூ⁴மோ தூ⁴மோ(அ)ர்சிரர்சிரங்கா³ரா விஸ்பு²லிங்கா³ விஸ்பு²லிங்கா³ஸ்தஸ்மிந்நேதஸ்மிந்நக்³நௌ தே³வா: புருஷம் ஜுஹ்வதி தஸ்யா ஆஹுத்யை புருஷோ பா⁴ஸ்வரவர்ண: ஸம்ப⁴வதி ॥ 14 ॥

தே ய ஏவமேதத்³விது³ர்யே சாமீ அரண்யே ஶ்ரத்³தா⁴ம் ஸத்யமுபாஸதே தே(அ)ர்சிரபி⁴ஸம்ப⁴வந்த்யர்சிஷோ(அ)ஹரஹ்ந ஆபூர்யமாணபக்ஷமாபூர்யமாணபக்ஷாத்³யாந்ஷண்மாஸாநுத³ங்ஙாதி³த்ய ஏதி மாஸேப்⁴யோ தே³வலோகம் தே³வலோகாதா³தி³த்யமாதி³த்யாத்³வைத்³யுதம் தாந்வைத்³யுதாந்புருஷோ மாநஸ ஏத்ய ப்³ரஹ்மலோகாந்க³மயதி தே தேஷு ப்³ரஹ்மலோகேஷு பரா: பராவதோ வஸந்தி தேஷாம் ந புநராவ்ருத்தி: ॥ 15 ॥

அத² யே யஜ்ஞேந தா³நேந தபஸா லோகாஞ்ஜயந்தி தே தூ⁴மமபி⁴ஸம்ப⁴வந்தி தூ⁴மாத்³ராத்ரிம் ராத்ரேரபக்ஷீயமாணபக்ஷமபக்ஷீயமாணபக்ஷாத்³யாந்ஷண்மாஸாந்த³க்ஷிணாதி³த்ய ஏதி மாஸேப்⁴ய: பித்ருலோகம் பித்ருலோகாச்சந்த்³ரம் தே சந்த்³ரம் ப்ராப்யாந்நம் ப⁴வந்தி தாம்ஸ்தத்ர தே³வா யதா² ஸோமம் ராஜாநமாப்யாயஸ்வாபக்ஷீயஸ்வேத்யேவமேநாம்ஸ்தத்ர ப⁴க்ஷயந்தி தேஷாம் யதா³ தத்பர்யவைத்யதே²மமேவாகாஶமபி⁴நிஷ்பத்³யந்த ஆகாஶாத்³வாயும் வாயோர்வ்ருஷ்டிம் வ்ருஷ்டே: ப்ருதி²வீம் தே ப்ருதி²வீம் ப்ராப்யாந்நம் ப⁴வந்தி தே புந: புருஷாக்³நௌ ஹூயந்தே ததோ யோஷாக்³நௌ ஜாயந்தே லோகாந்ப்ரத்யுத்தா²யிநஸ்ய ஏவமேவாநுபரிவர்தந்தே(அ)த² ய ஏதௌ பந்தா²நௌ ந விது³ஸ்தே கீடா: பதங்கா³ யதி³த³ம் த³ந்த³ஶூகம் ॥ 16 ॥

ஸ ய: காமயேத மஹத்ப்ராப்நுயாமித்யுத³க³யந ஆபூர்யமாணபக்ஷஸ்ய புண்யாஹே த்³வாத³ஶாஹமுபஸத்³வ்ரதீ பூ⁴த்வௌது³ம்ப³ரே கம்ஸே சமஸே வா ஸர்வௌஷத⁴ம் ப²லாநீதி ஸம்ப்⁴ருத்ய பரிஸமுஹ்ய பரிலிப்யாக்³நிமுபஸமாதா⁴ய பரிஸ்தீர்யாவ்ருதாஜ்யம் ஸம்ஸ்க்ருத்ய பும்ஸா நக்ஷத்ரேண மந்த²ம் ஸந்நீய ஜுஹோதி । யாவந்தோ தே³வாஸ்த்வயி ஜாதவேத³ஸ்திர்யஞ்சோ க்⁴நந்தி புருஷஸ்ய காமாந் । தேப்⁴யோ(அ)ஹம் பா⁴க³தே⁴யம் ஜுஹோமி தே மா த்ருப்தா: ஸர்வை: காமைஸ்தர்பயந்து ஸ்வாஹா । யா திரஶ்சீ நிபத்³யதே(அ)ஹம் வித⁴ரணீ இதி தாம் த்வா க்⁴ருதஸ்ய தா⁴ரயா யஜே ஸம்ராத⁴நீமஹம் ஸ்வாஹா ॥ 1 ॥

ஜ்யேஷ்டா²ய ஸ்வாஹா ஶ்ரேஷ்டா²ய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ப்ராணாய ஸ்வாஹா வஸிஷ்டா²யை ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி வாசே ஸ்வாஹா ப்ரதிஷ்டா²யை ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி சக்ஷுஷே ஸ்வாஹா ஸம்பதே³ ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ஶ்ரோத்ராய ஸ்வாஹாயதநாய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி மநஸே ஸ்வாஹா ப்ரஜாத்யை ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ரேதஸே ஸ்வாஹேத்யக்³நௌ ஹுத்வா ஸம்ஸ்ரவமவநயதி ॥ 2 ॥

அக்³நயே ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ஸோமாய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி பூ⁴: ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி பு⁴வ: ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ஸ்வ: ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி பூ⁴ர்பு⁴வ:ஸ்வ: ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ப்³ரஹ்மணே ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி க்ஷத்த்ராய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி பூ⁴தாய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ப⁴விஷ்யதே ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி விஶ்வாய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ஸர்வாய ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ப்ரஜாபதயே ஸ்வாஹேத்யக்³நௌ ஹுத்வா மந்தே² ஸம்ஸ்ரவமவநயதி ॥ 3 ॥

அதை²நமபி⁴ம்ருஶதி ப்⁴ரமத³ஸி ஜ்வலத³ஸி பூர்ணமஸி ப்ரஸ்தப்³த⁴மஸ்யேகஸப⁴மஸி ஹிங்க்ருதமஸி ஹிங்க்ரியமாணமஸ்யுத்³கீ³த²மஸ்யுத்³கீ³யமாநமஸி ஶ்ராவிதமஸி ப்ரத்யாஶ்ராவிதமஸ்யார்த்³ரே ஸந்தீ³ப்தமஸி விபூ⁴ரஸி ப்ரபூ⁴ரஸ்யந்நமஸி ஜ்யோதிரஸி நித⁴நமஸி ஸம்வர்கோ³(அ)ஸீதி ॥ 4 ॥

அதை²நமுத்³யச்ச²த்யாமம் ஸ்யாமம் ஹி தே மஹி ஸ ஹி ராஜேஶாநோ(அ)தி⁴பதி: ஸ மாம் ராஜேஶாநோ(அ)தி⁴பதிம் கரோத்விதி ॥ 5 ॥

அதை²நமாசாமதி தத்ஸவிதுர்வரேண்யம் । மது⁴ வாதா ருதாயதே மது⁴ க்ஷரந்தி ஸிந்த⁴வ: । மாத்⁴வீர்ந: ஸந்த்வோஷதீ⁴: । பூ⁴: ஸ்வாஹா । ப⁴ர்கோ³ தே³வஸ்ய தீ⁴மஹி । மது⁴ நக்தமுதோஷஸோ மது⁴மத்பார்தி²வம் ரஜ: । மது⁴ த்³யௌரஸ்து ந: பிதா । பு⁴வ: ஸ்வாஹா । தி⁴யோ யோ ந: ப்ரசோத³யாத் । மது⁴மாந்நோ வநஸ்பதிர்மது⁴மாம் அஸ்து ஸூர்ய: । மாத்⁴வீர்கா³வோ ப⁴வந்து ந: । ஸ்வ: ஸ்வாஹேதி । ஸர்வாம் ச ஸாவித்ரீமந்வாஹ ஸர்வாஶ்ச மது⁴மதீரஹமேவேத³ம் ஸர்வம் பூ⁴யாஸம் பூ⁴ர்பு⁴வ: ஸ்வ: ஸ்வாஹேத்யந்தத ஆசம்ய பாணீ ப்ரக்ஷால்ய ஜக⁴நேநாக்³நிம் ப்ராக்ஶிரா: ஸம்விஶதி ப்ராதராதி³த்யமுபதிஷ்ட²தே தி³ஶாமேகபுண்ட³ரீகமஸ்யஹம் மநுஷ்யாணாமேகபுண்ட³ரீகம் பூ⁴யாஸமிதி யதே²தமேத்ய ஜக⁴நேநாக்³நிமாஸீநோ வம்ஶம் ஜபதி ॥ 6 ॥

தம் ஹைதமுத்³தா³லக ஆருணிர்வாஜஸநேயாய யாஜ்ஞவல்க்யாயாந்தேவாஸிந உக்த்வோவாசாபி ய ஏநம் ஶுஷ்கே ஸ்தா²ணௌ நிஷிஞ்சேஜ்ஜாயேரஞ்சா²கா²: ப்ரரோஹேயு: பலாஶாநீதி ॥ 7 ॥

ஏதமு ஹைவ வாஜஸநேயோ யாஜ்ஞவல்க்யோ மது⁴காய பைங்க்³யாயாந்தேவாஸிந உக்த்வோவாசாபி ய ஏநம் ஶுஷ்கே ஸ்தா²ணௌ நிஷிஞ்சேஜ்ஜாயேரஞ்சா²கா²: ப்ரரோஹேயு: பலாஶாநீதி ॥ 8 ॥

ஏதமு ஹைவ மது⁴க: பைங்க்³யஶ்சூலாய பா⁴க³வித்தயே(அ)ந்தேவாஸிந உக்த்வோவாசாபி ய ஏநம் ஶுஷ்கே ஸ்தா²ணௌ நிஷிஞ்சேஜ்ஜாயேரஞ்சா²கா²: ப்ரரோஹேயு: பலாஶாநீதி ॥ 9 ॥

ஏதமு ஹைவ சூலோ பா⁴க³வித்திர்ஜாநகாய ஆயஸ்தூ²ணாயாந்தேவாஸிந உக்த்வோவாசாபி ய ஏநம் ஶுஷ்கே ஸ்தா²ணௌ நிஷிஞ்சேஜ்ஜாயேரஞ்சா²கா²: ப்ரரோஹேயு: பலாஶாநீதி ॥ 10 ॥

ஏதமு ஹைவ ஜாநகிராயஸ்தூ²ண: ஸத்யகாமாய ஜாபா³லாயாந்தேவாஸிந உக்த்வோவாசாபி ய ஏநம் ஶுஷ்கே ஸ்தா²ணௌ நிஷிஞ்சேஜ்ஜாயேரஞ்சா²கா²: ப்ரரோஹேயு: பலாஶாநீதி ॥ 11 ॥

ஏதமு ஹைவ ஸத்யகாமோ ஜாபா³லோ(அ)ந்தேவாஸிப்⁴ய உக்த்வோவாசாபி ய ஏநம் ஶுஷ்கே ஸ்தா²ணௌ நிஷிஞ்சேஜ்ஜாயேரஞ்சா²கா²: ப்ரரோஹேயு: பலாஶாநீதி தமேதம் நாபுத்ராய வாந்தேவாஸிநே வா ப்³ரூயாத் ॥ 12 ॥

சதுரௌது³ம்ப³ரோ ப⁴வத்யௌது³ம்ப³ர: ஸ்ருவ ஔது³ம்ப³ரஶ்சமஸ ஔது³ம்ப³ர இத்⁴ம ஔது³ம்ப³ர்யா உபமந்த²ந்யௌ த³ஶ க்³ராம்யாணி தா⁴ந்யாநி ப⁴வந்தி வ்ரீஹியவாஸ்திலமாஷா அணுப்ரியங்க³வோ கோ³தூ⁴மாஶ்ச மஸூராஶ்ச க²ல்வாஶ்ச க²லகுலாஶ்ச தாந்பிஷ்டாந்த³த⁴நி மது⁴நி க்⁴ருத உபஸிஞ்சத்யாஜ்யஸ்ய ஜுஹோதி ॥ 13 ॥

ஏஷாம் வை பூ⁴தாநாம் ப்ருதி²வீ ரஸ: ப்ருதி²வ்யா ஆபோ(அ)பாமோஷத⁴ய ஓஷதீ⁴நாம் புஷ்பாணி புஷ்பாணாம் ப²லாநி ப²லாநாம் புருஷ: புருஷஸ்ய ரேத: ॥ 1 ॥

ஸ ஹ ப்ரஜாபதிரீக்ஷாஞ்சக்ரே ஹந்தாஸ்மை ப்ரதிஷ்டா²ம் கல்பயாநீதி ஸ ஸ்த்ரியம் ஸஸ்ருஜே தாம் ஸ்ருஷ்ட்வாத⁴ உபாஸ்த தஸ்மாத்ஸ்த்ரியமத⁴ உபாஸீத ஸ ஏதம் ப்ராஞ்சம் க்³ராவாணமாத்மந ஏவ ஸமுத³பாரயத்தேநைநாமப்⁴யஸ்ருஜத் ॥ 2 ॥

தஸ்யா வேதி³ருபஸ்தோ² லோமாநி ப³ர்ஹிஶ்சர்மாதி⁴ஷவணே ஸமித்³தோ⁴ மத்⁴யதஸ்தௌ முஷ்கௌ ஸ யாவாந்ஹ வை வாஜபேயேந யஜமாநஸ்ய லோகோ ப⁴வதி தாவாநஸ்ய லோகோ ப⁴வதி ய ஏவம் வித்³வாநதோ⁴பஹாஸம் சரத்யாஸாம் ஸ்த்ரீணாம் ஸுக்ருதம் வ்ருங்க்தே(அ)த² ய இத³மவித்³வாநதோ⁴பஹாஸம் சரத்யாஸ்ய ஸ்த்ரிய: ஸுக்ருதம் வ்ருஞ்ஜதே ॥ 3 ॥

ஏதத³த்³த⁴ ஸ்ம வை தத்³வித்³வாநுத்³தா³லக ஆருணிராஹைதத்³த⁴ ஸ்ம வை தத்³வித்³வாந்நாகோ மௌத்³க³ல்ய ஆஹைதத்³த⁴ ஸ்ம வை தத்³வித்³வாந்குமாரஹாரித ஆஹ ப³ஹவோ மர்யா ப்³ராஹ்மணாயநா நிரிந்த்³ரியா விஸுக்ருதோ(அ)ஸ்மால்லோகாத்ப்ரயந்தி ய இத³மவித்³வாம்ஸோ(அ)தோ⁴பஹாஸம் சரந்தீதி ப³ஹு வா இத³ம் ஸுப்தஸ்ய வா ஜாக்³ரதோ வா ரேத: ஸ்கந்த³தி ॥ 4 ॥

தத³பி⁴ம்ருஶேத³நு வா மந்த்ரயேத யந்மே(அ)த்³ய ரேத: ப்ருதி²வீமஸ்காந்த்ஸீத்³யதோ³ஷதீ⁴ரப்யஸரத்³யத³ப: । இத³மஹம் தத்³ரேத ஆத³தே³ புநர்மாமைத்விந்த்³ரியம் புநஸ்தேஜ: புநர்ப⁴க³: । புநரக்³நிர்தி⁴ஷ்ண்யா யதா²ஸ்தா²நம் கல்பந்தாமித்யநாமிகாங்கு³ஷ்டா²ப்⁴யாமாதா³யாந்தரேண ஸ்தநௌ வா ப்⁴ருவௌ வா நிம்ருஜ்யாத் ॥ 5 ॥

அத² யத்³யுத³க ஆத்மாநம் பஶ்யேத்தத³பி⁴மந்த்ரயேத மயி தேஜ இந்த்³ரியம் யஶோ த்³ரவிணம் ஸுக்ருதமிதி ஶ்ரீர்ஹ வா ஏஷா ஸ்த்ரீணாம் யந்மலோத்³வாஸாஸ்தஸ்மாந்மலோத்³வாஸஸம் யஶஸ்விநீமபி⁴க்ரம்யோபமந்த்ரயேத ॥ 6 ॥

ஸா சேத³ஸ்மை ந த³த்³யாத்காமமேநாமவக்ரீணீயாத்ஸா சேத³ஸ்மை நைவ த³த்³யாத்காமமேநாம் யஷ்ட்யா வா பாணிநா வோபஹத்யாதிக்ராமேதி³ந்த்³ரியேண தே யஶஸா யஶ ஆத³த³ இத்யயஶா ஏவ ப⁴வதி ॥ 7 ॥

ஸா சேத³ஸ்மை த³த்³யாதி³ந்த்³ரியேண தே யஶஸா யஶ ஆத³தா⁴மீதி யஶஸ்விநாவேவ ப⁴வத: ॥ 8 ॥

ஸ யாமிச்சே²த்காமயேத மேதி தஸ்யாமர்த²ம் நிஷ்டா²ய முகே²ந முக²ம் ஸந்தா⁴யோபஸ்த²மஸ்யா அபி⁴ம்ருஶ்ய ஜபேத³ங்கா³த³ங்கா³த்ஸம்ப⁴வஸி ஹ்ருத³யாத³தி⁴ஜாயஸே । ஸ த்வமங்க³கஷாயோ(அ)ஸி தி³க்³த⁴வித்³த⁴மிவ மாத³யேமாமமூம் மயீதி ॥ 9 ॥

அத² யாமிச்சே²ந்ந க³ர்ப⁴ம் த³தீ⁴தேதி தஸ்யாமர்த²ம் நிஷ்டா²ய முகே²ந முக²ம் ஸந்தா⁴யாபி⁴ப்ராண்யாபாந்யாதி³ந்த்³ரியேண தே ரேதஸா ரேத ஆத³த³ இத்யரேதா ஏவ ப⁴வதி ॥ 10 ॥

அத² யாமிச்சே²த்³த³தீ⁴தேதி தஸ்யாமர்த²ம் நிஷ்டா²ய முகே²ந முக²ம் ஸந்தா⁴யாபாந்யாபி⁴ப்ராண்யாதி³ந்த்³ரியேண தே ரேதஸா ரேத ஆத³தா⁴மீதி க³ர்பி⁴ண்யேவ ப⁴வதி ॥ 11 ॥

அத² யஸ்ய ஜாயாயை ஜார: ஸ்யாத்தம் சேத்³த்³விஷ்யாதா³மபாத்ரே(அ)க்³நிமுபஸமாதா⁴ய ப்ரதிலோமம் ஶரப³ர்ஹிஸ்தீர்த்வா தஸ்மிந்நேதா: ஶரப்⁴ருஷ்டீ: ப்ரதிலோமா: ஸர்பிஷாக்தா ஜுஹுயாந்மம ஸமித்³தே⁴(அ)ஹௌஷீ: ப்ராணாபாநௌ த ஆத³தே³(அ)ஸாவிதி மம ஸமித்³தே⁴(அ)ஹௌஷீ: புத்ரபஶூம்ஸ்த ஆத³தே³(அ)ஸாவிதி மம ஸமித்³தே⁴(அ)ஹௌஷீரிஷ்டாஸுக்ருதே த ஆத³தே³(அ)ஸாவிதி மம ஸமித்³தே⁴(அ)ஹௌஷீராஶாபராகாஶௌ த ஆத³தே³(அ)ஸாவிதி ஸ வா ஏஷ நிரிந்த்³ரியோ விஸுக்ருதோ(அ)ஸ்மால்லோகாத்ப்ரைதி யமேவம்வித்³ப்³ராஹ்மண: ஶபதி தஸ்மாதே³வம்விச்ச்²ரோத்ரியஸ்ய தா³ரேண நோபஹாஸமிச்சே²து³த ஹ்யேவம்வித்பரோ ப⁴வதி ॥ 12 ॥

அத² யஸ்ய ஜாயாமார்தவம் விந்தே³த்த்ர்யஹம் கம்ஸேந பிபே³த³ஹதவாஸா நைநாம் வ்ருஷலோ ந வ்ருஷல்யுபஹந்யாத்த்ரிராத்ராந்த ஆப்லுத்ய வ்ரீஹீநவகா⁴தயேத் ॥ 13 ॥

ஸ ய இச்சே²த்புத்ரோ மே ஶுக்லோ ஜாயேத வேத³மநுப்³ருவீத ஸர்வமாயுரியாதி³தி க்ஷீரௌத³நம் பாசயித்வா ஸர்பிஷ்மந்தமஶ்நீயாதாமீஶ்வரௌ ஜநயிதவை ॥ 14 ॥

அத² ய இச்சே²த்புத்ரோ மே கபில: பிங்க³லோ ஜாயதே த்³வௌ வேதா³வநுப்³ருவீத் ஸர்வமாயுரியாதி³தி த³த்⁴யோத³நம் பாசயித்வா ஸர்பிஷ்மந்தமஶ்நீயாதாமீஶ்வரௌ ஜநயிதவை ॥ 15 ॥

அத² ய இச்சே²த்புத்ரோ மே ஶ்யாமோ லோஹிதாக்ஷோ ஜாயேத த்ரீந்வேதா³நநுப்³ருவீத ஸர்வமாயுரியாதி³த்யுதௌ³த³நம் பாசயித்வா ஸர்பிஷ்மந்தமஶ்நீயாதாமீஶ்வரௌ ஜநயிதவை ॥ 16 ॥

அத² ய இச்சே²த்³து³ஹிதா மே பண்டி³தா ஜாயேத ஸர்வமாயுரியாதி³தி திலௌத³நம் பாசயித்வா ஸர்பிஷ்மந்தமஶ்நீயாதாமீஶ்வரௌ ஜநயிதவை ॥ 17 ॥

அத² ய இச்சே²த்புத்ரோ மே பண்டி³தோ விகீ³த: ஸமிதிங்க³ம: ஶுஶ்ரூஷிதாம் வாசம் பா⁴ஷிதா ஜாயேத ஸர்வாந்வேதா³நநுப்³ருவீத ஸர்வமாயுரியாதி³தி மாம்ஸௌத³நம் பாசயித்வா ஸர்பிஷ்மந்தமஶ்நீயாதாமீஶ்வரௌ ஜநயிதவா ஔக்ஷேண வார்ஷபே⁴ண வா ॥ 18 ॥

அதா²பி⁴ப்ராதரேவ ஸ்தா²லீபாகாவ்ருதாஜ்யம் சேஷ்டித்வா ஸ்தா²லீபாகஸ்யோபகா⁴தம் ஜுஹோத்யக்³நயே ஸ்வாஹாநுமதயே ஸ்வாஹா தே³வாய ஸவித்ரே ஸத்யப்ரஸவாய ஸ்வாஹேதி ஹுத்வோத்³த்⁴ருத்ய ப்ராஶ்நாதி ப்ராஶ்யேதரஸ்யா: ப்ரயச்ச²தி ப்ரக்ஷால்ய பாணீ உத³பாத்ரம் பூரயித்வா தேநைநாம் த்ரிரப்⁴யுக்ஷத்யுத்திஷ்டா²தோ விஶ்வாவஸோ(அ)ந்யாமிச்ச² ப்ரபூர்வ்யாம் ஸம் ஜாயாம் பத்யா ஸஹேதி ॥ 19 ॥

அதை²நாமபி⁴பத்³யதே(அ)மோ(அ)ஹமஸ்மி ஸா த்வம் ஸா த்வமஸ்யமோ(அ)ஹம் ஸாமாஹமஸ்மி ருக்த்வம் த்³யௌரஹம் ப்ருதி²வீ த்வம் தாவேஹி ஸம்ரபா⁴வஹை ஸஹ ரேதோ த³தா⁴வஹை பும்ஸே புத்ராய வித்தய இதி ॥ 20 ॥

அதா²ஸ்யா ஊரூ விஹாபயதி விஜிஹீதா²ம் த்³யாவாப்ருதி²வீ இதி தஸ்யாமர்த²ம் நிஷ்டா²ய முகே²ந முக²ம் ஸந்தா⁴ய த்ரிரேநாமநுலோமாமநுமார்ஷ்டி விஷ்ணுர்யோநிம் கல்பயது த்வஷ்டா ரூபாணி பிம்ஶது । ஆஸிஞ்சது ப்ரஜாபதிர்தா⁴தா க³ர்ப⁴ம் த³தா⁴து தே । க³ர்ப⁴ம் தே⁴ஹி ஸிநீவாலி க³ர்ப⁴ம் தே⁴ஹி ப்ருது²ஷ்டுகே । க³ர்ப⁴ம் தே அஶ்விநௌ தே³வாவாத⁴த்தாம் புஷ்கரஸ்ரஜௌ ॥ 21 ॥

ஹிரண்மயீ அரணீ யாப்⁴யாம் நிர்மந்த²தாமஶ்விநௌ । தம் தே க³ர்ப⁴ம் ஹவாமஹே த³ஶமே மாஸி ஸூதயே । யதா²க்³நிக³ர்பா⁴ ப்ருதி²வீ யதா² த்³யௌரிந்த்³ரேண க³ர்பி⁴ணீ । வாயுர்தி³ஶாம் யதா² க³ர்ப⁴ ஏவம் க³ர்ப⁴ம் த³தா⁴மி தே(அ)ஸாவிதி ॥ 22 ॥

ஸோஷ்யந்தீமத்³பி⁴ரப்⁴யுக்ஷதி । யதா² வாயு: புஷ்கரிணீம் ஸமிங்க³யதி ஸர்வத: । ஏவா தே க³ர்ப⁴ ஏஜது ஸஹாவைது ஜராயுணா । இந்த்³ரஸ்யாயம் வ்ரஜ: க்ருத: ஸார்க³ல: ஸபரிஶ்ரய: । தமிந்த்³ர நிர்ஜஹி க³ர்பே⁴ண ஸாவராம் ஸஹேதி ॥ 23 ॥

ஜாதே(அ)க்³நிமுபஸமாதா⁴யாங்க ஆதா⁴ய கம்ஸே ப்ருஷதா³ஜ்யம் ஸந்நீய ப்ருஷதா³ஜ்யஸ்யோபகா⁴தம் ஜுஹோத்யஸ்மிந்ஸஹஸ்ரம் புஷ்யாஸமேத⁴மாந: ஸ்வே க்³ருஹே । அஸ்யோபஸந்த்³யாம் மா ச்சை²த்ஸீத்ப்ரஜயா ச பஶுபி⁴ஶ்ச ஸ்வாஹா । மயி ப்ராணாம்ஸ்த்வயி மநஸா ஜுஹோமி ஸ்வாஹா । யத்கர்மணாத்யரீரிசம் யத்³வா ந்யூநமிஹாகரம் । அக்³நிஷ்டத்ஸ்விஷ்டக்ருத்³வித்³வாந்ஸ்விஷ்டம் ஸுஹுதம் கரோது ந: ஸ்வாஹேதி ॥ 24 ॥

அதா²ஸ்ய த³க்ஷிணம் கர்ணமபி⁴நிதா⁴ய வாக்³வாகி³தி த்ரிரத² த³தி⁴ மது⁴ க்⁴ருதம் ஸந்நீயாநந்தர்ஹிதேந ஜாதரூபேண ப்ராஶயதி । பூ⁴ஸ்தே த³தா⁴மி பு⁴வஸ்தே த³தா⁴மி ஸ்வஸ்தே த³தா⁴மி பூ⁴ர்பு⁴வ:ஸ்வ: ஸர்வம் த்வயி த³தா⁴மீதி ॥ 25 ॥

அதா²ஸ்ய நாம கரோதி வேதோ³(அ)ஸீதி தத³ஸ்ய தத்³கு³ஹ்யமேவ நாம ப⁴வதி ॥ 26 ॥

அதை²நம் மாத்ரே ப்ரதா³ய ஸ்தநம் ப்ரயச்ச²தி யஸ்தே ஸ்தந: ஶஶயோ யோ மயோபூ⁴ர்யோ ரத்நதா⁴ வஸுவித்³ய: ஸுத³த்ர: । யேந விஶ்வா புஷ்யஸி வார்யாணி ஸரஸ்வதி தமிஹ தா⁴தவே கரிதி ॥ 27 ॥

அதா²ஸ்ய மாதரமபி⁴மந்த்ரயதே । இலாஸி மைத்ராவருணீ வீரே வீரமஜீஜநத் । ஸா த்வம் வீரவதீ ப⁴வ யாஸ்மாந்வீரவதோ(அ)கரதி³தி । தம் வா ஏதமாஹுரதிபிதா ப³தாபூ⁴ரதிபிதாமஹோ ப³தாபூ⁴: பரமாம் ப³த காஷ்டா²ம் ப்ராபச்ச்²ரியா யஶஸா ப்³ரஹ்மவர்சஸேந ய ஏவம்விதோ³ ப்³ராஹ்மணஸ்ய புத்ரோ ஜாயத இதி ॥ 28 ॥

அத² வம்ஶ: । பௌதிமாஷீபுத்ர: காத்யாயநீபுத்ராத்காத்யாயநீபுத்ரோ கௌ³தமீபுத்ராத்³கௌ³தமீபுத்ரோ பா⁴ரத்³வாஜீபுத்ராத்³பா⁴ரத்³வாஜீபுத்ர: பாராஶரீபுத்ராத்பாராஶரீபுத்ர ஔபஸ்வஸ்தீபுத்ராதௌ³பஸ்வஸ்தீபுத்ர: பாராஶரீபுத்ராத்பாராஶரீபுத்ர: காத்யாயநீபுத்ராத்காத்யாயநீபுத்ர: கௌஶிகீபுத்ராத்கௌஶிகீபுத்ர ஆலம்பீ³புத்ராச்ச வையாக்⁴ரபதீ³புத்ராச்ச வையாக்⁴ரபதீ³புத்ர: காண்வீபுத்ராச்ச காபீபுத்ராச்ச காபீபுத்ர: ॥ 1 ॥

ஆத்ரேயீபுத்ராதா³த்ரேயீபுத்ரோ கௌ³தமீபுத்ராத்³கௌ³தமீபுத்ரோ பா⁴ரத்³வாஜீபுத்ராத்³பா⁴ரத்³வாஜீபுத்ர: பாராஶரீபுத்ராத்பராஶரீபுத்ரோ வாத்ஸீபுத்ராத்³வாத்ஸீபுத்ர: பாராஶரீபுத்ராத்பாராஶரீபுத்ரோ வார்காருணீபுத்ராத்³வார்காருணீபுத்ரோ வார்காருணீபுத்ராத்³வார்காருணீபுத்ர ஆர்தபா⁴கீ³புத்ராதா³ர்தபா⁴கீ³புத்ர: ஶௌங்கீ³புத்ராச்சௌ²ங்கீ³புத்ர: ஸாங்க்ருதீபுத்ராத்ஸாங்க்ருதீபுத்ர ஆலம்பா³யநீபுத்ராதா³லம்பா³யநீபுத்ர ஆலம்பீ³புத்ராதா³லம்பீ³புத்ரோ ஜாயந்தீபுத்ராஜ்ஜாயந்தீபுத்ரோ மாண்டூ³காயநீபுத்ராந்மாண்டூ³காயநீபுத்ரோ மாண்டூ³கீபுத்ராந்மாண்டூ³கீ புத்ர: ஶாண்ட³லீபுத்ராச்சா²ண்ட³லீபுத்ரோ ராதீ²தரீபுத்ராத்³ராதீ²தரீபுத்ரோ பா⁴லுகீபுத்ராத்³பா⁴லுகீபுத்ர: க்ரௌஞ்சிகீபுத்ராப்⁴யாம் க்ரௌஞ்சிகீபுத்ரௌ வைத³ப்⁴ருதீபுத்ராத்³வைத³ப்⁴ருதீபுத்ர: கார்ஶகேயீபுத்ராத்கார்ஶகேயீபுத்ர: ப்ராசீநயோகீ³புத்ராத்ப்ராசீநயோகீ³புத்ர: ஸாஞ்ஜீவீபுத்ராத்ஸாஞ்ஜீவீபுத்ர: ப்ராஶ்நீபுத்ராதா³ஸுரிவாஸிந: ப்ராஶ்நீபுத்ர ஆஸுராயணாதா³ஸுராயண ஆஸுரேராஸுரி: ॥ 2 ॥

யாஜ்ஞவல்க்யாத்³யாஜ்ஞவல்க்ய உத்³தா³லகாது³த்³தா³லகோ(அ)ருணாத³ருண உபவேஶேருபவேஶி: குஶ்ரே: குஶ்ரிர்வாஜஶ்ரவஸோ வாஜஶ்ரவா ஜிஹ்வாவதோ பா³த்⁴யோகா³ஜ்ஜிஹ்வாவாந்பா³த்⁴யோகோ³(அ)ஸிதாத்³வார்ஷக³ணாத³ஸிதோ வார்ஷக³ணோ ஹரிதாத்கஶ்யபாத்³த⁴ரித: கஶ்யப: ஶில்பாத்கஶ்யபாச்சி²ல்ப: கஶ்யப: கஶ்யபாந்நைத்⁴ருவே: கஶ்யபோ நைத்⁴ருவிர்வாசோ வாக³ம்பி⁴ண்யா அம்பி⁴ண்யாதி³த்யாதா³தி³த்யாநீமாநி ஶுக்லாநி யஜூம்ஷி வாஜஸநேயேந யாஜ்ஞவல்க்யேநாக்²யாயந்தே ॥ 3 ॥

ஸமாநமா ஸாஞ்ஜீவீபுத்ராத்ஸாஞ்ஜீவீபுத்ரோ மாண்டூ³காயநேர்மாண்டூ³காயநிர்மாண்ட³வ்யாந்மாண்ட³வ்ய: கௌத்ஸாத்கௌத்ஸோ மாஹித்தே²ர்மாஹித்தி²ர்வாமகக்ஷாயணாத்³வாமகக்ஷாயண: ஶாண்டி³ல்யாச்ச²ண்டி³ல்யோ வாத்ஸ்யாத்³வாத்ஸ்ய: குஶ்ரே: குஶ்ரிர்யஜ்ஞவசஸோ ராஜஸ்தம்பா³யநாத்³யஜ்ஞவசா ராஜஸ்தம்பா³யநஸ்துராத்காவஷேயாத்துர: காவஷேய: ப்ரஜாபதே: ப்ரஜாபதிர்ப்³ரஹ்மணோ ப்³ரஹ்ம ஸ்வயம்பு⁴ ப்³ரஹ்மணே நம: ॥ 4 ॥