బృహస్పత్యాదిధర్మకం ప్రాణోపాసనం వక్తుం వాక్యాన్తరమవతారయతి —

ఎష ఇతి ।

తస్య విధాన్తరేణ తాత్పర్యామాహ —

న కేవలమితి ।

కార్యం స్థూలశరీరం ప్రత్యక్షతో నిరూప్యమాణం రూపాత్మకం కరణం చ జ్ఞానక్రియాశక్తిమత్కర్మభూతం తయోరాత్మా ప్రాణ ఇత్యుక్త్వా నామరాశేరపి తథేతి వక్తుం కణ్డికాచతుష్టయమిత్యర్థః ।

కిమితి ప్రాణస్యాఽఽత్మత్వేన సర్వాత్మత్వోక్త్యా స్తుతిరిత్యాశఙ్క్యాఽఽహ —

ఉపాస్యత్వాయేతి ।

ఉశబ్దోఽప్యర్థో బృహస్పతిశబ్దాదుపరి సంబధ్యతే ।