பா⁴வம் து பா³த³ராயணோ(அ)ஸ்தி ஹி ॥ 33 ॥
யத³ப்யுக்தம் ‘ஜ்யோதிஷி பா⁴வாச்ச’ இதி, அத்ர ப்³ரூம: — ஜ்யோதிராதி³விஷயா அபி ஆதி³த்யாத³யோ தே³வதாவசநா: ஶப்³தா³ஶ்சேதநாவந்தமைஶ்வர்யாத்³யுபேதம் தம் தம் தே³வதாத்மாநம் ஸமர்பயந்தி, மந்த்ரார்த²வாதா³தி³ஷு ததா² வ்யவஹாராத் । அஸ்தி ஹ்யைஶ்வர்யயோகா³த்³தே³வதாநாம் ஜ்யோதிராத்³யாத்மபி⁴ஶ்சாவஸ்தா²தும் யதே²ஷ்டம் ச தம் தம் விக்³ரஹம் க்³ரஹீதும் ஸாமர்த்²யம் । ததா² ஹி ஶ்ரூயதே ஸுப்³ரஹ்மண்யார்த²வாதே³ — ‘மேதா⁴திதே²ர்மேஷேதி — மேதா⁴திதி²ம் ஹ காண்வாயநமிந்த்³ரோ மேஷோ பூ⁴த்வா ஜஹார’ (ஷட்³விம்ஶ. ப்³ரா. 1 । 1) இதி । ஸ்மர்யதே ச — ‘ஆதி³த்ய: புருஷோ பூ⁴த்வா குந்தீமுபஜகா³ம ஹ’ இதி । ம்ருதா³தி³ஷ்வபி சேதநா அதி⁴ஷ்டா²தாரோ(அ)ப்⁴யுபக³ம்யந்தே; ‘ம்ருத³ப்³ரவீத்’ ‘ஆபோ(அ)ப்³ருவந்’ இத்யாதி³த³ர்ஶநாத் । ஜ்யோதிராதே³ஸ்து பூ⁴ததா⁴தோராதி³த்யாதி³ஷ்வசேதநத்வமப்⁴யுபக³ம்யதே । சேதநாஸ்த்வதி⁴ஷ்டா²தாரோ தே³வதாத்மாநோ மந்த்ரார்த²வாதா³தி³ஷு வ்யவஹாராதி³த்யுக்தம் ॥