ப்³ரஹ்மஸூத்ரபா⁴ஷ்யம்
ப்ரத²மோ(அ)த்⁴யாய:த்ருதீய: பாத³:
பூர்வப்ருஷ்ட²ம்      உத்தரப்ருஷ்ட²ம்
பா⁴மதீவ்யாக்²யா
 
க³திஶப்³தா³ப்⁴யாம் ததா² ஹி த்³ருஷ்டம் லிங்க³ம் ச ॥ 15 ॥
த³ஹர: பரமேஶ்வர உத்தரேப்⁴யோ ஹேதுப்⁴ய இத்யுக்தம் । த ஏவோத்தரே ஹேதவ இதா³நீம் ப்ரபஞ்ச்யந்தே । இதஶ்ச பரமேஶ்வர ஏவ த³ஹர:; யஸ்மாத்³த³ஹரவாக்யஶேஷே பரமேஶ்வரஸ்யைவ ப்ரதிபாத³கௌ க³திஶப்³தௌ³ ப⁴வத: — ‘இமா: ஸர்வா: ப்ரஜா அஹரஹர்க³ச்ச²ந்த்ய ஏதம் ப்³ரஹ்மலோகம் ந விந்த³ந்தி’ (சா². உ. 8 । 3 । 2) இதி । தத்ர ப்ரக்ருதம் த³ஹரம் ப்³ரஹ்மலோகஶப்³தே³நாபி⁴தா⁴ய தத்³விஷயா க³தி: ப்ரஜாஶப்³த³வாச்யாநாம் ஜீவாநாமபி⁴தீ⁴யமாநா த³ஹரஸ்ய ப்³ரஹ்மதாம் க³மயதி । ததா² ஹ்யஹரஹர்ஜீவாநாம் ஸுஷுப்தாவஸ்தா²யாம் ப்³ரஹ்மவிஷயம் க³மநம் த்³ருஷ்டம் ஶ்ருத்யந்தரே — ‘ஸதா ஸோம்ய ததா³ ஸம்பந்நோ ப⁴வதி’ (சா². உ. 6 । 8 । 1) இத்யேவமாதௌ³ । லோகே(அ)பி கில கா³ட⁴ம் ஸுஷுப்தமாசக்ஷதே ‘ப்³ரஹ்மீபூ⁴தோ ப்³ரஹ்மதாம் க³த:’ இதி । ததா² ப்³ரஹ்மலோகஶப்³தோ³(அ)பி ப்ரக்ருதே த³ஹரே ப்ரயுஜ்யமாநோ ஜீவபூ⁴தாகாஶஶங்காம் நிவர்தயந்ப்³ரஹ்மதாமஸ்ய க³மயதி । நநு கமலாஸநலோகமபி ப்³ரஹ்மலோகஶப்³தோ³ க³மயேத் । க³மயேத்³யதி³ ப்³ரஹ்மணோ லோக இதி ஷஷ்டீ²ஸமாஸவ்ருத்த்யா வ்யுத்பாத்³யேத । ஸாமாநாதி⁴கரண்யவ்ருத்த்யா து வ்யுத்பாத்³யமாநோ ப்³ரஹ்மைவ லோகோ ப்³ரஹ்மலோக இதி பரமேவ ப்³ரஹ்ம க³மயிஷ்யதி । ஏததே³வ சாஹரஹர்ப்³ரஹ்மலோகக³மநம் த்³ருஷ்டம் ப்³ரஹ்மலோகஶப்³த³ஸ்ய ஸாமாநாதி⁴கரண்யவ்ருத்திபரிக்³ரஹே லிங்க³ம் । ந ஹ்யஹரஹரிமா: ப்ரஜா: கார்யப்³ரஹ்மலோகம் ஸத்யலோகாக்²யம் க³ச்ச²ந்தீதி ஶக்யம் கல்பயிதும் ॥ 15 ॥

க³திஶப்³தா³ப்⁴யாம் ததா²ஹி த்³ருஷ்டம் லிங்க³ம் ச ।

உத்தரேப்⁴ய இத்யஸ்ய ப்ரபஞ்ச: ஏதமேவ த³ஹராகாஶம் ப்ரக்ரம்ய ப³தாஹோ கஷ்டமித³ம் வர்ததே ஜந்தூநாம் தத்த்வாவபோ³த⁴விகலாநாம், யதே³பி⁴: ஸ்வாதீ⁴நமபி ப்³ரஹ்ம ந ப்ராப்யதே । தத்³யதா² சிரந்தநநிரூட⁴நிபி³ட³மலபிஹிதாநாம் கலதௌ⁴தஶகலாநாம் பதி² பதிதாநாமுபர்யுபரி ஸஞ்சரத்³பி⁴ரபி பாந்தை²ர்த⁴நாயத்³பி⁴ர்க்³ராவக²ண்ட³நிவஹவிப்⁴ரமேணைதாநி நோபாதி³யந்த இத்யபி⁴ஸந்தி⁴மதீ ஸாத்³பு⁴தமிவ ஸகே²த³மிவ ஶ்ருத: ப்ரவர்ததே - “இமா: ஸர்வா: ப்ரஜா அஹரஹர்க³ச்ச²ந்த்ய ஏதம் ப்³ரஹ்மலோகம் ந விந்த³ந்தி”(சா². உ. 8 । 3 । 2) இதி । ஸ்வாபகாலே ஹி ஸர்வ ஏவாயம் வித்³வாநவித்³வாம்ஶ்ச ஜீவலோகோ ஹ்ருத்புண்ட³ரீகாஶ்ரயம் த³ஹராகாஶாக்²யம் ப்³ரஹ்மலோகம் ப்ராப்தோ(அ)ப்யநாத்³யவித்³யாதம: படலபிஹிதத்³ருஷ்டிதயா ப்³ரஹ்மபூ⁴யமாபந்நோ(அ)ஹமஸ்மீதி ந வேத³ । ஸோ(அ)யம் ப்³ரஹ்மலோகஶப்³த³ஸ்தத்³க³திஶ்ச ப்ரத்யஹம் ஜீவலோகஸ்ய த³ஹராகாஶஸ்யைவ ப்³ரஹ்மரூபலோகதாமாஹது: ।

ததே³ததா³ஹ பா⁴ஷ்யகார: -

இதஶ்ச பரமேஶ்வர ஏவ த³ஹரோ யஸ்மாத்³த³ஹரவாக்யஶேஷ இதி ।

தத³நேந க³திஶப்³தௌ³ வ்யாக்²யாதௌ ।

'ததா²ஹி த்³ருஷ்டம்” இதி ஸூத்ராவயவம் வ்யாசஷ்டே -

ததா²ஹ்யஹரஹர்ஜீவாநாமிதி ।

வேதே³ ச லோகே ச த்³ருஷ்டம் । யத்³யபி ஸுஷுப்தஸ்ய ப்³ரஹ்மபா⁴வே லௌகிகம் ந ப்ரமாணாந்தரமஸ்தி, ததா²பி வைதி³கீமேவ ப்ரஸித்³தி⁴ம் ஸ்தா²பயிதுமுச்யதே, ஈத்³ருஶீ நாமேயம் வைதி³கீ ப்ரஸித்³தி⁴ர்யல்லோகே(அ)பி கீ³யத இதி । யதா² ஶ்ருத்யந்தரே யதா² ச லோகே ததே²ஹ ப்³ரஹ்மலோகஶப்³தோ³(அ)பீதி யோஜநா ।

'லிங்க³ம் ச” இதி ஸூத்ராவயவவ்யாக்²யாநம் சோத்³யமுகே²நாவதாரயதி -

நநு கமலாஸநலோகமபீதி ।

பரிஹரதி -

க³மயேத்³யதி³ ப்³ரஹ்மணோ லோக இதி ।

அத்ர தாவந்நிஷாத³ஸ்த²பதிந்யாயேந ஷஷ்டீ²ஸமாஸாத்கர்மதா⁴ரயோ ப³லீயாநிதி ஸ்தி²தமேவ, ததா²பீஹ ஷஷ்டீ²ஸமாஸநிராகரணேந கர்மதா⁴ரயஸமாஸஸ்தா²பநாய லிங்க³மப்யதி⁴கமஸ்தீதி தத³ப்யுக்தம் ஸூத்ரகாரேண । ததா²ஹி - லோகவேத³ப்ரஸித்³தா⁴ஹரஹர்ப்³ரஹ்மலோகப்ராப்த்யபி⁴தா⁴நமேவ லிங்க³ம் கமலாஸநலோகப்ராப்தேர்விபக்ஷாத³ஸம்ப⁴வாத்³வ்யாவர்தமாநம் ஷஷ்டீ²ஸமாஸாஶங்காம் வ்யாவர்தயத்³த³ஹராகாஶப்ராப்தாவேவாவதிஷ்ட²தே, நச த³ஹராகாஶோ ப்³ரஹ்மணோ லோக: கிந்து தத்³ப்³ரஹ்மேதி ப்³ரஹ்ம ச தல்லோகஶ்சேதி கர்மதா⁴ரய: ஸித்³தோ⁴ ப⁴வதி । லோக்யத இதி லோக: । ஹ்ருத்புண்ட³ரீகஸ்த²: க²ல்வயம் லோக்யதே । யத்க²லு புண்ட³ரீகஸ்த²மந்த:கரணம் தஸ்மிந்விஶுத்³தே⁴ ப்ரத்யாஹ்ருதேதரகரணாநாம் யோகி³நாம் நிர்மல இவோத³கே சந்த்³ரமஸோ பி³ம்ப³மதிஸ்வச்ச²ம் சைதந்யம் ஜ்யோதி:ஸ்வரூபம் ப்³ரஹ்மாவலோக்யத இதி ॥ 15 ॥