अद्वैतशारदा | दक्षिणाम्नाय श्रीशारदापीठम्, शृङ्गेरी

ஜீவமுக்²யப்ராணலிங்கா³ந்நேதி சேந்நோபாஸாத்ரைவித்⁴யாதா³ஶ்ரிதத்வாதி³ஹ தத்³யோகா³த் ॥ 31 ॥

அத²வா ‘நோபாஸாத்ரைவித்⁴யாதா³ஶ்ரிதத்வாதி³ஹ தத்³யோகா³த்’ இத்யஸ்யாயமந்யோ(அ)ர்த²: — ந ப்³ரஹ்மவாக்யே(அ)பி ஜீவமுக்²யப்ராணலிங்க³ம் விருத்⁴யதே । கத²ம் ? உபாஸாத்ரைவித்⁴யாத் । த்ரிவித⁴மிஹ ப்³ரஹ்மண உபாஸநம் விவக்ஷிதம் — ப்ராணத⁴ர்மேண, ப்ரஜ்ஞாத⁴ர்மேண, ஸ்வத⁴ர்மேண ச । தத்ர ‘ஆயுரம்ருதமித்யுபாஸ்ஸ்வாயு: ப்ராண:’ இதி ‘இத³ம் ஶரீரம் பரிக்³ருஹ்யோத்தா²பயதி’ இதி ‘தஸ்மாதே³ததே³வோக்த²முபாஸீத’ இதி ச ப்ராணத⁴ர்ம: । ‘அத² யதா²ஸ்யை ப்ரஜ்ஞாயை ஸர்வாணி பூ⁴தாந்யேகீப⁴வந்தி தத்³வ்யாக்²யாஸ்யாம:’ இத்யுபக்ரம்ய ‘வாகே³வாஸ்யா ஏகமங்க³மதூ³து³ஹத்தஸ்யை நாம பரஸ்தாத்ப்ரதிவிஹிதா பூ⁴தமாத்ரா ப்ரஜ்ஞயா வாசம் ஸமாருஹ்ய வாசா ஸர்வாணி நாமாந்யாப்நோதி’ இத்யாதி³: ப்ரஜ்ஞாத⁴ர்ம: । ‘தா வா ஏதா த³ஶைவ பூ⁴தமாத்ரா அதி⁴ப்ரஜ்ஞம் த³ஶ ப்ரஜ்ஞாமாத்ரா அதி⁴பூ⁴தம் । யத்³தி⁴ பூ⁴தமாத்ரா ந ஸ்யுர்ந ப்ரஜ்ஞாமாத்ரா: ஸ்யு: । யத்³தி⁴ ப்ரஜ்ஞாமாத்ரா ந ஸ்யுர்ந பூ⁴தமாத்ரா: ஸ்யு: । ந ஹ்யந்யதரதோ ரூபம் கிஞ்சந ஸித்⁴யேத் । நோ ஏதந்நாநா । தத்³யதா² ரத²ஸ்யாரேஷு நேமிரர்பிதா நாபா⁴வரா அர்பிதா ஏவமேவைதா பூ⁴தமாத்ரா: ப்ரஜ்ஞாமாத்ராஸ்வர்பிதா: ப்ரஜ்ஞாமாத்ரா: ப்ராணே(அ)ர்பிதா: ஸ ஏஷ ப்ராண ஏவ ப்ரஜ்ஞாத்மா’ இத்யாதி³ர்ப்³ரஹ்மத⁴ர்ம: । தஸ்மாத்³ப்³ரஹ்மண ஏவைதது³பாதி⁴த்³வயத⁴ர்மேண ஸ்வத⁴ர்மேண சைகமுபாஸநம் த்ரிவித⁴ம் விவக்ஷிதம் । அந்யத்ராபி ‘மநோமய: ப்ராணஶரீர:’ (சா². உ. 3 । 14 । 2) இத்யாதா³வுபாதி⁴த⁴ர்மேண ப்³ரஹ்மண உபாஸநமாஶ்ரிதம்; இஹாபி தத்³யுஜ்யதே வாக்யஸ்யோபக்ரமோபஸம்ஹாராப்⁴யாமேகார்த²த்வாவக³மாத் ப்ராணப்ரஜ்ஞாப்³ரஹ்மலிங்கா³வக³மாச்ச । தஸ்மாத்³ப்³ரஹ்மவாக்யமேவைததி³தி ஸித்³த⁴ம் ॥ 31 ॥

அத²வேதி ;

ததே³வம் ஸ்வமதேந வ்யாக்²யாய ப்ராசாம் வ்ருத்திக்ருதாம் மதேந வ்யாசஷ்டே -

அத²வேதி ।

பூர்வம் ப்ராணஸ்யைகமுபாஸநமபரம் ஜீவஸ்யாபரம் ப்³ரஹ்மண இத்யுபாஸநாத்ரைவித்⁴யேந வாக்யபே⁴த³ப்ரஸங்கோ³ தூ³ஷணமுக்தம் । இஹ து ப்³ரஹ்மண ஏகஸ்யைவோபாஸாத்ரயவிஶிஷ்டஸ்ய விதா⁴நாந்ந வாக்யபே⁴த³ இத்யபி⁴மாந: ப்ராசாம் வ்ருத்திக்ருதாம் । ததே³ததா³லோசநீயம் கத²ம் ந வாக்யபே⁴த³ இதி । யுக்தம் “ஸோமேந யஜேத” இத்யாதௌ³ ஸோமாதி³கு³ணவிஶிஷ்டயாக³விதா⁴நம், தத்³கு³ணவிஶிஷ்டஸ்யாபூர்வஸ்ய கர்மணோ(அ)ப்ராப்தஸ்ய விதி⁴விஷயத்வாத் । இஹ து ஸித்³த⁴ரூபம் ப்³ரஹ்ம ந விதி⁴விஷயோ ப⁴விதுமர்ஹதி, அபா⁴வார்த²த்வாத் । பா⁴வார்த²ஸ்ய விதி⁴விஷயத்வநியமாத் । வாக்யாந்தரேப்⁴யஶ்ச ப்³ரஹ்மாவக³தே: ப்ராப்தத்வாத்தத³நூத்³யாப்ராப்தோபாஸநா பா⁴வார்தோ² விதே⁴யஸ்தஸ்ய ச பே⁴தா³த்³வித்⁴யாவ்ருத்திலக்ஷணோ வாக்யபே⁴தோ³(அ)திஸ்பு²ட இதி பா⁴ஷ்யக்ருதா நோத்³கா⁴டித:, ஸ்வவ்யாக்²யாநேநைவோக்தப்ராயத்வாதி³தி ஸர்வமவதா³தம் ॥ 31 ॥

இதி ஶ்ரீவாசஸ்பதிமிஶ்ரவிரசிதே பா⁴ஷ்யவிபா⁴கே³ பா⁴மத்யாம் ப்ரத²மஸ்யாத்⁴யாயஸ்ய ப்ரத²ம: பாத³: ॥ 1 ॥

இதி ப்ரத²மஸ்யாத்⁴யாயஸ்ய ஸ்பஷ்டப்³ரஹ்மலிங்க³ஶ்ருதிஸமந்வயாக்²ய: ப்ரத²ம: பாத³: ॥