यद्वा पञ्चपदार्थवादिनि निरस्ते चतुर्व्यूहवादिनं निरस्यति -

उत्पत्तीति ।

वृत्तमनूद्याधिकरणतात्पर्यमाह -

येषामिति ।

अधिकरणारम्भमाक्षिपति -

नन्विति ।

तथापि भागवती स्मृतिरप्रमाणत्वादनादर्तव्येति वक्तुमधिकरणमित्याशङ्क्याह -

श्रुतीति ।

तत्प्रामाण्ये फलितमाह -

तदिति ।

वेदाविरुद्धांशमुपेत्य विरुद्धांशनिरासायाधिकरणमित्याह -

उच्यत इति ।

समानत्वादित्यत्र श्रुतिस्मृत्योरिति शेषः ।