सूत्रस्थां प्रतिज्ञां योजयति -

अस्मादिति ।

तत्र प्रमाणं पृच्छति -

कुत इति ।

सूत्रावयवेनोत्तरमाह -

शब्दादित्याहेति ।

प्रमाणं विवृणोति -

तथा हीत्यादिना ।

सगुणब्रह्मज्ञानस्यापि स्वातन्त्र्येण पुमर्थहेतुतेति वक्तुं तद्विषयां श्रुतिमाह -

य आत्मेति ।

निर्गुणविद्याविषयं वाक्यान्तरमाह -

आत्मेति ।

उक्तश्रुतिषु विद्याफलयोः साध्यसाधनत्वं न भातीत्याशङ्क्य तयोरेकपुरुषसम्बन्धसामर्थ्यादेव तद्धीरित्याशयेनाह -

केवलाया इति ॥ १ ॥