अद्वैतशारदा | दक्षिणाम्नाय श्रीशारदापीठम्, शृङ्गेरी

ಸಾ ವಾ ಏಷಾ ದೇವತೈತಾಸಾಂ ದೇವತಾನಾಂ ಪಾಪ್ಮಾನಂ ಮೃತ್ಯುಮಪಹತ್ಯಾಥೈನಾ ಮೃತ್ಯುಮತ್ಯವಹತ್ ॥ ೧೧ ॥

ಸಾ ವಾ ಏಷಾ ದೇವತಾ — ತದೇತತ್ಪ್ರಾಣಾತ್ಮಜ್ಞಾನಕರ್ಮಫಲಂ ವಾಗಾದೀನಾಮಗ್ನ್ಯಾದ್ಯಾತ್ಮತ್ವಮುಚ್ಯತೇ । ಅಥೈನಾ ಮೃತ್ಯುಮತ್ಯವಹತ್ — ಯಸ್ಮಾದಾಧ್ಯಾತ್ಮಿಕಪರಿಚ್ಛೇದಕರಃ ಪಾಪ್ಮಾ ಮೃತ್ಯುಃ ಪ್ರಾಣಾತ್ಮವಿಜ್ಞಾನೇನಾಪಹತಃ, ತಸ್ಮಾತ್ಸ ಪ್ರಾಣೋಽಪಹಂತಾ ಪಾಪ್ಮನೋ ಮೃತ್ಯೋಃ ; ತಸ್ಮಾತ್ಸ ಏವ ಪ್ರಾಣಃ, ಏನಾ ವಾಗಾದಿದೇವತಾಃ, ಪ್ರಕೃತಂ ಪಾಪ್ಮಾನಂ ಮೃತ್ಯುಮ್ , ಅತೀತ್ಯ ಅವಹತ್ ಪ್ರಾಪಯತ್ ಸ್ವಂ ಸ್ವಮಪರಿಚ್ಛಿನ್ನಮಗ್ನ್ಯಾದಿದೇವತಾತ್ಮರೂಪಮ್ ॥

ಸಾ ವಾ ಏಷೇತಿ ; ಯಸ್ಮಾದಿತಿ ; ತಸ್ಮಾತ್ಸ ಏವೇತಿ ॥೧೧॥ ;

ದ್ವಿವಿಧಮುಪಾಸ್ತಿಫಲಂ ಪಾಪಹಾನಿರ್ದೇವತಾಭಾವಶ್ಚ । ತತ್ರ ಪಾಪಹಾನಿಮುಪದಿಶತಾ ಪ್ರಾಸಂಗಿಕಃ, ಸಾಧಾರಣೋ ನಿಷೇಧೋ ದರ್ಶಿತಃ । ಸಂಪ್ರತಿ ದೇವತಾಭಾವಂ ವಕ್ತುಮುತ್ತರವಾಕ್ಯಮಿತಿ ಪ್ರತೀಕೋಪಾದಾನಪೂರ್ವಕಮಾಹ —

ಸಾ ವಾ ಏಷೇತಿ ।

ಅಥಶಬ್ದಾವದ್ಯೋತಿತಮರ್ಥಂ ಕಥಯತಿ —

ಯಸ್ಮಾದಿತಿ ।

ಪಾಪ್ಮಾಪಹಂತೃತ್ವಮನೂದ್ಯಾವಶಿಷ್ಟಂ ಭಾಗಂ ವ್ಯಾಚಷ್ಟೇ —

ತಸ್ಮಾತ್ಸ ಏವೇತಿ ॥೧೧॥