அர்த²வாத³ஸ்த²ம் லிங்க³ம் ந ப்ரகரணாத்³ப³லவதி³தி மத்வா ஸமாத⁴த்தே —
நேத்யாதி³நா ।
ஸ்துதிமேவ ஸ்பஷ்டயதி —
ஸ்வஸ்மாதே³வேதி ।
லோகாஜ்ஜ்ஞாதாதி³தி ஶேஷ: ।
யதா² சா²ந்தோ³க்³யே ஸ்துத்யர்த²மாத்மந: ஸ்ரஷ்ட்ருத்வமுச்யதே ததா²(அ)த்ராப்யாத்மலோகம் ஸ்தோதுமேதத்ப²லவசநமித்யாஹ —
ஆத்மத இதி ।
ப⁴வது வா மா பூ⁴த³ஸ்மாத்³த்⁴யேவேத்யாதி³ரர்த²வாத³ஸ்ததா²(அ)பி தஸ்ய ஸர்வாத்மத்வப்ரத³ர்ஶநார்த²த்வாத்³யுக்தமத்ர லோகஶப்³தே³ந பரமாத்மக்³ரஹணமித்யாஹ —
ஸர்வாத்மேதி ।
தஸ்மாத்தத்ஸர்வமப⁴வதி³தி வாக்யம் த்³ருஷ்டாந்தயதி —
பூர்வவதி³தி ।
கிஞ்சா(அ)(அ)த்மஶப்³த³ஸ்ய த்ரிதா⁴பரிச்சே²த³ஶூந்யார்த²வாசிதாயா யச்சா(அ)(அ)ப்நோதீத்யாதி³ந்யாயேந ஸித்³த⁴த்வாத்தத்ஸமாநாதி⁴கரணலோகஶப்³த³ஸ்யாபி தத³ர்த²த்வாத்பரஸ்யைவாத்ர லோகத்வமித்யாஹ —
யதி³ ஹீதி ।
கிஞ்ச யதி³ லோகஶப்³தே³ந பரம் ஹித்வா(அ)ர்தா²ந்தரமுச்யதே ததா³ ஸவிஶேஷணம் வாக்யம் ஸ்யாத³ந்யதா² ஸ்வம் லோகமிதி ப்ரக்ருதபரமாத்மலோகஸ்ய த்வத்பக்ஷே(அ)ந்தரோக்தப்³ரஹ்மலோகஸ்ய ச வ்யாவ்ருத்த்யயோகா³த் । ந சாத்ர ஸவிஶேஷணம் வாக்யம் த்³ருஷ்டமத: ஸ்வம் லோகமிதி ப்ரக்ருத: பரமாத்மைவாத்ராபி லோக இத்யாஹ —
அந்யதே²தி ।
விஶேஷணம் விநைவாஸ்மாதி³த்யத்ர பராபராப்⁴யாமர்தா²ந்தரம் கிம் ந ஸ்யாதி³த்யாஶங்க்யா(அ)(அ)ஹ —
ந ஹீதி ।
ஸ்வம் லோகமிதி ப்ரக்ருதே பரமாத்மந்யாத்மாநமேவேதி விஶேஷிதே சாவ்யாக்ருதாக்²யா பராபராப்⁴யாமந்தராலாவஸ்தா² ந ப்ரதிபத்தும் ஶக்யதே தஸ்யா: ஶ்ருதத்வாபா⁴வாதி³த்யர்த²: ॥15॥