अद्वैतशारदा | दक्षिणाम्नाय श्रीशारदापीठम्, शृङ्गेरी

அந்யபா⁴வவ்யாவ்ருத்தேஶ்ச ॥ 12 ॥

அந்யபா⁴வவ்யாவ்ருத்தேஶ்ச காரணாத்³ப்³ரஹ்மைவாக்ஷரஶப்³த³வாச்யம் , தஸ்யைவாம்ப³ராந்தத்⁴ருதி: கர்ம, நாந்யஸ்ய கஸ்யசித் । கிமித³ம் அந்யபா⁴வவ்யாவ்ருத்தேரிதி ? அந்யஸ்ய பா⁴வோ(அ)ந்யபா⁴வ: தஸ்மாத்³வ்யாவ்ருத்தி: அந்யபா⁴வவ்யாவ்ருத்திரிதி । ஏதது³க்தம் ப⁴வதி — யத³ந்யத்³ப்³ரஹ்மணோ(அ)க்ஷரஶப்³த³வாச்யமிஹாஶங்க்யதே தத்³பா⁴வாத் இத³மம்ப³ராந்தவிதா⁴ரணமக்ஷரம் வ்யாவர்தயதி ஶ்ருதி: — ‘தத்³வா ஏதத³க்ஷரம் கா³ர்கி³ அத்³ருஷ்டம் த்³ரஷ்ட்ரு அஶ்ருதம் ஶ்ரோத்ரு அமதம் மந்த்ரு அவிஜ்ஞாதம் விஜ்ஞாத்ரு’ (ப்³ரு. உ. 3 । 8 । 11) இதி । தத்ராத்³ருஷ்டத்வாதி³வ்யபதே³ஶ: ப்ரதா⁴நஸ்யாபி ஸம்ப⁴வதி । த்³ரஷ்ட்ருத்வாதி³வ்யபதே³ஶஸ்து ந ஸம்ப⁴வதி, அசேதநத்வாத் । ததா² ‘நாந்யத³தோ(அ)ஸ்தி த்³ரஷ்ட்ரு, நாந்யத³தோ(அ)ஸ்தி ஶ்ரோத்ரு, நாந்யத³தோ(அ)ஸ்தி மந்த்ரு, நாந்யத³தோ(அ)ஸ்தி விஜ்ஞாத்ரு’ இத்யாத்மபே⁴த³ப்ரதிஷேதா⁴த் , ந ஶாரீரஸ்யாப்யுபாதி⁴மதோ(அ)க்ஷரஶப்³த³வாச்யத்வம்; ‘அசக்ஷுஷ்கமஶ்ரோத்ரமவாக³மந:’ (ப்³ரு. உ. 3 । 8 । 8) இதி சோபாதி⁴மத்தாப்ரதிஷேதா⁴த் । ந ஹி நிருபாதி⁴க: ஶாரீரோ நாம ப⁴வதி । தஸ்மாத்பரமேவ ப்³ரஹ்மாக்ஷரமிதி நிஶ்சய: ॥ 12 ॥

அந்யபா⁴வவ்யாவ்ருத்தேஶ்ச ; ததே²தி ; அசக்ஷுஷ்கமிதி ;

அந்யபா⁴வவ்யாவ்ருத்தேஶ்ச ।

அம்ப³ராந்தவித⁴ரணஸ்யாக்ஷரஸ்யேஶ்வராக³த்³யத³ந்யத்³வர்ணா வா ப்ரதா⁴நம் வாவ்யாக்ருதம் வா தேஷாமந்யேஷாம் பா⁴வோ(அ)ந்யபா⁴வஸ்தமத்யந்தம் வ்யாவர்தயதி ஶ்ருதி: - “தத்³வா ஏதத³க்ஷரம் கா³ர்கி³”(ப்³ரு. உ. 3 । 8 । 11) இத்யாதி³கா ।

அநேநைவ ஸூத்ரேண ஜீவஸ்யாப்யக்ஷரதா நிஷித்³தே⁴த்யத ஆஹ -

ததே²தி ।

'நாந்யத்” இத்யாதி³கயா ஹி ஶ்ருத்யாத்மபே⁴த³: ப்ரதிஷித்⁴யதே । ததா² சோபாதி⁴பே⁴தா³த்³பி⁴ந்நா ஜீவா நிஷித்³தா⁴ ப⁴வந்த்யபே⁴தா³பி⁴தா⁴நாதி³த்யர்த²: ।

இதோ(அ)பி ந ஶாரீரஸ்யாக்ஷரஶப்³த³தேத்யாஹ -

அசக்ஷுஷ்கமிதி ।

அக்ஷரஸ்ய சக்ஷுராத்³யுபாதி⁴ம் வாரயந்தீ ஶ்ருதிரௌபாதி⁴கஸ்ய ஜீவஸ்யாக்ஷரதாம் நிஷேத⁴தீத்யர்த²: । தஸ்மாத்³வர்ணப்ரதா⁴நாவ்யாக்ருதஜீவாநாமஸம்ப⁴வாத் , ஸம்ப⁴வாச்ச பரமாத்மந:, பரமாத்மைவாக்ஷரமிதி ஸித்³த⁴ம் ॥ 12 ॥