ப்³ரஹ்மஸூத்ரபா⁴ஷ்யம்
ப்ரத²மோ(அ)த்⁴யாய:த்³விதீய: பாத³:
பூர்வப்ருஷ்ட²ம்      உத்தரப்ருஷ்ட²ம்
பா⁴மதீவ்யாக்²யா
 
ஶ்ருதோபநிஷத்கக³த்யபி⁴தா⁴நாச்ச ॥ 16 ॥
இதஶ்சாக்ஷிஸ்தா²ந: புருஷ: பரமேஶ்வர:, யஸ்மாச்ச்²ருதோபநிஷத்கஸ்ய ஶ்ருதரஹஸ்யவிஜ்ஞாநஸ்ய ப்³ரஹ்மவிதோ³ யா க³திர்தே³வயாநாக்²யா ப்ரஸித்³தா⁴ ஶ்ருதௌ — ‘அதோ²த்தரேண தபஸா ப்³ரஹ்மசர்யேண ஶ்ரத்³த⁴யா வித்³யயாத்மாநமந்விஷ்யாதி³த்யமபி⁴ஜயந்தே । ஏதத்³வை ப்ராணாநாமாயதநமேதத³ம்ருதமப⁴யமேதத்பராயணமேதஸ்மாந்ந புநராவர்தந்தே’ (ப்ர. உ. 1 । 10) இதி, ஸ்ம்ருதாவபி — ‘அக்³நிர்ஜ்யோதிரஹ: ஶுக்ல: ஷண்மாஸா உத்தராயணம் । தத்ர ப்ரயாதா க³ச்ச²ந்தி ப்³ரஹ்ம ப்³ரஹ்மவிதோ³ ஜநா:’ (ப⁴. கீ³. 8 । 24) இதி, ஸைவேஹாக்ஷிபுருஷவிதோ³(அ)பி⁴தீ⁴யமாநா த்³ருஶ்யதே । ‘அத² யது³ சைவாஸ்மிஞ்ச²வ்யம் குர்வந்தி யதி³ ச நார்சிஷமேவாபி⁴ஸம்ப⁴வந்தி’ இத்யுபக்ரம்ய ‘ஆதி³த்யாச்சந்த்³ரமஸம் சந்த்³ரமஸோ வித்³யுதம் தத்புருஷோ(அ)மாநவ: ஸ ஏநாந்ப்³ரஹ்ம க³மயத்யேஷ தே³வபதோ² ப்³ரஹ்மபத² ஏதேந ப்ரதிபத்³யமாநா இமம் மாநவமாவர்தம் நாவர்தந்தே’ (சா². உ. 4 । 15 । 5) இதி । ததி³ஹ ப்³ரஹ்மவித்³விஷயயா ப்ரஸித்³த⁴யா க³த்யா அக்ஷிஸ்தா²நஸ்ய ப்³ரஹ்மத்வம் நிஶ்சீயதே ॥ 16 ॥

தத³நேநோபாக்²யாநவ்யாக்²யாநேந

ஶ்ருதோபநிஷத்கக³த்யபி⁴தா⁴நாச்ச

இத்யபி ஸூத்ரம் வ்யாக்²யாதம் ॥ 16 ॥