अधिकोपदेशादित्यत्रात्मनोऽशनायाद्यत्ययात्तद्धीर्न कर्माङ्गमित्युक्तम् । इदानीमशेषक्रियादिविभागोपमर्दकत्वादपि न कर्माङ्गमित्याह -

उपमर्दं चेति ।

इतश्चात्मधीर्न कर्माङ्गमिति चकारार्थमाह -

अपिचेति ।

हेत्वन्तरं स्फोरयति -

कर्मेति ।

विद्यासामर्थ्यात्प्रपञ्चोपमर्दे फलितमाह -

वेदान्तेति ।

आत्मज्ञानस्यादीयमानक्रत्वङ्गविरोधित्वे फलितं निगमयति -

तस्मादिति ॥ १६ ॥