ஸ்தா²நாதி³வ்யபதே³ஶாச்ச ।
ஆஶங்கோத்தரமித³ம் ஸூத்ரம் ।
ஆஶங்காமாஹ -
கத²ம் புநரிதி ।
ஸ்தா²நிநோ ஹி ஸ்தா²நம் மஹத்³த்³ருஷ்டம், யதா² யாத³ஸாமப்³தி⁴: । தத்கத²மத்யல்பம் சக்ஷுரதி⁴ஷ்டா²நம் பரமாத்மந: பரமமஹத இதி ஶங்கார்த²: ।
பரிஹரதி -
அத்ரோச்யத இதி ।
ஸ்தா²நாந்யாத³யோ யேஷாம் தே ஸ்தா²நாத³யோ நாமரூபப்ரகராஸ்தேஷாம் வ்யபதே³ஶாத்ஸர்வக³தஸ்யைகஸ்தா²நநியமோ நாவகல்பதே । நது நாநாஸ்தா²நத்வம் நப⁴ஸ இவ நாநாஸூசீபாஶாதி³ஸ்தா²நத்வம் । விஶேஷதஸ்து ப்³ரஹ்மணஸ்தாநி தாந்யுபாஸநாஸ்தா²நாநீதி தைரஸ்ய யுக்தோ வ்யபதே³ஶ: ॥ 14 ॥