தத்³வ்யாசஷ்டே –
ஸர்வப்ராணீதி ।
ப²லஸ்ய தது³பாதா³நஸ்ய தத்ஸாத⁴நஸ்ய சாதி⁴ஷ்டா²நபூ⁴தாநித்யர்த²: ।
அவ்யயாநாமநேகார்த²த்வாந்நுஶப்³த³ஸ்துஶப்³தா³ர்த²ம் வைலக்ஷண்யம் லோகாநாமாஹேத்யாஹ –
இமே ந்விதி ।
அஹமிதீத்யஸ்யேக்ஷதேதி பூர்வேணாந்வய: ।
ஸமஷ்டிலிங்க³ஶரீரஸ்ய தத³பி⁴மாநிநாம் விராட³வயவஜந்யத்வாத்தத³ர்த²ம் விராட்ஸ்ருஷ்டிமாஹ –
ஏவமீக்ஷித்வேதி ।
யத்³யபி லோகோத்பத்தே: பூர்வமேவாண்டோ³த்பத்திருக்தா(அ)ண்ட³முத்பாத்³யாம்ப⁴:ப்ரப்⁴ருதீம்ல்லோகாநஸ்ருஜதேதி பா⁴ஷ்யேண ததா²(அ)பி ஸைவோத்பத்திரிஹாநூத்³யதே । லோகபாலஸ்ருஷ்ட்யர்த²மிதி ந விரோத⁴ இதி பா⁴வ: ।
அத்³ப்⁴ய ஏவேத்யேவகாரார்த²மாஹ –
யேப்⁴ய இதி ।
குலால: ப்ருதி²வ்யா: ஸகாஶாந்ம்ருத்பிண்ட³மிவேத்யந்வய: ।
ஸ்வாவயவேதி ।
பூ⁴தாநாம் பரஸ்பராவயவஸம்யோஜநமதிஶ்லிஷ்டஸம்யோக³ஸ்தேநேத்யர்த²: ॥3॥