सूत्रमुत्तरम् । तद्व्याख्याति
इन्द्र इति ।
जन्मान्तरकृतश्रवणादिना अस्मिञ्जन्मनि स्वतःसिद्धं दर्शनमार्षम् । विज्ञेयेन्द्रस्तुत्यर्थ उपन्यासो न चेत्कथं तर्हि स इति पृच्छति
कथमिति ।
ब्रह्मज्ञानस्तुत्यर्थः स इत्याह
विज्ञानेति ।
नियामकं ब्रूते
यदिति ।
परेण ।
'तस्य मे' इत्यादिना वाक्येनेत्यन्वयः ।
स्तुतिमाह
एतदुक्तमिति ।
तस्माज्ज्ञानं श्रेष्ठमिति शेषः ।
स्तुतज्ञानविषय इन्द्र इत्यत आह
विज्ञेयं त्विति ॥ ३० ॥