दहरस्य परत्वे हेत्वन्तरम् —

प्रसिद्धेश्चेति ।

चकारार्थमाह —

इतश्चेति ।

इतःशब्दार्थं स्फुटयति —

यदिति ।

नास्ति लौकिकी प्रसिद्धिरिति श्रौतीं प्रसिद्धिमाह —

आकाश इति ।

‘यदेष आकाश आनन्दो न स्यात् ‘ इति ग्रहीतुमादिपदम् ।

ब्रह्मण्याकाशशब्दप्रसिद्ध्युक्त्या जीवपक्षोऽपि निरस्त इत्याह —

जीवे त्विति ।

क्वचिल्लोके वेदे चेत्यर्थः ।

तर्हि लोकवेदप्रसिद्धेर्भूताकाशो गृह्यतां, नेत्याह —

भूतेति ॥ १७ ॥