ஈஶா வாஸ்யமித³ம் ஸர்வம் யத்கிம் ச ஜக³த்யாம் ஜக³த் ।
தேந த்யக்தேந பு⁴ஞ்ஜீதா² மா க்³ருத⁴: கஸ்ய ஸ்வித்³த⁴நம் ॥ 1 ॥
குர்வந்நேவேஹ கர்மாணி ஜிஜீவிஷேச்ச²தம் ஸமா: ।
ஏவம் த்வயி நாந்யதே²தோ(அ)ஸ்தி ந கர்ம லிப்யதே நரே ॥ 2 ॥
அஸுர்யா நாம தே லோகா அந்தே⁴ந தமஸா வ்ருதா: ।
தாம்ஸ்தே ப்ரேத்யாபி⁴க³ச்ச²ந்தி யே கே சாத்மஹநோ ஜநா: ॥ 3 ॥
அநேஜதே³கம் மநஸோ ஜவீயோ நைநத்³தே³வா ஆப்நுவந்பூர்வமர்ஷத் ।
தத்³தா⁴வதோ(அ)ந்யாநத்யேதி திஷ்ட²—த்தஸ்மிந்நபோ மாதரிஶ்வா த³தா⁴தி ॥ 4 ॥
ததே³ஜதி தந்நைஜதி தத்³தூ³ரே தத்³வந்திகே ।
தத³ந்தரஸ்ய ஸர்வஸ்ய தது³ ஸர்வஸ்யாஸ்ய பா³ஹ்யத: ॥ 5 ॥
யஸ்து ஸர்வாணி பூ⁴தாநி ஆத்மந்யேவாநுபஶ்யதி ।
ஸர்வபூ⁴தேஷு சாத்மாநம் ததோ ந விஜுகு³ப்ஸதே ॥ 6 ॥
யஸ்மிந்ஸர்வாணி பூ⁴தாநி ஆத்மைவாபூ⁴த்³விஜாநத: ।
தத்ர கோ மோஹ: க: ஶோக ஏகத்வமநுபஶ்யத: ॥ 7 ॥
ஸ பர்யகா³ச்சு²க்ரமகாயமவ்ரண—மஸ்நாவிரம் ஶுத்³த⁴மபாபவித்³த⁴ம் ।
கவிர்மநீஷீ பரிபூ⁴: ஸ்வயம்பூ⁴ர்யாதா²தத்²யதோ—(அ)ர்தா²ந்வ்யத³தா⁴ச்சா²ஶ்வதீப்⁴ய: ஸமாப்⁴ய: ॥ 8 ॥
அந்த⁴ம் தம: ப்ரவிஶந்தி யே அவித்³யாமுபாஸதே ।
ததோ பூ⁴ய இவ தே தமோ ய உ வித்³யாயாம் ரதா: ॥ 9 ॥
அந்யதே³வாஹுர்வித்³யயா அந்யதா³ஹுரவித்³யயா ।
இதி ஶுஶ்ரும தீ⁴ராணாம் யே நஸ்தத்³விசசக்ஷிரே ॥ 10 ॥
வித்³யாம் சாவித்³யாம் ச யஸ்தத்³வேதோ³ப⁴யம் ஸஹ ।
அவித்³யயா ம்ருத்யும் தீர்த்வா வித்³யயாம்ருதமஶ்நுதே ॥ 11 ॥
அந்த⁴ம் தம: ப்ரவிஶந்தி யே(அ)ஸம்பூ⁴திமுபாஸதே ।
ததோ பூ⁴ய இவ தே தமோ ய உ ஸம்பூ⁴த்யாம் ரதா: ॥ 12 ॥
அந்யதே³வாஹு: ஸம்ப⁴வாத³ந்யதா³ஹுரஸம்ப⁴வாத் ।
இதி ஶுஶ்ரும தீ⁴ராணாம் யே நஸ்தத்³விசசக்ஷிரே ॥ 13 ॥
ஸம்பூ⁴திம் ச விநாஶம் ச யஸ்தத்³வேதோ³ப⁴யம் ஸஹ ।
விநாஶேந ம்ருத்யும் தீர்த்வா ஸம்பூ⁴த்யாம்ருதமஶ்நுதே ॥ 14 ॥
ஹிரண்மயேந பாத்ரேண ஸத்யஸ்யாபிஹிதம் முக²ம் ।
தத்த்வம் பூஷந்நபாவ்ருணு ஸத்யத⁴ர்மாய த்³ருஷ்டயே ॥ 15 ॥
பூஷந்நேகர்ஷே யம ஸூர்ய ப்ராஜாபத்ய வ்யூஹ
ரஶ்மீந்ஸமூஹ தேஜோ யத்தே ரூபம் கல்யாணதமம்
தத்தே பஶ்யாமி யோ(அ)ஸாவஸௌ புருஷ: ஸோ(அ)ஹமஸ்மி ॥ 16 ॥
வாயுரநிலமம்ருதமதே²த³ம் ப⁴ஸ்மாந்தம் ஶரீரம் ।
ஓம் க்ரதோ ஸ்மர க்ருதம் ஸ்மர க்ரதோ ஸ்மர க்ருதம் ஸ்மர ॥ 17 ॥
அக்³நே நய ஸுபதா² ராயே அஸ்மாந்விஶ்வாநி தே³வ வயுநாநி வித்³வாந் ।
யுயோத்⁴யஸ்மஜ்ஜுஹுராணமேநோ பூ⁴யிஷ்டா²ம் தே நமஉக்திம் விதே⁴ம ॥ 18 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத: க்ருதௌ ஈஶாவாஸ்யோபநிஷத்³பா⁴ஷ்யம் ஸம்பூர்ணம் ॥