அநுபபத்தேஸ்து ந ஶாரீர: ॥ 3 ॥
பூர்வேண ஸூத்ரேண ப்³ரஹ்மணி விவக்ஷிதாநாம் கு³ணாநாமுபபத்திருக்தா । அநேந ஶாரீரே தேஷாமநுபபத்திருச்யதே । துஶப்³தோ³(அ)வதா⁴ரணார்த²: । ப்³ரஹ்மைவோக்தேந ந்யாயேந மநோமயத்வாதி³கு³ணம்; ந து ஶாரீரோ ஜீவோ மநோமயத்வாதி³கு³ண:; யத்காரணம் — ‘ஸத்யஸங்கல்ப:’ ‘ஆகாஶாத்மா’ ‘அவாகீ’ ‘அநாத³ர:’ ‘ஜ்யாயாந்ப்ருதி²வ்யா:’ இதி சைவம்ஜாதீயகா கு³ணா ந ஶாரீரே ஆஞ்ஜஸ்யேநோபபத்³யந்தே । ஶாரீர இதி ஶரீரே ப⁴வ இத்யர்த²: । நந்வீஶ்வரோ(அ)பி ஶரீரே ப⁴வதி । ஸத்யம் , ஶரீரே ப⁴வதி; ந து ஶரீர ஏவ ப⁴வதி; ‘ஜ்யாயாந்ப்ருதி²வ்யா ஜ்யாயாநந்தரிக்ஷாத்’ ‘ஆகாஶவத்ஸர்வக³தஶ்ச நித்ய:’ (ஶத. ப்³ரா. 10 । 6 । 3 । 2) இதி ச வ்யாபித்வஶ்ரவணாத் । ஜீவஸ்து ஶரீர ஏவ ப⁴வதி, தஸ்ய போ⁴கா³தி⁴ஷ்டா²நாச்ச²ரீராத³ந்யத்ர வ்ருத்த்யபா⁴வாத் ॥ 3 ॥