ப்³ரஹ்மஸூத்ரபா⁴ஷ்யம்
ப்ரத²மோ(அ)த்⁴யாய:சதுர்த²: பாத³:
பூர்வப்ருஷ்ட²ம்      உத்தரப்ருஷ்ட²ம்
பா⁴மதீவ்யாக்²யா
 
ஜ்யோதிருபக்ரமா து ததா² ஹ்யதீ⁴யத ஏகே ॥ 9 ॥
பரமேஶ்வராது³த்பந்நா ஜ்யோதி:ப்ரமுகா² தேஜோப³ந்நலக்ஷணா சதுர்வித⁴ஸ்ய பூ⁴தக்³ராமஸ்ய ப்ரக்ருதிபூ⁴தேயமஜா ப்ரதிபத்தவ்யா । துஶப்³தோ³(அ)வதா⁴ரணார்த²: — பூ⁴தத்ரயலக்ஷணைவேயமஜா விஜ்ஞேயா, ந கு³ணத்ரயலக்ஷணா । கஸ்மாத் ? ததா² ஹ்யேகே ஶாகி²நஸ்தேஜோப³ந்நாநாம் பரமேஶ்வராது³த்பத்திமாம்நாய தேஷாமேவ ரோஹிதாதி³ரூபதாமாமநந்தி — ‘யத³க்³நே ரோஹிதம் ரூபம் தேஜஸஸ்தத்³ரூபம் யச்சு²க்லம் தத³பாம் யத்க்ருஷ்ணம் தத³ந்நஸ்ய’ இதி । தாந்யேவேஹ தேஜோப³ந்நாநி ப்ரத்யபி⁴ஜ்ஞாயந்தே, ரோஹிதாதி³ஶப்³த³ஸாமாந்யாத் , ரோஹிதாதீ³நாம் ச ஶப்³தா³நாம் ரூபவிஶேஷேஷு முக்²யத்வாத்³பா⁴க்தத்வாச்ச கு³ணவிஷயத்வஸ்ய । அஸந்தி³க்³தே⁴ந ச ஸந்தி³க்³த⁴ஸ்ய நிக³மநம் ந்யாய்யம் மந்யந்தே । ததே²ஹாபி ‘ப்³ரஹ்மவாதி³நோ வத³ந்தி । கிங்காரணம் ப்³ரஹ்ம’ (ஶ்வே. உ. 1 । 1) இத்யுபக்ரம்ய ‘தே த்⁴யாநயோகா³நுக³தா அபஶ்யந்தே³வாத்மஶக்திம் ஸ்வகு³ணைர்நிகூ³டா⁴ம்’ (ஶ்வே. உ. 1 । 3) இதி பாரமேஶ்வர்யா: ஶக்தே: ஸமஸ்தஜக³த்³விதா⁴யிந்யா வாக்யோபக்ரமே(அ)வக³மாத் । வாக்யஶேஷே(அ)பி ‘மாயாம் து ப்ரக்ருதிம் வித்³யாந்மாயிநம் து மஹேஶ்வரம்’ இதி ‘யோ யோநிம் யோநிமதி⁴திஷ்ட²த்யேக:’ (ஶ்வே. உ. 4 । 11) இதி ச தஸ்யா ஏவாவக³மாந்ந ஸ்வதந்த்ரா காசித்ப்ரக்ருதி: ப்ரதா⁴நம் நாமாஜாமந்த்ரேணாம்நாயத இதி ஶக்யதே வக்தும் । ப்ரகரணாத்து ஸைவ தை³வீ ஶக்திரவ்யாக்ருதநாமரூபா நாமரூபயோ: ப்ராக³வஸ்தா² அநேநாபி மந்த்ரேணாம்நாயத இத்யுச்யதே । தஸ்யாஶ்ச ஸ்வவிகாரவிஷயேண த்ரைரூப்யேண த்ரைரூப்யமுக்தம் ॥ 9 ॥

உத்தரஸூத்ரமவதாரயிதும் ஶங்கதே -

தத்ர த்வித³ம் தச்சி²ர இதி ।

ஸூத்ரமவதாரயதி -

அத்ர ப்³ரூம: । ஜ்யோதிருபக்ரமா து ததா² ஹ்யதீ⁴யத ஏகே ।

ஸர்வஶாகா²ப்ரத்யயமேகம் ப்³ரஹ்மேதி ஸ்தி²தௌ ஶாகா²ந்தரோக்தரோஹிதாதி³கு³ணயோகி³நீ தேஜோ(அ)ப³ந்நலக்ஷணா ஜராயுஜாண்ட³ஜஸ்வேத³ஜோத்³பி⁴ஜ்ஜசதுர்வித⁴பூ⁴தக்³ராமப்ரக்ருதிபூ⁴தேயமஜா ப்ரதிபத்தவ்யா, “ரோஹிதஶுக்லக்ருஷ்ணாம்” (ஶ்வே. உ. 4 । 5) இதி ரோஹிதாதி³ரூபதயா தஸ்யா ஏவ ப்ரத்யபி⁴ஜ்ஞாநாத் । ந து ஸாங்க்²யபரிகல்பிதா ப்ரக்ருதி: । தஸ்யா அப்ராமாணிகதயா ஶ்ருதஹாந்யஶ்ருதகல்பநாப்ரஸங்கா³த் , ரஞ்ஜநாதி³நா ச ரோஹிதாத்³யுபசாரஸ்ய ஸதி முக்²யார்த²ஸம்ப⁴வே(அ)யோகா³த் ।

ததி³த³முக்தம் -

ரோஹிதாதீ³நாம் ஶப்³தா³நாமிதி ।

அஜாபத³ஸ்ய ச ஸமுதா³யப்ரஸித்³தி⁴பரித்யாகே³ந ந ஜாயத இத்யவயவப்ரஸித்³த்⁴யாஶ்ரயணே தோ³ஷப்ரஸங்கா³த் । அத்ர து ரூபககல்பநாயாம் ஸமுதா³யப்ரஸித்³தே⁴ரேவாநபேக்ஷாயா: ஸ்வீகாராத் ।

அபி சாயமபி ஶ்ருதிகலாபோ(அ)ஸ்மத்³த³ர்ஶநாநுகு³ணோ ந ஸாங்க்²யஸ்ம்ருத்யநுகு³ண இத்யாஹ -

ததே²ஹாபீதி ।

கிம் காரணம் ப்³ரஹ்மேத்யுபக்ரம்யேதி ।

ப்³ரஹ்மஸ்வரூபம் தாவஜ்ஜக³த்காரணம் ந ப⁴வதி, விஶுத்³த⁴த்வாத்தஸ்ய । யதா²ஹு: - “புருஷஸ்ய து ஶுத்³த⁴ஸ்ய நாஶுத்³தா⁴ விக்ருதிர்ப⁴வேத்” இத்யாஶயவதீவ ஶ்ருதி: ப்ருச்ச²தி । கிங்காரணம் । யஸ்ய ப்³ரஹ்மணோ ஜக³து³த்பத்திஸ்தத்கிங்காரணம் ப்³ரஹ்மேத்யர்த²: । தே ப்³ரஹ்மவிதோ³ த்⁴யாநயோகே³நாத்மாநம் க³தா: ப்ராப்தா அபஶ்யந்நிதி யோஜநா ।

யோ யோநிம் யோநிமிதி ।

அவித்³யா ஶக்திர்யோநி:, ஸா ச ப்ரதிஜீவம் நாநேத்யுக்தமதோ வீப்ஸோபபந்நா । ஶேஷமதிரோஹிதார்த²ம் ॥ 9 ॥