ವಾಗಾದೀನಾಮಗ್ನ್ಯಾದಿದೇವತಾತ್ವಪ್ರಾಪ್ತಾವುಪಾಸಕಸ್ಯ ಕಿಮಾಯಾತಂ ನ ಹಿ ತದೇವ ತಸ್ಯ ಫಲಮಿತ್ಯಾಶಂಕ್ಯಾಽಽಹ —

ಯಥೇತಿ ।

ದೇವತಾತ್ವಪ್ರತಿಬಂಧಕಾನ್ಪಾಪ್ಮನಃ ಸರ್ವಾನಪೋಹ್ಯೋಕ್ತವರ್ತ್ಮನಾ ವಾಗಾದೀನಾಮುಪಾಸಕೋಪಾಧಿಭೂತಾನಾಮಗ್ನ್ಯಾದಿದೇವತಾಪ್ತ್ಯೈವ ಸೋಽಪಿ ಸದಾ ಪ್ರಾಣಮಾತ್ಮತ್ವೇನ ಧ್ಯಾಯನ್ಭಾವನಾಬಲಾದ್ವೈರಾಜಂ ಪದಂ ಪೂರ್ವಯಜಮಾನವದಾಪ್ನೋತೀತಿ ಭಾವಃ ।

ಕಸ್ಯೇದಂ ಫಲಮಿತ್ಯಾಕಾಂಕ್ಷಾಯಾಮುಪಾಸಕಂ ವಿಶಿನಷ್ಟಿ —

ಯೋ ವಾಗಾದೀತಿ ।

ಉಕ್ತೋಪಾಸನಸ್ಯ ಪ್ರಾಗುಕ್ತಂ ಫಲಮನುಗುಣಮಿತ್ಯತ್ರ ಮಾನಮಾಹ —

ತಂ ಯಥೇತಿ ॥೧೬॥