సా వా ఎషా దేవతా — తదేతత్ప్రాణాత్మజ్ఞానకర్మఫలం వాగాదీనామగ్న్యాద్యాత్మత్వముచ్యతే । అథైనా మృత్యుమత్యవహత్ — యస్మాదాధ్యాత్మికపరిచ్ఛేదకరః పాప్మా మృత్యుః ప్రాణాత్మవిజ్ఞానేనాపహతః, తస్మాత్స ప్రాణోఽపహన్తా పాప్మనో మృత్యోః ; తస్మాత్స ఎవ ప్రాణః, ఎనా వాగాదిదేవతాః, ప్రకృతం పాప్మానం మృత్యుమ్ , అతీత్య అవహత్ ప్రాపయత్ స్వం స్వమపరిచ్ఛిన్నమగ్న్యాదిదేవతాత్మరూపమ్ ॥