அதா²த்மநே । யதா² வாகா³தி³பி⁴ராத்மார்த²மாகா³நம் க்ருதம் ; ததா² முக்²யோ(அ)பி ப்ராண: ஸர்வப்ராணஸாதா⁴ரணம் ப்ராஜாபத்யப²லமாகா³நம் க்ருத்வா த்ரிஷு பவமாநேஷு, அத² அநந்தரம் ஶிஷ்டேஷு நவஸு ஸ்தோத்ரேஷு, ஆத்மநே ஆத்மார்த²ம் , அந்நாத்³யம் அந்நம் ச ததா³த்³யம் ச அந்நாத்³யம் , ஆகா³யத் । கர்து: காமஸம்யோகோ³ வாசநிக இத்யுக்தம் । கத²ம் புநஸ்தத³ந்நாத்³யம் ப்ராணேநாத்மார்த²மாகீ³தமிதி க³ம்யத இத்யத்ர ஹேதுமாஹ — யத்கிஞ்சேதி — ஸாமாந்யாந்நமாத்ரபராமர்ஶார்த²: ; ஹீதி ஹேதௌ ; யஸ்மால்லோகே ப்ராணிபி⁴ர்யத்கிஞ்சித³ந்நமத்³யதே ப⁴க்ஷ்யதே தத³நேநைவ ப்ராணேநைவ ; அந இதி ப்ராணஸ்யாக்²யா ப்ரஸித்³தா⁴ ; அந: ஶப்³த³: ஸாந்த: ஶகடவாசீ, யஸ்த்வந்ய: ஸ்வராந்த: ஸ ப்ராணபர்யாய: ; ப்ராணேநைவ தத³த்³யத இத்யர்த²: ; கிஞ்ச, ந கேவலம் ப்ராணேநாத்³யத ஏவாந்நாத்³யம் , தஸ்மிஞ்ஶரீராகாரபரிணதே(அ)ந்நாத்³யே இஹ, ப்ரதிதிஷ்ட²தி ப்ராண: ; தஸ்மாத்ப்ராணேநாத்மந: ப்ரதிஷ்டா²ர்த²மாகீ³தமந்நாத்³யம் । யத³பி ப்ராணேநாந்நாத³நம் தத³பி ப்ராணஸ்ய ப்ரதிஷ்டா²ர்த²மேவேதி ந வாகா³தி³ஷ்விவ கல்யாணாஸங்க³ஜபாப்மஸம்ப⁴வ: ப்ராணே(அ)ஸ்தி ॥