ஸாம்நோ கு³ணாந்தரமவதாரயதி —
அதே²தி ।
தர்ஹி புநருக்தி: ஸ்யாத்தத்ரா(அ)(அ)ஹ —
ஏதாவாநிதி ।
லாக்ஷணிகம் கண்ட்²யோ(அ)யம் வர்ணோ த³ந்த்யோ(அ)யமிதி லக்ஷணஜ்ஞாநபூர்வகம் ஸுஷ்டு² வர்ணோச்சாரணம் மமைவ ஸாமஶப்³தி³தப்ராணபூ⁴தஸ்ய த⁴நமிதி யாவத் ।
லாக்ஷணிகஸௌஸ்வர்யகு³ணவத்ப்ராணவிஜ்ஞாநவதோ யதோ²க்தப²லலாபே⁴ ஹேதுமாஹ —
ஸுவர்ணஶப்³தே³தி ।
வாக்யார்த²மாஹ —
லௌகிகமேவேதி ।
ப²லேந ப்ரலோப்⁴யாபி⁴முகீ²க்ருத்ய கிம் தத்ஸுவர்ணமிதி ஶுஶ்ரூஷவே ப்³ரூதே —
தஸ்யேதி ।
கு³ணவிஜ்ஞாநப²லமுபஸம்ஹரதி —
ப⁴வதீதி ।
ஸாம்நஸ்தச்ச²ப்³த³வாச்யஸ்ய ப்ராணஸ்ய ஸ்வரூபபூ⁴தஸ்யேதி யாவத் ॥26॥