యద్యపి మన్వాదిసృష్టిరేవోక్తా తథాపి సర్వా సృష్టిరుక్తైవేతి సిద్ధవత్కృత్యాఽఽహ —

స ప్రజాపతిరితి ।

అవగతిం ప్రశ్నపూర్వకం విశదయతి —

కథమిత్యాదినా ।

కథం సృష్టిరస్మీత్యవధార్యతే కర్తృక్రియయోరేకత్వాయోగాదిత్యాశఙ్క్యాఽఽహ —

సృజ్యత ఇతీతి ।

పదార్థముక్త్వా వాక్యార్థమాహ —

యన్మయేతి ।

జగచ్ఛబ్దాదుపరి తచ్ఛబ్దమధ్యాహృత్యాహమేవ తదస్మీతి సంబన్ధః ।

తత్ర హేతుమాహ —

మదభేదత్వాదితి ।

ఎవకారార్థమాహ —

నేతి ।

మదభేదత్వాదిత్యుక్తమాక్షిప్య సమాధత్తే —

కుత ఇత్యాదినా ।

న హి సృష్టం స్రష్టురర్థాన్తరం తస్యైవ తేన తేన మాయావివదవస్థానాదిత్యర్థః ।

తతః సృష్టిరిత్యాది వ్యాచష్టే —

యస్మాదితి ।

కిమర్థం స్రష్టురేషా విభూతిరుపదిష్టేత్యాశఙ్క్యాఽఽహ —

సృష్ట్యామితి ।

జగతి భవతీతి సంబన్ధః ।

వాక్యార్థమాహ —

ప్రజాపతివదితి ॥౫॥