ननु यद्यासंसारविमोक्षात्तेजआदिभूतसूक्ष्ममुक्तलक्षणमविष्ठते किमिति तर्हि देहान्निर्गच्छदस्माभिर्नोपलभ्यते किमिति वा मूर्तान्तरैर्न प्रतिहन्यते तत्राह -
सूक्ष्ममिति ।
स्वरूपसौक्ष्म्यसमुच्चयार्थश्चकार इत्यङ्गीकृत्य व्याचष्टे -
तच्चेति ।
उपलब्धेरित्येतद्व्याकरोति -
तथाहीति ।
परिमाणतः सौक्षम्याङ्गीकारे लाभं दर्शयति -
तत्रेति ।
स्वरूपतस्तदङ्गीकारे लाभमाह -
स्वच्छत्वादिति ।
उभयविधत्वादेवानुपलब्धिरपि सिद्धेत्याह -
अत इति ॥ ९ ॥