ததி³த³முக்தம் -

ந சாத்ர ஜீவக⁴நஶப்³தே³ந ப்ரக்ருதோ(அ)பி⁴த்⁴யாதவ்ய: பர: புருஷ: பராம்ருஶ்யதே ।

கிந்து ஜீவக⁴நாத்பராத்பரோ யோ த்⁴யாதவ்யோ த்³ரஷ்டவ்யஶ்ச தமேவ கத²யிதும் ஜீவக⁴நோ ஜீவ: । கி²ல்யபா⁴வமுபாதி⁴வஶாதா³பந்ந: ஸ உச்யதே । “ஸ ஸாமபி⁴ருந்நீயதே ப்³ரஹ்மலோகம்”(ப்ர. உ. 5 । 5) இத்யநந்தரவாக்யநிர்தி³ஷ்டோ ப்³ரஹ்மலோகோ வா ஜீவக⁴ந: । ஸ ஹி ஸமஸ்தகரணாத்மந: ஸூத்ராத்மநோ ஹிரண்யக³ர்ப⁴ஸ்ய ப⁴க³வதோ நிவாஸபூ⁴மிதயா கரணபரிவ்ருதாநாம் ஜீவாநாம் ஸங்கா⁴த இதி ப⁴வதி ஜீவக⁴ந: । ததே³வம் த்ரிமாத்ரோங்காராயதநம் பரமேவ ப்³ரஹ்மோபாஸ்யம் । அத ஏவ சாஸ்ய தே³ஶவிஶேஷாதி⁴க³தி: ப²லமுபாதி⁴மத்த்வாத் , க்ரமேண ச ஸம்யக்³த³ர்ஶநோத்பத்தௌ முக்தி: । “ப்³ரஹ்ம வேத³ ப்³ரஹ்மைவ ப⁴வதி”(மு. உ. 3 । 2 । 9) இதி து நிருபாதி⁴ப்³ரஹ்மவேத³நவிஷயா ஶ்ருதி: । அபரம் து ப்³ரஹ்மைகைகமாத்ராயதநமுபாஸ்யமிதி மந்தவ்யம் ॥ 13 ॥